جسّام يا ضنوتي ... رايح ... رايح امن اعيوني
ما رحمني الدهر أنته نور البصر
رايح
رايح من اعيوني
(1)
يوليدي تدري ابهذا گلبي انطعن ... بمصاب أبوك الحسن عگب الحسن
أنت الأمل ظليت أتاني الزمن ... لن اعله ثوب العرس تلبس چفن
تنيت الزمن و الأمل ... وينه ... يبني انخطف لوني
ودعتني اشبعد ... انتظر يا وعد
رايح
رايح من اعيوني
(2)
يبني برباك اتعبت حيلي انضهد ... محنية چنت اعليك فوق المهد
ينعدل ظهري فكرت يالولد ... و فگدت گلت انته الرجه و الضُمد
عرسك ابفكري حلِم ... يمته ... ابعرسك يبشروني
هذا حلمي صبح ... شو حزن مو فرح
رايح
رايح من اعيوني
(3)
جنت احسب اسنين العمر بالزغر ... و افرح ابكل سنةِ الجديدة التِمر
واثنعش يبني جمّعت لك عُمر ... هاي السنين اتعبت بيها اشكثر
لن ساعة وحده العده ... اسنينك ... منها يحرموني
دهري يبني اشلعب ... يبني كل التعب
رايح
رايح من اعيوني
(4)
يبني و لمن چنت بعدك طفل ... كلما اشوفك دمع عيني هِمل
يبني يتيم اليتم ما ينحمل ... حتى و لو عمك ابو ينجعل
و ربيت بين الأهل ... اهلك ... لجلك يحشموني
ما هويت الأهل ... و النجم لو أفل
رايح
رايح من اعيوني
(5)
و طلعت من بيتي على عزتي ... گلت ابني اگبالي وهو رجوتي
و بكربله حين انصبت خيمتي ... انته چنت يا ضنوتي شمعتي
بس انته يا بني صرت ... يمي ... وين اليودوني
سلوتي ابرجوتي ... يالترد وحشتي
رايح
رايح من اعيوني
(6)
حسباتي خلتني بمصيبة احس ... وردة شبابك خاف لن تنعفس
ابها الحالة و بحسبات هاي النفس ... لن تنصب أهلك الك حوفة عرس
لن أهلك اتباشرت ... يبني ... ابعرسك يهنوني
او لن عفت حوفتك ... قررت روحتك
رايح
رايح من اعيوني
(7)
عمّك ابو فاضل اجه ابفرحته ... و انصب لك الحوفه او نشر رايته
هذا علي الأكبر علگ شمعته ... اينادي جبتها الجاسم او زفته
ناديت من فرحتي ... امبارك ... أهلك يسمعوني
تالي صوتي ابتدل ... حسره دمعه همل
رايح
رايح من اعيوني



الفاتحة الى الشاعر المرحوم
عبد الحسين ابو شبع النجفي رحمه الله تعالى


#جسام_يا_ضنوتي
#عبدالحسين_أبوشبع



#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

يَـاذَا النِّعَمْ وِگفْتِ اِبَّـابَـكْ
وَگفَةْ عَبِدْ وَ ارِيدِ اِجْوَابَكْ
جَنَّةْ عَـدَنْ عِطِرْهَا اِتْرَابَكْ

آنَه الِّذِيْ كُبَرْتِ اِبْـخيرَكْ
صَـعْـبَـه إذَا أرُوحِ الـغيْرَكْ
ضَايِعْ أنَه اِوْ رِدِتْ تَبْصِيرَكْ

بِدْمُوعِيْ زِرِتْ دِيـرَةْ هَـوَاكْ
غيرِ اِنْتَه الرِّضَا اِوْ رَايدْ رِضَاكْ
مَا يِقْبَلْ نَبُضْ گلْبِيْ اِبْسِوَاكْ
ــــــــــــــــــــــــــــــــــــــــــــــــــــــــــــــــــ
إنْتَه الـوَلِيْ الإمَامِ الثَّامِنْ
كِلْمَنْ دِخَلْ مَضِيْفَكْ آمِنْ
مِثْلِ الغَزَالَه رِدْتَكْ ضَامِنْ

طِفْتِ الأرُضْ وَلَاكِنْ تَالِيْ
يَمَّكْ أذِبْ عَصَا تِـرْحَالِيْ
ليك اوْكَلِتْ صُحُفْ أعْمَالِيْ

وِالنَّاسِ اِلِّيْ يَمْ بَابَكْ يِجُونْ
لَا خَوْفٌ ، وَلَا هُمْ يَحْزَنُونْ
دَامِ اِنَّكْ أبُوْ الگلْبِ الحَنُونْ
ــــــــــــــــــــــــــــــــــــــــــــــــــــــــــــــــــ
آنَه ادْرِيْ كِلْ بَشَرْ بِالعَالَمْ
مِـنْ آدَمِ الأخِير اِبْـن آدَمْ
البَّابَكْ حِلِمْ يِجِيْ اِوْ يِتْزَاحَمْ

مِنَّكْ فَضِلْ إذَا تِدْعِينِيْ
زَايِـرْ إلَـكْ يَـالـمْـرَبِّـيـنِيْ
وِ اِبْـگُبِّتَكْ أكَحِّلْ عينِيْ

مِتْعَنِّيْ اِوْ رِدِتْ مِـنَّـكْ خَـلَاصْ
آنَه ادْرِيْ اليِجِيكِ اِمْنِ الخَوَاصْ
بَسْ صَحْنَكْ مَلَاذِيْ اِوْ لَا مَنَاصْ
ــــــــــــــــــــــــــــــــــــــــــــــــــــــــــــــــــ
بِحْسين اِذَا أحَـلْـفَكْ يَـعْـنِيْ
مَا عِنْدِيْ شَكْ بِأنْ تِسْمَعْنِيْ
تِـمْسَحْ دَمِعْتِيْ وِ اِتْـرَجِّـعْـنِيْ

عِنْدِيْ طَلَبْ وَ ارِيدِ اِتْسِمْعَه
لِحْسين ارِيد اصُبِّ الدَّمْعَه
اِوْ رِزْقِ الدَّمِعْ أبَـدْ لَـتْگِطْعَه

مَوْلَاي اِبْحِلِمْ كِلْ عُمْرِيْ جَايْ
بَسْ خَـادِمْ إلَكْ تِكْفِينِيْ هَـايْ
مِنْ جيتَكْ عِفِتْ كِلْشِيْ وَرَايْ
ــــــــــــــــــــــــــــــــــــــــــــــــــــــــــــــــــ


٦ / ٦ / ٢٠٢٠ السبت
كرَّار حيدر الخفاجي

#كرار_حيدر_الخفاجي

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

يَاأمِيرَه اِوْ عَرْشِچْ گلْبِيْ اِوْ سَاكِنَه اِبْذَاتِيْ
كِلْشِيْ تَحْت امْرِچْ وِ اِبْكيفِچْ وِ اِنْتِيْ مَوْلَاتِيْ
كَاتِبِ اِبْنَصِّ الهَوِيَّه
عَايِشِ اِبْخِدْمَةْ رُقَيَّه
ــــــــــــــــــــــــــــــــــــــــــــــــــــــــــــــــــ
رُوحِچِ الفَاضَتْ عَلَى العَالَمْ فُرَاتْ
مِلْكَتِ الـدِّنْـيَـه اِبْـأقَـلِّ السَّنَوَاتْ
يَاشَمِسْنَه الطِّلْعَتِ اِمْن ارْبَعْ جِهَاتْ لِلْحَيَاةْ

أبُـوچِ الصِّرْتِيْ رُوحَه
اِوْ بَعَدْ رُقْيَةْ جِرُوحَه
إسِمْ وِ اِعْلَه المُسَمَّى ، يَارُقَيَّه اِشْگدْ عَظِيمَه

مِثِلْ يَـاقُـوتَـه صِرْتِيْ
اِبْحُضِنْ زينَبْ كُبَرْتِيْ
صِدِگ دِنْيَه التِّخِسْرِچ ، هِيَّه مُوْ إنْتِيْ اليَتِيمَه

الله لَا يِحْرِمْنِيْ اِوْ عَنِّيْ يِگطَع افْضَالِچْ
يَارُقَيَّه اِيْعِيشِ اِبْـجَنَّه العَايِشِ اِبَّالِچْ
وَ اعْتِرِفْ حَتَّى المِنِيَّه
عَايِشِ اِبْخِدْمَةْ رُقَيَّه
ــــــــــــــــــــــــــــــــــــــــــــــــــــــــــــــــــ
مِشْتِرِيچِ اِبْكِلْ حَيَاتِيْ اِوْ مَا أبِيعْ
جَرُّبِينِيْ اِوْ آنَه اِلِچْ خَادِمْ مُطِيعْ
يَارُقَيَّه اِمْحَلْفِچِ اِبْـعُمْرِ الرَّضِيعْ لَا أضِيعْ

يَطِفْلَه اِشْگدْ چِبِيرَه
يَـأكْـبَـرْ مِـنْ أمِـيـرَه
أبُوچِ اِبْمَهْدِچِ اِيْطُوفِ المَهَدْ وِ اِيْقَبِّل اِيْـدِچْ
كُبَرْتِيْ اِبْذَاكَه حِجْرَه
اِوْ حَفِيدِ الزَّهْرَه زَهْرَه
شَبِيْهَةْ فَاطِمَه اِوْ دَمْ فَاطِمَه يِجْرِيْ اِبْوِرِيدِچْ

يَاشَمِسْ عُبْرَتْ كِلْ غيمَه يَاهُوْ اليِسِدْهَا
وِ الأبُوهَا اِبْگدِّ اِحْسينِچْ ، مَحَّدِ اِبْـگـدْهَا
آنَه يِشْهَدْ كِلْشِيْ بِيَّه
عَايِشِ اِبْخِدْمَةْ رُقَيَّه
ــــــــــــــــــــــــــــــــــــــــــــــــــــــــــــــــــ
وِ اِبْحَلَبْ عَرْشِچْ تِأسَّسْ وِالمَقَامْ
إنْتِيْ يَاأُخْتِ الإمَـامِ اِوْ بِتْ إمَـامْ
فَـعَلَيْكِ اِمْـنَ الله آلَافِ السَّلَامْ بِالخِتَامْ

الأمِيرَه اِتْظَلْ مُهَابَه
وَ إنْ سِكْنَتْ خَـرَابَـه
الخَرَابَه المَرْهَا جِدْمِچْ تِصْبَحِ الجَنَّه الوِسِيعَه
سِنِينِچْ صَحْ قَلِيلَه
وَ لَاكِـنْ مُسْتَحِيلَه
كَفُوْ يَـاوَرْدَةِ الـطَّـفْ وِ المُخَيَّمْ وِ الشِّرِيـعَـه

مِنْ دِخَلْتِيْ الشَّامِ اِبْإسْمِچْ وِ اِرْتِفَعْ شَانَه
إنْتِيْ مُوْ سُلْطَانَةْ شَـامِ الكِلْشِيْ سُلْطَانَه
الله بِيچ انْعَمْ عَلَيَّه
عَايِشِ اِبْخِدْمَةْ رُقَيَّه
ــــــــــــــــــــــــــــــــــــــــــــــــــــــــــــــــــ


٨ / ٤ / ٢٠٢٠ الأربعاء
كرَّار حيدر الخفاجي
#كرار_حيدر_الخفاجي

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

مِنْ غُصْنِ الفَرَحْ مَالْ بَـيَّـنْ بِالسِّمَه اِهْلَالْ
مَوْلِدْ خَمْسَة ابْطَالْ مَوْلِدْ كَرْبَلَائِيْ
ــــــــــــــــــــــــــــــــــــــــــــــــــــــــــــــــــ
يَاگلْبِيْ الطَّايِرِ اِمْنِ اِضْلُوعِيْ
أسْرَعِ اِمْنِ اِدْمُوعِيْ يِحْچِيْ عَنْ مَوْضُوعِيْ

لِحْسينِيْ المِنْ صِدُگ حَبّيتَه
گلْبِيْ يِشْبَه بيتَه وَ انَـه زَايِـرْ جيتَه

وِ اِبْشَعْبَانْ شَعِّ اِوْ بَانْ ضَوَّه الدِّنْيَه خَدَّه
حُضْنِ الزَّهْرَه مَهْدَه
هَذَا اِحْسينْ بينَه اِوْ بينْ الله اِشْگدْ مَوَدَّه

عَقْلِيْ التَّاه إيْ وَالله رَادِ اِيْـزُورْ وِلْـفَـه
أمْشِيْ اِوْ بِيَّه لَهْفَه
لَهْلِ البيتْ فِطْرِسْ جيتْ جِنْحِيْ اِيْرِيدْ يِشْفَه

تِدْرِيْ الخيمَه وِالمَايْ سَيِّدْ كَرْبَلَه الجَايْ
عِدْهِنْ هَالمِسَه اِوْيَايْ مَوْلِدْ كَرْبَلَائِيْ
ــــــــــــــــــــــــــــــــــــــــــــــــــــــــــــــــــ
وِالثَّانِيْ المِقْتِرِنْ بَانْفَاسِيْ
بِسْمَه رَافُعْ رَاسِيْ " فَـأنَـا العَبَّاسِيْ "

اِمْنِ اِچْفُوفَه اِشْمَا رِدِتْ يِنْطِينِيْ
خيرَه تَارِسْ عينِيْ هُـوَّه المْرَبِّينِيْ

وِ اِبْدِنْيَايْ عَاشِ اِوْيَايْ آنَه اِبْـزُودَه كَامِلْ
حِرْزِيْ اِبْيَا بُوْ فَاضِلْ
حيدَرْ بِيه وِ اِمْـرَبِّيه حَـلَّال المَشَاكِلْ

اِمْنِ الكَرَّارْ وَارِثْ صَارْ إيْمَانَه اِوْ ثَبَاتَه
مِنْ أوَّلْ حَيَاتَه
حيدَرْ گالْ هَالكَفَّالْ يِتْكَفَّلْ خَوَاتَه

عَـبَّـاسِ المَيَادِينْ تَرْبِية اُمِّ البْنِينْ
فَرْحَةْ گلْبِ الحْسينْ مَوْلِدْ كَرْبَلَائِيْ
ــــــــــــــــــــــــــــــــــــــــــــــــــــــــــــــــــ
لِلثَّالِثْ گلْبِيْ غَنَّه اِوْ نَادَه
وَيْ فَجِرْ مِيلَادَه هَلَه اِبْـزينِ السَّادَه

سُبْحَانَه الخَالِقَه سُبْحَانَه
جِمَعْ كِلْ إحْسَانَه اِوْ أنْبَتَه اِبْوِجْدَانَه

هَالسَّجَّادْ وِالعُبَّادْ كِلْهَا اِتْظَلْ وَرَاءَه
مَا يِگطَعْ رَجَاءَه
يِدْعِيْ اِهْوَايْ لَنِّ اِبْهَايْ الله اِيْحِبْ دُعَاءَه

نَهْرِ اِحْسَاسْ وِ اِعْلَه النَّاسْ چَفَّه اِشْگدْ تِصَدَّقْ
يِشْهَدْلَه الفَرَزْدَقْ
اِبْنِ الزَّهْرَاءْ وِالبَطْحَاءْ تِعْرِفْ وَطْأتَه الحَقْ

يِشْهَدْلَه الحَرَمْ كُونْ وِ الحِلْ وِ اليِحِجُّونْ
هَايْ اللّيلَه يِـدْرُونْ مَوْلِدْ كَرْبَلَائِيْ
ــــــــــــــــــــــــــــــــــــــــــــــــــــــــــــــــــ
وِالرَّابِعْ أكْبَرِ اِبْكِلْ مَعْنَى
وِ اِبِنْ سَيْدِ الجَنَّه جَدَّه حيدَرْ چَنَّه

وِ اِعْيُونِيْ وِ الگلُبْ مَا عَافَه
يِنْسِحِرْ مِنْ شَافَه أحْمَدِيَّه اوْصَافَه

يَامَحْلَاه جَلَّ الله مَا خَالِقْ شَبِيهَه
لَازِمْ حِكْمَه بِيْهَا
شِبْلِ اِحْسينْ گُرَّةْ عينْ ليلَه اِبْضَيْ عَلِيْهَا

مَا مَطْرُوقْ حِسْنَه اِيْفُوقْ كِلْ حِسْنِ البَرِيَّه
دُرَّه حَيْدَرِيَّه
اِشْيِطْلَعْ غيرْ رَابِيْ اِبْخيرْ مِنْ بيتِ الزِّچِيَّه

أكْبَرْ وِ اِبْنِ الكْبَارْ فَارِسْ كَرْبَلَه صَارْ
فَرْحَةْ كِلِّ الاحْرَارْ مَوْلِدْ كَرْبَلَائِيْ
ــــــــــــــــــــــــــــــــــــــــــــــــــــــــــــــــــ
وِالخَامِسْ هِيَّه طِفْلَه اِزْغِيرَه
وِ اِبْفِعِلْهَا اِچْبِيرَه عَمْ ضِوَاهَا الدِّيرَه

تِعْرِفْهَا كَرْبَلَه اِوْ شَافَتْهَا
وَرْدَه يَمْ عَمَّتْهَا وِ اِبْصِدِقْ حَبَّتْهَا

مِثْلِ المَاسْ بينِ النَّاسْ شَعَّتْ هَالمِسِيَّه
بِنْتِ اِحْسينْ هِيَّه
رَبِّ الكونْ أوْحَى اِيْكُونْ تِتْسَمَّه " رُقَيَّه "

بِالأيَّامْ خَمْس اعْوَامْ صَحْ مُدَّه گِصِيرَه
بَسْ عَاشَتْ أمِيرَه
عَاشَتْ بينْ چَفِّ اِحْسينْ اِوْ چَفْ بَدْرِ العَشِيرَه

طِفْلَه اِوْ شَايِلَه احْلَامْ صَارَتْ وَرْدَةِ الشَّامْ
إلْـهَـا اِبْـهَـاي الايَّـامْ مَوْلِدْ كَرْبَلَائِيْ
ــــــــــــــــــــــــــــــــــــــــــــــــــــــــــــــــــ

يَاأيُّهَا الشَّمْسُ الَّتِيْ خَلْفَ السُّحُبْ
فَلْتَبْزُغِيْ وَلْتَكْشِفِيْ كُلَّ الحُجُبْ

وَ صِلِيْ إمَامَ زَمَانِنَا ، قُولِيْ لَهُ :
عَجِّلْ فَمَا لِلعَاشِقِينَ سِوَاكَ حُبْ !


٢٥ / ٣ / ٢٠٢٠ الأربعاء
كرَّار حيدر الخفاجي

#كرار_حيدر_الخفاجي

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

القصيدة : علمتني رقية
الاداء : مجموعة من خدمة العترة
الشاعر : ميرزا عادل أشكناني
~~~~
علّمتني رُقيّه ..
لو تحب احسين لازم يعتنيك
حتى لو چنْتِ ابخرابه هَم يجيك

و إذا تشتاگ لـ إمامك من صدِگ
لازم اتموت إذا عنّه تفترِگ
~~~~
رُقيّه علّمتني اشلون الذي ايحِب من عمُق گلبه
يظل ينشِد عله المحبوب لحَد ما ينگظي نَحبه
و أنا ما أدري محبوبي وينه و تيَّـهِـت دَربه
و أعيش ابَّارِد اِحساسي رغُم ما ادِّعي حُبّه

واللّي يعشِگ إِمامه
ينشد اعليْه اْو فلا تغمضله عَين
مثل ما نِشدَت رُقيّه اعْله الحُسين

و اذا محسوب إنّك من أهل العشِگ
لازم اتموت إذا عنّه تفترِگ
~~~~
إذا تتوسّل ابمولاك لازم يِحظَرَك لازم
و لوْ من الطعِن و الخيل ما ظَل بيه عظُم سالِم-
ابطشّت يتعنّه ليك اِهلال او يفطّر گلبك الصايم
ولوْ ثغره انضرب بالعُود ايتلّگاك ابثغر باسِم

بسْمِته الْـ عَـلَه ثغره ..
حلوه ما زالت رغم جور الزمان
و أبد ما غيَّرها ضرْب الخيزران

گلبك ايكون لـ مصابه يحترِگ
لازم اتموت إذا عنّه تفترِگ
~~~~
و لوْ گلبك خرابه يصير أبد لا تگطع الظنه
التريده ايجيك كون ايْجيك ولو بس راس يتعنّه
مثل بنت الشهيد احسين الگِظت سفرتها بالونّه
اجاها و منخضب شيبه اِبْـ حَمَار ادمومه مو حِنّه

نيّتك صفّيها ..
اتشوف إمامك بالصدِگ مو بالمنامْ
ايْوَفِّـقَـك ألله او تحِب إيد الإمام

او عگب فرگاه اِلـ جفِن ما ينطبِگ
لازم اتموت إذا عنّه تفترِگ
~~~~
تگول الراح كون ايْعود باچر لو عگب باچر
او من گد ما تفكّر بيه لفاها بالحلِم زاير
الكِسَر خاطرها لمَّن راح إجاها يجبر الخاطر
رجع بس حاجِبه مطبور او شيبه امترّب او عافر

عرْفته والدها ..
رغم ما خده بقه اِبْحَرِّ الرِّمال
بس جَمال الله يظل نَفْس الجَمال

ابْلا هوَه اشلون الـ صدر ما يختنِگ
لازم اتموت إذا عنّه تفترِگ
~~~~
ابعدد خطوات ناگتها تنشد وين والدها
و گبل ميكون أبوها احسين رقيّه اتشوفه سيّدها
إهِي أيام فارگها لچَن حِسبةْ سنة عدها
إجاها و حضْنِته الطفله و عله خدّه اجعلت خدها

شمِّته من نحْره ..
اْو ماتت او چفها رِخَه من هالمُصابْ
و امْن إديها راسه طاح اعله الترابْ

عگب لحسين الـ گلب لا ما يدِگ
لازم اتموت إذا عنّه تفترِگ
~~~~
Bk_Mj
~~~~
https://youtu.be/jBUyw2_KUtc





#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

وَصِّلْ سَلَامِيْ لِلَاحْبَابْ يَنَجْمِ السِّمَه
مِـنْ رُوحِـيْ بَلِّغْ تَحِيَّاتْ لِبِنْ فَاطِمَه
هَالسَّلَامِ اِحْمِلَه بِالهَوَه الكَرْبَلَه
وَصِّلْ سَلَامِيْ
ــــــــــــــــــــــــــــــــــــــــــــــــــــــــــــــــــ
أرِيد اكْتِبْ سَلَامِيْ اِوْ بَلْكِيْ حَاوِلْ
تِـوَصِّـلِّـيْ الـسَّـلَامِ الـبِـالـرَّسَـايلْ
اعْلَه المْخَدْرَاتْ سَلِّمْ وِالمَحَامِلْ
عَلَى اخْوَان ابُوفَاضِلْ وَ ابُوفَاضِلْ

رِدْتَكْ تِسَلِّمْ عَلَى احْسينْ بَعَدْ يَانَجِمْ
الكِلْ غَالِيْ وَصِّلْ تَحِيَّاتْ إلَه بِالإسِمْ
شوگِيْ هَمْ وَصِّلَه هَالسَّلَامِ اِحْمِلَه
وَصِّلْ سَلَامِيْ
ــــــــــــــــــــــــــــــــــــــــــــــــــــــــــــــــــ
تِبَلِّغْ شوگِيْ لِحْسينِ ابْحَچِي الهَمْ
إبِـنْ عَـمِّ اِوْ يِرِيدِ ايْشُوفِ ابِنْ عَمْ
وِ اذَا عَـنِّـيْ سِئلْ وِ اعْلَيَّه سَـلَّـمْ
إبِنْ عَمَّكْ تِگِلَّه اتْخَضَّبِ ابْـدَمْ

امْنِ الكُوفَه گِلَّه المَكَاتِيبْ مِلوهِنْ چِذِبْ
وينِ الفِعِلْ بَسْ عَالاوْرَاقْ حَچِيْ اِوْ مِنْكِتِبْ
وِالحَچِيْ أرْسِلَه هَالسَّلَامِ اِحْمِلَه
وَصِّلْ سَلَامِيْ
ــــــــــــــــــــــــــــــــــــــــــــــــــــــــــــــــــ
أرِيدِ اتْبَلِّغِ احْسينِ الجِرَالِيْ
تِخِبْرَه اشْلونْ وَحْدِيْ اِوْ ظَهْرِيْ خَالِيْ
اِوْ تِگِلَّه الچِنِتْ حَاسِبْهُمْ رِجَالِيْ
زِلِمْ بَـسْ بِالإسِمْ بَيْنولِيْ تَـالِـيْ

خُلْفَ الله گِلَّه اعْلَه طوعَه كَفُو وِالنِّعِمْ
صَحْ هِيَّه حُرْمَه اِوْ بِالافْعَالْ تِعَادِلْ زِلِمْ
حُرْمَه وِ امْعَدَّلَه هَالسَّلَامِ اِحْمِلَه
وَصِّلْ سَلَامِيْ
ــــــــــــــــــــــــــــــــــــــــــــــــــــــــــــــــــ
تِبَلْغِ احْسينْ مِنْ طِحْتِ ابْحَفِيرَه
اِوْ رِمَوا بِسْهَامْ ابِنْ عَمَّه اِوْ سَفِيرَه
اذْكَرِتْ مِنْ يوگعِ ابْحَرِّ الظَّهِيرَه
يِطُرْ گلْبَه السَّهَمْ وِ ابْـلَا عَشِيرَه

وِ اذْكَرْتَه لَمَّنْ عَالتْرَابْ تِظَلْ جِثِّتَه
اذْكَرْتِ الحَجَرْ مِنْ يِصِيبِ ابْجَرِحْ جَبْهِتَه
وِالدِّمَه ايْغَسِّلَه هَالسَّلَامِ اِحْمِلَه
وَصِّلْ سَلَامِيْ
ــــــــــــــــــــــــــــــــــــــــــــــــــــــــــــــــــ
تِبَلْغَه القَصِرْ هَمْ ظَامِيْ اِوْ وِصَلْتَه
وِ المَايْ ابْـدِمَه اشْفَافِيْ خِلَطْتَه
حِمَدْت الله اعْلَه هَالموتَه اِوْ شِكَرْتَه
مِثْلِ احْسينْ ظَامِيْ الموتْ شِفْتَه

لَاگيتَه موتِيْ وِالشْفَافْ غِدَنْ ذَابِلَه
وِ انْويت اوَاسِيْ الِّذِيْ ايْمُوتْ بَرِضْ كَرْبَلَه
ابْدَمْعِتِيْ الهَامِلَه هَالسَّلَامِ اِحْمِلَه
وَصِّلْ سَلَامِيْ
ــــــــــــــــــــــــــــــــــــــــــــــــــــــــــــــــــ
تِبَلْغَه اعْلَه السَّطِحْ أهْديتَه دَمْعَه
اِوْ أمُرْ سَيَّافْهُمْ نَحْرِيْ يِگِطْعَه
اذْكَرِتْ گطْعَةْ وِرِيدَه اِوْ گطْعِ اصِبْعَه
اِوْ حَوَافِرْ خيلْ تِسْحَگ فوگ ضِلْعَه

لَمَّنْ رِمونِيْ عَلَى الگاعْ صَرِيعِ الجِسِمْ
اشْكَرْتَ الله خَلَّانِيْ امُوتِ ابْضِلِعْ مِنْهِشِمْ
اِوْ جِسْمِيْ مَحَّدْ إلَه هَالسَّلَامِ اِحْمِلَه
وَصِّلْ سَلَامِيْ
ــــــــــــــــــــــــــــــــــــــــــــــــــــــــــــــــــ


٢٥ / ٩ / ٢٠١٧ الإثنين
البصرة / المشراق
#كرار_حيدر_الخفاجي

#وصل_سلامي
#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

تناول حبيب العلم من كف هالشفية
هزّه بيمينه وقال طابت لي المنية


عايف حياتي والاهل لاجلك يا صنديد
تشهد صناديد الحرب عندي الحرب عيد
نموت بمعزة ولا نعيش بطاعة يزيد
يا بن الرسول وطاعتك فرضن عليَّ


والله يا بن بنت النبي لو قطعوني
بالسيف والخطي والنار احركوني 
وذروا عظامي بالهوا وتالي انشروني
سبعين مرة هالفعل يجري عليَّ


والله يا بو السجاد ما افارق جمالك
روحي ومالي والأهل كلها فدالك
كل شعيتك تفنى ولا تهتك عيالك
والتفت لاصحابه وعبراته جريّه


قلهم يفرسان الحرب كلكم تسمعون
باجر ابهالعرصه يثور الحرب والكون
ولا يكون سادتكم بني هاشم يحملون
الا بعد ما ننفني كلنا سوية


قله البطل عباس ما ترضى شيمنا
المطلوب اخونا وهالحرم كلها حرمنا
و انجان ثار الحرب يتقدّم علمنا
منشور بيدي واخوتي تمشي بفيّه


قال الشّهيد حسين يا مهجة الكرّار
جدّامنا خلها يخويه تفوت الانصار
منّه ومنهم يالأخو تتْقصَّف اعمار
تالي النّهار خيامنا تبقى خليّه


وتالي عْلَى المخيّم يخويه تهجم الخيل
وتطلع خواتك من خباها تصيح بالويل
ريتك تعاين حالها لو هوّد الليل
وتصير قشره على النّسا ذيج العشيّه



كلمات #ملا_عطية_الجمري
#عايف_حياتي
#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

لَمَّنْ إجَه اللّيلْ لِلشَّاطِيْ جيتَكْ
دَوَّرْتَـكِ اِهْوَايْ بَـسْ مَـا لِگيتَكْ
رِدْتَكْ يَوَفَّايْ مَا رَايِدَه المَايْ
ــــــــــــــــــــــــــــــــــــــــــــــــــــــــــــــــــ
بِالگوَّه أمْشِيْ اِمْنِ اِطْلَعِتْ وِ اِبْرُوحِيْ حِيرَه
وِ الـدِّنْـيَـه لـيـلِ اِوْ خَايِفَه وِ الـيَـدْ گِصِيرَه
أرْد اشْتِكِيْ وِ اِتْخَيَّلِ اِهْمُومِيْ الچِبِيرَه
اِشْحَالِ العَشِيرَه لوْ وِگعْ بَـدْرِ العَشِيرَه

مَا عِنْدِيْ كَفَّالْ بَعْدَكْ يَغَالِيْ
عِدْوَانِيْ يَاحيفْ شَافَوا خَيَالِيْ
مِنْ هِجْمَتِ اِعْدَايْ رِدْتَـكْ يَـوَفَّـايْ
ــــــــــــــــــــــــــــــــــــــــــــــــــــــــــــــــــ
يَاخُويَه وِالصّوبِ النَّهَرْ جيتَكْ حَزِينَه
مَعْقُولَه صِرْنَه اِبْلَا خِيَمْ مَا تِدْرِيْ بِينَه
لوْ فَكَّرِتْ تِسْألْنِيْ وين اِحْسينِيْ وينَه
يَا " هَالله هَالله بِالسِّيُوفِ اِمْگطِّعِينَه "

مَذْبُوحِ الحْسينْ عَالغَبْرَه عِفْتَه
وِالشِّمِرْ بِالسّيفْ گـاطِـعْ رُگُبْتَه
اِبْهَالنَّايِبَه هَايْ رِدْتَـكْ يَـوَفَّـايْ
ــــــــــــــــــــــــــــــــــــــــــــــــــــــــــــــــــ
عَبَّاس اسـولِـفْـلَكْ رِدِتْ عَـنْ نَـايـبَـاتِـيْ
وِالطَّفْ أخَذْ كِلْشِيْ اِشْعَجَبْ مَا خَذْ حَيَاتِيْ
نَـارِ الخِيَمْ بَعْدَكْ كَلَتْ طَارِفْ عَـبَـاتِـيْ
تِـرْضَـاهَـا مَا بينِ الزِّلِمْ يِمْشَنْ خَـوَاتِـيْ

وِالشَّامِتِ اِيْصِيحْ زينَبْ وِلوهَا
عَالمَشْرَعَه اِهْنَاكْ مَذْبُوح اخُوهَا
مِنْ سِمْعَوا اِبْـچَايْ رِدْتَـكْ يَـوَفَّـايْ
ــــــــــــــــــــــــــــــــــــــــــــــــــــــــــــــــــ
تِگعِدْ وَ ارَاوِيـكِ الـمَـتِـنْ يَـالفَارَگِتْنِيْ
اِبْلونِ العَبَايَه اسْوَدْ صُبَحْ يَاخُويَه مَتْنِيْ
وِ اِبْعينِيْ شِفْتِ السَّطْرَه لوْ لَا مَا شِفِتْنِيْ
يِضْحَكْ عَلَى سَبْيي الشِّمِرْ لَـمَّـنْ عِفِتْنِيْ

لـوْ إنْتَه مَوْجُودْ مَحَّدْ يِجِيلِيْ
بَسْ هُمَّه يِدْرُونْ مَيِّتْ كَفِيلِيْ
جِرْحَتْنِيْ دِنْيَايْ رِدْتَـكْ يَـوَفَّـايْ
ــــــــــــــــــــــــــــــــــــــــــــــــــــــــــــــــــ
لوْ إنْتَه حَيْ مِنْ يِجْرَأ اِيْسَمِّعْنِيْ كِلْمَه
بَسْ مِنْ طِحِتْ صَارِ الشِّمِرْ گِدَّامِيْ زِلْمَه
خَلِّينِيْ اوَدْعَنَّكْ وَ ارِدْ وِ الدِّنْيَه ظَلْمَه
صَعْبَه اطْلَعِ اِگبَالِ الرِّجَالِ اِوْ آنَه حُرْمَه

مِن الله مَكْتُوبْ هَـايْ المُصِيبَه
تُبْقَه اِنْتَه مَذْبُوحْ وَ انَـه غَـرِيـبَـه
مَا ظَلْ بَعَدْ رَايْ رِدْتَـكْ يَـوَفَّـايْ
ــــــــــــــــــــــــــــــــــــــــــــــــــــــــــــــــــ
خَلْ أرْجَعِ اِوْ وَجْهِ الصُّبُحْ تِتْلَاگه بِيَّه
لَاكِـنْ تِشَاهِدْنِيْ عَلَى النَّاگه سِبِيَّه
عُگبِ اِيدَكِ اِبْحَبْلِ العِدَه مَچْتُوفَه ادَيَّه
وِ اِنْسَلِّمِ اِعْليك آنَه وِ اِسْكينَه اِوْ رُقَيَّه

طَلْعَتْنَه لِلشَّامْ وِ اِمْوَدِّعِينَكْ
اِوْ نِرْجَعْ يَعَبَّاسْ يوم ارْبَعِينَكْ
تِلْگه الظَّعَنْ جَايْ رِدْتَـكْ يَـوَفَّـايْ
ــــــــــــــــــــــــــــــــــــــــــــــــــــــــــــــــــ


٢٢ / ٨ / ٢٠١٩ الخميس
مشهد المقدَّسة
#كرار_حيدر_الخفاجي

https://hottg.com/kraralkafagy

#ما_لقيتك
#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

قصيدة #رغم_الوباء مكتوبة


عهدنا للأبد منعوف الزيارة
علينا الشاهد الله نعتني لثاره
وابو السجاد ندري يتاني خطاره
زاير الله يحسب كل فرد زاره

النا فاتح الحضرة قبل ما تنفتح الحدود
النا فاتح الحضرة
والعباس دك صدره قبل ما تنفتح الحدود
النا فاتح الحضرة


رغم هذا الوباء نزور والينا
نضحي وما يهم بالماضي ضحينا
القبل قطعوا جدمنا وي ايادينا
صحنا نجيك زحفا يا ابو سكينة

ما تتبدل الفكرة نزور وخل يجينا الموت
ما تتبدل الفكرة
لن الموت بي بشرى نزور وخل يجينا الموت
ما تتبدل الفكرة

عقيدتنا بزيارتنا سماوية
نقدس كربله وهالكاع قدسية
كم معصوم وصانا هالوصية
لا تنسون يوم الأربعينية

نقسم والله يا زهرة ابد لا ما نعوف حسين
نقسم والله يا زهرة
وتشهد زينب الكبرى ابد لا ما نعوف حسين
نقسم والله يا زهرة



#قصائد_مكتوبة
كلمات #عبدالله_بوحمد

قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

كلمات قصيدة سلطان الأحاسيس

كلمات قصيدة مو بعيدين

اجيت وانا محتاج نظرة
يزينب شايل ذنوب كثرة
فقير وأمتلك زاد عبرة
عسى قلبي تجبرين كسرة

اعله بابج وقوفي قسم ما أمله
لأني بوقفتي اعله غيرج مذلة
بعطا تفضلي
تنظرين إلي
عليج بعلي
يزينب
اجيت بقصد
اطلبج وأرد
عبد بس عبد
يزينب
🖤🖤🖤🖤🖤🖤
اجيتج وانا خجلان نادم
تراني كلي تقصير عالم
حضوري بمجلس حسين دايم
بديه شايل شموع جاسم

أذكره وانادي ييمة اذكريني
اعله جاسم يزينب أقبلي ونيني
تشب مهجتي
وأصب دمعتي
وتظل صرختي
يالاكبر
ونينيج إله
بهذاك الفلا
ونيني عِلا
يالاكبر
🖤🖤🖤🖤🖤🖤
إذا كلمة سبيات أسمع
أظل ألطم بالايدين واجزع
سكينة اشلون للشام تطلع
ورقية من على النوق توقع

يزينب رُقيَّة بعدها صغيرة
اربطوها اسحبوها خذوها أسيرة
شِلت كربله
وسبي العايلة
وبجي الراحلة
بخرابة
انا دنيتي
ردت عيشتي
وردت موتتي
بخرابة
🖤🖤🖤🖤🖤🖤
أريد أبقى على منهاج فضة
معاكم من تامرون أرضى
يريت بعاشر وياج لحظة
واحصل من الخيول رضة

يزينب عساها اقطعوها ادية
وردتها الحوافر مشيها عليَّه
يبنت النبي
وحق السبي
انا مطلبي
قبولج
لطمت الصدر
بجيت شكثر
أريد الأجر
قبولج
🖤🖤🖤🖤🖤🖤
مثل مهدينا هالروح تلهب
بصباح وكل مسه انحب
ينادي المهدي كل يوم زينب
الج من قبل من الغياب شيب
حروفج يزينب تجرحه وتألمه
بدموعه يندبج يعمه يعمه
🖤🖤🖤🖤🖤🖤

#نظرة 1443 هـ

الميرزا #محمد_الخياط
كلمات الشاعر #عبدالله_بوحمد

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

يالمهدي حزني مثلك أعلنه
يا زينب
تندبها أكثر من ألف سنة
يا زينب
للعقيلة صار لطمي
بأبي زينب وأمي
يا مهدي

⚫️ ⚫️⚫️
حزنك على أم الحزن عده الالف عام
بالشام زينب عمتك كل يوم الك شام
يالباجي إلها بلا عدد بجيت الأيام
في هذه الساعة وكل ساعة متنام

تنادي
وينه اليواسي مهجتي
تنادي
انا السبوها عمتي
وعباس ما گام

آه اعله زينب تبقى صرختك
هالليلة
وبنص رجب تقصدها عمتك
هالليلة
تزورها وصرختك يمي
بأبي زينب وأمي
يا مهدي

⚫️ ⚫️⚫️

من يوم غربة عمتك يومك صبح ليل
صرختها بإذنك باقية ومصاهل الخيل
حاطتها خيل بكربلا وعسكر شبه سيل
تلزم طفل يوگع طفل محتارة شتشيل
عليها
يالمهدي قلبك يحترق
عليها
تشهق شهيگ المختنق
وتظل بلا حيل
تذكرها زينب لآخر العمر
يالغايب
واذكرها انا والطم الصدر
يالغايب
فدوة الها يجري دمي
بأبي زينب وأمي
يا مهدي

⚫️ ⚫️⚫️

بعينك بقى المشهد لمن حرقوا الصيوان
بت حيدرة بخوف تعدي ما بين عدوان
هاي اللي ظلها منحجب عالانس والجان
فرجة تراهي أصبحت لفلان وعلان
قمرها
رادت تقصده المشرعة
گمرها
شافت جفوفه مگطعه
والعدو شمتان
يالمهدي زينب إلها ما رجع كافلها
يوگع دليلك لو صحت وگع كافلها
وللكفلها دمعي يجري
بأبي زينب وأمي
يا مهدي
⚫️ ⚫️⚫️

تقره الزيارة الناحية وتفسر الحال
جدك وسط أرض الحرب متوسد رمال
مخزي جواده من رجع فوگه السرج مال
وزينب على حسين صفنت يم جسمه چتال
تشوفه
هذا اخوها المنذبح
تشوفه
والراس وينه عالرمح
تاليها ينشال
يم جسمه زينب صاحت بفزع
يا جدي
سبطك منه فلا سلم ضلع
يا جدي
تنظره عالگاع مرمي
بأبي زينب وأمي
يا مهدي
⚫️ ⚫️⚫️

لمن تجي لزينب أظن تحسب اللحظات
سيفك تقبضه وتنتظر موعد الثارات
وتصيح زيمب عمتي سكنت خرابات
ما چنها بنت المرتضى وبنت النقيات
ي عالم
دايم أزور أم الصبر
ي عالم
واقصد رقية وچم گبر
للفاطميات

بالك تشغله زينب شكثر
يالحجة
ما تنسى لحظة حالة اليسر
ياللي همك صار همي
بأبي زينب وأمي
يا مهدي
⚫️ ⚫️⚫️

إسم الله على عمرك ذبل والغيبة تكفيك
مذنب اجيتك سيدي رايد اواسيك
اغفرلي كل زلة وبعد فعلي اليأذيك
لابس سوادي لعمتك رايد أراويك

تراني
لأم الخدر ابقى عبد
تراني
مجلسها ما اتركه أبد
احضر واعزيك

لا جاه أريده سيدي وجزه تدريني
لزينب أريده موتي بالعزه تدريني
وبسجلها تسجل إسمي
بأبي زينب وأمي
يا مهدي



#بأبي_زينب_وأمي

الميرزا #محمد_الخياط
كلمات الشاعر #عبدالله_بوحمد

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

هانت .. كلها ليله او تستراحين
چانت .. صعبه أيّامچ و لسنين
او گلب الشبع وَنْ و اِنياحْ
باچر يزينب يرتاحْ
هانت
ـــــــــــــــــــــــــــــــــــــــــــــ
عگب البواچي و الحزن و النَّايبات
باچر أخيرًا جفنچ السَّاهر يبات
تالي عگب طول الصبُر ..
ايصير ارتياحچ بالگبر..
يم الحزِن و المثلچ أريَحْله الوفاةْ

فكّيتي ريج اعيونچ اعله الدمعه من يوم الباب
و اوّل اجروحچ فاطمه اگبالچ ضلعها ينصاب

بينچ .. او بينْ أمِّچ ساتر النَّار
عينچ .. بالضلِع شافت البسمار
اْو جفن النِظَر محسن طاحْ
باچر يزينب يرتاحْ
هانت
ـــــــــــــــــــــــــــــــــــــــــــــــــــــ

بعده دمِع عينچ عله الزهره يِسيل
لن يصرخ ابصوته او ينادي جَبْرَئيل
ينعه او ينادي بالسِّمه ..
طبرْوا علي حامي الحِمه ..
يم المصايب و الأبُو اگبالچ قَتيل

وحده ورَه وحده عليچ اِمْرادفات الأيّام
شفتي الحسَن يخْت الحسَن تمطر على نعشه اِسهامْ

تالي .. صُفَت دارچ دار للنُّوح
غالي .. ورَه غالي منّچ ايروح
او دلّالچ الكِلَّه اِجْراح
باچر يزينب يرتاحْ
هانت
ـــــــــــــــــــــــــــــــــــــــــــــــــــــــــــــ

راحوا يزينب أهلچ او من ودّعوچ
ظل يمچ الـبي ريحه من أمچ و ابوچ
و ايهوّن عليچ الحزِن .. بوجوده گلبچ مطمئِن
او يمسح عله حزنچ بديْه احسين أخوچ

خامس اصحاب أهل الكِسه احسين او ثُمال الباقين
ايعوِّض مكان اللي مضوْا مادامه موجود اِحسين

لاچِن .. من مشه عنّچ او خلَّاچ
ماظِن .. احسين ممكن لحظه ينساچ
او راسه البگه فوگ ارْماح
باچر يزينب يرتاحْ

ــــــــــــــــــــــــــــــــــــــــــــــــــــــــــــــــ

و أصعب ليالي مرّت ابهاي السنين
لمّن بقيتي ابلا كفيل اْو لا مُعين
و اشْمَصعَب اعليچ السَّفر ..
كل يوم محسوب الشهراني..
إنتي او خواتچ بالحِبال امچتّفِين

ابذيچ المجالس وگفتچ أصعب من الموت اضعافْ
او طوُلچ الما شافه أحَد بين الأجانب ينشافْ

موتچ .. اعليچ أهوَن لو تموتين
صوتچ .. ينسمع وسط الدِّواوين
او هالصوت من عگب اِصْياح
باچر يزينب يرتاحْ
هانت
ــــــــــــــــــــــــــــــــــــــــــــــــــــــــــــــــــــــــ
ظلّيتي وحدچ تالي منتظره المماتْ
بالشام جسمچ و الگلب يمِّ الفُراتْ
بالغربه ميحانچ وصل ..
لا أخوه يمّچ لا أهَل ..
يا الماحظيتي ابفرحه و إنتي بهالحياةْ

اتفرِّگوا عنّچ أخْوِتچ و ابموتتچ يلتمّون
و أهل الكساء الخمسه لابد يحْضرونچ يا امْ عون

باچر .. نعشچ ايْشيلونه عالرَّاس
حاضِر .. ابأوَّل التشييع عبَّاس
او لو شافچ الهَم ينزاح
باچر يزينب يرتاحْ
هانت
ــــــــــــــــــــــــــــــــــــــــــــــــــــــــــــــــ

ميرزا عادل أشكناني

🆔https://hottg.com/mirza_adel_ashkanani


#هانت

الميرزا #محمد_الخياط
كلمات الميرزا #عادل_أشكناني

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

🤍🤍🤍🤍🤍🤍
لائذ عائذ يا فاطمة
بالحسين التجي وبماتمه
اهدي لج صيحتي للخاتمة
حسين

اخذي ما امتلك وبلا ثمن
عمري كله وقف طول الزمن
شوفي وسط القلب وحده سكن
حسين

يمولاتي انه
بعزه طول السنة
حياتي كربلا

إمامي وندبته
إلهي برحمته
خلقني بس اله

لهفي لغربته
حالة جثته
بساعة طيحته
يصب نهر دمه

بأبي هو
عالغبره هوه
وي شم الهوا
صرخ ضمه ضمه
🤍🤍🤍🤍🤍🤍

عالصدر من ادق ما من ألم
يا عسى لطمتي جانت سهم
مقصر وسيدي صدره انهشم
حسين
ليتني ليتني كنت معه
للحسين الاجل ما اروعه
لو ألف موته لي هم اتبعه
حسين
الي اعظم جزا
حضورج للعزا
سماعج صرختي

اللطم لابنج حلى
وعلي متفضلة
قبولج لطمتي

دمي لو جرا
انحب واذكره
وبحاله شجرى
امتلى الجسم نبل

سهام الصابته
مرمي خلته
واخته شافته
واله الدمع تهل

🤍🤍🤍🤍🤍🤍

اجزع من استمع كلمة رمح
جسمي كبله شعجب ما بي جرح
واصرخ لذبحته كون انذبح
حسين
وي خيامه القلب خل يحترق
انا وي عاشره ما نفترق
والنبض للأبد بسمه يدق
حسين
ليالي محرمه
منامي محرِمه
تظل عيني بسهر

اعله زينب بت علي
عويلي يعتلي
مسه الحادي عشر

منهو تناشده
يمها بس عده
ولاجل السيدة
فلا بقت خيم

كافلها اعتذر
نايم عالنهر
وبجف القمر
فلا يرف علم
🤍🤍🤍🤍🤍🤍

من القبر والعتب خايف تره
طالبج بالعفو والمغفرة
مذنب انا ومحب بن حيدرة
حسين

منتظر جيتج وسط القبر
منتظر فزعتج يوم الحشر
بالدمع منكتب فوق الصدر
حسين
المفر وين المفر
جزائي لو سقر
بعد اقصد لمن

ولاينفع نسب
واضج بين اللهب
احب ام الحسن

لا مال ولا ولد
ينقذني بعد
بس انت المدد
امل يظل الي

جهنم ما تشب
نورج يقترب
تدريني احب
علي علي

🤍🤍🤍🤍🤍🤍

#يا_فاطمة

الميرزا #محمد_الخياط
كلمات الشاعر #عبدالله_بوحمد

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

مَن لم يجد طعم الهوى ماذا تُراه قد وجد
شكرا جزيلا سيدي لولاك كنتُ لا أحد

سلطان.. وفي قلبي لك العرشُ
سلطان.. وضلعي للهوى نقش
سلطان.. دعاك المهدُ والنعش
سلطان

مملوك..ولا لم أرجو إخلاءا
مملوك.. بذلتُ الوجه والماءا
مملوك.. فخذني اليوم بكاءا
مملوك

يا داءَ قلبي والدوا كالضد بالضد اتحد
الويل لي ان إن أُطردِ لولاك كنت لا أحد

🖤🖤🖤🖤

عطشان.. سقيتَ الدين من نحرك
عطشان.. وتاه الماءُ في سرك
عطشان.. ضممتِ الكون في صدرك
عطشان

ريّان.. لقلبي شئت أن يحيى
ريان.. ودمعاتي هي السقيا
ريان.. فلم تضمئني الدنيا
ريان

نبضي بعينيك ارتوى أمنًا وعطفًا للأبد
وردي وريدي موردي لولاك كنت لا أحد

🖤🖤🖤🖤
ناديتْ..نداءا في المدى زاخر
ناديت.. وانت القادر القادر
ناديت.. أما في القوم من ناصر
ناديت

لبيك.. كجبرائيلك الخادم
لبيك.. أنلني نظرة الراحم
لبيك.. اواسي في العزا فاطم
لبيك

زنجيل أحزاني كوى روحي فجمري ما خمد
للموت تبقى مقصدي لولاك كنت لا أحد

🖤🖤🖤🖤

محبوب.. حسينٌ أنتَ من ربك
محبوب.. وكل السُكرِ في حبك
محبوب.. حياةُ الروح في قربك
محبوب

مُشتاق.. فدعني أقصد القبرا
مشتاق.. لأروي تربة الحمرا
مشتاق.. وأبقى عُودة خضرا
مشتاق

وا لهفتي لنيونى يا وراث الزهر مدد
أرجوك لي لا تُبعدِ لولاك كنت لا أحد



معطاء.. بلا كم ولا كيف
وتسجي الغيم بالصيف
معطاء.. لتقضي حاجة الضيف
معطاء..

مشكور.. تقبل حبي الفطري
مشكور.. وشكري احتاج للشكر
مشكور.. قلبي آخر السطر
مشكور



#لا_أحد 1443 هـ

الميرزا #محمد_الخياط
كلمات الشاعر #علي_عسيلي_العاملي

#قصائد_مكتوبة
#فصيح


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

⬆️قصيدة (لا أحد) مكتوبة⬆️

اللهم صل على محمد وآل محمد وعجل فرجهم