بالنسبه للناس البتسأل من عمري وانو خبرتي دي حقت ٣٥ سنه!!😂..
احب اقول ليكم الخبره والحكمه ما عندها عمر معين  .. الناس بتكبر بالتجارب والأعمار بالنسبه لي مجرد ارقام !! ..
اي زول داير يعرف عمري او تفاصيل عني البوت متاح الليله💙🔥

استمرار العلاقات المحرمة سيخصم كل يوم من رصيدك في الستر ، والبركة في الصحة ،  والمال ،  والأهل والأولاد .

فأدرك نفسك وأغلق الباب ، واستعن بالله ، فالثمن باهظ جدا في الدنيا والآخرة.

ولا أحد ، ولا شيء يستحق سخط الله وضياع نفسك وآخرتك.
( ومن يتقي ويصبر  فإن ذلك من عزم الامور)

Message From: 921090

السلام عليكم
جزيت خيرا علي كل حرف و علي كل نصيحة بتقدمها لينا شكرااا بحجم الكون 💙💙

يلا انا عاقد لي واحد  مده المهم هسه لمن جا قال لي انا ح اكمل العرس و نسافر لي أهلي  فترة و نمش مصر زي سنتين حتي نجي نشوف موضوع البيت و باقي الكلام دا بس بالجد انا حاسه الكلام دا ما منطقي لمن كلمت ناس البيت اخواني قالو لي  مافي كلام زي دا لازم يأجر ليك بيت و يجيب الغرفة حتي يتم العرس ودي حاجات اساسية  و الزمن بقى صعب و ما تتنازلي عن حقك و كلام كتير ،  بس علي حد علمي هو حاليا ما ح يقدر يعملهم  كلهم الان لانو كان عندو ظروف  فشنو انا هسه محتارة خايفة بعدين يقولو لي احنا كلمناك من البداية ،و لو كمان الزمتو بالحاجات دي خايفة دا يقول لي انتي ما وقفتي معاي .
هل اخواني معاهم حق ؟ و اعمل شنو كلامي ما مرتب بتمنى تكون فهمت علي

♡♡♡♡


وعليكم السلام ورحمة الله وبركاته 🤍🤍..وجزيتِ الجنه يارب🤍..
انا من وجهة نظري اخوانك عندهم منطق فالموضوع فعلا مفترض يضغطو عليه في الفتره دي وينجز عشان بعد العرس المصاريف بتكتر وهو بكون ضامن انك معاه يعني ما حيجتهد شديد.. في رجال كتار بالطريقه دي بوعد الوحده بحاجه وبعد العرس رايو بتغيير تماماً عشان كدا انا بشوف اضمن ليك انك اي حاجه دايراها تأسيسيها اسي قبل العرس ..
اصعب يقول ما وقفتي معاه ولا اصعب تتبشتني وم تعرفي ترجعي لي منو ..
والإيجار ما ضروري طالما انتي اصلا ما حتقعدي في السودان لما تجو راجعين بعدين اجري لكن الغرفه مهمه جدا لأنها مقومات حياة..
#بتمنى_اكون_ساعدتك

Message From: 972850

السلام عليكم
صباح الخير 🦋💙
م عايزة أقول غير إنه ربنا يجزيك خيرالجزاء ، وربنا يجزيك الجنة 🦋
وع كل نصيحة ومساعدة بتقدمها للناس ، وجبر الخاطر ومساعدة الناس عمرها م كانت هينة 💙🦋
ربنا ينور دربك وطريقك ، ويجبرك بخاطرك ، ويسهل أمرك.
طلب واللي هو ممكن تعمل positive  energy  صباحية أو مسائية ، أو حتى مرة ف الإسبوع ، لو م فاضي كتير ، وتكون ثابتة ف زمن معين ✨


(+معليش بس بقيت عندي فضول أعرف التجارب اللي صنعتك وصنعت الوعي ده كله ما شاء الله ، وأستلهم منها 😁😂)



♡♡♡♡

وعليكم السلام ورحمة الله وبركاته 🤍..
اللهم امييين يارب يارب😭🤍🤍🤍..
حاضر ان شاء الله بحاول انزل ليكم بس من يومين لتلاته لأني ما بنشط كتيير🤍
....
والله حقيقه هي ما تجربه واحده ولا اتنين هي تجارب قاسيه شديد زيدي عليها الحاجات الشفتها في غيري وكان نفسي انصحهم او اغير فيهم حاجه بس نسبه لعمري في الوقت داك ما كان في زول حيتقبل رأيي فموضوعو + في حاجه في راسي من الطفوله اني بكون نفسي اقعد مع اي زول عندو مشكله وأوريه السلبيات والإيجابيات ونشوف حلول اقل ضرر للمشكله والحمد لله جاتني فكره القناة وزي ماشايفين انها بفضل الله ثم انتوا نجحت🤍

Message From: 986399

انا متزوجه لي عشره سنه مشكلتي اني بزعل من اتفه الاسباب م عارفه اغير طبعي دا كيف وابقى زوجه واعيه وامشي الامور الصغيره دايما زوجي هو الببادر بالاعتزار وانا م بسامح بالساهل عايزاك ترشديني اتعامل كيف مع النقاشات البسيطه  وكيف اسيطر على زعلي لاني دايما بخاصم بالايام م بقدر اسامح

♡♡♡♡

اول حاجه ختيها فراسك انو التفكير في التغيير يعتبر اول خطوات التغيير...
الاستعانه بالله هي الجزء الاساسي في كل قصص التغيير الحصلت في العالم دا.. ادعي كتير بإنو ربنا ما يتقل قلبك عليه ويهديك ويصلحك ويجعلك كما يحب ويرضى لأنو الدعاء من الأسلحه القويه البنمشي بيها حياتنا وعن تجربه شخصيه انا لما اشوف خلق ما كويس في نفسي بحاول ادعي كتييير لحدي ما يظبط معاي والحمد لله بكثرة الدعاء والاجتهاد بظبط🤍..
ثانياً خلي فبالك انو ما كل الناس طاقه تحملهم وحده واعرفي انو الانسان بجي يوم ويمل من التحنيس "احذر غضب الحليم" وممكن عادي يقول ليك ازعلي ويعمل كل حاجه في راسو لأنو الانسان بطبيعته ملول وطاقه التحمل بتختلف من زول للتاني فما تخلي الحاجه دي تحصل بينكم ..
#بتمنى_اكون_ساعدتك

Message From: 977553

السلام عليكم كيف حالك وربنا يوفقك ويسهل أمرك .. حادخل في الموضوع طوالي .. انا بحب الأغاني يعني م إلا اشغلها طوالي لكن اذا سمعتها بعلق عليها وامي بتقوم تذكرني بالاخرة بلقى روحك بغني وبرجع استغفر واقرا قران زي م بقولو .. صاحب بالين كذاب  واقول خلاص وتاني بجي وعندي حاجات كويسه وبنقضها بالكلام بقول لي نفسي انا هسي مع ناس الدنيا ولا الآخرة وبكون نفسي التزم اني اكون مع القران وبذكر نفسي (ووالذين جاهدو فينا لنهدينهم سبلنا).. الحاجه التانيه تعاملي مع أمي يعني بالجد نفسي ابر امي وم اعلي صوتي عليها بس في مشكله لانو نحنا مافي بيتنا برانا ف من الضغط بكون زهجانه ولما تتكلم بكورك ودي اسواء حاجة (يعني في ظروف بتخليني اماشي رايئ  الناس في امي عشان أقفل بابهم وم اسمع كلام كتير)وهي عارفه بتقول لي عافيه منك م عارفه المهم وصلت . الحاجه التالته .. في واحد زميلي آخر أيام الإمتحانات شرح لي حاجات واتس لانو م كان في طريقه .. بس حسيت كلامو فيهو حاجات خارج نطاق الشرح المهم الكلام م عجبني وخلصت امتحان هسي بعد النتيجه دخل لي وبقى يفتح مواضيع وانا م دايرة اديهو فرصه بختصرو شديد وبقول أحسن احرجو من إني افتح باب م كويس لا لي لا ليهو .. طولت وجزاكم الله خير الجزاء ❤️❤️

♡♡♡♡

وعليكم السلام ورحمة الله وبركاته..
بخير الحمد لله..
اللهم امييين يارب..🤍🤍
اول حاجه القران والموسيقى ديل مستحيل يكونو الاتنين مع بعض واحد فيهم بطلع التاني مستحيل يكونو الاتنين في قلب واحد.. انتي حاولي ركزي مع القران والأغاني ع طول ح تطلع من قلبك وصدق الله العظيم في قوله "والذين جاهدوا فينا لنهدينهم سبلنا" بس انتي عليك بالمجاهده والصبر ع الطاعه وان شاء الله الحكايه ح تظبط معاك ..واتذكري انو الدنيا سجن المؤمن وجنه الكافر " فلازم تتخلي عن حاجات عشان تثبتي حبك لربنا 🤍 ..
ثانيا ادعي ربنا كتتييير انو يسخرك في بر امك ويجعلك ليها كما تحب وترضى ..
#انا بقول ادعو كتير في اي استشاره بتلاقيني لأنو الدعاء بيقين من اعظم اسباب تحقيق الأمنيات والله والله والله تدعي بيقين انو ربنا حيستجيب🤍 ربنا حيرزقك راحه في نفسك وحيستجيب ليك 🤍
ثالثا ليه تشتغلي بكلام الناس اصلا هم ما فيهم زول حيقدم ليك حاجه كل البعملوه انهم يتفلسفو في حياه غيرهم وما حيسكتو لو عملتي خير او شر فالأحسن انك تكسبي رضى امك والباقين فليذهبوا الى الجحيم..
رابعاً
كلامك صح✅💙 وطاما انتي ماشه بمبدئك الأفضل بدل الاحراج انك تكوني صريحه معاه وتكلميه انك ما بتحبي تتعاملي مع الأولاد لأني عن نفسي ما بحب ادخل زول في دوامه من الافكار انا عملت شنو عشان الزول دا يعاملني كدا فالأحسن انك تكلميه بالواضح 'لأنو الصراحه ماف احلا منها ..

#بتمنى_اكون_ساعدتك

مَساءَ الخَيرِ ثُمَّ:

لابُدَّ وأنَّكَ يومًا ما قد شعرتَ بشيءٍ يُحاولُ أن يُرسلَ لكَ خيطَ أملٍ، ويبعثُ فِيكَ شُعورًا هادئًا عذبًا وجميلًا، أو قد استَمعتَ إلى آيةٍ تُلملمُ شَعثَكَ وتُعيدُ لكَ إحسَاسكَ بالحَياةِ مرةً أخرى، لطالما آمنتُ أن هُناكَ دائمًا ضَوءٌ يسطُعُ في جَوفِ السَّماء يُحاول إنقاذنا في كُلّ وقتٍ من عَتمةِ الشُّعورِ باليأس ..

اطمئن فيومًا ما ستَصلُ لما تُريد بإذن الله، سَیرتاحُ قَلبكَ بعد عَناءِ كُلّ تِلكَ الأعوام، سيَهدأُ الضَّجيجُ داخلك والهواجسَ التي تُقلقك، ستَذهبُ وتَجلِسُ في مَكانِكَ المُفضَّل مُعانِقًا وسائِدَ الرَّاحَة،

السَّلام عليك ..

"لو تأملت رحمة الله بك في البلاءِ، وحبّه لصبرك عند الضّيق ، وتودُّده إليك في الشدَّة، ولُطفه بك في العُسرِ ؛ لظننتَ أنك عبده الوحيد..

لو نَظرتَ إلى الدُّنيا بعين الفَراسة ستجدُ أنّ كُلّ أرضٍ ليست بالجنَّة؛ فأنتَ فيها غريب، فلابُدّ أن تتصبَّر..

اشدُد على قَلبك إنّ الأيّام عجاف، لا تَخَف و اتّكئ بكُلِّكَ على ربِّ الفَلَق، واعبُد الله كأنّك وَحدك في الدُّنيا، وكأنّ الجنّة خُلقت لَك..
فإنّ اشتدَّ البلاء فاصبِر، وإن فَتنوكَ فأبصِر، وإِذَا فَرَغْتَ فَانْصَبْ..

فإنّك لا تدري .. بأيِّ شَيء سيختارك اللـه دونًا عن تلك الآلاف والملايين، بأي شَيء !

لعلّ الله يرى فيكَ الصَّبرَ الجَميل الّذي يُحبّه؛ فيختارك.

اصبِر..
لعلّكَ بِحُسنِ صَبرِك تُوَفَّىٰ أجرَكَ بغَيرِ حساب."

- والسَّلام.🤍🌸

Message From: 986807

ربنا يجبر بخاطرك ويسهلها عليك زي مامسهل علي الناس مشاكلها ومهونها عليهم ببركه الايام المباركه ❤️استمر

♡♡♡♡♡

اللهم اميين يارب😭😔🤍🤍🤍..
ان شاء الله 🤍💙🤍

مبارك عليكم الشهر 🤍✨

Message From: 986399

السلام عليكم وربنا يجزيك كل خير ويديك كل السعاده طيب ادخل ليكم طوالي في الموضوع انا مشكلتي  اني بقيت في النص بين حمواتي طبعا مشاكلهم كتيره وبتستمر دايما ونقاشات وكل واحده بتجي تفضفض لي براها وتنتقد اختا وناس بيتم وانا دايما في حيره لاني م بقدر اقيف مع واحده وانتقد ليها اختا لانو خايفه الزمن الف واكون انا العدو في حين انو م قاعده ادي اي واحده كلمه شينه عن التانيه وكل واحده خاته فيني الثقه فانا م عايزه اكسر ثقتهم فيني وعايزه اوضح ليهم انو هم في النهايه اخوات وانا الغريبه..

♡♡♡♡

وعليكم السلام ورحمة الله وبركاته..
اللهم اميين ياارب جمعا 🤍..
خليك في الانتي بتعملي فيه دا لأنو صح ✅💙..
حكايه انو هم اخوات وانتي الغريبه دي م حتكون رايحه عليهم لكن هم بدخلوك فيي مشاكلهم كحكم بس وربنا قال" اذا قلتم فأعدلوا " وزي ما قلتي ما تدي وحده كلمه شينه وفي نفس الوقت ما تقيفي مع وحده وتخلي الباقين لأنو لما يتصافوا حيتقلبوا عليك كلهم😂..لأنو المشاكل بين الأخوات دي حاجه طبيعيه شديد ..
فالأحسن انك تسمعي بسس وما تبدي اي آراء عشان ما تتمسك عليك حاجه ..


#بتمنى_اكون_ساعدتك

Message From: 986854

السلام عليكم ورحمة الله
ما عندي استشارة ..جاية ادعي ليك
ربنا يفتحها عليك يارب وين ما تقبل ..ويجبر بخاطرك جبرا يليق بعظمته وجلاله 🤍 زي ما بتجبر بخاطر غيرك وتخفف على الناس وتقلل كربهم .. خطوة عظيمة وجميلة شديييد
من بدري حابة اعمل الفكرة الجمييلة دي بس ما اتسهلت ..واذا محتاج مساعدة في القناة ان شاء الله انا متبرعة في اي وقت
فاا ربنا يوفقك ويسهل جميع امورك ان شاء الله ويجزيك عن الجميع كل خير ✨✨

♡♡♡♡

وعليكم السلام ورحمة الله وبركاته..
اللهم اميين اميين يارب وايااك 🤍🤍💙💙✨✨..ان شاء الله ما ح اتردد في طلب مساعدتك🤍🤍..وجزيتِ الجنه يارب🤍💙✨

مبارك_عليكم_الشهر
"قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِّمَّا يَجْمَعُونَ "

الحمدلله كثيييراً ان بلغنا شهر رمضان شهر القرآن والصيام والاحسان

تقبل الله منا ومنكم صالح الأعمال
مبارك عليكم الشهر 🤍

باسمك يا الله نبدأ شهر رمضان المبارك.. فاللهم بارك لنا فيه وارزقنا خيره وخير ما فيه، ولا تُخرجنا مِنه إلا بذنب مغفور، وعمل مقبول، ودعاء مستجاب، ولسان مستطاب، وإعانة على العبادة، وخيرًا كثيرًا في جميع أمورنا، وقلبًا طيبًا غير الذي دخلنا به.. آمين آمين

"‏ستأتيك تلك اللّحظة التي تقولُ فيها بكُلّ مشاعر قلبك المُبتَهِج: هذا عوض الله الذي جبَرني، هكذا عوض الله إذا أتى يُنسيكَ ماقد فُقِد، ويعقبُ كلّ تلك المرارةِ فيضًا من الحلاوة، لأنه الجبّار."
اتمنى لكم ، يومًا خفيفًا لطيفًا على قلوبكم🤍🌸

اللهم اجعلها جمعه لجبر قلوبنا ونهايه لجميع احزاننا

سيستجيب23✨

" البلايا ضيوف ..
فأحسن ضيافتها حتى ترحل إلى بلاد الجزاء مادحةً لا قادحة ..
فلولا البلايا، لوَردنا القيامة مفاليس ..
ولو فُتحت لك أستار الغيب، لأحببتَ حزنك ..
ولو رأيت كيف يُغرف للصابر غرفًا من الثواب، لانتشى قلبك، وتلذذت بكل وخزة ألم "🤍🌸

#همسـة_رمضانية.



اتجه إلى الله بكُلّ مَا تملك اذهب و احكِ لهُ
‏عن صبرك الطّويـل، انتهز أوقات الإجابـة
‏وَ مواضع السجدات ؛ ثق بأن اليقين
‏لا يُردّ يومًا‏ ، فالقُرب من الله مفتاح كُلّ الأبواب.

فـائـدة


‏﴿ رَبُّكُمْ أَعْلَمُ بِمَا فِي نُفُوسِكُمْ ﴾
‏قد تعجز عن وصف آلامك وشرح أوجاعك.. لست بحاجة لذلك.. الله أعلم بها لكن قل: يارب🤍🌸