لبيك ياحسين
تجليبه
~
كل ساعه البي بسم ابو اليمه
واتشرف اظل خادم لبن عمه
◾️◾️◾️◾️◾️◾️◾️
مسلم ابگه اخدمــه الگطعت الأنفاس
دنيه اواخره خدمتـــــــــه تاج الراس
اخدمه انه ابشعوري ومنبع الأحساس
واظل حد المنيــــــــــــــه الهج اباسمه
◾️◾️◾️◾️◾️◾️◾️
اشحلات الموت ابخدمة مسلم اوحبه
وابسجل التخدمه اسمـــــــــي ايكتبه
من انصاره هذا العامري ايحسبـــــــــه
هذا الـــــــــي وفه البيعه ابدمـــــــــــه
◾️◾️◾️◾️◾️◾️◾️
من عنده خذت التضحيــــــــــه اويثار
اومامديت ايدي اوصــافحت اشــــــرار
اومايوم ابحياتي صرت انــــــــــه غدار
من مسلم كسبت الرأفــــــــــــه والرحمه
◾️◾️◾️◾️◾️◾️◾️
خلــــــــي الناس كلــــــــــه ضدي اتطبل
لنفــــــوس الشريره ابد مـــــــــــــــاانزل
على منهج خدمتــــــــــــــي ابد ماجامل
اظل للموت انـــــــــــــــه املازم الخدمه
◾️◾️◾️◾️◾️◾️◾️
اهوايه الي حجت ضدي وانـــــه اعرفها
واستنكف انـــــــــــــه فد يوم اجاوبـها
اظل بيمانــــــــــــــــــي الثابت اجاهدها
مثل مسلم الراسخ بالوغـــــــــــى جدمه
◾️◾️◾️◾️◾️◾️◾️
باجر بالقيامه نوكف احنـــــــــه اصفوف
مسلم وابو اليمـــــــــه كل عملنه ايشوف
يــــــــــوم الناس كلها ترجف من الخوف
وتحاسب علــــــــــــــــى اعمال كل چلمه
◾️◾️◾️◾️◾️◾️◾️
هاي الدنيـــــــــــه لايفلان مكضيــــــــــه
وكل افكار بيــــهــــــه ترى وهميـــــــــــه
تعال اوياي خلــــــي انصفـــــــــــي النيه
كل واحد الربــــــــه امره ايسلمـــــــــــــه
◾️◾️◾️◾️◾️◾️◾️
تمت
الشاعر فالح العامري
https://hottg.com/falehalameri
>>Click here to continue<<
