لسان حال الرباب تخاطب زينب ع عندما تاخر
الامام الحسين ع مع عبدالله الرضيع


ليش الطفل ما مش خبر منه
سبـــــاح گلبــي وأرد اشمــنه
كلبـي لجمــني وناره مستعره
در صـدري زينب ارد ارضـعنه

يحسين جيب وليدي
صـار الامـر مو بيـدي
☆☆☆☆☆☆☆☆☆☆☆☆☆☆☆☆☆

ليـش عبــدالله تأخــر زينب احجيـللج كلام
صبريني احجيلي كلمه جنه شو حل الضــلام
صبر ماضل عندي زينب اضن ما عاش بسلام
ربي كون يخيب ضني ويرجع بحضـني وينام

ابني ويفرحة عيدي
صـار الامر مو بيدي
☆☆☆☆☆☆☆☆☆☆☆☆☆☆☆☆☆

روحـي صلي وندعيله وشــرد اكلج غــير هاي
الله موجـود ويصـــبرج يابعد روحي وضــواي
انتي شفتي انمرد كلبه امن العطش ويريد ماي
يالرباب شويه اصبري ادموعج ايمردن احشاي

هذا ابني والله وحيدي
صــار الامــر مو بيــدي
☆☆☆☆☆☆☆☆☆☆☆☆☆☆☆☆☆

زينب انه شلون اصــبر گلبــي نار وتســتعر
صار ليل وما رجعلي وهوه راح امـن الضهر
والله لجمه بكلبي صارت حته ملاني الصبر
ابني لوما اشم عطره شلون اخلص هل عمر

هوه النبض بوريدي
صــار الامر موبيدي
☆☆☆☆☆☆☆☆☆☆☆☆☆☆☆☆☆

والله يازينب شگلچ گلبي شو لاچمنـي حيل
خاف ما يرجع اوليــدي وبيش ابردنه الدليل
شعطله ولحضيني مارد خاف جدم عالرحيل
بيـش ابرد گلبــي بعــده لو دوت نـار الخلـيل

ياناري اصيحن هيدي
صـار الامــر مو بيدي
☆☆☆☆☆☆☆☆☆☆☆☆☆☆☆☆☆

خابت اضنوني يزينب ضاعت احلام اشكثر
بيش اسكن جرح گلبي امنين اجيبــله صبر
راح لب حشاي مني امصوب ابسهم الغـــدر
عود ردته ايصـــــير تچوه من يتعبني الكـبر

ياروحي بالون زيدي
صـار الامـر موبيــدي
☆☆☆☆☆☆☆☆☆☆☆☆☆☆☆☆☆

✍الشاعر ملا وسام الهلالي

نزل بارض المعركه☆☆☆☆ وبن اخو ايشاركه

علي وعباس ☆☆☆علي وعباس

☆☆☆☆☆☆☆☆☆☆☆☆☆☆☆☆☆
نزلو الميدان جنهم جيش نازل للقتال

علي الاكبر وابو فاضل ونعم من الرجال

طشرو جيش ال اميه ومابقه واحد محال

علي الاكبر صاح عمي ارد اسئلك فد سوال
☆☆☆☆☆☆☆☆☆☆☆☆☆☆☆☆☆

ليش ماشوفن زلم ☆☆☆يكله ما عندي علم

علي وعباس ☆☆☆علي وعباس

☆☆☆☆☆☆☆☆☆☆☆☆☆☆☆☆☆

صاح ابوفاضل والاكبر كله عمي بخدمتك

كله بيد اجيوش أميه هيج امك وصتك

اني راح انضر عليهم ورد شوفن صولتك

كله ياعمي اذلهم وحق رفت رايتك
☆☆☆☆☆☆☆☆☆☆☆☆☆☆☆☆☆

راح اسويهم وذر ☆☆☆ونته تشهد يل كمر

علي وعباس ☆☆☆علي وعباس
☆☆☆☆☆☆☆☆☆☆☆☆☆☆☆☆☆

رد الاكبر كله همه يم ابو فاضل حضر

كله هسه انته عليهم صار دورك يالگمر

كله وعيونك يلأكبر انه ابن فارس مضر

نزل ورايه بيمينه لجيش من شافه انصطر
☆☆☆☆☆☆☆☆☆☆☆☆☆☆☆☆☆

كام يردمهم ردم ☆☆☆صدك مابيهم زلم

علي وعباس ☆☆☆علي وعباس

☆☆☆☆☆☆☆☆☆☆☆☆☆☆☆☆☆

ضحك لمن شاف عمه الاكبر وزاد العزم

نزل ولبتار بيده وكام يحصد بالزلم

دوخ اجوش ال اميه ياهو ما عدهم علم

صاح انه العباس عمي الما فهم خل يفتهم

☆☆☆☆☆☆☆☆☆☆☆☆☆☆☆☆☆

كله عمي ارجع بعد ☆☆☆ انطينه لحسين الوعد

علي وعباس ☆☆☆علي وعباس

☆☆☆☆☆☆☆☆☆☆☆☆☆☆☆☆☆

رجعو احسين ايتنطر عينه ضلت عالدرب

علي الاكبر وابو فاضل راجعين امن الحرب

بس تراب ايشوف بيه الحومه كلبوهه كلب

كلهه صارت سهله عدهم ماكو شي عدهم صعب

☆☆☆☆☆☆☆☆☆☆☆☆☆☆☆☆☆

انه جدي حيدره ☆☆☆ونته سبع الكنطره

علي وعباس ☆☆☆ علي وعباس

☆☆☆☆☆☆☆☆☆☆☆



✍✍ملا وسام الهلالي ونسلكم الدعاء

عيوني منل بجي خويه بهاماي

ويطكني لشمر من امشي بهاماي

بليل اضلم ونه الوحد بهاماي (بهيمه)

وينك يا علي حامي الحميه


✍✍ملا وسام الهلالي

قصيده
جديد المحرم

زينب حزينه ابهالمسه
زينب حزينه ابهالمسه
☆☆☆☆☆☆☆☆☆☆☆☆☆☆☆☆
لمن مشت...حد كربله...مخنوگه وبعبرتهه

اتخيلت ...موقف صعب...لمن تروح اخوتهه

ضلت تصب... منهه الدمع.... وتراوح بونتهه

شافت طفل..بنحره النبل.. هالصور من شافتهه

☆☆☆☆☆☆☆☆☆☆☆☆☆☆☆☆☆
رف الگلب....في كربله.... حست خطر يلفيهه

صاحت علي..احضر الي..حست علي يحاجيهه

ایگلهه الخطر...يمكم حضر...بحسينهه ايوصيهه

مسحي الدمع....باچر فجع...من ينذبح راعيهه
☆☆☆☆☆☆☆☆☆☆☆☆☆☆☆☆☆
صوت اعتله...ابطف كربله...عباس من طب ليهه

نضرت اله....الهمّ انجله....گام الگلب يچويهه

طاح الگمر....يم النهر...وكل حيل ماضل بيهه

من شافته....ما عرفته....بعينه السهم عاميهه
☆☆☆☆☆☆☆☆☆☆☆☆☆☆☆☆☆
وحسين اجه....ابلهفه اعتنه...بالگّوة جر اجدامه

شفت الظهر ..منه انكسر.. من طاح اخو گدامه

حيله انهدم.... رد للخيم.....شايل علم وعمامه

من شافته...رقيه بحزن..... راحت ركض لخيامه
☆☆☆☆☆☆☆☆☆☆☆☆☆☆☆☆☆
نوب الأشد...يبچي الولد... من الضّمه يتلوّه

شاله وطلع...صوته انطبع....راد الطفل يتروّه

راح الطفل.. بس ما رجع...گلب امه ضل يتچوّه

رد منذبح... ابنحره رمح...عبدالله بينه شسوّه
☆☆☆☆☆☆☆☆☆☆☆☆☆☆☆☆☆☆☆
بقلم خادمكم

✍✍ ملا وسام الهلالي

7⇢⇢❥🖤 🕊 🖤❥⇢⇢✮✮

آداء وألحان●○<<ملا وسام الهلالي

🖤🕊~`
┊⇣•.🖤🕊.•
•.🖤🕊.•

‏℘(✍)⇣ كلمات خادمكم ملا وسام الهلالي



🕊🎶🖤🎶🕊

🕊🎶🖤🎶🕊