#نزيف_اللثة_ونقص_فيتامين_سي
#Scurvy

والله يادكتور انا ببقى قاعد كدا والاقى اللثة بتاعتى بتنزف لواحدها واسنانى بتوجعنى ..
فرحت كشفت والدكتور قالى عندك نقص فيتامين سي وكتبلى على العلاج دا وقالى كل جوافة ولمون وبرتقال ..

Scurvy 😄

دا ياعم مرض بيظهر نتيجة نقص فيتامين سي (حمض الأسكوربيك) ...

بسكدا اماال انت مفكر اى 🙂

طيب يادكتور اى سببه !؟
مانت بقلك نقص فيتامين سي 🙄

لا مش قصدى .. قصدى يعنى ازاى بيحصل واى علاقة دا بنزيف اللثة !؟

طيب يص ياعم 👀
الاول كدا قبل اى حاجة لازم تبقى عارف ان فيتامين سي دا جسمنا مش بيقدر يصنعه خالص ...
يعنى اعتمادنا كله بيكون على فيتامين سي الموجود فى الأكل ..
وبالتالى لو الشخص مش اكل اطعمه بتحتوى على فيتامين سي دا هيؤدى الى نقصه فى الجسم بعد فترة من الوقت ..

فيتامين سي دا ليه اهمية كبيرة جدا داخل الجسم هنبقى نتكلم عنها فى وقتها لكن اللى يهمنى دلوقتى بقى ياعم ان فيتامين سي دا بيساعد فى تصنيع بروتين اسمه كولاجين
البروتين دا بقى ياعم ليه دور كبير جدا فى العظام وكمان فى التئام الجروح وكمان بقى ياعم البروتين دا بيحافظ على سلامة وقوام الاوعية الدموية
يعنى مبيخلهاش ضعيفة ...
فبالتالى لو حصل نقص فى فيتامين سي ⬅️ هيحصلل خلل فى تصنيع الكولاجين ⬅️ هيؤثر على العظام والتئام الجروح وكمان بقى هيؤدى الى هشاشة فى الأوعية الدموية ودا هيخليها عرضه للنزيف

عرفت ياعم بقى اى علاقة نقص فيتامين سي بالنزيف 😁

طيب يبقى كدا عرفنا سبب مرض ال Scurvy

طب اى اعراض المرض دا !!؟

اعراض المرض دا هيا اعراض نقص فيتامين سي 🥴

- تعب وإرهاق 😓
- ألم فى العظام 😥
- خشونه فى الجلد بسبب نقص الكولاجين 😉
- بصيلات الشعر تصبح حمراء .. لماذا !؟
هسيب دا سؤال واللى يعرف يجاوب فى الكومنتات وهبقى اقول الإجابة 😁
بس بصراحة عيب عليكم لو معرفتوش الإجابة 🙄

- ظهور بقع وكدمات على الجسم ودا طبعا بسبب تمزق الأوعية الدموية تحت الجلد ويتسرب الدم ويظهر على شكل كدمات

- بطئ فى التئام الجروح بسبب نقص الكولاجين اللى قلنا ليه دور فى التئام الجروح

- نزيف اللثة وعرفنا السبب 🙄
- ألم فى للأسنان
- ضعف المناعة ..
وفى الفترة الاخيرة كان حصل استهلاك لفيتامين سي من الصيدليات عشان الناس تقوى مناعتها عشان كورونا 😂🚶

شفت ياعم بقى نقص فيتامين سي بيعمل اى 😥

عايزك بقى واحنا داخلين على موسم الجوافة كدا كل يوم تاكلك جوافية كدا لأن الجوافة اكتر فاكهة بتحتوى على فيتامين سي 😁
وكمان البرتقال والليمون والبطيخ والموز والتفاح ...
وكمان من الاكلات اللى بتحتوى على فيتامين سي ...
الكبدة 😁 بس نيئة 🤮
كبدة العجل .. البقر .. الخروف ...
انا بقول نخلينا فى الجوافة واللمون والبرتقان 😁

طب يادكتور اى العلاج بقى 👀
انت اهبل يابنى بصوت توفيق عكاشه 😂
امال انا بهرى فى اى 🚶
مرض نقصه فيتامين سي ..
يبقى نعالجه باى 👀
اديله فيتامين سي ...
وزى ماقلت فوق ان فيتامين سي مش بيتصنع فى الجسم ..
فالعلاج ان المريض ياكل طعام غنى بفيتامين سي زى اللى قلته فوق
وفيه ادويه بتحتوى على فيتامين سي ممكن ياخدها ..

هتلاقى فى الرسالة المثبته هشتاج بكل المواضيع اللى اتكلمت عنها وكل موضوع بضيفه للرسالة المثبته

ولو تعرف اجابة السؤال اكتبها فى كومنت على الفيس

#طالب_طب

وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِّيَتَّخِذَ بَعْضُهُم بَعْضًا سُخْرِيًّا

ماهو المجتمع مش كله هيبقى طبقه واحده ... او فئة واحدة ..
بل درجات ...
سخر الله بعضها لبعض

"إياكم والبطنه"

فى إحدى جولات أمير المؤمنين خليفة رسول الله الفاروق عمر بن الخطاب رضي الله عنه للتعرف على أحوال الرعية صادفه رجل شديد السمنة فسأله وهو يشير بإصبعه إلى «كرشه المنتفخ» ما هذا يا رجل.. فأجابه الرجل ضاحكا: «إنه فضل ونعمة وبركة من الله» فرد عليه أمير المؤمنين: «ويحك يا رجل إنه عذاب ونقمة» والتفت عمر إلى من أحاطوا به قائلا: «أيها الناس إياكم والبطنة فإنها مكسلة عن الصلاة مفسدة للجسد تورثه الضعف والمرض

ان شاء الله هنزل بوستات طبيه مع بداية الاسبوع الجاى 😁

#طالب_طب

النهارده اول مره اشوف حالة Reyes syndrome
الولد توفي للاسف خلال 4 ساعات بعد مادخل في غيبوبه كبديه
انا بكتب البوست ده وقلبي موجوع علي اهله وصوت مامته وهي بتقول انا السبب لسه بيرن في وداني 😪
نفسي البوست ده يوصل لاكبر عدد من الناس لاني اكتشفت ان ناس كتير اوي متعرفش المعلومه دي
ممنوع منعا باتا استخدام الاسبرين (aspirin)في الاطفال لحد سن 18 سنه لانه لو كان الطفل عنده عدوي فيروسية زي مثلا الchicken pox واخد اسبرين بيحصلوا حالة Reyes syndrome دي وبيدخل في غيبوبه كبديه وغالبا مابيتوفي للاسف
الاسبرين زي اللي باين في الصوره ده متوفر تقريبا في كل بيت مصري وبسبب انه رخيص طبعا بيستخدم علي الفاضي والمليان فبجانب اضراره التانيه علي الكبار والصغار زي سيولة الدم الا انه بيعمل كارثه في الاطفال
ارجوكم محدش يستخدم اسبرين مع الاطفال نهائي تحت اي ظرف

#Copd
#طالب_طب

اسبرين الاطفال " مش للاطفال لكن اسمه كدا لأن هوا بيمثل حوالي ربع تركيز الأسبرين العادي يعني لو الأسبرين العادي مثلا 320 مللي جرام الأطفال بيكون 50:150 مللي جرام ...... و دا بيستخدم في حلات السكر و مرضي القلب و كدا

🔴 مش للاطفااال

د . عبد المتعال فودة

#طالب_طب

#نقص_الضغط_الإنتصابى
#Orthostatic_hypotention
#postural_hypotention


ذات ليلة فى تجمع عائلى وانتم عارفين بقى التجمعات العائلية اللى فيها دكتور مبتخلاش من الأسئلة 😥
كنا جالسون فقامت خالتى عشان تعملنا شاي لكنها عندما قامت مرة واحده شعرت بالدوار لجزء من الدقيقة وكادت ان تسقط
لكن سرعان ماعادت لطبيعتها مرة اخرى
بس يعدوها بقى كدا !
لا لازم يحضروا فى الموضوع ماجيستير
وتلاقى خالك يقلك ماهو بيحصل معايا بردو احيانا بس مش باخد ولا بدى عادى يعنى
انت : جدع ياخالو والله 😂
خالتك : دا سببه اى يادكتور محمد
انت : مش جدعه ياخالتو على فكرة

من أكبر الأخطاء اللى بنعملها بشكل مستمر انك تبقى نايم على السرير لفترة طويلة او تبقى قاعد مدة طويلة وتقوم تقف مرة واحده فتلاقى نفسك حاسس بدوخه والدنيا بتلف بيك وممكن تسقط على الأرض

ودا بنسميه

Orthostatic hypotension
Or postural hypotension

وبلغتنا الأم اسمه : نقص ضغط الدم الإنتصابى
أو انخفاض ضغط الدم الوضعى

طيب اى اللى بيحصل ولى بحس بالدوخه لما اقوم مرة واحده كدا وممكن يغمى عليا .. واى هيا الأعراض فى الحالة دى وازاى اقدر اتفادى دا !؟

بص ياعم الفكرة انك وانت قاعد او وانت نايم بيكون الدم فى نفس مستوى جسمك
يعنى لو انت نايم على السرير ودماغك فى مستوى رجلك بتكون الدورة الدموية ماشيه فى نفس المستوى بتاعك وانت نايم فلما بتقوم مرة واحده بسرعة
انت فى جزء من الثانيه خليت راسك فى مستوى أعلى من جسمك فى حين ان الدم مش هيطلع للمخ بنقس السرعه بفعل الجاذبية فدا بيقلل ضغط الدم فى المخ
فبتحصل دوخه قد تصل للإغماء 😟

طيب اى الأعراض اللى بتحصل يادكتور !؟ 🤔

الدوخه فبتحس ان الدنيا بتلف بيك
وزغلله فى العين وأحيانا ممكن تسقط على الأرض وممكن يحصل إغماء ..

طب اى سببه يادكتور !؟
ماتصحصح كدا امال مانا لسه قايلك بيحصل لما بتقوم من مكانك مرة واحده فبفعل الجاذبية الدم مش بيوصل للمخ عشان كدا بنسميه بلغتنا الأم ضغط الدم الإنتصابى او ضغط الدم الوضعى
يعنى هو متعلق بيتغيير وضع جسمك من الجلوس او النوم للإنتصاب اللى هو الوقوف ...

طب هو الموضوع خطير يادكتور !؟
خطورته تكمن فى معدل حدوثه يعنى لو الموضوع دا متكرر معاك كتير يبقى لازم تزور الطبيب عشان ممكن يكون فيه مشكله او لو الموضوع سببلك اغماء يبقى لازم تزور الطبيب
لكن لو هو مش متكرر معاك كتير يعنى كل فين وفين على مابتحصل مفيش خطورة
لكن الافضل تتفاداه لأن لو وصل الدوخه انك تسقط على الارض ممكن السقوط يسببلك مشكله

طب نتفاداه ازاى بقى 😁
متقمش مرة واحده
بس كدا امال انت مفكر اى
يعنى لو انت نايم وهتقوم تقف
اقعد الاول وبعد كدا قوم بالراحه
او لو انت قاعد متقمش مرة واحده كدا بشكل مفاجئ

يلا ياعم روح رد على خالتك بقى ومتكسفناش 😂

هتلاقى فى الرسالة المثبته هاشتاج بكل المواضيع اللى اتكلمت عنها وكل موضوع بضيفه للرسالة المثبته

#طالب_طب

رأيك فى محتوى القناة

#متلازمة_كوشينغ
#Cushing_syndrome


فى حوار بينِك وبين صاحبتك عن واحده معدية قدامكم فى حالها وسلمت عليكم ومشيت ...
أنتي : هي مين اللى وشها زى القمر دا
صاحبتك : دى واحده جارتنا
أنتي : شايفه وشها مدور زى القمر ازاى
صاحبتك : ادعيلها ربنا يشفيها أنا سامعه انها مريضه
أنتي : مريضه اى يابنتى !!
فى حد مريض ويبقى وشه مدور زى القمر كدا
صاحبتك : اه والله زى مابقلك كدا وبعدين مش انتى فى طب فالمفروض تبقى عارفه
أنتي : اه طبعا انا عارفه بس كنت بختبرك
صاحبتك : بتختبرينى اى يابنتى أنا مش فى طب أصلا
أنتي : طب أقوم انا بقى عشان مستعجلة يلا هتعوزى حاجة 🚶🏻‍♀️


Cushing's syndrome
متلازمة كوشينغ ..

تطلع اى متلازمة كوشينغ دى ياسي جوني !؟ 👀

متلازمة كوشينغ دى ياعم عبارة عن خلل بيحصل فى جسمك فبيخلى جسمك بيصنع هرمون اسمه الكورتيزول بكميات كبيرة لمدة طويلة
بسكدا 🚶‍♂️

كورتيزول 😟
كورتيزول 😟
جسمي يصنع كورتيزول 😟
أنا أسمع ان الكورتيزول دا خطير وبيموت يادكتور 😟

أيوة هو انت أكيد سامع الكلام دا من حد فى الشارع 🙂
اصل أى حد لما تقله كورتيزول بيتخض نفس الخضة دى كدا 😂🚶‍♂️

تعالى ياعم بسرعة كدا نقول نُبذه مختصرة عن الكورتيزول 😁
(أيوة نبذه بضم النون مش تعارضنى بقى أنا عايزها كدا .. اقرأ وانت ساكت 🙄)

الكورتيزول دا يعنى هرمون زى اى هرمون
بيفرز فى جسمك يعنى جسمك بيصنعه أصلا ...
تعرف الغدة الكظرية Adrenal gland بتاعة تالتة ثانوى اللى هي المثلثة اللى فوق الكُلية !
هي اللى بتفرزه
وبالاخص قشرة الغدة الكظرية
واللى بيتحكم فى افرازه هي الغدة النخامية pituitary gland اللى موجودة فى دماغك
الغدة النخامية بيتفرز هرمون اسمه ACTH يروح يحفز الغدة الكظرية انها تفرز الكورتيزول
ACTH = Adrenocorticotropic hormone 😁


هرمون الكورتيزول دا ياعم الحج ليه وظايف كتير خالص فى الجسم ومن اهمها ..
- بينظم مستوى السكر فى الدم (بيرفعه)
- بينظم ضغط الدم (بيرفعه)
- بيساعد فى هدم الدهون والبروتين والنشويات
- وليه دور كمان كمضاد للإلتهابات
- ومثبط للمناعة
- عند المراة الحامل فى الأسبوع ٣٠ - ٣٢ من الحمل بيزداد عندها هرمون الكورتيزول لانه بيساعد فى تكوين سطح رئة الجنين ..
تلاقى واحدة حامل داخلة عليك الصيدلية بتقلك هاتلى حقنتين الرئة اللى الدكتور قالى عليهم !
فانت تقوم تجيب اتنين ديكسا من سكات كدا 😂🚶‍♂️ ولا تقولها كورتيزون ولا غيره
اصل لو قلتلها كورتيزول هتتخض 😦
وهتقعد بقى انت تقعنها ان هو مهم ومش عارف اى 🚶‍♂️

تمام كدا
دى كانت نُبذه مختصرة عن هرمون الكورتيزول 🥴

نروح لموضوعنا بقى !؟
لا لحظة بس كدا يادكتور ✋
حضرتك بتقول كورتيزول باللام وفيه ناس بسمعها بتقول كورتيزون بالنون
اى الفرق 🤔

الكورتيزول باللام دا الهرمون الطبيعى اللى بيتصنع داخل جسمك
أما الكورتيزون بالنون دا الصناعى اللى على شكل اقراص او حقن او غيره
بسكدا 🥴

نروح لموضوعنا بقى !؟
يلا بينا !
يييلا بينااا 🚶‍♂️


كنا بنقول ان متلازمة كوشينغ دى عبارة عن خلل بيحصل فبيخلى الجسم يصنع كميات كبيرة من الكورتيزول ....

طب اى هو السبب اللي يخلى جسمك يصنع كميات كبيرة من الكورتيزول 🤔

لو ا مركز انت اللى تجاوب السؤال دا 🥴
بس انت مش مركز 🚶‍♂️

- مش قلنا ان هو بيفرز من الغدة الكظرية بشكل طبيعى
طب لو اتجننت الغدة الكظرية 🤪
هتفرز كميات كبيرة جدا منه ..
اتجننت دى يعنى حصل فيها ورم
Adrenal tumors

- مش قلنا ان اللى بيتحكم فى افراز الغدة الكظرية للكورتيزول هي الغدة النخامية عن طريق هرمون ال ACTH
فلو اتجننت الغدة النخامية بقى هيتفرز كميات كبيرة من ال ACTH فيحفرز الغدة الكظرية اكتر واكتر فيزيد افرازها للكورتيزول
Pituitary tumors

لو ركزت كدا فى السببين اللى قلناهم دول هتلاقيهم عبارة عن مرض بيحصل داخل الجسم فبيخلى هرمون الكورتيزول يزيد ويحصل Cushing's syndrome
فالنوع دا بنسميه
Endogenous Cushing’s syndrome

لكن بقى أشهر سبب لزيادة هرمون الكورتيزول فى جسمك هو سبب خارجى وهو الإستعمال الطويل لجرعات كبيرة من الكورتيزون الصناعى 😦
Long term, High dose of cortisone
فالسبب اللى زود الكورتيزون هنا هو خارجى فنسميه ...
Exogenous Cushing's syndrome

يعنى يادكتور لخصلنا كدا اسباب حدوث متلازمة كوشينغ عشان منتهش !

➡️ Endogenous Cushing's :
- Adrenal tumors
- pituitary tumors

➡️ Exogenous Cushing's :
Long term, High dose of cortisone

بسكدا 😁

كدا عرفنا مع بعض يعنى اى متلازمة كوشينغ وعرفنا اسبابها وعرفنا اى هو الكورتيزول 🤠

اى هي الاعراض اللى بتظهر على مريض الكوشينغ !

وانت بتقرأ الاعراض هنا انزل للصورة تحت هتلاقى فيها وصف وشكل مريض الكوشينغ ...

- أول حاجة اللى انت قلتيها لصاحبتك
البنت دى وشها زى القمر ومدور وخدوها بتبقى حمرا
Moon face 🌕

- زيادة فى الوزن ولكن الزيادة دى بتبقى فى منطقة البطن بس لكن الأطراف اليدين والقديمين رفيعيين
Weight gain but thin arms and legs

- بيكون عند المريض دا كتلة من الدهون بين كتفية يعنى عند قفاه كدا ودى بنسميها .. Buffalo hump

- بيظهر على الشخص دا فى منطقة البطن ستريتش مارك
Stretch marks

- ولو كان طفل هو اللى عنده كوشينج دا هيسببله تأخر فى النمو عن الطبيعى
ولو كانت واحده دا ممكن يؤدى لظهور شعر فى اماكن متفرقة من الجسم زى الوجه والصدر والبطن وكمان ممكن يحصل عندها خلل فى الدورة الشهرية وتبقى غير منتظمه وممكن تنقطع تماما
ولو كان راجل دا ممكن يقلل فى الخصوبه عند الرجل

دى كدا اشهر أعراض الكوشينغ
بس لعلمك لو المريض عنده كوشينغ مش دايما بتظهر عليه الأعراض دى كلها ...

طب فيه أعراض تانيه يادكتور !! 🤔
أيوة فيه بس مش اعراض
لكنها مشاكل ومخاطر هتحصل لو مريض الكوشينغ مش اتعالج
ودى بنسميها Complications

طب يادكتور قلنا اى هي ال Complications of Cushing !؟ 😁

بردو لو انت مركز هتقلها لواحدك 🤠

مش قلنا ان الكورتيزون بينظم ضغط الدم ومستوى السكر فى الدم (بيرفعهم)
وبيثبط المناعة

طيب لو الشخص بقى عنده كميات كبيرة من الكورتيزون فى جسمه ومتعالجش 😟

دا هيؤدى لارتفاع فى ضغط الدم و الإصابة بالسكر من النوع التانى (وممكن ترجع لبوست ال Diabetes وتفهم اكتر)
وكمان الشخص دا هيبقى متعرض للعدوى باستمرار لان مناعته مثبطه فهيبقى متعرض للعدوى المتكررة
وكمان هيبقى عنده ارتفاع فى مستوى الكوليسترول ..
وممكن يصاب بالإكتئاب وتغير فى المزاج واحيانا ممكن يفقد الذاكره 😥

بسكدا 🚶‍♂️

طب ازاى بنعالج مريض الكوشينغ دا يادكتور !؟ 🤔

عيب عليك لما تسأل 🙄
من وقت مابدأنا مع بعض وأنا قايل لما اجى عند كلمة العلاج اجرى على الأسباب
ومنها هعرف العلاج 👀

- فلو كان السبب ان الشخص دا بياخد جرعات كبيرة من الكورتيزون فهنقللها لاقل حد ممكن 😉
طب لى مش هنوقفها خالص وبناقصه الكورتيزون دا !؟ 🤔
عديها دلوقتى وهقلهالك فى الاخر 😁

- ولو كان الشخص دا عنده
Adrenal or pituitary tumors
يبقى محتاج تدخل جراحى عشان أشيل الورم دا

بسكدا 😁

كدا ياعم انت عرفت يعنى اى كوشينغ وعرفت اسبابه وعرفت يعنى اى كورتيزول وعرفت أعراضه والمخاطر اللى هتحصل للمريض لو مش اتعالج وعرفت علاجه

طيب حاجات بسيطه كدا عشان نقفل 👀

⬅️ مريض الكوشينغ هو يإما عنده ورم فى الغدة النخامية او الكظرية ودا نادرا
والغالب هو انه يتناول كميات كبيرة من الكورتيزون لمدة طويله
طب لى بياخد كورتيزون لمدة طويلة وبجرعات كبيرة كدا !؟
الجواب هو اى اللى رماك على المر !
اللى أمر منه
هو مش بياخد كورتيزون بمزاجه ..
هو عنده مرض بيحتاج لكورتيزون
زى الأمراض المناعية اللى المناعة فيها بتهاجم الجسم فنضطر نديه كورتيزون عشان نثبط المناعة
او الشخص اللى زارع عضو فمناعة الجسم هتهاجم العضو دا لأنه غريب فبنضطر نديه كورتيزون عشان نثبط المناعة
ومع الوقت الشخص دا بيحصله كوشينغ ففى الحالة دى لما اعوز اعالج الكوشينغ هعالجه ازاى !؟
فوق قلتلك هقلل كميات الكورتيزون اللى بياخدها للحد الادنى اللى يعالج المرض اللى عنده
ومينفعش يوقف الكورتيزون خالص لانه لو وقفه المرض اللى عنده هيزيد
عرفت لى بقى مينفعش يوقفه 😁

⬅️ مرض الكوشينغ هل هو شائع !؟
لا ليس شائعا وفيه دراسة بتقول ان من كل مليون ممكن تلاقى منهم حوالى 70 واحد عنده كوشينغ
ولعلمك ان اغلب حالات الكوشينغ بيكونو من النوع ال exogenous اللى هما بياخدوا كميات كبيرة من الكورتيزون لمدة طويلة اما النوع ال endogenous دا نادرا جدا
وفى الاخير زى ماقلتلك هو مش مرض شائع

بسكدا خلصنا 😁👀

انا متعودتش انى اتكلم عن حاجات نادرة لكن الكوشينغ دا بالرغم من انه نادر الى ان الموضوع فيه معلومات كتير جدا لازم تكون عندك وهيكون فى دماغك بيزك لحاجات كتير وبكره تشوف دا 😁
وركز فى كل كلمة فى الموضوع 👀
ولو عندك اى استفسار اكتب فى كومنت
ومتنسنيش من دعائك 🤓

بسكدا يامؤمن 👋
والسلام ختام

#طالب_طب

طب يادكتور انت لى بتغيب على ماتنزل موضوع !

لازم تبقى عارف ان كتابة الموضوع بالشكل دا بتاخد وقت كبير
وكمان لازم تبقى عارف ان المواضيع دى مش بالسهوله كدا او صغيره زى مانت شايف كدا
فانا بحاول انى اجمع معلومات تكون كافية وتكون موثوقه
ايوة كافية متقلقش 😉

حاجة اخيرة وهي انى بحاول اخلى الموضوع يناسب الكل يعنى مش طلبة طب بس
بل كل الطلبة سواء مجال طبى او الطلبة من خارج المجال الطبى

واخر حاجة كمان انى شغال ووقتى ضيق الى حد ما وكمان الدراسه جاية

لكن باذن الله معاكم فى الدراسة علطول كل اسبوع موضوع كدا باذن الله

دعواتكم بس

ولو عندك اى اقتراح قولى هنا

http://880852865.sarhne.com

سلام 👋

#التسمم_بالماء
#Water_intoxication


سمعت كتير عن حالات تسمم
تسمم غذائى .. تسمم بالزئبق .. تسمم بالكلور .. تسمم بمبيد حشرى .. وكتير من حالات التسمم اللى انت سمعت عنها
لكن سمعت قبل كدا عن تسمم بالماء 😦
ايوة زى مابقولك كدا انت قرأتها صح 🚶‍♂️
ردك اكيد هيكون ان الماء ملوث مثلا
فهصدمك وأقلك لا مش ملوث
طب ازاى ياجدع الكلام الماصخ ده 😟

يلا بينا نعرف ازاى 🚶‍♂️

Water intoxication

هبدأ كلامى بمقوله بنكررها كتير وهي إن كل شئ إذا زاد عن حده إنقلب إلى ضده

مهما كان الشئ دا مفيد إلى إن ليه حد لو زاد عنده يبقى مضر

إشرب مية على قد ماتقدر
طول مانت قاعد إشرب مية
المية مفيدة
جسمك محتاج مية

جمل سمعتها كتير خالص حتى إنى سمعتها من دكتور فى محاضره والله

طب جربت قبل كدا إنك شربت كمية كبيرة من المية فى مدة صغيرة
وحصلك صداع وترجيع وغثيان !
أنا جربت وأعتقد كتير مننا جرب
وخصوصا فى الصيف
ممكن توصل احيانا اننا بنشرب أكتر من لتر ماء فى ساعة وبعدها تحس بصداع وإرهاق وممكن ترجيع

طب دا لى !؟
اى اللى حصل !؟

خلايا الجسم محتاجه للماء بشكل أساسي عشان تقدر تقوم بوظائفها بشكل صحيح لكن لو كمية الماء اللى انت شربتها دى زادت عن حد معين هتبدأ تظهر عليك بعض الأعراض زى الصداع والغثيان والإرهاق وممكن الترجيع وتحس إنك مش مركز كدا ...
وفى حالات نادرة ممكن يحصل خلل فى خلايا المخ مما يؤدى للوفاة

(متقلقش أنا لسه متكلمتش فى أرقام ولا معدلات طبيعية لشرب الماء فكمل كدا للآخر عشان تفهم كويس)

التسمم المائى دا عبارة عن خلل فى خلايا المخ بسبب شرب كميات كبييييييرة من الماء

طب واى علاقة الماء بالخلل فى خلايا المخ !!!

هقلك مثال : لو انت عملت أى حاجة وليكن طبق سلطه وحطيت عليه ملح وجيت تدوقه لقيته حادق بتعمل اى !
بتزوده ماء عشان تخفف الملح دا والطعم الحادق دا يروح ...

بالظبط كدا الدم فى جسمنا فيه الكترولايتس (electrolytes) وخصوصا الصوديوم
وجود ال electrolytes دى فى الدم بيحافظ على توازن السوائل داخل وخارج الخلايا

يعنى لو تفتكر أيام ثانوى لما كنا بنقول ..
عند وضع خلية فى محلول ماء
لو كان التركيز جوا الخلية أعلى من تركيز محلول الماء فإن الماء ينتقل من الخارج لداخل الخلية فتتنفخ الخلية
ولو كان التركيز جوا الخلية أقل من تركيز محلول الماء فإن الماء ينتقل من داخل الخلية للخارج فتتقلص الخلية
ولو كان التركيز جوا زى برا مش هيحصل حاجة يعنى احنا فى حالة توازن

وطلعنا من دا بقاعدة بتقول إن الماء ينتقل من التركيز الأقل للتركيز الأعلى

نفس الشي داخل الجسم
اللى بيحافظ على توزان السوائل داخل وخارج الخلايا دى هي ال electrolytes وخصوصا الصوديوم
فلو انت شربت كمية ماء بمعدل كبير دا زى مابنقول بالبلدى كدا هيخفف تركيز الصوديوم خارج الخلايا
زى مانت لما حبيت تخفف السلطه فزودت مية ..
المهم ان لما تركيز الصوديوم يقل عن حد معين دا بنسميه hyponatremia
فى الحالة دى تتبدأ السوائل تتنقل من خارج الخلية لداخلها فتتنفخ الخلايا

In English : When sodium levels drop due to excessive water consumption, fluids travel from the outside to the inside of cells, causing them to swell.

طب واى يحصل لما تتنفخ الخلايا يعنى !

دا هيؤدى إلى خلل فى وظايف الخلايا ولو حصل الكلام دا فى خلايا المخ دا هيؤدى إلى خلل فى وظايف خلايا المخ ودا ممكن يودى بحياة الإنسان 😦

عرفت يعنى اى تسمم مائى !
عرفت اى اللى بيحصل !
واى علاقة الماء بالخلل فى وظايف الخلايا !

لو معرفتش ارجع اقرأ تانى وهتعرف واصحى للكلام 🙂

طب اى هي الأعراض اللى بتظهر على الشخص فى الحالة دى !

قلتلك فى الأول بيبقى فيه
صداع Headache
و غثيان Nausea
و ترجيع Vomiting

وفى الحالات الشديدة بقى يعنى اللى هو يعنى داخل فى تسمم ..
هيظهر عليه ..
دوخه و ضعف وألم فى العضلات
وارتفاع فى ضغط الدم ..
وممكن يدخل فى حالت إغماء أو تشنجات

ممكن واحد ذكى ومركز يجي فى دماغه سؤال !
ألا يادكتور إى دور الكلية فى الموضوع دا
ماهى المفروض بتتخلص فى المية يعنى ليه متتخلصش فى المية الزيادة دى كلها بردو !

قال تعالى : لَقَدْ خَلَقْنَا الْإِنسَانَ فِي أَحْسَنِ تَقْوِيمٍ

كل حاجة فى جسمك شغاله بنظام ومعدل طبيعى .. يعنى الكلية ليها معدل طبيعى من الماء بتتخلص منه ومش بتتخطى المعدل دا وهنعرف المعدل دا تحت دلوقتى ..


كدا احنا خلصنا الموضوع 🚶‍♂️

نيجى بقى للمهم شوية ارقام ومعدلات ومعلومات كدا ودا اللى عايزين نعرفه ونطلع بيه من الموضوع دا !

- المعدل الطبيعى لكمية الماء اللى الكليتين تقدر تتخلص منها يوميا 20 - 28 لتر ..

- المعدل الطبيعى لكمية الماء اللى الكليتين تقدر تتخلص منها فى الساعة 0,8 - 0,1 لتر
- فيه نظرية بتقول إن الشخص ممكن يحصله hyponatremia لو شرب حوالى 3 - 5 لتر فى فترة صغيره يعنى ساعة مثلا
- كمية الماء اللى بيحتاجها الجسم بتختلف من شخص لشخص تبعا لعدة عوامل زى مثلا وزن الجسم والنشاطات اللى بيقوم بيها الشخص وحالة المناخ
وتقدر كمية الماء اللى بيحتاجها الجسم للرجل ⬅️ 3,7 لتر يوميا
وللمرأة ⬅️ 2,7 لتر يوميا

🛑 عشان تتجنب ال Water intoxication يُنصح إنك مش تشرب أكتر من لتر ماء فى الساعة

بسكدا 🚶‍♂️

#طالب_طب

🔺 عملية قيصرية
مشاهدة ممتعة ياشباب