TG Telegram Group Link
Channel: #روايات_سودانيةة📚🔐
Back to Bottom
بلا ضمير
تسنيم عبدون
3_
استمريت اسبوعين وانا بس راقده وببكي ع قروشي امي حاولت معاي محاولات كتيره عشان انسى بس فشلت بس بقول عايزه قروشي.
لحدي مافي يوم اتعرفت لي على واحد بتع تلفونات شويه شويه بقينا اصحاب وطلع بعمل للتلفونات القديمه اعاده تصنيع وببيعها كأنها جديده وبسعر التلفونات الجديده وعرف اني ببيع اللبن قال لي شهريا لمده سته شهور بشيل منك جركانه لبن مقابل اديك التلفون النفسك فيهو فرحت وبسمتي رجعت لي وكل يوم احلم اني ماسكه تلفوني الجديد بقيت شهريا بظبط ليهو جركانه لبن بدون مويه كمان لحدي اخر شهر سلمتو الجركانه وقال لي تعالي لي الاسبوع الجاي استلمي تلفونك فرحت شديد مرت الايام وجا الاسبوع المفروض امشي ليهو فيهو مشيت بقيت قاعده جنب الدكان مقفول وراجياها اتأخر م جا سألت بتع المحل الجنبو قال لي الزول ده رحل مكان بره البلد دي طبعا اتصدمت وعيوني رقرقو قلت ليهو طيب ممكن تتصل لي ليهو اتصل ليهو تلفونو مغلق يمكن اكتر من 90مكالمه فقدت الامل رجعت البيت بصرخ ليه انا بحصل معاي كده ليه مقفله معاي بي كل الاتجاهات ليه انا بزات ليه ي رب ليييه وصررررخت امي جات تسألني لقتني مرميه كوركت جو الجيران جرو بي المستشفى دخلت في غيبوبه راقده في العنايه المكثفه اكتر من اسبوع جات فاطمه لي امي قالت ليها ي سكينه هووي بتك دي راقبيها بتك دي مياهااا اترقبي تحركاتها م ممكن كل اسبوع مرميه في المستشفى البت دي يكون عاملين ليها حاجه امي بس تبكي وتتحسبن جا الاسبوع البعدو انا فتحت بس بعاين للناس جنبي ودموعي تنزل وشغاله لي امي قروشي ي امي قروشي مشت وين لمن تم الاسبوع وانا بالحاله دي طوالي نقلوني لدكتور نفساني طلع شاب يمكن عمرو 28سنه شاف حالتي واستجوب امي في كم حاجه قال ليهم م عندها حاجه كده يقولو عليها بس حاليا هي في صدمه من قروشها الضاعت دي محتاجه كم جلسه كده وتعتبر تحقيق او باللصح فضفضه بسس وان شاء الله بترجع زي اول رجعوني البيت بس بليل بقيت اشوف كوابيس واشوف البقره بتاعتنا لمن احلبها م بتكب لبن بتكب لي مويه ده كلو في المنام اتخلع اقوم اشرب مويه تاني ارجع ارقد م بجيني نوم يلا بديت الجلسات وطوالي بديت احكي للدكتور اي حاجه بتخصني والكوابيس البتجيني م كان بضغط علي كتير في كل جلسه احكي جزء طبعا م حكيت ليهو اني بغش الناس في الجلسه الاخير لاحظت في تحسن قام قال لي الحمد لله بقيتي متحسنه شديد بس م تضغطي على نفسك كتير اتكلم لي كلام كتير ووصايا كتيره وطلب مني رقمي قلت ليهو معندي تلفون الا رقم امي شال الرقم ودعني وطلعت.
يتبعع.....
بلا ضمير
تسنيم عبدون
_4
بقيت متواصله مع مالك(الدكتور النفسي)وبقى كل يوم ينصحني بس هيهات انا كل يوم بسمع في كلامو وببخروا الظروف المريت بيها خلتني ازيد في عنادي وطمعي وبيعي بدون ضمير وكل اسبوع ازيد في سعر الرطل واظعط اللبن مويه في يوم كان في بكه في البلد مشينا انا وامي قعدنا يوم واحد بس تاني لمن راجعين بنات عمي قالو لي امي الا تخلي تمني تقعد معنا كم اسبوع ي خالتو بعد تحانيس أمي وافقت سافرت وانا قعدت معاهم طبعا امهم بتبيع الارياح للحريم الصندليه وارياح الحريم دي وابوهم فاتح دكان وبعد شارعين عمي التاني فاتح دكان وفي الحله الجنبهم عمي الكبير فاتخ دكان برضو
في يوم راقدين انا وعهد في غرفتهم امها نادتها في الصاله مشت ليها وانا راقده بحضر في التلفزيون حسيت نفسي عطشانه كنت طالعه اشرب مويه اول م طلعت كانو هي وامها خاتين تربيزه كبيره وفيها ارياح وفتايل صغيره اظن بعبو في الارياح اول م شافوني ارتبكوا لمن عملوها واضحه انا حسيتهم إضايقوا طوالي دخلت الغرفه وبقيت سرحانه ليه وبفكر ليه ارتبكو كده جاتني عهد قالت لي عايزه حاجه ي تمني قلت ااا لالا قالت لي عايزه شنو بديك قلت ليها بس كنت عايزه اشرب مويه قالت لي طيب جابت لي مويه وجات رقدت جنبي لقتني سرحانه قالت لي تمني تمني اتخلعت قلت ليها اهاا قالت لي مالك سرحانه كده انتي شفتي حاجه بي بره قلت اا لالا بس اتذكرت امي عهد قالت لي تمني بطلي كذب وقولي مالك شفتي حاجه ضايقتك انتي قلت ليها لا قالت لي اممم بطريقتك لو م عايزه تحكي وبقت تقلب في التلفزيون قلت ليها عهد قالت لي عيونا قلت ليها انتي وامك ليه لمن شفتوني ارتبكتو كده بلعت ريقها وصنقرت في السرير وبقت تتمتم وتتململ قلت ليها لو م عايزه تحكي عادي قالت لي تمني بوريك وانتي زي اختي بس اوعديني الكلام ده م يطلع بره قلت ليها سرك في بير قالت لي زي م عارفه انو أمي بتبيع الأرياح وطبعا الأرياح بقت غاليه اختها وعد كانت نايمه جنبنا اتقلبت بالجهه التانيه عهد اتخلعت قالت لي هسسس ثواني بهس كده سكتنا لمن اتأكدنا وعد نايمه قالت لي وصلنا وين قلت ليها في انو الارياح بقت غاليه قالت لي ايوه ويلا انا وامي بقينا لمن نعبي الارياح نلخبطتها مع مويه وطبعا دي ارياح سعوديه بجيبها ود خال امي من السعوديه وببيعها ونسوان حلتنا مضطرين يشترو من امي بقت مشهوره حتى الأحياء الجنبنا بقو يجو يشترو من أمي الريحه واستغلينا الحاجه دي انا وأمي وبقينا نبيعو ليهم بسعر غالي جدا حتى ابوي واعمامي عشان الدكانين الوحيدين في الحي بتاعنا ببيعو بسعر غالي يعني مثلا مشيتي دكان بره خلتنا بتلقي الشيبس بي5جنيه مثلا عند ابوي وعمي بتلقي بي 20جنيه يعني ببيعو باضعاف سعر الدكاكين التانيه يلا ساعه جيتي نحنا ارتبكنا لانو خفنا انك لو عرفتي تكلمي أمجد اخوي ولا وعد لانهم ديل الوحيدين في البيت الملتزمين م. كان بخلونا لو عرفو يلا ده كل الحصل بس بتمنى تخفظي السر ده عندك قلت ليها اكيد طبعا م كان عندي رده فعل كنت عاديه لانو الحاجه دي بالنسبه لي عاديه قمت حكيت ليها انو انا برضو بلخبط المويه مع اللبن وابيعو بقت تضحك قالت لي الدنيا عايزه كده لو م بقيتي جباره م بتلقي القروش هههه وطفينا النور ونمنا لحدي الصباح صبح.....
يتبع......
بلا ضمير
تسنيم عبدون
_5
مررت الايام انا رجعت بيتنا طبعا فقدت بنات عمي شديد ورجعت لبيع اللبن المغرب كده مشيت حلبت اللبن وجيت كبيت فيهو جردل صغير بتاع مويه ولخبطتو ومبسوطه وبدندن وبعد المغرب الزباين بدو يجو وشايلين بستلاتهم مشيتهم كلهم لمن اللبن خلص مشيت رقدت بقيت اتونس مع أمي فجأه تلفونها اتصل ادتني ليهو قالت لي ده مالك بقيت اتونس معاهو قال لي كيفك قلت ليهو تمام الحمد لله وانت قال لي بخير الحمد لله حمد الله على السلامة قلت ليهو الله يسلمك بقي يسألني كيف البلد وناس البلد وكده اتونسنا وقفل رقدت نمت تاني يوم الصباح قلت امشي السوق أجيب برسيم للبقره بعد تعب لقيت مواصلات طبعا قبل م أمشي البلد المواصلات كانت بي10هسه اتخلعت لقيته بقت بي20ج انا قاعده في مقعدي كده سامعه اتنين بتونسو بي وراي واحد قال اقسم بالله البلد دي م عارفين موديانا وين يخ مستغلين المواطنين استغلال م طبيعي ااي والله يخ كل يوم نكتشف الاسعار واصله السماء التاني قال ليهو انت عارف امس مشيت مع بتي السوق قالت عايزه شبط دخلنا البوتيك الاول عجبها شبط كده بس قالت عايزاهو قلت ليهو الحساب كم قال لي 300 جوطت فيهو وبتي قالت صحبتها امس ده جات اشترت من نفس المكان ونفس الشبط بي200ج طلعنا مشينا الجنبو لقينا نفس الشبط شكل ولون ومقاس وكلوو اتخيل قال لينا كم قال لينا بي500التاني بقى يتشهد قال ليه الناس تبقى كده بدون ضمير يخ دي حاجه زمه في رقبتهم ومسؤلين منها امام الله التاني قال ليهو انت عارف المشكله مافيهم براهم المشكله في أمن البلد يخ مفروض يكون في رقابه تجارنا الزمن ده بقو يبيعو بدون ضمير يخ الا من رحمه ربه التاني قال ليهو الله يصلح الحال بسس انا سرحت في ونستهم لمن فت محطتي طقطقت للكمساري نزلت اكتشفت اني بعدت خالص من محل البرسيم معندي قروش اركب لي بيها ركشه مشيت كداري لمن وصلت وحيلي م شايلني شلت البرسيم مشيت محل المواصلات ركبت ورجعت البيت طوالي رقدت نمت م وريتكم انو قروشي بقت ماشاءالله 6مليون وفتره غيابي امي كان بتبيع بدلي بس حق امي عكسي قالت ليهم تمني كانت عامله ليكم السعر بي كم وروها ادتهم بنفس السعر هي قايله انو ده سعر السوق اصلا ههه والفرق التاني امي كانت بتبيع بضمير واللبن صااافي من ضرع القره لبستله الزبون مافي اي اضافات وسبحان الله بس في الكم يوم الغبتهم جيت لقيتها لامه 5مليون قالت جوها زبائن من بره وكانوا عايزين بالجركانات قالت لي ي تمني ي بتي الزول لمن يخلص عملو بضمير ربنا بفتحها عليهو عشان كده جوني زبائن من حيث لا احتسب ورزقني 5مليون ده بس في التلاته ايام الغبتيهم تمني ي بتي انا واثقه فيك بس دي نصيحه سااي طول م انك م بتظلمي الناس ربنا بزيدك وعملك بمشي وبتكسبي محبه الناس كسبتي محبه الناس معناها كسبتي محبه ربك كسبتي محبه ربك معناها ربنا بساعدك وبرزقك وصلاتك دي البتقدمك لي قدام وبتلهيك من عذاب الدنيا دحين ي بتي م عارفه ربنا باخد امانتو متين بس دي وصيتي ليكي حافظي على سمعتك في شرفك وسمعتك في تجارتك لانك حتكون براك ي بتي قلت ليها يمه بعد عمر طويل واتونسنا حبه ورقدنا نمنا.
يتببعع.....
بلا ضمير
تسنيم عبدون
_6
مررت الايام انا ومالك بقينا اصحاب شديد وكل يوم نحكي لبعض تفاصيلنا بس انا لهسه م وريتو اني ببيع لبن فيهو مويه
........................
عم احمد ده جار ناس تمني قاعد مع اسرتو وبشربو شاي المغرب باللقيمات وبسأل في ولدو تاجر في بوتيك ملابس في السوق متعودين يوميا يحكو لبعض تفاصيل يومهم منذر ولدو قال ليهو والله ي أبوي الليله يومي مضى سمح الحمد لله وربنا فاتحها علي فتحه احمدو واشكرو ابوهو قال ليهو الحمد دي نعمه والله قال ليهو والله ي أبوي البوتيكات الجنبي ديل ببيعو بيع استغفر الله العظيم بس يعني حاجه م تتخيلها مستغلين الناس شديد وقدر م اتكلمت معاهم ووصيتهم م سمعوا كلامي في وحدين قاطعوني عديل قالو اني نقناق سااي ابوهو قال ليهو ي ولدي طالما عملت العليك بطريقتهم تاني منذر قال ليهو والله ي أبوي الاذان ده يأذن تاني دقيقه م بتلفت وراي حتي لو في زباين في البوتيك بستأذن وبطلع وباقي البوتيكات مافي زول يقول يخ الصلاه اقفل بوتيكي ده امشي اصلي صلاه تنفعني لا تلقاهم واقفين وفاتحين بوتيكاتهم لمن نقيف نصلي جماعه بقي نفسي انا والجنبي خمسه انفار بي الامام سته يعني حاجه تحير القروش خلت الناس تنسى حتى دينها يخ الناس م تبقى للدرجه دي بجددد يعني انا خجلان ليهم شديد ابوهو قال ليهو ربنا يهدي امو أميره قالت ليهو ي ولدي حق الناس كعب والله م بقدمك زي م بقولو حق الناس كناس فعلا كناس والله هسه حمد بتع البوتيك الكان فاتح بي ورانا ده يخ مشيت قلت ليهو عايزه لي علبه فازلين لقيتو يبيع فيها ضعف سعر السوق يعني بقول الناس بدل يتعبو يمشو السوق بجوني وفعلا زباينو كتروا وهو استقل الحته دي يعني الناس ي تشتري منو ي يتعبو يمشو لحد السوق بقى يبيع اضعاف سعر السوق امس ده نسمع النجده والمطافي قالو بوتيكو اتحرقق شفت حق الناس كناس بس ربنا يصلح حال البلد
بقو يتشهدو فجأه تلفون عم أحمد اتصل انتظروهو كمل مكالمتو قال لي منذر ده مالك ولد عمك قال زهج من جو المدينه جاي يقعد معانا كم يوم يفرق وجاب اخصائي بدلو يشتغل كلهم قالو ليهو حبابو حبابو عشره والله
............................
انا قاعده كده تلفون امي اتصل لقيتو مالك اتكلم معاي كده رقال لي اترقبي بكره في مفاجأه قلت ليهو وريني قال لي هي مفاجأه اوريك كيف سكت بعداك اتونسنا حبه وقفلت
...........................................
عند ناس عمي في البلد ياهو الروتين اليومي وياهو بيعهم زاتو عمي يبيع بضعف سعر السوق ومرتو تخت مويه في الريحه وتبيعها بأسعار غاليه وعد اليوم داك سمعت حوارنا كلو مشت كلمت أمجد هي امجد وضعو خطه محكمه لأمهم وابوهم عشان يبيعو بضمير حنشوف الخطه لقدام
............................
في حلتنا مالك جا وناس عمو فرحانين بيهو شديد وعملو ليهو وليمه ظابطه واليوم كلو عدوهو ونسه وضحك..
يتبع.....
بلا ضمير
تسنيم عبدون
_7
في بيت عم أحمد متلمين كلهم بتونسو كان الوقت مغرب منذر اتصل لي ابوهو قال المواصلات صعبه حيتأخر يمكن يجي بليل شديد عم أحمد شال البستله عشان يمشي يجيب اللبن مالك حلف ليهو م بتمشي قال ليهو ناولني البستله دي ي عمي اداها ليهو وهو بشكرو وبقول ليهو يديك العافيه ي ولدي يخ شلت نفس خصال ابوك زول شهم وزول حاره قال ليهو العفو ي عمي يخ بس وصف لي محل الدكان قال ليهو لالا م بنشتري من الدكان م عندو لبن لكن تعال نوصف ليك البيت ساقو وطلعو الشارع شايف البيت الناصيه داك قال ليهو ااي الجنبو طوب ده قال ليهو بسس يلا جارو بالحيطه طوالي باب صغير كده لونو لبني جنبو شجره نيم بس بتلقى الناس متلمين هناك قال ليهو تمام ومشى وهو ماشي بقى يفكر ي ربي هسه بيت ناس تمني بكون بي وين هم في نفس حي ناس عمي وببيعو اللبن برضو ي ربي ديل هم زاتهم لالا يخ بكونو قريبين منهم كده لمن وصل فعلا لقى الناس متلمين وقف اخر واحد لمن جا دورو اتخلع لمن لقاها تمني زاتها تمني رفعت راسها اتخلعت برضو لمن صرخت قالت ماالك بقى يضحك سلم عليها قالت ليهو دي ياها مفاجأتك مش قال ليها ااي م عجبتك قالت ليهو بالعكس فضلتو جوه وسلم علي امها وقعد يتونس معاهو وعرفو انو ولد أخو عم أحمد تمني خجلت تديهو لبن مويه مشت بنور الفلاش والزريبه ضلام حلبت ليهو لبن صافي وجابتو ليهو ودعهم وطلع وام تمني تشكر فيهو لمن وصل وأدى البستله لمرت عمو اميره اتخلعت قالت ي ربي اللبن ده الليله مالو طخين كده سجمي شالت البستله وطلعت سألت مالك قالت ليهو انت ي مالك اللبن ده جبتو من وين قال ليها من نفس المحل البتجيبو منو عم أحمد قال ليها سؤالك غبي ي اميره نحنا عندنا مكان غيرو قالت ليهو نان اللبن ده الليله مالو طخين كده ميكون كانوا بغشونا قال ليها ي مره ههي بطلي سوء الظن بتاعك ده مالك قال ليها ليه يعني اميره قالت ليهو اللبن ده م كان قوامو كده والله عم. احمد قال ليها اميره انتي هسه في الزمن ده كان جبتي الشاي وشربنا وصلاه العشاء قربت سريع ادينا الشاي ده قالت ليهو سمح وطلعت مالك لحق اميره اصلا هو خت تمني في راسو للزواج وعايز يسمع من اميره يشوف اخلاقهم كيف وكده قال ليها ي خالتي اميره كدي املي لي الكبايه دي لبن قالت طيب ثوان النفورو قال ليها لالا بس امليها لي كده ملتها ليهو وهي مستغربه قال ليها الكبايه دي خليها في التلاجه هنا مافي زول يهبشها لبكره(شكلو عندو خطه في راسو) قام جرا البنبر وقعد جنبها قال ليها ي خالتي اميره بصراحه كده البت دي بتاعه اللبن انا بعرفها قالت ليهو تمني قال ليها اي وحكي ليها القصه كلها واعترف ليها انو عايز يتزوجها قال ليها وريني اخلاقهم كيف قالت ليهو والله ي مالك هي طبعا بتكون ورتك انو ابوها متوفي واي حاجه صح قال ليها ااي قالت ليهو يلا لا امها ولا ابوها زمن عايش م سمعنا عنهم شي كعب وناس حاره والله والطيبه دي خلقوها ليهم وصلاتهم دي م بلعبو بيها والبت انا م بعرفها والله كده يعني لكن اللبن ده كل يوم بتزيد وتنقص سعر الرطل على كيفها وزي م انت شايف اللبن الليله ادتنو ليهو تقيل م عارفه تخميني بكون عشان بتعرفك خجلت تديك من البتبيعو للحله كلها قال ليها همممم وبعاين تحت وبهبش لحيتو قال ليها يعني تنفع زوجه قالت ليهو والله لو بتضغطتها وتصلحها حبه م في اي عوجه تاني قال ليها ربنا يقدم الفيهو الخير قالت ليهو امين وطلع
....................................
تاني يوم المغرب كنت قايله مالك البجي يشيل اللبن عملت حقو في جردل براهو بدون مويه لكن م جاني هو جا منذر قمت اديتو من اللبن الببيعو لباقي الناس زاتو بمويه شالو ومشى قلت اصلا مادام م هو الجا شالو حيشوفو وين ومشيت كل الناس ودخلت
............................
منذر دخل البيت شايل البستله طوالي مالك شالها منو ودخل بيها جوه المطبخ وكبه لبن في كبايه تانيه وجا عشان يلاحظ الفرق فعلا لقى انو بتع امس تقيل وبتع الليله خفيف في اللحظه جات اميره دخلت المطبخ شافت الكبابي قالت ليهو شفت الفرق هدا واضح ونحنا كل يوم بنخسر في قروشنا زايده اللبن ضعف سعر السوق م قلنا حاجه لكن تدينا لبن زي ده استغفر الله العظيم بسس حسبي الله ونعم الوكيل ف... ثبتها مالك خالتي اميره عليك الله م تتحسبني عليها والله اوعدك انا بصلحها بس م تتحسبني عليها وطلع طوالي وبقى يفكر يعمل شنوو
يتبعع......
بلا ضمير
تسنيم عبدون
_8
عن ناس عمي في البلد كانت خطتهم كالآتي وعد اعترفت لجزء كبير من الحريم بانو امها بتبيع الريحه وفيها مويه طبعا وقفو بقو م بجوها وامها لاحظت انو بقو معندها زبائن ووعد شاكلت عهد وفي بعض الحريم اتفقت معاهم يجو يورو امها انهم كشفوا الحقيقه بس ميقولو ليها بناتك يقولو ليها ختينا ليك كاميرا مراقبه امها خافت شديد واتوعدت الحريم انو تاني مبتعمل كده ووعد اتكلمت مع امها كتير وحكت ليها قصص عن أضرار التجاره بدون ضمير وامها طبعا بطبعها خوافه شديد فقررت تاني تبيع بضمير والناس رجعوا يشترو منها فعلا لقت ارباحها ماشه بالزياده ومن دون الايام جاتها اختها شايله كراتين بتاعه ارياح ادتهم ليها وقالت ليها مجان مني ليكي بيعيها واصرفي قروشهم ليكي ده يعتبر الورثه ياداب قسمناها وده ربحك طبعا فرحت شديد وشكرت ربنا ع النعمه دي وعند ابوهم اخوهم امجد كان عندو مشروع فقرر يفتح دكان منو عشان ابوهو م يطمع ويستغل الناس ومنو لحاجه هو مخططه وجاب زول وقفو في الدكان بدلو بدون م ابوهو يعرف انو ده دكانو لانو محيخليهو عارف الناس حتخليهو ويمشو يشترو منو ابوهو كان زعلان جا داخل البيت ويهرج في واحد اهبل جا فتح دكان هنا م لقى الا يفتح هنا في حلتنا وعد قالت ليهو ابوي مالك بسم الله اتهجم قال ليها مالك قالت ليهو ليه زعلان من الزول الفتح دكان هنا طوالي غير الموضوع قال ليها قومي جيبي كبايه شاي قامت وعاينت لامجد الطالع من الغرفه وغمزت ليهو ومشت تعمل لابوها الشاي
................................
مررت الايام في يوم بالعصر جا مالك بيتنا انا كنت في الزريبه بحلب في اللبن سلم على امي قعد معاها في جردل كبير انا بكب فيهو اللبن بعد اخلطو مع المويه نسيتو جوه كوركت يمه ناوليني الجردل الكبير قامت شالتو عايزه تجيبو بس مالك ثبتها قال ليها جيبيهو انا بودي ليها يحجه متعبي نفسك ومنو اشوف رايها في الموضوع القلتو ليك وغمز ليها شكرتو وشال منها الجردل وهو داخل الزريبه وعينو تقع فيني وانا بكب المويه في اللبن واسوط فيهو وهو واقف يتفرج وزعل شديد في البعملو ده قلت امي دي مالها اتاخرت كدي امشي اجيبو براي وانا طالعه واشوف ليك مالك في وشي راسي جاط وجسمي بقي يرجف وحسيت مالك ده طشاش طشاش قال لي كيفك سكت ساي وانا بعاين في الارض قال لي م اتوقعت انك بتعملي في الشفتو هسه ده ي تمني اتخلعت قلت ليهو شفت شنو قال لي بتكبي مويه في اللبن قلت ان ان انااا ك ك كنت ب ب كببب المويه في الجردل فاضي ع عشان اغ اغ اغسلو جراني من يدي ودخل وقال لي ده جردل فاضي صح قمت انفعلت فيهو انت بي اي حق جاي تدخل بدون استئذان بقي يجوط فيني لمن صوتو بقي عالي امي جات قالت بسم الله مالكم ي اولاد مالك حدر لي وطلع طوالي انا بقيت ابكي امي ساقتني دخلتني جوه قالت تمني خلاص م تبكي ي بتي كل شي قسمه ونصيب اتخلعت قلت ليها هو شنو هو القسمه ونصيب قالت لي والله لو براك هبله مالك زول شهم زي ده بترفضيهو قلت ليها يمه فشنو هو ورفض شنو قالت مالك جا الليله واتكلم معاي في انو.............
يتبع........
بلا ضمير
تسنيم عبدون
_9
امي قالت لي مالك جا الليله واتكلم معاي في انو عايز يتزوجك فقلت ليهو انا معندي مانع لكن شوف رأيها م عارفه احاسيسي كانت ملخبطه سكت ساي مشيت رقدت وبقيت افكر لمن نمت
........................
عند ناس عمي طبعا الحي كلو بقى يشتري من دكان امجد وعمي يأس شديد وفكر يبيع بسعر السوق عشان الناس تشتري منو في يوم امجد مشي ليهو الدكان قال ليهو ي ابوي عايزك فموضوع قال ليهو اتفضل وراهو اي شي عملو حتي قصه الدكان وقال ليهو ي ابوي انا عملت ده كلو عشان خايف عليك من حق الناس ي ابوي والقروش البتتلمه دي في النهايه حنموت ونخليها احسن نلمها بالحلال حتي لو متنا وخليناها بنموت مرتاحين بدون عذاب ابوهو سكت ساي رفع ليهو راسوو يلا ي ابوي انعل الشيطان واوعدني تاني حتبيع بضمير وعدو طوالي امجد بالفرحه كتب ليهو الدكان بتاعو باسم ابوهو قال ليهو الاتنين املاكك ي ابوي ابوهو بكى شديد وبقى حاضنو قال ليهو شكرا ليك ي ولدي انا انا م عارف نفسي كنت وين ساعه بظلم في الناس وانا بدل اكون قدوتك واعلمك انت انت علمتني امجد سكتو قال ليهو ي ابوي متقول بدل اكون لانك فعلا قدوتي والشيطان سيطر عليك وبسس وهسه نعلتو قال ليهو ي ولدي عندي كلام في حلقي عايز اعترف ليك بيهو قبل ربنا يستلم امانتو واتعذب بسببو امجد قال ليهو بعد عمر طويل ي حاج احكي قال ليهو...........
.......................
في يوم انا قاعده كده تلفون امي كان جنبي اتصل لي مالك كنت متردده ارد ولا م ارد خصوصا خجلانه من اخر موقف ده شديد في النهايه رديت سلم علي وقال لي انا أسف لاني عليت صوتي عليك قلت انا برضو اسفه لانو عليت صوتي عليك سكت مسافه قال لي انا وعمي وابوي جاينكم بعد المغرب قولي لي امك جهزي لينا شاييك المقنن السمح داك قلت ليهو تشرفو بس م وريتني سبب الزياره ضحك قال لي الا بسبب يعني الزياره ولا كيف قلت ليهو لالا العفو يخ قال لي ع العموم ع موعدنا قلت ان شاء الله كلمت امي وقريب المغرب حلبت اللبن وبعتو وجبت جزء لامي للشاي ولقيته بترمي لقيمات وظبطت الشاي وزي الساعه7 كده جو داخلين امي رحبت بيهم..........
يتبعع.......
بلا ضمير
تسنيم عبدون
_10
زي الساعه7كده جو داخلين امي رحبت بيهم وقعدو يتونسو نادتني جيت سلمت عليهو ومشيت جبت ليهم مويه بجك النيكل وكوز نيكل ودخلت جهزت الشاي طلعتو ليهم عم محمد قال ي سلااام يخ اشتقنا للبلد ولقيمات البلد والشاي المقنن والهدوء البشرح النفس يخ في المدينه صوت العربات والبوري وصوت مكنات المصانع وقطار يصفر والطيارات تزنزن في راسك لا حولا ولا قوة الا بالله عم أحمد ضحك قال ليهو قلت ليك ي محمد اخوي انت عدلك هنا بس رفضت قال ليهو والله لو م الاولاد مصرين كان سكنت هنا بس اعمل شنو ومريم زاته عايزه القعاد في الريف امي بقت تضحك قالت ليهو ااي والله لانو الحريم في المدينه مقفلات في التكييف م بطلعن ولا بعرفن الجيران عشان كده كلهم أيدوها قالو ااي والله قمت استأذنت دخلت جوه وخليتهم يتونسو شويتين جا داخل مالك وبقى يدق الباب قلت ليهو مالك بتدق ادخل قال لي نستأذن يجوطو فينا م نستأذن يجوطو وبقى يضحك ضحكت جا قعد وقال لي كيفك ي المبروكه قلت ليهو الحمد لله قال ان شاء الله عرفتي سبب الزياره ههه بقي يضحك قلت ليهو انت قلت لي بدون سبب ضحك قال لي لا بسبب والسبب انو جينا طلبنا يدك اها رايك سكت سااي ودنقرت راسي قال لي همممم السكوت علامه الرضا نقول مبروك قلت ليهو الفيهو الخير ربنا يجعلو بعد خلصنا قال لي عايزك في موضوع تاني قلت ليهو اللهو قال لي عايزك تحكي لي عن تجارتك دي عشان نحنا في المستقبل حنبقي ازواج بعض وم عايزين ندس من بعض حاجه قال لي احكي سامعك في الاول اترددت بس فالنهايه حكيت ليهو اي شي حتى اني بزيد السعر ع كيفي وبكب مويه في اللبن وحكيت ليهو كيف انا كل م اجمع قروش بتضيع مني وبقيت ابكي واقش دموعي وهو ساكت بس بسمع قلت ليهو اني م حصل يوم وقفت في مصلايه صليت امي بتسالني لو صليت بحلف ليها اني صليت شوف اتلمو علي شنو ي مالك عدم صلاه وكذب واكل حق ناس وغش مالك انا كنت وين ووعيت قاطعني قال لي بسس الحمد لله ده المطلوب انك وعيتي ي تمني ودي نعمه من ربنا واظن قصتك دي براها كافيه انها تبقي ليك عظه وعبره عدم صلا وغش واكل حق الناس شوفي قدر شنو رجعك لي ورا تمني انا هسه عايز منك طلب تقومي تغتسلي وتتوضي وتصلي تبدي من هسه العشا وانا حاطلع بعد ده بس لمن تخلصي تديني تلفون قلت ليهو حاضر طلع فعلا نفذت القالو وريتو بالتلفون م قادره اوصف السعاده الدخلت فيني اليوم داك ونمت مرتاحه ومبسوطه تاني يوم صحيت الفجر صليت وصبحت علي امي قالت لي امس بعد نمتي اتصل عمك قال جايين علينا الليله هو وامجد ولدو مشيت السوق جبت خضار وحاجات عملنا الغداء لكن خزلونا م جو الغداء لأنهم قامو متاخرين شديد وقالو بجو بعد المغرب قريب للمغرب مشيت حلبت اللبن وبعتو صافي وفرحت الزباين بي انو نزلت سعر الرطل فرحو شديد بعد خلصت ناس عمي جو..........
يبتعع.........
بلا ضمير
تسنيم عبدون
_11
ناس عمي جو مشيت فتحت الباب مسكني حضني عليهو شديد ويبكي اعفي لي يبتي شلت منكم حقكم اعفي قلت ليهو عافنك ي عمي طوالي طلع صره ملانه قروش قال لي ده حقكم ي بتي من شلتو منكم داسيهو في الخزنه م مشيت جنبو سبحان الله بس تقول ربنا خلاني م امشي جنبهم عشان حيجي يوم وترجع ليكم بكيت شديد لانو ده بقي لي درس عظيم مستحيل انساهو طول حياتي ببيع بسعر غالي وبستغل الناس عشان امسك قروش قدر دي واستمتع الليله بعت بدون جشع جاتني القروش من حيث لا احتسب وفي مكاني وسبحان الله ربنا مدبر وخلا عمي م يهبش القروش عشان عارف في يوم حأخلي لعبي وامسك دربي ورجعهم لي يخ قدر شنو كنت مبسوطه طوالي اتصلت لمالك ابكي واتنهد لمن م قدرت اتكلم قفلت في ظرف دقيقه جا دقا الباب استغرب لقي عربيه واقفه بره ي ربي حصل ليهم شنو جا داخل سلم علينا وعرف ديل اعمامي جاني جوه وحكيت ليهو اي شي وانا ابكي قال لي شفتي ربنا ده كريم كيف ي تمني قلت ليهو الحمد لله والشكر لله بهناك امي حكت لناس عمي بانو مالك اتقدم لي عمي قال ليها ابشررر والله بت المرحوم نزوجها احسن زواج
فلاش باك...
امجد لمن ابوهو قال ليهو عندي ليك كلام كان عايز يعترف ليهو بإنو اكل ورثتي وامجد قال ليهو باكر باذن ليها نمشي ليهم ونرجع الامانات لأهلها قال ليهو ان شاء الكريم طوالي امجد باسو في جبينو وطلع.
نرجع..
مالك طوالي اتصل لابوهو وعمو قال ليهم عَم تمني جا تعالو وحددو معاهو العرس في ظرف شهر بنتم ان شاء الله اتخلعت بعد قفل قلت ليهو مالك عرس شنو في ظرف شهر قال ليها انا عايز كده عندك اعتراض ولا برضو الا باستئذان ي المبروكه ضربتو في كتفو قلت ليهو ااي وضحكت قال لي بكره تبدي تجهيزات طوالي قلت ليهو ان شاء الله جو الرجال وحددو العرس وعمي اتصل لمرتو وبناتو واخوانو البرضو تابو من البيع بدون ضمير وبسبب امجد برضو وكلهم اتلمو لزواج تمني وبنات عمها استلموها شي عروكات وماسكات ومشو السوق جابو الشيله وتاني يوم حبسوها في يوم اتصلت لمالك قالت ليهو انا معايزه حفله وزفاف وجوطه كفايه الذنوب الفيني بحاول اصفيها تاني م عايزه ذنوب بعد اصرار قدرت تقنعو لانو قال ليها عايز اعزك زيك زي البنات رفضت وجا يوم العرس وصوت السلاح بإنو عقدو والفرح والدموع والزغاريد وبعد العقد جو العرسان تمني طلعت قمر 14ماشاء الله والمباركات تمني بكت شديد مع امها
وتاني يوم سافرو مشو قطر قعدوا شهر وجو وقضو حياتهم وتمني بقروش عمها عملت مزرعه كبيره وزادت الابقار وجابت عمال يشتغلو ليها وكل فتره بتمشي تشوفهم ومحزراهم زره مويه م يختوها في اللبن وربنا رزقها بتؤام سمتهم هي مخصوص صافي&صافيه وتمني ومالك عملو حمله لتوعيه التجار وكل يوم خميس بعملو ليهم ندوه وعشان م يزهجو التجار في كل شهر بعملو ليهم مهرجان والليله تمني رئيسه حمله توعيه التجار مستضيفه في برنامج تلفزيوني وجمله قالتها من خلال كلامها ( تسأل تاجر ليه بتزيدو سعر الحاجه كل يوم وكان الرد عشان بنزيد على حسب زياده الدولار وكان رد تمني م عندنا مانع تزيدو على حسب زياده الدولار بس م تزيدو في البضاعه القديمه زيدوهو في البضاعه الجديده نضفو قلوبكم عشان تملو جيوبكم☺️❤️)
تمت بحمد الله وتوفيقه روايه بلا ضمير وان شاء الله تكون عظه وعبره وتكونو استمتعتو بالاحداث الفيها وشاكره جددن جددن لكل متابعني وكل مشجعني(امي وابوي ربنا يخليكم لي واخواتي وزملائي بكليه الاداب وصحباتي السمحات وولاء عصام الزوله الراقيه(قدوتي) واي زول زول عايز توفيقي بقول ليهو شكرا من الاعماق وربنا يوفقكم ويحفظكم)
بدأت كتابه الروايه يوم 7/8/2020
وانتهيت يوم 23/8/2020
كسره:
م بمنع نشرها بس حفظ الحقوق☺️❤️
تسنيم عبدون
نزلت ليكم كل الحلقات م اشحتفكم اكتر من كده🌚❤️
وبي كده انتهت رواية عن بلا ضمير😍❤️وان شاء الله الناس تكون استفادت منها😚وتبطل غش واستغلاليه❤️❤️
آرآكم تهمني🤤❤️
#كسره:
يجماعه انا رواياتي م ثابتة ع اسم واحد بكتب بي
تسنيم عبدون
Soma cute
وربنا يوفقكم ويوفقني ويجبر بخاطركم وبخاطري ادخلو وروني رايكم في الرواية وعجبتكم ولا لأ❤️
@tsnima
😔❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️بحبكم كلكم❤️❤️
ناس روايات سودانيه وين تفاعلكم الظاابط داك وكومنتاتكم الرهيبه😕م عجبتكم الروايه ولا كيف كم و80مشاهده مافي غير كم كومنت بسس
كومنت تاني🥺❤️
ي ظابطين ي حلوين جيتكم بروايه جديده🔥💃
روايه انقذتني_ضرتي
ترقبوها غدا🔥
يجماعه العندو واتساب عمر يرسلو لي
@tsnima
وتشكررووو
Soma Cute💅:
Soma Cute:
sõma cute:
#روايه انقذتني ــ ضرتي
بقلم:تسنيم عبدون
بارت 1
اعرفكم علي انا اسمي اميره متزوجه وعمري23سنه خريجه اداره اعمال قافله شهادتي في الدولاب وفضيت نفسي لي اطفالي وتربيتهم عندي ولدين وبت حسام وعزام ورنام اخر العنقود❤️وزوجي اسمو احمد وانا وهو متفاهمين شديد والحمد لله دايما مبسوطين عشان بعيدين من نسابتي ايوه نسابتي السبب ماساتي💔والحمد زوجي كان مهما اتشاكلنا ومهما عملنا م كان بجري ورانا بس كان بطلع بره البيت شان م يدافع لي وامو تزعل او يدافع لي امو وانا ازعل لمن الجو يهدا بجي داخل البيت❤️
نبدا القصه:
صحيت الصباح بدري جهزت السندوتشات نسيت اقول ليكم انو حسام في اولي مدرسه وعزام في الروضه لكن رنام رضيعه وجهزت الشاي مشيت صحيتن وصحيت احمد وشربتهم الشاي ودخلت ليهم السندوتشات في الشنط ولبستهم ولبست توبي وطلعت معاهم بره راجين التراحيل لاني كنت بخاف عليهم شديد كل م اسمع سرقه الاطفال دي حسام قال لي ماما نسيت القروش قلت ليهو اجري سرييع قبل الترحيل يجي جيب قروشك وقروش اخوك من بابا وابوهم كان مدلعن شديد جا وشايل في يدو عشرين جنيه ولي اخوهو عشرين جنيه قلت لي دا شنو كلو قال لي بابا قال لي شيل العاوزو من الدولاب لانو كان في الحمام شلتهم منو ودخلت ليهو حقتو في الشنطه وكذالك عزام والتراحيل جات ومشو جيت داخله البيت واحمد كان خلاص طالع علي الشغل هو مدير شركه استيراد وتصدير مشيت معاهو ركب عربيتو وجيت داخله لقيت رنومه نااايمه قلت مسافه رنومه نايمه اضاير البيت نضفتو كلوو وغسلت عدتي وركبت ملاح الغداء ومشيت لقيت صاحيه وبتمص في اصبعه❤️شلتها لقيتها مسخنه ناااار بس رفعتها كدا استفرغت خوفت عليها خوف😟جريت شلت تلفوني شان اتصل لي احمد نوديها الدكتور قالو لي عزرا رصيدك غير كافي ي ربي دي حالت شنو دي ي رب امشي الدكان اجيب لي رصيد واجي طيب لو مشيت اخليها مع منو 😔💔بس اتذكرته كان عندي كرت في الشنطه نزلتو واتصلت ليهو لقيتو مغلق اتصلت مكالمات كتيره لسسسه مغلق تاني اتذكرت انو بكون في اجتماع💔طوالي لبستها ولبسته لي اقرب عبايه وشلت قروش من الخزنه وجريت اقرب ركشه لي ومشيت المستشفي وسجلت وقعدت في الانتظار وقدامنا كانوا في ناس كتااار زي 14نفر كده تقريبا بس شايلاها وبلولح فيها مره ومره ارضعه ما بيه نهائي انها ترضع شويه كده تلفوني اتصل لقيتو احمد قال لي اميره انتو كويسين مالكم لقيت منك عشره مكالمات قلت ليهو احمد رنام دي لقيته مسخنه وتستفرق ومابيه ترضع ولمن م رديت جبتها في مستشفي .... هنا قال لي خلاص جاي عليكم مسافه السكه بس😟💔تاني اتذكرت انو عزام بجي بدري من الروضه وعاينته الساعه في تلفوني ولقيتو قررب طوالي اتصلت لي سلوي جارتي ووريته انو تدخل عزام بيتها مع حمودي ولدها ووريته اني في المستشفي مع رنام وحلفت لي الا تجيني وديك يدخلوا عند بتها الكبيره امتحنت شهاده وقاعده موجزه لكن ثبتها ووريته انو احمد معاي شويتين كده احمد جا والدكتور كان وصل للمريض العاشر يعني فضل تلاته انفار ونخش نحنا بعداك دخلنا وقال لينا امشو تفحصو الملاريا والدم الابيض مشينا فحصنا ليهو والله صرخت صواريخ😂قلبت الدنيا وقالوا لينا انو دي ملاريا وشلنا العلاجات ورجعنا البيت نومتها خليتها مع ابوها البي القلق والشفقه عليها حلف م يرجع الشغل😂مشيت جبت عزومي وجيت حميتو وغيرت ليهو قال لي انا جعاان ي ماما لمن قلت لي امونه اديني اكل ابت بس ماسكه تلفونه وراقده ضحكت قلت ليهو تاكل شنو قال لي عايز جبنه وعصير برتقال مشيت خلطت العصير وحشيت ليهو وشربت رنومه واديت احمد شرب شويتين كده سمعت بوري الترحيل حق حسام دخل استحمي وغير واديتو اكل وشرب عصيرو دخلتهم غرفتهم الكانت عباره عن شاشه صغيرونه كده في الحيطه وسريرين شكل عربيه كده ومكيف وسبت كبير ملان العاب وكمبيوتر وبلي استيشن ومكتبتين حقون مزاكره وفتحت ليهم المكيف وقفلت النور وطلعت لقيت احمد بتكلم بي التلفون ووشو دا احمد وبلبس وطالع قلت ليهو احمد بسم الله مالك قال انو ابوهو مرقدينو في المستشفي قلت ليهو اثتني امشي معاك قال لي لا خليكي مع الشفع ديل دور عربيتو وطلع وابو احمد ده الوحيد الكان معاملتو ثمحه معاي من اهلو اسمو حسن مشيت رقدت حبه جنب رنوم دقست نومت لي نوومه حلووه حلا ثحيت مخلوووعه عاينت لقيت ازان العصر قعد يازن مشيت جبت لي حاجات من البقاله عملت لي شوربه دجاج وحمرتو كان في باقي برتقال خلطتو شلت لي كيس دخلتهم كلههم واتصلت لي احمد وكانت الصدددمه😳😳😢💔
انتظرووونا
#يتتتبع.....
#روايه انقذتني --ضرتي
بقلم:تسنيم عبدون
بارت2
كانت الصدمه ردت لي اختو شغاله لي خيير عايزه شنو عايزه تطلبي شنو ان شاء الله ي المابتشبعي ي حوامه ي بتاعه الفقراء اها ارتحتي بعد عملتي كدا في ابو راجلك او شبه راجلك لانو قريبا ورقتك بتصلك😳😳😳😳انا ده كلوو وم مستوعبه حاجه فجاءه اسمع احمد جايط وشويتين الخط قفل رجعت ليهو تاني رد لي احمد قال لي اميره معليييش انتي زي م عارفه اخواتي م تشتغلي بيهم كتيير قلت ليهو لالا عادي😢💔الموهم ي احمد عمي حسن بقي كيف قال لي فلل كويس وهسه طلعوهو من العنايه المكثفه وقعدونا في الغرفه تصدقي ي اميره من وعي شغال يسال عليكي اميره وين وجيبوها لي قلت ليهو يحليلو كان في مرادي امشي ليهو واسلم عليهو بس انت عارف اخواتك م حيريحوني لو مشيت قال لي م عليكي بي اخواتي انتي عندك نيه تجي انا بحيبك تسلمي عليهو وترجعي بدون م يلمسوك ولو اتكلمو م تشتغلي بيهم كتيير قلت ليهو حااضر انا هسه بتحهز اصلا كنت متصله ليك شان عملت ليهو شوربه وحمرت ليهو دجاج وشويه عصير قال لي تمام انا هسه بجيكي
يلا لغايه م احمد يصل لي اميره نعرفكم علي اسره احمد
عمي حسن راجل طيب وبحب الناس وبحبني شدييد هو م شيخ لكن ملتزم وبيأزن في الجامع الجنبهم عمرو في السبعينات كده ومريم مره شريره خلاص وهي ام احمد م بتحبني نهائي تشوف الموت م تشوفني عمرها في نهايه الخمسينات منجده شابه في الثلاثينات هي حلووه شديد وجنها مسيح وجليط ومهتميه بنفسها شديد ومفتريه وبتكرهني اكتر من امها مرام دي في العشرينات مفتريه برضو وم بتحبني بتقرا محاسبه سنيوره ومحمد ده اخوهم الصغير ممتحن شهاده عسولي وبدورني شديدزي ابوهو عكس اخواتو وامو😏
وصل احمد عند اميره
احمد :العيال برضو ماشين ي اميره😳
حسام:ااعي ي يابابا عايزين نسلم علي جدو😢
اميره:خليهم ي احمد يمشو معانا يخ عايزين يسلمو علي جدهم😊
احمد:حسوم وعزوم امشو ارجونا في العربيه يلا☺️
حسام وعزام:هييييييي حااضر ي بابا😍
احمد:اميره انا خايف لو اخواتي شاكلوك ولا حاجه جنبهم يأثر عليهم😢
اميره:لالا ي احمد بحصل كلوو خير ان شاء الله☺️
احمد:ان شاء الله😍ارح يلا
اميره:هاك رنوم امشي اجيب الحاجات من المطبخ واجي💋💋
جابت الحاجات وركبوا واتحؤكو الي المستشفي نشوف البحصل في المستشفي الحلقه الجايه☺️☺️☺️
#يتتتبع.....
#روايه انقذتني --ضرتي
بقلم:🍫تسنيم عبدون
بارت3
في السكه الي المستشفي
احمد وهو بعاين في المرايه لي حسام:حسووم😚
حسام:نعم ي بابا😍
احمد:الليله كان عندك اختبار م وريتنا الدرجه😄
حسام:ااخ نسييت والله جبت ٢٠من ٢٠ ي باباوانا الوحيد المقفل في الفصل ي بابا😍😍
احمد:اووو حسوووم البطل الشاطر اوعدك بعد نسلم علي جدو ونطلع اوديكم محل الايسكريم😍
حسام وعزام:هييييي😍😍😍😍💋
حسام:بابا ودينا محل الايسكريم الفيهو العاب😍
احمد:حااضر😍
اميره:😂😂😂😂مجانين
حسام:بابا قول لي نكته😍
احمد:كان ي مكان في قديم الزمان كان زوجه عسوووله وبطيع زوجها في اي شي وطيووبه وحنينه وزوجها بحبها(بقول الكلام ده وهو بعاين لي اميره)فجأه زوجها قال ليها ووووه خلع اميره لمن صرخت ورنوم مع صرختها كانت نايمه صحت تصرررخ بي اعلي صوتها وحسوم وعزوم شغالين ضحك 😂😂😂😂
حسام:حلووه ي بابا 😂😂😍
ووصلو المستشفي(نخليكم مع اميره توريكم تفاصيل المستشفي)
دخلنا المستشفي والعيال قال يلعبوا في الجنينه البره دخلت وشايله غداي واخوات احمد يعاينو لي وهم مكشرين😏م اشتغلت بيهم كتير بالعكس كسرت الحنك وقلت ليهم حمد الله علي سلامه عمي حسن☺️
هم:😏😏ها عمك حسن والله م لينا الشرف انو ابونا يبقي عمك ي بتاعه الشيوخ 😏😏(طوالي بقولوا علي كدا)
برضو كسرت الحنك بس دمعت دنقرت راسي م رفعتو الا احمد لمن ادي اختو القالت كده كف😳احمد قال لي خشي سلمي علي ابوي ي اميره وخليهم علي القليلات الادب ديل حتي محمد اتغاظ منهم شديد وهرج فيهم😢عايزه ادخل كده جنب باب الغرفه في مقاعد جات مرام قعدت في مقعد الملاصق للباب وانا داخله مدت رجلها عترتني وقعت ورنوم دي طارت في جهه وانا في جهه جاها احمد من هنا وعايز ينزل يدو ويضربها بس انا مسكته يدو قلت ليهو:لا ي احمد هي م قاصده في حين انو انا متاكده انو الحركه دي عاملاها قاصده😭😭😭😭😭💔
احمد عاين لي كده وحمر ليها شديد اظن عرف انو الحركه دي منهابالعاني💔الموهم الحمد لله الغدا م كان حصلت ليهو حاجه ولا شي انكشح دخلت كده لقيتو نايم قلت بكون صاحي بس بالتعب بكون مغمض شغاله ليهو عمي حسن عمي حسن سامعني انا اميره اصحي بس ولا حياه لمن تنادي مسكت يدو وفكيته رررب جات واقعه اللحظه دي عرفتوا انو مات😢😭😭😭😭😭😭💔
الحلقه الجايه حنعرف رد اخوات احمد لمن يعرفووو
#يتتتبع.....
HTML Embed Code:
2025/07/01 18:43:32
Back to Top