البارت 21


اقترب هو وبدون مقدمات:ممكن اتكلم معش شوي
تالا :لا
رفع حواجبهه بدهشه من رده فعلها السريعه ويكلم نفسه" مافكرت حتى!"
حاول يتكلم: تالا انا***
قاطعه دخول سوسن: تالا كيف قدك
شاف لها وسكت
سوسن: دكتور طمنا كيف اصبحت
نبيل اللي بلع غصته وسكت رد ع سوسن وهو خارج: قديه تمام
شافت ل تالا بغرابه: ماله ؟
تالا: قال يتكلمي معي ورفضت!
سوسن جلست: ليش
تالا: ماباقي بيننا كلام
سوسن: طيب ايش كان يشتي يقول
تالا: مدري وما يهمني
سوسن سكتت


اليوم الثاني غرام اخذت جوازها والحجز كان المساء رجعت وهي متوتره: ي مجنونه كيف عتسافري بمطار كبير لوحدك واول مره ، انا ايش عملت بنفسي
دق الباب فتحت بتردد
ايدن: نحنا بنروح قبل موعد الرحله ب ثلاث ساعات يعني بعد ساعه من الان
غرام بتوتر: طيب ادم انت تعرف كيف نخلص اجراءت المطار وايش نسوي خائفه تفوتنا الرحله او شي
قاطعها: لا تقلقي انا بتكفل بكل شي انتي تجهزي بس
مشي وهي تشوف بعده" ايش الثقه ذي اللي فيه !!!!! "
رده ظهرها على الباب: مش المفروض ذي تكون اول سفره له مثلي ؟
……
اتصل له ابوه نزل قسم الطوارى ومحمد هناك ومركبين له مغذيه شاف ل ابوه بقلق: ايش صار
ابو نبيل: محمد حصل له تسمم دقينا لك وتلفونك مغلق رجعنا شليناه هنا
نبيل: انا كنت بالعمليات
كانت لين تبكي جنب ابوه: غلطتي انا شليته اليوم واكلته من خارج
نبيل هداء: خلاص حصل خير
اقترب منه: كيفك ي بابا احسن؟
هز راسه بنعم مسك يده وقبلها
شاف ل لين: خلاص روحي انتي تاخر الوقت وابي بيروحهه بعد ما يكمل المغذيه ، قدوه تمام
هزت راسها بنعم وبوسه محمد وطلعت وتفجاءت بسوسن داخله من الصيدليه ومعها ادويه : سوسن ؟
سلمت عليها وسالتها: ايش تعملي هنا ؟ سلامات امك بخير خواتك بخير
سوسن: كلنا تمام الحمد لله بس تالا تاعبه
رده بتفجاء: تالا !!؟؟ سلامات وش صار
سكتت ثم قالت: ماعاد فيش داعي نخبي ، جسار ضربها وهي حامل سقطتت الطفل وتضررت الكلى واطيرنا نشيلها لها
مسكت فمها بشهقه: ااااييييش ، الله يكسر يده !!!!!
اقدر اشوفها ؟؟
وبسرحان:رجاااااء
سوسن: والله هو مش وقت زياره الان بس اطلعي بسرعه وانزلي
لين: تمام
سوسن طلعت معها ودخلت واول مادخلت لين تالا رده وجهها عنها
كانت مليان ندم عندما وصلت امامها:محمد تسمم وشليته هنا وبالصدفه تقابلت مع سوسن وقالت لي
تالا كانت ساكته ولين تكمل: تالا في شي نفسي اقوله لش
كانت ساكته
لين: نبيل اجبر ع الزواج بي !!!
سكتت ثم ضحكت
ب استهزاء ، هذا وهو اجبر حصلتو محمد لو مش مجبور !
لين: تالا انتي الان منفعله بس رقمي مع سوسن انا مستعده احكي لك السالفه كلها ب اي وقت تتصلي وتقولي لي تعالي وقبل ما اخرج بقول لش انه نبيل ما مس من راسي حتى شعره واحده !
خرجت وهن صامتات وسوسن أقتربت: ايش بتقل ذي ؟؟؟
تالا: كيف عرفت اني هنا
سوسن: شفتها تحت وصدمت لما عرفت انك هنا
تالا: جاءت تشوف نبيل او ايش ؟ مش تزوجت وخلاص ! قالت محمد تسمم
سوسن:….

البارت 22


المساء غرام جهزت نفسها وطلعت السياره وايدن طلع جنب السواق وصلو المطار وكانت مستغربه انه ماسال حد يساعدهم كان عارف كل شي وكان يساعدها بكل حاجه ، فتحت البوابه وطلعو الطياره ..
دخلت جلست على الكرسي وكان هو بالكرسي اللي جنب وشافت له منبهره: ووااوو الطياره فضيعه تعرف كم الرحله
ايدن: حوالي ثلاث ساعات لقطر ومن قطر تقريبا 14 ساعه متواصله لميامي
كان داخلها نوع من الرهبه وتكلم نفسها" ايش فعلتي ي غرام !!! محد من اهلش عارفين ومسافره بلد غريبه ولوحدش مجنووونه !!!"
كان ملاحظ توترها وهو ساكت
…..

ام غرام اللي ماكانت مرتاحه من زوجه موسى، اللي امامه حد وبغيابه حد ثاني قالت لها: ي عمه مش كان بيت خالد افضل من هنا ، خالد ابنك الكبير
ام غرام: كلهم عيالي
زوجه موسى: ما اختلفنا بس موسى كوده بمصاريف البيت مش حمل شخص جديد !
سكتت
…….
علياء اللي كانت تغص بالاكل وابوها يتكلم: ليش اخذ السكرتاريا ي علياء ليش مش انتي ، كنتي عتبسري عمك وتسلمي عليه
علياء ساكته
ام علياء: لا يكون حصل شي ب الشركه ي علياء
هزت راسها بالنفي: لا يمه ماصار شي
ابو علياء: غريبه والله ؟
…….
المساء فزت سوسن من غفلتها على صوت تالا الي كانت كانها تتشنج ، سوسن فزعت وطلبت الممرضه اللي نزلت بسرعه كلمت نبيل اللي كان مناوب وطلع وصل وهي تتشنج وسوسن خايفه ، طلب الممرضه تحقنها ب الابره وريد وهو يشوف لها: اهدي اهدي
كانت ملامح القلق عليها مرسومه عليه وهي تشوف في عيونه هداءت وهو قال: لا تخافي ذا متوقع بسبب الادويه بتكوني تمام
كانت تشوف له ودموعها تنزل وهي تتذكر كلام لين

وتشوف له ، توتر وقال: لا تخافي اهدائي انتي تمام الان ؟
هزت راسها بمعنى نعم
شاف لسوسن: انا هنا الليل كله بنام تحت اذا في اي حاجه تعالي لي
سوسن : حاضر
طلع وهو زعلان عليها ويتذكر دموعها وكانها تسقط جمر ع قلبه
وسوسن اقتربت:انتي تمام
كانت تبكي
سوسن: تالا لو مريضه اناديه
هزت راسها بالنفي: لا ي سوسن انا احسن بس تذكرت كلام لين وهو يحاول ينقذني ودموعي نزلت غصب انا محتاره ايش ممكن يدفع نبيل يتركني بس ولا عذر قادر يخليني اسامحه
سوسن: اذا كانت ماحصلت بينهم علاقه مثل ما تقول يعني محمد مش ابنه ؟ او لايكون غلط معها قبل الزواج وحاول يصلح الموضوع ؟
تالا: خليني ي سوسن مش قادره اغفر لنبيل ابدا هو ماحبني لما انا كنت اشوفه الدنيا كلها
ماقدرش انسى مر ذاك الخذلان ولا كيف نمت ذيك الليله، ماقدرش انسى ي سوسن كيف انهرت يوم زوجهه اللي كان المفروض اكون انا فيه ، في داخلي كسرت الم صعب اتجاوزها …

البارت 23


نزل تحت تمدد على السرير بينام نص ساعه ومعه عمليه مهمه بعد ساعه ، بس ماقدر ينام واخذته ذاكرته لذاك اليوم لما عمل محمد اخوه الحادث دخل المشفى اللي هو فيه وحاول ينقذه وهو مسك يده: لين
قالت بتعب: امانتك ي نبيل لين
سكتت بغرابه ومحمد يكمل هو يقاتل الموت: انا غلطت مع البنت وهي حامل ارجوك ي نبيل استر عليها ، سالتك بالله لا تحملني ذنبها وانا ميت
كان يشوف له بصدمه ..
محمد: لا تشوف لي كذا ي اخي ولا تكلم حد باللي حصل استر على البنت ي نبيل والله لتروح فيها
نقز من ذكرياته ومسح وجهه بيده :..

الصباح كانو انتظرو طيارتهم الثانيه من الدوحه وعند الدخول على عكس الرحله الاول كانت وراه رجعها امامه تدخل قبل لانه مش حاب تشوف جوازه طلعت فيزتها ودخلت ومكنهم هو الجواز ودخل ، الرحله كانت طويله نامت هي وهو فتح نت وبيكلم نبيل اللي رسله قبل: مش قال ابوك علياء
ايدن: وانا اشتي غرام
نبيل: تمام انا اتفرج بس
ايدن: وانا ماباخذ الا غرام
نبيل: ههههه تمام الله يعينك
قفل التلفون وطلع بتفقد المرضى وصل عند تالا وتفجاء بجسار عندها ويقترب: كلمتيهم هاه !!!! انا بوريش
اول ماشافه وسمعه دخل على طول مسكه ، كانت تالا مرعوبه وقال: ايش بتفعل هنا
جسار: اههه صح عرفت من انت ، هو انت نبيل !
والتفتت لها وابتسم: انت الذي كانت تتصلك ، اكيد انت ابو الطفل
ماقدر يتحمل مسكه من رقبته للجدار: ايش تقول انت
جسار: ماهي ماقدرت تتجاوزك !
نبيل: ي متخلف انا وتالا ماكان بيننا تواصل انا ماكنت ب اليمن اصلا انا سافرت ليله زواجها، الاتهامات ذي كبيره
جسار التفت لتالا اللي وقفت دموع القهر على اهداب عينها
وهو سحبه لخارج: تعال
وصله لخارج الرقود وقال له: اسمع ، تالا عمرها ماكانت لغيري ! انا فقدتها فتره وانت رجعتها لي ، من اول مره مديت يدك عليها انت خسرتها ، لذالك اتركها
جسار: اهاا يعني كلامي صح
نبيل بنرفزه: انت مريض بك مرض الشك لانه تالا عمرها ما وصلتني وهي بنت محترمه واعرفها ، تعرف ايش غلطت عمرك ! انك ضربتها ب الشهر الثامن بالشهر الذي رجعت به ودخلت عندي والان صدقني ماعاد بتلقيها ابدا ، انا بسترد ماكان ملكي، وطالما تكلمت عن عرضها وطعنت في شرفها اقسم لك بالله ماعاد تمس منها شعره واحده
جساره انفعلت وحاول يضرب ونبيل رد له الضربه
وامن المشفى تدخل

على وصول عبد الرحمن لما شافهم اخذو جسار طلع بسرعه لعند اخته وصل فزع: تالا
كانت تبكي ، دخل مسك يدها: انتي بخير ؟؟
تالا: جسار دخل للغرفه يهددني وتدخل الدكتور نبيل وسحبهه لخارج وماعرفش ايش صار
عبد الرحمن سحب نفس عميق لما عرف انها بخير: اهاا لا تقلقي شفت الامن اخذوه
سكتت ورجع قال بحسره: نبيل مافيش مثله بس ما اعرفش ليش عمل كذا ليش تركك هذي الغلطه الوحيده
شافت له: نصيب ي اخي نصيب

البارت 24


غرام نامت الرحله كلها من التعب ، واول ما وصلو صحتها المضيفه ، نزلت وهي متوتره وكل شي حولها غريب ، كانت تتلفت حواليها وهو جنبها وصلو وشافت الناس طوابير وقال لها : ادخلي من هنا الطابور ذا لما يجي دورك وريهم الفيزه وحجز الفندق والدعوه حق الحضور
قالت بغرابه: وانت ما بتكون معي
ايدن بغباء مصطنع: انا بكون بالطابور ذاك الذي هناك شكله اسرع ونبسر من عيدخل قبل
مشي وهي متوتره لوحدها وهو يتلفتت لها
وقفت خلف واحده محجبه وقالت: سلام
رده ب ابتسامه: وعليكم السلام
غرام: بسالك اي طابور اسرع ذا والا اللي هناك
البنت ضحكت: لا ماينفعش تروحي هناك اساسا
غرام بغرابه: ليش
البنت: هناك بس اللي معها جوازات امريكيه او جرين كارد
غرام تفجاءت وشافت ايدن من بعيد ورجعت قالت: ولو حد راح هناك ب الغلط
البنت: يرجعوه هنا ، لانه هنا ماشددين اكثر وضروري يتاكدو من ان اسبابك كلها صحيحه عشان تقدري تدخلي امريكا ولو في غلط واحد او كذبتي بشي واحد يرجعوك ع طول
غرام: اهااا

كانت تشوف ل ايدن ومع الزحمه اختفى من نظرها ، كان هو دخل ومنتظرها عند الشناط وجاء دورها وهي متوتره كملت ودخلت مش عارفه فين تروح ودمعه الخوف على اطراف اهدابها" انا ايش عملت بنفسي !!!!؟ ايش جنني اسافر هنا ، الله ياخذني "
كانت تتلفت يمين يسار لعلها تشوفه ، شافت علامه الحقائب على الوحات الارشاديه تبع المطار وقالت اكيد بيكون هناك ، مشت على الاسهم ووصلت في اكثر من اربعه اماكن مش عارفه وين شناطها بينزلو ، لكنها لمحت شعار القطريه ، الطيران اللي سافرت به واقتربت ولمحته ماسك الشناط ومنتظرها ، اقتربت وبعصبيه: ليش تركتني لوحدي!!!!!
ايدن : انا قلت انك تعرفي انجليزي اكيد ما بتضيعي
غرام ب انفعال ممزوج بخوف: انا ما ادري انت ايش من شخص!! جريئ كذا انا خائفه ذي اول مره نسافر وبلد غير بلدنا ومختلف الفين مره ، انت ما تحس ؟ وكانك مسافر بلدك
ايدن: خلاص انا اسف انا غلطان ، خلينا نطلع اكيد السياره اللي حجزتها لنا الشركه منتظره
اخذ شنطته وشنطتها ومشي وخرجو وهي منتظرتهم وصلو للفندق اقترب ايدن يشيك على الحجز وهنا كانت صدمه غرام لما تكلم امامها ، كانت تكلم نفسها" لكنته انجليزيه بحت !! مستحيل مافيش اي فرق بين كلامه وكلام الموضفه ؟ مافيش ذيك الكسره من تحول العربي لانجليزي والعكس!! ايش ذااااا وين تعلم وين درس !!!"

كمل التفتت لها ومكنها مفتاح: ذا مفتاح غرفتك
قالت بدهشه: انت وين درست انجليزي ؟
توتر وقال: افلام ايوه انا كنت اتابع افلام امريكيه كثير من طفولتي لذالك اتكلم بلكنتهم
غرام: هاااه قد تفجاءت
طلع معها دخلت غرفتها وهو غرفته جنب ترك اغراضه وخرج اما هي فنامت على طول …

كانت سرحانه وهي بغرفه المدرسات وتتذكر لما جاء لها للمدرسه بعد موت محمد ب اسبوع كانت منهار وتدور حل مع ازهار وطلبها وكلمها" اخي مات الله يرحمه وانا عارف انك وهو غلطتم وهو وصيني اتزوجك واستر عليك ، انا عرفت ليش كان محمد مصر يتزوج معي ، انا بفعل بوصيته وبتزوجك ، لا تشوفي لي كذا مصدومه انا تركت البنت اللي احبها تبكي وجيت ، مش شفقه بك لكن تنفيذ لوصيه اخي ، انا بتزوجك سنه لما تولدي وكل واحد يروح في طريق ، ودخلي كله عتب عليك ي بنت عبد الرحمن ، لا ابوك ولا اخوتك يستاهلو تفعلي هذا ، لكن بنفذ وصيه اخي وانتي اتمنى يكون ذا درس لك"

قاطعت سرحانها ازهار : مالك
لين نقزت: ولاشي ولاشي
ازهار: من الصبح وضعك مش عاجبني
لين: امس محمد تسمم واخذته المشفى عند نبيل ، وانا طالعه شفت سوسن وقالت لي انه تالا مرقده بالمشفى ضربها زوجها وسقطت الطفل وتضررت عندها الكلى وشالوها لها !
ازهار بدهشه: اوف اوف اوف !!!؟

البارت 25

ازهار : اوف اوف طيب وليش كذا
لين: قالت انه شكاك ويجلس يوسوس ان مازالت على تواصل مع نبيل ، وهذا مستحيل انا اعرفهم الاثنين مش كذا ابدا
ازهار: الله يعينها بس
لين: وانا من امس مش قادر اتجاوز صوره تالا وكيف هي تاعبه بالمشفى وحاسه بتانيب ضمير شديد ي ازهار
ازهار : وكيف عتفعلي
لين: بصارحها بكل شي وانا متاكده ان نبيل مازال يحبها ، بترجع له وارتاح انا
ازهار سكتت ولين تتذكر ، بعد زواجهم بشهر ونص وهم جالسين على الغداء"
ابو نبيل: الخميس ذا بيكون عرس تالا !
نبيل التفتت له بسرعه وغص الاكل في حلقه
ام نبيل: الله يوفقها ماشفنا منها الا كل خير
حاول يمسك نفسه او يثبت بس ماقدرش قام على طول دخل الغرفه وغلق
ام نبيل اشرت للين تقوم بعده ، لين دخلت وانصدمت بدموع نبيل اللي كانت تنزل ، وصلت امامه بهدوء وهو جالس على السرير وجلست على الارض ومسكت على ركبته: الله ياخذني
نبيل يتكلم ودمعاته تنزل: ماتوقعت بذي السرعه فكرت بطلقك وارجع لها
لين: الله ياخذني وياخذ الساعه اللي جيت بها
مسح دمعه بسرعه ووقف: انا قدمت على منحه دراسات عليا ل امريكا ، وعم المريضه حقي قدم لي الكفاله ، كنت ماجل السفر شهر، لكني مسافر هذا الخميس !
انا كلمت واحده زميلتي تابعي عندها ، بتولدي بالتاسع وبنقول ان الطفل جاء في السابع ..
وقف وخرج وهي تشوف بعده وتبكي " ايش عملتي يا لين الله ياخذك ايش عملتي "

دخل هو وهم يتعشو : السلام عليكم
الين وسميره: وعليكم السلام
ابوه وقف امامه بغضب: مش انا قلت لك تجي مع علياء؟
ايدن: وانا مشتيش علياء ؟! غصب يعني
انا جيت مع البنت الذي انا اخترتها زوجه لي وعلياء ما تناسبني
ابو علياء: واو حلو واخترت كمان ؟ خلني اوضح لك نقطه مهم ! اي بنت غير علياء فهي طمعه بفلوسك بس ! وعلى فكره انا سالت وعرفت كل شي يخص البنت ذي ؟ وعارف انه مثلت عليك سيناريو واكيد ممثله انها ماتعرفك بس الشي الوحيد الذي تشتيه هي فلوسك ..

البارت 26

ايدن: هه على اساسا علياء تشتي زرقه عيوني ؟ علياء اكثر بنت ماديه شفتها بحياتي ! شوف ي ابي انت غصبتني ورجعتني اليمن غصب وقلت لك تمام وبروح اشوف البنت الذي اخترتها ولما شفتها ماناسبتني ولا عاجبتني ، وانا وقعت في حب البنت ذي ! مش انت قلت ما اتزوجش امريكيه ؟ خلاص انا جبت لك واحده يمنيه ! او بس بترفض عناد؟
ابوه: انا اشتي مصلحتك ! انا اخترت لك الشخص المناسب ، صدقني البنت ذي لو تشك انك مش ابني بتترك ولا كانه عرفتك ! ايدن لا تكون عنيد
ايدن: انا بديها بكره هنا وانتو تعرفو عليها، انت الان بتحكم عليها بدون ما تشوفها
سميره قاطعته: خلاص خلينا نشوفها بكره
ابو ايدن : طيب نتعرف عليها ليش لا

قبل ما يروح نبيل طلع عند تالا وكانت مع سوسن بتنام معها وقف امامها: كيف اصبحتي ؟
بدون ما تشوف له: احسن
شاف لسوسن: ممكن ي سوسن تدي لي دقائق معها
شافت لسوسن بمعنى لا بس هي وقفت وطلعت وهي شافت له: خيييررررر ؟
نبيل جلس على الكرسي اللي امامها: تالا !
قولي للمحامي اللي رفعتمه على زوجك يجي لعندي وبدي له كل الاوراق اللي تخليه يطلقك ب اسرع وقت
شافت له: وانت ليش مهتم !
سحب نفس عميق وقال: انتي كنتي خطيبتي !
قالت بغضب: كنت كنت الان لا
وقف وشاف لها: بس انا !!
التفتت له: انت ايش
نبيل: انا مازلت احبك !
كانت تشوف له بدون كلام وقالت ب الم: كذاب ! انت عمرك ما حبيتي !
شاف لها: ليش تقولي كذا ! انا افديش بروحي !
قالت بغضب ممزوج بالم وخسره: رجاء اخرج من عندي
سكتت وشاف لها لثواني وطلع متالم وسوسن شافته طلع ودخلت: ايش صار
تالا رده وجهها: اشياء مش مهمه ..

طيب بنكمل اليوم المساء

البارت 27


اول ما صحيت كانت كإنها بحلم وقامت بصدمه: غرام انتي مستوعبه انتي ببلد غريبه لوحدك !!!! ايش عملتي ي هبلا ايييييش


وقفت امام نافذه غرفتها وهو مساء ، كانت خايفه جداً
فتحت الرسائل كلمة امها اطمئنت شوي
وشافت قروب الشركه بيقولو لها ان الحفل بكره وفي سياره بتجي تاخذها مع ادم
وهو دخل لها خاص: غرام
رده: ايوه
ايدن: هل مازلتي تشتي تقابلي ابن صاحب الشركه
غرام بحماس: وانا جيت اصلا عشانه، بس بشوفه بكره ان شاء الله بالحفل
ايدن: ما اظنش، مابيحظرش ، لكن معي واحد صاحبي هنا بيعرف بيتهم وكلمته انه احنا جينا من اليمن وانه نفسك تشوفيه ع موقف حصل بالماضي وادي لي عنوان بيته وقال بيقابلك بكره هناك

شافت الرساله بفرح ورده: بالله عليك
ايدن: بعد الحفل انا باخذك هناك
ابتسمت: طيب ويسلموووو

غلقت. وتكلم نفسها" معقوله ؟؟ معقوله بقابله ؟؟"

…..
تالا كانت بدات تتحسن وقريب بتطلع

دخل نبيل يشوفها قبل ما يدي لها اذن الخروج سالها كم اساله وكتب لها علاجات وقال لسوسن:روحي اشتريهن واديهن لعندي
سوسن خرجت وهو شاف ل تالا اللي رده وجهها عنه وقال: تالا ، انا ناوي اتقدم لك
رد بعنف: وانا رافضه
سكت بقهر وطلع وهي تشوف بعده بس كلامه جالس في راسها دخلت سوسن عنده وريها العلاج وصورته مقلوبه وهي حاسه ان تالا سمعته كلام ولما رجعت عندها قالت له: اتصلي لهذي لين قولي لها تجي بكره
…..

اليوم الثاني كانت جاهزه خرجت معه حضرت الاجتماع كانت في حاله تصادم الثقافات وكانت منبهره من الترتيب والتنظيم والاهتمام ، انتظرت كلمته بس فعلا ما طلع ، كمل الحفله وطلع معها بس كانت مستغربه ان ادم ماجلس معها وانه في ناس حوله طول الحفله، ادم كان قهوجي بالشركه كيف اخذه هذا الاهتمام كله ، لكنها ما اهتمت كان كلها اهتمامها مصبوب انه بتقابل ايدن : يالله نروح
كانت مبسوطه ومتحمسه وداخلها توتر وتلبك ورهبه وهي بتقابل الشخص الذي منتظرته من سنين بس كانت على ملامح ادم نوع من الحزن اللي ماقدرت تفهمه واول ما وصلت شافت له ب انبهار: هذا بيته ؟
كان كبير ووسع وحوشه كبير ومزروع وفي منطقه راقيه وقفت امام الباب وهي متلبكه وهو يشوف لها: دقي الباب
كانت مبتسمه وقالت: بتدخل معي
هز راسه: لا
غرام بقلق: مابدخلش لوحدي ايش بقول لهم لوووووسمحت
ابتسم: امزح معك بدخل
دقت وخرجت اللين وشافت اخوها وفتحت
غرام بتوتر: مرحبا انا**
قاطعتها: انتي غرام صح ؟
غرام بدهشه وشافت ل ادم: ايوه انا
الين : welcome
غرام مبتسمه ومستحيه وادم ساكت
دخلو مع الين وصلت باب البيت وفتحت
الين :mom
خرجت سميره: مررحبااا يا هلا
غرام مستغربه من تعاملها وقالت بتلبك : انا ضيف الشركه اللي جاء من اليمن
سميره اشرت لها لطاوله الاكل: يا مرحبا تفضلي تفضلي
غرام جلست بتوتر وهي تحاول تسال عن ايدن بس مش قادره وايدن واقف يشوف لدرج منتظر ابوه ، اللي نزل : معنا ضيف
غرام وقفت بتوتر : انا انا
ابو ايدن يتكلم وسميره والين وايدن يشوف له : اكيد انتي الانسه غرام ؟ اللي جايه على اساس تقابل ابني
غرام ابتسمت: ايوه ياليت
لكن بهتت ابتسامتها عندما قال: ليش ؟ عطيني سبب يقنعني ؟

المعذره انشغلت جداااا

البارت 28


شافت له بتلبك عندما احست بالرفض داخله وقالت: لا انا شفته زمان ولهذا**
قاطعها وهو ينزل الدرج: انسه غرام لو مفكره بتضحكي على ابني بكلامك هذا ف انتي غلطانه
حست بمثل الصفعه في وجهها هي مافكرت ابدا انه ممكن يكذبها وشافت ل ادم بضياع اللي كان يشوف ل ابوه بصمت ومش قادر يعمل شي
وصل امامها : في كثير بنات يشتين يقابلين ابني، طمع في ماله واكيد انتي مش مختلفه عنها
حاولت تتكلم بس ولا قدرت تنتطق بحرف ودموع الخيبه والقهر امتلاءه في عيونها ، حاولت تتمالك نفسها ثم قالت : انا انسانه مقتدره ومعي وضيفه محترمه ، ولا انا من النوع الذي في بالك ولا اطمح له انا جيت اتشكر ابنك لموقف فعله ام قصه طمعه بماله واخذه وزواج ومن هذا فصدقني لو تقدم لي ابنك كنت رفضته !
وطلعت وهو يشوف بعدها
اقترب: قسيت عليها يبه ، حرام عليك
ابو ايدن: كلامي وسمعته !
ايدن بالم :بثبت لك انك غلطان
سكت ورد وجهه وهو طلع بعدها وسميره شافت له: تبين صادقه !
كان ساكت اقتربت: ايدن بيحبها قوي مبين من عيونه خليه يتزوج احسن ما يدي لنا واحده من هنا لا نعرف اصلها ولا فصلها
سكت ثم قال: سميره خليني اربي ابني رجاء
سكتت واللين تشوف من شباك الصاله وايدن يجري بعد غرام وهي تمشي بسرعه لما وصل جنبها: لا تزعلي
كانت ساكته وتحاول تكبح الدموع وعادها: لا تزعلي
اول ما طلع من الحوش شافت له: ادم !
قالت بدموع: هل انا هكذا ؟ اركض بعد الفلوس ! هل انا رخيصه؟
تصدق ي ادم انا كنت اشتي بس اشوفه واتشكره وحتى لو طلبني ماكنت بتزوجهه
قال بغرابه: ليش
غرام ومازالت دموعها تنزل: انت ما تعرف ايش من ضروف مرت بها ولا تعرف ليش اشتي اقابله
شاف السياره اللي كانت منتظره توصلهم وقال: اطلعي نوصل الفندق ونتكلم هنا لو بشوفوك الناس بيتصلو لشرطه
طلعت وهي تبكي وهومتالم عليها بس ساكت

البارت 29


ويتذكر كلام ابوه قبل ما يحضر الجفل

" حتى لو جاءت اليوم تاكد اني مش مرافق
ايدن: وانا مبتزوج علياء
ابو ايدن: خلاص لو انت مصر تتزوج بتخرج من بيتي وتسلمني بطاقه البنك الان وروح دور لك مكان وشغل وعيش معها، لكني مابرضى واحده نصابه تاخذ من فلوسي ولا ريال ولا تدخل بيتي، هه وبشوف بعدين كيف بتقبل تعيش معك "

كانت متجهزه تخرج بكره عندما دخلت لين وبتوتر: السلام عليكم
تالا شافت لها : اجلسي
جلست وشافت لسوسن اللي فهمت وطلعت
تالا: قولي اللي عندش
لين: بقول بس اوعديني يظل سر بينتا ..

…..
وصل معها الفندق دخلت وهي مقهوره وتمسح الدموع ، فتحت باب غرفتها ودخل بيكلمها: بنسافر اليوم المساء
شافت له بدمعات وهو مسح بيده طرف خدها بسرعه وبدون شعور منها عطته كف وب انفعال: بتتتتتحرش بي
كانت مصدوم منفعله: انت ايش مختلف عنهم كلكم حيوانات
حاول يهداء: اهدء اهدي
واشر لخلفها : في حشره كانت على خدك وخفت لو هي عقرب وبعدتها بيدي، مش قصدي اتحرش بش ولا ذا طبعي وانا اسف على رده فعلي السريعه !
شافتها وهداءت شوي وجلست وهي تبكي: تعرف ليش هربت من ابي ؟

البارت 30


تالا بصدمه: انتي مجنووووونه ايش عملتتي وبعدين ايش ذا طيب ليش ما كلمني
لين: لانه محمد امنه مايتكلم ولا يبوح السر ذا ابدا ، يعني هو نفذ الوصيه وكان منتظر نتطلق ويرجع لك بس انتي تزوجتي بسرعه
تالا حست نفسي بتدوخ ، الشي اللي ما توقعته ابداً ..
…

غرام بدات تتكلم : ابي كان اسوء إب ممكن تشوفه، واحد جشع جششششع همه بس الفلوس ، تزوج امي وامي كان زوجها مات قبل ، وكان معها ثلاثه عيال كان يعذبهم تعذيب ومجرد ما كبرو شوي هربو كان قبلي اختي اسمها هاجر ، شنقت نفسها امام عيني وانا عمري 8 سنين وهي كانت 14 والسبب ان ابي كان يغصبها تشتغل بالحرام عشان تدي له زلط ، لما ماتت هاجر جاء اخي خالد العزاء ومسكت بيده وبكيت كنت طفله ترجيته يشلني معه كنت ابكي ، كنت مصدومه وفزعه لكنه من كرهه ل ابي رفض يرحمني ومشي وصلت ال 10 سنوات
وكنت جميله جدا وبدا ابي يفكر بي محل هاجر ، حاول يقنعني وانا بعمر ال 12 تخييييل انت بتسوعب الذي عمله، ولما وصلت 13 سنه كان معي ابن عم متزوج عمره 34 سنه كان مغترب وروح وشافني وعجبته قوي ، كان واحد مريض كنت اصغر من بنته ولانه يعرف ابي لا عنده غيره ولا شرف ولا مبدى عرض عليه فلوس مقابل انه يختلي بي وانا طفله ي ادم طففففله ،طلب ابي ادخل له غداء واول مادخلت حاول يقرب انا فهمت وغرزت السكين في عينه دفاع عن نفسي وخرجت اجري ، ماكنت اعرف وين اسير بس اكيد مافي مكان اسوء من عند ابي ، جريت بكل حول لي وقوه وانا حافيه لما نزل الدم من ارجلي، كنت فزعه كنت اجري بلا شعور ولا احساس ب الالم ماقدرت اروح ل امي ، بعد موت هاجر وعرفت اللي حصل صابتها حاله نفسيه ودخلت مصحه وكانت تهلوس بي ، ولاقدرت اروح ل اخوتي لانه ماقبلوني، ولا اقدر اروح لاي احد بمنطقتي لان ابي بيلحقني، بقيت اجري وكل همي اهرب منه وبس ، الى وين ما اعرفش ، لما خيم الليل ، وقابلت ايدن ، انقذني غير حياتي ، كان غريب لكنه افضل من كل اقاربي ، لهذا طمحت اشوفه واتشكره ، صح الموقف ب النسبه له كان بسيط ويمكن نسيه لكنه غير حياتي !! تصور كم كنت محتاجه لمساعده ، انقذني انتشلني من الجحيم
كانت تتكلم ودمعتاها تنزل مع كلماتها وهو متفجاء وقال: طيب ليش ما تتزوجيه ؟
غرام: بعيد عن انه مايعرفني ، انا صابتني عقده من ذاك الرجل اللي يسمى ابي ، ماقدرش اتحمل حد يقرب مني بحس اني بجنن تجيني نوبه هلع وخوف فضييعه ماقدرش اتحممممل
ايدن: طيب انا امي تركتني وانا طفل وعقدت بي ومع ذالك ماكرهت كل النسوان ، الغلط غلط ابوش مش كل الرجال مثله !
غرام: ماقدرش هذا الرجل دمر حياتي كلها
ايدن: ووين هو الان
غرام: في جهنم
ايدن: مات يعني ؟ خلاص لا تغرقي ب الماضي …
وقف : انا بطلع بخليش ترتاحي وتهدائي تمام واشتي اتكلم معش المساء في موضوع اذا سمحتي !

البارت 31

خرج دخل غرفته وغلق ويكلم نفسه" ماتوقعت عانت كل هذه المعاناه، فقدت حياتها حرفياً ، صعب يكون اول رجل قابلته بحياتها بهذا السوء ، ما تنلام "

اما هي تركت وجهه ع الفراش وتبكي
…..
اليوم الثاني بتروح طلع يتفقدها وهي مصدومه ورفضت تقل لسوسن لان لين امنتها ، اول مادخل وشافته كان في داخلها رغبات فضيعه تصارع نفسها بين الشوق والنفير والندم والالم
شافت له وقال: كيف احسن
قالت له: كيف بكون وانا فقدت طفلي وانت عارف ايش يعني الولد
سكت وهي تتكلم وتشوف في عينه:ايش كان شعورك لما مسكت اول طفل لك انا ماجربته!
نبيل بهدوء: اكيد مافيش افضل من انه الواحد يكون إب
شافت له شوي وهو مستغرب وقالت: نبيل خلاص بطل تمثيل انا عارفه ان محمد مش ابنك
انصدم :…
تالا: جاءت لين وحكت لي كل شي
كان مصدوم ويشوف لها بدون كلام
تالا: بس ليش ماقلت لي ليييييييش كنت ساعدتك وقفت معك وفهمتك
نبيل بعد ماحاول يستوعب تنهد وقال: محمد امني ما اتكلم قال استر على البنت
قالت بدموع: ودفعت ثمن غلطه مش غلطتك ي نبيل !
سكتت ماقدر يتكلم وخرج وهي تشوف بعده ..

طلع شوي مع اصحابه ورجع وهو يفكر غدوه الصباح بنسافر بكلم غرام نتزوج واشوف رده فعلها ، ماقدرش اتحمل اكثر من كذا ..

نقزت على رساله من شذى : غرررررام غررررام خالد جاء مدري كيف عرف انك سافرتي وقلب البيت وجنن جنونه ، غرام خليش عندش اخاف تجي يقتلوش او شي
اول ماقراءت فززعت …

طبعا اذا شفتوني اوقف فجاء فعرفو ان عيوني السبب ان شاء الله اليوم او بكره بكمل بس يهدؤ شوي شكرا لصبركم ❤️