بصوت. مسلم المطيري

يا لثارات البقيع

عـليـك بـفـاطـمـه الـزهــره  ..  وبنها
يـمـهـدي اعـلـن ضليمـتـهـم  ..  وبنها
أگــبــور الـهَـلــك شـيّــدهــا  ..  وبنها

وخـلـي انـشـوف مـرقـد للـزچـيــه

*--------------------*----------------*


يـضـل دسـتـور لـلـعـالــم  ..  عـلـمـهـم
ويجي يوم اليرف بالجو  ..   عـلـمـهـم
چـف الـجـسَـر بالسـطـره   .. على امهم

فـجــعـنــه وعـاد يــوم الــغــاضــريــه

*-------------------------*---------------------*

✍خادم الحسين (ع)
الشاعر رعد الجريخي

((محرم يچويني))


محـــرم مو جــرح عابر يچويني
محرم حتى بيت اهـــلي ينسيني
گبل لا تحزن الوادم على الضامي
محــــرم ينـــــــولد بيه ويبچيني

يخلــيني مـثــل مدفون
من ينضر هلــــه يرحون
وي كل چلمه اوزع اوف
متاني يمته ابچي عيون

يالمفزز جرح صاحي يالمشيب ذهن حالي
يـــالملوعني بهــــــلالك يهل تحرگ بدلالي

حسينا وا حسينا
حسينا وا حسينا ...

                """""""""""""""""""""""""""""""""""''''''''''''

ابسط دمعه اذا نزلت يفز جرحي
وأتيه ليلي من ذكراك من صبحي
اشرح والســـــوالف توگف اگبالي
يعني وياك ابد لا مـــانفع شرحي

شيفيد الشرح والنار
ماتعرف اديــن ازغار
ماتعرف رقيه تصيح
النار بخيمتك تــذكار

ياأشرف نبي محروگ بيته واهله فوگ الـنوگ
البرد مامر خيامك السلامه ماخذاها الشوگ

حسينا وا حسينا
حسينا وا حسينا ...

                """""""""""""""""""""""""""""""""""''''''''''''

يـــم بَوآبّــتي تلگه الجــــرح ملچوم
على حسرةْ عيونك ماخذاني النوم
افيضن بالدمه قاروه وكـــت الشوگ
ولو شفتك افيضن عمـري يوم بيوم

اشوفنك شجون يحير
انســـه الكلمه والتعبير
وأرد أذَكر آنــــــه منين
أتيهّ روحي بــــالتدبير

ياأترف ندى اعله الگاع من سحگوك متّ بساع
عاري والخجل أذاك هدمك بالحوافر ضاع

حسينا وا حسينا
حسينا وا حسينا ...
       
                """""""""""""""""""""""""""""""""""''''''''''''

يالحطيت خدك على خدود الحر
وتگـــــلهم سعيد ومـــاگلت قصر
اجيتك والجــــرح وداني للشباچ
اجرنه ويـردني وبدمعــتي ايجر

بحفنةّ مستحه اعله الباب
بفطـــرةّ چلــمةّ الشـــياب
اذا مــــا تـقـتـنـع بــالحال
اقرالك قصـــيده اعـــتاب

اليهضمني ذنب بالروح وتصيح أعليه لا لتروح
وتغطني بعطف ملهوف ماشايف عطف مذبوح

حسينا وا حسينا
حسينا وا حسينا ...

                """""""""""""""""""""""""""""""""""''''''''''''

ارسملك خـــدر والضـعن المرتب
وأشوفنك بدمعك والضهر حدب
النـــوگ البـرگعتها يمنتّ العباس
راحــن والهـــزيله صارت الزينب

الماصاعد ضهر للنــــوگ
مايعرف بمعنى الشــوگ
ومايعرف السوگ شلون
روح انشد الطبن ســوگ

تغــــطت زينب بسكنه تغشن والجرح ونه
الشماته والحرس والناس يم الروس تدنه

حسينا وا حسينا
حسينا وا حسينا ...


عبد زينب
محمد الابراهيمي

بصوت. مسلم المطيري

محرم يچويني

كلمات الشاعر
محمد الابراهيمي

بصوت. مسلم المطيري

صدك بيه المصايب لوج  لاجن
حنن ضهري بكثر ما علي لاجن
ردت اصرخ وصيح بصوت لاجن
خفت شمات تسمع صوت اليه
.
جذب من كال شافولي خيالاي
اشلون اطلع وابو فاضل خيالاي
بضلام اهدعش من اكبل خيالاي
تلكيته وطلع حامي الحميه 
.
.
حسن صالح العيساوي

بصوت. مسلم المطيري

الشاعر حسام البهادلي:


يعباس العدو بعدك... ولوني
وحالي عگبك اتغير... ولوني
اخذوني عصب عنك... ولوني
اضل وياك ماروحن سبيه
___



لاعين البقت عندي... ولاجف
اجرن بالنفس گوه... ولاجف
ماي النهر ما خلص... ولاجف
ولا شرب منه ابن زجيه
___
نسألكم العافيه


✍️ حسام البهادلي

بصوت. مسلم المطيري

#نعي

ضلمه الگبور ابلايه اهلها
بالغربه ضلت محد الها
من ازمان ما واحد وصلها
مو گبه صخره اتصير ضلها

جنها البقه بلا ثوب بالحر
مهدومه جن جسم ابو الاكبر
تشبه خيم محروگ بالبر
ولا زاير اعله اعتابهم مر

ولاجن أئمه بهذا المجان
تشبه جثث ما الها دفان
مطروحه ومغطيتها تربان
كربله بس ما بيها عريان

الماله گبر مجهول قدره
الماله اهل يكضيها حسره
ضلمه الگبره ابوسط صحره
تشبه خرابه بيها اسره

بسام قابل الياسري

راح اگول اجمل مثل
عقلي بجنوني اكتمل
واليحب يفهمها زين
انا مجنون الحسين
««««««»»»»»»»»»»
كلمات الشاعر السيد
عباس الموسوي العگداوي
بصوت. ( مسلم المطيري)
الخميس المصادف
20/7/2023
موكب وهيئة ذو الفقار

بصوت. مسلم المطيري

#ابوذيات

الليالي امــــرار مافد يوم حلت    
اشد بالصبر والحسرات حلت
الـمصايب والنوايب علي حلت   
من شـالو نعش حامي الحميه

ابحضن حيدر احط راسي ونامن
وچنه ابفي علي نلتم ونامن
احسين اعله النعش طايح ونامن     
مشه الكرار سمّوني السبيه

نظل ايتام ياشيعه قدرنه        
وغير الوصي ماواحد قدرنه
اخذتي علي ياليلة قدرنه      
وبچينه ابگد سبايه الغاضريه


علي يااعلم الاحياء والميت   
وتعرف بالنهايه اشوكت والميت
احلفك لو ابظعن السفر والميت
من شارع الطوسي افزع عليه

محمد الجماسي

لليالي الحيدريه استشهاد الإمام الصادق ع

إمـام الجعفــريه يســـــافر الليله
على اغيابه الكاظم منهدم حيله

        (((((((((((((((((((((((((((()))))))))

توادع وي حبــــيبه وهل دمــع عيــــنه
رتفع صوت البچي وضل يجذب اونينه
انسكر واهس حيـــــاته وشـله بسنينيه
وبتشيـــــــيعه جبــــريل النزل شــــاله

                   (((((((((((((((()))

تـرى اعـزاز الـگلـب صعبه البـعُد عـنهـم
والـصـــادق الـليـله احـبــــابه فـراگـهـم
نــده واحـــد بـعــد واحــــد يـودعــهـم
بــدمـعــات وشـــجـن ودع مـداليــــلـه

                ((((((((((((((((()))
           

يـخيـمـتـنـه الـچبــيـره والـمـلاذ الــنــه
نـــاوي تــروح هــاللـيـلــه وتــيـتـمـــنـه
يــا وســفــه الـزمـن بـجـفــاك دوهــنــه
عــم حــزن الــمــوادع عـالــنـبـي وآلــه


               (((((((((((((((((((((()))

يــا صــــوت الـنـواب بـالـحــزن كــبـر
حــلـت فـاجـعـه مـســمـوم ابـن شــبر
ويـن الــطـارش الـيـوصـل لـعد حـيدر
إبـنـهم مـات بـالـسـم ما يحـضــرولــه



               (((((((((((((((((((((()


مـا يـخلـص حـزنـه اولا تـجـف العين
نـتـذكر مصاب الـصادق ابـكـل حـيـن
عـلى هـذا الـنهج لاخـر نـفس بـاقيـن
حــســرات الـفــراگ اهـــواي چــتالـه

                (((((((((((((((((()


الشاعر زين العابدين الزبيدي




ليلة استشهاد الإمام
جعفر الصادق عليه السلام
٢٥ /شوال /١٤٤٥هج

بصوت. مسلم المطيري

إمام الجعفرية يسافر، الليلة

كلمات الشاعر
زين العابدين الزبيدي

بصوت. مسلم المطيري

#ابوذيات

السيده زينب ع تخاطب أخيها الحسين ع

علي ضيم الفراگ شلون     شجراه
ودمع عيني عله الوجنات    شجراه
يخويه اعليه حسره افياي    شجره
الشمس والسوط يتگاون عليه

يخويه حسين گلي شلون   حالاك  
عفتك عالرمل والليل     حالاك    
صدگ گالو وحوش اتحوم  حالاك  
وهيه اشخلّت خيول آل اميه

سيد غالب الرضوي الكربلائي

أبوذيات لأستشهاد الإمام الصادق عليه السلام...

خبر موته اجه  الناعي/يشيعه
مسموم وگضه بحسره/يشيعه
منو للصادق  أيحمله و/يشيعه
ويحفر لحده يم سيد البريه...
★★★★
تهل  أدموعي  للصادق/من أراه
ويشيب كل گلب والله/من يراه
بقه لا گبه  لا حضره  أو / مناره
ولا رايه ترف للجعفريه...
★★★★
أعلى  تربية  النبي وآله /تربه
أو وجه طه أبو الكاظم/ترا به
تمنيت  أعتني وأشتم / ترابه
من أشمه چن أشم الغاضريه...
★★★★
وحگ  إن  مع   العسر  /  ويسرى
مضه السم  بوسط چبده/ويسرى
صفگدت أيميني للصادق/ويسرى
وسكن أرض البقيع بهل مسيه...
★★★★
الإمام  الصادق إيسموا /وسافه
وجرح چبده  فلا يضمد/وشافه
يريت المصطفى ينظره/وشافه
وبناته ينوحن أعليه المسيه...
★★★★★★★★★
الشاعر (أسعد قاسم الگريعاوي)

بصوت. مسلم المطيري

الشاعر اسعد قايم الگريعاوي

السلام على جنه   البقيع

((العاشگ لاتلومه))


العاشگ لاتلومه جروحه ملچومه
مــن يسمع بيوت اعزازه مهدومه
ساكت من يحاچونه
يرســم گـــبه بعيونه ...
                    
"""""""""""""""""""""""""""""""""""''''''''''

صفار الگبه ضاعت كل معــانيها
وباب الحاجه هدمو كل طواريها
ودمـــوع الألم بالحسره يخفـــيها
العنده جروح للحيطان يحچـيها

اذا سولفنه بيكم نستحي هوايه
سكته وشـاهدينه طيحت الرايه
اليحبكم نار تدرونه
يرســم گبه بعــيونه ...
               
"""""""""""""""""""""""""""""""""""''''''''''

الاخرس هم يسولف حچيه تأشيره
واحـــنه الســـــانه مــــاتت تعابيره
العــــش الينهـــدم تتحــير الطيره
لذلك جاي اشوف المهـدي بحيره

سدو بابنه والچـــــلمه محبوسه
وياروحي عشگ ياناس متروسه
گلبي لاتلچمــونه
يرسم گبه بعيونه ...
                  
"""""""""""""""""""""""""""""""""""''''''''''

محروگ الگلب والروح محروگه
وأزور آنه شريفه بدمعه مسـبوگه
واگللها ابـــــــوچ بحسرته وشوگه
واحسنها العزيزه بحسره مخنوگه

بيا حال واصيـح وحالي متردي
بصياح الجذب مايسمع المهدي
المهدي صاير شلونه
يرسم گـــبه بعيــونه ...
                       
"""""""""""""""""""""""""""""""""""''''''''''

متحزم كلامي ومـــاتصح فرصه
علي السجاد ياالشايل الف غصه
كــــون بكــربله وارويلك القصه
چـا نبني مقـــــام شكبره للعصه

يامعــــنى الدمع وگليبك وظيمه
گبرك طاح لمن طاحت الخيمه
يبچي من يسئلونه
يرسم كبه بعيــونه ...
                  
"""""""""""""""""""""""""""""""""""''''''''''

الباقر ياحـــــزن بچفوفك تلمه
بيا دمعةّ حزن للصـــادق تكلمه
دمعكم بي سبي بي چلمة العمه
على ياهزله راكب جرحك بهمه

لطمكم مو على البنيان والطوفه
على زينب لطمكم دخلت الكوفه
جرحكم ماتضمدونه
يرسم گبه بعـــــيونه ...


عبد زينب
محمد الإبراهيمي

بصوت. مسلم المطيري

العاشگ لاتلومه اجروحه ملچومه

كلمات الشاعر
محمد الابراهيمي

شور




رادوني كوه انسه العشك ما اسولف بأسمك بعد
وانته الترافكني  نفس  من شيبتي لحد المهد
انتة التدگ جوة الصدر  ما عندي غيرك اي عشگ
عطرك  على سنيني انچفه  فاح وعلة الرية كعد


شگد اجت ناس بحياتي شگد مشت
وانة ما همني الاجت والما اجت
شما خذاني الشيب اغفه اعله الجروح
وچنها هسة لوعه امصابك بدت


كاتنلي القهر  ....     مابطل دمعاتي ونحيبي
بعيوني سهر   ....    اسهرلك واقرالك حبيبيى
راسملك صور .... يا حرزي وسر شوگي وطبيبي


****

من زغري عايش محترگ گلبي انچوة وبزني السهم 
بس انتة سالفتي الصدك وسوالفي بغيرك وهم
ما عندي غيرك وانجرح بس انتة جرحي بكل وكت
اتذكرك بأول عطش وتگبع بنار الخيم


علية عادة ابچيلك و حالف يمين
ما اعوفن مجلسك درعي الحصين
قبلتي وديني فقط درب العزاء
والتشدلي احزامي هية ام البنين

ناذرلك دمع  ... ما يخلص كل عمري وسنيني
يلعشت برمح  ... وجروحك دلني اعله ديني
ما شفت الصبح ... اسود كلشي يمر اعله عيني
                         
****

رجلية تاخذني الك ما عندي غيرك اي درب
لوما ادگ ضلعي بلطم چا المن يدگ الگلب
رافعلي راسي اعله السمه بس انتة راسك عالرمح
لاحاني چفك من ضعت  تايه جنت بين الغرب


انعم الله اعله الدمع واعله الجراح
بية عاش مصابك وكلشي استباح
اني مو عاشگ اذا يوم اغفه ليل
واني مو زلمة اذا مرة استراح

روحي بمجلسك ... متعودة اعله حرورة لطمتي
بجرة محبسك ... انسة اسمي وكل اهلي وضحكتي
تدري اتنفسك  ... يا مالك وجداني ودمعتي

****

هايم صرت بيك وعشت دين المحب شوگ وسهر
الما لاحه چفك ينسي وزايد يصير اعله البشر
هنيالي چي عاشگ  نحر سواني زلمة من العدم
وي عينك عيوني انطفت  وي الضلع گلبي انكسر


انتة رب جروحي احبك حب هيام
گلبي يرفسلك مثل ذبح الحمام
انتة المخليني اعيش ابهل حياة
والمفيي عليه من في الخيام

ايام السبي ... عيشني يلضايع دلالك
وي حرگ العبي ... احرگني يلمحد بچالك
ما عندك نعش ... وتفرهد بالهيمة حلالك


****

عكس البشر من اختنگ اشتمك وما اشم هوة
جرحك اذا لحظة يمر لجروحي يتفصل دوة
سيد علة ضلوعي صرت انتة الگلب مامش گلب
العايش بظلمة وحزن تفزعلة رازونة ضوة


عايش بخير الله وبگمرة ضواك
انا الامنيته يحصل بس رضاك
مدلي  ايدك  لا تضيعني امنديك
وجهك انطيني ولا تنطي گفاك


عاهدتك عمر  ... يل خيرك تارس ملكه عمري
كل لحظة التمر ...  تسحك خيل الاه عله صدري
عايش بس الك  ... يا نسمة اعله ريه انته تسري


مهند الشاكر

بصوت. مسلم المطيري

رادوني گوه انسه العشگ

كلمات الشاعر
مهند الشاكر

بعيونك دمع.. وبروحك حزن جرحك يغايب
...................

الليل هاي الوادم تخلصه بنفاهه
ونته حته النوم لعيونك جفاهه
روحك ايضل التعب يركض وراهه
اجروحك انته ولابشر يعرف دواهه

كل ليل اليمر.. كبالك تنعرض كل المصايب
بعيونك دمع.. وبروحك حزن جرحك يغايب
......................

الدنيه مافرحت گلبك مره وحده
للفرح باب وتجي بوجهك تسده
انت ذاكه البلمصايب ذاب جبده
والدمع احمر اثر ضل اعله خده

اه بكل وكت.. يلجم بالگلب فگد الحبايب
بعيونك دمع.. وبروحك حزن جرحك يغايب
.......................

بگلبك ادري من تصير المغربيه
بصدرك ايموت النفس من الاذيه
محني ضهرك تگصد الباب الرزيه
وتوكف تنوح الكسر ضلع الزجيه

من كد الهضم.. دلالك صبح يالمهدي ذايب
بعيونك دمع.. وبروحك حزن جرحك يغايب
....................

منين ابدي وياك ياناعي المصيبه
حسين بالطف جثته ضلت سليبه
يجري دمه امن النحر لا والعجيبه
تاخذه الخيل بحوافرهه وتجيبه

وبحر الشمس.. ضل بلا دفن فوك الترايب
بعيونك دمع.. وبروحك حزن جرحك يغايب
.....................

نار باب الزهره كبرت نايباته
واعله زينب حركوا الخيمه الشماته 
ووصلت الصادق يمهدي والبناته
داره حركوهه ويطفيهه بعباته

ويذكر عمّته ..من ضلت وحيده بلا كرايب
بعيونك دمع.. وبروحك حزن جرحك يغايب
.....................

بكل زمن عترة محمد حاربوهه
وانته شاهد يابو صالح مارعوهه
الغرقد گبور اهلك هناك اعتنوهه
مابقت گبه ومناره هدموهه

بس انته الامل.. وگلبك منفجع من النوايب
بعيونك دمع.. وبروحك حزن جرحك يغايب

محمد هادي العقابي

بصوت. مسلم المطيري

بعيونك دمع

كلمات الشاعر
محمد هادي العقابي

شيعي أبقه وموالي الكل يعرفوني

والصادق أمــامي وﮔـــرت أعيوني

***
شيعــي وأفتخــر واليت للعتــره

لن بيهم وصية طــه ابو الزهــره

أواليهم وأظلن لــو ألــف مـــره

أمــوت وأحيا وأنــوبه يفجروني


***

يفجروني ويظل صوتي بفخر ناطق

شيعي انه وامامي جعفــر الصــادق

مشيت بهل درب والله بجدم واثـق

وكل هــاي البشر مــا أذل يعــرفوني

***

ماذلــن أوالــي لثنعـش معصـــوم

وأمامي جعفـر الصاق يظل للــدوم

بسمــه جعفري أتسمــه بين الكوم

أمامـي وجعفــري كلهـم يسموني


***

أمامي وجعفري وعالــي يظل الــراس

والصــادق أمامــي دگ أليــه الســاس

شيعي وجعفــري والغيره مــن عبـاس

وفده المذهب أضحي براسي وعيوني

***

نضحي لمذهب الصادق مهج ورواح

وحبه نشيله بالدنيـــا درع وســلاح

بوجه تكفير أميه كل مــوالي صــاح

أنـــه أبــن العقيــده يالتكفـــروني


***

أنه أبن العقيده وأهوى داحي الباب

أنــه المــا أذلن يـــوم للإرهــــاب

لو جسمي يتوذر لـو أصير أخضاب

قــربان لعلــي خلهــم يقـدمــونـي


***

الشاعر
موسى البديري