TG Telegram Group Link
Channel: الشاعر ياسر العارضي
Back to Bottom
Forwarded from اللهم اجعلني وجيها بالحسين
Forwarded from اللهم اجعلني وجيها بالحسين
Forwarded from اللهم اجعلني وجيها بالحسين
Forwarded from Play Recording
Forwarded from Play Recording
Forwarded from Play Recording
Forwarded from Play Recording
Forwarded from Play Recording
#قصائد_منبريه
#ليلة_الثالث_عشر
ليلة دفن الاجساد الطاهره


عمره الدمع ما رجع الراح بويه
بس يغسل جسد فوك الترب طاح بويه
وانه الغسلتك بدمعي
واعليك انكسر ضلعي
صعب ضل يالرحت وضعي
ما لحظه بحياتي شفت الافراح بويه
...........................................................
ثلث تيام جسمك حاضن اترابه
بعيد امفارك احبابه ونشف دمه
هوه اشما مر بعد وي الشمس لونه
يتغير وخيعونه اشبقه ابرسمه
جسد ضامي على رمض الرمل طايح
سحكوو رسمه مو واضح فقط اسمه
على المحبس كَطيع الخنصر من الجف
طمعو شو على المصحف خذو كلمه
ومن عندك خذو كل هاي الايام بويه
نام انت يغالي واني مانام بويه
كسُر ظلعك على سمعي
يجي بحساسي من ادعي
صعب ضل يالرحت وضعي
مالحظه بحياتي شفت الافراح بويه
...........................................................
اجيت ابلا سلاسل سيدي يمك
هوه ياعازتي الشمك يريحانه
دورت ولكَيتك يالجنت خيمه
تلمنه ابغربت الهيمه وعلى اخوانه
اريد اشلائك اجمعهه واحط بيهه
دمعتي الراح ابجيهه اعله ذرعانه
بلكي ولن تطييب اجروحك ادموعي
ويهدأ سيدي روعي من احزانه
يغصني اشما عليك اطيح الاوراق بويه
مايكفي خريفك وابقه مشتاق بويه
ماينفع بعد شمعي
انه ادري الامر قطعي
صعب ضل يالرحت وضعي
مالحظه بحياتي شفت الافراح بويه
...........................................................
يغالي ابلاجفن وامسلب ودامي
يمك طاحت احلامي وزغر عمري
شباب ومن اجيت الدفنك اسنيني
خلصت لا يضي عيني ودنه كَبري
متعرفني احتمال ابرجعتي ايتامك
تغير لوني جدامك ثلج شعري
واكيد السوط هسه اعله المتن يلعب
ايد الشمر ماتتعب واظن تدري
ملامح مابقت بوجوه الاحباب بويه
غير الاثر من اسياط الاجناب بويه
انتباه اعله الجره استرعي
وابد لا مانفع ردعي
صعب ضل يالرحت وضعي
مالحظه بحياتي شفت الافراح بويه
...........................................................
ينسمت ريح تاخذ عطرك وتمشي
ادفنك سيدي ابرمشي ابوسط عيني
اخاف الكَاع تلجم جرح البظهرك
ذاك ال مِن سهم صدرك يبو اسنيني
ذبل غصني وبقت بس تسقط اوراقي
حسين اشعندي اضل باقي اشيرويني
اذا عطشان باقي الشوفت الغالي
مايرتاح ابد بالي على حسيني
عمري اجبير بس متيتم احساس بويه
يتيم اني لأبوي وعمي عباس بويه
وفاكَد اخوِتي وربعي
انوح ابوتري وبشفعي
صعب ضل يالرحت وضعي
مالحظه بحياتي شفت الافراح بويه
...........................................................
راح ارجع بعد متشوفك ايامي
تبقه بويه باحلامي ابدمع جاري
من ابعيد أودعك وارجع الزينب
ما متعوده اتغييب هيَّ انظاري
واروح ابلا ادير ابوجهي لكَبرك
اخاف اجروحك تلجمك على اثاري
ارد مخنوك من شم الهوه ابدونك
شكَل لعيالي يردونك يبو افكاري
ابعبايت صيتك اتلفني واحس بيك بويه
رحت وابقه العمر بس ابجي اعليك بويه
كوه اتعثر ابشسعي
رجعت ابلا هلي وانعي
صعب ضل يالرحت وضعي
مالحظه بحياتي شفت الافراح بويه

الشاعر
ياسر العارضي
Forwarded from اللهم اجعلني وجيها بالحسين
#قصائد_منبريه
#العشرة_الثانيه
قصيدة الامام المهدي عج

محفوره بكَلبه الاهات والدمعه اعله خدوده اتبات
عايش مأتم
المهدي ابهم
والدمعه اعله خدوده اتبات
......
لحسين ولمصاب العاشر دمعاته على الخد نهرين
ومساهر كل عمره القائم ويضل يبجي ليوم الدين
وشما يذكر كافل زينب يازينب يصرخ مرتين
ويتمنى لو بالطف حاظر جا حارب دون الطيبين
ولايترك نهج الانصار
ويثور بعزم الثوار
محروكََ الدم
المهدي ابهم
والدمعه اعله خدوده اتبات
........

يتنطر يايوم ويظهر وينادي بيا للثارات
هيهات الذله بأنفاسه وتعيش بروحه الهيهات
يتأمل من يظهر بيده بالعاشر يرفع رايات
وينادي بثار اهله وناسه والنصر الحق الغايات
ولحسين المأتم يحيي
ويقره الرادود ايخليي
غايب مهتم
المهدي ابهم
والدمعه اعله خدوده اتبات
..............
لا ما ناسي امصاب العاشر دمعه جن دم المذبوح
مو أي ثار ورايح منه ثار حسين ولا ميروح
غايب وشكد جرحه امبين وبكلبه الغايب مجروح
يتذكر من جده طايح عالغبره ضامي ومطروح
مذبوح وعاري وعطشان
مطروحه بصفه الوليان
والباري اعلم
المهدي ابهم
والدمعه اعله خدوده اتبات
......
عايش بس غايب واحبابه منتظره بلهفه الملكَاه
باجر من يظهر كل شيعي باللبيكَ يتعناه
جامِن نسل اهل البيت نضل عد أمره احنه ونتفداه
هاي الخدمه بشهر العاشر يحظر ويانه ابكل آه
ويسمعنه لجده من انصيح
يحسين الرايه متطيح
صوت اليخدم
المهدي ابهم
والدمعه اعله خدوده اتبات
......


ماضل غير المهدي ويانه من اهل البيت بهالكون
الله يساعد كَلبه الفاكدَ لهله وعاميهه العيون
ضلت حسره ابكلب المهدي عطشانين اهله يرحون
حسين وخوانه وانصاره وبوادي الطف ينذبحون
وشما يذكر ذاك اليوم
دمعاته عله الخد ادموم
ابشهر امحرم
المهدي ابهم
والدمعه اعله خدوده اتبات

الشاعر
ياسر العارضي
Forwarded from احمد الزويني ياحسين
Forwarded from عقيل
Forwarded from سيد خضر العذاري
Forwarded from (((((عامر الركابي)))) ((((ابن الناصريه)))))
Forwarded from (((((عامر الركابي)))) ((((ابن الناصريه)))))
Forwarded from (((((عامر الركابي)))) ((((ابن الناصريه)))))
HTML Embed Code:
2022/08/15 10:32:34
Back to Top