‏يا لولا العذارى كان انا ماعلي ذنوب
عسى الله يغفر ذنوبهن ويعفى عني .
- بداح بن عديمه .

‏أنا ما أبي من الدُنيا بعد هالمرحلة رغبات
عسَى الله بس يكفيني هوى نفسي و زلّاتي .

‏اللهُم إنك عفوٌ تُحِب العفو فاعفُ عنا .

‏اللهُم إنك عفوٌ تُحِب العفو فاعفُ عنا .

‏اللهُم إنك عفوٌ تُحِب العفو فاعفُ عنا .

انجرف للهوّ و الغي و اللحن الطروب
وان سمعت الله وكبر خفق قلبي وخاف .
- سعود بن مبارك .

‏جعل شمس الشروق اللي تبدد أمنيات الشمع
على ظلما محابيس القلوب يجي لها ميله .

لو يغالبنيّ على درب العبادات الهُوان
‏داخلي إنسان طيّب فيه بر وفيه خير .

" جعل العوض في مقبلات .. الليالي / ويالله عسى اللي يشرح البال نلقاه ".

عساك باعمارنا مانت رمضان الاخير
ويقبل بك الله دعاي وطاعتي وجهدي .
- بندر الدويش .

‏أدعي وأنا عندي يقين انّ دعائي مستجاب
على حسن ظني بعطفك .. يارب أعطني .

اكسر جْدار الغرور و عايد أحبابك
أنا انّ تصبّرت لين الصبح ياطيبي .
- محمد المقحم .

‏عيّدكم مبارك كل عيّد وكل عام 🤍.

مدري عن أخباره وجانا العيد ، زين .
- حمد البريدي .

‏يا الله افزع لي على بعض الأمور و عنّي
أنت والله خير من يفزع و خير معاون .

" ‏أرحل لو انك ماتملك قيمه هدومك
كل شي ولا انّك تجي على العرب عاله "
- عبدالله بن دايس .

‏معي ذاكره ماينقفل بابها المفتوح
لا ساد الظلام يعنها الليل وتعته .

الوجيه الكاشفة واجد و لا فيها ملامح
الملامح كلها في وجهك اللي تسترينه .
- صالح النشيرا .

يبيّن لك انه هادي وخاطره مسرور
‏وهو والله انه يزعجه صوت مسباحه .

‏" آصدّ عن كل رغبة صدّة مْعيف / وتصير روحي من الأيام ، وجله "
- عبدالله السراهيد .