كل عام وانتم طيبين وبخير بمناسبة شهر رمضان المبارك اعاده الله علينا وعليكم باليمن والبركات 🌙♥️.

Part 29: ♥👀

"ياناسيني، وانت ع بالي وخيالك مايفارق عيني"♥🕊

شوفت صورته روحت قعدت مكاني تاني بسرعه ودخلت ع بروفايله.. لقيت بوستات كتير قوووي.. قولت اقوم اغير هدومي واجي اقراها براحتي...
قومت غيرت ورجعت قعدت تاني بس الفون رن وكان نفس الرقم... رديت..
جاكي: انت مين!
ـ.......
جاكي: ماهو ياتقول مين يامترنش تاني..
ـ........
روحت قفلت ماهو مهزء اصلا...
فتحت بروفايله وقعدت..

كان حاطط صوره قمر قوي بس مبيضحكش فيها...
لقيت نفسي تلقائيا بحفظها ع الفون...

اخر بوست منزله كان من خمس ساعات.. كان مكتوب..

" حَسِبتُكِ عَوَض لِجَبر الخاطِر 🖤"

كان عنده متابعين كتير جدا والبوست عليه كمية كومنتس رهيبه.. فتحتها وقعدت اقرأها.. اللي كاتب "ازاي راجل اعمال زيك كدا ومشهور ومستني جبر من حد!"...
واللي كاتب" هو في حد يرفض القمر دا... يبني دانت مفيش منك اتنين"..
وحاجات كتير كدا ومعاكسات كتير.. بس مش رادد ع اي حد....
نزلت ع البوست اللي بعده..
" غيابِك طاااال"....
حسيت ان في حاجه غلط.. مش عارفه هو يقصد مين بدا.. طب هو كان بيحب حد يعني!..
قولت انزل اشوف اول بوست نزله خالص... فضلت اقلب كتير لحد ماوصلتله..
لقيته منزل صوره هو وبنت كدا اول مره اشوفها وهي حاضناه والاتنين بيضحكوا وشكلهم مبسوطين... كان كاتب ع الصوره
" سنين ومرت، زي الثواني، في حُبك انت"...

حسيت ان قلبي انقبض وبدا يدق جامد...
يعني هو بيحب دي..
اتصديت وقفلت وبعدين افتكرت اني اخدت الرقم من محمد فقولت ارن عليه....
___
فيروز: نادي جاكي يامحمد عشان تاكلوا..
محمد: لا احنا اكلنا بره..
فيروز: عشان كدا اخرتوا..
محمد: مانا قولتلك اني هحاول اخرجها..
فيروز: طب اطلع شوف نور عشان شكلها متضايقه من ساعة ما جاك مشي...
محمد: حاضر..
__
عمو احمد: تعالي ياهند واقفه عندك ليه..
هند: كنت عايزه اكلم حضرتك ف موضوع..
عمو احمد: اتكلمي..
هند: كان في واحد كدا عايز يقابل حضرتك..
عمو احمد: مين الواحد دا!
هند: دا زميلي ف الجامعه يابابا..
عمو احمد: قصدك ياسين!
هند باستغراب: هو حضرتك تعرفه!
عمو احمد بضحك: ايوا اعرفه..
هند: طب هو كلمك ف حاجه!
عمو احمد: ياسين بقاله سنه بيجيلي الشغل يوميا..
هند بصدمه: سنه!!
عمو احمد: ايوا يابنتي.. جالي الشغل ولما رفضت وقولتله انك لسه صغيره.. بقاا بيجيلي كل يوم عشان يأكد عليا ان محدش هياخدك غيره ياست..
هند: هو قالي انه هييجي بكرا..
عمو احمد: رن عليا وقالي انه هيجيب باباه وهييجي..
هند: كمان!
عمو احمد: انتي اي رايك!
هند بكسوف: مش عارفه.. الراي راي حضرتك..
عمو احمد: رأي حضرتي ازاي!.. هو انا اللي هتجوزه!.. الرأي رأيك انتي لوحدك.. لو انتي مش عايزه محدش يقدر يجبرك ابدا..
هند: لا لا عايزه..
عمو احمد بضحك: كداهوو.. طيب ياست لما ييجي هنشوف الدنيا فيها اي..
هند: بس انا دلوقتي لسه بدرس يابابا..
عمو احمد: هنشوف عايز يقول اي...
____
رنيت اول مره ومردش.. رنيت تاني واستنيت شويه...
جاك: الو..
اتوترت ومعرفتش ارد..
جاك: الو..
جاكي: احم الو..
جاك: نعم..
جاكي: انت عارف انا مين!
جاك: عارف!
جاكي: عرفت ازاي!
جاك: من صوتك..
جاكي: طب انا كنت عايزه اسالك ع حاجه...
جاك: اتفضلي..
جاكي: هو انت مشيت ليه!
جاك: هيفرق معاكي ف اي!
جاكي: عشان حاسه انك مشيت بسببي..
جاك: وانا همشي بسببك ليه!
جاكي: عشان اتكلمت معايا...
جاك: لا عادي.. انا اصلا مش فاكر انا قولت اي..
جاكي: وعشان كدا مشيت..
جاك: لا مش عشان كدا.. ومتشغليش بالك.
جاكي: لا ياجاك مشيت عشاني.. طب ارجع وانا اصلا ماشيه.. انا هاخد ابويا وهمشي بس انت ارجع بيتك..
جاك: اشششش.. خليكي معايا ثواني
سكت ومش فاهمه هو عايز اي... سمعته بيتكلم مع حد..

ـ اتفضل يافندم..
جاك: كله موجود!
ـ طبعا يافندم..
جاك: والتكيلا زي ماطلبت!
ـ اكيد يافندم..
جاك: طب اتفضل.. متشكر..

انا سمعت دا واتصدمت... تكيلا!!!!.. يعني جاك بيشرب خمره!!!!
جاك: الو..
جاكي: معاك..
جاك: بصي عشان انا مصدع.. انا ممشتش بسببك.. دا غير اني حر.. امشي اقعد دي حاجه ترجعلي..
جاكي: يعني مش بسببي!
جاك: لا
جاكي: طيب.. تمام..
جاك: حاجه تاني!
جاكي: لا
جاك: سلام..
قفل وانا قومت اتوضيت وصليت وطلعت البلاكونه... شغلت ام كلثوم وسرحت معاها...
وشويه وشوفت حد واقف بعيد.. بس مش باين من الضلمه..
واقف وحاطط ايده في جيبه ومبيتحركش وباصص ناحيتي..
عملت نفسي مش واخده بالي بس فضل كدا شويه وانا خوفت ودخلت...
بعدين محمد خبط...
جاكي: تعالى..
محمد: اتفضلي..كنت حاسس انك عايزه شاي..

جاكي: ميرسي كتييير.. تعالى اقعد.. دخل معايا البلاكونه وقعد..
محمد: هو انتي مبتذاكريش !
جاكي: لا مش بذاكر..
محمد: ازاي!
جاكي: انا لو فهمت الحاجه مره خلاص ع كدا بتفضل ف دماغي..
محمد: بس الكليه بتاعتك صعبه ومحتاجه مذاكره..
جاكي: لا انا بقرأ المنهج بس وبيفضل ف دماغي..
محمد: طب كويس والله.. يابختك بتفهمي ع طول ومش بتنسي.. مش حماره زيي.. لازم اقعد اقرأ السطر عشر مرات وف الاخر اقعد اغني....
جاكي بضحك: فاااشل..
محمد: ايون ايون انا عارف..
جاكي: لا بجد لازم تذاكر كويس عشان تطلع وتجيب مجموع كويس..
محمد: مبحبش اذاكر.. كنت بذاكر مع اصحابي ف الاول.. بس دلوقتي لا.. وانا مبعرفش اذاكر لوحدي..
جاكي: خلاص اذاكرلك انا..
محمد: دا بجد!
جاكي: ايوا..
محمد: وانتي هتفهمي ف منهجي ازاي!
جاكي: ملكش دعوه انت.. سيب الحوار دا عليا..
محمد: خلاص اشطا..
جاكي: صحيح بقولك..
محمد: قولي..
جاكي: هو جاك كان متجوز قبل كدا!
محمد: متجوز!!!.. مين قالك كدا
جاكي: لا محدش قالي انا بسال..
محمد: لا مكنش متجوز.. هو كان خاطب..
جاكي: خاطب!!!
محمد: ايوا..
جاكي: يعني بيحب!
محمد: دا كان عاشق
جاكي: للدرجادي!
محمد: واكتر
جاكي: امال فين البنت دي.. مشوفتهاش ليه!
محمد: دي حكايه طويله قوي..
جاكي: طب ماتحكيها...
محمد: تمام بصي ياستي...
جاك لما كان ف الجامعه كان حاجه كدا قمر قووي.. وكان شكليا احلى من دلوقتي بكتير جدا.. لدرجة انه كان كراش الجامعه كلها..
بس كان تقيل.. تقييل جدا.. مفيش حاجه بتلفت نظره بسهوله..
كنت بقوله ياعم انت اهبل.. انا لو مكانك كنت استغليت الفرصه.. هو في حد يسيب البنات دي كلها!.. وحقيقي بنات ميتسابوش فعلا...
بس هو كان بيقولي خدهم انت.. انا مليش ف السهوكه دي..
لحد ماظهرت اسيل...
هي الوحيده اللي قدرت تلفت نظره... كانت تقيله زيه كدا..
حبها جدا.. قعد تلات سنين يحبها ف صمت لحد ماعترفلها واكتشف انها كمان بتحبه..
ارتبطوا فتره يتعرفوا ع بعض شويه...
وبعدين عشقها.. خاصة انه كان مفتقد ان حد يحبه...
جه قال لبابا عشان يروح يتقدملها...
كانوا رافضين ف الاول عشان هو لسه طالب وكدا.. بس هو اصر...
المهم بابا وافق وراح معاه وقروا فاتحه مع ان اهلها مكانوش موافقين بس هي كمان اصرت..
فضلوا مع بعض حوالي سنه وبعدين عملوا خطوبه رسمي.. وحقيقي كان طاير بيها مش بس فرحان...
اول مره اشوف حد بيحب حد كدا.. حقيقي كان ممكن يديها عينيه لو طلبت..
جاكي بزعل: وليه متجوزوش!
بص قدامه وملامحه اتغيرت...
محمد: عشان...

لسه هيتكلم بس سمع عمي بينده فنزل بسرعه...
____
محمد: اي!
عمو احمد: تعالى معايا بسرعه..
محمد: في اي!
عمو احمد: تعالى وبعدين هقولك...
ركبوا العربيه ومشوا....
وانا قولت انزل اقعد ف الجنينه...
نزلت وحطيت الهاند فري وقعدت اتمشى..
وفجأه ظهر طيف قدامي... فضلت اقول مين محدش رد...
مشيت ورا الضل دا وفضلت الف كتير وراه ودخلت حته اول مره اشوفها.. كانت متداريه بين الشجر..
بصيت حواليا حسيت اني مش هعرف ارجع اصلا...
كملت ورا الطيف دا لحد مالقيت اثار دم......

يُتبَع.... 🕊
#قلبي_ليسَ_بيدي
🚶♥

تفاعل🖤🖇

Part 30: ♥👀

سنين ومرت، زي الثواني ف حُبك انت، وان كنت اقدر، احب تاني، هحبك انت 💔🚶

وقفت مكاني من الصدمه...
اي الدم دا... كان في اثار دم ناشف ع الارض.. رفعت وشي فلمحت طيف عدى بسرعه..
انا كنت خايفه بس ف نفس الوقت عندي فضول اعرف اي دا..
مشيت وراه بالراحه.. بصيت ع الحيطان لقيت كلام مكتوب بطريقه غريبه ودم ع كل الحيطان..
مشيت شويه لقيت مكتوب بالدم ع الحيطه
" حتى الفَناء "...
حطيت ايدي عليها وحسيت بانفاس حد واقف ورايا...
قلبي كان بيدق جامد...
_____
فيروز: هند محمد لسه مجاش!
هند: لسه..
فيروز: طب نادي عطيات وتعالي عشان اقولكوا ع اللي هنعمله بكرا..
هند: ليه هو بكرا في اي!
فيروز: جايلنا ضيوف...
هند: ضيوف مين!
فيروز: قرايبنا هيقعدوا عندنا يومين كدا..
هند: دا بجد!
فيروز: ايوا.. نادي سما ونور من فوق وانزلي..
هند: حاضر...
__
محمد: انت ازاي تعمل كدا ياحيوان انت..
ـ انا عبد المأمور ياباشاا.. جاك بيه هو اللي قالي اعمل كدا..
محمد: جاك!!.. وجاك هيعمل كدا ليه!
ـ معرفش يافندم.. هو اللي قالي كدا ومكنتش اقدر اقوله لا..
محمد: طب غور من وشي... وانا هتصرف..
__
لفيت وانا حاسه ان قلبي هيقف..
واول ماشوفته اتخضيت.. كان واقف ف الضلمه ووشه مش باين..
ـبغضب: بتعملي اي هنا!!
جاكي بخوف: انت مين!
طلع لقدام وقربلي وطلع جاك...
جاكي بصدمه: جاك!!!
جاك بغضب: مين سمحلك تدخلي هنا..
جاكي: انا شوفت طيف حد داخ....
لسه مكملتش كلامي ولقيته بيقرب مني وبيبصلي بنظرات حاده وملامحه كلها جد...
جاكي: اي..
مكنش بيرد وبيقرب مني وانا برجع لورا..
جاكي: جاك.. في اي..
خبطت ف الحيطه اللي ورايا وهو قرب جامد وحط ايده حواليا ع الحيطه..
جاكي: ابعد عني..
مشى ايده ع الكلام المكتوب وبص ع الحيطه...
جاك بشرود: دا مكان خاص... خاص جدا.. محدش بيدخل هنا.. مينفعش حد يعرف حاجه عن هنا..
جاكي: هو انت مش كنت مسافر!
كان باصص ع الكلام وشارد..
جاكي: جاك..
بصلي..
جاكي: مش كنت مسافر!
جاك: لا مسافرتش..
جاكي: ومرجعتش ليه!
جاك: رجعت..
كان قريب مني قوووي وانا قلبي بيدق جامد وهو عمال يعرق..
جاكي: طب.. ممكن تبعد..
بعد عني... وعطاني ضهره..
جاك: امشي..
كنت همشي بس مقدرتش اقاوم فضولي وكان عندي اسئله كتير...
جاكي: المكتوب دا لحبيبتك!
لف وبصلي جامد..
جاك: تعرفي حبيبتي منين!
جاكي: انا شوفت صورتها معاك...
جاك: شوفتيها فين!
جاكي: احم.. ع بروفايلك..
جاك: ودخلتي لي من الاول ع بروفايلي..
جاكي: مجاوبتش ع سؤالي
جاك: مش مضطر.. اتفضلي امشي..
جاكي: طب اي اثار الدم دي..
جاك بعصبيه: جااااكي امشيييي..
جاكي: هو حد اتقتل هنا!
جاك: اخرسييي بقااا
اتخضيت منه لانه زعق جامد وبصيت لقيته مسك دماغه وقعد يلف ف المكان وبيترعش..
جاكي بخوف: جاك.. جاك في اي..

قعد ع الارض وضم رجله وفضل ماسك دماغه وبيتنفس بصوت عالي وبسرعه وخايف..

قعدت قدامه..
جاكي: جاك.. جاك في اي طيب..
كان دافن دماغه بين رجله وبيترعش جامد...
رفعت وشه ولقيته كله عرق..

جاكي: اهدى اهدى.. مفيش حاجه... طب قولي مالك
جاك: زعلت مني..
رد وهو بيترعش وصوته كله خوف..
جاكي: مين اللي زعلت منك!
جاك: هي.. زعلت مني..
جاكي: لا مزعلتش منك.. هترجعلك خلاص اهدى.. مش محتاجه كل دا..
رفع وشه وبصلي ودموعه نزلت..
جاك: هترجعلي!
جاكي: ايوا.. اكيد مش هتسيبك كدا..

بصلي بنظرات يأس..
جاك: ماتت..
حطيت ايدي ع بوقي من الصدمه...
وهو رجع خبى وشه تاني..

جاكي: انا اسفه طيب.. مكنتش اقصد.. انا...
اتكلم وهو مازال ف الحاله دي..
جاك: قتلها.. قتلهااااا.. قتلهااا الحيواااان..
جاكي: جاك اهدى.. مين اللي قتلها..

سابني وقام وواضح انه مكنش ف وعيه وكان مُغَيب تماما...
مشي وقرب من الحيطه وفضل يضرب دماغه فيها...
جريت عليه..
جاكي: جاك اي اللي بتعمله دا... بس دماغك اتفتحت..
جاااااك..
زقني بعيد اتخبطت ف القزاز وايدي اتعورت..
قومت تاني لقيته مسك سكينه وباصص لإيده...
جاكي: جاك لا... جاااك ارجوك ارميها..

بصلي وعنيه عماله تتملي دموع...
جاكي: اهدى.. كل حاجه هتبقى كويسه..
جاك بخفوت: سابتني ومشت...
جاكي: معلش.. استحمل.. بس ارمي دا من ايدك ارجوك.. هتعور نفسك..
جاك: طب انا مموتش معاها ليه!
جاكي: بعد الشر... عشان مكتوبلك تعيش.. اديني السكين بقاا..
جاك: بس انا مش عايز اعيش.. انا عايزها هي..
جاكي: هي ف مكان احسن دلوقتي.. هي مستنياك اكيد..
جاك: هروحلها..
جاكي: جاااك.. ارمي السكين دا..

رفع السكين وبص ع ايده وقرب السكين منها...

____
فيروز: فهمتوا!
نور: ايوا احنا مالنا يعني.. ماحنا كدا كدا عندنا جامعه ومش هنبقى هنا..
فيروز: لا ياختي مفيش جامعه.. هتغيبوا بكرا..
نور: بس انا عايزه اروح..
فيروز: لا يانور مش هتروحي.. عيب هما جايين يقعدوا معانا..
هند: خلاص يانور دا يوم.. من امتى وانتي بتحبي الجامعه يعني..
سما: هي جاكي فين!
فيروز: طلعت اوضتها.. ممكن تكون نامت..
محمد وعمي رجعوا وكان شكلهم متضايقين..
فيروز: خير في اي!
محمد بعصبيه: ابقي اسالي جاك..
فيروز: جاك.. وجاك ماله
عمو احمد: انا مش فاهم.. ازاي جاك يعمل كدا!
محمد: معرفش بقاا.. ابقوا رنوا واسالوه... انا طالع اوضتي..
فيروز: بس لو تقولي اي اللي حصل..
عمو احمد: اللي حصل ان جاك باع اسهم الشركه بالخساره... دا غير انه رفض يتعامل مع اهم ناس ف البلد معرفش ليه!
فيروز: اكيد ليه اسبابه...
عمو احمد: مانتي مش متخيله اي اللي هيحصل بعد اللي عمله دا..
وسابها ومشي هو كمان...
___
جاكي: جاك هات السكين.. عشان خاطري سيبه..
رمى السكين بقوه ف الحيطه واتكلم بصوت عالي..
جاك: اناااا تعبان اناااا.. محدش حاسس بيا.. انا عايزها هي.. انتي لي مش عايزه تفهمي.. انا مليش حد هنااا..

كان بياخد نفسه بصعوبه ومازال بيعرق..
قعد ع الارض تاني ومسك راسه..
روحت قعدت جنبه..
جاكي: جاك!.. ممكن تهدى.. كل حاجه هتتحل..
هز راسه بمعنى لا
جاكي: كل حاجه هتبقى كويسه والله..

رفع راسه وبصلي وفجأه تنح..
جاكي: في اي..
بصيت لقيته قام وقف ومشي خطوتين..
جاك: اسيل انتي جيتي!
وحشتيني..

قومت بصيت ملقتش حد.. كان واقف والحيطه قدامه..

جاك: مش قولتي المره اللي فاتت انك مش هتمشي!
مشيتي ليه انا فضلت مستنيكي ومنمتش.. بس مش مشكله المهم انك جيتي تاني..
اختفيتي فين.. وحشتيني قووي.. هو انا موحشتكيش طيب!.. احنا كنا هنتجوز ياروحي.. وكنتي هتبقي مراتي ومحدش هيقدر يكلمك... انا.. انا جهزت كل حاجه..
دانا حتى نقيت اسامي ولادنا... مش كان نفسك تجيبي مني بنوته!.. طب.. م مش انتي قولتي مش هسيبك ابدا..
وقولتي انك متقدريش تمشي وتسيبيني لوحدي..
اديني لوحدي اهوو..
طب خلاص.. مش هعاتبك.. بس.. بس تعالي.. انا هستناكي.. اهو هقعد اهو وهستناكي متأخريش.. ماشي!...تعالي عشان انا خايف.. خايف ومستنيكي تيجي تحضنيني عشان انام...
ع عارفه.. مش انتي ك كان نفسك ف بيت معزول قدام البحر!.. ونقعد فيه انا وانتي بس...
جبته.. والله جبته وزي مانتي كنتي عايزه بالظبط... وكمان بالالوان اللي بتحبيها... وجبت موتوسيكل كمان عشان انتي مبتحبيش العربيات...
ان انا مستنيكي اهو والله.. بس متأخريش.. هعمل الاكل اللي بتحبيه كله ومش هقولك اعملي حاجه.. ومش هتخانق فيكي تاني والله.. وهمسك نفسي.. و ومش هتعصب تاني..
بس ارجعي... ارجعي بالله عليكي كفايه كدا.. انا بمووووت...

كان منهار من العياط وواضح فعلا انه بيكلم حد... وانا كنت واقفه اعيط ومش مصدقه اللي انا شايفاه...
هو ازاي بيحبها كل الحب دا.. وازاي حد بالقوه اللي باينه للناس دي ويبقى بالمنظر دا!!...

جاك: اسيل!.. اسيل انتي مشيتي تاني!!!... حرام عليكي بقااا.. انا عملتلك اي عشان كل دا... بالله عليكي ياشيخه تعالي..

روحت قعد جنبه ومسكت ايده لقيتها تلج...
بصلي وعيط..

جاك: مشت تاني...
جاكي بعياط: خلاص..
بصيت لقيته حضني جامد وفضل يعيط وجسمه كله بيتنفض...
جاك بانهيار: انا عايزها... قوليلها انتي طيب.. قوليلها جاك بيحبك.. قوليلها هعمل كل حاجه هي بتحبها... قوليلها هيوديكي تركيا زي ماكنتي عايزه...
والنبي قوليلها تسامحني...

جاكي: اهدي خلاص.. خلاص..
فضلت حاضناه معرفش قد اي.. بس هو مكنش حاسس بحاجه...
فضلنا كدا شويه وانا بطبطب ع جسمه وهو بيتنفض...

جاك: جاكي!
جاكي: اي..
جاك: متسبنيش.. خليكي معايا.. انا خايف..
جاكي: متخفش.. انا معاك.. خلاص..
سكت شويه وبعدين اتكلم وهو ف حضني...
جاك بخفوت: قتلها..
جاكي: هو مين!..
جاك بشرود: عمر.. قتلها عشان محبتوش.. عشان حبتني اناا... ك كانت جايه تقابلني عشان ننقي فستان الفرح مع بعض... جبنا الفستان وانا جبت البدله وجهزنا كل حاجه وكنا مروحين مبسوطين وبنضحك...
كنا هنركب العربيه وفجأه ناس طلعوا علينا...

فلاش باااااك....

جاك: انا مبسوط قووووي.. امتى والفرح ييجي بقاا..
اسيل: اخيرا شوفتك واقع.. امال كنت عامل نفسك تقيل ومفيش منك اتنين ليه!
جاك: انتي اللي مفيش منك اتنين والله..
اسيل: ياختي قمر... يلا بقاا عشان نلحق نروح..
طلعوا بالعربيه وف نص الطريق ف مكان مقطوع..
عربيه وقفت قدامهم.. فنزلوا..
نزل شوية رجاله كتار ومسكوه ومعرفش يتحرك منهم
وهي عمر مسكها وقعدها قدامه.. وطلع سكينه..

جاك: عمر لا... لا ياعمر..
عمر: مش دا اللي انتي اختارتيه.. وحياة امك لاندمه انك ظهرتي ف حياته.. واعيشه باقي عمره موجوع...

اسيل: ابعد عني... سيبني بقولك..
جاك: عمررر.. هعمل اللي انت عايزه بس سيبها...
عمو حط السكينه ع رقبتها...
جاك: عمررررر... لا ارجووك.. ارجووك لا.. انا هعمل اللي انت عايزه.. عمررررر
_
بااااااك...

جاك بانهيار: اغتصبها.. اغتصبها قدامي وبعدين دبحها... دبحهااا... دبحها قدامي ومعرفتش اعمل حاجه ياجاكي... كانت بتستنجد بيا وانا بتفرج... انا غبي..
رماها وجه وفضل يضرب فيا وسابنا ف الطريق ومشي..

كنت بعيط بصوت ومش قادره اسيطر ع نفسي وهو منهار تماما...
ازاي حد يجيله قلب يعمل كدا... اي الجبروت دا...

جاكي: ربنا هيجيبلك حقك..
جاك: خدته بنفسي..

فلاش باااااك
عمر كان مع صحابه ف ديسكو بالليل... جاك دخل ومكنش شايف قدامه حد وبيدور عليه.. عمر شافه وطلع يجري وجاك جري وراه... فضلوا يجروا كتير لحد ماوصلوا مكان مفهوش حد وعمر وقع...
عمر: انت عايز اي!
جاك: روحك..
عمر: ههه.. وبكدا هترجعلك مثلا.. خلاص انسى.. هي ماتت.. ماتت
جاك مسكه من رقبته وفضل يضرب فيه لحد ماوشه كله جاب دم...
عمر: اضرب زي مانت عايز.. انا كدا مرتاح وانت موجوع كدا وهتفضل كدا طول عمرك... ومش عايز حاجه تاني..
جاك سابه وقام طلع المسدس...
عمر: جاك لا.. جاك..
__
بااااك...
ضربته بكل الرصاص اللي كان ف المسدس.. وبردو مرتاحتش... ولعت فيه.. وبعدين اكتشفت انه ارتاح.. وقلبي انا اللي لسه قايد لحد دلوقتي..
عمرها ماهتسامحني..

كنت بحاول امسك نفسي عشان اهديه...
جاكي: ممكن تهدى طيب.. كدا هتتعب..
مردش..
جاكي: جااك.. جاك..
لقيته مبيردش ووشه كله مليان دم ...

يُتبَع.. 🕊

#قلبي_ليسَ_بيدي♥🚶


♥🕊

Part 31: 🕊️♥️

"يا ملاذي وقت ماغابِت كُل البيوت"♥🥀

جاكي بخوف: جاك.. جاك فوق..
كان مغمى عليه وانا مش عارفه اعمل اي.. فضلت الف ف المكان دا ولقيت مايه فاخدتها ورشيت ع وشه ولسه مفاقش...
جاكي: جاك.. جاك فوق بالله عليك.. جااك
فضلت ادوس ع قلبه يمكن يفوق وبردو مفيش فايده...
حاولت اطلع من المكان دا بس معرفتش ورجعت تاني...
مكنش قدامي غير اني اعمله تنفس صناعي...
جاكي: لا اكيد مش هعمل كدا... جاك فوق بالله عليك... جاك... طب هعمل اي انا دلوقتي..
حاولت اقرب منه واعمله التنفس بس كنت برجع تاني..
اخدت نفسي واتشجعت وعملت كدا وانا قلبي هيطلع من مكانه...
اول مره مفاقش.. كملت تاني وبعدين فتح عنيه🙂...
____
محمد ف اوضته عمال يفكر ف حوار الشغل والبنات ف اوضهم وعمو احمد ف اوضته...
نهى كانت معديه من قدام اوضتي راحت خبطت ع الباب.. محدش فتح.. راحت فتحت ودخلت ملقتنيش...
نزلت لفيروز..
نهى: فيروز!
فيروز: نعم!
نهى: امال چاگي فين!
فيروز: بتسألي عليها ليه!
نهى: عادي اصلي دخلت اوضتها ومكانتش هناك..
فيروز: مش هناك ازاي.. يمكن ف الحمام..
نهى: دخلت وملقتش حد..
فيروز: طيب انا هشوفها..
فيروز طلعت ودورت ف الاوضه كلها وملقتش حد..
فيروز: وياترى روحتي فين انتي كمان!
دخلت اوضة بابا عشان تشوفني يمكن قاعده معاه.. ملقتش حد بردو.. راحت للبنات وبردو كانوا لوحدهم..
فيروز: لا كدا في حاجه...
______
اول ماصحي بعدت عنه بسرعه.. وهو قام ع طول..
جاك: انتي بتعملي اي!
جاكي: ك.. كنت بفوقك.. عشان اغمى عليك..
مسك دماغه جامد وكان واضح انها وجعاه...
چاگ: هو انا اغمى عليا من بدري!
چاگي: يعني..
قام غسل وشه من الدم ودماغه كانت مفتوحه جامد..
چاگي: مينفعش كدا.. دي لازم تتخيط..
مردش عليا...
جاكي: بقولك لازم تتخيط..
چاگ: مش عايز ياست..
جاكي: مينفعش.. كدا هتفضل تنزف..
جاك: جاكي اطلعي بره..
جاكي: مش هطلع غير لما تيجي معايا عشان اخيطلك دماغك.. بلاش عناد بقاا يلا..
طلع وانا طلعت وراه ولفينا كتير ومكنتش متخيله اني لفيت كل دا لوحدي...
اول مادخلنا من باب البيت فيروز ونهى جم يجروا..
فيروز: جاك!!
راحت حضنته جامد..
فيروز: اي يابني انت مش كنت مسافر!.. وبعدين اي الدم دا!!
نهى: اي الدم دا!
بصلي ومكنتش عارفه المفروض نقول اي..
جاكي: عمل حادثه..
فيروز بخوف: حادثة اي.. تعالى اقعد..
جاك: انا كويس يافيروز.. متقلقيش..
نهى: حادثة اي اللي عملتها.. انت مش المفروض سافرت اصلا..
جاك بصلها ومردش..
فيروز: طب خليك اما الفلك دماغك..
جاكي: لا يافيروز دي لازم تتخيط الاول..
فيروز: طب انا هرن ع الدكتور..
جاكي: لا انا بعرف..
فيروز: والنبي!.. طب يلا يابنتي بسرعه..
طلعت جبت الحاجات ونزلت قعدت جنبه..
جاكي: بس مفيش بنج..
جاك: اشتغلي واخلصي..
بدات اخيط وكنت عارفه انها هتوجعه جامد... بس متأثرش.. ولا كإني بعمله مساج.. ولا رمش حتى..
كنت مستغربه جدا.. هو دا طبيعي!..
قولت اتقل ايدي شويه عشان اعرف هو بني ادم زينا ولا لا..
فحاولت اوجعه بس بردو متهزش.. بس بصلي بصه اللي هو اتلمي بدل ماطلع روحك...
خيطت دماغه وخلصت ولفيتها...
جاكي: خلصت..
نهى: فهمني بقاا يااستاذ..
جاك ببرود: فيروز انا طالع انام..
فيروز: اجيبلك تاكل ياحبيبي!
جاك: لا مش جعان.. راح باس ايدها..
الصراحه عجبني التصرف بس بصيت ع مامته لقيتها اتعصبت واتضايقت...
فيروز: وانتي يابت انتي كنتي فين وقعتي قلبي عليكي..
جاكي: كنت بره ف الجنينه بتمشى..
نهى بخبث: امال عرفتي منين انه عمل حادثه..
جاكي: هاا.. لا مانا سالته لما لقيته داخل كدا وهو قالي..
يلا يافيروز انا طالعه اشوف بابا وانام..
طلعت روحت اوضة بابا وكان نايم.. بوسته وروحت اوضتي..

اي دا احيه... انا قربتله بجد!!!!... نهار طين عليا... طب هو فكر ف اي دلوقتي!!..
بس قلبي كان واجعني قوي عليه.. فتحت موبايلي ودخلت ع بروفايله تاني وكان حاطط لينك صراحه فقولت ادخل اقوله حاجه يمكن تهون...

مكنتش عارفه اكتب اي وقعدت افكر لحد ماكتبت..
" ان الله لا يُعطي اصعب معاركه إلا لِأقوى جنوده♥"

بعتها وقومت اتوضيت وصليت ودعيتله كتير وبعدين نمت....
___
جاك دخل اوضته وغير هدومه ومسك صورتها وقعد يتفرج عليها ودموعه نزلت...
حضنها ونام....
____
تاني يوم...

صحيت لقيت الساعه ٧... قومت اتوضيت وصليت ونزلت...
جاكي: صباح الخير..
فيروز: صباح النور..
جاكي: امال فين البنات..
فيروز: لا البنات مش هيروحوا النهارده..
جاكي: ليه!
فيروز: عشان جايلنا ضيوف وهيساعدوني ف المطبخ..
جاكي: خلاص مش اروح انا كمان وهقعد اساعدك..
فيروز: لا يابنتي ملوش داعي..
جاكي: لا لا مش لازم اروح.. وكدا كدا ادم بيحضرلي المحاضرات لما بغيب ربنا يخليه ليا يعني..

ـ "بصوت خافت" صباح الخير..
بصيت لقيته جاك...
جاكي: صباح النور..
فيروز: صاحي ليه ياحبيبي بدري كدا!
جاك بتعب: مصدع.. ممكن تعمليلي قهوه..
فيروز: لا انت تفطر الاول وبعدين القهوه..
جاك: لا معلش يافيروز.. اعمليلي قهوه بس..
فيروز: حاضر..
جاكي: عامل اي دلوقتي!
بصلي شويه كدا...
جاك: كويس... كويس قووي..
وسابني وطلع..
انا معرفتش هو في اي.. ولا هو زعلان مني ولا لا..

فيروز: ربنا يعينك يابني..
جاكي: هو ليه لوحده كدا..
فيروز: هو حابب كدا..
جاكي: ازاي..
فيروز: يعني هو بيحب العزله.. مبيحبش يبقى وسط الناس..
بيحب يعيش ف عالمه الحزين دا لوحده..
جاكي: طب ليه مامته سايباه كدا.. المفروض تقرب منه وتخفف عنه شويه..

فيروز: واضح انك عارفه هو مر بإيه..

جاكي: ها.. لا هو حكالي من غير مايقصد كام حاجه كدا..

فيروز: مهما عرفتي.. هتفضلي متعرفيش عنه حاجه...
جاك انا اللي مربياه من وهو صغير.. ومع ذلك بكل المعلومات اللي اعرفها دي، معرفش عنه حاجه.. جاك دا بير اسرار.. عنده حاجات محدش يعلم عنها شئ..
عارفه لما البير يكون مليان لاخره وفي مايه تتكب بره!..

جاكي: اه

فيروز: هو كدا.. لو حكى حاجه، بيكون فايض بيه ومقدرش يكتم اكتر من كدا.. بس هيفضل كل اللي حكاه، هما شوية المايه اللي وقعوا من البير دول.. غير كدا بيفضل كاتم...

جاكي: طب ماهو دا غلط.. دا هيخلي حالته النفسيه مش كويسه وهيكتئب وممكن يتعب كمان..

فيروز: ومين قالك ان كل دا محصلش.. هو عنده حاله نفسيه واكتئاب ووسواس قهري كمان...
بس ياحبة قلبي مستحمل وكاتم جواه.. ولو روحتى تتكلمي معاه مش هتعرفي توصلي لحاجه...
هو بيتكلم لما يكون ليه مزاج بس..

جاكي: ربنا يعينه...
فيروز خلصت القهوه وكانت لسه طالعاله..
جاكي: طب عنك هاتي انا اطلعها..
خدت منها القهوه وطلعت واول ماوصلت عند اوضته لقيته عاطيني ضهره وقالع التيشرت... لفيت وشي بسرعه وطلعت صوت وهو بص وراه..
جاكي: انا اسفه.. ا الباب كان مفتوح..
جاك: لفي..
جاكي: اي!
جاك: اخلصي..
لفيت لقيته واقف ولابس التيشرت..
جاكي: احم.. مش قصدي الباب كان مفتوح ومعرفش انك واقف ه...
جاك: اشش. كلامك كتير ليه!... ادخلي..
دخلت عطيته القهوه وجيت طالعه...
جاك: استني..
جاكي: اي..عايز تسال اي اللي حصل امبارح!
جاك: بصراحه اه.. انا مش فاكر معظم اللي حصل..
جاكي: هو انت بتنسى ليه!..
جاك: معرفش.. قولي اي اللي حصل..
جاكي: اتكلمت..
جاك: اللهم الصبر... مانا عارف اني اتكلمت.. اتكلمت قولت اي يعني..
جاكي: انت بتزعقلي لي ياض انت..
جاك: ياض!!!
جاكي: اي انت مش واد ولا اي!
بصيت لقيته قفل الباب قوي...
جاك: تحبي اوريكي واد ولا مش واد!
جاكي: اقسم بالله العظيم لو قربتلي لافتح دماغك اكتر ماهي مفتوحه.. انت فاهم!

جه وقف قدامي..
جاك: افتحي.. يلا..
جاكي: افتح اي!
جاك بضحك: دماغي.. هتفتحي اي يعني..
جاكي: طب ممكن تبعد..
جاك: تؤتؤ.. مش هبعد..
قرب اكتر..
جاكي: ع فكره انا بعرف اضرب كمان..
جاك: اضربي.. ايدي ورايا اهي.. وريني يلا..
كنت لسه هزوقه بعيد بس معرفتش.. اي دا.. دا ثابت ف الارض.. هو انا اللي ضعيفه ولا هو اللي قوي زياده!
فضلت ازق فيه وبردو متحركش..

جاكي: انت بتاكل اي ياسطا!
جاك: انتي اللي مبتاكليش..
جاكي: طب اوعى بقاا خليني امشي..
جاك: مش هوعى..
جاكي: اي اللي مش هوعى.. ابعد يعم كدا عايزه امشي..
ايوا يعني انت عايز اي دلوقتي..
جاك: مش عايز حاجه.. كنت حابب تفضلي هنا شويه بس...

مشي بعيد ومسك ورق ف ايده وقال...
جاك: تقدري تمشي..

استغربت.. يعني اي عايزني افضل هنا شويه!..

جاكي: وعايزني افضل هنا ليه!
جاك: مش مسموح بالاسئله..
كلمني وهو باصص ف الورق..
جاكي: بس انا هسال.. اي هتمنعني!
جاك: امشي ياجاكي..
جاكي: طب قولي ليه!
جاك: مش هقول..
جاكي: ماعنك ماقولت.. انا غلطانه اني طلعتلك اصلا..
جاك: استني..
جاكي: نعم!
جاك: اتفضلي..
جاكي: اي دا!
جاك: السلسله بتاعتك.. وقعت منك هنا..
جاكي: اي دا احيه... ازاي مخدتش بالي..
جاك: اطلعي بره..
جاكي: هو انت اهبل!
جاك: انا اي!
جاكي: ولا حاجه..
سيبته وطلعت اجري...
نزلت ساعدت فيروز ف المطبخ انا والبنات.. لحد ماالضيوف وصلوا...

فيروز: اهلا اهلا.. اخيرا وصلتوا..
قعدوا يسلموا ع بعض بس محمد وجاك كانوا فوق...

ـ امال مين القمر دي!

فيروز: دي قريبتي جاكي.. تعالي ياجاكي سلمي...
سلمت عليهم ورجعت وقفت مكاني تاني..

فيروز دخلت معاهم وعمي رجع ودخل عندهم...
جاكي: بت يانور..
نور: اي..
جاكي: مين دول..
نور: اللي هناك دي عمتى والتانيه دي خالتي ودا ابن عمتى ودا ابن خالتي ودي بنت عمتي ودي بنت خالتي..

جاكي: انتي هتغني!.. اي دا...
نور: بس اي رايك ف القمامير دول...
جاكي: لا عاديين ع فكره..
نور: ياشيخه صلي ع النبي.. مش شايفه محمود دا حلو ازاي..
جاكي: محمد وجاك احلى منهم بكتير..
نور بخبث: ايون ايون.. اي نظامك انت.
جاكي: اتلمي يابت انتي.. وبعدين صح هما منزلوش ليه..
نور: مش عارفه.. طب بصي روحي اطلعي ناديهم وانا هروح احط الاكل..
جاكي: استني ان...
لسه مكملتش كلامي وسابتني ومشت المهزءه...

طلعت خبطت ع محمد..
محمد: اي دا.. القمر بنفسه هنا..
جاكي: والله يابني مش عارفه هتفضل تتغزل فيا لحد امتى..
محمد: لاخر الدنيا.. وبعدين هو في حد يشوف القمر دا وميتغزلش فيه!..
ـ في..
بصينا لقيناه جاك..
محمد: دا عشان انت مبتحسش.. مفيش حد يقدر يقاوم الجمال دا الا اذا كان معقد زيك.. وبعدين اي دا.. انت مش كنت مسافر!!..
جاك:اولا انت ماڤور قوووي معاها.. ثانيا لا مسافرتش.. ابقا اقولك بعدين..
محمد: ومأڤور ليه بقاا!
جاك: عشان هي عاديه يعني..
محمد: ملكش دعوه انت.. انت مبتشوفش اصلا..
جاكي: ربنا يخليك يابروو وتدافع عني ع طول..
جاك: هه.. ربنا يخليكوا لبعض ياختي.. وبطلوا سهوكه بقاا جاتكوا القرف..
سابنا ونزل..
جاكي: الواد دا اهبل..
محمد: معلوم.. بس انت قمر كدا ليه!
جاكي: يعم خلاص بقاا.. يلا انزل عشان في ضيوف تحت..
محمد: ضيوف مين!
جاكي: قرايبكوا..
محمد: احيييييه...
جاكي: ايه!
محمد: داحنا هنشوف ايام عسل... يلا قدامي..
نزلنا وهما دخلوا يسلموا...
طنط: ازيك يامحمد عامل اي..
محمد: الحمد لله ياعمتي كويس..
طنط: سلمى اهي سلم عليها..
محمد: ازيك ياسلمى..
سلمي بدلع: كويسه.. وانت
محمد بقرف.. تمام..
طنط2: والله وكبرت ياجاك.. اي الحلاوه دي..
جاك: متشكر..
طنط: لا جاك قمر من يومه ياختي..
طنط: انتي هتقوليلي.. مانا عارفه.. يابخت اللي هتاخد القمر بتاعنا..
طنط: لا انا اللي هاخده...
فيروز: لا ياختي انتي ماصدقتي ولا اي... دا حبيبي انا..
جاك: ايوا انا حبيبها هي فعلا..
طنط: لا بجد بقاا.. مش ناوي تتجوز انت والواد دا..
محمد: لا فكك مني.. انا لسه صغير...
جاك بصلي وسكت..
جاك: لا انا مليش ف الحوار دا..
طنط: الله.. امال مين اللي هيفرحنا..
جاك: محمود وحازم اهم..
طنط: لا محمود مغلبني ومش راضي..
محمود بصلي بسرعه واتكلم..
محمود: لا انا بدات افكر..
جاك خد باله..
جاك: لا متفكرش... خليك كدا احسن..
محمود: لا يعم هو الجواز حلو وكل حاجه.. بس مكنتش لاقي واحده حلوه..
بصلي واتكلم... بس دلوقتي اظن هفكر...
طنط: ياريت يابني والله..
عمو احمد: طب يلا ع الاكل الاول وبعدين ابقوا اتكلموا...
راحوا عشان ياكلوا وانا كنت لسه طالعه فوق...
جاك: استني..
جاكي: اي..
جاك: رايحه فين!
جاكي: هطلع فوق..
جاك: مش هتاكلي!
جاكي: لا مش عايزه..
جاك: مكسوفه يعني..
جاكي: لا بس ا...
جاك: تعالي..
مسك ايدي وطلعنا... وقعدني جنبه..
طنط: وانتي تقربي لفيروز اي ياقمر!
بصيت لفيروز بسرعه ومعرفتش ارد..
فيروز: من العيله كدا... قاعده معانا شويه عشان باباها تعبان شويه وبيتعالج هنا..
طنط: الف سلامه ليه ماله..
فيروز: مش وقته بقاا يلا كلي..
بدانا ناكل وانا طبعا باصه ف طبقي طول الوقت.. وعيني لمحت ايد جاك اللي ع رجله.. كانت بتترعش شويه وهو عمال يقفل ويفتح فيها...

كملت اكل ولمحت محمود دا بيبصلي قووي..
رجعت بصيت ف طبقي تاني...
راح جاك ميل عليا..
جاك: انا بقول تطلعي احسن..
جاكي: اشمعنى..
جاك: عشان في حيوانات اليفه هنا...
ضحكت بصوت.. والكل بصلي..
احييييه.. ياخي منك لله..
جاك بصوت عالي: بتضحكي ع اي..
جاكي: لا افتكرت حاجه كدا..
ماشي ياوجه المعزه انت لما نبقاا لوحدنا بس...
ابتسم وكمل اكل...
خلصنا وانا دخلت المطبخ مع البنات..
نور: خدتوا بالكوا يابنات..
هند: من اي..
نور بخبث: محمود..
هند: ااه.. خدت بالي..
جاكي: مش عارفه لي حاسه انكوا عليا..
نور: طب ف ذمتك مشوفتيهوش كان بيبصلك ازاي..
جاكي: وانا مالي.. وبعدين اي الرخامه دي.. دانا مقبلتوش نهائي..
نور: لا والله دا عسول خالص...
جاكي: خديه انتي ياختي..
خلصنا وانا طلعت اوضتي... فضلت فوق وقت طويل.. مش عارفه انزل ولا اعمل حاجه..
___
الشباب كانوا قاعدين مع بعض...
محمود: الا بالحق.. مين القمر دي ياض يامحمد..
محمد: اتلم ياحلو وخليك ف نفسك..
محمود: يابا البت عسل قووي.. ولا اي العيون دي.. دي سلمت عليا وانا يادوب لمحت عنيها وخطفت قلبي.. اي الجمال دا..
جاك: ماخلاص... بطل محن..
محمود: مش محن ياعم.. انا اصلا بفكر..
جاك: قولتلك متفكرش..
محمود: ليه.. البت حلوه وعجبتني..
جاك بحده: اممم.. اولا مسمهاش بت... هي مش شغاله عند اهلك.. ثانيا سيب دي بالذات ف حالها.. هي مش فاضيه لاي حاجه...

محمود: وانت مالك اتضايقت ليه..
جاك: لا انا بعرفك بس..
محمد:معاه حق.. فكك منها..
محمود: انتوا عايزين تكرهوني ف الجواز يعني!.. ماشي ياعم..
قعدوا يتكلموا ويهزروا وجاك باصصلهم بقرف...
_
جاكي: لا مبدهاش بقاا انا هنزل..
خدت فوني والهاند فري ونزلت..
لقيت فيروز والستات دول قاعدين مع بعض اكيد بينموا ع حد....
بعدين لقيت الشباب قاعدين مع بعض ف الاوضه..
طلعت اتمشى ف الجنينه...
حطيت الهاند فري كالعاده وحطيت ايدي ف جيبي وسرحت مع نفسي...
فجأه لقيت حد حط ايده ع كتفي.. لفيت بسرعه لقيته محمود...
جاكي: اي دا في اي!
محمود: بقولك اي..
لقيته بيقربلي جامد ونظراته وسخه..
جاكي: ابعد عني يابتاع انت..
محمود: هو انتي حلوه كدا ليه..
جاكي: لو ممشتش هصوت والم عليك الناس...
بصيت لقيته حط ايده ف وسطي.. روحت ضربته بالقلم..
جاكي: ابعد يامتخلف انت..
فجأه لقيت حد جه من وراه وفضل يضربه...
بصيت لقيته جاك...
جاك: اظن انا كنت واضح ف كلامي... وانت مسمعتش الكلام..
كمل ضرب فيه وانا وقفت بعيد اعيط...
محمود: ابعد ياعم.. انا مجتش جنبها.. هي اللي شاورتلي وهي طالعه عشان اطلع وراها...
جاكي: أخرس ياحيوان.. اياك انا زيك..
جاك: انت مش لاقي غير دي وهتتبلى عليها ياروح امك!...
جاك ضربه جامد ووشه اتشحور حقيقي..
جاك بغضب: اسمع يلااا.. انت عارفني كويس.. لو فكرت تقربلها تاني اقسملك هخلي امك اللي قاعده جوه دي تتحسر عليك.. انت فاهم!..
محمود سابه ومشي.. وجاك بص لقاني واقفه بعيط.. فقرب مني...
جاك: عملك حاجه!
جاكي:.....
جاك: جاكي قربلك!!!
جاكي: لا.. حط ايده عليا..
جاك: تمام.. انا كسرتهاله اساسا..
طب ممكن تبطلي عياط..
جاكي: انا همشي..
جاك: استني.. تمشي فين.. خلاص هو مش هيتجرأ يعمل حاجه تاني..
جاكي: وانا مش هستنى لما يحصل حاجه.. الله اعلم لو انت مجتش كان اي اللي هيحصل..
جاك: متقلقيش.. هفضل معاكي.. محدش هيقدر يقربلك تاني.. خلاص بقاا..
مسحت دموعي وبطلت عياط..
جاكي: انا هطلع اوضتي.. سيبته ومشيت وهو جه ورايا..
محمود كان داخل ووشه كله دم...
طنط بخوف: اي يابني اللي عمل فيك كدا..
محمود بص لجاك وسكت..
جاك: عمل حادثه.. وكويس ان روحه مطلعتش..
طنط: حادثة اي انت مش كنت قاعد معاهم!
جاك: كان طالع يشتري حاجه فعمل حادثه بالعربيه.. وكويس انها جت ع قد كدا..
فيروز: طب تعالى يابني اقعد.. وانتي ياجاكي.. تعالي شوفي الجروح دي..
بصيت لجاك بسرعه...
جاك: لا جاكي تعبانه وهتطلع فوق... هشوفهاله انااا..
جاك قعد جنبه وقعد يدوس ع الجروح قصدا عشان يتوجع..
جاك: ايده مكسوره.. لازم يروح المستشفى عشان تتجبس..
طنط: يالهوي يابني.. لي كدا..
جاك: متقلقيش.. هو هيستحمل عادي..
انا هاخده المستشفى وهنرجع ع طول..
محمود بتوتر: لا.. لا مش هروح ف حته
جاك: لا متقلقش.. هنخلص ع طول ونرجع..
محمد: وانا هاجي معاكوا...
جاك: لا خليك معاهم.. هروح انا وهو بس..
مامته سندته وطلعته العربيه.. وانا بصيت لجاك وابتسمتله بامتنان..
طلعت اوضتي وهما مشيوا.. بس مقدرتش اسيطر ع نفسي وعيطت لما افتكرته وهو بيقربلي...
____
جاك طلع بالعربيه وفضل ماشي لحد ماوصل حته مقطوعه..
مسكه من الهدوم..
جاك: انا عايز افهم بس انت جبت الجرأه دي منين!.. وكمان عارف اني موجود..
محمود: معرفش انها تخصك..
جاك بحده: اسمع ياض انت... انت عارف انا طبعي عامل ازاي... صدقني لو لمحتك بتبصلها بس، هخزقلك عينيك.. وانت عارف اني اقدر اعمل اي حاجه...
محمود بخوف: حااضر..
خده وطلع ع المستشفى وجبسله ايده ورجعوا...
___
طنط: ها يابني عملت اي..
جاك: متقلقيش ياعمتي.. هيبقى كويس.. ولا اي يادولا
راح ضربه ع ضهره..
محمود: ايوا.. هبقى كويس..
فيروز: طب تعالى ياحبيبي اطلعك الاوضه ترتاح..
فيروز طلعته الاوضه ومامته قعدت معاه وجاك خرج الجنينه وكان الليل جه عليا وانا ف اوضتي ولسه بعيط..
فيروز نزلت وخرجت لجاك بره..
____
محمد: اي ياعم انت مش كنت قاعد معانا!.. مشوار اي اللي روحته..
محمود: روجت اشتري شوية حاجات كدا ودخلت ف عمود..
محمد: الف سلامه ياعم..
___
فيروز: واد ياجاك..
جاك: نعم ياقمر..
فيروز: قولي الصراحه..
جاك: امم.. صراحة اي..
فيروز: ضربت الواد دا ليه!
جاك: مضربتوش.. هو عمل حادثه..
فيروز: متكدبش... مش عليا انا الكلام دا.. انا فاهماك كويس.. الواد دا عمل حاجه وانت اللي عملت فيه كدا..
جاك: بصراحه اه..
فيروز: عمل اي المنيل دا..
جاك: حاول يعتدي ع جاكي..
فيروز: يالهوي!!.. انت بتقول اي..
جاك: زي مابقولك كدا... هي خرجت الجنينه وهو خرج وراها وحاول يلمسها..

فيروز بخوف: وعملها حاجه!
جاك: انا وصلت لقيتها بتضربه بالقلم.. بس هو ملحقش يعمل حاجه..
فيروز: ياحييوااان... وانا اللي خايفه عليه...
والله لاطلع روحه ف ايدي النهارده..
جاك: لا.. استني.. انا علمته الادب وهو مش هيقدر يبصلها تاني حتى.. بس بلاش تعرفي حد.. عشان عمي مش هيسكت وهيحصل مشاكل بين الكل.. هو غلط واتحاسب.. وانتي بقا علميه الادب بس ف الخباثه كدا.. ومتبينيش انك عارفه حاجه...
دا غير انها هتبقى مُحرجه لو الكل عرف حاجه زي دي..

فيروز: ياحبييتي يابنتي.. مش عارفه بختها مايل كدا ليه..
جاك: نصيب... بقولك اي.. انا كنت رايح اتمشى شويه عشان مخنوق من الناس دي.. فقولت اخد جاكي معايا عشان انا متاكد انها بتعيط ف اوضتها..
فيروز: ماشي اهو عشان متتعبش تاني.. بس متاخروش..
جاك: حاضر..
فيروز دخلتلهم وجاك طلع...
شويه والباب خبط.. مسحت دموعي وقومت فتحت..
جاكي: جاك!
جاك: امم.. هو انا كنت خارج فقولت اخدك معايا..
جاكي: شكرا..
جاك: انا مش باخد رايك.. ادخلي غيري هدومك وتعالي..
جاكي: بس انا مش عايزه اروح ف حته..
جاك: وانا عايز.. يلا بسرعه بقاا..
سيبته ودخلت لبست اي حاجه ع السريع وطلعت..
جاكي: يلا..
نزلنا ومكنش في حد بره فطلعنا ع طول...
مشينا ف طريق فاضي خالص ومفيش فيه غيرنا بس الجو كان تحفه...
قعدنا نتمشى شويه..
جاك: عنيكي حمرا..
جاكي: لا عادي..
جاك: مينفعش تعيطي ع اي حد وخلاص.. لو حد غلط معاكي المفروض تقطعيه، مش تقعدي تعيطي..
جاكي: وانت عايزني اعمل اي مع البغل دا.. انت مش شايفه عامل ازاي..
جاك: امال لسانك بس اللي طويل ليه!..
جاكي: ما تتلم بقاا انت كمان..
جاك: اهو شوفتي.. مش باخد منك غير طولة لسان..
جاكي: ااه صحيح.. شكرا ع اللي عملته..
جاك: لا انا ميلزمنيش الشكر دا..
جاكي: امال عايز اي!
جاك: اطلعي اجري لحد العمود اللي هناك دا زي البطه..
بصتله بقرف وبعدين سيبته ومشيت..
جاك: طب استني خلاص.. يابت..
طلع يجري وجه جنبي..
جاك: خلاص ياعم بهزر معاك..
جاكي: بطل رغي بقاا..
جاك: والله.. تصدقي انا الغلطان..
جاكي: ايون.. اسكت بقاا بالله عليك عشان بسمع اغاني اصلا..
جاك: طب اديني واحده..
جاكي: اديك اي!
جاك: سماعه ياجاكي..
جاكي: لا..
جاك: لو مخدتش سماعه دلوقتي هسيبك وامشي وابقي ارجعي لوحدك..
بصيت حواليا لقيت الشارع ضلمه اصلا وفي كلاب..
جاكي: امسك..
جاك: ماكان من الاول...
جاك: اي دا.. بتسمعي عامر منيب..
جاكي: اهااا..
جاك: بقولك صحيح..
جاكي: ارغي..
جاك: ماتتكلمي كويس يابت انتي..
جاكي: اتفضل يااستاذ جاك اتكلم..
جاك: ايوا كدا.. اللي حصل امبارح.. بغض النظر اي اللي انا عملته بس ياريت محدش يعرف حاجه..
جاكي: اعتبر نفسك مقولتش حاجه..
جاك: هو انتي وصلتي للمكان دا ازاي!
جاكي: انا كنت بتمشى ف الجنينه عادي.. ولمحت طيف قدامي.. مشيت وراه لحد ماوصلت هناك..
جاك: طيف!
جاكي: ايوا.. دا بيظهر قدامي كتير ع فكره..
جاك: طب ممكن متروحيش هناك تاني!.. دا لسلامتك عمتا..
جاكي: طب هو اي الدم اللي كان هناك دا..
جاك: غيري الموضوع..
جاكي: اوكي.. بس صحيح.. كنت فين طلاما مكنتش مسافر..
جاك: كنت ف فندق..
جاكي: فندق!!.. ليه مابيتك اهو..
جاك: لا انا اصلا مبقعدش ف البيت كتير.. دي اكبر فتره قعدت فيها معاكوا.. دايما ف اوتيل او ف شقتي..
جاكي: انت عندك شقه لوحدك!
جاك: ااه.. مانا مبحبش اقعد مع حد..
جاكي: طب ماهو هتاكل ازاي.. كل اكلك من بره!
جاك: ومين قال اني مبعرفش اعمل اكل..

فجأه كلب جه ناحيتنا وانا اتخضيت ومسكت فيه..
جاكي: احيييه.. اي دا..
جاك: متخافيش مش هيعملك حاجه..
جاكي: طب مشيه..
جاك: هششش.. امشي..
جاكي: هششش!!!!... انت بتقول للكلب ههششش!!
جاك: امال اقوله اي.. وبعدين انتي شايفه هو بيبصلي ازاي!..
جاكي: طب مشيه ياعم.. احنا هنفضل واقفين كدا!
جاك: ماهو انا كمان خايف..
جاكي: احيه عليا..
جاك: طب بصي امشي بالراحه عشان هو بيبص بنظرات شر اصلا..
مشينا بالراحه لحد مابعدنا عنه..
جاك: هاتي ايدك..
جاكي: ليه..
جاك: هاتي ايدك بس..
مسك ايدي وبصيت لقيته بيجري.. فضلنا نجري و الكلب بيجري ورانا ...
جرينا كتير واحنا عمالين نضحك لحد ماوصلنا لمكان فيه ناس...
جاكي بتنهيد: بس كفايه.. مش قادره اجري اكتر..
جاك: ولا انا...
جاكي: اول واخر مره تقولي اخرجي معايا تاني.. انت فاهم!
جاك: وانا مالي ياست.. هو انا اللي قولتله اجري ورانا..
جاكي: ولما انت بتخاف بتجيبني معاك ليه!
جاك: اسكتي بقاا..
كملنا مشي وفضلنا نتكلم ونهزر...
جاكي: الله غزل بنات..
جاك: تعالي نجيب..

راح اشترى وجاب كتير... ورجعنا لنفس الطريق تاني..
جاك: الجو هيقلب.. مدي شويه..
جاكي: لا دا حلو..
جاك: شكلها هتمطر..
جاكي: ياريت..
جاك: ايوا ونتبهدل ومنعرفش نروح..
شويه والمطره بدات تنزل فعلا...
جاكي: ياهوووو... اخيرا وقفت تحت المطره..
جاك: طب اتفضلي البسي دا عشان متبرديش..
جاكي: لا يعم كدا تمام..
جاك: طب هاتي ايدك بقاا وامشي بسرعه..
جاكي: لا والنبي خلينا شويه.. والنبي والنبي..
جاك: هتقعدي تعملي اي.. اخلصي المطره بتزيد.. ولو عربيه عدت دلوقتي هنتشلوح بالمايه اللي ع الارض دي..
جاكي: عامر منيب مع المطره حاجه قمر كداااااا...
جاك: هبله والله...
سيبته ومشيت بعيد وفضلت اتطوح واضحك..
جاك بضحك: طب بما انك ناويه تقعدي انا عندي فكره حلوه..
جاكي: قوول..
جاك: تعالي نلعب..
جاكي: اشطا يابرووو يلا..
جاك: اممم.. تعالي نتسابق لحد العمود اللي هناك دا.. واللي يكسب، يحكم ع التاني بالحكم اللي هو عايزه..
جاكي: اشطا... بس خليك جنتل كدا وراعي اني بنت يعني..
جاك: عايزه تكسبي بالغش يعني.. بعينك
.. يلا..
___
محمد: فيروز جاك فين!
فيروز: جاك خرج..
محمد: خرج فين دلوقتي.. المطره بتمطر جامد..
فيروز: اكيد زمانه جاي..
طنط: هي جاكي دي مخطوبه ولا لا..
فيروز: وبتسالي ليه!
طنط: اصلها عجبتني والله.. وبفكر اقنع محمود بيها..
فيروز: لا هي مش هتوافق..
طنط: ليه ان شآء الله!
فيروز: عشان دي هتبقى دكتوره قد الدنيا ومش فاضيه للكلام دا..
____
جاك: واحد.. اتنين... تلاته
طلعنا نجري واحنا بنضحك وهو اللي كسب اكيد يعني..
جاكي: لاااا.. انت غشاش..
جاك: ياهووووو... بس يابت انتي.. انا اللي كسبت.. دلوقتي هحكم عليكي وانتي هتنفذي..
جاكي: اوووف.. اخلص..
جاك: اممم.. هتقعدي ترقصي هنا وتغني..
جاكي: ارقص!!!
جاك: مش قصدي رقص رقص... يعني تتمايلي مع الاغنيه كدا... تندمجي معاها وتغني بصوت عالي وتلحني كمان..
جاكي: متاكد انك عايزني اعمل كدا..
جاك: اهاا
جاكي: اشطا.. امسك كدا...
عطيته الشنطه وروحت وقفت بعيد..
جاكي: احم... احم.. يلا مستعد..
كان واقف حاطط ايده ف وسطه ومبتسم..
جاك: مستعد.. واحد.. اتنين.. تلاته..
جاكي بصوت عالي: من اول يوم ف لقاااااناااا.. خدني هوااااك.. عشت معااااااك... احلى سنين عمري ياغاااالي... بان ع طول اي جواااانا.. لما العين جت ف العين ولا حسيت باللي جرالي...
روحت مسكت ايده وقعدنا نرقص.. وهو قعد يغني معايا..
احنا الاتنين بصوت عالي: بينااا نعيييش.. دا العمر ليله متقوليش.. نستنى ليله دي الايام.. جنبك جميله وعمري ياغالي لقيته معااااااك...
فضلنا نضحك ونغني وكان باين عليه انه مبسوط...
وفجأه عربيه عدت بسرعه وغرقتنا مايه..
جاك بصدمه: الايام جنبك جميله فعلااا....
جاكي بضحك: احيه هنروح كدا ازاي...
جاك: المطره بتزيد يلا بقاا..
جاكي: لا والنبي خلينا نلعب شويه..
جاك: ماشي تعالي نتسابق تاني..
جاكي: تمام..
وقفنا جنب بعض ولسه هنجري روحت زقيته وطلعت اجري وطبعا انا اللي كسبت..
جاك: دا غششش... هنعيد تااااني..
جاكي: هااهووو.. انا اللي كسبت ياقمر.. يلا بقاا نفذ الحكم..
جاك: مع انه بالغش.. بس اوكيه قولي الحكم..
جاكي: اممم..
بص انا كان نفسي ف الحوار دا من زمان..
جاك: اي هتبوسيني..
ضربته ف صدره..
جاكي: ماتتلم بقاا..
جاك: طب اخلصي وقولي..
جاكي: هتشيلني ع ضهرك وتطلع تجري..
جاك: نعم ياختي!!!
جاكي: مليش دعوه دا حكم ولازم يتنفذ..
جاك: مش هقدر طبعا.. انتي اكيد تقيله...
جاكي: تقيله ف عينك.. امال اي لازمة عضلاتك دي.. ولا هي للست مايا بس..
جاك: ااه.. مايا.. لا مايا خفيفه اقدر اشيلها بسهوله..
جاكي: طب مش لاعبه..
جاك: خلاص خلاص تعالي..
وقفت ف حته عاليه وركبت ع ضهره..
جاك: يامسهل يارب..
جاكي: ماتنجز ياعم..
جاك: جاهزه!..
جاكي: ايون..
جاك: هنقع ع فكره..
جاكي: لا انت قوي ومش هتوقعني انا واثق فيك..
جاك: طب جدعه خليكي واثقه بقاا..
طلع يجري بسرعه وانا بصوووت.. وفضل يلف بيا وهو بيضحك...
جاكي: بالراحه هنقعععع... يخربيتك..
لحد ماوقعنا ع الارض فعلا وفضلنا نضحك واحنا نايمين مكانا..
جاكي: احيه هدومي كلها مايه..
جاك: حبيبتي انتي تحت مطره.. طبيعي تبقي كلك مايه..
جاكي: ع فكره انت معرفتش تنفذ الحكم.. هحكم بواحد غيره..
جاك: امال انا عملت اي دلوقتي..
جاكي: لا انت وقعتني مليش دعوه..
جاك: صبرني يارب... قولي واخلصي..
جاكي: روح اقف بعيد واتنطط وعلي صوتك وقول انا مهزء..
جاك: امشي يابت..
جاكي: هتعمل كدا..
جاك: ع جثتي..
_____

فيروز: اتفضل ياحبيبي اشرب..

محمود: شكرا ياخالتي..
فيروز: الا ايدك عامله اي دلوقتي..
راحت داست ع ايده جامد..
محمود: ااااه..
فيروز: يووه يقطعني.. مخدتش بالي يابني..
محمود: لا ياخالتي ولا يهمك..
فيروز: انت عارف اللي بيغلط عندنا بنعمل فيه اي..
محمود بتوتر: يعني اي..
راحت قامت مسكت سكينه ف ايدهاا وقعدت تتمشى قدامه..
فيروز: اي حد بيعمل اي حاجه غلط هنا بيتعاقب.. يعني مثلا ممكن اقطعهوله..
محمود وهو بيبلع ريقه: هو اي اللي بتقطعيه!
فيروز: لسانه ياحبيبي.. هيكون اي يعني..
قربت منه وهي ماسكه السكين..
فيروز: اصل قبل كدا كان في حد حاول يقرب لنور.. اسكت انا!!..
محمود بخوف: لا طبعا..
فيروز بشر:.. روحت قطعته..
محمود: احم والله.. ط طب كويس..
فيروز: متقلقش ياحبيبي مالك خايف كدا ليه.. انا بعمل كدا مع الناس الوسخه بس..
___
جاك بصوت عالي : انا مهزء...
جاكي بصوت عالي: اتنطط قولت..

جاك قعد يتنطط تحت المطره ويرقص ويقول انا مهزء.. انا اصلا مهزء اني خرجت معاااااكي.. ياجمااااعه.. انا مهزززززء..

جاكي: تمام كدا.. قرب بقاا وانت بتمثل مشهد رومانسي وقول.. اوه حبيبتي انا مقدرش ابعد عنك ابدا..انا هثبتلك حبي دلوقتي حالا... واعمل انك قطعت شاريينك وانا اجري عليك واقول.. سلاااااااامه...

قعد يضحك جامد..
جاك: سلامه مين!
جاكي: مش عارفه هو الاسم جه كدا..
جاك: لا طبعا مش هعمل الهبل دا..
جاكي: قولت يلا..
جاك: احم.. تمام..

وقف مكانه وبدا يرتجل ويدخل ف الدور...

جاك: اووووه حبيبي.. انا مقدرش ابعد عنك ابدا.. ولو عايزاني اثبتلك حبي.. اهوووو

وقفت متنحه وبضحك من منظره.. دا تقمص الشخصيه فعلا... ووقع ع الارض..

جاكي: سلاااااامه... لا متموتش لاااااا... ولا اقولك موت عادي وسيبته ومشيت..
جاك: والله.. بقا كدا.. انا غلطان اني بهزء نفسي معاكي اصلا.....
كان واقف بعيد...
جاك: بس صحيح..
جاكي: شوو
جاك: مكنش في داعي للمسدج اللي بعدتيها..
جاكي: مسدج اي!
جاك: صراحه..
جاكي: ااه.. لا مش انا..
جاك: ياراجل.. ع العموم شكرا يعني..
جاكي: عد الجمايل بقااا...

كان واقف بعيد عني وفي مسافه كبيره بينا وبنتكلم بصوت عالي..وفي عربيه جايه من وراه ف الضلمه..

جاكي: طب حاسب في عربيه وراك..
مسمعنيش...
جاكي: جاااك.. في عربيه ورااااك تعالى كدا..
كان واقف بيظبط هدومه ومش واخد باله..
وفجأه..
جاكي: جااااااااك...

يُتبَع.... 🕊
#قلبي_ليسَ_بيدي..
♥🚶

🖤🥀

Part 32: ♥🥀
"صلوا ع النبي الاول"♥

تُزهرُ
كل الورود الذابِلة
عندما تحظى بلمسةٍ منك.. ♥🥀

معرفش اي اللي حصل.. ومش شايفه غير ان جاك مرمي قدامي ع الارض....
طلعت اجري عليه وانا مش مستوعبه...
جاكي بصدمه: جااك.. جاك
بصيت للراجل بتاع العربيه...
ـ هاتيه بسرعه نروح المستشفى...
جاكي: جاك..
فضلت احرك فيه.. مبيردش.. والارض كلها دم وانا قلبي خلاص هيقف..
الراجل نقله العربيه وانا ركبت جنبه وانا بعيط وهموت من الخوف..
وصلنا المستشفى ودخلناه بسرعه...
____
فيروز: العيال اتاخروا كدا ليه!...
طلعت بره تبص علينا وبردو مفيش حد باين..
فيروز: احسن يكون حصل حاجه...
هند: في اي ياماما..
فيروز: جاك وجاكي خرجوا ولسه مرجعوش لدلوقتي..
هند: وهما يخرجوا ليه ف الجو دا..
فيروز: رني ع جاك طيب عشان قلقانه قوي..
هند طلعت الفون ورنت... مبيردش...
____
الدكتور دخل عنده وانا واقفه بره تايهه ومش عارفه اي اللي بيحصل... شويه والدكتور خرج بسرعه..
الدكتور: المريض محتاج نقل دم فورا..
جاكي: ايه!!.. طب المفروض اعمل اي!
الدكتور: فصيلة دمه نادره ومش موجوده هنا...
جاكي: طب ينفع اديله انا!
الدكتور: فصيلة دمك ايه!
جاكي: فصيلة دمي ****
الدكتور: ايوا تمام تعالي بسرعه..
____
محمد: مالكوا واقفين كدا ليه!
فيروز: الحقني يامحمد جاك مبيردش..
محمد: واي الجديد.. ماهو ع طول مبيردش..
فيروز: لا دا طلع هو وجاكي من بدري والجو قلب ولسه مرجعوش..
محمد: جاكي معاه!!!!.. وخرجوا ليه!
فيروز: مش وقته.. المهم اطلع شوفهم ولا اعمل اي حاجه...
محمد طلع يجري وركب العربيه وفضل يبص ف الشوارع ملقاش حد... مشي ف الطريق اللي كنا فيه وفضل يبص حواليه وبص شاف حاجه ع الارض..
نزل يجري وراح لقاها شنطتي وفي دم كتير ع الارض...
ركب العربيه ورجع يجري...
محمد بخوف: فيروز!!!!..
فيروز: اي عملت اي!
محمد: لقيت دا..
هند: دي شنطتها...
محمد: ودا لقيته ع الارض..
رفع ايده ف وشهم وكان عليها دم..
فيروز: يالهوي اي الدم دا.. هي فين!
محمد: معرفش.. انا هرن ع جاك..
فضل يرن ع جاك محدش بيرد...
محمد: مش بيرد.. انا هروح ادور ف المستشفيات اللي هنا...
خرج يجري وعمي طلع وراه...
فضلوا يدوروا ف المستشفيات وف الشوارع وملقوش حد بردو...
شويه ورنيت ع محمد..
محمد: جاك.. انت فين..
جاكي بعياط: محمد الحقني.. جاك عمل حادثه..
محمد بصدمه: ايه!.. انتي بتقولي اي..
جاكي: الحقني بسرعه والنبي انا خايفه ومش عارفه اعمل اي..
محمد: طب قوليلي انتي فين بسرعه..
جاكي: اه ثواني..
روحت جريت ع الاستقبال وسالت ع اسم المستشفى..
جاكي: ايوا يامحمد.. انا ف **..
محمد: تمام انا جاي حالا...
خد العربيه وطلع بسرعه..
___
نهى: انتوا بتقولوا اي!.. يعني اي مش بيرد.. هاتي التليفون دا..
مسكت الفون وفضلت ترن ومحدش رد..
فيروز: خليك معاهم يارب.. يارب استرها عليهم والنبي..
نهى: وهما اي اللي يخرجهم دلوقتي!.. واستأذنوا من مين اصلا!
فيروز: ياشيخه اخرسي بقاا..
طنط: اهدوا يا جماعه ان شاء الله خير...
_
محمد وصل هو وعمي وطلعوا..
محمد: جاكي في اي!.. اي اللي حصل
جاكي بعياط: معرفش معرفش..
محمد: طب اهدي اهدي... فهميني بالراحه اي اللي حصل..
جاكي: احنا كنا واقفين عادي والعربيه جت من وراه وخبطته...
محمد: طب الدكتور قالك اي!
جاكي: طلع خد مني دم ودخل يجري.. معرفش في اي..
عمو احمد: اهدي يابنتي.. ان شاء الله خير..

فضلنا مستنيين بره والدكتور طول جوه واخيرا طلع..
محمد: خير يادكتور.
الدكتور: هو لحد دلوقتي لسه مفاقش.. ادعوله ياجماعه..
جاكي: يعني اي ندعيله.. انت بتقول اي... جاك ماله
الدكتور: حالته صعبه يابنتي.. احنا نقلناله دم عشان نزف كتير وفي جرح كبير ف دماغه... ادعوا انها تعدي ع خير...
سابنا ومشي وانا قعدت فالارض من الصدمه ومش مصدقه.. هو بيقول اي.. دا كان لسه معايا دلوقتي..

الفون رن ومحمد خده ورد..
محمد: الو..
هند: ايوا يامحمد في اي!
محمد: جاك عمل حادثه..
هند: اي!!!.. انت بتقول اي..
فيروز: قال اي يابنتي..
هند: جاك عمل حادثه يافيروز... طب قولي انتوا فين دلوقتي!.
محمد: احنا ف مستشفى *
هند: تمام احنا جايين..
فيروز بصدمه: حادثة اي.. حادثة اي انتوا اتجننتوا..
هند بعياط: بيقول انه عمل حادثه.. انا هروحلهم..
فيروز ونهى وهند وحازم جم والباقيين قعدوا ف البيت...
شويه ووصلوا...
فيروز: محمد.. طمني يابني وقولي في اي..
محمد: اهدي يافيروز.. خير ان شاء الله..
نهى: ابني فين..
عمو احمد: ف اوضة العمليات..

نهى: انطقي يابت انتي قولي اي اللي حصل..

فيروز: مابالراحه عليها انتي كمان.. هي كانت ناقصاكي..
كنت قاعده ف الارض وضامه رجلي وعماله اعيط..
هند: اهدي ياحبيبي هيبقى كويس والله...
فيروز: طب الدكتور قال اي يامحمد..
محمد بزعل: ادعوله..
نهى بصدمه: يعني اي ندعيله!
رد عليا ابني ماله..
محمد: معرفش.. معرفش.. الدكتور قال انه لسه مفقش..
الجو كان متوتر جدا والكل خايف وبيعيط... وانا كنت منهاره حقيقي...
فضلنا كدا وقت طويل وبردو مفيش اي جديد.. ومحمد كل شويه يروح للدكتور ويقوله لسه بردو...
فضلنا كدا لحد الصبح...
الدكتور: ياجماعه لو سمحتوا مينفعش وجودكوا هنا كدا..
عمو احمد: هو عامل اي دلوقتي..
الدكتور: والله مقدرش اقولك اي حاجه دلوقتي غير لما يفوق واشوف حالته عامله اي...
بس دلوقتي لازم تروحوا عشان وجودكوا ملهوش لازمه..
محمد: طب هو ممكن يفوق امتى..
الدكتور: ممكن يعدي يوم واتنين.. الله اعلم..
الدكتور مشي وانا كنت قاعده مش واعيه لحاجه..
محمد: ياجماعه روحوا وانا هفضل معاه لحد مايفوق.. بابا خدهم وروح وانا هبلغك لو حصل حاجه..
عمو احمد: يلا يافيروز مينفعش وجودكوا هنا كدا.. مش هتفضلوا سايبين اللي ف البيت لوحدهم كدا..
فيروز: انت عايزني اسيب ابني واروح!!!
عمو احمد: يلا يافيروز.. يلا وهنيجي تاني..
فضل يقنع فيهم لحد ماروحوا معاه وحاول يروحني وانا مرضتش واصريت اني هفضل معاه..
مشيوا وفضلت انا ومحمد...
محمد: جاكي.. تعالي اقعدي هنا..
جاكي:......
محمد: جاكي.. اهدي شويه كدا هتتعبي..
جاكي بصدمه: انا السبب..
محمد: ازاي..
جاكي: انا اللي قولتله يغني.. لو مكنتش قولت كدا مكنش حصله حاجه..
محمد: انا مش فاهم حاجه بس مش مهم... اهدي شويه وهو هيبقى كويس...
عدى اليوم ع كدا وكل شويه حد ييجي ويقعد شويه وبعدين يمشوا تاني..
نور جت وكانت حالتها صعبه قوي.. روحوها بالعافيه وانا قاعده وحاسه ان الدنيا بتلف بيا...
الدكتور جه..
جاكي: لو سمحت يادكتور..
الدكتور: نعم..
جاكي: عايزه اشوفه..
الدكتور: انا اسف يابنتي بس مينفعش..
جاكي: معلش يادكتور.. انا لازم اشوفه.. مش هعمل دوشه والله..
الدكتور: طب ادخلي بس محدش تاني يدخل ومتحاوليش تصحيه..
جاكي: حاضر..
دخلتله ومحمد كان بره بيتكلم ف الفون..

شوفته كان نايم ع السرير ودماغه ملفوفه ورجله وايده متجبسين ووشه كله جروح...
كان نايم وانا اول ماشوفته انهارت من العياط.. حاولت اكتم صوتي عشان ميحصلش حاجه ودخلت قعدت ع الارض جنبه ومسكت ايده...
جاكي: انا اسفه.. مكنتش اعرف ان كل دا هيحصل..
فضلت قاعده بصاله ومش مستوعبه انه ف الحاله دي بسببي.. عدى الوقت وانا نعست جنبه....
محمد: جاكي.. جاكي..
قومت مخضوضه..
جاكي: اي..
محمد: اهدي اهدي.. قومي نامي بره..
جاكي: لا انا هقعد معاه..
محمد: ياجاكي الصبح طلع.. وبعدين انتي مأكلتيش حاجه بقالك يومين اهو..
جاكي: لا لا مش هسيبه ابدا..
محمد: طب كلي وتعالي اقعدي كدا تاني..
هزيت راسي ومردتش..
محمد: بطلي عناد بقاا.. كدا هتتعبي..
__
فيروز: عين وصابتنا.. عين وصابتنا والله...
هند: اهدي يافيروز.. هيبقى كويس ان شاء الله..
نهى كانت قاعده ودموعها نازله..
فيروز باستهزاء: اي دا اي دا... نهى بتعيط!!!... زغرطي يابت.. اخيرا شوفت دموعك... اي ياشيخه.. انتي جبروت والله.. يادوب فكرتي تعيطي لما حسيتي انه بيروح منك!!... اهو هيروح وهترتاحي... اتبسطي بقاا..
نكدتي ع الواد حياته... ياشيخه روحي الهي ماتتهني دنيا ولا اخره... وتدوقي نفس اللي دوقتيهوله..

نهى: ماتسكتي بقاا.. هو انا ناقصاكي!!..
فيروز: حسبي الله ونعم الوكيل..
هند: ياجماعه اهدوا بقاا.. انا هرن ع محمد...

شويه وفون محمد رن..
محمد: الو..
هند: ايوا يامحمد.. جاك فاق!
محمد: لسه..
هند: طب الدكتور مقالش حاجه جديده!
محمد: لا.. بقولك سلام دلوقتي..
قفل معاها وخرج بره...
_
طنط: اهدوا ان شاء الله خير.. طب انا عايزه اتطمن عليه..
هند: مانعين الزياره..
محمود: للدرجادي حالته صعبه!
هند: اسكت يامحمود.. مش ماناقصاك هي..
حازم: طب لو كدا ياجماعه ممكن يتنقل مستشفى كبيره..
هند: لا المستشفى اللي هو فيها كويسه.. ربنا يقومه بالسلامه بس..
____
اليوم عدى وانا قاعده جنبه وبردو مفقش.. والدكتور كل شويه يدخل يعمل حاجه ويطلب مني اخرج ومردش عليه..
محمد دخل تاني..
محمد: ياجاكي بالله عليكي خلاص.. انتي مش شايفه عنيكي بقت دم ازاي!..
جاكي: انا السبب.. انا مني لله..
محمد: مش انتي السبب.. دا مكتوبله ومهما حصل كان هيشوف دا.. ممكن بقاا تطلعي ترتاحي وتاكلي اي حاجه..

جاكي: لا مش هطلع.. انا هفضل هنا لحد مايفوق...

قعد جنبي شويه وبردو مفيش جديد...
الساعه كانت حوالي ٢ بالليل...
محمد: جاكي تعالي نامي..
جاكي: قولتلك مش هطلع...
سابني وطلع نام ع الكرسي برا...
فضلت جنبه لحد ماالفجر اذن... قومت اتوضيت وصليت.. وفضلت ادعي كتير وانا بعيط..
خلصت وبصيت عليه لقيته مفتح عينه وباصصلي..
حقيقي قلبي كإنه رجع للحياه تاني...
جاكي بصدمه: جاك.. انت فوقت..
بصيتله بحزن وروحت مسكت ايده وفضلت اعيط... حطيت ايدي ع وشه وكلمته..
جاكي بخوف: ا انت كويس!.. قولي فين بيوجعك!
جاك بتعب: ب تع يطي لي!
جاكي بعياط: عشان انا السبب.. حقك عليا والله ماكنت اعرف ان كل دا هيحصل... انا اسفه..
جاك: متعيطيش..
جاكي: طب انت كويس!
هز دماغه ودموعه بتنزل ع المخده...
جاك بتعب: محدش هنا!
جاكي: محمد نايم بره.. الباقيين جم ومشيوا..
جاك: امي مشت!..
سكت ومردتش..
جاك: وانتي مروحتيش ليه!
جاكي: مقدرتش اسيبك..
جاك: خليكي معايا..
جاكي: انا معاك.. مش هسيبك.. بس قوم والنبي انا خايفه ومش فاهمه اي اللي بيحصل دا..
الدكتور دخل...
الدكتور: اي دا انت فوقت!..
جه بسرعه يقيس نبض قلبه ويشوف حالته..
الدكتور: حالته بتتحسن الحمد لله.. مينفعش تشيل جهاز التنفس.. لو سمحت خليه كدا عشان متتعبش..
جاكي: طب هو عامل اي دلوقتي يادكتور.
الدكتور: لا حالته بقت احسن.. ف الاول كانت الاستجابه ضعيفه.. دلوقتي في تحسن شويه.. انا كنت فاقد الامل
جاكي: الحمد لله..طب هو هيفضل هنا..
الدكتور: اه طبعا.. حالته لسه مش مستقره..
اهم حاجه بس متخليهوش يتعب نفسه ويتكلم كتيرر لحد ماحالته تستقر..
جاكي: حاضر.. طب هو المفروض ياكل حاجه!
الدكتور: مش دلوقتي.. شويه بس لما يقدر يتحرك..
جاكي: تمام..
سابني ومشي وانا قعدت جنبه..
جاك: عايز مايه..
جاكي: اه حاضر..
فضلت ادور ع مايه ملقتش ف الاوضه.. طلعت بره جبتله مايه ودخلت ع طول..
سندته لحد ماشرب وبعدين غطيته لان الجو كان برد قوي...
قفلتله النور ورجعت قعدت جنبه..
جاك: الجو برد عليكي..
جاكي: جاك متتكلمش ونام.. انا تمام..
نام وانا فضلت جنبه لحد الصبح..
___
الصبح طلع...
محمد فاق ودخل..
محمد: انتي لسه قاعده مكانك!
جاكي بابتسامه: جاك فاق..
محمد: اي دا بجد!.. امتى
جاكي: ف الفجر..
محمد: ومصحتنيش ليه!
جاكي: مش عارفه.. انت كنت نايم وهو صحي شويه ونام تاني..
محمد: طب هو عامل اي!
جاكي: الدكتور قال احسن من الاول..
محمد: طب الحمد لله.. ممكن تقومي معايا بقاا..
جاكي: قولتلك هفضل معاه..
محمد: تفضلي معاه ليه!.. مانا موجود.. انتي لازم تروحي..
جاكي: لا مش هروح... سيبك مني بقاا..
_____
هند: يالا يافيروز..
فيروز: يلا جيت اهو..
ركبوا العربيه وجم....
شويه ووصلوا...
فيروز: ها ياابني طمني..
محمد: الحمد لله بقا كويس وفاق كمان.. بس هو نايم دلوقتي..
فيروز: طب انا عايزه اشوفه.. وفين جاكي!
محمد: استنوا هشوف الدكتور هيوافق ولا لا..
راح يسال الدكتور وانا كنت قاعده جنبه ع الارض وماسكه ايده وبلعب ف شعره... وقاعده اقراله قران..

"كان عباره عن قمر نايم.. بملامحه الهاديه ورموشه الطويله وشعره اللي نازل ع وشه.. وبراءة الاطفال اللي ع وشه"

بعدين لقيتهم دخلوا...
فيروز: عامل اي دلوقتي يابنتي!
جاكي: الحمد لله احسن..
نهى جت قعدت جنبه ع السرير ودموعها نازله وانا استغربت..
فيروز: طب هو مصحيش ليه!
جاكي: لا هو نايم دلوقتي..

فضلوا قاعدين معاه لحد مافاق..
بدا يصحى..
فيروز: حمدلله ع سلامتك ياحبيبي.. ان شاء الله انا وانت لا... عامل اي دلوقتي..
جاك: كويس..
كان بيحاول يقوم يقعد وانا سندته..
محمد: يعم خضتنا عليك..
نهى: عامل اي دلوقتي يابني.. اي اللي حصل..
جاك بصلها شويه..
جاك: انا تمام..
نهى: وانتي لازقه فيه كدا ليه.. ماتبعدي شويه خليه ياخد نفسه..
جاكي: ااه انا اسفه انا كن...
لسه مكملتش كلامي لقيت جاك مسك ايدي..
جاك: خليكي..
جاكي: لا هقعد هنا عشان تاخد راحتك..
جاك: انا مرتاح كدا..
كنت عايزه ابتسم بس اظن دا مش وقت سهوكه يعني..

امه بصتلي بطريقه غريبه.. بس انا طنشت..
الدكتور دخل يتطمن عليه..
الدكتور: ها يابطل عامل اي دلوقتي... لا عال عال.. الحمد لله بتتحسن اهو..
جاك: انا عايز امشي من هنا..
الدكتور: لا مينفعش.. لازم تفضل هنا عشان محتاج رعايه..
جاك: لا انا همشي.. هبقى كويس ف البيت..
عمو احمد: ينفع ناخده معانا ونهتم بيه ف البيت يادكتور!
فيروز: ايوا عشان كمان احنا مش عارفين نفضل معاه هنا..
الدكتور: ياجماعه هو لسه فايق.. والله اعلم اي اللي ممكن يحصل..
محمد: ممكن حضرتك تبقا تيجي تشوفه ف البيت.. واحنا هنهتم بيه كويس..
جاك بعناد: سواء وافقت او لا انا هخرج..
الدكتور: ماشي.. تمام بس انا مش مسؤول..
تعالى معايا عشان تمضي ع اجراءات خروجه..

محمد راح معاه والدنيا ظبطت.. ونقلناه ورجعنا..
ايوا مانا مفيش ورايا حاجه غير المستشفيات...

طلعوه اوضته وعلقوله المحاليل والحاجات اللي كان حاططها والكل كان عنده..
فيروز: طب نسيبه يرتاح ياجماعه شويه..
الكل نزل..
نهى: انا هقعد جنبه.. تقدري تمشي انتي كتر خيرك ع كدا..
جاكي: حاضر..
جيت اخرج راح جاك اتكلم..
جاك: استني.. ماما اطلعي بره..
نهى: ايه!..
جاك: اطلعي بره.. انا مش عايزك معايا هنا.. هي هتقعد معايا..
نهى: انا امك.. هي هتخاف عليك اكتر مني يعني!
جاك: امي!!.. اطلعي بره انا مش قادر اتكلم... انا عايزها هي..
نهى: لا ياجاك مش هتقعد معاك.. لما نشوف اخرتها.. وانتي اتفضلي امشي بقاا..
جاك: انا قولت مش هتمشي.. واتفضلي اطلعي ومتعصبنيش...
نهى: هتتعصب عليا عشانها!!
جاك: اخرجي بره بقاا.. انا مش برتاح معاكي..

راحت ضربته ع صدره جامد وهو اتوجع جامد..
جريت عليه..
جاكي: انتي بتعملي اي!.. انتي اتجننتي!... جاك.. جاك انت كويس..
فضل يكح جامد..
جاكي: في حد يعمل كدا!!... راعي انه تعبان حتى..
نهى: ياشيخه اياك يموت وارتاح منه.. جاتكوا القرف زهقتوني..
سابتنا ومشت وانا عيني اتملت دموع..
جاكي: جاك انت كويس..
كان عمال يكح جامد فروحت جبتله مايه.. شرب وانا قعدت امشي ايدي مكان ماضربته ويادوب بدأ ياخد نفسه...
غمض عنيه ودموعه نزلت..
جاكي: معلش.. حقك عليا اناا...
جاك: اقفلي النور..
جاكي: طب انا هقفله وهطلع بره عشان ترتاح..
جاك: اقفلي النور وتعالي..
جاكي: هااا..
جاك: انجزي..
روحت قفلت ورجعت قعدت قدامه ع الكرسي ودموعي نازله..
جاك:ممكن تبطلي عياط!
جاكي:عمري ماهسامح نفسي..
جاك:انتي ملكيش دعوه..اهدي بقاا..
.. راح مسك ايدي جامد ونام وانا قلبي ف ذمة الله والله...
__
فيروز: انا هطلع اتطمن ع مصطفي احسن يكون محتاج حاجه..
هند: ماشي..
محمد: كانت زياره شؤم..
هند: بس يامحمد عيب.. هما ذنبهم اي..
محمد: انا مبحبهمش اصلا ياست.. اي الزفت دا..
هند: بس احسن حد يسمعك..
محمد: يبقاا احسن والله..
سلمي وشهد دخلوا..
سلمى: اي ياجماعه.. جاك اخباره اي
هند: كويس ياحبيبتي..
شهد بقلق: طب انا عايزه اتطمن عليه.. ينفع اطلعله!
هند: بصي هو المفروض يرتاح دلوقتي.. بس اطلعي يمكن صاحي..
شهد طلعت وسلمى قعدت معاهم..
____
فيروز: عامل اي دلوقتي!
بابا: كويس الحمد لله.. بس هي جاكي فين.. بقالها كتير مجتليش..
فيروز: معلش اصل جاك عمل حادثه وهي كانت معاه ففضلت معاه ف المستشفى...
بابا: اي.. حادثة اي!
فيروز: متقلقش هي كويسه.. هو اللي عمل حادثه.. بس هو كويس دلوقتي..
__
الباب خبط.. جيت اشد ايدي عشان افتح بس هو متبت فيها..
جاكي: جاك.. جاك سيب ايدي عشان افتح..
جاك: كبري دماغك..
جاكي: هشوف مين وهرجع تاني..
ساب ايدي وانا قومت فتحت الباب وكانت شهد..
جاكي: نعم!
شهد: انتي بتعملي اي هنا! اوعي كدا خليني اشوفه..
جاكي: استني هنا.. هو نايم دلوقتي..
شهد: ولما هو نايم قاعده معاه ليه!.. وبعدين طافيه النور ليه..
دخلت فتحت النور وقعدت جنبه وهو اتعدل..
شهد: الف سلامه عليك.. انت متعرفش انا قلقت عليك ازاي..
جاك ببرود: الله يسلمك..
شهد: انا هقعد معاك عشان لو احتجت حاجه..

لسه هيرد عليها بس فضل يكح تاني.. روحت عليه بسرعه وعطيته مايه وقعدت مشيت ايدي ع قلبه تاني..
شهد: طب انتي ممكن تمشي وانا هقعد معاه عادي..
جاكي: لا ياحبيبتي متتعبيش نفسك.. انا معاه..
شهد: وانا قولت شكرا ع كدا.. اتفضلي بقاا..
جاكي: ممكن توطي صوتك شويه!!.. راعي انه تعبان..
شهد: طب اتفضلي وانا هقعد..
جاك: شهد اطلعي.. هي هتقعد معايا..
شهد بغيره: لا ياجاك بلاش نتعبها.. دي ضيفه ف الاول وف الاخر يعني.. انا هفضل معاك..

الكلام ضايقني بس لقيت جاك رد..
جاك: مانتي كمان ضيفه...

اظن الجمله نزلت زي التلج عليها واتصدمت..

شهد: ايوا بس انا بنت خالتك مش حد غريب يعني.. اما هي....
جاك: هي هتقعد.. وانتي هتطلعي.. ويلا لو سمحتي عشان تعبان..
قامت وبصتلي بقرف وخبطت فيا وهي طالعه وانا كنت مخنوقه منها اصلا..وببصلها بقرف...بيتحدفوا علينا منين دول!...
رجعت بصيت ع جاك لقيته مبتسم..
جاكي: اضحك اضحك.. مانت مبسوط بلمة البنات حواليك..
جاك: وانا مالي..
جاكي: اي نظامك انت.. شويه مايا وشويه سما وشويه الحربايه دي..
جاك: سما!!!
جاكي: ع اساس انك مش واخد بالك!
جاك: وانتي خدتي بالك ازاي!
جاكي: يعني... نظراتها وطريقة كلامها عنك.. وغيرتها عليك.. وكمان انت مشوفتش هي كانت قلقانه عليك ازاي...
جاك: بيتهيقلك.. خايفه عليا عشان اخوها..

جاكي: انت بتضحك ع نفسك!.. انت عارف انها بتحبك.. وانت اللي بتصدها وبتتعمد تضايقها..
جاك: عشان مينفعش..

جاكي: بس هي بتحبك..
جاك: بيتهيقلها... هي ممكن تكون معجبه بشخصيتي او شكلي.. بس هي لسه صغيره ومش فاهمه حاجه..
جاكي: وبالنسبه لشهد!
جاك: لا دي لازقه ومهما عملت مش هتسيبني..
جاكي: طب هي بتحبك اهي.. ليه مت...
جاك: لا.. لا ياجاكي.. انا مبحبش حد فيهم...
جاكي: واضح ان مايا واخده القلب كله..

ضحك وسكت.. وانا اتضايقت..
جاك: لا هي مايا متتعوضش الصراحه..
جاكي: طب اقفل بقاا عشان انت تعبان.. ها.. اقفل..
جاك بابتسامه: حاضر..
قومت قفلت النور وهو رجع مسك ايدي تاني معرفش ليه...
جاك: ممكن تقري قران تاني!
جاكي: انت كنت صاحي!..
جاك: لا انا سمعتك ووقتها نمت ع طول.. بس اول مره انام مرتاح....
جاكي: ماشي..
قعدت اقرأله قران وهو نعس بسرعه وشويه وانا كمان نعست...
_
فيروز: يلا يابنات عشان عندكوا جامعه الصبح..
نور: لا انا هقعد عشان جاك..
فيروز: جاك كويس واحنا معاه.. مينفعش تفضلوا تغيبوا كدا..
هند: يلا يانور...
__
الكل نام وانا كنت لسه مع جاك وكنا نايمين ومش حاسين بحاجه..
وفجأه الباب اترزع بقوه وقومنا احنا الاتنين مخضوضين.....
جاكي: اي دا في اي!
جاك: انت!!!!

يُتبَع...🕊

#قلبي_ليسَ_بيدي♥🚶


♥🥀

Part 33: ♥🥀

قال: أأعودُ منتصِرا بكل معاركي وأمام عيناكِ البريئة أُهزمُ.....
لي ألف بيتٍ بالفصيح أجدْتُها لكنني في حبكِ أتلعثمُ♥🥀
_____

جاك: انت!!!
ـ ازيك يااستاذ!!!... بتموت صح!!.. ياخي الهي تموت واخلص منك... دانت عباره عن عقبه ف حياتي يااخي..

جاك: محدش جبرك عليا.. تقدر تتبرى مني وتقطع علاقتك بيا عادي..

ـ ياريت.. انا ياريت كنت رميتك من زمان يااخي..

جاك: وبعدين هو انت ازاي تدخل علييا كدا!!!...

ـ هتعمل اي!... هتقوم تضربني!.. قووم.. يلا وريني..

جاك: اطلع بره..

ـ لا انا مش ماشي من هنا قبل ماتمضي ع الورق دا...

فيروز طلعت...
فيروز: ماتتهدوا بقااا.. عايزين ايه منه!... هو ناقصكوا!.. جاي ليه انت كمان!

ـ وانتي مالك!.. هو انا جاي بيتك!.. دا بيتي.. اجي وقت مانا عايز..

محمد وعمي طلعوا..

عمو احمد: محمد!!!!.. اي اللي انت عامله دا!!.. دا تعبان حتى يااخي... اي قلوبكوا مفهاش رحمه خالص!...

باباه: اه.. مانت دايما بتطبله... بس ع العموم انا مش راجع عشانكوا.. هو هيمضي ع الورق دا وهرجع تاني...

نهى دخلت...
نهى: ورق اي!

باباه: اهلا اهلا... دا ورق التنازل عن كل حاجه...

جاك: بعينك... مستحيل اتنازلك عن حاجه..

باباه: انت فاكر نفسك مين!.. انت واحد فاشل.. وكل اللي انت فيه دا انا السبب فيه..

جاك: انت معملتش اي حاجه غير انك دمرتني... انت ملكش اي فضل عليا...

باباه: اخلص ياض انت وامضي...

جاك بعصبيه: طلعوه بره.. انتوا ازاي اصلا تدخلوه هنا!!

عمو احمد: انزل معايا يامحمد.. انزل وكفايه مهزله لحد كدا... كل اللي هامك الفلوس... يعني مش راجع عشان ابنك اللي كان هيموت دا!!

باباه: مايموت... دا يوم المُنى... بس قبل مايموت لازم يمضي..

فيروز: حسبي الله ونعم الوكيل فيكوا.. ربنا ينتقم منكوا... حظك مهبب يابني.. ربنا يعينك ع الهم اللي عايش فيه...

باباه: شغل الحنيه دا اشتغليه بعيد عني...

راح مشي عليه ومسكوا مش شعره جامد...

باباه: امضي دلوقتي حالا.. عايز تموت قبل مااخد كل حاجه!!!... دا ع جثتي...

الكل جروا عليه وحاشوه عنه وانا كنت واقفه ع جنب حاطه ايدي ع بوقي ومصدومه من اللي بيحصل...
خدوه معاهم تحت ونزلوا وراه وفضلت انا وفيروز... وهو كان ماسك دماغه جامد...
جريت عليه لقيت الجرح اتفتح وعمال ينزف والسرير مليان دم...

جاكي: الحقيني يافيروز!..

فيروز: في اي..

جاكي: الجرح عمال ينزف.. اتصلي ع الدكتور بسرعه...

طلعت تجري ورنت ع الدكتور وبعتتله محمد عشان يجيبه اسرع... وانا دورت ع حاجه اكتم بيها الدم اللي بينزل دا... ملقتش حاجه وهو كان بدا يغيب عن الوعي.. قلعت طرحتي بسرعه وربطت دماغه بيها وفضلت حاضناه ودايسه ع الجرح... شويه والدكتور وصل بس كان السرير مليان دم والمنظر يموت حقيقي...

الدكتور: اوعي بسرعه...
قعد وقت كتير يشتغل وخيطله الجرح تاني بس جاك كان مغمى عليه...
قعد كتير وبعدين قام وكان كله دم...

الدكتور بعصبيه: اي الاستهتار دا!!!!... اهو دا اللي انا قولت عليه... لولا اني وصلت ف الوقت المناسب كان زمانه راح.. ولولا هي وقفت النزيف مكنتش هعرف اعمل حاجه...

فيروز بعياط: وحياة النبي يادكتور اعمل اي حاجه.. طب هو هيبقى كويس!..

الدكتور: انا خيطتله الجرح تاني وعطيته ابره منومه.. ودا علاج لازم ياخده... اتفضلوا.. لو مفاقش لحد الليل تبلغوني فورا... وياريت تخلوا بالكوا بعد كدا.. اللهم بلغت..
الدكتور خرج وانا قعدت جنبه وفضلت اعيط...
____
فيروز: انت لو ممشتش دلوقتي حالا انا هبلغ البوليس...

عمو احمد: امشي يامحمد.. امشي وكفايه كدا بقااا...

فيروز فضلت تعيط وتلطم...
فيروز: الواد هيموت.. منكوا لله.. ربنا ينتقم منكوا.. اللهي ماتشوفوا يوم حلو ف حياتكوا.. يالهوي الواد بيروح مني...

محمد: بس يافيروز اهدي.. اي اللي بتعمليه دا..

فيروز: مشيه من هنا... غوروه من هناااا...

عمو احمد: امشي بقااا يااخي.. عقدت العيال..

باباه: ماشي.. همشي.. بس صدقوني مش هسيبكوا...

عمو احمد: اطلع يامحمد شوف جاك...

محمد طلع لقاني قاعده جنبه وبعيط...

محمد: في اي..

جاكي: كان هيمووت.. كان هيموت يامحمد..

محمد: طب بس بس اهدي.. بعد الشر مش هيجراله حاجه.. اهدي انتي بس..

جاكي بصريخ: انا السبب ف كل دا... ربنا ياخدني.. هيموت بسببي...

محمد: اسكتي خلاص.. خلاص هيبقى كويس.. والله هيبقى كويس..
حضني وفضلت اعيط...
___
عمو احمد: اهدي يافيروز مش كدا..

فيروز: اهدى اي.. ابني هيروح مني.. يارب خدني انا يارب.. خدني انا يارب هو لسه صغير ومتهناش بشبابه يارب...

عمو احمد: بس عشان خاطري.. اهدي عشان صحتك يافيروز.. هتتعبي..

نهى كانت واقفه بكل برود...

نهى: كان مضى وخلاص.. مكنش هيحصل كل دا..

نور مشت عليها وهي منهاره.
نور: انا بكرهك.. بكرهك.. انتي مش بني ادمه.. انتي حجر.. انا مستحيل اناديكي امي بعد كدا... انتي مش امي.. انتي واحده انانيه مبتفكريش غير ف نفسك وبس..

نهى: اخرسي ياقليلة الادب.. ضربتها بالقلم..
راحت فيروز قامت من ع الارض...

فيروز: بقولك اي يابتاعه انتي.. ايدك لو اتمدت عليها تاني انا هكسرهالك.. انتي فاهمه!

نهى: وانتي مالك... دي بنتي..

فيروز: لا انتي مش هتيجي بالذوق...
رحت مسكتها من هدومها وفضلت تضرب فيها ووقعتها ع الارض ومحدش قادر يحوشها...

فيروز: عقدتي العيال... منك لله.. انتي حيوااانه... اياك اشوفك بتكلمي حد فيهم تاني يازباله انتي..

نهى: ابعدي عني ياهمجيه... انتي اتجننتي!..

عمو احمد: بس يافيروز.. عيب كدا..
وانتي اتفضلي ع اوضتك...

نهى طلعت اوضتها وهما حاولوا يهدوا نور وفيروز والاجواء متوتره خالص...
___
"صلوا ع النبي" ♥
___

فضلت جنب جاك ومحمد نزل وجاب العلاج...
فضلت مستنياه يفوق...
لحد الليل وهو لسه مفقش وانا عماله ادعي..
جاكي: يارب.. يارب والنبي.. والنبي يارب يبقى كويس... يارب قومه بالسلامه عشان خاطري.. والنبي يارب.. خدني انا يارب وسيبه هو.. يارب خير يارب..

ـ ااه.. ج ا كي
بصيت لقيته بدا يفوق.. طلعت اجري عليه...
جاكي: جاك.. انت كويس!
جاك: دماغي.. ااه..
جاكي: الدكتور كاتبلك ع حقن هتخفف الالم دا شويه...
روحت جبتها وحضرتها وجيت اديهاله...
اي دا!!.. انا هديله حقنه!!!!... يعني هقلعله ال....!!!!.. احييييييه عليا... ياربي هعمل اي دلوقتي.. وهو عمال يتوجع...
جاك: ااااه..
جاكي: لا مبدهاش بقى...
روحت وحاولت اديهاله وادري وشي والحمد لله خلصت...
انا حقيقي مش مصدقه اني بعمل كدا...
عدا شوية وقت وهو هدي...ونام وانا قعدت جنبه ومسكت المصحف وقعدت اقرا قران..

جاك: ا س ي ل.. اس يل انتي ف ي ن.. ااه.. اس ي ل..

كان بينادي عليها طول ماهو نايم ودموعه بتنزل بالراحه ع المخده.. قلبي وجعني عليه وفضلت ساكته وسايباه كدا لحد الصبح....
يادوب بدا يفوق...
___
"حوقلوا"♥🥀
___

عمو احمد: اطلعي يافيروز شوفي جاك..انا طلعتله بالليل بس كان نايم..
حازم: طب ياعمي.. نوديه مستشفى احسن..
عمو احمد: لو تعب هنوديه..
فيروز طلعت...
فيروز: عامل اي دلوقتي ياحبيبي..
جاك بتعب: كويس..
فيروز: قلبي معاك ياحبيبي.. ربنا يعينك..
جاك: بطلي عياط..
فيروز: والله دموعي كلها ماقادره توصف النار اللي جوايا..
جاكي: حااسس بإيه دلوقتي!
جاك: احسن..
جاكي: طب هو لازم ياكل عشان ياخد الدوا..
فيروز: هنزل اجيبله الاكل..
جاك: لا.. مش عايز..
جاكي: انزلي يافيروز لو سمحتي وملكيش دعوه بيه..
جاك: مش هاكل انا..
جاكي: بس يالااا...
جاك: مفييش حيل ليكي..
جاكي: طب اسكت بقاا عشان متتعبش..
جاك: هو انتي مروحتيش اوضتك خالص!
جاكي: لا..
جاك: ليه!
جاكي: هسيبك ازاي!
جاك: لي بردو.. في كتير غيرك هنا..
جاكي: ماهوو..
جاك: خايفه عليا ليه!!... اذا كانت امي نفسها مش فارق معاها...
عيني دمعت..
جاكي: عشان انا السبب ف دا.. لو كنت سمعت كلامك ورجعنا مكنش حصل كل دا..
جاك: كان هيحصل... بطلي تحملي نفسك اكتر.. انتي ملكيش ذنب..
_
عمو احمد: يعني نزلتي..
فيروز: هطلعله الاكل..
عمو احمد: طب هو كويس!
فيروز: االحمد لله...
__
شويه وفيروز طلعت..
فيروز: يلا ياحبيبي الاكل اهو..
جاك: مش عايز بجد..
ساعدته عشان يقعد كويس... وخدت الاكل وحطيته قدامي...
جاكي: يلا كل..
جاك: بطلي بقاا.. انا مش عايز انا..
جاكي: قولت كل.. عشان في دوا هتاخده دلوقتي.. يلا..
حاول يمد ايده بس كان فيها المحلول ومتعوره فوجعته لما حركها...
جاكي: طب خلاص خلاص.. انا هساعدك..

اي دا.. انا هأكله بجد!!... لا بقااا كدا كتير..

بدات ااكله وانا مكسوفه ومتوتره وحاجه كدا مايعلم بيها الا ربنا...

جاك: كفايه...
جاكي: كل وانت ساكت..
جاك: انتي بتكلميني كدا ليه!.. هو عشان انا تعبان يعني!
جاكي: ايوا.. مانا مش هتجيلي فرصه اكلمك زي مانا عايزه كدا كل يوم...
فضلت ااكله.. واكلته كتير فعلا وهو مش طايقني اساسا...
جاك: والله ماهحط لقمه تاني.. وغوري بقاا..
جاكي بابتسامه: خلاص خلاص كفايه عليك كدا.. يلا بقاا عشان تاخد الدوا...
جبت الدوا وشربته وعطيته البرشام وجه وقت الحقن...
جاك: اي دا!
جاكي: سلامة الشوف.. دي حقن..
جاك: انا مش هاخد حقن..
جاكي: لا انت مرتاحتش غير عليها امبارح..
جاك: هو انا خدت حقنه امبارح!!!..
جاكي: ايون..
جاك: ايون ايه!.. مين عطهالي!!!