تالت كومنت😭❤️❤️❤️

TóTá:
اوووقسم احلى رواية رَبّـ❤ـيٌ يوفقگ حبـيبة وتسلمييييييي😍😍 واستمري بالتـوفيق ي رب😍😍

soma cute🍫:
😭😭😭❤️❤️❤️❤️يسلم غاليك ي ربب ده ذوقك

بقايا امل 🏥❤❤:
الروايه رهيبه درعه ابداع وااااي ياخ كلمه رهيبه بسيطه عليها ده قمه الابداع والفن بالجد روعه واحلى ما فيها انها ليها هدف ورساله بتمنى انه رسالتك تصل لكل الناس ومزيد من التقدم ان شاء الله وربنا يوفقك ولا اسرعي اكتبي رواية تانيه وابدعينا واتحفينا ❤️❤️❤️❤️❤️❤️❤️❤️

soma cute🍫:
😭😭😭😭😭😭😭😭😭😭❤️❤️❤️❤️❤️❤️❤️❤️❤️❤️❤️❤️❤️❤️تسسسسلمي م قصرتي والله على كمية البوزتيف الدخلتيها فيني

Sroo ♥:
بالجد دي احلي رواية قريتها في حياتي ❤️❤️❤️رووووعه رهيبه

soma cute🍫:
سرووو تسلللمي يخ😭😍😍😍❤️❤️❤️❤️❤️❤️❤️

زولة ماركة:
ما شااااء الله عليك بجد روايتك حلوة شديد مزيد من التقدم ان شاء الله ❤️❤️❤️

soma cute🍫:
الله م ضراك😭❤️+تسلمي كتير ي حلوة😍❤️

šhøšhö Sweëț:
روايتك عن سوداء وابيض🖇🎶 بجد كانت فظيعه حبيتها وانا كل يوم بستناك ع ناار تنزلي باقي الروايه استمري حبي وبتمنى ليك المزيد من التقدم🖇😍

soma cute🍫:
😭😭😭😭❤️❤️❤️❤️❤️❤️😭😭😭❤️❤️❤️❤️❤️❤️❤️تسلمي كتتيييير يخ ده زوقك والله

Ţøţä Bőģä:
روايتك بالجد ليها معنى ومعنى حلو شديد💛💛 بالجد العنصريه دي موجوده للاسف💔💔بس روايتك رهيييبه م شاء الله تبارك الله استمرييي💛💛💛

soma cute🍫:
تسلمي ي رببب😭❤️❤️❤️❤️❤️❤️

صح والله ربنا يتم الوعي وتبقى بجد ثورة وعي

Dodo💕:
صرااااحه الروايه رهيبه 😍😍ومزيد من التقدم وبتمني ماتوقفي الكتابه 😊

soma cute🍫:
دودو😍❤️❤️❤️ان شاء الله ❤️

قريبا... 🔥

انا ابحث عن وظيفةة او شغل اوJob Vacancy بشتغل اي شي تخصص نقاشةة لابتوبات تنجيد كراسي جلوس كما تتوفر رخصة قياده يلا العندوو او بعرف يرسل لي يكون ف الخرطوم هنا والعياز شغل برضو يرسل عشان نفيد بعض وشيروو البوست لو عندك او عايز رسل لي

@M17017

السلام عليكم شبب طلب صغيروني وضروري عليكم الله عايزه لي داخليه في شارع الستين أو عبيد ختم تكون غرفه ثنائيه او ثلاثيه ونضيفه😊❤️
العندو فكره ده معرفي
@tsnima

ممكن تدوني تفاصيلها يعني السعر يكون مناسب وكده وتدوني رقمهم

وبحمد الله وتوفيقه الليله كملت كتابه روايه بلا ضمير😍واترقبوها بكره ان شاء الله😍❤️وشكرا ليكم وشكرا لكل البدعموني والبشجعوني💋❤️بكره ان شاء الله❤️

بغض النظر عن الديس لايك الواحد ده☺️بكره ان شاء الله حابدا نشر الروايه الساعه10ابقو قرااب😍😍😍❤️❤️❤️❤️

بحبكم كووولكم ي ناس روايات سودانيه تفاعلكم ظابط وانتو ظابطين وربنا يوفقكم كلكم ي رب😔❤️❤️❤️❤️❤️❤️

حأنزل ليكم أول حلقتين من الروايه❤️

بلا ضمير
تسنيم عبدون...
_1
اكعب حاجه في الدنيا انك تعمل في حاجه وعارف انها غلط أو حرام بس للأسف ضميرك ميت زي م بنشوف الحصل لبطله قصتنا تمني الكانت بتعمل الغلط بدون ضمير.
بطلتنا تمني عمرها 20سنه هي بت وحده قاعده مع امها وابوها متوفي ليهو زمن طويل وابوهم كان خالي ليهم بقره واي حاجه كان مفروض يورثوها شالوها اعمامها اخدو حقهم كلو بس خلو ليهم البقره دي عشان كلام الناس م يقولو اكلو حقهم وم ادوهم حاجه تمني كانت كل يوم بتمشي تحلب البقره وبتبيع اللبن وامها اصلا زوله كبيره م بتقدر ع حلب اللبن وكده تمني كانت زوله همجيه اصلا م دغريه يمكن حبها للقروش وحلمها لواقع غير واقعها خلاها زوله تكون بدون ضمير كل همها تكون بت عزز واي شي شافتو عند بت يكون عندها
نتم القصه بلسان تمني
**********************
الصبح أذن أمي صحتني للصلاه قلت ليها سمح قايمه امي دخلت المطبخ بجاي رقدت تميت نمتي اصلا م عندي قضيه بي صلاه انا ههه حتقولو اني كافره لا انا ديانتي مسلمه واهلي مسلمين وابوي كان امام مسجد ليهو احترامو بس انا عكس امممم رقدت نمت لحدي الساعه9ونص كده قمت اتسوكت وجيت اشرب الشاي امي قالت لي تمني انتي م صليتي الصبح أشيل واحلف ليها اني صليت المهم بجاي بجاي اتحاججت ليها واقنعتها اني صليت شربت الشاي دخلت غرفتي اللهي غرفه وحده في البيت بس حبي للعز واني مفروض يكون لي غرفه براي فاستغليتها وركبت في ستاير من زمن امي عروس وخاته فيها سريرين ومفرشاهم بملايات مخمل عاديه ومشرطه شوالات السكر ومفرشاها حنك انها سراميك وكل يوم اكنسها وامسحها كل يوم بحلم بالعزز واني اكون مليونيره وغرفتي احلي من كده ومركبه فيها مكيف اسبليت بدل المروحه البتكركب دي بس بحلم والواقع يعمل لي كرووسس❌جا العصر شلت جردلي مشيت الزريبه حلبت نص الجردل والباقي زعطتو مويه من الماسوره وبعد المغرب الزبون بدو يجو للبن وطبعا مستغله حركه اني المكان الوحيد الببيعو فيهو لبن تاني مافي الا قريه كده بعيده مننا ورطل اللبن زدتو ضعف السعر بتاعو الاصلي ده كلو نفسي في حاجات كتيره اشتريها زي باقي صحباتي واول شي عايزه تلفون تتش زي باقي الناس مشيت الزبون كلهم ورجعت رقدت امي جاتني قالت لي قومي صلي قلت ليها طيب قالت لي قومي اتوضي وانا واقفه ليك زهجت شديد قمت كوركت فيها قلت ليها م بصلي يخخ دي شنو دي وامي زوله كبيره م عندها حيل لي فقالت ربنا يهديك ي بتي ومشت انا اخلاقي وصلت نخرتي طفيت النور ورقدت نمت صحيت الصباح وشربت الشاي ولقيت معندي موضوع قلت كدي احسب قررشي المدكناها جوه دي طلعتها وحسبتها لقيت دي القررش اللميتها خلال اربعه شهور تلاته مليون وانا عايزه 17مليون للتلفون النفسي فيهو بقيت اتكلم مع نفسي هسه اعمل شنو تلاته بس دي غير مصاريف البيت والقش البجيبو للبقره ايوااا تقومي ي تمني تزيدي سعر الرطل لكن لو الزبون احتجو ااا حأقول ليهم القش بتع البقره بقى غالي ايواا بسس فكره دخلت القروش وانا بغني ومبسوطه اني حاشتري التلفون العايزاهو المغرب جا بدو الزبون يدقو الباب للبن ووريتهم اني زدت السعر بقو يجوطو والقالو نحنا مصاريفنا كلها بتكمل في اللبن المهم اقنعتهم شالوا اللبن ومشو وامي بجوه لو عرفت اني زدت السعر م بتخليني دخلت ضميت القروش الجديده مع القديمه عملوا 4مليون ودخلتهم تاني ومررت الايام وبقيت م بصرف ع البيت الا لمن نجووع شديد امشي اشتري عيشيتين وكيس طعميه فيهو اربعه حبات وناكلو وامي بقت تقول لي ي بتي انا بطني اتهردت بالطعميه من قروش اللبن ان شاء الله جيبي لي بصله وحبه زيت وكيس عدس نعمل لينا حله ناكل منها اسبوع قلت ليها هو انتي لاقيه قدر الطعميه دي ي امي اكليها ساي قالت لي قروش اللبن وينها قلت ليها بدخلها في الديون كان حقت ابوي حتى سكتت مني..
يتبعع....

بلا ضمير
تسنيم عبدون
_2
في يوم صحيت الصباح كالعاده بالروتين اليومي حسبت قروشي لقيتها عملت 7مليون قلت لو خليتها في البيت حيسرقوها ولا حاجه حامشي احفظها في البنك لفحت مطبقتي ولبست عبايتي طلعت بره لقيت ماف ركشات ركبت مواصلات طبعا حاركب اتنين لمن اصل للبنك المواصلات التانيه كانت زحمه وانا بكابس عشان اركب بس واحد خطف مطبقتي وجرا صرخت والناس دي تعاين لي كأنوا مافي حاجه مافي زول عايز يتحرك يجري ورا الحرامي بس مسكت نعلاتي في يدي وجريت وراهو لمن نفسي قام وعرقت بقيت ابكي واصررخ قروشي التعبت فيهم في لمحه بصر اختفت وندمت اني شلتها وطلعت بيها رجعت البيت وانا ميؤوسه وم طايقه زول دخلت غرفتي وبالزهج قفلت الباب شديد الباب اتكسر وقع ده الناقصني كمان جاتني امي قالت لي شكلك جنيتي مالك ي بت بقيت ابكي وهي اتخلعت وتحنس فيني وانا ابكي بدون م احس حكيت ليها القروش الجوعتها عشانا سرقوها سرقوها ي امي في لمحه بصر وانا كنت ماشه احفظه في البنك امي قالت لي ي بتي العملتي فيني سامحتك وعافيتك بس بدورك تعرفي ي بتي البني ادم بموت القروش شنو كمان كلها ورق بتختفي وبتجي نحنا نقعد نجري وراها وننسى صلاتنا وننسى عباداتنا ونلم في القروش نموت ونخليها ونكون لا استفدنا من قروش ولا استفدنا من عمل يكسبنا الأخره ي بتي ده عقاب من ربنا عشان م قعد تديهو حقو وعايز يوريك القروش دي زي الانسان يلم الفحم وفي النهايه النار تاكلو وتخلي رماد زيها كمان القروش نجمعها وننسى عبادتنا في النهايه لمن تنشال مننا تبقي حياتنا رماد قومي ي بتي استغفري وصلي ليك ركعتين وتوبي لي الله وفوضي ليهو امرك قلت ليها امي عليك الله لو خلصتي محاضرتك عشان عايزه انوم قالت ليها ربنا يهديك وطلعت انا قضيت يومي كلو ابكي ولا حلبت اللبن جو الزبون قلت ليهم الليله مافي لبن ونفسي طلعت من اي شي بس برضو م استسلمت من تاني يوم رجعت لعادتي وحلبت اللبن والباقي مويه لخبطتو وبعت ليهم.
مرت الشهور قروشي بقت10مليون المره دي قلت اصلي م بطلع بيها من البيت خليتها قبلها ومرت الايام وزادت بقت13قربت أجمع حق التلفون في يوم الغاز بتاعنا كمل امي شالت الهيتر ودخلتو غرفتي ووصلتو وركبت حلتها وانا اصلا الصباح لمن كنستها خليت المكنسه راقده فقام الهيتر ضرب وشبت نار في المكنسه ومن المكنسه للدولاب والسراير والغرفه كلها وانا وامي راقدين في الراكوبه امي قالت لي في ريحه حريق قلت ليها ااي بكون عند سعاد جارتنا كالعاده حارقه حلتها قعدنا حبه قالت لي قومي شوفي الحله مشيت واتصدمت وطوالي أغمى علي امي لقتني اتأخرت جات شافت المنظر وجرت تصرخ وتطلب النجده من الجيران ورجال الجيران م قصرو واحد طلب الاسعاف وواحد طلب المطافئ رقدوني في المستشفى وامي وراجل جيرانا ومرت جيرانا قاعدين جنبي ع أمل اني أصحى شويتين فتحت عيوني امي فرحت جات تتكلم معاي تمني انتي كويسه تمني قومي وانا شغاله ليها امي عايزه قروشي بس شغاله قروشي ضاعت تاني ضاعت وعيوني تدمع تاني صنقرت وصرخت بي اعلى حس لي قرووووووووووووووشي امي بقت تبكي جرت نادت الممرضه بقيت اضرب فيها واقول ليها اطلعي اطلعو كلكم م عايزه وشكم الممرضه طعنتني حقنه مهدئه تاني رجعت نمت
******************
اماني:الليله يبت دي شنو المطافئ البالصباح دي
فايزه قالت ليها يبت الليله غرفه ناس سكينه اتحرقت وبتها أغمى عليها وودوها بالاسعاف اماني قالت ليها كررر علي ي يمه سكينه م تستاهل تلقاها من ده ولا من بتها الهرتها دي فايزه قالت ليها يبت هسه كنت بتكلم مع نايله معاهم في المستشفي هي وراجلها قالو كل مره تقوم تكورك تقول قروشي اماني قالت ليها بسس عليها جنها قروش كل يوم زايده سعر اللبن راجلي كل يوم يكورك والله لو م مجبورين م كان في زول مشى ليها يلا يبت امي ودعتك الله حلتي في النار يلا مع السلامه..
يتبع......