#قصائد_استشهاد_العباس_ع
قصيدة (وين الگمر وينه *جاوب يبو سكينه)
وين الگمر وينـــه * جاوب يبو سكينـــه
✏️✏️✏️✏️✏️✏️✏️✏️✏️✏️✏️1
جاوبني يابويه ابعجل شـومارجع عمنــه
بس انته محني الظهر وحدك رجعت النـه
انـجـان نيتــه مايــرد المــن امــواعــدنــه
الــمـاي لـو بالسـمه گـال الــكم اجـيـبــنـه
ننــتظره يروينــه * جاوب يبو سكينـــه
✏️✏️✏️✏️✏️✏️✏️✏️✏️✏️✏️2
وين الكفلني يم علي وأيدينــه بيــدينــي
معقوله ترجـع وحدك وتعوفــه يحسينـي
ميــت اخيي لــوعــدل ماشفتــه ابعينــي
لتــجر عمدهه خيمته طيحتــهه تاذينـــي
مايترك حسينــه * جاوب يبو سكينـــه
✏️✏️✏️✏️✏️✏️✏️✏️✏️✏️✏️3
گلهن اخيـــي اعلى النهر خليته ودامـــــي
كافــي عتـــب لاتعتبــن وتزيــدن الامـــي
گلي انــه مــاردن بعد يــحسيـن لخيامــي
بمجاني خلني لومتت استحي امن يتامي
وتصب دمع عينه * جاوب يبو سكينـــه
✏️✏️✏️✏️✏️✏️✏️✏️✏️✏️✏️4
حاولت وياه اشكثــر وعـذرتــه بـالتـالــي
ماعندي جفيــن وسهــم بالعيــن گلالــــي
مايي تبده اعلى الارض ومواعد عيالـــي
مابيه اردن للنــهر شوف شجره ابحالـــي
قبـلتــه بجبينــه * جاوب يبو سكينـــه
✏️✏️✏️✏️✏️✏️✏️✏️✏️✏️✏️5
رتانــه اگومن ووگعــت يازينب هوايــــه
من شفت سيفه وجربته وجفينه والرايه
وبالعمد طرو هامتـه وبــده السهم مايــه
انكسر ظهر وشيبــت جــي ماجه ويايــه
رادج تــعذرينــه * جاوب يبو سكينـــه
✏️✏️✏️✏️✏️✏️✏️✏️✏️✏️✏️6
معذور صاحت كافلــي وباريتــه الذمـــه
الله يعينــك وحــدك بـاقــي يبـــواليمـــه
صاح العليل امن الخيـم سنديني ياعمــه
ماظل ابوي ابوحـده وانعد بالـف زلمــــه
ورده الصواوينـه * جاوب يبو سكينـــه
✏️✏️✏️✏️✏️✏️✏️✏️✏️✏️✏️7
من ودع اعياله يويلـي والطفل شافــــــه
صاير لسانه كل خـشب ومفطره شفافــه
جابه وتعنه للنهر شايلـه اعلى جتافـــــــه
لاشرب مـــاي ولاروه ولاحـرمـلـه عافـــه
ابدمه امخظبينـه * جاوب يبو سكينـــه
✏️✏️✏️✏️✏️✏️✏️✏️✏️✏️✏️
#الشكرلله خادم الزهراء ع ملا علي
#نسالكم_الدعاء20 ✍
✏️✏️✏️✏️✏️✏️✏️✏️✏️✏️✏️
🕊💦🖤💦🕊
*
#نسالكم_الدعاء
جديد ان شاء الله
>>Click here to continue<<