دعوتُ اللهَ يومًا أن يجعلَ صِيْتي مثل الشَمس
لا يخفىٰ على أحد،
وأنْ يكونَ نَفْعي فيَّاضًا أينما حَلَّ ذِكْري
وأنْ أكونَ نورًا بَرَّاقًا يكتسح شعاعُهُ
غياهب الظلام،
وأن يصرف الخالِقُ عنِّي عبيده المخادعين،
فإنّي ذات طبيعة حقيقية،
ولا يستوي المُخادِع مع الحقيقي.

ما اگدر اتقبل الناس المثالية،
لأن البشر مستحيل ميخطأ
كل واحد عنده غلط بمكان معين
بالظاهر كلنا نگدر نكون مثاليين
المهم الداخل شنو يكون،
يكفي انك تكون انسان مو غيور
ومو حاقد وتحب الخير لغيرك
ومو وقح بحجة الصراحة وما اجامل
ومو تأذي بحجة الشقة

اساسًا ماكو إنسان مثالي
كل اللي نشوفه عبارة عن شخص
يريد يكسب حب الناس بأي طريقة

ما احب الناس السطحيين ابدًا

انك تفكر بسطحية
فأنتَ مقرف بالنسبة الي

احب الناس اللي تفكيرها عميق
يختلفون بكلشي رأيهم دائمًا بمكانه
يعرفون شوكت يحجون كلشي بوقته

مو التافهين اللي يحجون سوالف مو وقتها
ومو لازم يحجونها، وماكو اي رزانة وثگل بالموضوع
تصرفات الشخص تغير هواي من نظرتي عنه

عندي كم صديقة واعرفهم صار سنين
تغيرت نظرتي عليهم
اوكيّ انا اعرفهم واعرف همَ شنو،
واعرف تفكيرهم شنو
بس تصرفاتهم توحي لغير شي
صرت مااحسهم نفس قبل

واكره الناس اللي ع مزاجها تريد تمشي العالم 👍🏻

اني إنسانة مسالمة لأبعد حد
ما احب المشاكل حتىٰ وي اقرب الناس الي
اتجنبها بكل الطرق
اعبّر كلشي ومستحيل اعاتب
لأن ما اهتم
في حال اهتميت راح يبين علية
ويعرفون اخطائهم،
وانا هذا اللي اريده

ولا بحياتي ردت اعتذار من احد
انا اريد اليخطأ وياي
يعرف اخطاءه وين،
ما اريد يعتذر 💚

بالأخير الناس ما يتشابهون ابد
احنا مختلفين
وكلنا نفكر وكلنا نعرف شدنسوي
وكلنا عارفين انتوا شدتسوون
سوالف الزعاطيط ما الها أي داعي
انا حرة بروحي وانتَ حر بروحك
حتىٰ لو جنت قريب علية كلش
ما اسمحلك تتدخل بخصوصيتي
الا للحد اللي اني سامحتلك بيه،
تنطي رأيك بالشي اللي اني اريدك تنطي رأيك بيه
غير هيج لا انتَ ولا رأيك ولا وجودك بحياتي
مرحب بيكم ❌

بالأخير الانسان ما يبقاله بس الذكر الطيّب.

- الرساله ؛ وأنتِ ذكرچ طيب وأثرچ طيب بكل شخص يعرفچ 🫂 .

لا الدُنيا لنا، وما كُنا للدُنيا
كُلنا لله وإنَّا إليه لراجعُون.

الوَحيد الماعرفت شلون أعبرك

لأنكَ تَعرفني
لأنكَ تعرف هذا الشخص
الذي يبدو صلبًا
من أينَ يؤكل قلبه

أفضل الاحترام ع أي شيء بالدنيا
احب الناس المُحترمة كلش،
اللي يبين من طريقة كلامهم
انُ همَ شگد يحترمون المُقابل
حتىٰ أصغر المشاعر اللي يحس بيها الشخص
همَ مقدرين ومحترمين،
شقاهم بإحترام طلبهم بإحترام جوابهم بإحترام
حتىٰ گعدتهم گعدة محترمة
كونوا محترمين 🫵🏻