So‘m mustahkamlanishda davom etmoqda

Quyida so‘nggi kunlarda ba’zi valyutalar kursining dollarga nisbatan o‘zgarishi keltirilgan. Grafikda so‘m, Braziliya reali hamda Polsha Zlotiysidan keyin dollarga nisbatan eng yuqori mustahkamlangan valyuta bo‘lgan. So‘nggi 5 sessiyada so‘m dollarga nisbatan 0,7 foizga mustahkamlangan (agar bugungi prognozniyam qo‘shsak mustahkamlanish 1 foizdan oshadi).

Shuningdek, asosiy hamkorlarimiz valyutalaridan rubl bu davrda dollarga nisbatan 0,5 foizga, yuan esa 0,03 foizga mustahkamlangan.  Yevro (-0,7 foiz), iyena (-0,3 foiz) kabi valyutalar esa hafta davomida dollarga nisbatan eng yuqori qadrsizlangan valyutalar bo‘lgan.

24-iyun kuni amal qiladigan dollar kursi yana 81-82 so‘m atrofida atrofida pasayishi prognoz qilinmoqda. Ayni vaqtda rasmiy dollar kursi 12 496.94 so'm bo'lib turibdi.

@lazizhamidov

Har qanday holatda va havoda ham ogʻirimizni yengil qiladigan kasb egalari

Kuryerlik — bu faqat xizmat emas. Bu — mas’uliyat, haroratga, yomg‘irga, sovuqqa, charchoqqa qaramasdan buyurtmalarni o‘z vaqtida eltib berish degani. Ular har kuni biz bilmagan yuzlab manzillarga boradi, har bir eshik ortida turli odamlar, turli ehtiyojlar va har bir buyurtma ortida kutayotgan inson borligini biladilar.

Ushbu do‘stlarimiz bizning ertalabki qahvamizni, tushligimizni, onamizga dori-darmonni, ayolimiz va farzandlarizga kerak boʻladigan mahsulotlarni kechayu kunduz yetkazib beradi.

Uzum Tezkorning “Kuryer hikoyasi” loyihasi ana shu mehnat ortidagi haqiqiy hayotlarni ochib beradi. Kulgili, qiyin, iliq va dildan o‘tgan turlicha voqealar. Bu hikoyalar — oddiy ko‘ringan odamlarning qahramonliklari haqida.

Agar siz ham kuryerlarga minnatdorlik bildirmoqchi bo‘lsangiz, ilovada buyurtmadan keyin rahmat sifatida choychaqa qoldirsangiz boʻladi. Ular esa buni albatta his qiladi.

Chunki har bir yetkazib berish — bu oddiy ish emas. Bu — kimnidir quvontirish san’ati.

@lazizhamidov

Eron fuqarolariga O‘zbekistonga vizasiz kirishi masalasi ko‘rib chiqilmoqda ekan.

Ayni vaqtda o‘zbekistonliklar Eronga yiliga ikki marta ikki haftaga sayyoh sifatida vizasiz borishi mumkin.

@lazizhamidov

2020-yil sentabr oyida ochilgan yerusti metro yo‘lida prokuratura tomonidan qator kamchilik va xatolar aniqlanibdi.

14 ta bekatni o‘z ichiga olgan butun liniya vaqtincha yopilgan. 2025-yil yoz davomida “rejali profilaktika ishlari” olib borilmoqda.

@lazizhamidov

Qirg‘izistonda davlat tilini rivojlantirish bo‘yicha yangi qonun qabul qilibdi. Endi deputatlar, amaldorlar, huquq-tartibot idoralari xodimlari va sudyalar qirg‘iz tilini bilishi shart ekan bo‘lmasa jarimaga tortiladi deyishmoqda.

@lazizhamidov

Bundan tashqari, endi qirg‘iz tilini bilmaslik mamlakatda yashash uchun ruxsatnoma berilishiga rad javobi uchun asos bo‘ladi ekan.

Hozirda Qirg‘iziston aholisi 7 million atrofida, ularning katta qismii rus tilida gaplashadi. Rus tili kundalik muloqotda keng qo‘llaniladi. Respublika qonunchiligiga ko‘ra, qirg‘iz tili davlat tili hisoblanadi, rus tili esa rasmiy maqomga ega lekin davlat tili emas.

Avvalroq Qirg‘izlar davlat madhiyasini ham sovet davrini eslatmasligi uchun o‘zgartirishga qaror qilgan edi. Hozirda madhiyaning yangi matni va musiqasi uchun tanlov o‘tkazilmoqda.

Bu — Ukrainaga qarshi Rossiyaning keng ko‘lamli tajovuzi boshlanganidan keyin milliy identifikatsiyani ilgari surishni boshlagan beshinchi postsovet davlati bo'lib turibdi.

@lazizhamidov

Mutaxassislar Toshkent, Ostona va Bishkekda ichimlik suvi sifatini solishtirib chiqibdi. Har uchala shaharda ham ifloslanish va eskirgan infratuzilma bilan bogʻliq muammolar aniqlangan.

Toshkentda eskirgan tarmoqlar va sanoat chiqindilari tufayli xavflar mavjud. Ostonada suvning 60 foizi qishloq xo‘jaligi oqavalari ta’siriga uchraydigan ochiq manbalardan olinadi, bu esa ammiak va nitratlar me’yordan oshishiga olib kelgan. Bishkekda ham suv quvurlarining qariyb yarmi saraton kasalligini qo‘zg‘atishi mumkin bo‘lgan asbestosementdan yasalgan.

Mutaxassislar bu shaharlarda kran suvi faqat qaynatilgach yoki filtrlangach ichishga yaroqli, degan xulosaga kelishgan.

@lazizhamidov

Bratislava g’arbiy va shimoliy Yevropa shaharlaridan ancha farq qilar ekan, aynan iqtisodiy va ijtimoiy ularchalik rivojlanmagandek tuyildi. Lekin baribir jamoat transporti yaxshi yo’lga qo’yilgan ekan. Butun shahar haqida bir nima deya olmayman, lekin ko’chada tramvay, trolleybuslar tinimsiz yuribdi. Mana bu suratni tasodifan tushirdim. Shuni o’zi jamoat transporti haqida ko’p narsani aytib turibdi.

Bizga ham Toshkentga shunday jamoat transporti yo’lga qo’yib beringlar.

@lazizhamidov