جاكي: احم.. انا..
جاك: نعم ياختي!!!!!
فيروز ضحكت بغلب..
فيروز: وفيها اي لما تديهالك..
جاك: انتي بتقولي اي انتي كمان!!.. عطيتهالي فين!!.
حاولت اكتم الضحكه بس معرفتش وفيروز ضحكت...
جاك: لا بتهزروا.. وبعدين ازاي عملتي عَمله زي دي...
جاكي: متقلقش متقلقش.. وديت وشي بعيد.. مشوفتش حاجه..
جاك: ع اساس انك مستخدمتيش ايدك..
جاكي: لا اشتغلت بطراطيف صوابعي...
جاك: احلفي!..
جاكي: والله..
جاك: ريحتيني ياشيخه..
فيروز: ماهي هتديهالك دلوقتي..
جاك: ع جثتي..
جاكي: متقلقش مش هتوجعك..
جاك: جاكي اتلمي..
جاكي: مانت كدا هتتعب..
جاك: انا عندي اتعب ولا اني اقلع البنطلون...
ضحكنا..
جاكي: هودي وشي بعيد..
جاك: اسكتي بقاا.. اي الهبل دا.. لا طبعا..
جاكي: ايوا ماهي لو الست مايا مكنتش قولت لا..
جاك: ايوا لو مايا كنت قلعت عادي..
جاكي: شايفه..
فيروز: مين مايا!
جاكي: واحده مسهوكه كدا بتشتغل معاه... بس اي كتلة سم.. عيله مايعه كدا ومش محترمه.. ولا لبسها.. دي مش بتلبس اصلا..
والاستاذ مبسوط بيها قوي. ولازقلها.. مش بعيد يطلع متجوزها وعنده منها عيلين...
فيروز: مستبعدش والله.. جاك يعمل اي حاجه..
جاكي: ايوا ماهو مش لاقي حد يلمه..
جاك: خلصتوا!... امشوا بقاا انتوا الاتنين
فيروز: هنمشى لما تاخد الحقن..
جاك: مش هاخد حاجه بجد...
جاكي: خلاص هكسرهمله ف المحلول...
جاك: امال معملتيش كدا امبارح ليه.. ولا هي تلاكيك عشان تقربيلي..
جاكي: ايون.. دا مش هيحصل كل يوم.. لازم استغل الموقف..
جاك: لا انا ابتدي اخاف منك...
جاكي: عيب عليك.. انا محترمه..
جاك: ايوا زي اللي حصل تحت عند الجنينه كدا..
جاكي: اي اللي حصل..
جاك: مش فاكره عملتي اي!..
فكرت شويه وبعدين افتكرت اني عملتله تنفس صناعي...
جاكي: الحق عليا كنت اسيبك تموت يعني..
جاك: لا كان ممكن تطلعي تنادي حد.. بس هي تلاكيك بقاا..
جاكي: وهتلكك ليه بقا..
جاك: عشان تقربيلي..
جاكي: حوش ياض الجمال..
جاك: طب ف ذمتك مش حلو..
جاكي: تؤتؤ مش حلو...
جاك: طب عيني ف عينك كدا...
جاكي: اهو...
اي دا.. اي الجمال دا ياجدعان... اي العييييون دي...
طبعا مقدرتش استحمل جمال عيونه وبصيت قدامي ع طول..
جاك: متتسحبيش من لسانك بعد كدا بقاا...
جاكي: طب بطل كلام بقا وحط الجهاز ونام...
فيروز: انا هروح اتطمن ع ابوكي..
جاكي: اه صحيح.. هو عامل اي..
فيروز: كويس الحمد لله..
سابتني ومشت وانا فضلت معاه.. شويه وشال الجهاز من ع وشه..
جاك: جاكي..
جاكي: نعم..
جاك: نادي محمد..
جاكي: اشمعنى..
جاك: اسمعي الكلام وانتي ساكته..
نزلت اشوف محمد فين قالوا خرج مع عمي.. وحازم ومحمود كانوا خارجين وانا تحت.. ومحمود بصلي بنظرة شر كدا وبعدين مشي...
طلعت عند جاك تاني..

جاكي: مش موجود..
جاك: طب عمي..
جاكي: مش موجود..
جاك: طب حازم..
جاكي: مش موجود..
جاك: احنا هنهزر!
جاكي: وانا مالي ياعم.. محدش فيهم هنا.. كلهم خرجوا..
قولي انت عايز اي وانا هعمله...
جاك: احم.. كنت عايز ادخل الحمام..
جاكي بكسوف: ااه.. طب ماهو انا ممكن اساعدك لو تحب..
جاك: لا خلاص انا هستنى لحد مايرجعوا...
جاكي: براحتك...
روحت قعدت بعيد شويه وقعدت اقلب ف الفون وهو نايم ع السرير ومفتح عينه ومستني الفرج...
__
"استغفرواااااا"♥
__

هند: اهدي يانور.. ان شاء الله هيبقى كويس..
نور: جاك بيروح مني ياهند.. انا مليش غيره..
هند: بعد الشر.. هيبقى كويس والله..
سما: ياجماعه والله انا قلبي واجعني قووي.. امال جاكي هتكون عامله ازاي وهي كانت معاه وشايفاه وهو بيعمل حادثه...
هند: ربنا يعينها والله ع اللي هي فيه دا.. دي من ساعة ماجت ماراحتش اوضتها ولا غيرت هدومها حتى...
____
"سبحان الله "♥
____

محمد: بابا.. انا عندي فكره كويسه..
عمو احمد: فكرة اي!
محمد: احنا ننقل جاك شقه بعيده ومحدش يعرف مكانها..
عمو احمد: اشمعنى!
محمد: اديك شوفت اللي حصل.. ومش بعيد نهى دي كمان تعمله حاجه ولا عمي يأثر عليها بالفلوس... وكمان مش ضامنين عمي ممكن يعمل اي تاني.. دا غير ان في ناس كتير ف البيت وهو محتاج يرتاح...
عمو احمد: عندك حق... خلاص اتصرف انت ف الموضوع دا..
محمد: اهم حاجه محدش يعرف اي حاجه عن الموضوع دا... يعني لو سألوا هنقولهم سفرناه بره.. احنا نعرف جاكي وفيروز بس...
عمو احمد: اشمعنى جاكي!
محمد: عشان هي دكتوره.. وهتعرف تتصرف لو لاقدر الله حصل حاجه والدكتور مش موجود... وكمان هي اللي بتعرف تهديه..
عمو احمد: خلاص تمام..
___
" الحمد لله"♥
___

جاك لا مبدهاش بقى... تعالي قوميني..

ضحكت وقومت..
جاك: لو مش هتقدري تقوميني نادي حد..
جاكي: يابا عيب عليك..
جاك: ماهو انا لو وقعت مش هحلك..
جاكي: يعم اسكت.. انت فيك حيل..
شيلت المحاليل من ايده وشيلت جهاز التنفس ومسكت ايده وقومته وسند بإيده التانيه ع الحيطه..
معرفش وصلنا للحمام ازاي.. بس وصلنا يعني.. هو دخل وانا وقفتله ع الباب..

جاك: ماتقفلي الباب يامنحرفه انتي...
ضحكت جامد..
جاكي: ياسطا واالله وشي بره.. هبص عليك ليه اناااا..
جاك: اقفليه واخلصي..
قفلت الباب ووقفت استناه.. خلص وطلع وسندته بس لقيت السرير عليه دم ومش نضيف...

جاكي: طب اقعد هنا كدا لحد ماانضف هنا بس..
جاك: لا نادي ع حد ينضف..
قعدته وروحت انضف انا...

جاكي: طب هو فين الحاجات اللي هتتفرش هنا...
جاك: افتحي الدولاب..
روحت فتحت الدولاب وغيرت مكان السرير وظبطتله الدنيا وسندته لحد مانام تاني..
وقعدت ارجعله المحاليل مكانها...
جاك: فين طرحتك!
جاكي: احييييه..
حطيت ايدي ع دماغي لقيت شعري بس... اي دااا انا نسيت اجيب طرحه!!!!...

جاكي: اصل انا سديت مكان الدم بيها ونسيت خالص...
جاك بحده: ومحمد دخل.. والدكتور دخل... وانتي بشعرك..

الصراحه خوفت من طريقته..
جاكي: اصل انا كنت خايفه عليك ومكنتش عارفه اعمل اي وبعدين نسيت اصلا..
جاك بحده: روحي غطي شعرك... ودا ميتكررش تاني..
جاكي: حاضر..
روحت اوضتي جبت طرحه ولفيتها ورجعت...
كنت سامعه صوت انين وانا ف الطريق فمشيت بسرعه...

جاكي بصدمه: انت بتعمل اي هنا!!!!!!!

يُتبَع... 🕊

Part 34: ♥🥀

" زارتني البنوته دي شَبهِك وشوفتِك في حكايتي معاها"♥🥀

دخلت لقيت محمود جوه ومميل ع جاك...
جاكي: انت بتعمل اي هنا!
اول ماسمع صوتي بعد عنه بسرعه وكان متوتر وجاك معرفش نايم ولا اي...
محمود: ا ا انا كنت بتطمن عليه..
جاكي: هو مش كان صاحي دلوقتي!!!.. انت عملت اي!
محمود: معملتش حاجه.. انا دخلت لقيته كدا...
فضلت اقلب فيه ومبيردش..
جاكي: جاك.. جاك..
حطيت ايدي ع قلبه بس مكنش فيه نبض..
جاكي بخوف: جاك.. جاك... انت عملت فيه اي ياحيوان...
محمود: قولتلك معملتش حاجه..
وسابني ومشي بسرعه...
جاكي: جاك.. رد عليا.. جاك..
حطيتله جهاز التنفس تاني وفضلت ادوس ع قلبه وانا حرفيا اعصابي سايبه وبعيط...
فضلت اعمل كدا لحد مافتح عينيه وخد نفسه بسرعه..
جاكي بتنهيد: اووف.. الحمد لله.. انت كويس...
كان بياخد نفسه بصعوبه وانا مكنتش عارفه اعمل اي...
استنيت شويه لحد ماهدي..
جاكي: اي اللي حصل..
كان باصصلي وهو بيتنفس ومش قادر يتكلم..
جاكي: اجيب الدكتور طيب!
هز دماغه بمعني لا...
جاكي: طب هو محمود كان بيعمل اي هنا..
جاك بتعب: كان بيقتلني..
_________
"اللهم صل وسلم وبارك ع سيدنا محمد"♥
_________

محمد: فيروز تعالي...
خدها وطلعوا الجنينه..
فيروز: في اي..
محمد: بصي هقولك ع حاجه بس اياك حد يعرف..
فيروز: خير يابني في اي..
محمد: احنا هننقل جاك من هنا.. هنوديه شقه بعيدة شويه ومحدش يعرف مكانها غيري انا وبابا وانتي وجاكي.. محدش تاني يعرف..
فيروز: ايوا بس ليه..
محمد: انتي مشوفتيش اللي حصل النهارده!.. وكمان انا قلبي مقبوض عليه من الصبح... احنا ننقله بعيد ع الاقل نفسيته ترتاح بعيد عن نهى وغيرها..
فيروز: معاك حق.. ايوا ياريت والله..
محمد: احنا هننقله ف اخر الليل كدا عشان يكونوا نايمين.. ولو سألوا هنقولهم سفرناه براا...
فيروز: طب تمام.. انا هجهز اكل عشان اخده معانا ويبقى جاهز هناك.. واشوف الحاجات اللي هيحتاجها..
محمد: تمام..
___
"استغفر الله العظيم "♥
___

هند: يانور كلي بقاا.. مش هينفع كدا والله..
نور: مش عايزه..
سما: ياحبيبتي الاكل ملوش دعوه.. وبعدين انتي كدا هتتعبي واحنا مش ناقصين..
نور: مليش نفس... بتخيل ان لو جاك كان راح مني، كنت هعمل اي وقتها.. كنت هروح فين واجي منين..
هند: بعد الشر اي اللي بتقوليه دا... جاك بقاا كويس وان شاء الله هتعدي ع خير... بطلي تشاؤم بقاا..
__

جاكي: انت بتقول ايه!.. يعني اي كان بيقتلك!
جاك: كان بيحاول يخنقني...
دموعي نزلت وانا مش مستوعبه.. اي القرف دا..
والله لاطلع روحه ف ايدي الحيوان دا... نزلت اجري ع تحت وفضلت ادور عليه بس مكنش موجود....
فيروز: بتدوري ع اي..
جاكي: فين الحيوان اللي اسمه محمود..
فيروز: عمل حاجه تاني!
جاكي: حاول يقتل جاك... الحيوان الوسخ.. حاول يقتله وهو ف بيته كمان..
فيروز بصدمه: ايه!.. اي اللي بتقوليه دا..
محمد: حصل ازاي دا.. انتي متاكده!..
جاكي: شوفته بعيني وهو مميل عليه وجاك كان خلصان ف ايده.. فوقت جاك باعجوبه وهو اللي قالي انه كان بيحاول يخنقه... هو فين بس!
محمد: خرج وانا داخل.. بس وحياة امه ماهسيبه..
طلع يجري وركب العربيه وفيروز دخلت ع جوه..
فيروز: انتي ياهانم منك ليها!!!... انتوا قاعدين ولا كإنكوا ف شرم... تعالي ياختي شوفي المحروس ابنك..
طنط: في اي يافيروز.. بتتكلمي كدا ليه!
فيروز: اتصلي ع ابنك خليه ييجي دلوقتي حالا.. مبقاش فيروز لو ماطلعت روحه ف ايدي..
طنط: ليه كل دا!!.. اي اللي حصل..
فيروز: اللي حصل انه حاول يقتل جاك ياختي.. حاول يقتله الوقح وهو ف بيتي...
طنط بصدمه: انتي بتقولي اي!.. ابني ميعملش كدا..
فيروز: واهو عمل ياختي... اعرفي بس انك هتحضري جنازته قريب..
خدتني وطلعنا فوق...
فيروز: عامل اي ياحبيبي..
جاك: مشيهم من هنا..
فيروز: هيمشوا ياحبيبي.. والله لاطلع روحه ف ايدي.. ان شاء الله هييجي خبره..
جاكي: طب هو ليه عمل كدا..
فيروز: غل وحقد بعيد عنك.. هو الحيوان دا كدا من زمان..
بصيت لقيتها راحت ع الدولاب وجابت شنطه وبتحط فيها هدومه...
جاك: بتعملي اي!
فيروز: هتمشي من هنا...
جاكي: هيمشي يروح فين وهو كدا..
فيروز: هننقله شقه بعيدة عن هنا.. ومحدش هيعرف مكانه لحد مايصحى ويقوم بخير...
جاكي: طب هيبقى لوحده ازاي!
فيروز: لا هروح انا اقعد معاه.. وانتي هتيجي من وقت للتاني عشان جامعتك..
جاك: لا.. كفايه عليها كدا.. هي بقالها كتير معايا.. شكرا ليها..
جاكي: اي اللي بتقوله دا.. امال لو مكنتش انا السبب ف دا كمان..

فيروز: لا يابنتي.. دا لولاكي الله اعلم اي اللي كان ممكن يحصل..
جاك: روحي انتي شوفي مذاكرتك عشان الجامعه.. انا كويس...
جاكي: يعم متشغلش بالك بيا انا تمام..
فيروز: روحي غيري هدومك دي واقعدي ذاكري شويه عشان بالليل هتروحي معانا... ايوا ومتقوليش لحد اي حاجه.. اللي هيسال هنقول سفرناه...
جاكي: ولا حتى نور!
فيروز: ولا نور ولا غيرها.. لو عرفت هتقول اروح معاكوا..
جاكي: تمام..
فيروز: روحي غيري هدومك بقاا وتعالي ساعديني...
جاكي: حاضر.. بس خليكي معاه متسيبيهوش..
فيروز: لا انا قاعده معاه..
سيبتهم وخرجت روحت اوضتي وطلعت هدوم ودخلت اخدت دوش.. المايه كانت نازله عباره عن دم.. ومعرفش انا كنت قاعده كدا ازاي...
خلصت وطلعت روحت عند بابا...
______
"لا حول ولا قوة الا بالله"♥
______

فيروز: والله بنت حلال وطمر فيها العيش والملح..
جاك: انا مستغرب اصلا انها مراحتش اوضتها ولا سابتني خالص..
فيروز: تسيبك اي.. دي كانت منهاره عليك ف المستشفى... وفضلت معاك مفارقتكش لحظه.. حتى جامعتها مش بتروحها..
جاك: مش عارف اقولها اي.. خاصة اني ببقا سخيف معاه اوقات..
فيروز: خف عليها شويه.. هي مش حملك..
جاك: متخليهاش تيجي معانا.. خليها تشوف مذاكرتها وكمان عشان تقعد مع باباها..
فيروز: مش هترضى..
جاك: لا هترضى بس انتي قوليلها.. مينفعش نعطلها اكتر من كدا.. وبعدين انا بقيت كويس.. وكلها شوية وقت وهفك الجبس...
_____
جاكي: عامل اي يابابا..
بابا: كويس يابنتي.. كنتي فين كل دا..
جاكي: كنت مع جاك.. قولي بس انت اخبارك اي.. في حاجه تاعباك!
بابا: لا يابنتي انا كويس.. جاك عامل اي..
جاكي: احسن الحمد لله..
بابا: اخبار جامعتك اي... مرتاحه فيها!
جاكي: ايوا كويسه...
قعدت معاه شويه وبعدين نام وانا مشيت...
_____
روحت ساعدت فيروز وحضرنا الاكل اللي هناخده وخدنا هدومه واليوم عدى والكل طلع نام...
الساعه كانت حوالي ١ بالليل... محمد طلع عنده ونقلناه العربيه....
فيروز: خليكي انتي ياجاكي..
جاكي: لا طبعا.. انا جايه معاكي..
جاك: جاكي خليكي.. ابوكي محتاجك..
جاكي بعناد: لا.. طلاما انا السبب ف دا يبقاا هفضل معاك لحد ماترجع زي الاول...
ركبت ومسمعتش لحد وهو بص لفيروز وسكت...
مشينا وعدى شوية وقت وبعدين وصلنا...
محمد وعمى نزلوه.. وانا وفيروز طلعنا الطلبات...
محمد: في كمان ممرضه هتجيلك كل يوم..
فيروز: طب كويس يابني..
جاك: خد جاكي معاك وانت ماشي..
جاكي: قولتلك مش همشي...
جاك: سمعت يامحمد انا قولت اي..
محمد: تعالي معايا ياجاكي..
فيروز: يابنتي انتي عندك جامعه.. وهو اهو الحمد لله بقاا احسن.. دا غير انهم لو صحوا وملاقوش حد هيشكوا... روحي وروحي جامعتك ولما تبقي فاضيه ابقي تعالي انتي ومحمد..
جاكي: لا يافيروز والنبي خليني معاه...
جاك: انا كويس.. خدها يامحمد
فضلوا يقنعوا فيا وف الاخر مشيت انا ومحمد وعمي وفيروز قعدوا معاه...
___
"سبحان الله"♥
___

محمد: هستناكي بكرا عشان الجامعه..
جاكي: طيب..
كنت راكنه راسي ع الشباك وباصه لبرا...
محمد: متقلقيش هيبقى كويس...
جاكي: ان شاء الله..
محمد: هو اي اللي حصل!
جاكي: اللي هو اي!
محمد: عمل حادثه ازاي!.. وكنتوا فين اصلا!
جاكي بتنهيد: كنا بنتمشى.. وبعدين المطره مطرت واحنا كنا بنتكلم ونهزر والعربيه خبطته..
محمد: ودتيه المستشفى ازاي!
جاكي: الراجل اللي خبطه.. هو اللي وداه..
محمد: بس انا لما وصلت المستشفى مكنش في حد..
جاكي: اكيد خاف ومشي... صحيح عملت اي مع محمود..
محمد: دورت عليه ملقيتهوش.. اختفى..
جاكي: ودا يأكد انه فعلا حاول يقتله..
محمد: انا مش مستوعب والله.. كل حاجه عماله تيجي ورا بعض وانا دماغي ساحت..
جاكي: ربنا يعديها ع خير..
____
رجعنا وكل واحد راح اوضته وانا نمت وحقيقي كنت تعبانه جدا ومكنتش عارفه هصحى بدري ازاي...
الصبح طلع وصحيت ع صوت خبط الباب.. قومت فتحت لقيته محمد..
جاكي بنعس: عايز اي!
محمد:......
جاكي: يابني اخلص عايزه انام..
محمد: تنامي اي انتي وراكي جامعه..
جاكي: الساعه كام..
محمد: الساعه 8 ولو ملمتيش نفسك وسرعتي المحاضرات هتروح عليكي..
جاكي: طب هلبس ع طول وهنزل..
محمد: معاكي عشر دقايق مش اكتر..
جاكي: طب اتفضل خليني انجز...
دخلت اتوضيت وصليت ولبست بسرعه ونزلت...
محمد: عدت نص ساعه..
جاكي: كنت بصلي.. مصليش يعني!
محمد: لا صلي ياست.. يلا وانا ابقى اجيبلك اكل من هناك...
_______
"اللهم صل وسلم وبارك على سيدنا محمد "♥
_______

فيروز: صحيت ليه خليك نايم..
جاك: لا انا معرفتش انام اصلا..
فيروز: في حاجه تاعباك!
جاك: رجلي تاعباني بطريقه غبيه..
فيروز: المتجبسه!
جاك: لا التانيه..
فيروز: طب وهي هتوجعك ازاي.. هي متعوره طيب!
جاك: لا مش متعوره.. بس واجعاني قوي..
فيروز شافت العلاج ملقتش فيه حاجه لرجله.. راحت رنت ع الدكتور...
_____
محمد: يلا بسرعه وخدي الاكل اهو ابقي كلي جوا..
جاكي: ماشي باي...
دخلت كانت الساعه ٩ بالظبط وانا محاضرتي ٩ وربنا يستر والدكتور يرضى يدخلني..
دخلت وانا خايفه ومتوتره قوي...
الدكتور: كنتي فين يااستاذه!
جاكي: انا اسفه ع التاخير بس..
الدكتور: اتفضلي ادخلي ودا ميتكررش تاني..
جاكي: شكرا...
دخلت قعدت وانا متوتره قوي وعماله اعرق...
المحاضره خلصت والكل طلع وانا فضلت قاعده مكاني وماسكه دماغي...
ـ مالك!
بصيت لقيتها هاجر..
جاكي: ازيك..
هاجر: كويسه.. بس فينك مختفيه كدا ليه!
جاكي: كان عندي شوية ظروف كدا ومعرفتش اجي..
هاجر: ايوا بس مينفعش تغيبي كدا ع طول عشان المحاضرات اللي بتفوتك دي..
جاكي: هحاول انتظم شويه..
ـ جاكي.. اخيرا..
بصيت لقيته ادم..
جاكي: عامل اي..
ادم: تمام.. بس اي يابنتي كل دا.. رعبتيني عليكي..
جاكي: مواااااال طويللللل قووووي..
هاجر: جاكي انا هطلع بره.. اوكي!
جاكي: ماشي..
سابتنا وخرجت...
ادم: طب تعالي نقعد ف اي حته...
خرجت معاه ودوخت وكنت هقع ف مسكت فيه..
ادم: في اي.. انتي كويسه!
جاكي: ايوا انا بس دوخت شويه..
ادم: طب تعالي نقعد هنا...
قعدت وهو راح جابلي مايه...
ادم: قوليلي ياستي مختفيه فين كدا...
قعدت احكيله....
_____
نور: هند.. هند الحقيني..
هند: في اي!
نور: جاك مش ف اوضته..
هند: اهدي.. هو كويس..
نور: طب هو فين!
هند: سالت محمد عليه الصبح، قالي انهم سفروه..
نور: يعني اي سفروه.. ولي محدش قالي!
هند: بيقول بره افضل.. وبعدين اديكي شوفتي اللي بيحصله هنا..
نور: ع الاقل كنت اشوفه قبل مايمشي..
هند: كلها شويه وهيرجع..
نهى: هو مين اللي هيرجع..
هند: جاك..
نهى: ليه هو فين!
هند: سافر..
نهى بصدمه: سافر فين!.. ومع مين!
هند: معرفش ابقي اسالي محمد..
نهى طلعت اوضتها وطلعت الفون.....
______

جاكي: بس كدا... عشان كدا معرفتش اجي...
ادم: عارفه.. انتي تاخدي جايزة نوبل ع اللي انتي بتشوفيه دا والله..
جاكي: يعم المهم هو يبقى بخير عشان انا خايفه عليه قوي..
ادم: هيبقى كويس ان شاء الله... طب انا عايز اشوفه..
جاكي: لا لا مش دلوقتي.. اصلا احنا مفهمين الكل انه سافر.. فمش هينفع تروحله دلوقتي..
ادم: طب امسكي..
جاكي: اي دا..
ادم: محاضراتك ياست... هو انا ورايا غيرك!
جاكي: اقسم بالله انت واخد قلبي يابو الصحاب...
ادم: ايوا ايوا.. اضحكي عليا بكلمتين..
جاكي: ايوا بس دا كتير قوي.. انت كتبت كل دا!
ادم: عدي الجمايل.. واصلا بسبب كدا خليتيني اذاكر اللي باخده اول باول غصب عني... عشان بقعد انقله واظبطه لحضرتك...
جاكي: معلش تعبتك معايا..
ادم: اتعبيني ياست براحتك.. بس اهم حاجه تحاولي تحضري عشان العملي...
جاكي: ان شاء الله هحاول...
اليوم عدى وادم كمل معايا باقي المحاضرات وقعدنا اكلنا مع بعض وبعدين محمد جه ومشينا...
جاكي: محمد وديني عند جاك...
محمد: مش دلوقتي.. روحي كلي وغيري وبعدين نبقى نروح..
جاكي: لا انا كلت ومش عايزه اغير.. وديني دلوقتي..
محمد: ع فكره هو كويس..
جاكي: لا انا قلبي مقبوض وخايفه من الصبح.. وديني يامحمد معلش..

بصلي بصه غريبه وبعدين غير طريقه وطلع ع عنده...
طلعت الشقه بسرعه...
فيروز: يعني جيتي!
جاكي: جيت اتطمن عليه.. هو عامل اي!
فيروز: كويس..
دخلت عنده لقيته راقد ع السرير وبيلعب ف الفون...
جاكي: احم احم..
جاك: ادخلي..
كلمني وهو باصص ف الفون...
جاكي: عامل اي دلوقتي..
جاك: كويس..
فيروز: يلا ياجاك عشان تاكل..
جاك: لا مش عايز..
جاكي: هو كل حاجه مش عايز!..
جاك: وانتي مالك ياست.. انا مش جعان.. هو بالعافيه..
جاكي: ايوا بالعافيه...
حطي الاكل هنا يافيروز...
جاكي: سيب الفون واتفضل كل...
بدا ياكل....
جاكي: في حاجه حصلت يافيروز!
فيروز: ايوا رجله كانت واجعاه..
جاكي: اي دا ليه.. انهي واحده..
جاك: اللي انتي قاعده عليها دي..
بصيت كدا لقيتني فعلا قاعده عليها فقومت بسرعه...
جاكي: اي دا انا اسفه.. مخدتش بالي..
جاك: بيس..
جاكي: وعملتي اي!
فيروز: رنيت ع الدكتور فقالي احطها ف مايه وادلكها وقالي ع اسم مرهم كدا وعمك نزل جابه..
جاكي: طب وخفت ولا لسه واجعاك تاني!

جاك: خفت..

فيروز: المهم انتي روحتي الجامعه!
جاكي: ايوا روحت...
فيروز: وعملتي اي ف الحاجات اللي فاتتك!
جاكي: لا ماهو دومي الله يخليه ليا يارب، كتبلي المحاضرات كلها...
جاك بحده: دومي!
جاكي: ااه..
فيروز: طب والنبي دا طلع جدع اهو... ربنا يكرمه يارب...
جاكي: لا دا قمور قوي وبيفضل معايا طول اليوم ومش بيسيبني خالص...
جاك: طلاما فيها دومي، هيسيبك ازاي..
جاكي: لا عشان انا معرفش حد هناك... وبما ان هو جنتل ف نفسه كدا، مش بيسيبني ابدا..
جاك: جنتل ااه..
فيروز: طب يلا يابنتي بقاا رني ع محمد خليه يروحك..
جاكي: في اي اجدعان.. انا عايزه اقعد انااا..
جاك: ملوش لزوم.. قومي امشي عشان تشوفي مذاكرتك...
فيروز: هو محمد مطلعش معاكي ليه صحيح..
جاكي: قال عنده مشوار كدا وبعد مايخلصه هييجي ع هنا...
فيروز: طب تعالي احطلك تاكلي..
جاكي: لا اكلت مع ادم...
جاك: لا دا واضح انه مش بيسيبك خالص فعلا...
جاكي: اماااال..
فيروز: طب خلاص خليكي بقاا لحد مامحمد ييجي وانا هروح اشوف ورايا اي بره...
خرجت وانا قعدت وهو قاعد ساكت والجو فيه احراج وكسوف كدا مش عارفه ليه!...
سكتنا شويه وبعدين اتكلم...
جاك: ودومي عامل اي...
كنت باصه ف الارض وابتسمت بشرود...
جاكي: دومي قمر..
جاك بحده: ماتتعدلي يابت..
الجمله رعبتني والله وانا كنت بهزر اصلا اجدعان.. قعدت كويس وبصتله..
جاكي: احم.. قصدي يعني انه كويس..
جاك: هو انتي كنتي ف الجامعه كدا!
جاكي: ايوا..
جاك: طب قومي اقفي كدا..
جاكي: ليه!
جاك: قومي بس..
قومت وقفت...
جاك: اي دا!!!
جاكي: اي..
جاك: البنطلون ضيق كدا ليه... وبعدين شعرك باين ليه!... والجزمه مبينه رجلك ليه!

جاكي: اي كل دااااا!
جاك: ردي..

جاكي: شعري بيطلع لوحده والله.. والجزمه كدا.. هعملها اي اناا... والبنطلون انا لابسه عليه حاجه طويله اهوو يعني مش باين اصلا...

جاك بعصبيه: شعرك اللي بيطلع دا تحطي البتاع اللي بتلبسوه تحت الطرحه دا.. مش هيخليه يطلع ياختي...
وطلاما الجزمه مفتوحه كدا يبقاا بلاش منها خالص.. البسي كوتشي.. والبنطلون حتى لو لابسه عليه حاجه طويله بردو باين وواضح انه ضيق ومبين رجلك اصلا... وبعدين اي البلوزه المحزقه دي.. اي يابت انتي دااا...

جاكي: يعم والله كنت متاخره النهارده وروحت متاخر اصلا عشان كدا لبست اي حاجه وخلاص...

جاك: وامسحي اللي ف وشك دااا..
جاكي: اي اللي ف وشي!
جاك بعصبيه: والله!
جاكي: مش حاطه حاجه ف وشي والله..
جاك: وبالنسبه لشفايفك الحمرا دي.. وخدودك دي ورموشك الواضحه دي...
كل دا ومش حاطه حاجه!
جاكي: والله ماحاطه حاجه..

مسكت المنديل وقعدت امسح وشي جامد وبصيت ف المنديل ملقتش حاجه...

جاكي: اهو كمان مفيش حاجه.. قولتلك قومت متاخر وملحقتش افطر حتى..

جاك: احم.. يعني هو وشك كدا..

جاكي: ايوا هو كدا.. ومتركزش معايا تاني...

جاك: ايوا اسيبك تدوري ع حل شعرك..

جاكي: حل شعري!!.. وبعدين انت مالك اصلا... وانا ببررلك ليه اساسا!!

جاك: عشان اللبس دا لو اتكرر تاني هتزعلي مني جامد..

جاكي: وانت مالك بقااا... يخصك ف اي!

جاك: اسمعي الكلام وبطلي رغي عشان مزعلكيش..

جاكي: هلبسه تاني ياجاك.. وكمان بفكر اشيل الطرحه وابقاا بشعري وهلبس عريان وقصير... ووريني هتعمل اي...

جاك بغضب: جاااااكي..

نطق اسمي بغضب كان كفيل انه يخرسني... انا خوفت والله ورجعت لورا ومتكلمتش...

جاك بحده: لو قولتي الكلام دا تاني، هقطعلك لسانك...لو عايزه تدوري ع حل شعرك يبقاا مش هنا...شغل المياعه بتاع البنات دا ميحصلش هنا... مفهوم!

جاكي:.....

جاك بعصبيه: مفهوم!!!!

اتخضيت وهزيت راسي بسرعه وخدت شنطتي وطلعت اجري...

فيروز: في اي يابنتي!

مردتش عليها ونزلت بسرعه وانا اصلا معرفش حاجه هنا...
نزلت وقفت ع جنب وانا متضايقه وعنيا مدمعه...
هو ازاي يكلمني كدا اصلا.. هو ماله بيا.. يكلمني كدا بصفته اي!!..
رنيت ع محمد وجه بسرعه... ركبت معاه ومشينا..
محمد: مالك.. اي اللي حصل!
جاكي: مفيش..
محمد: ثواني بس انتي بتعيطي ليه!.. اي اللي حصل فهميني..
جاكي: محصلش حاجه يامحمد... روحني لو سمحت..
محمد: بس لو تقوليلي مين ضايقك وانا امحيه من ع وش الدنيا والله...
جاكي.......
فضلت ساكته لحد ماوصلنا وطلعت ع اوضتي ع طول وقفلت ع نفسي...
___
نهى: كويس انك جيت يامحمد... تعالى فهمني اي اللي بيجرى ف البيت دا.. وفين جاك!
محمد: جاك سافر..
نهى: ايوا سافر فين يعني!
محمد: امريكا.. هيكمل هناك احسن...
نهى: وليه محدش قالي!
محمد: عشان مش محتاجينك ف حآجه.. فيروز معاه...
سابها وطلع اوضته وهي هتولع...
__
فيروز: ضايقتها بأي تاني...
جاك: اتعصبت عليها..
فيروز: وليه كدا!
مسك دماغه وقعد ينفخ وهو متضايق...

جاك: عشان لبسها مش كويس...

فيروز: اللبس مفهوش حاجه و البنات كلها بتلبس كدا... دا غير انك ملكش انك تقولها حاجه..

جاك بعصبيه: اسيبها تلبس ضيق كدا يعني!

فيروز: وانت مالك ياجاك... هي مش اختك عشان تتحكم فيها.. هي حره ف الاخر..

جاك: لا مش حره.. اسيبها تدور ع حل شعرها يعني..

فيروز: الكلمه دي مش كويسه ياجاك.. مينفعش تقولها كدا.. وانت عارف كويس انها محترمه ومش بتاعة الكلام دا...

جاك: انتي مش شايفاها عامله ازاي يافيروز!.. انا اش دراني انا الشباب بتبصلها ازاي ف الشارع ولا مين بيضايقها..

فيروز: وانت متضايق ومتعصب ليه... هي حلوه مختلفناش ع كدا... بس هتعمل اي يعني!

جاك: تلبس طويل وواسع.. وتبطل تحط حاجات ف وشها...

فيروز: انت عارف انها حلوه مش غير كل دا... وكمان هي بتلبس واسع ومحترم ومبتحطش حاجات كتير ف وشها.... متضحكش ع نفسك وتجيبها ف اللبس.. انت غيران عليها عشان هي حلوه وانت غيران لايكون حد بيبصلها كدا ولا كدا...

جاك: وانا هغير عليها ليه..

فيروز: ياواددد.... انت مش شايف عنيك هتطلع عليها ازاي!..

جاك: مفيش الكلام دا... انا اتضايقت لما لقيتها لابسه كدا بس...

فيروز: جاك ملكش دعوه بيها.. متدخلش ف حاجه تخصها.. انت مش واصي عليها... لو بتعمل حاجه غلط انا هقولها واعرفها... غير كدا لا...

جاك: اقفلي النور انا عايز انام...

فيروز: امسك تليفونك ورن عليها صالحها..

جاك: مش هصالح حد انا..

فيروز: بطل مكابره بقاا.. انت غلطت فيها وهي كانت طالعه زعلانه واكيد عيطت... انا خارجه وانت رن عليها..

سابته وطلعت وهو حاول يطنش بس كان عمال يبص ع الفون ومتردد وف الاخر استسلم ورن...
رن اول مره ومردتش عليه.. وبعدين رن تاني فرديت...

جاك: الو..
جاكي: خير!
جاك: انتي زعلانه مني!
جاكي: لا مش زعلانه...
جاك: طب ياست انا اسف..
جاكي: في حاجه تاني!
جاك: انا مكنتش اقصد..
جاكي: مكنتش تقصد اي!.. اصلا كان معنى كلامك اني بلبس كدا قصدا عشان الفت نظر الشباب..
جاك: بس انا مقولتش كدا...
جاكي: كان معنى كلامك كدا... ع العموم انا مش زعلانه متشغلش بالك...
مستنتش حتى انه يرد وقفلت ع طول... قعد شويه وبعدين رن ومردتش... فضل يرن كتير وبردو مردتش...
_____
عدى اسبوع وانا مش بكلمه وهو طول الاسبوع يرن...
ولا روحتله ولا مره... وكنت بروح جامعتي واروح اذاكر واتطمن ع بابا وانام......
___
صحيت الصبح بدري.. بس مكنش ليا مزاج اروح الكليه... نزلت عملت شاي وقعدت ف اوضتي وانا مازلت متضايقه... وفجأه فوني رن.. وكانت فيروز..
جاكي: الو..
فيروز: كويس انك صاحيه.. تعالي بسرعه...
جاكي: ليه حصل اي!
فيروز: جاك تعبان قوي وانا مش عارفه اعمل اي وعمك مش هنا...
جاكي: طب انا جايه حالا...

نزلت وملقتش محمد تحت.... سالت وعرفت انه لسه نايم.. فطلعت خدت تاكسي وروحت....

فيروز: يلا يابنتي اتاخرتي ليه!
جاكي: في اي اي اللي حصل...
فيروز: تعالي شوفيه...

دخلت معاها لقيته نايم وعمال يتنفض ويعرق... حطيت ايدي ع وشه لقيته مولع نار وجسمه كله سخن.. دا غير ان رجله كانت وارمه وحمرا قوي....

جاكي: اي اللي حصل مش كان كويس!

فيروز: معرفش يابنتي انا قومت لقيته كدا...
اتصلت ع الدكتور قالي اعمله كمادات واحط المرهم اللي قال عليه وهيبقى كويس...ولو حصل حاجه ابلغه.. عشان كدا رنيت عليكي عشان مش عارفه اعمل حاجه وخايفه لايتعب اكتر...

جاكي: هي رجله وارمه كدا ليه!... هاتي المرهم بسرعه...
فيروز: خدي اهو...
جاكي: طب هاتيلي كمادات...

راحت جابت كمادات وقعدت اعمله لحد مالحراره نزلت شويه.. بس رجله لسه زي ماهي...
خلصت الكمادات وروحت وحطله المرهم ع رجله...

جاكي: مش المفروض في ممرضه بتيجي هنا!

فيروز: بتيجي من الساعه ٩ وتمشي بالليل...

جاكي: لازم تفضل معاه عشان لما يتعب زي كدا...

فيروز: مش عارفه بقاا..

جاكي: متخافيش الحراره نزلت اهي..

فيروز: طب انا هطلع اعمله الاكل وارجعلك...

طلعت وانا فضلت ادهنله رجله.. خلصت وروحت قعدت ع الكرسي وفضلت قاعده لحد مافاق ...
جاك: يعني جيتي...
مردتش عليه....
جه يتحرك عشان يقعد، انا روحت ساعدته وهو بصلي ورجعت مكاني تاني...

جاك: قاعده بعيد ليه!.. تعالي هنا..
جاكي: انا مرتاحه هنا...
جاك: قولت تعالي هنا...

خدت الكرسي وقربتله شويه وقعدت..
فيروز دخلت...
فيروز: الدكتور جه ياجاكي اهو...
الدكتور دخل وقعد يكشف عليه وبعدين قال انه بقاا كويس وانه بس محتاج الدوا والمحاليل دي وهيبقى تمام....

الدكتور مشي...
جاكي: مين هيجيب الدوا دا...
فيروز: في صيدليه قدام العماره.. انزلي هاتيه واطلعي ع طول..
جاك: لا متخليهاش تنزل..
طنشته ومردتش عليه...
جاكي: انا نازله...
فيروز: استني خدي فلوس..
جاكي: لا معايا...

نزلت اجيب الدوا وكان شاب اللي هناك..

جاكي: لو سمحت عايزه الدوا دا..
ـ.......
جاكي: لو سمحت!!
ـ ها... نعم..
جاكي: عايزه الدوا دا..
ـ اه تمام...
دخل جاب الدوا ورجع...
ـ اتفضلي...
جاكي: حسابك كام...
ـ......
جاكي: انت يااستاذ..
ـ امم.. نعم..
جاكي: اي اللي نعم... بقولك حسابك كام...

حاسبت وطلعت ع طول....

فيروز: هتعرفي تعلقي المحلول...
جاكي: ايوا...
هي طلعت وانا قعدت اعلقله المحلول واكسر الحقن فيه

جاك: لسه زعلانه مني!
جاكي: وازعل منك ليه!
جاك: انا فعلا مكنتش اقصد اللي انتي فهمتيه...
جاكي: متشغلش بالك...

جاك: بس انا مش عايزك تفضلي زعلانه مني كدا... تقدري تلبسي اللي انتي عايزه.. انا بس كن....

جاكي بعصبيه: ع فكره انت متفرقش معايا... ومش معنى انك قولتلي كدا اني خلاص همشي ع مزاجك..
طلاما مبعملش حاجه غلط فلا انت ولا رايك تفرقوا معايا.. تمام!..

بصلي بزعل شويه...
جاك: تمام.. وانا اسف اني اتدخلت...

خلصت المحلول وعطيته الدوا وبعدين لقيته لف وشه الناحيه التانيه بس فضل مفتح عينيه...

فيروز: خلصتي!
جاكي: ايوا... محتاجاني ف حاجه تاني!
فيروز: انتي هتمشي!
جاكي: ايوا...
فيروز: لا اقعدي معايا احسن يتعب تاني وانا مبعرفش اتصرف... وبعدين بكرا مفيش جامعه...
جاكي: ماشي...

دخلت تكمل الاكل وانا طلعت قعدت ف البلاكونه
.. شويه وسمعت صوت خبط جوه..
دخلت لقيته بيحاول يقوم...
روحتله عشان اساعده..

جاكي: رايح فين..
جاك بجد: داخل الحمام..
جاكي: طب ماتنادي عليا...
جاك: بعد اذنك انا هدخل لوحدي...
جاكي: هتدخل ازاي لوحدك...
جاك بجد: اوعي..

رجعت لورا خطوتين وهو فضل يسند نفسه لحد مادخل.. شويه وطلع وبردو رفض اني اساعده وقعد لوحده...
فيروز دخلتله بالاكل...
فيروز: يلا اقعدي كلي معانا بقااا..
جاكي: لا شكرا.. مش جعانه..
فيروز: مش جعانه ازاي!.. انتي جيتي ع طول واكيد مفطرتيش...
جاكي: لا مش عايزه.. انا هقعد بره...
سيبتهم وطلعت قعدت مكاني تاني...

فيروز: قولتلها اي تاني..
جاك: اتاسفتلها.. معملتش حاجه تاني... دا غير اني مليش كلام معاها تاني... ولو سمحتي متطلبيش منها تيجي هنا تاني.. في ممرضه بتيجي...

فيروز: الممرضه مش هتخاف عليك ولا هتهتم بيك زيها..
جاك: هي مش مضطره تهتم بيا...

فيروز: بس انت بترتاح معاها...

جاك: مش برتاح مع حد.. اللي كنت برتاح معاها خلاص راحت...

فيروز: ربنا يرحمها...

جاك: ويرحمني انا كمان...

لف وشه تاني...

فيروز: طب قوم كل...

جاك: كلي انتي انا مش جعان.. وياريت تقفلي النور والباب معاكي...
فيروز خرجت بالاكل وقفلت الباب...

جاكي: طلعتي ليه!
فيروز: مش راضي ياكل..
جاكي: اضغطي عليه...
فيروز: لا... طلاما افتكرها خلاص.. هيفضل كدا...
جاكي: هي مين!
فيروز: اسيل...
جاكي: ااه..
فيروز اتكلمت والدموع اتجمعت ف عنيها...

فيروز: عشان خاطري يابنتي... هو من زمان مرتاحش لحد كدا ولا اتكلم مع حد... ومعنى انه اتكلم معاكي وبقاا بيهزر ويضحك انه بدا يخرج من حالته دي... عشان خاطري متفضليش زعلانه منه واستحمليه بس لحد مايصحى... هيروح مني ياجاكي... بالله عليكي.. كل مابيزعل حالته بتسوء اكتر.... انتي اللي بتطلعيه من
حالته دي... لحد مايصحى بس..

جاكي: حاضر...
اديني الاكل وانا هحاول معاه...

خدت منها الاكل ودخلتله...

جاكي: جاك..
جاك:....
جاكي: جاك..
جاك: نعم!
كلمني وهو عاطيني ضهره...
جاكي: قوم عشان تاكل..
جاك: مش عايز..
جاكي: مينفعش.. انت تعبان..
جاك: اطلعي بره..
جاكي: مش طالعه...
روحت فتحت النور وشيلت الغطا من عليه...
جاك: جاكي متعصبنيش...
جاكي: اتعصب...
قام قعد...
جاك: ع فكره انا مبهزرش...

كانت ملامحه كلها جد وبيتكلم بعصبيه...

جاكي: انا اسفه... مكنتش اقصد اكلمك كدا... انا بس اتضايقت لما قولتلي كدا.. عشان انا مش كدا ولا ليا ف الحاجات دي...

جاك: تمام.. واتاسفتلك... ومش هتدخل ف حاجه تاني.. وتقدري تمشي لو حابه..

كلمته وانا الدموع بتتجمع ف عيني وبحاول امنعها...

جاكي: طب اتفضل الاكل وانا همشي..

جاك: مش عايز..

جاكي: لو جرالك حاجه انا مش هسامح نفسي...

حطيت الاكل قدامه وقعدت قدامه ع الكرسي...

جاكي: لو سمحت كل.. وانا همشي ع طول..

بدا ياكل وانا دموعي نزلت وحاولت امنعها ومعرفتش..

كان بياكل وباين عليه انه متضايق بجد.. وبعدين لمحني وانا بحاول امسح دموعي...

جاك: بتعيطي ليه دلوقتي!

جاكي: مبعيطش...

جاك: امال اي الدموع دي...

جاكي:.......

جاك: اسمعيني... انا اتعصبت عليكي عشان خوفت.. خوفت عليكي ياجاكي.. ومكنتش اقصد اي حاجه.. انا بس كنت خايف لا حد يضايقك... وطبعا مليش اني اتدخل.. واوعدك مش هتدخل تاني بس بطلي عياط..

جاكي بشرود: ع طول بلبس واسع وطويل.. لدرجة اني كنت بلبس لبس مبهدل عليا.. بس عشان مبينش اي حاجه مني... كان عندي ١٠ سنين ومش برضى البس بناطيل او حاجه مكشوفه... عارف ليه!!...
"دموعي نزلت اكتر"....
عشان صحاب ابويا كانوا بيتحرشوا بيا....

الجمله صدمته وبصلي جامد...

جاكي: من وانا صغيره وهما بيتحرشوا بيا وقدام ابويا كمان.. وهو مكنش بيقول حاجه... لحد مابقى عندي ١٥ سنه وهما كل ماييجوا البيت عندنا يعملوا كدا.. وكنت بقول لبابا انهم وحشين وبيلمسوني... كان بيزعقلي ويسيبني ويمشي...
متخيل ان من وانا طفله وهما بيتحرشوا بيا... حتى بعد ماكبرت... حتى ابن عمي كان بيعمل كدا... ومكنتش بلاقي حد اقوله عشان مكنش معايا حد وامي مكانتش معايا...
عمري مالبست فستان ولا لبس اطفال... دايما بلبس حاجات طويله وواسعه قوي... حتى ف الكليه كنت بلبس لبس مبهدل...
بس لما جيت عندكوا.. حسيت بامان مكنتش بحسه قبل كدا...
عرفت ان محدش هيضايقني ولا هيقربلي وانتوا موجودين... حسيت اني هتحامى فيكوا... عارفه انكوا مش اهلي.. بس حبيت البس زي باقي البنات....
مكنتش اقصد حاجه ولا ف نيتي اي حاجه وحشه..مش معنى ان امي مش معايا اني ابقى حد مش كويس...

كنت بتكلم وانا عماله اعيط... وهو باصصلي ومش مصدق....
مسك ايدي وقربلي..
جاك: اششش.. بس خلاص.. خلاص بطلي عياط...

قومني قعدني جنبه...

جاك: بس خلاص انسي.. محدش هيقدر يعملك حاجه وانا موجود...

جاكي: تفتكر دي حاجه تتنسي...
" كلمته وانا باصه ف عنيه وعنيا كلها دموع"
راح حاضني جامد...
جاك: اششش... خلاص.. متخافيش.. متفكريش ف الحاجات دي تاني....البسي اللي انتي عايزاه.. محدش هيقربلك متخافيش...
انا بس كنت قلقان عشان محدش يبصلك كدا ولا كدا.. مكنتش اقصد اي حاجه والله...

بعدت عنه ومسحت دموعي...
جاكي: انا همشي..
جاك: خليكي..
جاكي: لا انا عايزه اروح...
جاك: طب مش خايفه لاتعب!..
جاكي: فيروز معاك..
جاك: فيروز مبتعرفش تعمل حاجه.. افرضي تعبت تاني بالليل.. يرضيكي اتعب واموت...

جاكي: بعد الشر... طب هقعد بره..

سيبته وخرجت لقيت فيروز قاعده بره واول ماطلعت راحت قربت مني وحضنتني جامد... ففهمت انها سمعتني...

فيروز: معلش يابنتي... حقك عليا انااا... اللي استحملتيه كتير.. ربنا يعينك ع اللي انتي فيه...
____
محمد: هي جاكي فين!
عطيات: انا شوفتها كانت خارجه الصبح بدري..
محمد: خارجه!.. متعرفيش راحت فين!
عطيات: لا والله معرفش..
محمد طلع ورن عليا...
محمد: الو..
جاكي: اي يامحمد..
محمد: انت فين!
جاكي: عند جاك..
محمد: وروحتي ليه لوحدك!
جاكي: فيروز قالتلي انه تعب وانت كنت نايم فخدت تاكسي وجيت..
محمد: طب انا جاي..
قفل وشويه ووصل هو عمي وكلنا قعدنا مع جاك ف الاوضه....
قعدوا يتكلموا وانا ساكته وعيني بتروح ع جاك والاقيه بيبصلي ويودي عينه بعيد...

قومت دخلت اوضه تاني.. اتوضيت وصليت وقعدت اقرا قران عشان مش برتاح غير كدا...
قعدت وقت كدا معرفش قد اي...
لقيت فيروز دخلت..
فيروز: محمد مشي هو وعمك.. تعالي اقعدي بره...
جاكي: ماشي جايه..
هي طلعت وانا طلعت وراها واليوم عدى عادي...
___
تاني يوم صحيت الصبح بدري ودخلت المطبخ وقعدت اجهز الاكل...

فيروز: اي اللي قومك.. مانا كنت هاجي اعمل..
جاكي: لا انتي هتقعدي النهارده وانا اللي هعمل الاكل..
فيروز: طب انا هنزل اجيب شوية حاجات من تحت واجي ع طول...

جاكي: ماشي...

هي نزلت وجاك نايم وانا ف المطبخ... شغلت اغنيه ف فوني وقعدت اغني معاها وانا بعمل الاكل وعدى الوقت وانا مندمجه قووي...

ـ ممكن اشاركك الهبل دا!..
بصيت ورايا بخضه... لقيته جاك..

جاكي: يااخي قطعت خلفي حرام عليك...

جاك بضحك: مانتي اللي سرحانه ومندمجه قوي..

جاكي: انت اي اللي قومك!.. انت مش تعبان!

جاك: ياست مانا صحيت اهو.. مفيش غير الجبس بس هو اللي هيتفك..

جاكي: يعني مفيش وجع ف دماغك!

جاك: هو في... بس حاجه بسيطه..

جاكي: يبقاا لسه مصحتش.. ويلا اتفضل ع جوه خليني اخلص...

جاك: مش داخل..

جاكي: هو عند وخلاص!

جاك: ايون..

جاكي: طب وسع كدا خليني اخلص..

وقف وركن ع الحيطه..

كان في ف ايدي دقيق وبعمل الاكل ومندمجه قوي وهو واقف يتفرج عليا وحماقي شغال مع نفسه...

جاك: بت..
جاكي: ياانعم..
جاك: امسحي اللي ف وشك..
جاكي: اي اللي ف وشي..
راح شاور بايده وانا حطيت ايدي ع وشي وملقتش حاجه..
جاكي: في اي ف وشي..
جاك: الناحيه التانيه..
حطيت ايدي وبردو مفيش حاجه..
قعد يضحك وهو راكن ع الحيطه...
جاكي: بتضحك ع اي!!.. في اي ف وشي..
جاك: استني اجي امسحه انا..

قرب مني ومسك وشي وراح مسك الدقيق بسرعه وكبه ف وشي ورجع بسرعه وانا واقفه ثابته...

جاكي: انت عملت اي!
جاك بضحك: بالله عليكي استني اجيب الفون واصورك..
جاكي بصريخ: جاااااك... بهدلتني.. هقعد ازاي كدا..
جاك: استني خلاص هنضفه اهو...
راح مسك باقي الدقيق وقعد يرسمبه ع هدومي وع وشي....
جاكي: الحته دي مجاش فيها..
جاك: اي دا بجد.. استني...

جاكي بغيظ: جاااااااك... والله ماهحلك...
حاول يمشي بسرعه بس طبعا رجله متجبسه فمسكته بسرعه وفضلت ارش عليه...
جاك: بس كفايه... انا مرشتش كل دا... بطلي غل بقاا..
جاكي: غل كمان!.. طب اهو ياجاك..
جاك: خلاص ياهبله.. انا غلطان والله..
المكان كله راح دقيق واحنا الاتنين متبهدلين ع الاخر...
كان فاضل شويه ف الطبق.. راح جاك كبهم ف وشي...
جري وانا جريت وراه بس هو اتشنكل ووقع وانا وقعت فوقيه.....
وفجأه الباب اتفتح وحد دخل...

بصينا احنا الاتنين واحنا ف نفس الوضعيه لقيناه.......

يُتبَع.... 🕊

Part 35: ♥🥀

حتى في تَقلُبي.. كُنت انت ثباتي الوَحيد ♥🥀🖇

بصينا احنا الاتنين واحنا ف نفس الوضعيه كدا، لقيناه محمد....

اول ماشافنا تنح وفضل واقف مكانه واحنا الاتنين متنحين.. واخيرا حد فينا حس ع دمه.. روحت قومت بسرعه وساعدته عشان يقوم...

جاكي: ياخي حرام عليك بهدلتني.. هروح ازاي انا كدا..
جاك: انتي اللي بدأتي..
جاكي: ياراجل!!!
محمد: في اي!
جاكي: شايف بهدلني ازاي!.. الحق عليا كنت بعمله الاكل.. راح دخل ورش عليا دقيق..
جاك: بت انتي مش سالكه... انتي اللي بدأتي وكمان وقعتيني قصدا... انا عارف الحجج دي..
محمد بجد: فيروز فين!
جاكي: نزلت.. قالت هتشتري حاجات وتطلع...
محمد: طب انا ماشي..
جاك: ماشي فين انت لحقت!.. خليك شويه..
محمد: لا عندي مشوار مهم.. وكمان عشان تاخدوا راحتكوا مع الدقيق...

قال الجمله بزعل واضح جدا وسابنا ومشي وانا وجاك بصينا لبعض واحنا الاتنين فاهمين انه متضايق...

جاكي: ادخل بقاا.. خليني انضف دا قبل مافيروز تيجي..
جاك: مش داخل قولت...
جاكي: هتفضل واقف كدا!..
جاك: ايون..
___
هند: رنيتي ع جاك يانور!
نور: لا لسه..
هند: طب رني عشان نتطمن..
نهى: ايوا رني وهاتيه..

نور بصتلها ومردتش.. رنت..

فون جاك كان جوا...
جاكي: فونك بيرن..
جاك: ادخلي هاتيه..
جاكي: نعم ياخويا!!!
جاك: اي مبتسمعيش!!
جاكي: هو كان حد قالك اني خدامتك!!
جاك: انا تعبان... ادخلي انتي زي القرد مفكيش حاجه.. والا لما فيروز تيجي هقولها بتقعد تخليني اروح واجي وانا تعبان..

كنت ماسكه سكينه ف ايدي روحت قربت منه ورفعتها ف وشه..

جاكي: ولاا.. معاك لحد ماتصحى.. هستحملك لحد ماتخف بس.. بعد كدا حسابك معايا هيبقى عسير... سامع!!!

هز راسه بخوف وهو متنحلي...

جاكي: صنف خنازير فعلا...

سيبته ودخلت جبت الفون ولقيتها نور...

جاكي: اتفضل.. رد عليها

خد مني الفون ورد
جاك: الو..
نور: اي جاك!.. عامل اي ياحبيبي..
جاك: كويس.. انتي عامله اي..
نور: بقاا كدا!.. تمشي من غير مااشوفك!
جاك: معلش ياحبيبتي.. لو كنا قولنا لحد كانت نهى هتلزق فينا.. وانا مكنتش عايزها..
نور: نهى!!!
جاك: تفتكري ينفع اقولها امي بعد اللي حصل!
نور: بصراحه لا... ولا انا كمان بقول كدا..
جاك: بصي ياحبيبتي.. انتي تشدي حيلك ف جامعتك عشان بعد كدا هجيبك تعيشي معايا.. مش هسيبك معاها تاني..
نور: ياريت والله.. انا عايزه افضل معاك ع طول... بس طمني عليك طيب.. انت كويس!
جاك: اتطمني ياحبيبتي انا كويس.. كلها شوية وقت وهرجع..
نهى: اخلصي واديني الفون دا...
خدت منها الفون...
نهى: الو ياجاك..
جاك: نعم!
نهى: انت ازاي تمشي من غير مااعرف!
جاك: وتعرفي بصفتك اي!
نهى: بصفتي امك..
جاك: بس انتي مش امي... انتي نهى مش اكتر..
نهى: انا فعلا معرفتش اربي.. انت واختك بقيتوا قمه ف قلة الادب والوقاحه...
جاك: معلش.. مانتي مكنتيش فاضيه تربينا... كنتي فاضيه لحبيبك بس..

راح قفل ف وشها وهو ملامحه كلها متغيره ودخل ع اوضته ع طول...
___

نهى اتصدمت من الجمله اللي قالها...
نور: اي.. قفل ف وشك!.. صدقيني معاه حق..

سابتها وطلعت اوضتها...
___

فيروز رجعت...
فيروز: عملتي اي!
جاكي: اهو قربت اخلص...
فيروز: مالك متبهدله كدا ليه!
جاكي: اسالي ابنك..
فيروز بضحك: ااه.. يبقى رايق النهارده.. طلاما طلع وهزر يبقى رايق..
جاكي: كان رايق.. دلوقتي مظنش..
فيروز: ليه!
جاكي: مامته كلمته وشد معاها ودخل ع طول..
فيروز: استغفر الله العظيم.. داحنا جايين هنا عشان نفسيته ترتاح بعيد عنها... ربنا ينتقم منها...

خلصنا الاكل ودخلنا عشان ناكل مع بعض... دخلت اناديه ياكل بره بدل الاوضه دي..

جاكي: الاكل جاهز..

كان قاعد باصص ف الارض وسرحان..

جاكي: جاك.. جاك
جاك: نعم!
جاكي: الاكل جاهز..
جاك: مش جعان..
جاكي: قوم بس كدا بلا مش جعان..
روحت مسكت ايده وقومته وطلعنا بره...
جاك: اديني طلعت معاكي عشان عارف انك زنانه ومش هخلص.. اقعدي بقاا انتي كلي.. انا مش جعان..
فيروز: ماتبطل دلع ياض انت..
جاك: مش بتدلع ياست.. انا مش جعان..
جاكي: لا جعان.. انت مكلتش حاجه من الصبح..
جاك: بس يابت انتي..
جاكي: شايفه..
فيروز: كلمها كويس ياض انت..
جاك: ايوا طبلوا لبعض انتوا...
فيروز: طب يلا كل..

بدانا ناكل بس كان باين عليه انه لسه متضايق.. فانا حبيت الطف الجو...

جاكي: الا صحيح يافيروز.. مايا عامله اي!

رفع عنيه من ع الطبق وبصلي كدا..
فيروز بصتلي وهي مش فاهمه وانا غمزتلها عشان تفهم...

فيروز: مايا حلوه... هو في زي مايا..

جاكي: اهاا.. محتاجين نعزمها عندنا ف مره كدا... اهو ع الاقل تشوفيها.. ولا تشوفي فخادها...

فيروز: فخادها!!.. ياريت والله.. حتى اتعرف عليها..

جاكي: بس خلي بالك.. عشان دي ممكن توقع عمي..

فيروز: لا عيب عليكي.. انا ماليه عين عمك..

جاكي: لا وحياتك.. الرجاله كلهم عنيهم زايغه..

فيروز: ااه والله يابنتي.. مش بيجيلنا من وراهم غير وجع القلب.

جاكي: اصلا اصلا.. دول صنف خنازير.. ميملاش عينهم غير التراب.. ياشيخه حسبي الله ف الرجاله كلهم.. ماعدا دومي..

فيروز: ايوا ربنا ياخد الرجاله كلهم ويخليلنا دومي عشان يطري القعده...

جاك بصلها وتنح...

جاك: فيروز!.. مالك ياحبيبتي.. قعدة اي اللي يطريها!!.. وبعدين اي دومي دي!.. ماتتعدلي انتي وهي..

جاكي: هو حلال ليك وحرام لينا ولا اي.. ما مايا مطريه القعده مع حضرتك.. ولا اي ياجوجتي..

فيروز: هي وصلت لجوجتي... تؤتؤتؤ.. لا ياجاك مكنتش اتوقع كدا..

جاك: انتي بتصدقي اي حاجه كدا!

جاكي: تنكر انها قالتلك ياجوجتي!... تنكر انك واقع عليها!!

جاك باستفزاز: ملكيش دعوه... عاجبني.. وبعدين معاكوا حق.. محتاجين نعزمها.. انا هكلمها وهقولها تجيلنا بكرا..

فيروز: تيجي فين انت اتهبلت!.. محدش يعرف مكانك..

جاك: لا انا واثق فيها وهي مش هتقول لحد...

الموضوع قلب جد وبدل ماحنا اللي كنا بنغيظه هو اللي حرق دمنا..
طلع الموبيل ورن فعلا...

جاك: هاي بيبي..
ـ..........
جاك: وحشاني.. عايز اشوفك..
ـ......
جاك: مانتي عارفه... المكان مش بيحلو غير بيكي..
ـ........
جاك: لا مقدرش استني.. انتي هتيجي بكرا.. انا عازمك عندي ف البيت..
ـ........
جاك: لو عايزه نبقى لوحدنا اوكي..
ـ........
جاك: تمام.. هنبقى لوحدنا... ااه وصحيح.. ياريت البيرفيوم اللي بحبه... اصله بيخطف قلبي... وكمان الروج الاحمر.. اصله بيليق فيكي.. وكمان.. طعمه حلو..
ـ.......
جاك: ابقي طمنيني عليكي.. متأخريش هستناكي..
ـ......
جاك: هبعتلك العنوان بالليل....
ـ........
جاك: باي بيبي...

قفل الفون وانا فيروز متنحين وفاتحين بوقنا...

جاك: احم احم..
فيروز: هو اللي انا سمعته دا صح..

جاكي: شوفتي!!... شوفتي واقع ازاي!... اهو ماصدق قولنا كدا ورن عليها... قولتلك واقع..

جاك: قوووي..

فيروز: هي فعلا هتيجي بكرا!

جاك: مانا كلمتها قدامك اهو... وياريت بقى تفضوا البيت كدا وتروحوا تتفسحوا شويه..

جاكي: بعينك.. وحياة امك مانا مروحه.. وهفضل قاعده ع قلبك كدا... لما اشوف مين اللي هييجي..

جاك: وانتي مالك... انا حر..

جاكي: لا منتاش حر... مش عايزين قلة ادب هنا... البيت دا طاهر.. صح يافيروز!

فيروز: صح... البت دي مش هتدخل هنا ياض انت.. دي بتقولك فخاد..

جاك: ياريت تنوعوا ف الاكل بكرا عشان هي ممكن تطول شويه... وكمان لما تشوفني كدا هتقلق عليا قووي...

محستش بنفسي غير لما قومت مسكته من هدومه..

جاكي: ولااا.. انا معنديش حاجه ابقى عليها... هقتلك واقتلها واقتل نفسي معاكوا... وبعدين روج اي اللي طعمه حلو!!!... اقسم بالله لو اللي ف دماغي طلع صح ياجاك ماهيطلع عليك صبح...

جاك بخوف: احم.. فيروز.. هديها..

جاكي: سمعت!!.. البت دي لو جت، انا هطين عيشتك انت وهي.. مفهوم!

جاك: حاضر..

سيبته وروحت قعدت مكاني وبعدين استوعبت اللي انا عملته.. اي دا احييه.. يقولوا عليا اي دلوقتي... طب وانا مالي مايجيب اللي هو عايزه.. انا ماااالي انااا...

بصيت لقيته بيحاول يكتم الضحكه هو وفيروز...

جاكي: بتضحكوا ع اي... هو انا برقص...

راحوا ضحكوا بصوت عالي.. وانا حقيقي كنت ف نص هدومي.. انا مالي انا.. اتعصب ليه..

فيروز: لا اصلك اكدتيلي حاجه مكنتش متاكده منها...

جاكي: حاجة اي!.. مفيش حاجه.. انا بس مبحبش الحال المايل وقلة الادب...

جاك: وانتي مالك بقااا... سبق وزعلتي لما اتدخلت ف لبسك.. مالك انتي بقاا بيا.. هي صاحبتي وانا بحبها.. انتي مالك..

جاكي: صاحبتك ف عينك.. جاتك مله.. البت دي مايعه ومش محترمه.. اقولك حاجه.. وانت كمان مش محترم.. ربنا يحرقكوا..

ضربته ف كتفه وسيبتهم وقومت دخلت البلاكونه ماهي مش ناقصه حرقة دم هي...

فيروز: احم..

جاك: انسي... كل الحكايه انها زنانه ورخمه وبتتدخل ف اللي ملهاش فيه.. غير كدا مفيش حاجه..

فيروز بخبث: ايوا بامارة الدقيق...

سابته وقامت وهو قاعد...

جاك: نسوان... ف الاول وف الاخر نسوان.. هستنى منهم اي... ناقصات عقل ودين فعلا...

__

اليوم عدى واحنا مع بعض..
محمد جه بالليل...

محمد: جاكي! مش هتروحي!
فيروز: لا هتروح معاك... ولو حد سالك كنتي فين قوليلهم كنت عند واحده صاحبتي...
جاكي: بس انا مش عايزه امشي.. انا قاعده هنا...
جاك باستفزاز: ابقي تعالي بكرا.. متقلقيش.. مفيش حاجه هتفوتك..
فيروز: روحي وانا موجوده.. ولو حصل حاجه هبلغك ع طول...
جاكي: ماشي.. لما نشوف اخرتها...

مشيت مع محمد وركبنا العربيه وطلعنا...
__

سما: هي جاكي فين!.. دي مش باينه من امبارح.. وكمان مش ف اوضتها..

هند: مش ف اوضتها ازاي.. هتكون راحت فين!

سما: معرفش..

هند: استني انا هرن عليها...

شويه وهند رنت...

جاكي: الو..
هند: ايوا ياجاكي انتي فين!
جاكي: انا مع محمد اهو..
هند: كنتي فين من امبارح..
جاكي: ها.. كنت عند ادم انا ومحمد وبعدين رجعنا متاخر ونمنا ع طول... وطلعنا بدري النهارده..
هند: هو انا مش فاهمه حاجه.. بس تمام.. المهم انتوا جايين يعني!
جاكي: ايوا..
هند: خلاص تمام.. انا قلقت عليكي بس..
جاكي: لا متقلقيش ياحبيبتي انا كويسه...

قفلت معاها وبصيت ع محمد لقيته مركز ف الطريق وملامحه كلها جد...

جاكي: احم.. انت يااخ..
محمد: نعم..
جاكي: اللي واخد عقلك..
محمد: محدش..
جاكي: مالك زعلان ليه!
محمد: مش زعلان..
جاكي: لا زعلان.. والنبي القمر زعلان..
محمد: قمر!!.. معلش..
جاكي: مالك ياسطا.. مش متعوده ع الهدوء دا...
محمد: هو انتي هتروحي عند جاك بكرا!
جاكي: ايوا..
محمد: ايوا ليه!!... ماهو بقاا كويس اهو.. تروحي ليه كل يوم..
جاكي: وانت متعصب ليه!
محمد: مش متعصب ياست.. بس كدا اللي ف البيت هياخدوا بالهم..
جاكي: لا متقلقش انا هتصرف...

كنت حاسه انه هيرميني بره العربيه بالعصبيه دي....

___

فيروز: جاك هي البت دي هتيجي فعلا بكرا..
جاك: ايوا.. ياريت تحضري حاجه كويسه..
فيروز: دانت ليلتك هتبقى قمر بكرا...

_

روحنا وفهمت الجماعه انا كنت فين وطلعت نمت ع طول عشان اصحى بدري.. ايوا مانا مش هفوت حاجه زي كدا...
__
قومت اتوضيت وصليت ونزلت بس كان في خناقه كبيره تحت.....

نهى: بقولك اي ياض انت.. انت تقولي جاك فين دلوقتي حالا..

محمد: قولتلك مسافر

نهى: لا مش مسافر... انا حاسه انكوا وراكوا حاجه... وبعدين انتي كمان بتروحي فين كل يوم وبتختفي كدا...

جاكي: بذاكر مع واحده صاحبتي.. اي المشكله..

نهى: متكدبوش عليا انتوا الاتنين.. انا عارفه انكوا بتروحوا عند جاك كل يوم.. جاك هنا مش مسافر..
انتوا هتخبوا ابني مني يعني!!!

محمد: انا عارف اني مش هخلص معاكي.. انا ماشي..

سابها ومشي وهي قربت مني وانا خوفت...

نهى: يلا مين الشطوره اللي هتقولي جاك فين..

جاكي: مش انا...

نهى: هنهزر!!!

جاكي: قصدي معرفش.. انا كل اللي اعرفه انه سافر..

نهى: عارفه لو طلعتي بتكدبي عليا انا هعمل فيكي اي!.. بلاش تلعبي معايا انا ياشاطره.. انتي مش قدي..

سابتني ومشت وانا مكنتش عارفه اعمل اي والكل موجود ومفيش حجه اخرج بيها...

استنيت وقت طويل لحد مالساعه جت ٢...

جاكي: لا مبدهاش بقى.. انا لازم اروح...

طلعت لبست والصراحه لبست لبس حلو وحطيت ميكب خفيف وظبطت نفسي ولا ادري ما السبب...

نزلت وانا بدعي ان ميكونش في حد... فعلا ملقتش حد فطلعت ع طول....

ـ رايحه فين..

وقفت مكاني ولفيت لقيتها هند..

جاكي: في شوية حاجات محتاجه اجيبهم.. هخرج ع طول وارجع..

هند: جاكي رايحه فين!.. انتي متعرفيش حاجه هنا.. ومحمد كمان مش هنا..

جاكي: لا حفظت الاماكن القريبه من هنا.. بصي هروح وارجع ع طول.. بس متقوليش لنهى عشان دي ممكن تاكلني...

سيبتها ومشيت بسرعه وقفت تاكسي..
طول الطريق وانا بدعي اني اوصل قبلها.. واخيرا وصلت...
خدت السلم جري ودخلت الشقه..

جاكي: فيروز.. جاك فين..

فيروز: اخرتي ليه.. البت المزغوده دي قاعده معاه جوه..

جاكي: احييه.. هي جت..
فيروز: ايوا من شويه كدا..
جاكي: طب وسعيلي كدا..

سيبتها ودخلت اتسحبت و حطيت ودني ع الباب عشان اسمع بس سمعت صوت واطي.. كانهم بيتكلموا بهمس..
فتحت الباب بسرعه ودخلت....

جاكي: احييييييييه!!!!!!!

يُتبَع....🕊


♥🕊

Part 36: ♥🥀..

"محتاج لحُضن يرجعك كامل..من حد كامل وانت مش ويااه"♥🥀

دخلت واتصدمت من المنظر....

كان نايم ع السرير وقالع التيشرت وهي قاعده جنبه وجسمها كله عريان ومميله عليه وايدها ع وشه وبيتكلموا بهمس...

جاكي: اعاااااا...

لفيت وشي بسرعه...

مايا: اي دا.. انتي ازاي تدخلي علينا كدا...

جاكي: معلش... دخلت ف وقت مش مناسب..

سيبتهم وطلعت وقفلت الباب...
روحت لفيروز المطبخ وانا مصدومه...

فيروز: في اي!
جاكي: شكلي دخلت ف وقت غلط...
فيروز: يعني اي ف وقت غلط..
جاكي: يعني واخدين راحتهم يافيروز.. وانتي واقفه تعمليلهم اكل..
فيروز: واخدين راحتهم!!.. ومجبتهاش من شعرها ليه!
جاكي:.. انا ماشيه...
فيروز: استني يابت... انتي هتسيبيها هنا كدا... انتي هتقعدي معايا وهنعلمها الادب احنا الاتنين.. انتي فاهمه.. وبعدين اي دا... دي مش لابسه حاجه...
يلا ادخلي دلوقتي وبوظي عليهم اللحظه...

جاكي: شايفه كدا!
فيروز: مش شايفه غير كدا..
جاكي: تمام... ليلتهم سودا النهارده...

روحت تاني وفتحت الباب لقيتهم ف نفس الوضعيه..

جاكي: احم احم..
مايا: انتي تاني..
جاكي: حظك بقاا.. هتعملي اي.. يلا ابعدي كدا هو تعبان... اتفضلي اطلعي الاكل جاهز..

طلعت وانا قربت منه وبصيتله بقرف...
جاكي: البس هدومك... واستنى ع الاقل لما ننزل..
جاك باستفزاز: استنى اي!

مردتش عليه ورميتله التيشرت...

جاك: هلبسه ازاي!
جاكي: زي ماقلعته...
جاك: ماهو مش انا اللي قلعته...
جاكي بغضب: تحب اناديلك عليها تلبسك!!
جاك ببرود: او تلبسيني انتي...

قربت منه ولبسته التيشرت واتعمدت ادوس ع الجروح عشان يتوجع...
جاك: اااه.. بالراحه..
جاكي: ياختي حلوه.. جاتك القرف ف شكلك..

سييته وجيت طالعه...

جاك: طب تعالي سنديني طاااه..
جاكي: اطلع لوحدك بقاا.. الهي تقع ورقبتك تتكسر..

سييته وخرجت وهو ضحك وخرج ورايا..

مايا: طالع لوحدك ليه...
قامت سندته وقعدته جنبها...
وانا وفيروز قاعدين نتفرج....

حطينا الاكل وقعدنا و هي لازقه فيه..
_____

محمد: يابابا قولتلك شاكه ف حاجه.. ومش هتسكت غير لما تعرف..
عمو احمد: كبر دماغك منها... هي بتعمل كدا بس عشان نقولها ع مكانه..
محمد: طيب وجاكي..
عمو احمد: مالها..
محمد: خروجها من البيت كل شويه خلاهم شكوا.. وانا مش قادر عليها..
عمو احمد: خلاص كلها ايام ويفك الجبس.. بس معرفش الجرح اللي ف دماغه عمل اي..
محمد: لا الدكتور قال بيلم وشوية وقت وهيبقى تمام...
عمو احمد: طب كويس.. الحمد لله انها عدت ع خير..
محمد: طب عملت اي مع العميل بتاع النهارده!
عمو احمد: ولا حاجه.. ولا عرفت اتفاوض معاه بعد اللي جاك عمله... اصلا جاك ودانا ف داهيه..
محمد: انا عايز اعرف انت ليه مسالتوش هو عمل كدا ليه!...
عمو احمد: احنا كنا ف اي ولا ف اي... يفوق بس وبعدين هنشوف الدنيا ماشيه ازاي...
____

فيروز: وانتي عامله اي يابنتي!
مايا بدلع: كويسه ياطنط..
فيروز: طنط!.. ااه.. وانتي تعرفي جاك منين ياحبيبتي!
مايا: دا كان زميلي ف الجامعه.. ودلوقتي شغالين مع بعض.. ماتقولهم ياجوجو..

انا وفيروز: جوجو!!!!!!!

جاك: احم.. قصدها يعني اننا صحاب من زمان قوي..

جاكي: لا ماهو واضح.. ربنا يخليكوا لبعض..
"بصوت واطي".. ويحرقكوا بجاز وسخ...

جاك: قولتي حاجه!
جاكي: لا ياقمر مقولتش حاجه.. سلامتك..

فيروز: واهلك فين ع كدا!

مايا: لا انا اهلي مش عايشين هنا.. عايشين بره.. انا قاعده هنا لوحدي..

جاكي: ايوا عشان كدا بقاا..

مايا: عشان كدا ايه!

جاكي: لا ولا حاجه ياقمر.. بس هو انتي مش بردانه!
مايا: لا ليه!

جاكي: اصل شكلك نسيتي تلبسي وانتي نازله...

مايا: ااه.. لا هو لبسي كدا.. ولا اي ياجو..

كنت حاطه ايدي ع خدي وبكلمهم بقرف..

جاكي بغيظ: رد ياجو...

جاك بضحك: ااه.. هي لبسها كدا..

مايا: ماتقولي يابيبي اي اللي حصل!..

جاكي: اممم.. قولها يابيبي..

جاك: حادثه بسيطه.. متقلقيش..

مايا: اووه بيبي.. الف سلامه عليك.. مقولتليش ليه من وقتها!

جاكي: اه يابيبي.. مقولتلهاش ليه من وقتها..

رد وهو بيحاول يكتم الضحك...

جاك: لا اصل.. محبتش اقلقك عليا.. انا خلاص بقيت كويس..

جاكي: هو حاليا كويس.. بعد كدا معرفش هيحصل اي..
جاك: احم..

مايا: ع العموم بالنسبه لموضوع الشغل، متشغلش بالك بيه خالص.. انا هعمل كل الشغل لحد ماتقوم بالسلامه...

جاكي: كتر خيرك والله...

جاك: ربنا يخليكي ليا..

مايا: ااه وصحيح.. انا عملت اللي قولتلي عليه.. وظبتلك الدنيا كلها..

جاك باستفزاز: حبيبي والله...

راح باسها من خدها وهو بييصلي بطرف عينه...
وانا وفيروز قاعدين نبص لبعض من اللي شايفينه...

فيروز بغضب: كل ياجاك.. كل..
جاك: حاضر..

خلصنا اكل وانا ساعدت فيروز ورجعت لقيته حاطط ايده ع كتفها وهي حاطه رجلها ع رجله وقاعده جنبه... ورجلها عريانه طبعا ولا كإنها لابسه مايوه..

جاكي بغيظ: بعد ازنك بس كدا رجلك عشان رجله تاعباه...
روحت مسكت رجلها ورميتها بعيد...

مايا: ااه.. بالراحه..
جاكي: اي دا وجعتك!.. معلش ياحبيبتي مخدتش بالي..

راح جاك حط ايده ع رجلها وقعد يدعك مكان ماوجعها...

جاك: معلش يابيبي.. اصلها عنيفه شويه..
مايا: ااه ماهو باين...

محستش بنفسي غير وانا بقول...

جاكي: ايددددددك..
بصلي بسرعه..
جاكي: ايدك ياحبيبي.. واجعاك!.. اجيبلك مرهم!
جاك ببرود: لا شكرا...
فيروز طلعت..

فيروز: منوره..
مايا: دا نورك ياطنط..
فيروز بقرف: ماتباتي معانا...
مايا: اي.. لا مش هينفع.. كفايه كدا.. انا همشي بقاا ياجوجتي وابقى طمني عليك..

جاكي: هيطمنك ياحبيبتي.. هيطمنك..

راحت ميلت عليه حضنته وباسته...
مايا: باي بيبي...
جاك: باي...
فيروز خدتها ومشتها وغارت ف داهيه الحمد لله... نرجع بقاا للقمر بتاعنا...

جاكي: دوقت الروج!..

راح ضحك بصوت..

جاك: ااه دوقته..

جاكي: وعجبك!

جاك: قوووي..

فيروز دخلت ولقيتها ماسكه الشبشب ف ايدها...

فيروز: انت بتبوسها قدااااامي!!!!...

جاك: فيروز اهدي.. انا تعبان متهزريش.. ارمي اللي ف ايدك دا...

فيروز: تعبان!.. انت خليت فيها تعبان!... دا مش هيطلع عليك صبح... مين البت دي ياواد انت... ومن امتى واحنا نعرف ناس كدا..

جاك: اهدي بس والله هفهمك.. لا بلاش الشبشب بيوجع والله...

جاكي: ايوا يافيزوو اديلوووو... علميه الادب عشان دا عيل مش محترم اصلا...

وقفت قدامه وهي رافعه الشبشب...

جاك: فيروز.. والله هفهمك.. اهدي بس..

جاكي: ايون وكمان دخلت لقيته قالع هدومه والله اعلم كانوا بيعملوا اي!!!..

فيروز: قالع هدومه!!!!.. كمان!!!!

جاك: دي كدابه.. محصلش كل دا..

جاكي: بالله حصل.. وكمان لقيتها قاعده ومميله عليه وبيدوق الروج المشمحترم...

فيروز: ودوقته ياجاك!!!... دوقته!!

جاك: والله لو قربتيلي هصوت واقول بيتهجموا عليا...

فيروز: لا وانا مش هخليك تلحق تصوت...

فضلت تضرب فيه وهو بيتوجع ويصوت بهزار... وانا وقفت ع الكرسي وقعدت اشجعها وازغرط....

جاكي: ايوا يافيزوو... اديلوو... لولللللللللللولي.... وعند بيت ام فاروق💃🏻... اهريه ضرب.. بتاع مايا النسوانجي دااا.... لولللللولي... 💃🏻💃🏻..

جاك: خلاص والله... انا اسف.. حقكوا عليا.. اااه.. خلاااااص... الحقونييييي.... ااااه..

فيروز: يلا ياوسخ... بلا بيبي... بيبي اي يازباله انت!.. بقا هي دي مايا اللي هتموت عليها!!.. البت المايعه دي!.. لا وبتقول ع جاكي مايعه!!... والنبي مافي حد مايع غيرك..

جاكي: ايوا جدعه.. هو فعلا مايع ومش محترم وبتاع بنات... يابتاع مايا.. جبت منها عياال ولا لسه!!!...

جاك: يابت اخرسي بقاا... يافيروز والله هي بتسخنك عشان تضربيني والله... انا لسه مجبتش منها عيال..

فيروز: وناوي ع امتى ان شاء الله..

جاك: ااااه.. بهزر بهزر والله...

جاكي: ايوا صح.. وكان حاطط ايده ع فخادها المهزء..

فيروز: اي نظام فخادها معاك ياواد انت!!!..

جاك: ياشيخه والله مافي حاجه.. دي صاحبتي بس..

فيروز: والنبي لاسيبلك البيت وامشي واقعد لوحدك بقا.. ياخسارة تربيتي فيك..

سابته ودخلت جوه وهو بصلي ورفع حاجبه وقاملي...

جاكي: ولاااا.. لو قربتلي هقولها حاول يتحرش بيا وهخليها تكمل عليك... انا قولتلك اهووو...

جاك: وحياة امك ماهحلك... شايفه ايدي حمرا ازاي!...

جاكي: احسن تستاهل.. عشان تبقى تحطها ع فخادها تاني يالمشمحترم...

جاك: هحطها ياجاكي.. ووريني هتعملي اي.. وهجيبها تنام معايا كمان...

جاكي: افيرووووووز.. تعالي عايزها تنام معااااه..

جاك: بس يابنت المجنونه هتوديني ف داهيه... طب تعالي هقولك حاجه..

جاكي: تؤتؤ.. اياك انا مغفله.. انت عايزني اجي عشان تضربني.. خليك مذلول عندك كدا ومش عارف تتحرك..

جاك: صبرك عليا بس افك الزفت داا.. وحياة امك ماهحلك...

جاكي: وعند بيت ام فااروووق 💃🏻.... لوللللللولي...

جاك: انتي هبله يابت.. بتزغرطي ليه!

جاكي: عشان فرحانه فيك... وكمان عشان عملت حاجه كدا...

جاك: عملتي اي!

جاكي: مش هقولك..

جاك: اخلصي وقولي..

جاكي: حطيتلها مُلين ف العصير....

جاك: نعم ياختي!!!...

جاكي بضحك: وشربته كله المهزءه...

جاك: والله ماهسيبك ياجاكي..

طلعت اجري ع فيروز وهو جه ورايا....
_____

محمد رجع...
محمد: هند.. عاوزك..
خرجت وطلعوا بره..
محمد: هما لسه هنا بيعملوا اي!!!
هند: معرفش..
محمد: دا اي الوقاحه دي!!!.. دا لو فيروز عرفت هتشرشحلهم... مشيهم ياهند بدل ماامشيهم اناا..
هند: اقولهم اي يعني يامحمد.. اقولهم امشوا!!..
محمد: ايوا قوليلهم.. مش كفايه اللي عملوه..
هند: وهما مالهم.. دا محمود..
محمد: امسكه ف ايدي الحيوان دا بس..
____
جاك: ع فكره يافيروز جسمي كله معلم...

جاكي: احسن احسن..

راح رمى عليا المخده..

جاك: ماتتهدي بقاا..

فيروز: تستاهل.. وبعدين متكلمنيش تاني عشان مش هرد عليك...

جاك: يعني انتي ضرباني وزعلانه كمان!!

فيروز:......

جاك: انتي زعلانه بجد!!!...

كانت قاعده ساكته وواضح انها زعلانه فعلا...

جاك: فيروز كل دا هزار والله...

جاكي: لا مش هزار.. انت مش محترم فعلا..

جاك: اسكتي بقاا بدل مااقوملك..
والله يافيروز دي صاحبتي ومافي اي حاجه...

فيروز: صاحبتك وتبوسها كدا!!.. صاحبتك وتقلع هدومك معاها!!!.. صاحبتك وتتدلع عليك كدا!!!

جاك: انتي مش فاهمه... دي...
فيروز: ومش عايزه افهم... ياخسارة تربيتي فيك والله...

راح قام وقعد جنبها.. ومسك ايدها وباسها...

جاك: طب حقك عليا متزعليش...

جاكي: متخليهوش يبوسك.. بوقه فيه روووج..

جاك: شايفه... عشان تصدقي انها بتعمل كدا عشان تسخنك عليا...

فيروز: لا ماهو فعلا وشك فيه روح ياروح امك.. واي دا!!... واضح انها صاحبتك فعلا...

كان في روج ف رقبته وع التيشرت...

جاك: والله مااعرف جه هنا ازاي... فيروز وغلاوتك عندي ماحصل حاجه.. انتي مش فاهمه احنا عملنا كدا ليه اصلا...

قومت دخلت المطبخ جبت كيكه وطلعت...

جاكي: خدي يافيروز وروقي دمك.. يتحرقوا هما الاتنين.. المهم صحتك ياختي..

جاك: انتي بتتكلمي كدا ليه يابت انتي!!.. وبعدين انتي جايبه ليكوا انتوا بس ليه.. وانا كمان عايز...

جاكي: تؤتؤ.. مفيش تاني..

جاك: فيروز خليها تديني...

فيروز: ماقالتلك مفيش..

جاك: طب هاتي حته..

فيروز: مش بدي لنسوانجي...

جاك: نسوانجي!!!... ياشيخه الله يسامحك والله..

جاكي: اممممم... الكيكه قمر يافيزوو..

فيروز: الف هنا ياروح فيزو..

جاك: طب حته طاااه..

جاكي: تؤتؤ.. خليك كدا..

فضلنا قاعدين مع بعض والوقت عدا وفيروز دخلت نامت... وانا طلعت البلاكونه اتفرج ع البحر لحد مامحمد ييجي...

الساعه كانت حوالي ٨ بالليل...

بصيت لقيته جاي...

جاكي: خير...
جاك: انا هقعد هنا ياست.. انتي مالك..
جاكي: حبكت يعني ف المكان اللي قاعده فيه..
جاك بخبث: قاعده تحبي ولا اي!!..
جاكي: ايون بحب.. ملكش دعوه..
جاك: وبتحبي مين بقاا ياختي..
جاكي: شقولك..
جاك: ش ايه!!!... ماتتكلمي كويس..
جاكي: ومقولتش كدا للزفته بتاعتك ليه!!!
جاك: هي الحكايه فيها غيره ولا اي..
جاكي: وانا هغير ليه.. دي حتى مسلوعه..
جاك: قصدي غايره عليا...
جاكي: وانا هغير عليك ليه..انا مبغرش ع حد...
جاك بضحك: هصدقك حاضر...

سكتنا شويه وبعدين اتكلم وهو سرحان..

جاك: انتي احلى ع فكره...
جاكي: هاا..
جاك: انتي احلى من مايا..
جاكي: ايوا طبعا دي حاجه معروفه...
جاك: لا بجد.. انتي احلى منها بكتير.. انتي طبيعيه ع الاقل... فيكي شبه منها...
جاكي: من مين!
جاك: اسيل...
بتفكريني بيها... كانت شقيه زيك كدا...
جاكي: مش انت المفروض بتحبها!
جاك: ايوا...
جاكي: ولما انت بتحبها.. اي مايا دي.. المفروض متبصش ع حد اصلا..
جاك: انتي فعلا مش فاهمه!!
جاكي: مش فاهمه اي!!
جاك: لا ولا حاجه..
جاكي: هو محمد اخر ليه!
جاك: مستعجله ع اي.. خليكي..
جاكي: لا يعم.. امك مسكتني الصبح غسلتني..
جاك: نعم!!.. ليه..
جاكي: كانت شاكه انك موجود هنا ومش مسافر.. كانت بتسالني اذا كنت بجيلك او اعرف مكانك..
جاك: قولتيلها حاجه!
جاكي: لا طبعا..
جاك: كويس.. متخليهاش تكلمك بطريقه وحشه.. متسكتيش..
جاكي: ارد عليها يعني!!
جاك: ايوا ردي..
جاكي: مينفعش..دي اكبر مني..
جاك: انا اللي بقولك ردي.. لو كل مره سكتي هتستقوى عليكي..
جاكي: ياعم هي كلها شوية وقت لحد مانت ترجع بس وبعدين انا همشي..
جاك: تمشي فين!..
جاكي: همشي انا وبابا.. مش هنفضل عندكوا كدا..
جاك: مفيش الكلام دا..
جاكي: لا مهما قولت.. انا فعلا ماشيه..

فوني ورن ولقيته محمد وطلب مني انزل ومرضيش يطلع...
نزلت ركبت معاه ومشينا.. وطول الطريق واحنا ساكتين...

نزلنا ولسه داخلين وسمعنا صوت حد جاي ورانا...

ـ جااااكي...

بصيت لقيته.....

يُتبَع... 🕊

Part 37🕊️♥️
♥🖇🕊

_____

لفيت لقيته عماد ابن عمي...

جاكي بصدمه: عماد!

كان هو وشهد ومامته...
عماد: ازيك ياجاكي!...
جاكي: انت بتعمل اي هنا!
عماد: رنيت ع باباكي وقالي ع العنوان عشان كنا عايزين نشوفه بعد اللي حصل..
جاكي: وانت عرفت اللي حصل منين!
عماد: باباكي قالي لما سالته ليه غايب كدا...

بصيت لمحمد وانا مش عارفه اعمل اي...

محمد: طب اتفضلوا ادخلوا..

دخلوا وهند طلعت...
هند: مين دول يامحمد..
محمد: دول قرايب عمك مصطفى وجايين يتطمنوا عليه..
هند: ااه اهلا وسهلا...
شهد: وانتي عامله اي ياجاكي!
جاكي: كويسه ياحبيبتي..
مرات عمي: طب هو فين.. عايزين نشوفه..
جاكي: اتفضلوا معايا..

خدتهم وطلعت الاوضه ودخلوا سلموا وقعدوا...
هند: تحبوا تشربوا اي!
مرات عمي: لا ولا حاجه ياقمر متتعبيش نفسك..
هند: لا مينفعش.. لازم تشربوا حاجه..
مرات عمي: تمام ممكن شاي..
هند: حاضر..

سابتنا ونزلت وهما قعدوا مع بابا وانا سيبتهم ونزلت الجنينه.. شويه ومحمد جه ورايا...

محمد: بتعملي اي هنا!..
جاكي:.......
محمد: مالك قالبه وشك كدا ليه!
جاكي: اي اللي جابهم دول..
محمد: جايين يتطمنوا ع باباكي..
جاكي: مش عايزه اشوف حد فيهم انا.. انا مبحبهمش..
محمد: بس طب اسكتي.. عيب كدا..
جاكي: بلا عيب بلا نيله بقاا..
محمد: مش دول قرايبك!..
جاكي: ولاد عمي..
محمد: يعني اهلك.. مش بتحبيهم ليه!..
جاكي: كدا وخلاص..
محمد: بعيدا عن ان اكيد في اسباب بس خلاص.. المهم تعالي اطلعي اقعدي معاهم.. عيب كدا.. دول ف الاول وف الاخر ضيوف..

جاكي: يارب بس يمشوا بسرعه..
محمد باستغراب: يمشوا فين!.. هما مش من القاهره!
جاكي: ايوا..
محمد: دا سفر.. اكيد هيبيتوا..
جاكي: نعم ياخويا!!!... لا طبعا..
محمد: هو اي اللي لا..
جاكي: هو كان بيت ابويا!!!!.. مش كفايه احنا!!!
محمد: ياست الفيلا كبيره وفيها اوض كتير فاضيه..
جاكي: لا يامحمد... مينفعش خالص..
محمد: جاكي.. كبري دماغك مش حوار.. تعالي نطلع..

طلعنا وقعدنا وانا مستنياهم يحسوا ع دمهم ويمشوا بس الواضح انهم ناويين يبيتوا فعلا...

عطيات: الاوض جاهزه..
محمد: طب شكرا ياعطيات..
اتفضلوا الاوض تحت..
نزلوا وكل واحد راح اوضته وانا نزلت معاهم...
مرات عمي: يا حلاوه ياولاد.. اي البيت دا!
جاكي: مرات عمي!!.. قولي ماشاء الله.. مش ناقصين وحياتك..
مرات عمي: اتغيرتي كدا ليه ياجاكي.. كبرتي واحلويتي كدا ليه!..
جاكي: لا دي عنيكي اللي حلوه.. اتفضلوا وياريت منعملش مشاكل لحد ماتمشوا..
عماد: مالك.. مش طايقانا ليه!
جاكي: وهو دا وقت تيجوا فيه عند حد!!.. هو كان حد قالكوا انه بيت ابويا!!!..
مرات عمي: الحق علينا جايين نتطمن..
شهد: الا صحيح ياجاكي.. مين الواد المز اللي كان معاكي دا!
جاكي: انا طالعه اوضتي.. وانتي خليكي ف حالك...

سيبتهم وطلعت دخلت اوضتي ع طول...
____

مرات عمي: بقاا جاكي قاعده ف اليغمه دي كلها واحنا قاعدين ف الشقه المعفنه دي!..
شهد: لا وباين اصلا ان عيشتهم مرتاحه.. وعندهم خدامين..
عماد: شكلها لعبت معاها...
مرات عمي: شد حيلك انت بقاا.. اديك شايف هنبقى فين لو دا حصل...
______

غيرت هدومي واتوضيت وصليت وقعدت اقلب ف الفون.. دخلت ع صفحه جاك..
لقيت اخر بوست منزله من ساعتين..

" لعلها النجاة.. لعلها الجبر المُنتَظَر"🖤..

قعدت اقراها كذا مره ومش فاهمه اي القصد منها يعني...

دخلت ع الكومنتس لقيت ناس كتير جدا معلقه..
بس لفت انتباهي كومنت..
" هو انت قلبك حد بيعرف ياخده بسهوله!😊"..

لفت انتباهي صورة البروفيل... دخلت عليه لقيتها مايا..
كانت حاطه صوره عريانه وحقيقي منظر مقرف...
كملت تقليب ف الصفحه.. لقيتها بتنزل حاجات ع الاعماال والكلام دا... فضلت اطلع لحد مالقيت صور...

كانت صور مع جاك.. وصور من حفل التخرج.. ومنهم صور قريبين جدا من بعض.. وصور حاضنين بعض فيها.. وكان في صوره بتبوسه فيها..
كملت تقليب ولقيت صوره مع بعض ف البسين والاتنين قالعين طبعا وهو حاضنها ومتصورين..

شوفت الصور دي وحقيقي قرفت من الاتنين.. دا اي المناظر المقرفه دي..
وفجأه جتلي مسدج...
فتحت لقيته جاك... غريبه.. جاك مبيكلمنيش..
___

باب الاوضه بتاع محمد خبط.. طلع فتح...

محمد: نعم..
شهد: احم.. هو انا كنت عايز اروح الحمام.. بس توهت..
محمد: في حمام ف اوضتك..
شهد: اي دا بجد!.. معلش مخدتش بالي..
محمد: حصل خير...

لسه هيقفل الباب راحت زقته..
شهد: طب انا كنت عايزه اسالك ع حاجه
محمد: اتفضلي.

شهد: هو انت تعرف جاكي منين!
محمد: بتسالي ليه!!
شهد: لا عادي.. انا بس حبيت اقولك انها مش كويسه..
محمد: نعم.. يعني اي مش كويسه!
شهد: يعني بتاع شباب وكدا.. ومش محترمه يعني..
محمد: اي اللي بتقوليه دا.. راعي انها بنت عمك حتى..
شهد: الحق عليا بقولك الحقيقه يعني!
محمد: وبتقوليلي كدا ليه!..
شهد: لا عادي.. خوفت لاتخدعك او حاجه..
محمد: اتفضلي روحي اوضتك عشان مزعلكيش مني..

دخل وقفل الباب ف وشها....
_____

فتحت المسدج..

جاك: صاحيه!
جاكي: ايوا..
جاك: هتنامي!
جاكي: لا هقوم العب باليه..
جاك: مبهزرش.. لو هتنامي هقفل..
جاكي: لا مش هنام..
جاك: طب كنت عايز اتكلم معاكي ف حاجه..
جاكي: اتفضل..
جاك: عامله اي!
جاكي: دا اللي هو ازاي!.. انا كنت معاك من ساعتين..
جاك: انا غلطان اني بتطمن يعني!
جاكي: كويسه.. وبعدين..
جاك: كنت حابب اشكرك..
جاكي: ع اي!

فجأه الباب خبط.. قومت فتحت لقيتها شهد..
جاكي: خير..

شهد: اصل الصراحه انا بخاف انام لوحدي..
زقتني ودخلت..
شهد: فقولت اجي انام معاكي..
جاكي: تنامي معايا فين!.. اتفضلي انزلي يلا..
شهد: صدقيني بخاف انام لوحدي..
جاكي: نامي مع مامتك..
شهد: لا بتشخر..
جاكي: نعم!
شهد: ايوا والله..
جاكي بتنهيد: طب اتفضلي.. هتنامي ع الارض..
شهد: ارض اي.. انا هنام جنبك..
جاكي: لا انا مبحبش حد ينام جنبي..
شهد: وانا مش عايزه انام ع الارض..

نفخت وسيبتلها السرير خالص وروحت نمت ع الكنبه..
وفتحت الموبيل..

جاك: ع اللي عملتيه معايا.. انا عطلتك كتير عن جامعتك وعن المذاكره.. وع خوفك عليا واهتمامك بيا..
جاكي: لا عادي.. اساسا انا السبب ف دا.. فلازم ع الاقل اهتم بيك لحد ماتصحى..

بصيت لقيته بيسجل فويس..
قلبي دق معرفش ليه.. يمكن عشان هسمع صوته.. قومت جبت الهاند فري عشان الزفته اللي معايا دي...

جاك: ع فكره مش انتي السبب.. طب عارفه.. اليوم دا كان حلو جدا.. هو اوكي اتبهدلت جامد واتهزقت بس منكرش اني كنت مبسوط.. ودا نادرا مابيحصل يعني..

عملت انا كمان ڤويس..

جاكي: ع فكره يعني اليوم كان جميل وكل حاجه.. بس حقيقي انا كنت بموت ومش عارفه اعمل اي.. كنت لسه قدامي بتضحك وفجأه بقيت ع الارض والارض كلها دم... حقيقي دا اصعب شئ مر عليا.. انا مكنتش خايفه كدا لما محمود اخدني... ربنا يعدي الحوار دا ع خير بس لاني حاسه بالذنب من وقتها..

جاك: وتحسي بالذنب ليه!!.. لولاكي كان زماني ميت اصلا.. انتي شجاعه جدا.. لو واحده غيرك مكانتش عرفت تتصرف او كان اغمى عليها او حاجه.. بس انتي عرفتي تتصرفي وبسببك انا لسه عايش.. ع العموم سيبك من الموضوع دا.. انا كنت عايز اكلمك ف حوار كدا..

جاكي: اتكلم يعم.. هو انا ورايا غيرك..

بصيت كدا لقيت شهد قاعده ع السرير وبتتفرج عليا..

جاكي: مالك يابت بتبصيلي كدا ليه!..
شهد: مين اللي بتكلميه دا!
جاكي: وانتي مالك انتي.. دا اي القرف دا..

سيبتها ودخلت نمت ف البلاكونه وانا متاكده اصلا انها راميه ودنها بردوو...
رجعت فتحت تاني...

جاك: كنت عايز اقولك انك كنتي حلوه النهارده..

الفويس خضني اصلا.. انت بتقول اي يعممم انت...

جاكي: احم.. اي المناسبه يعني!

جاك: لا حبيت اعرفك ان اللي عملتيه جاب نتيجه.. يعني طلعتي حلوه... لبسك كان حلو والميكب كان حلو بردوو هاا.. ع العموم كنتي احلى يعني..

جاكي: احلى من مين!

جاك: مايا.. بصي متحاوليش تقارني نفسك بيها او تحاولي تثبتي انك احلى منها.. انتي مش محتاجه كل دا.. انتي احلى فعلا..

جاكي: انا مش بحاول اثبت حاجه.. ومايا بتاعتك دي مش ف دماغي اصلا.. وبعدين اصلا انا عارفه اني حلوه من غير حاجه..

جاك: انتي حلوه باحترامك ياجاكي... بعيدا عن الشكل.. انتي حلوه بحياءك..

الفويس فرحني الصراحه ومكنتش عارفه المفروض اقول اي..

جاكي بكسوف: متشكره..

جاك: شوفتي!!.. انتي حلوه عشان كسوفك دا.. عشان قلبك نضيف..

جاكي: هنقضيها كلام عني ولا اي... وبعدين هي مايا قافله ولا حاجه!

جاك: مايا!.. ليه!

جاكي: طلاما فاضي وبتكلمني يبقى اكيد مايا نايمه..

جاك: ع فكره انتي دماغك مسوحاكي قووي... مفيش اي حاجه بيني وبين مايا..

جاكي بغضب: جاك انا دخلت لقيتك قالع... هو انا مليش دعوه.. ودي حاجه متخصنيش انت حر.. بس متقولش مفيش حاجه بينكوا

جاك: اهدي بس.. انتي حكمتي ع الصوره من براا... اول ماشوفتي المنظر، فهمتي اننا بنعمل حاجه غلط.. مع اننا مكناش بنعمل حاجه.. بس محدش عطاني فرصه اتكلم حتى..

جاكي بتريقه: كانت بتطمن ع عضلاتك.. ايوا ظلمتك انا اسفه معلش..

جاك: كانت بتمسحلي جسمي ياجاكي... انتي عارفه انا بقالي قد اي مستحمتش!!!... طبيعي اني امسح جسمي بمايه عشان الجبس... وهي لما دخلت كنت انا بعمل كدا.. فاصرت ومسحتلي هيا... ايوا انا عارف انها كانت قريبه قوي.. بس كانت بتقولي حاجه ف ودني بهزار.. وانتي لما دخلتي شوفتي المنظر فكرتي ف حاجه تانيه خالص...

كلامه فرحني نوعا ما.. بس بردو دا ميمنعش انه نسوانجي..

جاكي: ومفيش غير مايا اللي تمسحلك جسمك يعني!.. مافيروز عندك اهي.. بس هي قلة ادب وخلاص.. انت نسوانجي ياجاك.. متحاولش..

جاك: محصلش.. انا محترم..

جاكي: نعم ياخويا!!!.. جاك انت بوستها و كنت ماسك فخادها.. انت متخيل انت وصلت لايه!!!

جاك: مش هتفهمي.. دا موضوع كبير وانتي بتتعبيني معاكي... ع العموم يعني روحي نامي.. عندك جامعه الصبح...

جاكي: عايز تقول اني مبفهمش يعني!.. ماشي ياجاك..

جاك: يالهوي عليا... لا ياحبيبتي انا اللي مبفهمش.. انا مبفهمش عشان دخلت كلمتك.. انا ماشي..

جاكي: لا والنبي اقعد.. لااااا. لاااا متمشيش.. هموووت من غيرك... اووووه بيبي نووو..

بعت فويس وهو بيضحك فيه والضحكه خدت قلبي والله..

جاك بضحك: هو انتي ليه هبله!!..

جاكي: هبله ف عينك.. وبعدين انت مش قولت انا ماشي!.. قاعد ليه!

جاك: انا مكنتش عارف انام.. فحبيت اكلمك.. معرفش اصلا انا بضحك معاكي ليه مع انك خرا..

جاكي: مع اني اي!!!!!!!.... بالله انك خنزير يجدع...
دي جزاتي اني بضحكك!!!... ايون مانت نسوانجي يابرووو.. عايزني اقولك بحبك وبموت فيك ومقدرش اعيش من غيرك وحبيبي وعمري وبيبي ومسخره وقلة ادب.. لا ياجاااك مش انا لاااا..

جاك بضحك: بالله بتضحكيني جامد... انا مقولتش اني عايزك تقولي حاجه.. انا بس كنت عارف اني هضحك لو كلمتك عشان كدا اتنيلت ودخلت..

جاكي: يابرووو.. انا جعانه..

جاك: انتي اي ياختي!!.. وبتقوليلي انا ليه!!.. هأكلك انا يعني.. ماتروحي تاكلي..

جاكي: لا مانا مكسله انزل...

جاك: هنزل انا يعني!!.. ولا دي هرمونات وبتطلعيها عليا!!!

جاكي: ممكن.. بس انا جعانه بردوو..

جاك: عايزه تاكلي اي!

جاكي: اممم... زي مثلا فرراخ ورز وبيتزاا وبيبسي وفراوله وكريب.. في حاجه تاني!..

جاك: انا.. هتاكليني انا..

جاكي: انت بتتريق عليا يعني اكمني جعانه!!!..

جاك: لا ياست مش بتريق.. بس مش هتلاقي الحاجات دي لوقتي.. فقومي زي الشطوره كدا وكلي اي حاجه

جاكي: لا انا هنام كدا وخلاص...

جاك: هتنامي جعانه!..

جاكي: ايون.. مانت لو مهتم كنت جبتلي..

ضحك جامد..
جاك: مكنتش اعرف انك بتتهبلي بالليل... بعد كدا هكلمك بالنهار عشان تكوني ف وعيك..

جاكي: ياسطا انا عايزه بطيخ..

جاك: يامثبت العقل والدين يارب... انتي بتتوحمي ياجاكي!!! احنا ف الشتا ياماما.. بطيخ اي دلوقتي!..

جاكي: خلاص مش عايزه حاجه.. انا غلطانه اني بفضفض معاك..

جاك: اممم.. طب انتي قاعده فين!

جاكي: ف البلاكونه..

جاك: الجو برد.. ادخلي جوه..

جاكي: مش هدخل..

جاك: هو عند يعني!..

جاكي: يعم هقولك بعدين.. واسكت بقاا عشان الجوع بيزيد وشكلي مش هعرف انام..

يصيت لقيته رن.. فتحت..

جاك: اظن الحاجه وصلت.. بصي تحت هتلاقي شنطه.. انزلي خديها واطلعي ع طول..

بصيت لقيت فعلا في شنطه تحت..

جاكي: شنطة اي دي!

جاك: انزلي بس واطلعي بسرعه.. وحطي حاجه ع دماغك..

نزلت جبتها وطلعت وانا بتسحب عشان محدش يصحى...

شهد: اي اللي معاكي دا!!

جاكي: يابنتي اتخمدي بقاا...

سيبتها ودخلت البلاكونه تاني..

جاك: هااا.. جبتيها!

جاكي: ايوا.. استنى افتحها..

جاك: يلا بقاا افتحيها وقوليلي لقيتي اي..

فتحتها ولقيت اكل كتيييير جداااا.

جاكي بصدمه: جاك.. اي دا.. مين جاب الاكل دا..

جاك: امي.. امي ياجاكي..

جاكي: يعني انت اللي بعته!!!.. طب ازاي!

جاك: لما سالتك نفسك تاكلي اي.. كنت بكتب اوردر واول ماخلصتي بعته بسرعه..

جاكي: وهما لحقوا عملوا كل دا امتى!!!

جاك: ماتاكلي وانتي ساكته بقاا.. وبعدين قوليلي اي اللي جه..

جاكي: فراخ كتير ورز وتلاته بيبسي وبيتزا كبيره وفراوله كتير وكريب وشيبسي... اي كل دا ياجاك!

جاك: ابسطي ياست.. يلا كلي ونامي بقاا.. وادخلي جوه عشان متبرديش..

جاكي: استنى بس.. انا كنت بهزر معاك وبتكلم بعفويه والله.. مكنش قصدي انك تجيب حاجه.. وبعدين انا مش مصدقه والله

جاك: رغااايه. رغاااايه قوي... بصراحه مقدرتش لما قولتي انك هتنامي كدا وخلاص.. بس معلش بقاا اعذريني ف البطيخ دا عشان انا مش ساحر يعني...

جاكي: لا بطيخ اي.. دا كتر خيرك كدا قوي.. ياسطا اقسم بالله انت واخد قلبي لحسابك اصلا..

جاك: عارف.. عدي بقاا الجمايل وشوفي عملتي معايا اي النهارده..

جاكي: لا ياقمر هو انا اقدر ازعلك!!.. دانت ف قلبي اقسم بالله..

جاك: يعني مش نسوانجي!

جاكي: قطع لسان اللي يقول عليك كدا.. انت محترم..

جاك: احييه..دانتوا ملكوش امان.. بشوية اكل وخليتك قولتي اللي انا عايزه..

جاكي: اممم.. البيتزا قمر قوووي...

جاك: اه انتي مش معايا اصلا..

جاكي: ماتيجي تاكل معايا ياسطا..

جاك: لا طبعا.. مقدرش الحاجات دي بالليل.. اياك انا طفس زيك...

جاكي: اممم.. اي الحلاوه دي ياسطوط... انا مكلتش اكل بالحلاوه دي من زمان.. ياسطا خد بوسه..

جاك: اي!

جاكي: اممم.. دانا هقعد اكل للصبح...

جاك: هو الاكل لحس دماغك!!.. انتي مش واعيه انتي بتقولي اي... طب خليكي مع الاكل وانا هروح انام.. تصبحي ع خير..

جاكي: شكرا ياسطوط ع الاكل والله الواحد مش عارف يودي جمايلك دي فين والله... هجيلك بكرا بقاا.. تصبح ع خير...

قفلت معاه وانا مش مصدقه... هو جابلي اكل بجد!!!.. ودلوقتي!!!... طب ليه!..

قعدت اكل وكنت هموت من الجوع فعلا والاكل تحفه.. خلصت وشلت الباقي ونمت...
____

صحيت تاني يوم ودماغي كانت هتتفرتك وعندي برد.. اتوضيت وصليت ونزلت اشوفهم بيهببوا اي تحت...
لقيتهم بيفطروا..
جاكي: صباح الخير..
الكل: صباح النور..
محمد: يلا عشان منتأخرش..
عماد: تتأخروا ع اي!
جاكي: وانت مالك!
محمد: جاكي!.. لا اصل احنا عندنا جامعه..

قعدت فطرت وبعدين طلعت البس..
نزلت لقيتهم قعدين بردو.. يخربيت كدا..

جاكي: يلا يامودي..
محمد: ها..
جاكي: اخلص عشان منتأخرش..

خرجنا بره عند العربيه..
محمد: انتي قولتيلي اي جوه!
جاكي: مودي... مش عايزني اقول كدا خلاص.
محمد: لا مش عايز اي... دانا ماصدقت.. طالع منك حلو اصلا.. بس هو اي اللبس دا..
جاكي: ماله!
محمد: هو حلو.. بس مبين حلاوتك زياده يعني..
جاكي: يلا يامحمد.. يلا يابابا..

ركبنا ورحنا الجامعه...
دخلت قعدت مكاني كالعاده وهاجر جت وقضينا اليوم مع بعض..
___

اسلام: اي يعم مختفي فين كدا!
محمد: موجود ياعم..
اسلام: صاحبتك شكلها اتجننت.. ماشيه تقول للكل انك بتحبها..
محمد: هي هبله!!.. هحبها ع اي دي!!.. هي مش عايزه تفهم بالزوق يعني!
اسلام: يابني البت هتموت ع كلمه منك والله..
محمد: ياعم مبحبهاش... هو بالعافيه!
اسلام: طب بقولك اي.. احنا رايحين نسهر بالليل.. ماتيجي..
محمد: هشوف...

منه جت...
منه: ازيك يامحمد..
محمد ببرود: كويس..
منه: امم.. طب ربنا يجعلك كويس ع طول.. مختفي فين كدا.. حتى مش بتخرج معانا..
محمد: مشاغل والله..
منه: هي مين البنت اللي انت بتجيبها معاك ف العربيه كل يوم دي!
محمد: بتسألي ليه!
منه: لا عادي.. اصل في بنات بتقول انها ممكن تكون خطيبتك.. عشان بتجيبها وتوديها..
محمد: اعتبريها كدا.. عن اذنك..

____

جاكي: هو ادم مجاش ولا اي!
هاجر: بقاله كام يوم مش بييجي..
جاكي: ليه!
هاجر: مش عارفه..

اليوم عدى وبعدين محمد جه خدني وطلعنا مع بعض..
____

نهى: مين دول ياعطيات!
هند: دول قرايب الاستاذ مصطفى.. جايين يتطمنوا عليه..
نهى: ااه.. طب كويس.. انا طالعه اوضتي..
نهى طلعت والبنات رجعوا...
مرات عمي: ازيكوا ياقمرات..
هند: بخير ياطنط...
شهد: هو انتوا كلكوا ف جامعه!
نور: ااه.. كلنا ف جامعه..
___

جاك: الزفت دا هيتفك امتى!
فيروز: يومين كدا.. بس الجرح لسه ملمش..
جاك: انا زهقت من القعده دي..
فيروز: هما يومين وهتفك الجبس وبعد كدا ابقى اتنطط براحتك..
جاك: طب هي جاكي مجتش!
فيروز: لا مش هتيجي النهارده!
جاك: ليه بقاا!
فيروز بصتله بخبث...
جاك: قصدي يعني.. انها قالتلي هاجي..
فيروز: لا مش هتيجي.. كفايه انا معاك اهو..
جاك بزهق: ماشي..
___

جاكي: يلا بقاا وديني عند جاك..
محمد: يادي جاك... وبالنسبه للناس اللي ف البيت..
جاكي: يعم زمانهم مشيوا وبعدين انا عايزه اروح لجاك عشان اغيرله ع الجرح..
محمد: روحي شوفي اللي ف البيت الاول وبعدين نروح بالليل..
جاكي: هتوديني ولا بتضحك عليا!
محمد: هوديكي.. هوديكي ياجاكي..

وصلنا ودخلت لقيتهم لسه موجودين..

مرات عمي: اي ياجاكي ياحبيبتي.. عامله اي!
جاكي: هو انتوا لسه هنا بتعملوا اي!
مرات عمي: امال هنروح فين!
جاكي: تروحوا فين اي!!.. هتروحوا..
مرات عمي: وهنسيب ابوكي ازاي!
جاكي: هو انتوا ناويين تقعدوا!!!
مرات عمي: لحد مانتطمن ع ابوكي بس..
جاكي: لا اتطمنوا.. هو كويس..
شهد: عايزانا نمشي يعني!
جاكي: عيب كدا ياجماعه.. هو مفيش دم خالص!!.. دا مش بيتنا..
محمد: جاكي.. عيب كدا.. خليهم براحتهم..
مرات عمي: والنبي انت عسل ومحترم يابني..
جاكي: اسكت يامحمد.. انت مش فاهم حاجه..
بقولك اي.. انتي تاخدي ولادك وتتكلي ع الله.. مفيش قعاد تاني هنا...
مرات عمي: وانتي مالك يابت انتي.. اذا كان صاحب البيت بيقول براحتهم.. انتي اي اللي مضايقك!.. وبعدين عشان نهتم بيه... انتي ف جامعتك ومش فاضيه..
جاكي: انا طالعه اوضتي.. دانتوا تكسفوا..

سيبتهم وطلعت.. فضلت ارن ع ادم عشان اتطمن عليه بس مردش...

الوقت عدى والليل جه ونزلت عشان اروح لجاك...
جاكي: يلا يامحمد..
نهى: رايحين فين!

محمد: هنخرج شويه.. في اعتراض!
نهى: انا هخرج معاكوا..
محمد: لا طبعا.. قصدي يعني احنا هنخرج لوحدنا.. ابقي اخرجي مع نور..
نهى: وانتوا رايحين فين كدا ومش عايزين تاخدوني..
جاكي: اصل في ناس صحابنا هيخرجوا معانا ومظنش ان هيبقى مناسب انك تيجي معانا...
نهى بشك: ااه.. طب ماشي.. بس متاخروش..
محمد: يلا ياجاكي...
____
وصلنا عند جاك وطلعت انا ومحمد...

فيروز: يعني جيتي!
جاكي: المفروض هغيرله ع الجرح النهارده..
فيروز: لا سيبيه دلوقتي.. دانا ماصدقته نام.. فضل صاحي طول الليل..
جاكي: ليه!
فيروز: رجله بتشد عليه مش عارفه ليه...
جاكي: خلاص انا هقعد لحد مايصحى وبعدين اغيرله...
فيروز: عامل اي يامحمد..
محمد: زهقت.. امتى هترجعوا بقاا.. نهى زهقتني ف عيشتي..
فيروز: معلش.. كلها كام يوم وهرجعلها انا...
محمد: طب انا نازل.. هقابل ناس صحابي وبعدين ابقى ارجع اخد جاكي..
جاكي: ماشي..

محمد نزل وانا فضلت قاعده وفيروز دخلت تصلي....
دخلت عنده لقيته لسه نايم... قعدت جنبه العب ف الفون وعدى الوقت وبردو لسه مصحيش..
كنت زهقانه ومش لاقيه حاجه اعملها...
كان معايا قلم ف الشنطه، طلعته وقربت من جاك بالراحه وقعدت اكتب ع الجبس....

___