الليلة الثالثة

#قصائد_محرم _ع_١٤٤٥_ه

العليله

يا آل الله يكتل فرگاه
لاخذني الموت لارحت وياه
يمته احسين ايرد الي
____

زغيره او اهلي عافوني ابنار العلّه والفرگه
لا عـنــدي صـبـر ايـوب ولا بـيهم امل ملگه
ذبلانات اعيوني ياعالم رحموني

گلبي المشتاگ كاس المر ضاگ
وينك يحسين مو كافي افراگ
يمته احسين ايرد الي
____

طالـت غيـبـة احبابي گلـب ماعـندي يـتحـمل
لا طارش وصل منهم ولا درب الطفوف اندل
ماعندي كل چاره دمعي جف مداره

ماضلت روح تعبني النوح
لا وده اخبار لا طيفه ايلوح
يمته احسين ايرد الي
____

عيني اعله الدرب وانعه يريته يسمع اونيني
اشـوغ ابـكـل مغـربيه يبـويه اشــعطلك عني
يا اغله امن انفاسي هجرك شيب راسي

ابنيتك يحسين شيبها البين
وانت ابهل ليل مااعرف وين
يمته احسين ايرد الي
____

مر بيه حلم يحسين اسويعه او كحل اعيوني
عليه خل اسولفلك واشوفك حالتي او لوني
لا بالماي اتهنه لا للزاد اتدنه

كل ليلي هموم وانشد لنجوم
احسين بيا حال او يرجع يايوم
يمته احسين ايرد الي
____

عليه ضاعت اخبارك مثل عافيتي من ضاعت
مناشير او تگص بعضاي هيچي ابنيتك لاعت
يل امّرمر حالي ليل انهار ابالي

هم ليه اتعود ؟ واتهنه اردود
وانسه الشوغات وايام السود
يمته احسين ايرد الي
____

اناطر دربك اچم ادوب واضل اعله الدرب لشگد
يبويه الموت وازاني واحس حيلي تعب وانهد
ما احسب نتلاگه كلمن ضل بشواگه

من عني امشيت ابموتي حسيت
اخلافك محتوم لوما رديت
يمته احسين ايرد الي
____

ابو فاطمة الطائي

في مثل هذه الايام فارقت السيدة فاطمة العليلة ع الأهل والأحبة

https://vm.tiktok.com/ZMYBk5LW8/

مقدمه
يامن نويتو ترحون. گبل السفر سمعوني

انه بنص نهاري وبيتي صار اضلم
شما حاول اضمها الدمعه ماتنظم
اخذوني يبويه الدنيا ماترحم
ذبلانه وعليله بكل مكان ارهم؟

اخذ مكان زغيرون يهل الرحم جربوني

انه اتمنيت اموتن ياالابو احسلي
خواتي اعله الهوادج من يصيحلي
مكانچ هذا ويانه يگللي
وچف عبدالله شاله يريده يوصلي

مدالي چفه تشوفون. عينه تصد لعيوني
**
شنهو يصير اذا وياكم انه ارحل
خلي امشي مشي لوما يصح محمل
لو ساعه انتظرني بضعنك اتعطل
منا للعصر بلكت بعد اذبل

ماريد اتعب اليمشون. لو رادو يصعدوني
**
اسأل ضلتي باالدار شنهيه
وانه الوحدي وكل اهلي ماهيه
البيت يضل خرابه بغير راعيه
وسفرتكم احس ما الها تاليه

مااشوف اليه اتردون. وبغربتي تعوفوني
**
مشيتو والدرب خطواته جرحني
ورقيه وعمتي راحن مشن عني
بسوالفهن اگولن هم يذكرني
بساعات الوداع هوايه بچني

مدري اهلي من يلتمون. وكت المسه يذكروني
**
سعد العبودي

وين تردون بضعنكم وين بويه يحسين
*
عني مشيتو بويه وجزيتو
واشكد صحت وراكم بس ما اجيتو

من سارن النوك جن كلبي مبيوك
وكل ما يبعد ضعنكم يتكاثر الشوك

ضليت اون عليكم وصفك باليدين
وين تردون بضعنكم وين بويه يحسين
**
انشد عليكم روحي انه بيكم
حته الهوه الاشمه ياخذني ليكم

اكعد عله الباب وترجه الاحباب
حسرات اكضي ليلي وبكلبي الصواب

عكبك طحت اعله وجهي بالعتبه مرتين
وين تردون بضعنكم وين بويه يحسين
***





انه العليله وياهو اشتكيله
رحتو وليلة سفركم ما منها ليله

يمته ترجعون وشلت العيون
غير بويه انه العزيزه عدكم تكولون

ريضو صحت وراكم ودموعي بالعين
وين تردون بضعنكم وين بويه يحسين
***
نار بدليلي وسهرانه ليلي
تدري الهجر كتلني وهد بويه حيلي

عفتوني وحدي ودمعي اعله خدي
رحتو وضلن صوركم بس هنه عندي

كلش طول سفركم يالعني ماشين
وين تردون بضعنكم يابويه يحسين
**









بيه الحمل مال وتغير الحال
وجدمي ضل بجفاكم بالكوه ينشال

بطيفي شفتكم وتذكرتكم
كل عمري بويه تدري ما زعلتكم

حادي الضعن يكلي لازم ترجعين
وين تردون بضعنكم وين بويه يحسين
*
بيه الوكت دار وكلبي يشب نار
وحشه وضلت عكبكم ما تنطب الدار

لميت الهدوم وترجه كل يوم
ومن عادت اليتاني ما يعرف النوم

ضلمه الدنيه شفتها عكب البعيدين
وين تردون بضعنكم يا بويه يحسين
*
تمت
تحسين الخفاجي

قصائد محرم الحرام الليلة الرابعة (السيدة ام البنين ع)

يارقيه


عـمـه زيـنـب حـاچي شـيـخ الـطـايـفـه
الــشــام ظـلـمـه وانـي كـلـش خـايـفـه

حـيـلـي وشّــل وأنـسـبـت عــافـيـتــي
عـــمــه سـلـبـوا راحـتـي وتــرچـيـتـي

                                        *---------------*---------------*

عـمـه اذانـي الـغـرب مــاخـلـه حـيـل
ذكـريات اتـمـر عـلـيـه وكـلـهـه خـيـل
الـنـهـار اظـلـم أحــسّــه وچـنــه لـيـل
الـشـام شيّبني وجرحني ويـلـي ويـل

اسـمـه يـرعـب گـلـبـي زيّـد خـوفـه
نـاسـه غـربـه أشْـوَه نـاس الـكـوفـه

الـــريـــاح الـبـيـْـه تــجــرح ريــتــي

                                        *---------------*---------------*

حـيـل يـكـفـي الـصـار بـيـه بالطفوف
اركـض ابّـيـن الـحـوافـر كـلـي خـوف
مـدري ويـن اركـض يـعـمـه ما اشوف
وحـدي خـلانـي زمـانـي ابـنـص ألوف

لـيـش احـسـهـه صـعـبـه هاي الليلـه
فـجـئـه جفني گـام دمـعـه ايـسيـلـه 

فـــــدوه گـلــيـلـي خــبــر وديــتــي

                                        *---------------*---------------*

آنـه طـفـلـه وشـيـبـت گـبـل المـشيـب
بـعـده جرح اسياطهم يـرفـض يطيب
هـمـه ذولـه الـخـلوا ابـروحـي النحيب
رسـمـوا ابـلـون الـدمـه منـظـر عجيب

صعبه أنـامـن خـلـي اضـلـن گاعــده
راحـه مـاكـو نـومـي مـا بـي فـايـده

صــارت الـلـيـلـه الـمـنـيـه امـنـيـتـي

                                        *---------------*---------------*

والـلـه حـتـه اعيونـي مـا تـقـبـل تـنـام
نـظــرة اهـل الـشــام تـشـبـه لـلـسـهـام
كـل وجـه مـنـهـم يـذكـرنـي الــخــيـام
مـــدري لـيـش اوجوهُّم بـيـهـه الظـلام

مـن شـفـتـهـم دمـعـي وحـده اتـلاله
رحـمـه مـاكـو كـلـهـه نـفس الـحـالـه

أذّكــرت لــمــن ألـــــــي ركـضـيــتـي

                                        *---------------*---------------*

مـاتـت احـلامـي وبـعد عـمـري اشيفيد
ورجـعـت اجـروح السبي تـنـزف جديد
كـلـهـه فـرحـانـه الخلگ ومسويه عـيـد
وتـنـظـر اعليـه ابـحـقـد مـنـي اشتريـد

هـذا حـالـي المثلي شـلـه ابـروحـه
الـمـن ابـقـه مـن اضـل مـجـروحـه

آنـــه ادري لــحـالـتــي اتــأذيــتــي

                                        *---------------*---------------*

الچفن حضري المماتي وحضري ماي
اشـعـر الـمـوت اقـتـرب وايـامي هاي
عــمــه اريـدن والِـدي يـنـظــر گـفـاي
حـته اسـولـفـلـه أشكثـر ركضوا وراي

حلمي يحضر وانـظـر اعـلـه اعيونه
الـفـرگـه تـكتـل هـذا حـالـي ابـدونه

چـنـت اسـولـف لـلـزغـار ابـصـيـتـي

                                        *---------------*---------------*

✍خـادم رقـيـه ع
الشاعر رعد الجريخي

#قصائد_محرم الليلة السابعة _ع_١٤٤٥_هـ

ــــــــــــــــــــــــــــــــــــــــــــــــــــــــ
نزله



عباس ياغيرة علي   وينك يراعي الرّايه
                                                         ***
     صوت من گلب الخيم   خـــويه ياراعي العلم
             زينبك تنخاك ؛؛؛؛؛؛ ياواليها
     گلوب حرّه ؛ وضاميه   تريد مـــــاي الرّاويه
                غير جودك ياعـذب يرويها
     يبن صايود ؛؛؛؛؛ الزّلم   هذا يومك ؛؛؛؛ ياشهم  
             راية الكرار هــــــوّس بيها
       من چف علي الچّف يمنتك ماتنكَس معلّايه
                          ***
     انته من  يوم المـــهد   لازم الجـــــود السّعد
             يابو فاضل لايگ اعله يمينك
     من گبل طف كربلـــه   ياكفيل ؛؛؛؛؛؛ العايلـــه
            
             انته ساجي الضّاميه مسمّينك
     كلــــــــها تترقّب ترد   تدعي بآيات الحـــمد
             تريد تشــرب من عذب چفّينك
      ياصاحب الجود العجل ساعة لزومك هايه
                          ***
     الرّايه هزّاهــا وحِمَل   مــوت عالعسكر نزل
             جيوش عن ماي النّهر فرّاها
     بيده سيف الغانمــــه   وگضه وياهُم لازمــه
             أرگابهُم  يوم الحــــرب كرّاها
     چن علي يوم الوغى   عالي لوّح بيرغــــــه
             عن  رگبهُم  روســــهُم عرّاها                       
    شنهو الفرات وعالخيم برض الطّف يشح مايه
                          ***       
 
     براسه غيرة حــيدره   و يَحــي سبع الگنطره
             من اسمه تتراجف زلم خلّاها
     شــبل لبوه  وإبن أسد   ما وصل من زوده حَد         
             رايته فوگ  النّجم عــــــــلّاها
    خوّته خـــــــوّة شرف   بيها عباس انعـــــرف
             ويه أبو اليمّه بكربلـــه وفّاها
       و بزوده آيات النّصر خطها بدمه الوفّايه
                          ***
     للخيم مــــــاي النّهر   بجوده رد بيه الگمر
             يريد يروي چبودها العطشــانه            
     هَمّــــه چانت جربته   بيها يوصل عيلـــــته
             ويطفي نيران الضّمه بصيوانه           
     لا چن  ســـهام القدر   صابن چفوف الگـمر
 
              ومن زنوده اتگطّعن ذرعانه
     وبعينه سهم الموت اجه وطاح اعله المسنّايه
                          ***
    من ظَــــهَر مُهره هوه   وظاگ بانفاسه الهوى                   
             فوگ وجه الگاع وين حسينه
   حزام ظهره اعله الثّره   چفــــــوف اديه مبتّره
             و طفّـــوا بسهم النّوايب عينه
   بس طلب واحــــــد اله   راد أخـــــــــــوه يقبّله
             ويعـــــــتذر منّك يوالي سكينه
        من ايده طاحت رايته بدم هامته محنّايه
                          ***
 
     

بسم الله الرحمن الرحيم

احبتي اقدم بين ايديكم
ديوان ((الجروح الزينبيه))
الجزء الاول
ارجو دعائكم جميعا خدام الحسين ع

(( #واهس_بچي ))


يــدمـعـة شــوگ بعيون اليعشگون

              ويـا واهــس بـچـي مــايــبــرد بـيـوم

يلچمني الــحــزن واتـفـاعـل ويــاه

             واتـمـنـه ابـمـحـبــتـك ابـقـه مـلـچـوم

مـايـحـلـه الـعـشــگ بس بالمعانات

              ولـلــبــارد گــلـب مــــا ٱظـنـن ايـدوم

يرمضان العطش ومـرخــص الماي

               حـرارة مـجـلـسـك يـعـرفـهـه ليـصـوم

قـلـيـلات الـدمــوع ايـهـلـن اعليك

               حـلاة الـعـيـن تـنـزف دمـعـه ودمــوم

يا اول جـســر وتـدوسـه الـخـيـول

               ويـا بـحـر الـنـدى المـاعـرفــتــه الگوم

مـا شــوفك بشر يالكلك احـسـاس

                اشــــوفـنـك گـمـر وبـنـص الـنْـجـــوم

يـلـومـونـي ابمحبتك واشـكــر ألله

                مـــــا هــمــن وخـلـي ألـلايــم ايـلـوم

مـنـذور الـخـدمـتـك طـول الايـام

                واحــســك بـالنفس وبعيني مـرسـوم

مـتـهـشـم صــدر مــاسـامـع بـيـوم

                 وبــروك الـحـــوافـــر كـلـه  مـهشـوم

يـچـويـنـي الـدمـع وارتاحن اهواي

                  يلبساحة حضـرتـك عــمــري معدوم

عـابـس مـاصــرت ومـقـصـر ويــاك

                  مـــا واصـل مـقـام الـشـگ الــهـدوم

                    *---------------*---------------*

✍بقلم خادم الحسين ع
    الشاعر رعد الجريخي

تنويه اضافة حسيناه غير موجوده في القصيدة

العليله                #احمد العكيلي

كلما يحل وكت الفرض
افرش دموعي عالارض
واتوجه لرب السمه     انه العليله فاطمه
ــــــــــــــــــــــــــــــــــــــــــ
ارحل لبوي بحسْبتي .. من افرش امصلايته
من گال اعوفج وحّدج .. مو سهله هاي احجايته
يدري شكثر احتاج اله .. وابصاية الله وصايته
يعفيني من ضيم السفر .. اعرفهه جانت غايته

حنيته ما الهه وصف
شايل گلب كله عطف
يدري بسفرتي مؤلمه     انه العليله فاطمه
ـــــــــــــــــــــــــــــــــــــــــ
لحظات انام اوانتفض .. وايمرني جم حلم ابحلم
عبدالله شفته من العطش ..لشفافه بدموعه يلم
صرخاته تشرح حالته .. بين الحرب ضاع السلم
يطلبله شربه والدي .. وامحاوط اسهام وزلم

عبدالله يتروه ارتجه
لن سهم المثلث اجه
هد حيلي ياسهم الضمه .. انه العليله فاطمه
ـــــــــــــــــــــــــــــــــــــــ
مر بيه هالليله حلم .. جن فاطمه ام الحسن
كالتلي نمشي الكربله .. ونشاهد افعال الزمن
جن شاهدت يم النهر .. جفين يم رايه ارتمن
لن عمي ابو فاضل وكع .. وعيونه بسهام انعمن

الجود طاح اعله عالنهر
وذاك الوعد يم الكمر
وعيوني نصبت مأتمه    انه العليله فاطمه
ـــــــــــــــــــــــــــــــــــــــ
بيه استمر نفس الوضع .. اطول حلم طوله عمر
جاسم والاكبر بالحرب .. من العطش صارو جمر
ومن ظل ابوي ابوحّده .. بس العده بدربه  تمر
حلمي انذبح من عاينت .. كاعد على صدره الشمر

ياويلي من حز منحره
ما ادري بالدنيه اشجره
صارت حياتي مظلمه .. انه العليله فاطمه
ـــــــــــــــــــــــــــــــــــــــ
لسكينه تهمل دمعتي .. وادري برقيه امدللـه
شيصير بيهن ياترا .. لمن يدخلن كربله
عماتي وامي بالدرب .. بيهن تمر جم مشكله
غربه وعطش نار وسبي .. تنطر وصول القافله

حالتهن اتشمت العدو
  لا والي يبقه ولا اخو
بين البراري هايمه .. انه العليله فاطمه
ــــــــــــــــــــــــــــــــــــــــ
ضعن الحبايب من رجع .. جمعت حزنهه غيمتي
معقوله هاي ام الخدر .. متغيره كلش عمّتي
اتكلي ياعمه العده .. حركو عليه خيمتي
وايتام واطفال وحرم .. ظلو يعمه بذمتي

ظل فكري حاير منشده  
  واستغربت هذا الوجه
جرحتني اثار الدمه   انه العليله فاطمه

—

• 02h » أنصار الحجة ♡
• 01h » مناقب الإمام علي عليه السلام
• 01h » محبي الامام الخامنئي
• 03h » ريحانة ♡ مجاهد️
• 07h » نرجس
- - - - - - - - - - - - - - - - - - - - - - - - - - -
• 08h » حرة..|
• 01h » شباب العراق الثقافي الاكاديمي
• 02h » عالمنا
• 01k » نشر القصائد الحسينية لجميع الشعراء
• 05h » عشاق الشهادة..
- - - - - - - - - - - - - - - - - - - - - - - - - - -
• 04h » ممهدات .
• 08h » قناة ياحجة الله مددد
• 03h » جنود المنتظرعج 313
• 03h » MEDIA 313
• 06h » حفيدة الامام علي
- - - - - - - - - - - - - - - - - - - - - - - - - - -
• 09h » نشر القصائد مع الالحان
• 01h » قلادة جندية|بديل
• 02h » أثر ||
• 01k » لمسة حب
• 03h » قناة بنات الزهراء للعلم والمعرفة ونشر تسبيحات وأعمال قضاء الحوا
- - - - - - - - - - - - - - - - - - - - - - - - - - -
• 01h » عشاق الإمام علي
• 03h » الاء
• 06h » عبق الشهادة
• 02h » أفاطم
• 07h » اقاجون|سيدي
- - - - - - - - - - - - - - - - - - - - - - - - - - -
• 04h » مشڪاة فاطم𝐌𝐈𝐒𝐇𝐊𝐀𝐓 𝐅𝐀𝐓𝐈𝐌
• 01h » المحفل القراني
• 01h » مداد العاشقين
• 01h » قلادة جندية
• 03h » | ضبابي
- - - - - - - - - - - - - - - - - - - - - - - - - - -
• 02h » روايات
• 02h » حيدر علي ️³¹³
• 01h » أباة الضيم
• 01h » عاشوراء الحسين
• 05h » لحن ♡ الرصاص
- - - - - - - - - - - - - - - - - - - - - - - - - - -
• 02h » رحلة إلى الله️
• 02h » شهداؤنا عظماؤنا
• 05h » حبر الإبداع | س
• 06h » يا وجيها عند الله
• 01h » خربشات قلم.
- - - - - - - - - - - - - - - - - - - - - - - - - - -
• 02h » ل فاطم
• 01h » تصاميم اهل البيت
• 02h » براق الله
• 04h » على خطى الزهراء