TG Telegram Group Link
Channel: الرادود منتظر المشعلاوي
Back to Bottom
حفل ولادة الامام علي عليه السلام
تحضيرات شهر محرم الحرام من دار الشاعر الحسيني مصطفى حرب
الله من راد لمحمد عنّه كل هم ينجلي
گله راح أزرك اشدّه باخو ومسمّي علي
علي ظهرك علي سيفك علي من بعدك وَلي
(وبطگهن حيلك صولاته)
..............
بنت أسد للكعبه گربت تريد تولد بنت أسد
ندت بابراهيم جدي ربي وبهذا الولد
سهّل اصياره ومحمد جاعد ايتاني السند
(للبعثه ايريده ايشد حيله)
.............
عينها بعين الله صارت بنت اسد والأمر صار
گلها طبّي ونكت زيجه البيت وانشگ الجدار
طبّت وطبّگ جداره هذا كله بلحظه دار
(طبّت بضيافة باريها)
.................
الكل على الكعبة تباوع عالجره طگها الذهول
شنهو گالت شنهو صار وهالأمر طيّر عقول
البهجه بس عند ابوطالب وزاهره بوجه الرسول
(يمتاني الفرحة اتلگاها)
.................
ثلثتيّام انتظار وطوف واذكار وتَلي
هناك وانطرّ الجدار وطلعت ابّهجه أم علي
الشمس من البيت شرگت وصاحت اهلن بالوَلي
(ياسيف الله المايتوازه)
..................
صادق الحاج عبّودالعتيقي
HTML Embed Code:
2025/07/01 05:49:39
Back to Top