Message From: 984856

السلام عليكم ورحمة الله وبركاته ❤️❤️
شكرا ليكم شديد ع الحاجة الانتو بتعملوها دي ربنا يجزيكم خير ان شاء الله ❤️❤️

طيب انا مشكلتي مخطوبة و حاليا خطيبي بجهز في تفاصيل العرس و كدا و مخطوبين كدا و الناس عارفه بس م لبسنا دبل او غيره طيب هسي خطيبي طالب مني صورة خاصة عشان عايز يشتري ع اساسه الملابس و كدا و انا رافضة و هو مصر شديد وليه حوالي اسبوعين بيقنع فيني بس مصرة ع راي و قال لي رسلتها كدا بكون عندو حماس يمش يشتري تفاصيل الشيلة عشان العرس في العيد بس عايزة حل و م عارفه اعمل شنو

شكرا لكم

♡♡♡♡

وعليكم السلام ورحمة الله وبركاته...
وجزيت الجنه ❤️❤️..
لو جيتي من ناحية الشرع فما بجوز انك ترسلي الصوره ..وكمان خاصه؟؟.. اوعك تدقسي يا بت الناس انا بحاول ما اسيئ الظن لكن انتي بس ما ترسليها دا الدين بقول كدا ..
ولو جينا للمنطق اصلا الصور ما بتديك الحقيقه يعني لو عاينت للصوره مستحيل تعرف الزول دا طولو كم او وزنو كم فهو مفترض يكون سؤاله انو وزنك كم او طولك كم اذا هو عاوز يشتري شيله ..
كلميه انو الصوره ما بتدي الحقيقه ووريه وزنك وطولك وكلميه انو دي الحاجات البحتاج ليها ..
#بتمنى_اكون_ساعدتك

https://hottg.com/Estsharat333

سيستجيب✨20

سيستجيب✨21

وتسأل هل ياربِ من فَرجٍ ؟ ولم تدري بأن الله خَبْأ في ثنايا الصَبرِ غُفرانا ولم تدري بأن الله أنبت في روابي العُمرِ بُستانا وإن طالت وإن ثَقُلت غدًا ننسى، غدًا نرضى غدًا ميزاننا يُقضى !

Message From: 984590

السلام عليكم ورحمة الله وبركاته
جمعة مباركة
الحاجة الأولى ربنا يجزيك خير الجزاء
الحاجة التانية انا شخصية بعاني من التفكير الزائد يعني ممكن موقف بسيط بخليني افكر فيه شهور عديل كده
وتاني حاجة انا من نوع الناس البيتعلقوا ومتحسسة من الحتة ده
وتالتا بصراحة انا حبيت لي واحد كده ماشاء الله تبارك الله عليه اخلاقه وصلاته وهو ود جيرانا وطلع بقرا معاي في نفس الجامعة بس م حابة اعاين ليه وعاوزة م افكر فيه أتجاوز الموضوع ده لانو مضايقني وصراحة انا عاوزاه على سنة الله ورسوله بس هو زول غاضي البصر ماشاءالله تبارك الله عليه وم بفكر اصلا يتكلم مع بت ومافي فرصة اصلا يتكلم معاي
ورابعا انا زولة مزاجية عاوزة اتخلص من الحاجة ده برضو
وجزاك الله خيرا وبارك الله فيك وربنا يديك الصحة والعافية ويفتحها عليك دنيا وآخره..

♡♡♡♡♡
وعليكم السلام ورحمة الله وبركاته..
وجزاك الله الجنه ونعيمها..
التفكير الزائد او ما يسمى بمتلازمهOver thinking ..التفكير المفرط .. دا حله انك اول ما تجي على راسك فكره تواجهي بيها عشان تقطعي التفكير حصل بينك وبين زول موقف زعلك في لحظتك وقبل تفارقي الزول قولي كل الفي بالك بحيث انك لما ترجعي ما تقولي انا ليه ما قلت الحاجه الكنت بفكر فيها ..بعدين في جمله مختصره لحل التفكير " ان القضاء وقد انقضى ثلث الهما صبر وثلثاة الرضى" قلتي حاجه وخلاص انتهت يا اما ترضي بكل الحصل او تصبري على الحاجه الكنتي عايزاها وما حصلت..
ثانياً بالنسبه للتعلق حلو بس الدعاء وقض البصر
ثالثاً..
عشان كدا يا جماعه ربنا نهانا عن اطلاق البصر لأنو النظره الأولى لك والثانيه عليك والعين هي مدخل القلب.. لما تشوف من الجنس الاخر بالصدفه فالنظره الأولى م بتتسأل منها لأنو غالباً بتكون لمحه وشرطها انو تكون من غير قصد فلو بقت بقصد تبقى حرام.. اما النظره التانيه وهي حقت التعلق دي الأنت مسؤول منها ..دي البسببها بتبدأ العلاقات والحب من طرف واحد ..
عليك بالدعاء انو ربنا يخلصك منو اذا فيه شر ليك اويكتب ليك فيه الخير ويجعلو من نصيبك ..
اللهم اميين ياارب 🤍🤍
#بتمنى_اكون_ساعدتك
https://hottg.com/Estsharat333

Message From: 977553

السلام عليكم.. ربنا يجزيك الجنه وييارك في اعمالك .. وربنا يسهل امورك كمان .وإن شاء الله جبرك للناس دا يشفع ليك بالخير .
نبدا انا لي فترة مضغوطه نفسيا والخاجه دي اثرت علي خلتني عصبيه جدا وفي اي شي بزعل لمن جاني مصران عصبي واي حاجة بكورك لا وفي حاجة نفسي تتصلح بلعن الزول طوالي وبدعيهو ف ياريت تدعو ربنا يصلح حال لساني ويشغلني بالذكر.
تانيا انا وناس بيتنا برضو مارين بمشاكل وابتلاءت والحاجات دي سنين بس قاعده تزيد وكنت النوع البصبر ومتعلقه بالذكر وبدعي وبقرا قران وبقول كلو لي خير .. اسي بقيت بكورك ومرات الشيطان بخلني افكر تفكير كعب اعوذ بالله انو لي وووو .. وبقيت م يصلي الوقت طوالي مرات باخرو وم بقرا قران وطوالي ماسكه التلفون حتى لو قلتا أقرا بكسل  ..ف حاليا بس بكون عايزة انوم عشان م اسمع كلام كتير في حين كنت بتقوى بالله ..حصل لي انتكاس ..وبقيت دايما بشكي وزي م عارف الناس بتخليك تشكي وتقول ليك م تزعل وكدا والحاجه دي باقيه عادة .. في مشكله انو انا اكتر زول بزعل على الحال وهم ولا هاميهم بلقى روحي منفعله في فاضي ... ودعوتكم لناس بيتنا ربنا يصلح حالنا.. معليش طولت وجزاكم الله خير ❤️

♡♡♡♡

وعليكم السلام ورحمة الله وبركاته ..اللهم امين يارب 🤍🤍.. بسم الله على قلبك حتى يهدأ ...
لا حول ولا قوه إلا بالله ربنا يشفيك ويفرج عنك ويهل امرك ويجبر خاطرك.. اول حاجه مفترض تعرفيها انو الدعاء على الناس بالشر بقلل الرزق عشان كدا حاولي امسكي لسانك ..ربي يسعدك ويعدل خطاك ويصلح لسانك يارب..
ثانيا ..
الابتلاء سنه الانبياء .. سيدنا ايوب ربنا ابتلاه بمرض وما لقى ليه دواء وتعب خالص منو وفقد اهلو كلهم والدنيا ضاقت عليه اتخيل يجيك مرض مزمن واهلك كلهم يموتو دفعه وحده شعورك ح يكون كيف؟؟ .. ربنا قال " وأيوب اذ نادى ربه اني مسني الضر وانت ارحم الراحمين"النتيجه كانت شنووو؟؟؟"
فاستجبنا له وكشفنا ما به من ضر وآتيناه اهله ومثلهم معه رحمه من عندنا وذكرى للعابدين"
..وان الله اذا احب عبدا ابتلاه..وربنا قال" ولنبلونكم بشئ من الخوف والجوع ونقص من الأموال والأنفس والثمرات وبشر الصابرين "🤍🤍🤍 عارفه الصابرين ديل اجرهم كيف؟؟ ديل اجرهم ربنا ح يديهم ليه بدون حساب لو زول قال ليك شيل وما تحسب شيل بس شعورك ح يكون كيف ولله المثل الأعلى♡ البلاء هو البلسم الرباني ببتليك عشان يقربك ليه لما تكون بديت تميل عن الطريق البلاء بكون اشاره عشان ترجع وتمشي صح..
اهلك حاسين بالحاصل لأنو اي بني ادم عندو مشاعر لكن متصبرين لأنو ما عندهم حل غير الصبر والجزع ما حيغير حاجع ..
ارجعي لربنا تاني من اول وجديد ربنا قال" قل يا عبادي الذين اسرفوا على انفسهم لا تقنطوا من رحمه الله" ارجعي وان شاء الله ما حيخذلك ارجعي عشان تتطمئني بقربوا وعشان نفسك تهدأ ..قولي اللهم اني اعوذ بك من جهد البلاء ودرك الشقاء وسوء القضاء ..
وربنا يفرج عنك وعن اهلك ويرفع عنكم الضيق يارب🤍
#بتمنى_اكون_ساعدتك
https://hottg.com/Estsharat333

Message From: 985079

السلام عليكم أنا دخلت القروب قريب وقريت كم استشارة كدا وحقيقي استفدت منها شديد وشجعت صحبتي تجي تحكي مشكلتها يمكن تتحلا ليها❤️

طيب ابدا في مشكلتي او يمكن هي م مشكلة بس المهم انا م عارفه انا اتصرفت في الومقف دا كدا ليه مرات بقول ي ربي أنا دنيئه للدرجه دي ولا م عندي كرامته ولا عادي اتهان كدا ولا شنو ولا دي بس ضغوطات اثرت علي خلتني أتصرف كدا لأنو تصرفي م تصرف طبيعي حاسه انو م كنت في وعي اللحظة ديك المهم انا في الجامعه قبل سنة الكلام دا في زميل لي هو زول طيب بس مندفع شديد ما بفكر في كلامو قبل يقولو وممكن يجرح الزول عادي بس م من النوع البخت في بالو هو صح عندو الغتاتة بس يعني سادج كدا وطفولي شديد وانا كنت بتعامل معاهو في حدود لو اتعاملت معاهو بكون في شرح مادة ي هو يشرح يا بكون عاوزني اشرح أنا بس المهم في فترة كدا أنا قررت اني م اصافح وبعد أخدت القرار دا بي كم يوم لاقيتو في بينش كدا وقاعد في نص بنات بشرح ليهم وانا كنت طالعه من مكتبة الجامعه بس كنت عاوزة اسالو من حاجه في مادة قمت سلمت علي البنات ومديت ليهو التلفون عشان أنا م بصافح وقلت م ظريفه احرجو بس الساعة القام الولد هاج كدا وقال دا شنو كلكم بقيتو معقدين وم بتصافحو وحركات جديدة قلت لي أنا لي فترة بس يمكن م لاقيتك وسلمنا عشان كدا بس وعادي الموضوع ماف حاجة بتزعل المهم الود ابتسم وقال لي عليك الله فكينا من ما بصافح دي كان م قبل كم يوم شفتك راقدة في حضن ولد تقولي لي م بصافح وكان بعاين جوة عيني وانا حمرت ليهو مسافه طوييييلة بس من الخلعه م قدرت ارد لي بس فضلت واقفه مسافه طوييييلة قدامو واللبنات البشرح ليهم ساكتين ساااي وصحبتي المعاي هي عارفاهو وعارفه صفاتو واسلوبو الكعب في الرد وانو طايش ساي هي قالت لي ارح من هنا وانا مشيت معاها من غير م ارد لي ولا اخد حقي بعدين الموضوع حرقني شديد وقلت علي فترة يعني م ينفع امشي اتكلم معاه وبي نفس الاندفاع م عرفت أتصرف كيف ف سكتت وخليتو لي الله لكن هو شدة م حرقني بقيت يبكي بي الايام فيهو علماً بي انو اصلا قبل يحصل الموقف دا نفسيتي كانت مدهورة وكنت طبيعي شاردة ومضغوطه نفسيا والقرايه وضغوطاتها والامتحانات كان قربت لمن حكيت لي صحبتي وحدة تانيه غير الكان معاي في الموقف بس لمن حكيت ليها البت الكانت معاي لمن حصل الموقف كانت في المهم الاتنين قالو لي م تشتغلي بيهو وم تردي ليهو لأنو كدا بتدي قيمة أكبر من حجمو وانتي مش عارفة نفسك م تشتغلي بيهو .. مرت سنة علي الحاجه دي وهو التزم نفسو وتعاملو وانا كنت بتعامل معاهو م قطعتها منو بس دايما بجيني احساس اني ظلمت نفسي وبحس بالدونيه وريني وانصحيني أعمل شنو مع نفسي واتخلص من الاحساس دا كيف وهل أنا مقصرة في حق نفسي ومفترض كان اردها ليهو واخد حقي أنا دعيت ربنا كتير انو ياخد لي حقي منو ودايما كنت بتذكر الايه البتقول والكاظمين الغيظ والله احساس صعب أنك ندمانه وعلي منو علي نفسك انك ظلمتيها ساعدني الله يوفقك😔😭💔

♡♡♡♡
وعليكم السلام ورحمة الله وبركاته..
مبادره جميله منك وبتمنى انك تكوني مواصله وثابته وما رجعتي للمصافحه تاني..
اينعم الموقف حار شديد وماف حاجه حاره اكتر من الظلم وبالذات لو كانت الحكايه لبنت وفي ادبها واخلاقها الحكايه بتكون مؤلمه اكتر.. لكن في ناس اصلا بكون مرورهم في الدنيا ابتلاء لغيرهم اعفي عنو ..عشان ربنا قال "ومن عفى واصلح فأجره على الله ".. لأنو العفو صعب شديد وبالذات لما يكون خالص من جوا نفسك..
وصدقيني ربنا حيشيل ليك حقك من غير ما تدعي عليه اصلا لأنو ربنا سمى نفسه الحكم العدل..
دايماً ليك ولزمانك لما تقرري تلتزمي ما تجاملي تقولي دا بزعل ودا برضى واسلم بالتلفون ولا القلم الصراحه والصرامه في الدين زيها مافي اي زول داير يزعل يزعل طالما انتي ما عملتي حاجه غلط🤍 ..
#بتمنى_اكون_ساعدتك
https://hottg.com/Estsharat333

Message From: 593744

سلام عليكم ورحمة الله وبركاته يسعد أوقاتكم بكل خير... مشكلتي  طويلة شوية هي انا طالبة طب بقرا في سنة رابعة عندي مشاكل وعوارض كتيرة ف الجامعة لا معروف قصد من ناس الجامعة ولا عوارض ولا ابتلاءات من ربنا المهم انا ناجحة وفجأة طلعو لي نتيجة م شغلي وربتوني سنة تالتة مع اني مستواي كويس والحمد لله مجتهدة حاولت أحل الموضوع مع الإدارة  واصل معاهم ل حل ودخلت ناس يتكلمو معاهم أقلاها اشوف موادي ب عيني عشان اقتنع جد اني م ينفع امشي ل قدام  رافضين رفض بات يوروني نتيجتي بس يقولو لي تعيدي يعني تعيدي دخلت ف حالة نفسية لولا إيماني ب انو دا ابتلاء كان جنيت رسمي حاليا انا قاعدة لم استلمت للإعادة لقيت انو  أصلا ماف دفعة ف تالتة لسة م خلصو تانية المهم عندي زوجة اخوي حكيت ليها الموضوع كلو قالت لي أنا بعرف وحدة بتعرف انو ف شنو يعني م دجالة ولا بتعمل ليك حاجة كلمتها  المرة قالت ليها عاملين ليها حاجة م تمشي ل قدام وماف زول يقدر يساعدا أصلا انا ح ابدا ليها ف العلاج المشكلة حاليا انا ضميري مأنبني اني سلكت طريق م صح م مطمأنة للحاجة دي مع اني الحمدلله منقبة وعارفة الصح شنو محتارة اعمل شنو هل أواصل معاها وزي م قالت تديني العلاج ولا أوقفها ولو وقفتها اعمل شنو افيدوني الله يجبر بخاطرك ويسعدك في الدارين يارب 🥺

♡♡♡♡
وعليكم السلام ورحمة الله وبركاته...
اولا
 لا يجوز العلاج بسؤال الكهنة والعرافين والمشعوذين واستعمال ما يقولون .
وقد حذر الرسول صلى الله عليه وسلم من إتيانهم وسؤالهم وتصديقهم ، فقال عليه الصلاة والسلام : (مَنْ أَتَى عَرَّافًا فَسَأَلَهُ عَنْ شَيْءٍ لَمْ تُقْبَلْ لَهُ صَلَاةٌ أَرْبَعِينَ لَيْلَةً) رواه مسلم (4137) . وقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ أَتَى كَاهِنًا أَوْ عَرَّافًا فَصَدَّقَهُ بِمَا يَقُولُ فَقَدْ كَفَرَ بِمَا أُنْزِلَ عَلَى مُحَمَّدٍ صَلَّى اللَّهُ عَلَيْهِ وَسَلَّمَ ) ..
ثانيا..
اقيفي من الموضوع دا الليله قبل بكره لأنك ماشه علي هاويه وربي يغفر ليك الفات ..الزوله دي بتتعامل بالسحر لأنو لا يعلم الغيب الا الله ..
اتعالجي براك بسوره البقره لأنها علا ج للسحر والرسول قال " لا تستطيعها البطله " اقريها يوميا وتابعي مع مركز رقيه عديل يكون بعالج بالقران الكريم وعليك
بالحوقله وقيام الليل ..
وادعي ربنا كتتييير بالليل انو يفرج عنك ويوفقك لأنو سهام الليل لا تخيب ..
#بتمنى_اكون_ساعدتك

إلى الله فارغب لا إلى ذا ولا ذاك فإنك عبد الله والله مولاكا وإن شئت أن تحيا سليما من الأذى فكن لشرار الناس ما عشت تراكا❤️✨
https://hottg.com/tarewvbcom

Message From: 970584

انا مرتبطه بواحد وبنحب بعض بس برضو م متأكده من حبو لي هل هو حقيقهةاو لا ...لانو طوالي بقول لي اتصوري لي بالبجامه وكده وانا بتصور مرات يعني وانا عايزة اخليهوو بس خايفه يعمل حاجه بالصور...

♡♡♡♡

اول حاجه "#الرجوع عن الخطأ خير من التمادي فيه.."
بعدين انتي بنت ونزعتي حياءك راضيه عن نفسك؟؟
بغض النظر انو هو ح ينشرها ولا لأ كدي اقعدي مع نفسك كدا بهداوه وفكري في الحاجه الانتي عملتيها دي هل الحاجه دي بترضي #ربنا هل انتي بالحاجه دي كسبتي رضاء #الولد دا وهل بعد ما شاف صورك تاني ح #يثق فيك ..خليك عارفه حاجه انو اي ولد تضعفي قدامه وتخلعي حياءك طوالي نظرتو ح تتحول لي استحقار وعدم ثقه ..
#وخليك عارفه انو النوع البطلب الصور دا ما بكون همو انو يأسس معاك علاقه لي قدام دا بكون همو #يقضي بيك زمنو وما هو براهو بكون معاهو شله كبيره وصورتك تتوزع كدا من قروب لقروب ..
عارفه ليه ؟؟#لأنك رضيتي ع نفسك الحاجه دي...
اسي حالياً حاولي لاقيه بأي طريقه واتصرفي #امسحي صورك دي وبعد داك #اقطعي علاقتك معاه..
حقيقي والله الاستشاره دي من #الاستشارات الألمتني شديد💔 يا بنات ياخ لو ما عشان نفسكم عشان اهلكم ما بستاهلو سمعتهم تخرب بسببكم عشان ربنا وعشان ابوك واخوك 😔..
ربي يهدينا ويهديكم
#بتمنى_اكون_ساعدتك

إذا غادرت شيئاً ، فغادره بعقلك وقلبك وبصرك وذكرياتك ... فالالتفات يجدد مواجعك ، ولا يعيد فائتاً🥀

سبب المأسي البنقع فيها دايماً إنو نحنا ما بنعرف الوسطية، بنقع في أي حاجة بكلو..
بنصاحب بكلو،  بندحل في العلاقات بكلو و بدون ما نخلي مساحات لذاتنا..

لو راجعنا ترتيب حياتنا من البداية حنلاقي إنو نحنا بنبالغ في أعطاء المشاعر و الأولويات..

في حدود المفروض ما نخلي ناس معينة تتخطاها..
في تفاصيل كانت ما حتبقى لو كُنا قُلنا لالا في وقتها..

في أوقات كتيرة المفروض نراجع نفسنا قبل ما تتباهى بأي زول و نديهو مسمى ما حقو..

إنك تكون كائن وسطي يعني كائن مُتزن، حتكون عارف حقيقة التفاصيل القدامك مهما كانت ضبابية.

خليك عاطفي بطريقة عقلانية َ إتعلم تخلي مساحات عشان لما ترجع خطوة لورا ما تقع.
اتعلم الاتزان في العطاء و في الأخذ و في كل شئ.

صارحني 💌:
Message From: 984752

سلام عليكم
#الاستشارة
عندي صحبتي بتقلق كل ما يجيها اتصال ،،،و قبل ما ترد بتتوقع انه حتحصل حاجة سيئة …او الاتصال دا حيجيب ليها أخبار ما كويسة وخصوصاً لو المتصل كان صوته متغير …

Black   🖤:
دي متلازمه خوف بتكون دايما نتيجه لموقف وبتتنتهي مع الزمن..

#بتمنى_اكون_ساعدتك

لكل الاستشارات العاطفيه والنفسيه والمشاكل العائليه والزوجيه ادخل الفضفضه لمجهوول🔥

سيستجيب 22✨

انستغرام 📌🤍

كہٰٰٰٰۣۗورونہٰٰٰٰۣۗا 📌🤍

دردشة وتعارف❤️🙈

للانضمام للسته اضف البوت ادمن 📌
@BDR4BOT

Message From: 985079

السلام عليكم
ربنا يجعل كل حرف بتكتبي شفيع ليك
ح اخش في الموضوع طوالي
أنا عمري 22 سنة يعني فضل لي سنة واتخرج هسي حاليا نازلة ترينك وفي ولد في الترينك بدربني عمرو بين 29 او 31 عاوزة اعرف انو عادي فرق السن كدا ولا كتير وهو كبير علي؟ يعني هو صراحه  م أكبر من 31 ويعني أنا معجبه بيهو جدا وبي شخصيتو واسلوبو لأنو هو بضحكني شديد حتى لو حاصلة معاي حاجه بحاول انو يعرفها وبعدها بضحكني وانا اعجابي دا ما بقدر ابينو ليهو حتى عشان م يحس علي مرات بعاملو عكس الاعجاب والحب والاهتمام يعني بحسسو بي اللامبالا عشان م عاوزة يحس اني لو اهتميت بيهو انو أنا كدا زولة خفيفه وهو بقى عيان فترة كدا عندو التهاب لمن صوتو راح وحساسيه ولعب كورة واتعوق فيها وكان كل مرة بي هظار بقول لي شنو يعني م بتسألي اني بقيت كيف وكدا ومرات بي هظار كدا بقول لي كلو منك انتي دي .. في يوم اتونس معاي وسالني إذا مرتبطه ولا لا وليه رافضه فكرة الارتباط ف أنا ارتبكتا واتوترت كان ظاهر علي انو متوترة من سؤالو لاني فعلا خايفه من الارتباط وم عاوزة استنزف مشاعري ساي المهم م جاوبت ليهو الحقيقة قلت لي أنا م رافضه الفكرة بس لسه الزول المناسب م جى مرة كم يوم وجرت ونسه قام حكى لي تجربتو لمن كان في الجامعه وانو انفصلو وهي اتزوجت صراحه صعب علي ولد انو يحكي حاجه زي دي البت ممكن تحكي وتبكي بس الولد حاره عليهو المهم بعد خلص قصتو وكدا ف لقاني تنشنت كدا قام سألني مالي بعد جرجرة وتحانيس حكيت ليهو تجربتي انو اتأذيت منها كيف وهو قال  لي م تزعلي لو م جربتي م كنتي حتعرفي الاحسن ليك ياتو وما كنتي حتكشفيهو وم كنت حتعرفي صحباتك الحقيقيات منو المهم انا متعلقة بيهو جدا ومحتارة وخايفه انو لمن اخلص ترينك يكون دا احساس عابر سااي م متاكدة من مشاعري أنا بس حابه يكون بينا تواصل وكدا وعاوزة هو اليبادر بس خايفه م يتواصل معاي أنا م عندي رقمو وم حقدر ابادر بي الحاجة دي لأنو م من طبعي وبدعي في كل مرة حتى لمن أقيم الليل بدعي انو يكون من نصيبي لو فيهو خير ولو م فيهو خير يجعل الخير فيهو ويجعلو من نصيبي

انصحيني أعمل شنو في حيرتي دي وهل انا ماشه صح ولا اظهر ليهو شويه اهتمام ولا كدا حظهر  في نظرو البت الخفيفه

♡♡♡♡

وعليكم السلام ورحمة الله وبركاته ...
اللهم امين يارب..
انتي ماشه صح✅
بس حكايه الهزار وانك ما بتفقديني والكلام دا دي مداخل شيطان يعني بسهل الكلام بينكم وبخليكم زي المتعودين ع الونسه والحاجه دي م بتجوز...
انا بالنسبه لي ولنظره الرجال عامتاً إلا من رحم ربي صعب انو الراجل يتقبل فكرة انو الواحده بادرت ليه ويحترمها بعد المبادره ..انا بكلامي دا ما بقول الوحده ما تبادر لأنو السيده خديجه عرضت نفسها ع الرسول صلى الله عليه وسلم وتزوجها.. لكن في الزمن دا نادر جدا من وحده تعترف لولد ويقدر الحاجه دي وأولاد الحرام كتار شديد وممكن يستغلو المبادره دي استغلال سيئ شديد او يحتقرك بيها حتى لو تمت بينكم قسمه ودا كلو راجع لي شخصيه الطرف التاني ..ولو الوحده حبت انها تعترف طريقه الاعتراف زاتها ما بتكون بالطريقه المنتشره حقت انا بحبك والكلام الفارغ دا ..الطريقه بتكون انك تعرضي ليه الزواج عديل اما وافق او رفض..
ع العموم خليك ثابته على مبادئك وربنا يجعل فيه الخير ويجعلو من نصيبك ♡..

#بتمنى_اكون_ساعدتك