Бажонидил

* * *
Бир маҳзун оҳангга дўнди бу дунё,
ҳирқироқ муаззин азонидай чўғ;
илкбаҳор арғанун айлади бунёд:
соло* бор — тенор* йўқ,
соз бор — созчи йўқ.

Қартайган регентнинг* қалтироқ дасти
тутган камертондай* титради олам;
кезинди бир қўшиқ — хаста, шикаста:
"Қайдасан?
Қандайсан?
Бормисан,
Одам?!"

Билмазук* туйғулар қолди,
бултариқ* —
кетди биз кўнгил деб юрган ҳудуддан
ва қўл қовуштириб қолди бул тариқ
буддий нигоҳини қаратган будда...

О, бирам собирам монанди Айюб,
ушмундоқ,
бошқа йўл боши бандубаст.
Нажоткор,
борлигинг тасдиқ айлаюб,
дедимки, сен борсан,
ту ҳасти*,
ду ҳаст*.

Ло набия баъдий*.
Аммо уриб бош,
сўрарман инсонга ҳар зум мағфират.
Худо ҳофизингиз бўлсин, қариндош —
биродар,
брудер,
бразер,
брат*.

______________
*Соло — якка овоз ёки соз учун ёзилган мусиқа асари.
*Тенор — энг баланд эркаклар овози.
*Регент — черков хори дирижёри.
*Камертон — дирижёр таёқчаси.
*Билмазук — нотаниш.
*Бултариқ — эскирган нарсалар.
*Ту ҳасти (تو هستی) — сен борсан (форсча).
*Ду ҳаст (du hast) — сен борсан (немисча).
*Ло набия баъдий (لا تبيه بعدي) — бундан (яъни Муҳаммаддан) сўнг пайғамбар чиқмайди (арабча).
*Брудер (brüder), бразер (brother), брат — ака-ука, биродар сўзининг немисча, инглизча ва русча шакллари.
_______________

© Мансур Жумаев

Öqiğaymisiz bir munnay

Taylab qöygançiydim

Жуда зўр

Умуминсоний шеър бўлибди, ака

Фақат битта жойи бор экан:
"ва қўл қовуштириб қолди бул тариқ"

шу ерда техник жиҳат ҳисобига сатр бироз тушган.
озроқ ишласангиз, очилади, ака. Сал кўтаринг, вассалом. Қолгани аъло. Айниқса, сўнгги сатрлари жуда таъсирли.

Айюбнинг 500 йиллик оғриғи ҳам жуда мос.

Раҳмат.
Ва қўл қовуштириб қолди бул тариқ... да ёзиб бӯлгач жуда кӯп ушланиб қолдим, лекин жӯяли кӯтарадиган нарса тополмадим.
Чиқиб қолар.

Чиқади. Аниқ!

Хӯп

Бўламга ўлай, суяклар енгилми

Авжми

Вақти хушми

Ўзи зўр шеър. Фақат шу жойида "мидингми"ни "эдингми" деб кетилса янада очилур эрди... Валлоҳи аълам.

Rummomiding ë, ediku asli, kim özgartiribdur?!

Ҳайронмен

Bu qayda özi?