كأنّي بالطفلةِ العليلة تسمعُ صوتَ البكاء والنحيب منْ تلك الناحية..وإذ به بشر بن حذلم.
دنت منه مسرعةً وجرى هذا الحوار:

أنا طفلةٌ تغفو أمام البابِ
باللهِ أخبرني عن الاحبابِ
عاتبتهم حتى جرتْ من دمعي أعتابي

⚫⚫️⚫️
١/يا بشرُ إنِّي قدْ لمَحْتُكَ صارِخاً تنعى
لكنْ لِشدَّةِ ما بكَوْا لَمْ أستطِعْ سَمْعا
ما ذَلِكَ الصوتُ الذي قدْ زلزلَ السَّبعا ؟
ورأيتُ "قبرَ المصطفى"* يَهْمي لهُ الدَّمْعا

وسمِعتُ آهاً هيَّجتْ أوجَاعي
مِنْ جدَّتي مكسورةِ الأضلاعِ

يا بشر عندك هل أرى سببًا لأسبابي

⚫️⚫️⚫️

*ينقل أرباب المقاتل أن بشرَ بنَ حذلَم نعى الإمام الحسين (ع) عند قبر جدِّه المصطفى (ص).

٢/في أيِّ وادٍ يا تُرى وَجْهُ السَّنا حلّا ؟
أتُرى يعُودُ زمانُهُ أمْ يا تُرى ولّى؟
إِنْ أسألِ الجُدرانَ عَنْهُ جاوبَتْ "كلاّ"
باللهِ أصْدِقْني فقلْبي في النَّوى كلاّ

فمتَى سيرجعُ والدي يا بِشرُ؟
لتعودَ أيّامُ الهَنا والبِشرُ
غصني ذوى أشكو الجوى في فقد أطيابِ

⚫️ ⚫️⚫️

٣/فأجابهَا يا طفلةَ الشَّمسِ اقبَلي عُذري
ولتسْألي أمَّ البنينَ فإنَّها تدْري
قَالَتْ : نعمْ، شاهدتُها مكسُورةَ الظَّهْرِ
لا لا تقُلْ أنَّ السَّمَا أمْستْ بِلا بدْرِ

فبكى وقد ضَاقتْ بهِ الأنفاسُ
يا طِفْلتي آهٍ قضَى العبَّاسُ

حزن الفرات لأجله يجري كميزابِ

⚫️ ⚫️⚫️

٤/إِنْ كانَ حقاً قد مَضى عمِّي أبُو الفضلِ
يعني بأنَّ الشَّملَ عادَ مُبَدَّدَ الشَّملِ
لكِنْ تُرى جارَ الزَّمانُ بأَخذَةِ الكُلِّ ؟
أرجوكَ يا بشرَ الأسَى ما حالُهِمْ قُلْ لي..

أينَ الحسينُ ، متى أرى إشْراقَهْ ؟
فأنا لدفءِ ضُلوعِهِ مُشْتاقَهْ

أين الحبيب لكي يرى من بعده ما بي؟

⚫️ ⚫️⚫️

٥/وكأنَّ بِشراً ها هُنَا لمْ يمتلِكْ صَبْرا
أَبُنيَّتي قد عظَّمَ البَاري لكِ الأَجرا
قُتِلَ الحُسينُ ورأسُهُ ما بارَحَ السُّمْرا
والجِسْمُ أمسى عافراً ملقىً على الغبْرا

لا ترتجي مِنْ صَدْرِهِ تِحْنَانا
فلقَدْ غدا لِخيولِهِمْ مَيْدانا

ما بين أبناء قضوا صرعى وأصحاب

⚫️ ⚫️⚫️

٦/ويلاهُ واويلاهُ صاحتْ تخمِشُ الخَدّا
وعلى الثَّرى مِنْ كفِّها قدْ أسقَطَتْ مهدا
يا بشرُ أينَ أخي الرضيعُ يخفِّفُ الوَجْدا
فأجابَها سهمُ اللئيمِ بِنَحْرِهِ أوْدى

ساروا بهِ فوقَ القَنَا مرفوعا
والأمُّ تنظُرُ رأْسَهُ المقطوعا

مسبية مع زينب في قيد أغراب

⚫️ ⚫️⚫️

#إسم_القصيدة: #أنا_طفلة

الميرزا #محمد_الخياط
كلمات: #علي_عسيلي_العاملي
https://hottg.com/AliOsailyAmily

#قصائد_مكتوبة
#فصيح



قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

.

بالحب شال عقول
من تحكم شنكول
واشلون وهذا الحب غاية كل مأمول

خلي الشوق يطول
عن عشقك وجنونك بس قلبك مسؤول

وجنونك مقبول
وجنون الحب يالعاشق زيّن العقول

💚💚💚

والله يمحمد كل عمري للنبي وآله منذور
حبهم انفاسي الي بصدري والعشق يسكن الصدور
كلت وخل يدري الما يدري احنه نتقرب بالنور
والله لو يجري شما يجري ندعي نتوسل ونزور

النبي بليلة ميلاده يبتهج قلب الأكوان
والوصي بفرحة اعياده تفرح آيات القرآن
مولد الزهرة بامجاده فايض بلؤلؤ ومرجان
نحتفل ونهني السادة والفرح يعني الإيمان


بعض الحب اسرار
مو كيفك تختار
قلبك من يتعلق احسب عقلك طار

وتحن ليل نهار
تحزن تفرح للحب وبحالك تحتار

هذا الحب ما صار
انت شفته انتَ بعينك جنة بقلب النار

💚💚💚

يا علي مهدي وحق اسمك انا عالخدمة تربيت
والي يجري بدمي ودمك للابد حب اهل البيت
لان رضاهم حلمي وحلمك من يطلبونك لبّيت
خل يكون بعلمي وعلمك ما توّفي شما حبيت

الحسن يستاهل روحي كاتب اسمه اعله الخدين
والحسين يداوي جروحي احلى حب في الدنيا حسين
وابني بالسجاد صروحي واسجد بقلبي والعين
كل فرض ابجيه بروحي وابتسم بين الفرضين


هالعلم مأسور
باربعتشر نور
يا الله شكد حبهم بالمصحف مذكور

بالكوثر والطور
بالإنسان وفاطر بالحمد وبالنور

جنة ونهر وحور
لولاهم ما جانت لا ارض وبحور

💚💚💚

الله ميّزهم يمحمد صاروا اطهر واغلى الناس
بيهم القرآن استشهد والسور نبض وانفاس
للحشر عصمتهم تمتد حتى زينب والعباس
نرتوي بحبهم نتورد والعطر غيرة وإحساس

قلبي للباقر ذبيته ضايع بعلمه المكنون
جعفر الصادق حبيته مذهبي وقلبي والعيون
شوقي للكاظم ربيته كلي في عشقه مسجون
صبني دمعي وما صبيته خل يسموني المجنون


كل مرسل ولهان
وبحبهم هيمان
يوسف بيهم معجب وبعينه البرهان

يوشع وسليمان
وابراهيم ويونس عيسى وبن عمران

لو تسأل لقمان
لوما ذاب بحبهم ما يملك لسان

💚💚💚

يا علي مهدي مو عادي حبهم يجنن العقول
الرضا شموعي واعيادي ضامن الجنة المأمول
بالجواد اضمن ميعادي عني بالمحشر مسؤول
والي يتوسل بالهادي كل عمل منه مقبول


بالحسن متوله لاهب
عسكري الال الاطياب
واشتعل بالمهدي وذايب والشمع من شوقه ذاب

هذا والله النجم الثاقب
كلي شوق وحب واعجاب
ما اكول اظهر يالغايب يمتى غاب اصلا ما غاب

💚💚💚



#إسم_القصيدة: #كل_عمري

الميرزا #محمد_الخياط
كلمات: #نادر_التتان


#قصائد_مكتوبة
#أفراح_أهل_البيت



قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

بيّن بالسمه هلال
خط الفرحة مرسال
مولد خمسة أبطال
مولد كربلائي

🌸🌸🌸🌸

يا قلبي
الطاير من ضلوعي
أسرع من دموعي
يحجي عن موضوعي

لحسيني
المن صدق حبيته
قلبي يشبه بيته
وانا زاير جيته

وبشعبان شع وبان
ضوّه الدنيا خدّه
حضن الزهرة مهده

هذا حسين .. بينه وبين
الله شگد مودة

عقلي التاه .. اي والله
راد يزور ولفه
امشي وبيّه لهفة

لهل البيت .. فطرس جيت
جنحي يريد يشفى

تدري الخيمة والماي
سيد كربلا الجاي
عدهن هالمسه وياي
مولد كربلائي

🌸🌸🌸🌸

والثاني
المقترن بأنفاسي
بإسمه رافع راسي
فأنا العباسي

من جفوفه
شما ردت ينطيني
خيره تارس عيني
هو المربيني

وبدنياي .. عاش وياي
انا بزوده كامل
حرزي بيا بوفاضل

حيدر بيه .. ومربيه
حلال المشاكل

من الكرار .. وارث صار
إيمانه وثباته
من أول حياته

حيدر قال .. هالكفّال
يتكفل خواته

عباس الميادين
تربية أم البنين
فرحة قلب الحسين
مولد كربلائي

🌸🌸🌸🌸

للثالث
قلبي غنّى ونادى
وي فجر ميلاده
هلا بزين السادة

سبحانه
الخالقه سبحانه
جمع كل إحسانه
وانبته بوجدانه

هالسجّاد .. والعبّاد
كلها تظل وراءه
ما يقطع رجاءه

يدعي هواي .. لن بهاي
الله يحب دعاءه

نهر إحساس .. واعله الناس
چفه شگد تصدق
يشهدله الفرزدق

ابن الزهراء .. والبطحاء
تعرف وطأته الحق

يشهدله الحرم كون
والحل واليحجون
هاي الليلة يدرون
مولد كربلائي

🌸🌸🌸🌸

والرابع
أكبر بكل معنى
وابن سيد الجنة
جده حيدر چنه

وعيوني
والقلب ما عافه
ينسحر من شافه
أحمدية أوصافه

يا محلاه .. جلّ الله
ما خالق شبيهه
لازم حكمة بيها

شبل حسين .. قرة عين
ليلة بضي عليها

ما مطروق .. حسنه يفوق
كل حسن البرية
دُرة حيدرية

شيطلع غير .. رابي بخير
من بيت الزكية

أكبر وابن الكبار
فارس كربلا صار
فرحة كل الأحرار
مولد كربلائي

🌸🌸🌸🌸

والخامس
هي طفلة صغيرة
وبفعلها كبيرة
عم ضواها الديرة

تعرفها
كربلا وشافتها
وردة يم عمتها
وبصدق حبتها

مثل الماس .. بين الناس
شعت هالمسية
بنت حسين هي

رب الكون .. أوحى يكون
تتسمى رقية

بالأيام .. خمس أعوام
صح مدة قصيرة
بس عاشت أميرة

عاشت بين .. جف حسين
وجف بدر العشيرة

طفلة وشايلة أحلام
صارت وردة الشام
إلها بهاي الأيام
مولد كربلائي

🌸🌸🌸🌸


يا أيها الشمسُ التي خلفَ السُحُبْ
فلتبزُغي ولتكشفي كُل الحُجُبْ
وصِلي إمامَ زماننا قولي لهُ
عجّل فما للعاشقينَ سواكَ حُبْ

🌸🌸🌸🌸

#إسم_القصيدة: #مولد_كربلائي


كلمات: #كرار_حيدر_الخفاجي


#قصائد_مكتوبة
#أفراح_أهل_البيت



قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

ليش الأحباب عنا يرحون
الزرعوا الطيب ما يظلون
يهل القبور يلي غافين
مو بعيدين عن العيون

يهل القبور، القلب دوم بذكركم
انتو يمنا ومو بعيدين احنه عنكم
الشريط الاسود نشوفه بصوركم
فاريكتونا وبقت بس ذكرى منكم

من نجي نزور هم تسمعون؟!
نبجي ونصيح ما تكعدون
صعب الفراق لكن شلون
يهل القبور ما ترجعون
كنا من نقعد سوا يفرح قلبنا
بيت واحد كنا مجموعين كلنا
خالي صار البيت بجفاكم ياهلنا
مثل سبحة مطشرة محد يلمنا

كثر الدموع صرنا نشتاق
والله يا ناس مر الفراق
من الصدور كل نفس ضاق
حتى بالطيف ما تمرون

كل بشر لو مات تطلعله قرايب
هم يتولون دفنه وهذا واجب
احجيلي ع الظلت غريبة بالخرايب
زينب العافت أهلها اعله الترايب

بيوم عاشور شيب الراس
حايرة تصيح بين الارجاس
وين الحسين ووين عباس
خل يشوفون سود المتون

قبوركم ياحبابنا ظلت أثرها
بالدمع نبنيها من يقصر عمرها
بينا ياصحاب الوفه حسرة شكبرها
فاطمة المظلومة ما نندل قبرها

علي الكرار وين اخفاه
حقها العيون تبجي والله
دايم نصيح آه يا زهرا
بيوم الفراق مظلم الكون


⚫️ ⚫️⚫️


#مو_بعيدين

الميرزا #محمد_الخياط
كلمات الشاعر #أمجد_الشطري

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

#شعبان_هل_علينا 😍❤️
🌸🌸🌸🌸🌸


شعبان هل علينا ... بأنوار منّ علينا +٢

بأعياد هاشمية ... لأقمار فاطمية +٢

🌸🌸🌸🌸🌸🌸

شعبان نجلّه يا محلا اعياده

جم نور لحيدر نتنطر ميعاده

بحسين اتوضّح تتفتح اوراده

عباس الشافع بالرابع ميلاده


صيحات بالمحافل
يحسين يابو فاضل +٢


شعبان هل علينا +٢


🌸🌸🌸🌸🌸🌸

بحسين و آله تتوالى فرحتنا

يا حي اولاده هالسادة قادتنا

السجاد بيومه مرسومة ضحكتنا

و بيوم الاكبر تتبشر مُهجتنا


و الكون المُمنشد
بدرين من محمد +٢

و أفراح بالثريا ... الأقمار فاطمية

شعبان هل علينا +٢

🌸🌸🌸🌸🌸🌸

ميلاد الحجة هالبهجة تتكمل

بإسمه نادينا و الزينة تتفصل

نرفع هالأيدي للمهدي نتوسل

غاية تتدلينا و علينا تتفضل

تناديك للمنية
ثارات حيدرية


نهنيك هالمسية... الأقمار فاطمية

شعبان هل علينا +٢

🌸🌸🌸
#إسم_القصيدة: #شعبان_هل_علينا


كلمات الشاعر : #عبدالله_بوحمد


#قصائد_مكتوبة
#أفراح_أهل_البيت

تم كتابة القصيدة من قِبل أحد أعضاء القناة 💙

قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems

قناة القصائد المكتوبة
✔️ https://hottg.com/alkhayyat_fans_for_poems

للبحث عن أي قصيدة مكتوبة
اكتب الاسم ضمن هاشتاج، مثل #سيف_القمر.

أما إذا لم تكن مكتوبة يمكنك الطلب عبر بوت القناة أو عن طريق تعليقات القناة.
@alkhayyat_fans_bot

مهدي روزت مبارك
مهدي روزت مبارك

🌸🌸🌸🌸🌸

هااليلة قلبي بالفرحة يهمس
بأجمل مشاعر يتهنى ويحس
كم وردة شايل من الخمايل
يشتم عطرها ويهني نرجس

ولدها بأوصافه
وجماله وألطافه
وليد وذكر الله
شحلاته على اشفافه

تتعنه للعسكري البشاير
وتأذن بكل فرحة المناير

نوره يتلاله مهدي الرسالة
گلبي بفرح جن من صدري طاير

بشاير ميلاده فرح حل ميعاده
حضرنا بهل المحفل نبارك للسادة

🌸🌸🌸🌸🌸

نور الموالي شع بجبينه
يشيله ويسافر لأرض المدينة

يحمل بشارة يقره الزيارة
يزف التهاني لمرقد نبينا

النجف ما ننساها
بورد زيناها
بقبر حيدر نلگه
السعادة بمعناها 😍

🌸🌸🌸🌸🌸

#إسم_القصيدة: #روزت_مبارك


كلمات الشاعر : #مقداد_الهمداني


#قصائد_مكتوبة
#أفراح_أهل_البيت



قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems

.
أيها الناس اسمعوني انا دولة من الوفاء
قدمت أربع مناير أذنت لي بكربلاء
كتبوا بدمهم قصيدة تقرا بيها أهل السماء

والسيف... تكبيرة
وللموت... تفسيره
آيات... للغيرة... آيات

رايات تتعلى
بالكون تتجلى
هيهات للذلة... هيهات

ولدي صاحوا صوت
بخدمتك للموت
عالمنايا نفوت
ما يظل طاغوت

⚫️⚫️⚫️

ذولة تربات السيوف الباشطة الما تنثلم
لو ردت عنوان إلهم همّ مدرسة الزلم
كبرياء العد بنيني يغار من عدها النجم

التاريخ... خلدهم
وحسين... قائدهم
قرآن... واحدهم... قرآن

أقمار... للنخوة
إيثار... ومروّة
عنوان... للخوة... عنوان

عالنحر مكتوب
أغلى كل محبوب
يل ملكت گلوب
حقنا بيك نذوب

⚫️⚫️⚫️

كربلا تسولف عليهم ولدي تشبه حيدره
من برز عبدالله سيفه الزلزلة بي تنقرا
وعون من صال بقتاله الموت حضّر دفتره

يحجون... عن جعفر
هالليث... من حيدر
بركان... عالعسكر... بركان

ضحيت... مفتخرة
وناديت... بالعبرة
قربان... للزهرة... قربان

كلشي بيّ يصيح
أحرفك تسبيح
ابعث ويه الريح
فدوة ولدي تطيح

⚫️⚫️⚫️

آخر حروف الرسالة من القمر تنزف ضوه
نهر متعني الشريعة، الماي من عنده ارتوى
طاحت چفوفه ولكن هن والراية سوه

بلا چف... ويقاتل
ذبحوه... وظل كافل
مشكور... أبو فاضل... مشكور

وفاي... لسكينة
وزينب... ضي عينه
منذور ... لحسينه... منذور

صاح يا مولاي
أنتَ كل دنياي
أبقى لك وفاي
ما شربت الماي

⚫️⚫️⚫️


#دولة_الوفاء

الميرزا #محمد_الخياط
كلمات الشاعر #مصطفى_العيساوي

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

كلمات القصيدة
.
.
آخيتكُم في اللهِ يومَ الغديرِ
صافَيتكُم على وِدادِ الأميرِ
صافحتُكُم والصَّفْحُ مِلْءُ الضّميرِ
عاهدتكُم نمضي معاً للمصيرِ
🌸✨🌸
١
نرفع إدينه .. نْبايع ولينه
ما نرضى غيره .. نتبع مسيره
نقبل غديره .. وْنوفي لـ نبينه

عاهدنه نبينه والْـ يگوله ما نبدله
عن بيعةْ وصيّه مَ اِنتخلّف واِنتخلّه
بالنّص اِلتزمنه والقرائن والأدلّه
بس حيدر يِوَصفه الهادي بـ "الإيــمان كلّه"
.
نحن اتّبَعنا أحسنَ القولِ اتِّباعا
لَمْ نرضَ غَيْرَ المُرتضى فينا مُطاعا
.
مولانا .. ما نرضى غيره
🌸✨🌸
٢
راعي الشّفاعه .. اِبحَجّةْ وَداعه
وصّانه كلنه .. حيدر أملنه
واحنه اِمتثلنه .. "سمعاً وَطاعه"
.
صافحنه ضريحه بالإنابه عن يمينه
مبروك اِختيارك صحنه يا حيدر ولينه
دونك الله قرّر ما يتم للأُمّه دينه
إنته اللي مُحمّد وصّفَك "باب المدينه"
.
أنتَ الإمامُ الحقُّ مَن يُجيد وصفَك
حتّى القِلاعُ صافحَت بالبابِ كفَّك
.
هالعالم .. حيّرته حيره
🌸✨🌸
٣
نال الإمامه .. گبل الزّعامه
واِيده الشّريفه .. يعرفها ضيفه
وْتعرف رغيفه .. إيد اليتامه

حيدر مُعجزاته من گبل يوم الولاده
بالرّكن اليماني اِتوثّقَت أوّل شهاده
نتباهى اِبغديره اُو مو مجرّد ذكره عاده
طٰه اِيگول: "ذِكْرُ اِبنَ أبي طالبْ عباده"
.
يبقى عليٌّ وَحْدَهُ الدُّرَّ المُصَفّى
"نادي عليّاً" كم بها العلّات تُشفى
.
واليندب .. حيدر يجيره
🌸✨🌸
٤
راعي المعاجز .. ثبّت ركائز
دين الله بيده .. لاَجل العقيده
أصبح نشيده .. "هل من مُبارز"

من ليلة مَبيته ذاع صيته بين الاَمصار
حيدر عينه تغفه اُو ما تهمّه ذيچ الاشفار
قسّم راس مرحب چف قسيم الجنّه والنّار
يوم اِيگول طٰه: "أُعْطِينّ الرّايه كرّار"
.
كالليثِ في نظْراتِهِ وهْجُ التّحدي
قد فرّقَ الأحزابِ مُذْ أودى ابْنِ ودِّ
هالضربه .. للأُمّه سيره
🌸✨🌸
٥
ليث المعاره .. وْغيث الحَيارى
نال الصّداره .. وْعرْش الإماره
واِبذو الفقاره .. شيّد شعاره

عيد الله الأغَر واِعله البشر كلهم تقرّر
واضح كالشّمس مَهمَـ اِعترض والأعمى أنكر
گال المصطفى واِبـ إيده إيد الشّال خيبر
"من كنتُ أنا مولاهُ ذا مولاهُ حيدر"
.
جئنا كمن قد جاء في يومِ الغديرِ
قُلنا قَبِلنا حيدراً نِعمَ الأميرِ
.
واِبدمنه .. يجري غديره
🌸✨🌸

#آخيتكم_في_الله
كلمات الشاعر :د. #عبدالله_السقاي

(تم كتابة القصيدة مِن قِبل أحد المتابعين)


#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

يا حسين يا حسين

🖤🖤🖤

سلام الله اعله حسين
عدد آمل الصحارى
سلام الله اعله كل عين
دمعها اعليه تجارى
محب يحاجي محبوب
الك شوقي وسلامي
على الشريان مكتوب
حبيبي انتَ وامامي
يمن علاك ربك
فرض عالناس حبك
اليريد الله ورسوله سيدي يمشي اعله دربك
يمصباح الهدى
نجى البيك اقتده
فركتك نار بحياتي جنتي مولاي قربك

🖤🖤🖤

يسلطان الأحاسيس
يبو الذات الأصيلة
يكاسر شوكة ابليس
تظل انت الوسيلة
بسم رب السماوات تشع آيات مجدك
يعنوان الكرامات ربح كلمن يودك
دوا المجروح اسمك
كحل للعين رسمك
تختنق الأرواح بالهم تسترد راحتها يمك
يشلال الوفا
يسبط المصطفى
والدك حيدر علينا
فاطمة الزهراء أمك

🖤🖤🖤

يمعشوق الملايين ملايينك تريدك
شفيع الدنيا والدين تصير الكل عبيدك
ذنوب كبيرة وهواي تغلفها الندامة
اعتمدنا عليك مولاي ذخر يوم القيامة
خليفة ربنا أنت
ولي وباب لنعمته
تفرز الخدام بيدك فايز الاخلص خدمته
يهنياله الحظه
بقبولك والرضا
ترضى عنه الله يرضى عنه ويشمله برحمته

🖤🖤🖤

سلام الله اعله عباس
على يمينه ويساره

صبح للخوه مقياس
أخذ بيها الصدارة
عبد صالح عرفناه بذل للدين دمه
إسم بالدم كتبناه سلام الله على إسمه
كفيل الهاشمية قمر يتلاله ضيه
اخو زينب اسمه هيبة صاحب النفس الأبية
مثال لكل أخو
نعم منه وكفو
بغيرته الغيرة تغنت وبصفاته الحيدرية

🖤🖤🖤


#سلطان_الاحاسيس

الميرزا #محمد_الخياط
كلمات الشاعر #كرار_حيدر_الخفاجي

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

اجيت وانا محتاج نظرة
يزينب شايل ذنوب كثرة
فقير وأمتلك زاد عبرة
عسى قلبي تجبرين كسرة

اعله بابج وقوفي قسم ما أمله
لأني بوقفتي اعله غيرج مذلة
بعطا تفضلي
تنظرين إلي
عليج بعلي
يزينب
اجيت بقصد
اطلبج وأرد
عبد بس عبد
يزينب
🖤🖤🖤🖤🖤🖤
اجيتج وانا خجلان نادم
تراني كلي تقصير عالم
حضوري بمجلس حسين دايم
بديه شايل شموع جاسم

أذكره وانادي ييمة اذكريني
اعله جاسم يزينب أقبلي ونيني
تشب مهجتي
وأصب دمعتي
وتظل صرختي
يالاكبر
ونينيج إله
بهذاك الفلا
ونيني عِلا
يالاكبر
🖤🖤🖤🖤🖤🖤
إذا كلمة سبيات أسمع
أظل ألطم بالايدين واجزع
سكينة اشلون للشام تطلع
ورقية من على النوق توقع

يزينب رُقيَّة بعدها صغيرة
اربطوها اسحبوها خذوها أسيرة
شِلت كربله
وسبي العايلة
وبجي الراحلة
بخرابة
انا دنيتي
ردت عيشتي
وردت موتتي
بخرابة
🖤🖤🖤🖤🖤🖤
أريد أبقى على منهاج فضة
معاكم من تامرون أرضى
يريت بعاشر وياج لحظة
واحصل من الخيول رضة

يزينب عساها اقطعوها ادية
وردتها الحوافر مشيها عليَّه
يبنت النبي
وحق السبي
انا مطلبي
قبولج
لطمت الصدر
بجيت شكثر
أريد الأجر
قبولج
🖤🖤🖤🖤🖤🖤
مثل مهدينا هالروح تلهب
بصباح وكل مسه انحب
ينادي المهدي كل يوم زينب
الج من قبل من الغياب شيب
حروفج يزينب تجرحه وتألمه
بدموعه يندبج يعمه يعمه
🖤🖤🖤🖤🖤🖤

#نظرة 1443 هـ

الميرزا #محمد_الخياط
كلمات الشاعر #عبدالله_بوحمد

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

يجرح الما يطيب انته
يسر ال بالعلن كلته

ضميتك حلم بالعين
سميتك حبيبي حسين
يا أول عشق شفته

🌿🌿🌿

ي أول حسرة مرسومة على انفاسي
يكسرة خاطري ويا جمرة إحساسي

اليصبرني من اريد احزن ثقل نوحي
ينشوة دمعتي ويا ثمرة جروحي
من الاول كتلك انجدني واخذ روحي

يصورة وظلت ببالي
عطش فاض ونهر خالي

يا خيط الضوه ال بالعين
سميتك حبيبي حسين
يا أول عشق شفته

🌿🌿🌿
اذا مو بيك اسولف بالنفس شلي
اتغير بدونك واختلف كلي

انا بشوقي ملك ومحبتك قلعة
بلياك القلب ما افكر بنفعه
متت كم مرة بس أحيى من اجيك اسعى

يدم الما قطع نزفه
عشقتك مو عشق صدفة

يالبيه وادورك وين
سميتك حبيبي حسين
يا أول عشق شفته

🌿🌿🌿
اتاني ومن تجيني احلامي من دونك
اجمع افكاري حتى اتخيل اشلونك

اصد لنظرتك واقره بمعانيها
ملامح وجهك تراب وجرح بيها
احير بدمعتي الما تقبل اخفيها

اعوفك واعثر بموتي
يعبرة ورافقت صوتي

لميت الحجي بحرفين
سميتك حبيبي حسين
يا أول عشق شفته

🌿🌿🌿

بعيـد انته وتركت فراقك بقربـي
سهم نحرك نفذ منه ودخل قلبي

الي بـبـعدك حــزن بچه اليصبـرونـه
مثـل حـال الورد من ينوخذ لـــونـه
أنا اليبچي الدمع من روحه وعيونه


أنا الردتك على الفطرة
يظلي بدنيتي الصحرا

بلياك القى فيّ منين ؟!
سميتك حبيبي حسين
يا أول عشق شفته

🌿🌿🌿

#حلم_بالعين

الميرزا #محمد_الخياط
كلمات الشاعر #إيهاب_المالكي

#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.

٢٣ ذي القعدة ، شهادة الإمام الرضا عليه السلام - على رواية -

___

كان جرح الحسين (ع) – الذي أقرح جفونهم و أسبل دموعهم – له أكثر من أثر السم على الإمام الرضا (ع)

***

حانت مِنيتـك يالرؤوف يمْهيِّج أحزان الطفوف
عمرك گضه ابحسره او حزن و اهموم
حـد مـا رحـت عــن دنْـيِـتـك مسموم
———-
يالرضا او عمرك گضيته ابحسره و اشجان
تبچي عاللي ظل ثلاثه جسمه عريان
و ابرغم ما أنت بين الناس سُـلطان
مو قصر ساكن سِكَـنْـت ابدار اِلاحزان

عُمرك گضيته بالبكاء ها يا غريب الغرباء
يوميّه تجري اِمْن العُيون ادموم
حد ما رحت عن دنْـيِـتـك مسموم

———-

أدري يوم احسين برض الغاضريّه
أسبل ادموع النوايب و الأذيّه
اجفونكم گرّحها من هاي الرزيه
او ذل عزيزتكم او طلّعها سبيّه

أدري اشكثر عدكم عظيم يا سيّدي سبيْ الحريم
هالمنظر ابفكرك بقه و ايحوم
حد ما رحت عن دنْـيِـتـك مسموم

———-

سيّدي او حزنك فلا نوصف مقامه
و افهَمِت حجْم الجرح من هالعلامه
احسين لـمّن تسمع اسمه ابهالظُـلامه
تبقى طول اليوم من غير ابتسامه

من تسمع ابإسم الذبيح مثل المطر دمعك يسيح
او هذا الجفن ظل بجري عالمظلوم
حد ما رحت عن دنْـيِـتـك مسموم

———-

بالمآتم گلبك انشوفه ايتفجّع
او چنّك ابروح او جسد تحضر المصرع
حين دِعبِـل يقره شِعره او إنت تسمع
{ فَاطِمٌ لوْ خِلْتَـي } نحر ابنچ تگطّع

او لو تنظرين ابنچ صريع چا گمتي من أرض البقيع
او ظل دِعبِـل اينادي ابدمع مسجوم
حد ما رحت عن دنْـيِـتـك مسموم


———-

بآخر انفاسك گبل لا ينزل البيـن
ارفعت إيدك گاصد اتسلم عله حسين
اذْكَـرتـه و اهوه اعله الوطيه او يهمل العين
اِيْـصيح أنا عطشان والله يا مُـسِلْـمـيـن

ابدال العذب من الـمَعين لن يگصده الشمر اللعين
لهاي الفجيعه تنتحب كل يوم
حد ما رحت عن دنْـيِـتـك مسموم

__

#حانت_منيتك

كلمات ميرزا عادل أشكناني
https://hottg.com/mirza_adel_ashkanani

ما أدري واقع لو حلم
وانا اللي بعيوني .. شفته
يم راسي واقف مبتسم
لكنها مجروح .. شفته

تالي تدنّه او يمي گعد
صاح او نحب .. يا عمّه يا عمه
گلّي اجيلچ بلا جسد
يا للعجب .. يا عمّه يا عمّه
باچر وعدنه بس الوعد
ابطشت الذهب .. يا عمّه يا عمّه

وينه .. انا رقيه واحسين اريده
وينه .. متى اضمّه واشتم وريده
وينه .. ريته يمر على راسي بيده

رقيه عمّه .. حبيبچ الطوّل غيابه
رقيه عمّه .. اجالچ ابليل الخرابه
رقيه عمّه .. شيل الغطه عن الطشت
شوفي الأبو شيبه صبح بالدّم خضابه

هذا احسين .. يالناشدتي وينه
هذا احسين .. راسه گاطعينه
هذا احسين .. واصوابه ابجبينه



*ميرزا عادل أشكناني*
#واقع_لو_حلم

شهادة الامام الحسن المجتبى ع:

ياقلبي من الحزن ذوب وتولع
على اللي ذاب جبده وخلص بالسم

وسافه أعلى بو محمد منهل الجود
قضى نحبه ومنه الجبد ممرود

شحال حسين لمن عاين العود
يجلب بيه جبده اللي تخذم

يقله يا عضيدي يابو محمد
جبدك من نجيع السم تمرد

ياخويا اليوم طاغي الشام عيٌد
وعلى قلبي ياخويا تراكم الهم

يابو محمد نحل جسمي اعلى فرقاك
اشيصبرني ياخويا خلاف عيناك ؟

عسانا نروح كل احنا فداياك
بس انت يابحر الجود تسلم

وجته .. تصيح بصوت يابن امي
وجته .. ياخويا قلبك بسمها
وجته .. مقطع بالطشت جبدك
وجته .. الحسن ياحسين مشرف عالمنيه

فرح ماشفت طول العمر .. بس هم
ولا جف الدمع بالعين .. بس هم
وسافه الحسن نعشه انضرب .. بسـ ـهام
ودفنه أنمنع يم سيد البريه

ينصاب .. الليله مآتم المسموم
ينصاب .. وخل دمعك عليه دموم
ينصاب .. مثل جبده الحسن ماشفت
ينصاب .. بنبل يرموه نعش أبن الزجيه ، الشفيه

ـــــــــــــــــــــــــــــــ

للرادود الحسيني ( ميرزا محمد الخياط


#قصائد_مكتوبة


قناة التلغرام الرئيسية
✔️ https://hottg.com/alkhayyat_fans

حساب الانستغرام
✔️ https://www.instagram.com/alkhayyat_fans


القصائد المكتوبة
✔️ https://hottg.com/alkhayyat_fans_for_poems
.