بصوت. مسلم المطيري

شيعي ابقه وموالي الكل يعرفوني

كلمات الشاعر
موسى البديري

كل القلوب الى الحسين تميل
بصوت. مسلم المطيري و ابو حسن العگيلي، في دار الشاعر الكبير، المرحوم الشيخ عبدالأمير، الكعبي
سنة 2018

رايحه العباس اگله ايجيبلي الماي
هذا اخوي المايردني إوذخر دنياي
،،،،،،،،،،،،،،
وين صايود الشريعه إيطرهه ويفوت
إزغار بخيامي عطاشه إوتندب إبصوت
عمه والله العطش مرنه طحنه بالموت
إو صار يا عمه إلمثلنه الموت منعوت

والله ياعمه الاعادي ما كفت من هاي
إو خاف همه إيتمونه إيخوف إلجاي
،،،،،،،،،،،،،،
شايله إهمومي الثگيله إعتيگ وجديد
شافني إو حالن تبسم وإگبل العيد
إو صاح حياها العقيله مني شتريد
إچفوفي اقدمهن هديه إوياهن إوريد

خويه ياخويه إجيتك وانته رجواي
گوم جيب الماي يالله ها يمنواي
،،،،،،،،،،،،،،
طول عمري إوكل حياتي ماشفت شين
لان كلك خويه نخوه إو تارس إلعين
أسد وآنه أختك عرفتك ياسند لحسين
گوم شو روي العطاشه إبهاي إلايدين

انت انت إوماكو غيرك انت سلواي
اقسم إبأم البنين الوگفت إوياوي
،،،،،،،،،،،،،،،،
الله وكبر  من ظلم هايه الجيوش
إلما خطتنا إسهامهه خطره إو تنوش
يالله خويه إتنكه حط روس إبنعوش
صول خل دفانهه إيلم إو يطوش

خويه دمعات الهضم ظلن وراي
إوهل اجيتك آنه زينب لا سواي
،،،،،،،،،،،،،،،
✍حيدر ناصر شداد
الاثنين8/5/2023

بصوت. مسلم المطيري

رايحه العباس، اگله ايجيبلي، الماي

كلمات الشاعر
حيدر، ناصر شداد

السيده زينب (ع) في ليلة الوحشه تنظر نحو النجف بانتظار قدوم كفيل ثاني
....................................
اليطيح بشده بس يصيح
( احضر يا علي ) تحضر
شعجب زينب بهذا الليل
وحدها وما وصل حيدر
————————-
اليطيح بشده بس ينخاك
يابو حسين متردّه
بنتك يا علي هليوم
زينب طايحه بشده
ابباب الخيمه علأيتام
حدما يطلع صبح گعده
يوميه سويه (ام عون)
گلبها والفجر ينطر
.............................
بين النجف يابو حسين
وخيمه بنتك شويه
وانا متانيه وكل ساع
اگول لوالدي جيه
على دربك زرعت العين
هسا يمر گلت بيه
وانشد روحي من ما جيت
شعجب شو والدي تأخر
...............................
ياهو يصيح (يابو الغوث)
يابو الغوث متعوفه
وانا اليوم اريد اوياي
تاخذ ضعني للكوفه
الكسرت سيوفه ذاك اليوم
رد وطلع سيوفه
والذليته بصفين
رد اگبالي يتبختر
..............................
بطلعتها علي النسوان
لازم محرم اوياها
شعجب محرم بنيتك جيش
بويه شلون ترضاها
الچانت تمشي وي اسباع
هسا الدهر خلاها
بين المو زلم تمشي
وبكل خطوه تتحسر
........................
استحى من دون ادين يگوم
ظل علنهر كافلها
شلون بلا كفيل تروح
أنته اليوم تكفلها
مدللها چنت واليوم
هم لازم تدللها
عذر الأبو ما مقبول
ما أرضاها تتعذر

الشاعر شاطي المالكي
..........................

بصوت. مسلم المطيري

اليطيح بشده بس، ايصيح

كلمات الشاعر
شاطي المالكي

كعديه للأمام العباس ع

حي أنه واحميج.    ياهواليصل ليج
بهاي الصواوين.        أمني النساوين
                يختي العقيله
                               :::::::::::
ترخص  اودع العيله ورايته ترف بيمينه
شافته زينب ونادت هله بحماي الضعينه
هله بروح امي  الزجيه ياهله بليث العرينه
كاللها بعيوني الخدر
                    لتهمج جيوش الكفر
من يمج شحدة اليمر
                أي وحق حيدر ولينه
   فنهم يكربون.   لوانه بالكون
لا لا. تهمين       بيه انتي تدرين
                راعي الثكيله
                يختي العقيله
                      ::::::::::::::::::
صاحت اعرف يابوفاضل ونته رايح للنهر
تكلب اليمنه عل يسرة وعسكر يدور المفر
والي مايخطيه جفك جنه داخل في سقر
جنك أبوي بهيبتك.  وبالكنطرة اعرف صولتك
ماتثني وحدة ضربتك  والنعم منك ياكمر
بس ارد اوصيك.       لاتمشي خليك
عندي وصيه.              من امي الزجيه
                 أمري الكفيله

                 يختي العقيله
                       ::::::::::::::::::
أمي وصتني وصايا ومن ظمنها اوصيه ليك
راح اسولفلج تكلي وأول وصيتها بيك
بوكت يوجعها ضلعها تبجي وتسلم عليك
مخلوق انته وبالسمه  وامي بوجودك عالمه
شكللتلي أمي فاطمه كالت انقبل أديك
هذا هوا واليج.         بالطف يحاميج
من بعد  لحسين.       واليوفي الدين
                 همج أزيله
               يختي العقيله
                       :::::::::::::::::::::
توادعو والعين تجري جنه الوداع الأخير وبقة محتارة العقيله موقف هوايه خطير
هجم عباس وتشوفه روس من جفه تطير
خضب الغبرة بالدمه.   رغم العطش رغم الظمه  صاحو رجع حامي الحمه
ماله بالعسكر نضير
كثرة ويشردون.      شحدهم يكربون
وينضرله لحسين.    لازمها صوبين
                    ماكومثيله
                  يختي العقيله
                        ::::::::::::
ترس من النهر جودة وماشرب راعي اللوا
شال بيدة الماي جفه مانسى حسين ورما
شلون ينسى حسين كالو يجري الحسين بدما
كالو ذكر لمن برد.   وهوا الأجه لجل الوعد
اقسم ولا ناسيه أبد.  أي وحق رب السما
ماناسي هيهات.           لجل الخدر مات
ونطاله جفين.             وياها عينين

                   لله بسبيله
                 يختي العقيله
                          ::::::::::::
بالغدر صوبو يمينه وبالغدر طاح الفحل
أسمع شكال ابوفاضل من نزل بيه الاجل
خل اموت ويبقى جودي أي وحق خير العمل
وحسين اجاله بياوضع  مثل أمه حانيه الضلع  وغرك بوجناته الدمع   أوجها اخو مملي خجل
خليني ارجاك         ماارجع وياك
واعدت العيال.       والرجعه ياحال
                  مهدود حيله
                يختي العقيله
                          ::::::::::
رجع بس شلون رجعه حسين مكسور الضهر
شافته اخته العقيله جاي من صوب النهر
ها يابوالسجاد كلي  وين عباس الكمر

كاللها أمشي الخيمته. طيح عمدها شافته
وحسين أخوها حظنته. يرجع هواي اعتذر
  كلي ارجع شلون.       لاجف وله عيون
  والوعد ماصار.          شنطيهم  اعذار
                  بعدي المعيله
                  يختي العقيله
                     :::::::::::::::::::::::
تمت بعون الله تعالى
خادم خدام العترة ع
علي داود المياحي
تاريخ الكتابه 2024/4/4

گعدية بصوت. مسلم المطيري

حي انه واحميچ

كلمات الشاعر
علي داود المياحي

بصوت. مسلم المطيري

٩٧٨- على قبر الحسين (ع)

اعله گبرك ما ابطل النوح وتراك
وعيني اتشــوفـك تمنيت وتراك
سبونه اعداك سبيت روم وتراك
ولا راعــــــــو بخت سيد البريه

✍ فراس المحمداوي

لـو ياسيـدي تسمـح      ردت ابعالمك اسرح
من التل الى المذبح
 حسين
 
***
 
مــن رخــصتك خــاف سالـفــتي ملح
وخاف اطــيح اعـلـيك يالكــلك جرح
بطاري عاشورك عشت خشــبه اللسان
لچــن يابــو اليــمه مــو خـــشبة رمح
 
الصورة شيبك الدامي      اتطيح اعيوني گدامي
طاري الطف لمن افتح
حسين
 
***
بـحيره واگــف علــى التــل وانـتظر
هــناك ويــه الخــيل اجه منك عطر
والي ابالي حسين بس لا هوى صار
وصـــدرك بخـــيل ال اميــه مـنكسر
 
المرن بيه اضن عشره   احوافرهن اشو حمره
ودمك يمكن الينضح
حسين
 
***
الـخيل غارت چان مگـصدها الخيم
ويـاوســافــه بالخــيم بـس الــحرم
وزينبك شبچت العشره على الراس
وبقــت تصــرخ وينكم يــهل الرحم
 
خيمات الخدر تلهب    ومحد يفزع الزينب
وخدها من البجي اتجرح
حسين
 
***
سارح بفكـــري وگعــدت اگــبالك
اجروح گلبك يوجعنك لو اعيالك
السلــب زينــب مـوتــك يابوعلي
لـــو الســالب قطــعه مــن دلالك
 
ولا ما أسئل اتريث    عن اصواب المثلث
الحد ما الصوره تتوضح
حسين
 
***
 
ما تكفــي دمـــعتـــي الاجـــريها
ســالــفة كربــله مــــن اطـــريها
ياحــزن هــذا اليكفـيني علــيك
وجثتـــك ويه الثـــره مسـاويها
 
ياهيبة جمال الله      الحافر منك شخله
حيره عنك اشأشرح
حسين
 
***
هايــم  وماخذني هـــول المنـظر
بــكثر مامشـــدوه بـالـــي اتــعثر
شفــت بــيك جروح ما تتسـولف
جسمك امن النـزف صايـر اصفر
 
الحر امغير ارسومك    چماله امسلبه اهدومك
صاير للسلب مسرح
حسين
*
حيدر تركي الكربلائي
 
 

بصوت. مسلم المطيري

لو ياسيدي تسمح

كلمات الشاعر
حيدر تركي الكربلائي

بصوت. مسلم المطيري

٩٢٦- مقتل الحسين (ع)

جهنم اُوجــــرت بالكون وصلات
اظن وذّرو جسم حسين وصلات
ضلوعه بخيلهم للخـــيم وصلات
وكل وذره بجهه من الغــــاضريه

✍ فراس المحمداوي

بصوت. مسلم المطيري

نعي للعليله ع
 

اون والدار بويه تــــــــون   لـــوني
غصن چني وتصاويـــــــرك   لـــوني
الحادي من حده بضعـــــنك    لـــوني
متت وهواي اشوالي المنــــــــيه
،،،،
جرح گلبي توضـــــــــه   يم مصلاك
بعد هيهات ماظـــــــــن  يوم اصلاك
اسولف ضيم گلــــــــبي   يم مصلاك
لحد ما ينحب المحراب اليــــــــــــه
 ،،،،،
 انچوه گلبي وفرح وكتي   بــچـه وياي
ابچ بفراگم مــامــــــن   بـــچه وياي
بچيت ومهد عـــــبد الله  بــــچه وياي
وتلاگن دمعتي ودمعه ســـــــــــويه

،،،،،
حده الحادي برچايبهــــــــم    وماتان
اعجزن للگومه رجــــــــليه    وماتان
الف لجمه بوسط گلــــــبي     وماتان
جروح وكلهن أيسعــــــــــرن عليــه
،،،،،

لخادم الحسين ع
#محمد  #الفهداوي

للعليله ع

يالرايح بهذا الظعن  وياك اخذ تابوتك
إشبيها هيه كربله  چنك تروح الموتك
چم مره صوبي تلتفت   من دمعتك كلشي اعرفت
چنك تروح الموتك
****
ياوالدي كلشي اتضح  كلشي يدل عن الخطر
إليرحل وناوي يرد  ما تنزف دموعه حمر
عني گبل هم سافرت  وچان الوداع ابمختصر
وزادك قليل بروحتك  هل مره شو مايك كثر

منتظرك اهناك العطش  والهل سبب كثريته
مو بس على ظهر الابل  حتى المهد حمليته
يعطش اخوي اتأكدت  من دمعتك كلشي اعرفت
چنك تروح الموتك
****
يا بويه گلبي منلچم  ما حاجه تحچيلي ابد
اول علامات الذبح  بانت لمن مهرك گعد
إصعدته تقره البسمله  يصهل وحس گلبه انمرد
من فوگه يدري بكربله  يوگع عله اترايبها خد

من يدخل بصدرك سهم  بي تنشغل چفينك
تالي تطيح اعله الارض  تتسند اعله جبينك
ياهو العينك لو طحت  من دمعتك كلشي اعرفت
چنك تروح الموتك
****
كلشي اشوفه بناظرك  والوانك الوان الحزن
هيكل صرت من الالم  يم هودج ارقيه تون
يل ماخذ اختي بهالسفر  شمعناها تحضنها حضن
اتصعدها بس مالك گلب  وشفتك تصد اعله الاذن

خايف عليها هل كثر  چا المن اموديها
اختي بسبيها تنضرب  تتسلب انا ادريها
ويايه تبقه مقبلت  من دمعتك كلشي اعرفت
چنك تروح الموتك
****
ما كاسر اگليبي الهجر  وانته ارفضتلي مطلبي
الكاسرلي گلبي عمتي  اتحمّل يبويه بالعبي
ها چم عبايه تحترگ  وچم خيمه يحرگها اجنبي
هاي العظيمه ام الخدر   معقوله باچر تنسبي

هواي العبي ويجري الدمع  والكافل ايصعدها
چن الچفوف مگطعه  بزنوده ظل يسندها
حرمه انسبت عدنه شوكت  من دمعتك كلشي اعرفت
چنك تروح الموتك
****
عندي سؤال بخاطري  ماخذ حصيره اليا سبب
اتصلي عليها بالدرب ؟  لو تستراح امن التعب
شو صوب الاكبر ناظرك  وبيك النفس حيل انسحب
چن تدري يتوذر علي  وموته اعله عيناك انكتب

يابس لسانه وينذبح  يا حسرتي ايوذرونه
وانته وبو فاضل ركض  بالمصرع اتلمونه
يا ريت انه گبله متت  من دمعتك كلشي اعرفت
چنك تروح الموتك
****
مأتم انصبه بروحتك  من هسه اقره الفاتحه
بس اول اقراها الي  تذبحني والله النايحه
ملچ المنيه مستعد  يابويه مرني البارحه
گتله اخذ روحي بعجل  ويه الاهل ما رايحه

گِلي اعيش اليا سبب  عمري شنو من دونك
تسوه الحياة ودنيتي  بس نظره من اعيونك
حيل انا هسه اتعذبت  من دمعتك كلشي اعرفت
چنك تروح الموتك
****

الشاعر اياد الديراوي

بصوت. مسلم المطيري

يالرايح بهذا الظعن وياك اخذ، تابوتك

كلمات الشاعر
اياد الديراوي

((يالصادق متت))


نار ..
بيك اتوجرت .. روحك فرفرت حيل
نار ..
يالصادق متت .. لمـــن صيحت خيل
صــــوره وتنطبع
براسك چم ضلع ... نار نار
                      
"""""""""""""""""""""""""""""""""""''''''''''

جرحك أشكبره
ودمعتك حـمره
منين ماتنضر عيونك غاضريه
حزنك الـــدايم
صحت ياجاسم
دمعتك ترسم ضعن مابي رقيه

رمله من ردت عاتبت حتى التراب
راح أهلهلك مـــــن تمر زفةّ شباب

راح ..
امك بالمحن .. هايبن الحسن عود
راح ..
جمر ويستعر .. وثـــياب العمر سود
جفــــنك بالدمع
براسك چم ضلع ... نار نار
                      
"""""""""""""""""""""""""""""""""""''''''''''

يوم من حرگو
بيتـــــك وأذو
گلبك المابي فرح بس المصيبه
اتذكرت حاله
بيهـــــا خياله
بيها نــــار الخيمه وتنادي غريبه

دمعتةّ عيونك سيدي نار الطفوف
تقــــرا لطميه النهر وين الچفـوف

ناح ..
عمي ياگمر ... ليش اعله النهر ليش
ناح ..
هدو عالخيم .. يـــاعمي وألم جيش
صياح ونـــــسمع
براسك چم ضلع ... نار نار
                      
"""""""""""""""""""""""""""""""""""''''''''''

روحك بهيمه 
لوعتك خيمه
ليش تركض جَسدت حال العليله
صحت عافوني
اهلي خــــلوني
راح اضل بغــــــربتي مثل العقيله

تصيح تركوني الضعن نـــاوي المسير
وياكم اخذوني افرش ارموشي حصير

وين ..
بالك سيدي .. ضـعن وبالحدي صار
وين ..
توگف تنتچي .. ماكافي البچي الحار
حزن وينجـــــمع
براسك چم ضلع ... نار نار
                      
"""""""""""""""""""""""""""""""""""''''''''''

صحت يحسيني
ماتــمل عيـــــني
فرض دمعاتك مثل فرض العباده
ماتمل روحي
من يمذبوحي
هاي سبعيني بــــواچي من الولاده

دمعي الك وشل كل وكت ياجد انوح
وعمري الك خلص ياجرح فوگ الجروح

آخ ..
يومك ياجرح .. ياجــــدي ورمح فوگ
آخ ..
انضر حسرتي .. تچوي دمعتي الشوگ
انته بــــــيا وضع
براسك چم ضلع ... نار نار
                      
"""""""""""""""""""""""""""""""""""''''''''''

لا تلـــوموني
من تحاچوني
ياهو عماته على الهزل سبايه
حگي لو انحب
عمتــــي زينب
ضلت اتغطي رقـــيه بالعبايه

طبت بديوان عمتي وبـــديها الحبال
ولاذت النسوان بيها من عين الرجال

ناس ..
مابيهم أبي .. ويــرحم بالسبي وين
ناس ..
شام وبي بله .. وتبچي العايله عين
نار وبالـــــــشمع
براسك چم ضلع ... نار نار
                     

عبد زينب
محمد الابراهيمي

بصوت. مسلم المطيري

نار... بيك توجرت
روحك فرفرت حيل

كلمات الشاعر
محمد الابراهيمي

مشي العله اضهور الهزل ياعمه ياذينه
وحر الشمس وكت الظهر ياعمه يجوينه
لاعدنه عم نشكيله .. ولا عدنه ابو نمشيله
يعمه .. يعمه .. يعمه .. يعمه
___
السفر كلش يتعب والطريق ابعيد
عطاشا احنه ونشرب ماي هم نريد
الماي المن بعد عباس ابد ميفيد
وقرينه حسين ايه بمحكم التجويد

خلف الابو بضهر النعش تهمل مدامعنه
كسرة ظلع مثل الغصن تكسر خواطرنه
فكد الابو ياويله .. ولاعدنه ابو نمشيله
يعمه .. يعمه .. يعمه .. يعمه
____
بعد المن نعيش وذاكه ابونه الراح
والمكتول ابوه كدامه ما يرتاح
صعب كلش يشوفه ابعينه فوك ارماح
الرمح عالي علينه عمه ما يلاح

عالي الرمح يكسر ضهر لو ردنه نوصله
من الالم سجدت شكر يم الكلب صله
واحنه بفخر نوميله .. ولاعدنه ابو ونمشيله
يعمه .. يعمه .. يعمه .. يعمه
_
سفر كلش طويل شبعده باب الشام
ومن حبل الحبل ومحزمينه احزام
واحد فوك واحد صعبه وين انام
لا صيوان عدنه ولا ستر واخيام

ياعمه كفار الدرب من البجي منعونه
كلما حجينه وي الولي فوك المتن ضربونه
واليشتكي يا ويله .. ما عدنه ابو ونمشيله
يعمه .. يعمه .. يعمه .. يعمه
___
تحت ضل الشمس ياعمه كمنه نسير
اليمشي بصحاري الصيف بيه شيصير
الماعده اخوان بوكته حيره ايحير
من يعطش يسير على اليريده الطير

بعد التعب يتاني شكثر بلكت لكاله اميه
لو ينزل اعليها العطش ياوسفة المسبيه
يكون الحمد ترتيله .. لاعدنه ابو ونمشيله
يعمه .. يعمه .. يعمه .. يعمه
___
من ارض الحزن لشام هلماشين
بعد جم يوم نرجع احنه يم حسين
يم كبره ونسولف عمه ضيم البين
نكله اسمع بجينه الفزز الصوبين

باجر نجي ونلكه الكبر  مسدوده بيبانه
بعد الكمر واهل والكمر ياهو ايتلكانه
محد بقى ونحجيله .. لاعدنه ابو نشكيله
يعمه .. يعمه .. يعمه .. يعمه
__
خروج السبايا
خادم الحسين ع
كرار عبد الحسن المحمداوي

بصوت. مسلم المطيري

مشي العله اظهور الهزل ياعمه ياذينه

كلمات الشاعر
كرار عبدالحسن المحمداوي

بصوت. مسلم المطيري

الليالي الجعفريه استشهاد الأمام الصادق عليه السلام

ابوذيه

الحظر مأتمه وخله الدمع (يجره)
ينجح والرسـول اهنــــاك (يجره)
على الصادق جره الما بعد(يجره)
اله طــــــول الدهــر ننصب عزيه


نعي لسان حال الامام الكاظم عليه السلام

كعد يمه ويصــد اعلـيه
وعينه من البچي حمره
لمن شــــــاهد الصــادق
بصــدره اختنگة العبره
شاف بوجهه لون اوداع
ويگـــله العله ما تبــــره
تدنــه يـم ابـــــوه وگال
بعدك گلبي شيصــــبره
شحلات العشره بويه اوياك
عگبك تخرب العشــــره
بنـــاتك شـــرد اجاوبهن
يبويه اگلوبهن جمــــره
ذليـــله ونت المهـــظوم
تســــمع ونت الحــــــره
رد فـــــرح ابنيــــــــاتك
عليك ايجرن الحســــره
بچــه وناداه يوليـــــدي
حالك خاطري يكســره
يلوج وعيــــنه عالكاظم
وخذاه وضمه الصـــدره


+++++++++++++++++

تم بعون الله وبركاة الامام المهدي عج
🧚‍♀✍ام زين العابدين اللامي