Channel: الشاعر ياسر العارضي
#قصائد_منبريه
#الامام_السجاد_ع
نزال_زنجيل
آه يبو الباقر آه يبو الباقر
..................................................
عالجت بالروح من سم الغدر
خلصت بس آه واهموم العمر
صبر زينب صبرك وأعظم صبر
على حسين ابكَلبك ايعيش الجمر
والحزن حاظر آه يبو الباقر
..................................................
ابن عبدالملك حارب نهضتك
جانت الدمعه ابدعائك ثورتك
حزنك اعله حسين جان ابمهجتك
والعدو من هاي سمم جبدتك
رادك اتهاجر آه يبو الباقر
..................................................
ذكرياتك جانت ابطف كربله
وابمنيتك صرت للطف تكمله
اشما شربت الماي تبدي ابسمله
ودمعتك جن آيه عالخد هامله
ابكَلبك العاشر آه يبو الباقر
..................................................
الك هالاحقاد نصبت هالعده
من فعلهم عمرك ابحزنك حده
نحل جسمك والالم بالدم بده
طحت عالكَاع وأديك امدده
سمك الكافر آه يبو الباقر
..................................................
على الفقره منهو يكَصد لو رحت
بيك حسو يا علي يوم المتت
حته من ايام عمرك وزعت
يوم جبدك سيدي طاح ابطشت
روحك اتسافر آه يبو الباقر
الشاعر
ياسر العارضي
#الامام_السجاد_ع
نزال_زنجيل
آه يبو الباقر آه يبو الباقر
..................................................
عالجت بالروح من سم الغدر
خلصت بس آه واهموم العمر
صبر زينب صبرك وأعظم صبر
على حسين ابكَلبك ايعيش الجمر
والحزن حاظر آه يبو الباقر
..................................................
ابن عبدالملك حارب نهضتك
جانت الدمعه ابدعائك ثورتك
حزنك اعله حسين جان ابمهجتك
والعدو من هاي سمم جبدتك
رادك اتهاجر آه يبو الباقر
..................................................
ذكرياتك جانت ابطف كربله
وابمنيتك صرت للطف تكمله
اشما شربت الماي تبدي ابسمله
ودمعتك جن آيه عالخد هامله
ابكَلبك العاشر آه يبو الباقر
..................................................
الك هالاحقاد نصبت هالعده
من فعلهم عمرك ابحزنك حده
نحل جسمك والالم بالدم بده
طحت عالكَاع وأديك امدده
سمك الكافر آه يبو الباقر
..................................................
على الفقره منهو يكَصد لو رحت
بيك حسو يا علي يوم المتت
حته من ايام عمرك وزعت
يوم جبدك سيدي طاح ابطشت
روحك اتسافر آه يبو الباقر
الشاعر
ياسر العارضي
#قصائد_منبريه
#رقية_بنت_الحسين_ع
اساسيه
منهه أطلبهه التراجي هيه من نسل الكرام
لا تجي اتسلبهه تجرح يا لعدو كَلب الامام
خايفه وتسحكَ جمر
شارده ابحر الظهر
لا تجي اتسلبهه تجرح يا لعدو كَلب الامام
........................................
هذي حيدر جان جدهه والد الكل اليتامه
والحسن عمهه ابمظيفه بِنَت عِش حته الحمامه
حسين ابوهه الماكو سائل رده خالي ابلا كرامه
تنطي بالطلبه التراجي هذي من نسل الامامه
ليش ترعب كَلب طفله **
** شارده من الحركَ
اتشوف الاطفال البقيه **
** بالخيول وتنسحكَ
حايره بذاك الامر
شارده ابحر الظهر
لا تجي اتسلبهه تجرح يا لعدو كَلب الامام
........................................
طلعت ومجويه اديهه من جمر نار المخيم
ويه كل باقي اليتامه وي جمع كله تيتم
ماكو نار الكَاع تجوي وما جدم من عدهه يسلم
شلون اذا بس نار بيهه وانتَ عالطفله تحزم
حايره ابجويات اديهه **
** تركض ابرجيلهه نار
تجي اتسلبهه اليتيمه **
** ما تجي تطفي الشرار
اعيونهه تبجي وحمر
شارده ابحر الظهر
لا تجي اتسلبهه تجرح يا لعدو كَلب الامام
.........................................
طالعه ادور اعله ابوهه شارده من الاعادي
ياحسين اتصيح ساعه وساعه للكافل تنادي
تعثر ابتله ابدربه ومره لا بتراب وادي
تشكي رادت يم اهلهه عالجره واعليهه سادي
اجدامهه المحروكَه بيهه **
** شوك سعدان الارض
اشما بعد تركض جدمهه **
** باللحم أكثر يمض
وجانت ابعازة صبر
شارده ابحر الظهر
لا تجي اتسلبهه تجرح يا لعدو كَلب الامام
.........................................
اتفاجأت بيك اليتيمه من جفوفك زاد ونهه
ناسيه من المصايب عدهه ترجيه بأذنهه
طاحت اعله الكَاع تبجي من العطش ناحل بدنهه
اتجرأت أيدك عليهه تاخذ الترجيه منهه
ألمصيبه ألأكبر انت **
** تجر وياهن إذن
انجرحت الطفله اعله أيدك **
** طاح دمهه اعله المتن
ابد ما لَك اي عذر
شارده ابحر الظهر
لا تجي اتسلبهه تجرح يا لعدو كَلب الامام
......................................
وي كل هذا الجره الهه اتيسرت وي الضعينه
طفله مجروحه وزغيره من الجره بالطف حزينه
من البواجي شويه نامت شافت حسين بأدينه
جانت ابحضنه وشبكَهه شلونج ايكَلهه الحنينه
فزت ورادت ابوهه **
** راس جبتلهه ابطشت
جنك ابروح الزغيره **
** تسحب تريد وتعت
هذي بت فارس بدر
شارده ابحر الظهر
لا تجي اتسلبهه تجرح يا لعدو كَلب الامام
الشاعر
ياسر العارضي
#رقية_بنت_الحسين_ع
اساسيه
منهه أطلبهه التراجي هيه من نسل الكرام
لا تجي اتسلبهه تجرح يا لعدو كَلب الامام
خايفه وتسحكَ جمر
شارده ابحر الظهر
لا تجي اتسلبهه تجرح يا لعدو كَلب الامام
........................................
هذي حيدر جان جدهه والد الكل اليتامه
والحسن عمهه ابمظيفه بِنَت عِش حته الحمامه
حسين ابوهه الماكو سائل رده خالي ابلا كرامه
تنطي بالطلبه التراجي هذي من نسل الامامه
ليش ترعب كَلب طفله **
** شارده من الحركَ
اتشوف الاطفال البقيه **
** بالخيول وتنسحكَ
حايره بذاك الامر
شارده ابحر الظهر
لا تجي اتسلبهه تجرح يا لعدو كَلب الامام
........................................
طلعت ومجويه اديهه من جمر نار المخيم
ويه كل باقي اليتامه وي جمع كله تيتم
ماكو نار الكَاع تجوي وما جدم من عدهه يسلم
شلون اذا بس نار بيهه وانتَ عالطفله تحزم
حايره ابجويات اديهه **
** تركض ابرجيلهه نار
تجي اتسلبهه اليتيمه **
** ما تجي تطفي الشرار
اعيونهه تبجي وحمر
شارده ابحر الظهر
لا تجي اتسلبهه تجرح يا لعدو كَلب الامام
.........................................
طالعه ادور اعله ابوهه شارده من الاعادي
ياحسين اتصيح ساعه وساعه للكافل تنادي
تعثر ابتله ابدربه ومره لا بتراب وادي
تشكي رادت يم اهلهه عالجره واعليهه سادي
اجدامهه المحروكَه بيهه **
** شوك سعدان الارض
اشما بعد تركض جدمهه **
** باللحم أكثر يمض
وجانت ابعازة صبر
شارده ابحر الظهر
لا تجي اتسلبهه تجرح يا لعدو كَلب الامام
.........................................
اتفاجأت بيك اليتيمه من جفوفك زاد ونهه
ناسيه من المصايب عدهه ترجيه بأذنهه
طاحت اعله الكَاع تبجي من العطش ناحل بدنهه
اتجرأت أيدك عليهه تاخذ الترجيه منهه
ألمصيبه ألأكبر انت **
** تجر وياهن إذن
انجرحت الطفله اعله أيدك **
** طاح دمهه اعله المتن
ابد ما لَك اي عذر
شارده ابحر الظهر
لا تجي اتسلبهه تجرح يا لعدو كَلب الامام
......................................
وي كل هذا الجره الهه اتيسرت وي الضعينه
طفله مجروحه وزغيره من الجره بالطف حزينه
من البواجي شويه نامت شافت حسين بأدينه
جانت ابحضنه وشبكَهه شلونج ايكَلهه الحنينه
فزت ورادت ابوهه **
** راس جبتلهه ابطشت
جنك ابروح الزغيره **
** تسحب تريد وتعت
هذي بت فارس بدر
شارده ابحر الظهر
لا تجي اتسلبهه تجرح يا لعدو كَلب الامام
الشاعر
ياسر العارضي
#قصائد_منبريه
#رقية_بنت_الحسين_ع
نزال
على راسك يحسين ماتت رقيه
.........................................
شبكَت الراس وهون دمعاتهه
تنسمع مخنوكَه حيل آهاتهه
بجه حته الريح من وناتهه
ابراسك اتشم الهوه وحسراتهه
اتريد شَم الطيبين جابو هديه
على راسك يحسين ماتت رقيه
.........................................
اتعاتبك واعتاب زاد اجروحك
اتكَول ليش اتروح عني ابروحك
وابحضنهه الراس تسمع نوحك
بيدهه المجويه جان اتلوحك
بويه كَالت للحين تحركني اديه
على راسك يحسين ماتت رقيه
.........................................
تحجي وي الراس بس مهمومه
بالجره اعليهه وعلي مهضومه
من ابوهه من الزغر محرومه
ياحسين وصعبه حيل الحومه
نادتك بويه العين طفوهه اليه
على راسك يحسين ماتت رقيه
.........................................
تشهكَ بأخر نفسهه بهيده
جان بس منك هواهه اتريده
للطشت راسك هوت متعيده
راسه صاحت هذا جاوين ايده
اتريد جفك يازين الهه تجيه
على راسك يحسين ماتت رقيه
.........................................
ماتت اعله الراس جن مذبوحه
طفله بس امعدله ومملوحه
اكَبال عينك سيدي مطروحه
والدمع ضل عالرمش مرجوحه
سيف جان الونين واكبر منيه
على راسك يحسين ماتت رقيه
الشاعر
ياسر العارضي
#رقية_بنت_الحسين_ع
نزال
على راسك يحسين ماتت رقيه
.........................................
شبكَت الراس وهون دمعاتهه
تنسمع مخنوكَه حيل آهاتهه
بجه حته الريح من وناتهه
ابراسك اتشم الهوه وحسراتهه
اتريد شَم الطيبين جابو هديه
على راسك يحسين ماتت رقيه
.........................................
اتعاتبك واعتاب زاد اجروحك
اتكَول ليش اتروح عني ابروحك
وابحضنهه الراس تسمع نوحك
بيدهه المجويه جان اتلوحك
بويه كَالت للحين تحركني اديه
على راسك يحسين ماتت رقيه
.........................................
تحجي وي الراس بس مهمومه
بالجره اعليهه وعلي مهضومه
من ابوهه من الزغر محرومه
ياحسين وصعبه حيل الحومه
نادتك بويه العين طفوهه اليه
على راسك يحسين ماتت رقيه
.........................................
تشهكَ بأخر نفسهه بهيده
جان بس منك هواهه اتريده
للطشت راسك هوت متعيده
راسه صاحت هذا جاوين ايده
اتريد جفك يازين الهه تجيه
على راسك يحسين ماتت رقيه
.........................................
ماتت اعله الراس جن مذبوحه
طفله بس امعدله ومملوحه
اكَبال عينك سيدي مطروحه
والدمع ضل عالرمش مرجوحه
سيف جان الونين واكبر منيه
على راسك يحسين ماتت رقيه
الشاعر
ياسر العارضي
ابوذيات نعي للامام زيد ع والامام الحسن ع
قضيتك ما قبل منهم يذرهه
تعيش وينشلع رادو يذرهه
اللعين الحاربك جثتك يذرهه
ابهوه الله وترست احدود البريه
.............
يازيد المنايه اتحوم حولاك
ابسهم ياحيف جان يغيب حولاك
جثتك عالجذع ويدور حولاك
ونصبت بيهه الطيور العزيه
................
بعد الكَمر جدك ضل وياهَم
كَوه من العطش يبرز وياهم
وي اصحابه لو بالطف وياهم
جان بسيفك ترد آل اميه
.............
الهوه ايمر اعله جسمك جان ويروح
ومنك هم جسد ياخذ وي روح
حب جانت يبو الجيلات وي رح
تطحن روحك اعله الغاضريه
..................................................
الك ثغر الفرح مايوم بّسَم
وضعف عودك صرت تنلظم بّسيم
حسافه يالحسن جبدك بالسم
تفتت وارتمه ابطشت المنيه
...............
الكَلبك يالحسن هالجور ياسِم
باعو عهدك بيا سعر ياسُم
والاكثر بالمصاب الجان ياسِم
جعده المنه لاكَيت الرزيه
...............
الزمن ماينردع يالحسن يوجار
وبعد ميفيد كثره أصحاب يوجار
ابفخذك خنجر الجلاد يوجر
وانت ابنص جيوش الناصبيه
.................
الطمن عالحسن ينجوم يجرام
والجبد الحسن لاتكَرب يجرام
العدو لسه ببو محمد يجرم
الدليل الكَبر باقي ابلا بنيه
الشاعر
ياسر العارضي
قضيتك ما قبل منهم يذرهه
تعيش وينشلع رادو يذرهه
اللعين الحاربك جثتك يذرهه
ابهوه الله وترست احدود البريه
.............
يازيد المنايه اتحوم حولاك
ابسهم ياحيف جان يغيب حولاك
جثتك عالجذع ويدور حولاك
ونصبت بيهه الطيور العزيه
................
بعد الكَمر جدك ضل وياهَم
كَوه من العطش يبرز وياهم
وي اصحابه لو بالطف وياهم
جان بسيفك ترد آل اميه
.............
الهوه ايمر اعله جسمك جان ويروح
ومنك هم جسد ياخذ وي روح
حب جانت يبو الجيلات وي رح
تطحن روحك اعله الغاضريه
..................................................
الك ثغر الفرح مايوم بّسَم
وضعف عودك صرت تنلظم بّسيم
حسافه يالحسن جبدك بالسم
تفتت وارتمه ابطشت المنيه
...............
الكَلبك يالحسن هالجور ياسِم
باعو عهدك بيا سعر ياسُم
والاكثر بالمصاب الجان ياسِم
جعده المنه لاكَيت الرزيه
...............
الزمن ماينردع يالحسن يوجار
وبعد ميفيد كثره أصحاب يوجار
ابفخذك خنجر الجلاد يوجر
وانت ابنص جيوش الناصبيه
.................
الطمن عالحسن ينجوم يجرام
والجبد الحسن لاتكَرب يجرام
العدو لسه ببو محمد يجرم
الدليل الكَبر باقي ابلا بنيه
الشاعر
ياسر العارضي
#قصائد_منبريه
#الامام_زيد_الشهيد_ع
موشح نجفي
الك يازيد الركاب الكافره
اخذ ثار اركَاب ولد الطاهره
...............
صول بيهم واكَطع اركاب الكفر
من ضميرك صوت ينطيك الأمر
عالمصايب هاي وشتحمل صبر
خلي سيفك بالرؤوس الفاجره
..............
يبو يحيى الدين حركَو هيبته
يوم حركَو على الساجد خيمته
بالعيال وبي احتارت عمته
بين كوم ونار جانت حايره
...............
ذبحو حسين واخوته والصحاب
سال دم ذيج الزلم فوك التراب
ذوله ولد الدفعو اعله الزهره باب
عين سيفك جانت الهم ناطره
...............
زلزِل الكوفه وعلى ظهر النجف
علي ابكَبره سيدي بعزمك عرف
بارك الله بيك وبسيفك هتف
على ثار حسين عينك ساهره
...............
والامام الصادق انطاك الاذن
ثورتك أيدهه بدموع الحزن
سيفك ابهامات عدوانه يرن
اجفوفك ابخد التضدهم ساطره
...............
مايهمك اي عدد من العده
ويه زودك ماكو بيهم فائده
تارك اجساد الاعادي امدده
والعقيدة بانتصارك زاهره
...............
ياحسافه ابسهم صابو جبهتك
سبب صار المرمي هذا ابموتتك
مّثِلو يازيد وسفه ابجثتك
وعلكَوهه اعله الجذع للناظره
...............
من الجسد ظهرت براهينك وفه
تشفي كلمن علته ما تنشفه
جثتك للناس تنطي المعرفه
وجن مظيف الكعده يمك عامره
................
شافو الثوار دمهم مابرد
قررو عدوانك ابحرك الجسد
بالهوه ذروك جسمك منوجد
وانكسر كَلب الموالي وخاطره
..............
تبقه يازيد انت ميزان الكرم
نار كَلبك طيبت جرح الحرم
الماسمع بافعالك بأذنه الطرم
جنة الله انت ابوجودك زاهره
الشاعر
ياسر العارضي
#الامام_زيد_الشهيد_ع
موشح نجفي
الك يازيد الركاب الكافره
اخذ ثار اركَاب ولد الطاهره
...............
صول بيهم واكَطع اركاب الكفر
من ضميرك صوت ينطيك الأمر
عالمصايب هاي وشتحمل صبر
خلي سيفك بالرؤوس الفاجره
..............
يبو يحيى الدين حركَو هيبته
يوم حركَو على الساجد خيمته
بالعيال وبي احتارت عمته
بين كوم ونار جانت حايره
...............
ذبحو حسين واخوته والصحاب
سال دم ذيج الزلم فوك التراب
ذوله ولد الدفعو اعله الزهره باب
عين سيفك جانت الهم ناطره
...............
زلزِل الكوفه وعلى ظهر النجف
علي ابكَبره سيدي بعزمك عرف
بارك الله بيك وبسيفك هتف
على ثار حسين عينك ساهره
...............
والامام الصادق انطاك الاذن
ثورتك أيدهه بدموع الحزن
سيفك ابهامات عدوانه يرن
اجفوفك ابخد التضدهم ساطره
...............
مايهمك اي عدد من العده
ويه زودك ماكو بيهم فائده
تارك اجساد الاعادي امدده
والعقيدة بانتصارك زاهره
...............
ياحسافه ابسهم صابو جبهتك
سبب صار المرمي هذا ابموتتك
مّثِلو يازيد وسفه ابجثتك
وعلكَوهه اعله الجذع للناظره
...............
من الجسد ظهرت براهينك وفه
تشفي كلمن علته ما تنشفه
جثتك للناس تنطي المعرفه
وجن مظيف الكعده يمك عامره
................
شافو الثوار دمهم مابرد
قررو عدوانك ابحرك الجسد
بالهوه ذروك جسمك منوجد
وانكسر كَلب الموالي وخاطره
..............
تبقه يازيد انت ميزان الكرم
نار كَلبك طيبت جرح الحرم
الماسمع بافعالك بأذنه الطرم
جنة الله انت ابوجودك زاهره
الشاعر
ياسر العارضي
#قصائد_منبريه
#الامام_زيد_الشهيد_ع
اساسية مجلس
بوجه الظلم ثوره لمصيبة الزهره
والكربلاء حسين والمدمع الحره
زيد ثار الهالمصايب
زيد ثار الهالمصايب
............................................
عزمه أية ألم نشرح صدرك ابنور الهدايه
حَيله من سورة محمد يعني قرأن البدايه
بسمله بأول هجومه الحَمُد لله تبدي أيه
ساعة اليطوي كتبهم صدق الله بالنهايه
يتفنن ابسيفه .. منهم أخذ حيفه
لمصيبتين ايثور .. من الله تكليفه
ابكَلبه نار الدم نوايب
زيد ثار الهالمصايب
............................................
الكسر ضلع الزهره مره ومره للضامي ابطفوفه
من السقيفه هالبدايه واستمر الجور كوفه
والظلم وي فدك واصبح كربله اتمم حروفه
جان زيد ابكل قيامه شامل امصايب نشوفه
ثوره ابوجه باطل .. عزمه من ابوفاضل
من يبرز اعله الجيش .. صاحو اجه الكافل
يذكر من الطف عجايب
زيد ثار الهالمصايب
............................................
على ظهر الكوفه يهجم تلكَه كَلب الكوفه يرعد
خبر جيته اعله الاعادي ايخلي حته الغافي يشرد
سيفه جن بركان بيهم لو نزل عالهامه يُمرِد
مثل حيدر وبهجومه ماكو بالفرسان يصمد
مستأذن بأمره .. من قائد ابعصره
وبفتوة المعصوم .. نيرانه مستعره
لجل عماته الغرايب
زيد ثار الهالمصايب
............................................
جمع جيش اصحابه وانطه لكل شخص همه وعزيمه
بأن ما يترك لظالم فرصه يلتذ ابنعيمه
عالكراسي الثوره نهجه ابكلمة الحق العظيمه
ويذكر المهره الاصيله ابكربله صاحت ضليمه
ألحاكم الفاسد .. لا مايضل قائد
والحُكُم خدمة ناس .. والخدمه للعابد
حارب اصفوف الكتايب
زيد ثار الهالمصايب
............................................
للمصايب ثار لكن اله صارت هم مصيبه
جبهته ابسهم الاعادي انصابت وصارت خضيبه
واربع اسنين اعله نخله جثته مصلوبه وسليبه
تالي بالنار احركَوهه وبالهوه ذروهه هيبه
من القبر طلعوو .. واعله الجذع صلبوو
حته الحمامه اعلييه .. عشهه انبنه وهدموو
مَّهَد الثارات غايب
زيد ثار الهالمصايب
الشاعر
ياسر العارضي
#الامام_زيد_الشهيد_ع
اساسية مجلس
بوجه الظلم ثوره لمصيبة الزهره
والكربلاء حسين والمدمع الحره
زيد ثار الهالمصايب
زيد ثار الهالمصايب
............................................
عزمه أية ألم نشرح صدرك ابنور الهدايه
حَيله من سورة محمد يعني قرأن البدايه
بسمله بأول هجومه الحَمُد لله تبدي أيه
ساعة اليطوي كتبهم صدق الله بالنهايه
يتفنن ابسيفه .. منهم أخذ حيفه
لمصيبتين ايثور .. من الله تكليفه
ابكَلبه نار الدم نوايب
زيد ثار الهالمصايب
............................................
الكسر ضلع الزهره مره ومره للضامي ابطفوفه
من السقيفه هالبدايه واستمر الجور كوفه
والظلم وي فدك واصبح كربله اتمم حروفه
جان زيد ابكل قيامه شامل امصايب نشوفه
ثوره ابوجه باطل .. عزمه من ابوفاضل
من يبرز اعله الجيش .. صاحو اجه الكافل
يذكر من الطف عجايب
زيد ثار الهالمصايب
............................................
على ظهر الكوفه يهجم تلكَه كَلب الكوفه يرعد
خبر جيته اعله الاعادي ايخلي حته الغافي يشرد
سيفه جن بركان بيهم لو نزل عالهامه يُمرِد
مثل حيدر وبهجومه ماكو بالفرسان يصمد
مستأذن بأمره .. من قائد ابعصره
وبفتوة المعصوم .. نيرانه مستعره
لجل عماته الغرايب
زيد ثار الهالمصايب
............................................
جمع جيش اصحابه وانطه لكل شخص همه وعزيمه
بأن ما يترك لظالم فرصه يلتذ ابنعيمه
عالكراسي الثوره نهجه ابكلمة الحق العظيمه
ويذكر المهره الاصيله ابكربله صاحت ضليمه
ألحاكم الفاسد .. لا مايضل قائد
والحُكُم خدمة ناس .. والخدمه للعابد
حارب اصفوف الكتايب
زيد ثار الهالمصايب
............................................
للمصايب ثار لكن اله صارت هم مصيبه
جبهته ابسهم الاعادي انصابت وصارت خضيبه
واربع اسنين اعله نخله جثته مصلوبه وسليبه
تالي بالنار احركَوهه وبالهوه ذروهه هيبه
من القبر طلعوو .. واعله الجذع صلبوو
حته الحمامه اعلييه .. عشهه انبنه وهدموو
مَّهَد الثارات غايب
زيد ثار الهالمصايب
الشاعر
ياسر العارضي
#قصائد_منبريه
#استشهاد_الامام_الحسن_المجتبى_ع
موشح نجفي
يالحسن باب المضيف وعتبته
ماكو خطار انتظرهه فتحته
.............................
عادت اليكَصد لبيت اهل الكرم
يطرق الباب وسمع جلمة نَعَم
وانت بابك ماتسده ولا خَدم
عندك وانت اليخدمه صحبته
.............................
كعدتك بالباب تنتظره اليمر
والجفوف من الكرم صارن سمر
خلص عمرك بالمضيف وتنتظر
فرحة الخطار ساعة جيته
.............................
لا تدور صيت لا مال وذهب
بالكرم وجه الله رايد هالسبب
كبل ما سائل يسولف بالطلب
اتكرمه واكثر ما يريد ابطلبته
.............................
يبو محمد وانت تدري بهالامر
بس جفن واعمال تمشي للقبر
والكريم العاش ماراد العمر
هذا دنيه واخره انحب عشرته
.............................
ياحسافه ايحاربوك اهل الرجس
بدل ميوافوك لعمالك أمس
سمموك الجانو اضعاف النفِس
وانت زادك بالبطون الخانته
.............................
جبدك اتفتت يمسموم بألم
عمرك ابسِم ياحسافات انختم
ولاكو واحد منهم ايحس بالندم
كلهم السموك ذكرك ضدته
.............................
بروحك الفاضت لوجه الله ومشت
جم ألم واحزان عالفقره البقت
واليتامه بعدك انت اتيتمت
جا ابوهم انت من دم طيبته
.............................
حسين ينظر فكَدك ابلوعه وجرِح
يبجي لفراكَك يبو ملكَه السمِح
شال نعشك والتوه الطوله رمح
وتوكع اعله الكَاع من دم دمعته
.............................
مارضو بارض المدينه تندفن
وبسهام ارموك نحجيهه ابحزن
كل سهم بالنعش واصل للمتن
وانت ميت والاعادي جرحته
.............................
وانت الموصيهم ابحقن الدمه
ماكَدر عباس يجدح صارمه
جان يكَطعهه الرؤوس المجرمه
وبالمدينه اتصير غصبن دفنته
الشاعر ياسر العارضي
#استشهاد_الامام_الحسن_المجتبى_ع
موشح نجفي
يالحسن باب المضيف وعتبته
ماكو خطار انتظرهه فتحته
.............................
عادت اليكَصد لبيت اهل الكرم
يطرق الباب وسمع جلمة نَعَم
وانت بابك ماتسده ولا خَدم
عندك وانت اليخدمه صحبته
.............................
كعدتك بالباب تنتظره اليمر
والجفوف من الكرم صارن سمر
خلص عمرك بالمضيف وتنتظر
فرحة الخطار ساعة جيته
.............................
لا تدور صيت لا مال وذهب
بالكرم وجه الله رايد هالسبب
كبل ما سائل يسولف بالطلب
اتكرمه واكثر ما يريد ابطلبته
.............................
يبو محمد وانت تدري بهالامر
بس جفن واعمال تمشي للقبر
والكريم العاش ماراد العمر
هذا دنيه واخره انحب عشرته
.............................
ياحسافه ايحاربوك اهل الرجس
بدل ميوافوك لعمالك أمس
سمموك الجانو اضعاف النفِس
وانت زادك بالبطون الخانته
.............................
جبدك اتفتت يمسموم بألم
عمرك ابسِم ياحسافات انختم
ولاكو واحد منهم ايحس بالندم
كلهم السموك ذكرك ضدته
.............................
بروحك الفاضت لوجه الله ومشت
جم ألم واحزان عالفقره البقت
واليتامه بعدك انت اتيتمت
جا ابوهم انت من دم طيبته
.............................
حسين ينظر فكَدك ابلوعه وجرِح
يبجي لفراكَك يبو ملكَه السمِح
شال نعشك والتوه الطوله رمح
وتوكع اعله الكَاع من دم دمعته
.............................
مارضو بارض المدينه تندفن
وبسهام ارموك نحجيهه ابحزن
كل سهم بالنعش واصل للمتن
وانت ميت والاعادي جرحته
.............................
وانت الموصيهم ابحقن الدمه
ماكَدر عباس يجدح صارمه
جان يكَطعهه الرؤوس المجرمه
وبالمدينه اتصير غصبن دفنته
الشاعر ياسر العارضي
#قصائد_منبريه
#استشهاد_الامام_الحسن_المجتبى_ع
اساسيه
كريم اهل العقيده ومن الابطال
يمولاي المصابك هالدمع سال
يا أمامي
....................................
حسافه جبدك ابسم ال اميه
تفتت يا أمام اعله البريه
عمرك غاب من كَبل المسيه
وشمس الكون تاخذلك تحيه
وبقه دمع اليتامه اعليك همال
يمولاي المصابك هالدمع سال
يا أمامي
....................................
عمرك جبته بس اهموم واهات
ياقران وحروفك تلاوات
من تحجي عسل كل العبارات
تبعد عن موالينك حرامات
جن ديره وضعنهه من الصبح شال
يمولاي المصابك هالدمع سال
يا أمامي
....................................
جعده اتسمك ابأمر اليعاديك
خطه ونفذتهه اتفقت اعليك
ابوسط بيتك تعيش وهم تأذيك
الاشعث جان قصده ابنته يفنيك
بعدهه عمرك انباك وفلا طال
يمولاي المصابك هالدمع سال
يا أمامي
....................................
يالمسموم جبدك بالطشت صار
وابطنك تحس حركه ووهج نار
مظيفك فارغ ولو جاك خطار
يلكَه اخلاف عينك وحشه الديار
بمصابك تصدِع حته الجبال
يمولاي المصابك هالدمع سال
يا أمامي
....................................
قبرك سيدي مو بالمدينه
يم جدك وجودك رافضينه
عشت مظلوم وانفاسك حزينه
ومتت محروم كل عمره وسنينه
ياعيد وكَبل ليتامك اهلال
يمولاي المصابك هالدمع سال
يا أمامي
الشاعر
ياسر العارضي
#استشهاد_الامام_الحسن_المجتبى_ع
اساسيه
كريم اهل العقيده ومن الابطال
يمولاي المصابك هالدمع سال
يا أمامي
....................................
حسافه جبدك ابسم ال اميه
تفتت يا أمام اعله البريه
عمرك غاب من كَبل المسيه
وشمس الكون تاخذلك تحيه
وبقه دمع اليتامه اعليك همال
يمولاي المصابك هالدمع سال
يا أمامي
....................................
عمرك جبته بس اهموم واهات
ياقران وحروفك تلاوات
من تحجي عسل كل العبارات
تبعد عن موالينك حرامات
جن ديره وضعنهه من الصبح شال
يمولاي المصابك هالدمع سال
يا أمامي
....................................
جعده اتسمك ابأمر اليعاديك
خطه ونفذتهه اتفقت اعليك
ابوسط بيتك تعيش وهم تأذيك
الاشعث جان قصده ابنته يفنيك
بعدهه عمرك انباك وفلا طال
يمولاي المصابك هالدمع سال
يا أمامي
....................................
يالمسموم جبدك بالطشت صار
وابطنك تحس حركه ووهج نار
مظيفك فارغ ولو جاك خطار
يلكَه اخلاف عينك وحشه الديار
بمصابك تصدِع حته الجبال
يمولاي المصابك هالدمع سال
يا أمامي
....................................
قبرك سيدي مو بالمدينه
يم جدك وجودك رافضينه
عشت مظلوم وانفاسك حزينه
ومتت محروم كل عمره وسنينه
ياعيد وكَبل ليتامك اهلال
يمولاي المصابك هالدمع سال
يا أمامي
الشاعر
ياسر العارضي
HTML Embed Code: