ሥላሴ ‹‹ቅድስት›› ተብለው በሴት አንቀጽ መጠራታቸው ሴት /እናት/ ልጅዋን መውለዷን እንደማትጠረጥረው ሁሉ ሥላሴም ይህን ዓለም መፍጠራቸውን ስለማይጠረጥሩ ነው፡፡ሁሉም ከእነርሱ፣ ለእነርሱ፣ በእነርሱ ሆኗልና፡፡

ሴት ወይንም እናት ልጅዋ ቢታመምባት እንዲሞትባት አትሻም፤ ሥላሴም ከፍጥረታቸው አንዱ እንኳን በጠላት ዲያብሎስ እንዲገዛባቸው አይፈቅዱም፡፡

ሴት ፈጭታ ጋግራ ቤተሰቦቿን እንደምትመግበው ሥላሴም በዝናብ አብቅለው በፀሐይ አብስለው ፍጥረቱን ሁሉ ስለሚመግቡ ‹‹ቅድስት ሥላሴ›› እያልን እንጠራቸዋለን፡፡
የቅድስት ሥላሴ ምህረትና ቸርነት አይለየን 🙏

╭══•|❀:✧๑✞✞๑✧❀|:══╮
     @ORTHODOX_LIFE19      
╰══•|❀:✧๑✞✞๑✧❀|:══╯

☦️ የተስፋ ቃላት☦️

📖እኛ ዛሬ ወደፊት የምንኖርባት #የእግዚአብሔር ሀገር በተስፋ ዓይኖቻችን ልንመለከት እንጂ ይሁን ሁካታና ግርግር የበዛበት ዓለም ልንመለከት አይገባም።

📖ለእኛ በጣም አስቸጋሪ መስሎ የሚታየን ችግር #በእግዚአብሔር ዘንድ መፍትሔ አሉትም። ማንኛውም የተዘጋ በር ለመክፈት በእግዚአብሔር ዘንድ ያለው ቁልፍ አንድ ብቻ ሳሆን ብዙ ቁልፎች ናቸው። በእንደዚህ ዓይነት መንገድ የተከፈተውን ማንም ሊዘጋው አይችልም ፡፡ ራዕ 3፥7።

📖ተስፋ ፍርሀትን ጭንቀትን ግራ መጋባትን በመከላከል ዕረፍትን ይሰጣል።ተስፋ ዕረፍትን ከመጠቱ በላይ በተስፋ ደስ እንዲለን ተነግሮናል። ሮሜ 12፡2

📖 መጥፎውን ወደ በጎ መቀየር የሚቻለውን #የእግዚአብሔር አሠራር ሳትይዝ ወደ ችግሮችህ ብቻ አትመልከት።

📖#እግዚአብሔር ሁሉም አጋጣሚዎች እርሱ በወደድው መንገድ ማስኬድ ይቻለዋል።

📖በሰዎች ድካም ሊደረግ የማይቻለው ሁሉ #በእግዚአብሔር ዘንድ ግን ይቻላል። የሰዎች ጥበብ  ሊወጣው ያልቻለውንም #የእግዚአብሔር  ጥበብ ያመጣዋል።

📖ምንጊዜም በመለከታዊ ዕርዳታ የተከበብክ ስለሆንህ ብቻህን ላለመሆንህ እርግጠኛ ሁን፡፡
የሰማያት ወዳጆቻችንና ቅዱሳን ሁሉ በአንተ ዙርያ ሁነው ስለ አንተ እንደሚማልዱም እወቅ።

☦️አቡነሺኖዳ ሣልሳዊ
📖የተስፋ ሕይወት ከሚለው መጽሐፋቸው

╭══•|❀:✧๑✞✞๑✧❀|:══╮
     @ORTHODOX_LIFE19      
╰══•|❀:✧๑✞✞๑✧❀|:══╯

🥷ከአክራሪ እስልምና ወደ ክርስትና👩‍⚕
         ⚫️ክፍል አንድ 🟡

ስለእውነት ነው  የምላችሁ በደንብ አንብቡ በስተመጨረሻ  የምታገኙት የመንፈስ ጥንካሬ እንዲህ ነው  ማለት አልችልም ብቻ  እንድታነቡ የእግዚአብሔር ፈቃደ በእናንተ ላይ ይሁን።

😄ምዕራፍ አንድ ማን ነበርኩ❓

ናህድ  ማሕሙድ ሙትዋሊ እባላለሁ። ሴቶችን ብቻ የሚያስተምረው የሄልሜት ኤል ዘይቱን ትምህርት ቤት ዲን ነበርኩ።

በካይሮ የታወቀ እና ትልቁ ትምህርት ቤት ነው። 4000 ልጃገረዶችን ያስተምራል። ከተማሪዎቹ ብዛት የተነሣ ት/ቤቱ የሚያስተምረው በጥዋት እና በከሰዓት ፈረቃ ነበር።

የት/ቤቱ ዲን እንደመሆኔ መጠን ሁለቱንም ፈረቃዎች መከታተል ነበረብኝ። ምንም እንኳን ከሁሉም ዲኖች በዕድሜ ታናሿ እና በቅርብ ከኮሌጅ የተመረቅኩ ብሆንም ይህንን ወንበር እንዳገኝ ግን ሁለት ነገሮች ረድተውኛል።

   እግዚአብሔር ብስለትን፣ በራስ መተማመንን፣ እንዲሁም ኃላፊ ነቴን በሚገባ የመወጣት ችሎታን አድሎኝ ነበር። የማንም ርዳታ ሳያስፈልገኝ የሚሰጠኝን ሥራ ሁሉ በአፋጣኝ የማከናወን ልምድ አለኝ።

ሰወች አንድን ነገር ሲሠሩ መመልከት ብቻ ለእኔ በቂዬ ነበር። ያንኑ ነገር ወዲያውኑ ልምድ እንዳለው ሰው አድርጌ ማከናወን እችላለሁ።

    በዚህ ችሎታዬ የተነሣ ይህንን ቦታ ያገኘሁት ቦታውን ላገኘው ከሚገባኝ ዐሥር ዓመታት ቀድም ነበር ከዚህ ችሎታዬ ጋር ተጨምሮ በት/ቤቱ የነበሩትን የሁለቱን ረዳት ዳይሬክተሮች ተግባር የማወቅ ዕድልም ገጥሞኛል። የተማሪዎችን ሰሞች በምሥጢራዊ ኮድ ካገኘኋቸው ዋና ዋና ልምዶች መካከል የሚጠቀሱት ናቸው።

እንዚህ ሁለቱ ተግባራት ደግሞ በት/ቤታችን ውስጥ ዋነኞቹ ሥራዎች ናቸው።
ምክንያቱም ሁለቱም ፍጹም የሆነ ምሥጢር ጠባቂነትን የሚጠይቁ ናቸውና።

  አንደኛው ረዳት ዳይሬክተር በ60 ዓመቱ ጡረታ ወጣ፣ ሌላው ደግሞ ወደ ሌላ የዓረብ ሀገር ለሥራ ሄደ።

ይህንን አጋጣሚ በመጠቀምም እነዚህን ሁለቱን ኃላፊነቶች ጠቀለልኳቸው። ይህም የት/ቤቱን ቁሌፍ ቁልፍ አስተዳደራዊ ኃላፈነቶች እንድቆጣጠር ዕድል ከፈተልኝ።

  እነዚህን ኃላፊነቶች ከጠቀለልኩ በኃላ ልክ የት/ቤቱ ንግሥት የሆንኩ ያህል ይሰማኝ ነበር።

በእነዚህ ነገሮች ሙሉ ሥልጣን እና ፍጹም የሆነ ኃላፈነት ነበርኝ። ሌላው ቀርቶ የእኔ የበላይ የሆነችው የት/ቤቱ ዳይሬክተር እንኳን በጣም ትቅርበኝ፣ የምትሠራውንም ነገር ሁሉ ታማክረኝ ነበር። የሚፈራ፣ ኃይለኛ፣ አድራጊ ፈጣሪ ሆንኩ።

   ለመኞቴ ወሰን አልነበረውም። ለዝቅተኛ ተማሪዎች የሚሰጠውን የትምህርት እገዛ እኔ ራሴ እንድከታለው ኃላፈነቱ እንዲሰጠኝ አስተዳደሩን ጠይቄ ተፈቀደልኝ። በዚህ የተነሣም በየወሩ ከእነዚህ ክፍሎች ለሚሰበሰበው ከ12ሺ-15ሺ ለሚጠጋው ገንዘብ ኃላፊ ሆንኩ። ለዚህ ኃላፊነቴ እንዲሁም ፈተና ለማዘጋጀት እና ለማባዛት ተግባሬ የሚከፈለኝ ገንዘብ ወራኃዊ ገቢዬን በሦስት እጥፍ አሳደገው።

ወደዚህ የሥልጣን እርከን ያሸጋገረኝ ሌላው ነገር ደግሞ የቤተ ሰቦቼ ታዋቂነት እና በመንግሥታዊ ቦታዎች ያላቸው ሥልጣን ነቀር።

ወንድሜ በማዕከላዊው የአስተዳደር እና የአመራር ሥርዓት ቢሮ ውስጥ ሥራ እስኪያጅ ነበር። አንደኛው ዋርሳዬ ደግሞ የማዘጋጃ ቤቱ ጸሐፊ እና የት/ቤቱ የወላጆች እና መምህራን ማኅበር ፕሬዚዳንት ነው።


የእርሱ ሁለቱ ሴቶች ልጆቹም የት/ቤቱ ተማሪዎች ነበሩ።
 
ሌላው ዋርሳዬ ደግሞ የቤተ መንግሥቱ ፓይለት ነው። እኅቴ የሄልዮፓሊስ አካባቢ የት/ቤቶች አስተዳደር የሕዝብ ግንኙነት ሥራ አስኪያጅ ናት።

ባልዋም በማዕከላዊው  የመረጃ አገልግሎት ሹም ነበር።  እንዚህ ሁሉ ከእኔ ሰብእና እና በት/ቤቱ ከተፈጠረው ክፍተት ጋር ተደማምረው ከሥልጣን ወደ ሥልጣን አሸጋገሩኝ።

  ይህ ሁሉ በሀብት እና በሥልጣን ይጠቀመኝ እንጂ  ወስጤን  ግን ትዕቢተኛ ፣ ዕብሪተኛ እና ግብዝ አድርጎኛል።

   በሌላ በኩል ልቡናዬን ለሚያይ ደግሞ የተለየሁ ፍጥረት ነበርኩ። አምላኬን እወደዋለሁ የምል ቆዳ ስሱ  ሰው ነኝ። አዎን ጌታዬ ሆይ ምንም እንኳን ከአንተ ርቄ ብኖርም በፍጹም ልቤ እወድድህ እና እፈራህ ነበርኮ።

እግዚአብሔርን ስፈልገው ኖሬያለሁ፣ እነዚያ የሕይወቴ የተበላሹ ገጽታዎች ግን እርሱን እንዳላገኝው የመከለያ ግንብውቅም ነበር። አብዝቼ እጸልያለሁ፣ ቁርዐንንም አዘውትሬ አነባለሁ ፣ ይሁን እንጂ በውስጤ አንዳች የጎደለ ነገር መኖሩ ይሰማኝ ነበር።

ክርስቲያኖች እኔ የምወደውን አምላክ አይወዱትም ብየ ስለማስብ አብዝቼ እጣላቸው ነበር።

እግዚአብሔርን እኔ በማመልክበት መንገድ ለምን አያመልኩትም? እነርሱ ከእግዚአብሔር የኮበለሉ ናቸው እያልኩ እጅግ እጠላቸው ነበር።

   ክርስቲያኖችን ከመጥላቴ የተነሣ እነርሱን ለማዋድ፣ ለመጉዳት እና በእነርሱ  ላይ አንዳች ችግር ለመፍጠር ዘወትር እጥር ነበር።

ይህንን የማደርገው ግን በውስጤ ለሰው ክፋት ስላለኝ ሳይሆን የምወደውን እና የማመልከውን አምላክ ለምን አያመልኩም፣ ለምንስ አይወዱም? ብየ ነበር። በርግጥ ሁልጊዜ የሚገርመኝና የሚያሳስበኝ አንድ ነገር አለ።

እኔ ላገኘው የምጓጓለትን ውሳጣዊ ሰላም ክርስቲያኖች ገንዘብ አድርገውታል። እንዴት?

      😀ይቀጥላል
📱አቅራቢ፦#ድምፀ_ተዋሕዶ

ሼር በማድረግ ለወዳጅ ዘመድዎ ያጋሩ‼️
    
📱ሼር // 𝐒𝐇𝐀𝐑𝐄🌐

╭══•|❀:✧๑♡๑✧❀|: ══╮
       @News_Tewahdo
╰══•ೋ•✧๑♡๑✧• ══╯