Суҳроб адашиб битган бўлса, бир оғиз айтинг, ўзгартириб қўйсин

Shuytmoq kerakka öxshaydi, qarindosh

бу тўртликларга асос бўлган ҳадислар ҳам жамланган варианти

Бўламга ўлай, қуллуқ.

Mana qarindosh

Қабул, ака

ТУЯЛАР

Баҳранларда тўзса туялар,
Саҳарларда эсса...
Азизларин ёди эзар,
Азизлари сезар!
Одамзот эса...

Ўркач-ўркач...

Саҳроларда юзса туялар,
Янтоқларни чўзса,
Бир калима тизар –
Қаноат ўсар.
Одамзот эса...

Тиркаш-тиркаш...

Кўз ёшини узса туялар,
Узуқлари – ғусса –
Титроғида кезар,
Туйғулар безар!
Одамзот эса...

Рўкач-рўкач...

Одамзотни кўрса туялар,
Одамзотни кўрса...
Икки лунжи қўзар,
Тупуги сизар
Одамзот эса...

Оркаш-оркаш...


Алибек Анварий

Ассалому алайкум, устоз, тупроғди гарди асносида юрибсизми?
Баҳран ни бархан га ӯзгартиринг устоз!

Ассалому алайкум

Раҳмат

Marsiya

Mansur Jumayevga

Toshkentdan Qarshi qadar yomg‘ir yog‘ib borodur,
O‘n bir dilpora do‘sting esdan og‘ib borodur,
Kuygan ko‘kay kuydirgi ko‘zni sog‘ib borodur,
Yo‘l ham bizga qo‘shilib,  zorlanib borar,  do‘stim.

Qatordan kamni sanab,  kuzak hayron boqodur,
Yulduzini uchirgan osmon vayron boqodur,
Sen kutgan fasl* kelib,  vale giryon boqodur,
Qilmishidan qismating orlanib borar,  do‘stim.

Oldinda bir ulov bor,  ichida ikki murg‘ak,
So‘lg‘in bitta gul bordir - sen sevgan o‘shal yurak,
Kim bosh bo‘lar ularga,  kim bo‘lar endi tirgak?..
Orzular xazon yanglig‘ xorlanib borar,  do‘stim.

Buncha uzun bu yo‘llar,  buncha bag‘ri yag‘irdir,
O‘n bir yo‘ldosh boradur,  bari yag‘ir bag‘irdir,
She'rlar qoldi shoirsiz,  nahot she'r ham sag‘irdir?..
Lek shoiri Tangriga yorlanib borar,  do‘stim.

Derazadan termulsam,  otilib chiqib oting,
Xayolimda siniqqan surating turar qotib,
Tark etdi deb ingrasam, battar o‘rtabon yoding
Borgan sari dunyoda borlanib borar,  do‘stim.

*''Biz kutgan fasl'' kitobi

ИККИ ДУНЁ


✍ Мансур ЖУМАЕВ
🎼 Шуҳрат ДАРЁ
🎙 Шуҳрат ДАРЁ

#17_ноябр
#Кечириладиган_даврнинг_Қадр_кечаси
#Талабалик_битиги


​​ЭРИНИШ

Эриниб кўчага чиқмадинг бугун,
Алдадинг. Мен эса яна тушдим чув.
Ахир бугун – осмон эринмаган кун!
Ахир... бирдан йўққа чиқди учрашув.

Фонус мулгиб борар тунга беланиб,
Хиёбон қўйнига кирар қора қор.
Кўлмак хуррак отур музга ўраниб,
Сукунатни кийиб олди дарахтзор.

Манфий ўн олтига энди ҳарорат,
Қорним чалиб бошлар толиблик куйин.
Қоним эриняпти... энди ҳарорат,
Совитишга ўтди кўнглимнинг уйин.

Қор ҳам эриняпти ерга тушгани,
Шамол кўзларимни юлар берилиб.
Ҳайҳот қишда қолган муз ҳайкалчани,
Наҳот ўйламайсан, мени... эриниб?!

Лаҳзалар жон берди, лаҳзалар чексиз,
Фақат сен чорлашинг мумкин ёнишга.
Яна ўн дақиқа қолсам гар сенсиз, 
Эрина бошлайман нафас олишга.


@Alibek_Anvariy

Ўттиз йилдан бери Ҳиндистонда ўзбек тилини ўргатиб келаётган профессор, йирик олим Шаҳид Таслим билан. Деҳли. Ислом Миллий университети (Жамия Миллия Исломия). 2024 йил, 28 ноябр.


@Alibek_Anvariy

Мирзо Абдулқодир Бедил равзаси зиёрати. Деҳли. 30.11.2024


Бузуқ қабримни кўрган ўқчи дўкониға ўхшатқон,
Фироқинг ўқидин анда кўруб пайкону пар ҳар ён.

Навоий


@Alibek_Anvariy

​​САРДОБА
  Дилмурод Дўстга

Ўқ ариқдан сув оқар тўлиб,
Уйғонмайди унгача кўрак.
Тунлар – қисқа муддатли ўлим,
Уйқудадир тонггача юрак.

Ўйга чўмар ҳазин юлдузлар,
Бу кеч ўчди бири саноқдан.
Тушда гўзал теримчи қизлар,
Суғуради жонни чаноқдан.

Пайпаслайди уфқни шафақлар,
Тополмайди, дафъатан, аммо.
Сесканади оловдарахтлар,
Уйқудадир замину само.

Ҳориб ётар бир четда этак,
Саҳар унинг қаддини ростлар.
Ухлаб қолган тугамай эртак,
Бешикдаги Дилмурод Дўстлар!

Қудуқда сув мизғир сузилиб,
Боғдан беҳи ҳиди уфурар.
Майин шамол ҳовли юзини,
Келинлардан аввал супурар.

Чўгирмалар кийган устунда,
Тик турганча ухлар лайлаклар.
Қуримайди зах тортган тунда,
Оқшом осган жажжи кўйлайлак.

Сардобани излаб юрар тонг,
Тополмайди, дафъатан, аммо.
Қучоқ аро кириб келар сўнг,
Гўшангани топган шўх сабо.

Бирдан турар оёққа наҳор,
Қўзғалади ҳайрат эпкини.
Йўл-йўлакай боғлайди ғаддор,
Пойабзалнинг чалкаш ипини.

Ерни ёрар қадам ташлаб сўнг –
Тўлар дилда қолган бўшлиқлар.
Сардобани уйғотмайди тонг,
Уйғотади уни қўшиқлар!

Лекин тонг йўқ, қайда қолди у,
Ё кетдими уфқидан тониб?!
Тонг йўқ. Тонг йўқ!.. Кўнглимда ғулу,
Дарахтлардай турибман ёниб.

Кенглик томон йўлни тарадим,
Оқиб ётар чексиз бўсаға.
Кўздан ёшни артиб қарадим:
Тонгнинг парчалари ғўзада!


@Alibek_Anvariy