شور گعدة الليلة الثالثة:

نوگ..صعدن خواتي و انطر
ابچي وعليهن انظر
وناگه الي ادوّر

وين ..يا ناگه للعليله
مو شرط اذا اصيله
حتّى لون هزيله

هاك..يا والدي شفت حل
ماكو اليه محمل؟!
امشي مشي اتحمل

حيل..ما اتعبت وعندي حيل
امشي بصبح و امشي بليل
واركض اذا هدّت خيل

حتّى اذا
مريضه والوجه اصفر
على طول الدرب اگدر
يباريني علي الاكبر

حتّى اذا
نحيله وترجف ايديه
وتصد اعليه محنيه
اگدر امشي يوميه
..................
بليل..ما غافي مرّه رمشي
حظّرت بويه كلشي
لهل رحله يمته نمشي

هاذ..امتاعي يبويه حاضر
يمته الضعن يسافر
كلساع اگولن باچر

صاح..گلبي بونينه والآه
لدرب السفر بسم الله
جدمي اويه جدمك ممشاه

ريت..بالقافله امشي جدّام
ومتجهّزه اويه الايتام
امنل كوفه امشي للشام

متجهّزه
يبويه مستعدّه اتعب
العذب ما منّه گطره اشرب
وعلى نوگ الهزل اركب

متجهّزه
سبيه لو يصير اسمي
ومنل حر ينتهي رسمي
المهم خوله تضل يمي
...........
ريح..ينگل نياحي والون
صوتي وصلّك لاچن
ايردلي الصدى وداعاً

آه..عايفني شنهو ذنبي
گلي يبنتي گربي
ويه سكينه ركبي

شوف..خدي بدمع توضّه
يابويه عِجبه ترضه
اترك صفيه لحظه

دوم..بعين اختي عيني افكها
يمي رقيه اتركها
بنتك وحيده حگها

منهو الي؟
العليله مِن يداريها؟
ماظل اي احد ليها
يواسيها ابواچيها

منهو الي؟
يساعدني اذا انهض
يصد اعليه لو امرض
سواد ارموشي صار ابيض
.................
وين..تمشي ودليلك عفته
ارچاب المهر لزمته
وثوبك ولا تركته

راح..وضعنك بده مسيره
يمته يبويه حيره
وجهك الي تديره

ليش..ما چنّي آنه بنتك
دور الوجه ندبتك
شوف اشجره اعله بختك

آه..مبتسمه عالغوالي
يمته تعاين حالي
تأشر الي تعالي

درت الوجه
شلت ايدك واجيت أسرِع
تلوّح لنّك اتودّع
واودعَك و البُعد يِفجِع

درت الوجه
تودّعني وگلت أصبر
وعلى ايدك بقيت انظر
وچن چفك بلا خنصر
............
هاي..روحي و دُموعي ذني
اتوسلك ارحمني
اوياكم يبويه اخذني

يوم..ما اصبر واتاني
ميته بوادع اخواني
اجنازه البُعد خلّاني

موت..والله اموت ابُّعدك
حسبني دخيله عندك
بنت والوذ بسدك

خاف..گلبي واديه ترجف
اوحيده وجُروحي تنزف
وماي الصبر بده ايجف

ما ظل صبر
وگلبي امن الفرح صايم
وبدت تتشمّت الوادم
وعلى اخدودي الدمع نايم

ما ظل صبر
وافراگك كسر ظهري
البُعد سيف وذبح صبري
الحسره تسحگ بصدري


(صعدن خواتي)
محمد اياد السعد
2020

مقدمة الليلة الثالثة:

بسم رب الماخذوني..ما ردت شي خل يجوني
ما بقه شي ما نذرته..بس بقت دمعة عيوني
عيوني ما رمشن وحگك..خاف انام النوب مافز
لملمت بويه جُروحي..امتاع حزني هسه جاهز
.....................................
بيمن ابدي اكتابي بويه..شأرد اسولف..ششتكيلك؟!
وبنهاية كل رساله..اكتب بدمعي (دخيلك)
فارغ اكتابي تِشُوفه..ومملي بدموعي وحسرتي
ما اريد الدنيه كلها..بس اريدك انته واختي
.....................................
يالحنين الماكو مثلك..والأبو اشلون ايتعوّض
ستفحل الشيب اعله راسي..وانتچي اعله الآه وانهض
بويه بالليل شيجيني..ويختنگ مرات صدري
الدمعه كسرت ظهر خدي..وفرگتك كسرتلي ظهري
.....................................
يالوادعك حار بويه..ارحمني لا يحرگني هجرك
بويه وبقارورة الدم..طلع دخان اويه عطرك
بروحتك كلشي تغيّر..كلشي صاير غاضريه
بين حجره وحجره انظر...تركض اسكينه ورقيه
.....................................
البعد سيف وذبحني..وفرگتك ناگه هزيله
الدمعه تسطرني اعله خدي..شأشگف وآنه عليله
مگيّده عيني بدمعتي..وشفّتي مگيده بونيني
بهيمة احزاني وحيده...يمته يا بويه تجيني



(بسم رب الماخذوني)
محمد اياد السعد
2018

عطشانه اعيوني..وتتروّه بملگاك
ما يسوون الناس..ذبحوني بفرگاك
من طعم الوالد حرموني
يا ماي اعيوني واعيوني
..............................
البيت ابلا ابو ظلمه..وحياتي ابلا ابو اظلم
عليمن عايِشَه ابقه..اموت بفرگتك ارحم
وجهي المبتسم بويه..على ادموعي تره اتعلّم
اليفارگ ينسه عافيته..و بلملاگه يضل يهتم

بويه بظهر النوگ..ما ذبّيت اي ماي
من رحتو ذبّيت..دلّالي وعيناي
وانخه ادخيل الكم واخذوني
يا ماي اعيوني واعيوني
..............................
برحيلك شنهو ضل عندي..الونّه والدمع ميراث
احلمت ما ترجع لحضني..واحلامي يريت اضغاث
گبل لا روحي تطلع رد..يا بويه اسبگ الاحداث
بعد شمرة عصى عالموت..دخيلك گلبي بسمك غاث

وامبَينَه الفرگه..ما بيها ملگه
لمّن عنّي امشيت..ودّعت ابشهگه
گتلي كون امشي بظعوني
يا ماي اعيوني واعيوني
..............................
الفاگد من يضل وحده..شيسوّي بليله ما يدري
يضل ينعه وينوح اشگد..(حتّى مطلعِ الفجرِ)
الحسره تنهش بروحي..وانعه ويختنگ صدري
عليله والمرض هدني..وفوگاها انكسر ظهري

رد يا ربّ البيت..ما ضل بينه حيل
اشگد تسهر لعيون..من دونك چم ليل؟
وانته الگلت النه تانوني
يا ماي اعيوني واعيوني
..............................
عمت عين الدهر والناس..مِنِ اعيونك يحرموني
اشلون انسه جمالك ذاك..انطبع شكلك على اجفوني
عليمن؟ عايِشَه والمن؟..الخلگ خلهم يدفنوني
أهوَن من جلوس الدار..وبَلا والد يشوفوني

حيدر بأمره وراد..شمس الكون اتعود
ويا شمس اعيوني..لدارك رد اردود
وابني احلامي بضنوني
يا ماي اعيوني واعيوني
..............................
ادري افضل الاعمال..يبويه انتظار الغاب
وشنو افضل مِن ابنيّه..عليله و واگُفَه اعله الباب
و لن جاب الخبر ليّه..ناعي والدمع سچّاب
گتله راح اموت احچي..شنو صاير على الاحباب

صاح احسينچ مات..وصدره بخيل انداس
وزينب صعدت نوگ..وتحديها الارجاس
واتگلك خويه شتموني
يا ماي اعيوني واعيوني


(عطشانه عيوني)
محمد اياد السعد

كلها اتشد..امتاع السفره
وانا اوياهم متحظره
حاشه احسين..ينسى بنته..منتظره
**
خوله وصفيه وعاتكه..يا محله ذيچ اللمه
متجمّعات ايسولفن..كلمن يلمّ بهدمه
ورحلتهن انا واگعدت..وياهن ومبتسمه
يمتى نِروح امن اسألت..ما جاوبوني بچلمه

يمتى انروح..من أسألهِن
ماكو اجواب..يبچن كلهِن
ينسن ليش؟..انا اوياهن..منتظره
******
متنطّره خيط الفجر..سهرانه ليلي بشهگه
يمته واروح اويه الظعن..گلبي انشلع من عرگه
لو موتي يحصل بالدرب..لو موتتي بالفرگه
گلبي احترگ كِلّه مثل..خيمه بجمر محترگه

نار ادموع..اتشب بعيني
وبس احسين ايطفّيني
لو ينظر..يم الناگه..منظره
*****
كلشي نسيته من ألم..چنّه المرض منّي خَف
والنَهضه ما بيها تعب..ابلايه تواچي او لا چف
اگدر اطوّل بالمشي..واگدر اگوم واوگف
واگدر على كلشي صعب..بس كون اروحن للطف

صحتي بخير...بَلغُو الوالد
لا يحتار...بيّه واحد
حالي حال..خوله وسِكنه..منتظره
*****
فرحانه ادوّر محملي..ومتجهّزه للطلعه
لن انظر احسين اعتنه..ليّه ويصبّ الدمعه
عذريني يا بنتي هتف..جاوبته بس منفجعه
لا تعتذر بويه:فقط..جيت أسأل اعله الرجعه

يمته اتعود..جيتك أسأل
بس العين..اتدوّر محمل
ودمعي الصب..يشرح وضعي..منتظره
*******
بالخطوه لأولى من مشه..وظعن الهواشم ابعَد
ادعيت الله يرجع والدي..وينظر دُمُوعي اعله الخد
و اينادي وي نوگ الظعن..خلو العليله تصعد
بأوّل دقايق وانتظر..ما رد عليّه احّد

صار اوداع..كلها راحت
وبنت احسين..اهنانه ماتت
وموتي حان..من عافوني...منتظره


(متاع السفره)
محمد اياد السعد
2022

قصيدة مقدمة المجلس لتحضير المجلس للطم لكل ليلة يقرأ نص من القصيدة


السلامُ على الحسين وعلى ال الحسين
--------------------------------------------------
الليلة الأولى والثانية والثالثة

ليلة الاول مـــحرم للــحزن والهم بداية
بيها ظعن حسين يمشي وتمشي وياه المناية
ســاعد الله المهدي كَلبة من عظم هاي الرزاية
عجل ابثـــــارك امامي وللـحزن خلي نهاية
ونادي بيـــن الخافقين السلام على الحسين
----------------------------------------------
ليلة الرابــــــع محرم ليلة امصاب العلـيلة
راح ابوها وماخـذاها ياهو غيرة تشــتكيلة
مدللة وجانت عزيـزة وظلت وحيـــدة وذليلة
لا ابو يمها ولا امهـا وجنها سفرتهم طويلة
تنادي بأشواق وحنين السلام على الحــسين
---------------------------------------------
ليلة الخامـــــــس محرم ليلة المـــــــظلوم مسلم
البايعوا نـــكروا عهدهم بغربـــــتة بس الله يعلم
حاوطتة جــــيوش امية وهوة وحدة شلون يسلم
من على قصر الامارة عالـــغريب حسين سلم
نادا بالصـوتِ الحزين الســـلام على الحسين
---------------------------------------------
ليلة الســــــادس محرم التمــت انصار العقيدة
اجمعوا وبـصوت واحد فدوة الك يبن الصميدة
احنا كلنا انروح فدوة حسين يسلم بس نريدة
الدنية ما تســـوة بدونة وبالعــمر موتة وحيدة
هذا صوت العـــاشقين الســـلام على الحسين
--- ---------------------------------------------
ليلة السـابع محرم ليلة العـباس صارت
نزل للميدان مغـظب علية جيوش الكفر دارت
الشجاعة الحيدرية وغيرة العباس فارت
اتوسط الكَوم وخزرهم الروح كَبل الروس طارت
نادا مقطوع اليـدين السلام على الحسين
-----------------------------------------------
ليلة الثـامن محرم ليلة الـعريس جاسـم
عرس ابدم الشـهادة يمشي وي ركب الهواشم
من الشهد احلى ويعمي الموت عندي وانة عازم
حنتي من دم وريـدي واغفى مابـين الصوارم
صاح مرضوخ الجبين السلام على الحسين
---------------------------------------------
ليلة التـاسع محرم ليلة بيها مصاب الاكبر
ليلة وداع ونيــاحة والدمع بيـها تنثر
اشبه الناس ابمحـمد جسمة عالغـبرة توذر
من العطش ذايب دليلة وكَلبة من حزنة تفطر
صـوت حُزناٍ وانين السلام على الحسين
--------------------------------------------
ليلة العــاشر محرم ليلة حسين ورظـيعة
ماتمر ليـلة ابحزنها عالبشر اعـظم فجيعة
كل محب يحسين نادة الليلة المـوادع يشيعة
ابين اديه من ذبحوا ابنة وظاكَت اعليه الوسيعة
نادا كـل العالمـين الســــلام على الحسين
=========================
أسالكم الدعاء رائد الاسدي

#نزال شور"ثكيل
#بحق مولاي علي الاكبر عليه السلام.


علي الاكبر برز يا محلاته
ومن بعيد يهوسن عماته
غير من عمه الگمر ترباته
وبسم حيدر من يطگ طگاته

هلا يمرجف العدوان :حي لله قمر ليلى
الزلم سواها چن نسوان :حي الله قمر ليلى
متبختر على الميدان :حي الله قمر ليلى.
__________
علي رافع دوم روس الساده
ومامش الحيد العليه يتعاده
يطب متبختر ابنص القاده
الزلم فرهم مثل فر اگلاده

طشرها الزلم طشار :حي الله قمر ليلى
تچدح عينه مثل النار :حي الله قمر ليلى
سيفه دكول ذو الفقار :حي الله قمر ليلى.
___________
عيونه تكتل سيف چن الخزره
ياحلاته لو ركب على مهره
ماكو زلمه علي الي يگدره
علي سوه الكاع بيهم حمره.

يموت الزلم بعيونه :حي الله قمر ليلى
حيد او ما يگدرونه :حي الله قمر ليلى
الكفر كلهم يهابونه :حي الله قمر ليلى
__________
الزلم نصهم شردو من عنده
علي شيطلع غير حيدر جده
الشمر من الخوف تيه شرده
سيفه برگاب العواذل حده.

الزلم سوها چن رعيان :حي الله قمر ليلى
ركضهم مثل نسوان :حي الله قمر ليلى
ماخذ خاوه على ميدان :حي الله قمر ليلى
__________
حسين حيدر الخفاجي.

(ثكيل للعليلة ع)

لو طال الهجر بيكم
أرسمكم وحاجيكم
اتاني ودعي ربي
يبس بالفركه كلبي
بهلي الفاركوني وضيعوني وين الاكيكم

.......

بيوم راحوو كلشي راااح
وبالبواجي كمت استراح
خذو روحي من تعدوو
لا خبر لا مرسال ودو
فاركوني وحيلي هدوو
كلت خليني اصبر الفرج لصبر مفتاح
ومصباح المفارك كلي شلون مصباح
انامن كمت بالباب هواي بعتبه ارتاح
التراب مبيض الرموش من اجاي وراح
كلت ميخالف اتهون
هلي باجر يردون
باجر جاب باجر وانه اناطر وين الاكيكم


.........


كمت اصبر روحي كوه
وحشة اليل والله بلوه
الهوه كلما بابي هزه
كلبي صارت بي نزه
يالعزيز الجنت اعزه
بقيت لوحدي بدار اون بيهه وتونلي
وصل بيه اني الحال كمت احجي ويه ضلي
جرح فراكهم بيش اداويله وشخلي
علي ماظن تلحكون لو رديتو. يهلي
اموت وتكضي قصتي
واخلص من غربتي
والماضي الأذكره ليه حفره وين الاكيكم


........

اه يليلي انطيني حيله
ورحم بطفله عليله
العمر صاير مثل ومضه
يبس كلبي بيه نبضه
الفاكد احبابه شيعوضه
بقيت اشتل بالدموع علي سواجي دربهم
كلما هبت الريح نسمة شوك اشمهم
هلي. يامن يردون واكعد سوه بفيهم
تعبوني من الفراك واكولن تعبتهم
سفينة نكسر الشراع
بعد وين الزم الكاع
العمر جبته بهواهم ياهواهم وين الاكيكم

........

من شفت ناوين فركه
كلبي ضل بالكوه دكه
شفت مامش ليه محمل
كلت امشي وياهم اندل
وشفت نظره سكنه تكتل
اعاتبمن احتاريت ابويه لو خواتي
وامس انطيت سكنه من رادت عباتي
مااحمل انه اصواب مثل جنح الفخاتي
هجرهم صوباني وكسر واهس حياتي
خواتي ليش رحتن
وعني ما نشدتن
غميج انه اصوابي ياحبابي وين الاكيكم

.........





الشاعر مصطفى الحسني

3....محرم الحرام
حال السان سيدتي ومولاتي
العليلة ع


ياوالــــدي لا تــرحل ابنــيتك عليـلـة
ليلي وكظـيتـه بالدمــع وأنتي طـويله

ياجــــرح الـفــراك.
كل سـاعه واشـتاك.
وانه العليلة. وانه العليلة
___
يالغـالي يالرايـــح تره. / مـــاأحــمل انه الـفــركه
من الصبح ضعنك طلع./ طلــعت يبويه الــشهكه
لا ماهـــيد مــــن.البجي./ هــوه التعــوفه شيـلكه
غـير البجي والنــايحه./روحي صفـــت محــتركه


يابويه وأن كل الـحـجر..من سمـع وني
طفــله وعلــيلة ولاأبـو. لا ماهــو يــمي

يادمــعــي حـــراك
كل ساعـه واشـتاك
وانه العليلة. وانه العليلة
___
بضعنك نويت ع السفر / مـــادري ويـن المــسـره
وجني أحس المن رحت /صـعبه وتـطول الفـتـره
ضــعنك تبعــته بالنــظر./ الـحد ماشـفت بالنظـره
يطــول الهــجر ياوالدي/ والطــفله زادت حـسره

بهجرك ذبت ياوالــدي. تالي صرت عود
دمعي صبح مثل المطر. يابويه متـعود

جاهــــيج الفــراك
كل ساعه واشـتاك
وانه العليله. وانه العليله
___
لو طـالت الغــيبه تره./ بـــويه وتغــــير حـــالي
وانه العليــلة بعلتــي/. وصـــار الدمــــع يبرالي
لو ماأجه منــك خـبر. /أرســـل الك مـــــرسالي
شخبارك شـلونك بـعد. /اه يالـــسـكـنــت أبــالي

يابويه وشلونك بعد وشلون الحوال
تدري الغياب ع اليــظل يابويه جتال

ياعشـك الاشــواك
كل سـاعه واشـتاك
وانه العليلة. وانه العليلة
___
ياوالدي شحجي بـعد. /شـو ماأجـتني أخبـارك
كلب المريضه بفركتـك./ الحـد الفـــجر ينـعالك
ياكلبي شو ذاك المشه. / هــوه الصـبــح جتـالك
لا من خبر منه وصـــل /وألحد يطـمن أحـوالك

يابويه لو حــل العصر.وشـتـــاكت الـروح
كلب العليلة بــفركتك .يابــويه مجـــروح

والهـــجر ماينطـاك
كل ساعه واشــتاك
وانه العليلة. وانه العليلة
___
بدمع الحزن أنظر شخص/فوك الذلول وحـــادر
ناديــته يــعـرابي بـدمع/ ويـن الـمشد ومهــاجر
ياطفــله ناداني وحـجه./نـــحو العــراق مســافر
سلم على حسين المشه/ وكـــله العلـيلة تنــاطر


وكتابي أخذه يالرحت وصله إله مكتوبي
سلم ع عمي الكمر وسلم على مـحبوبي

يـم أرض الـــــعراك
كل ســـاعه وأشتاك
وانه العليلة. وانه العليلة
__
كلمات
الشاعر الحسيني

مرتضى مكطوف

في شأن فاطمة العليلة وحزنها لفراق والدها
وزن حدي
__
انه العليله وانتحب
فرگه الولي ماذيني
__
ماذيني بويه هـالسهـر
دلالي بـــعدك انفــطــر
وحدي وحِسَن بالخطر
خلصت تراهي اسنيني

✍🏻الشاعره سلمى أم جعفر
___
لاتـمشي ياضنوة عــلي
بـعـــدك كئيبــه يالولي
همي من اشوفك ينجلي
بالكت تجـــــي تــرويني

✍🏻الشاعره عاشقة كربلاء الطفوف ام محمد ال درويش
__ـٓـــٓٓــــــــــ
چنـت الدليلي بـــلّسمه
اديــارك اصـدهــا مظلمه
عيوني تصب دمع ودمه
نـــــــار البعـد تچـــويني


✍الشاعره ام مصطفى الحربي
__
يابويه مـاچـــان الوعد
حيلي عگب عينك ركد
عندي منـــو باقــي بعد
يالواعــــدتني اتجيني

*✍️الشاعره بتول الكربلائيه*
____

راح انتضر طــول العمر
بلكت عليـــه بويــه تمر
تدري خلص مني الصبر
ماتسمع انتــــه اونيني

✍الشاعره ام رافد السامر
___
تمت وبعون الله وباقلام شاعرات رابطة القاسم ابن الحسن ع ونسالكم الدعاء🙏

قصيدة للعليلة (؏) على طور ( مرت سنه ونص وانه بونيني) لـ باسم الكربلائي

حمل ضعنهم وانـه عافوني
ناديته بويه وياكم اخذوني
يحسين بويه لا تخليني *
معلوله اظلن زايد اونيني* ٢
..........................................
انحب .. واندب .. يابويه وتهل دمعة عيوني
يجرح .. يذبح .. بُعد الاهل و بوني عافوني
بنته .. وصِحته.. عفتوني بويه لو نسيتوني
ناده .. اولاده .. وانه بقيت ابحسره خلوني
حمل خواتي وعمتي وياهن *
ما خله وحده خلــه ذكراهن *
خلاني وحدي ايهل دمع عيني
مـعــلولـه اظــلـن زايـد اونيني
حمل ضعنهم.....
..............................................
وحدي .. بخدي .. ظلت دمعتي بويه تتجاره
ريتــــه .. ابـيته .. ظل ويه بنته گاعد ابداره
جــمره .. حـمره .. تسـعر تــأذي بالگـــلب ناره
حيــره .. اچبيره .. ظليت اهمن وآنه محتاره
محتاره اهم بالغالي واعضيده *
ادري العـده دم منـحره تريـده *
محتاره حيل وگلبي ياذيني
معــلوله اظـلن زايد اونيـني
حمل ضعنهم.....
..........................................
بغربه .. وصعبه .. وحدي انه وظليت محتاره
انضر .. وافرر .. كلساع اصيحن هلا بهلجاره
انعي .. بدمعي .. يواسيني عن الحمل آباره
حزنن .. وابجن .. عيوني المشو ماظن بعد ماره
ابجـي واريـد الوالـد الــغالي *
غير الدمع كلشي ولا اصفالي *
غير الولي محد يحاجيني
معلوله اظلن زايد اونيني
حمل ضعنهم.........
.........................................
ابجي .. وارجي .. واتـنـخه بـيـهم مـا يـعوفـوني
دمــعي .. دمـي .. خبطن سوه صارن نفس لوني
اعتابي .. اكتابي.. وديــته عتبـي للي انـسوني
اتلـوع .. اتـجزع.. من البجي راحن تره عيوني
عن الولي دم عيني اجريها *
دم ودمـع لون انخبـط بيها *
هذا الدهر گايم يجـازيني
معلوله اظلن زايد اونيني
حمل ضعنهم........
...................... 🏴....................
تمت بأقلام خادمات أهل البيت ع
#الشاعره هاجر الزينبية
#الشاعره رقيه المحـمداويه
والله ولي التوفيق 🙏🏻

#السلام_على_فاطمه_العليله
.
.

كل ما جفن نام    تاخذني الاحلام
ولكربله انروح     وادخل للخيام


***


انه يا ليل العليله  العشت الجروح
شما يمر النوم اعيش ابحلم مذبوح
ويه النجم والنسمه طيف اتسافر الروح
روحي للعافوني وحدي امتيمه اتروح


واشتَّم التراب           بخيام الاحباب
وروحي ويه الدموع   تتزايد آلام


***


يم مهد عبدالله اگعد وانه اخته
اشفه من كل مرض من اسمعهه هزته
ولا يفز عطشان كل ليلي سهرته
ما اريد انظر على اجفونه دمعته


وابروحي اباريه     وبالضحكه اناغيه
ابقه انه الوليه       نام الطفل نام


***


غافيه ارقيه وشفت مبتسمه چنهه
على وجه احسين اظنّه انسد جفنهه
و يم وسادتهه بقيت اقترب منهه
افتح الترچيه خاف اتحز اذنهه


وبهدوة الليل      من تصهل الخيل
اتفز روحي واتروح  يم صدر الايمام



***


من اكول الخيم ليش النار تلهب
وشما صحت يا گمر هاشم تبچي زينب
ليش يمهه الماي بس ما ترضه تشرب
ومثل تَل اليم خيمهه الظهر حدّب


ولو گلت يحسين     اتصير الخيم عين
والفاتحه الريح        تقره اعله الاسلام


***


الطيف اسأله امن امشي لجروحي البعيده
ليش ليليه الدموع ابخد حميده
وليش زين العابدين انجرح جِيده
سكينه مو حنه بديهه وشو وحيده


و رمله تون ليش       و وسط الخيم جيش
يمهه الحسن جاي     شصار اعله جسام


***

سعد هادي الشمري

#العليله

ها يعبـــــــاس الگمر. ناديتــك ناديتــك
ابدمع وبحسره وقهر. حاچيتك حاچيتك
والله تعبني السهر
والله تعبني السهر
--------------------------------
گمت اناطر. يمته يرجعلي الضعن
گمت اناطر. ينزل بأرض الوطــن
روحــــــي ما ترتــاح لمـن تلتقـــي ابكل الاهل
وتسكن اجروحي ألي بيه اويرجع ابگلبي الامل
گوه اكـــابر ياشهم. بغيابك بغيابك
ادخل الدارك وشم. بثيابك بثيابك
مارحم حالي الدهر
واللـه تعبنـي السهر
----------------------------------
يابوفاظل. گاعده ابدرب اليمر
يابوفاظل. والگلب يلهب جمر
بلكي طــارش يعتنيلي منكم ايسكــن الالم
وذكرى مـن عندك يعمي جايب اوياه العلم
منكـم اتنطر خبر. يلفيني يلفيني
مابقه عندي صبر. ياعيني ياعيني
گلبي ياعمي انفطر
والله تعبنــي السهر
----------------------------------
ليلي يخلص. حسبه وآهات ودمع
ليلي يخلص. نـــاره تسعر بالضلع
احسب انجــوم اليالـــي وابقه اساهر للصبح
علتي زادت عليه وجرحي ضل ينــزف جرح
هذا حــالي ابغيبتك. يالوالي يالوالي
ابشوگ اناطر طلتك. يهلالـي يهلالـي
فرگتك تحني الظهر
والله تعبنــي السهر
-------------------------------------
وحشه داري. ظلمه ياعمي اصبحت
وحشه داري. اوبيكم اشگــد عاتبت
طالـت الغيبــه واحسه ابنـار دلالـــي انچــوه
ابلا شعور اركض يعمي مــن يدك بابـي الهوه
حسبت رجعو هلي. لديارهـم لديارهم
ونتظـر ترجع علّي. بخبارهم بخبارهم
لارســــاله ولاخبر
والله تعبني السهر
------------------------------------
الفرگه صعبه. اوداعكم لا موسهل
الفرگه صعبه. خلت الناضــــر يهل
گمت اعـــــدلكم ثوانــــي يمته يلتم الشمل
روحـــي ملت تنتظــــركم والبعـد ماينحمل
مااضـن نلتم بعد. يحبـابي يحبـابي
راح اعيشن للابد. بصوابي بصوابي
من البجي راح النضر
والله تعبنــــي السهر
--------------------------------------
الخادم
كامل السعيدي

        كبل لايبدي الفراك .. بديت لوالدي اشتاك
        احسه اليوم لو باجر   يكلي لكربله مسافر
                    بديت لوالدي اشتاك
                      __
       لوالدي اشما تصد عيني تبقه عيني هامله
       والسنه يلبس احرامه يمكن بطف كربله
      بوجهه اشوف وداع ميت ناوي يترك منزله
     وخاليه من عندي احسها راح تمشي القافله
     احس بنحره مذبوح    بجيت وكتله لتروح 
    اشوفه يحجي بس حاير   يكلي لكربله مسافر
                   بديت لوالدي اشتاك
                     __
    يخيب بلكي احساس كلبي ويبقه كدامي الكلب
    بلكي للحج عني يمشي وانسه وهواس الحرب
       كماط عبدالله اشوفه بده احمر ينكلب
      خايفه اختي رقيه تموت بديار الغرب
       اشوف الدنيا تابوت  وابوي بكربله يموت
      كمت اتخيل الحافر  يكلي لكربله مسافر
                 بديت لوالدي اشتاك
                     __
       من مسح راسي عرفته كرب ميعاد السفر
        هوة بدموعه شبكني واني شميت النحر
          كتله بعيونك مخيم لو كمر يم النهر
         ماحجه لكن جفوفه اشرتلي اعله الضهر
      احس بهذا الاحساس  تطيح جفوف عباس
     وسكينه تصبر الباقر  يكلي لكربله مسافر
                   بديت لوالدي اشتاك
                     __
       مثل كلب الام دليلي يعلم بحال الولد
      واني اعلم حال ابويه شما كرب واشما بعد
      مدري ليش اشعر ركبته تنفصل عن الجسد
     وابن جوشن فوك صدره شفته من هسة كعد
     احس ويرجف الحيل  مراكض صدره للخيل
       اشعر ضلعه متناثر  يكلي لكربله مسافر
                   بديت لوالدي اشتاك
                     __
       مثل ماكلبي توقع حان وكت الفاجعه
     بالسلامه شلون اكله وهوة ماشي لمصرعه
      حالفه ابجي مدامع اكثر من المشرعه
     للعطش سر كل حياتي شلون كلبي ودعه
     قصتي تبجي الجبال  بقيت بداري تمثال
     كلبي المارضه يكابر يكلي لكربله مسافر
                  بديت لوالدي اشتاك
                     __
سيد معتز الحسيني

خليتوني خليتوني
راحتم يهلي وخليتوني
...................................
يهلي الماخذتوني اوياكم
المفارگ حگه من يشيب
جرح الفارگ مايتداوه
يهلي ولايبره ولايطيب
شاة هروشه الفاگد اهله
وضنونه برجعتهم ذيب
رجعتهم كل ساعه يضنهه
اباماله ولامره يصيب

يعلفتوني يلعفتوني
خليتم بس دمع عيوني
.........................................
الخنسه لتعذرهه الوادم
لصخر من تون ماتنلام
وانه المنكم ماضل واحد
باگتكم مني الايام
نور عيوني حسين الغالي
وعمي وعبدالله وجسام
والاكبر ورقيه وسكنه
وتشتت شملي ومادام

ماتلفوني ماتلفوني
لكسرة حالي ماتلفوني
.................................
ولافكرت بعلتي اوياكم
يحبابي وماحس بالداي
ومن اول خطوه لبعدتكم
ثكلت هاي العله هواي
الفرگه أكثر من كل عله
موتت كل واهس دنياي
انه الوالدهه مدللهه
وسافر ماگال امشي اوياي

ماخذتوني ماخذتوني
ليش اوياكم ماخذتوني
.................................................
بنيتكم ماتنسه العشره
يابيت العصمه المعروف
تذكر من جنتم بالديره
شلون الخير عليهه يطوف
بس مافارگتوهه ورحتم
ضل الشر عليهه يحوف
وضليت بديرتكم وحدي
ويهلي الفارگكم شيشوف

لاتنسوني لاتنسوني
يلطولتم لاتنسوني
...................................................
چم طارش وديته وسافر
ماردلي ابمنكم مكتوب
ولمايدري بحال احبابه
مثل الشمعه يضل يذوب
كل نسمه موصيتهه عليكم
وكل دمعه تهل ويغروب
ومن ابچي عيوني لفرگتكم
من حگي ودلالي يلوب

عذبتوني عذبتوني
بتكم ليش وعذبتوني
................................................
خادمكم قاسم المالكي

امنيتي هالجلمة بروح
واسمعهه خليهه تروح
ولاواحد البيكم حجاهه
علة الهجر يكلف دواهه
يبويه
............................
حملتو يابويه الضعن وعليكم تصد عيني
ماجانت ابالي أبد يرويحتي تخليني
كلهن خواتي تجهزن وي ذكريات سنيني
وشلون ارويهن نظر بشوفي الدمع يجويني

خليلي بالك وياي
احسبني لو جربة ماي
احسبني كل حاجه التراهه
علة الهجر يكلف دواهه
يبويه
...............................
ياعله أشد من الذي فراگ الحبايب ونته
ماتدري تعنيلي شني مو أبو بس وبنته
انته الهوه الاتنفسه وتتهنه ريتي بشمته
يابسمتي بكل العمر والواهس الفارگته

ولعده مثلك لوراح
بالدنيا شتضن يرتاح ؟
لو عينه ماتفگد ضواهه!!
علة الهجر يكلف دواهه
يبويه
...........................................
اذني على طارف شفتك وعيني تصب مدمعهه
هالجلمه بالروح اشتري امشينه كون اسمعهه
بنتك وتدري مدلله مومالت اتودعهه
معقوله تمشي ويالضعن وبنيتك ترجعهه

كسرة گلب مابي حيل
ارحم ابنيتك ياهيل
ولعشره شينسيني اياهه
علة الهجر يكلف دواهه
يبويه
........................................
ياثكل نظرات البعد حين اتلافت الاحباب
وحدي وشملكم من مشه عيوني عليه حدماغاب
كل نظره ترميني بسهم وكل ذكره يابويه انصاب
ويابويه ماخليت الي غير المتانه على الباب

جم طارش وجم مكتوب
چم دمعه ليكم بغروب
وبنتك ولامخبر لفاهه
علة الهجر يكلف دواهه
يبويه
............................................................
من رحتم لحد هالجرح درب السفر يارجواي
من كثر خوف ابنيتك كل يوم ارشنه بماي
وبس انظر الماي العصر وتخيلك ضامي هواي
وعبدالله اسمع ونته جاوينه عمي الحداي

من گلبي احسن هالصوت
هذه سفركم بيه موت
بعيد البله گلبي التلاهه
علة الهجر يكلف دواهه
يبويه
................................................
خادمكم قاسم المالكي

سار بصحبته او كل هله متعني كربله
عاف المدينه مضلمه بالدمعه هامـله
الموطن صبح حزين
من سافر الحسين
ـــــــــــــــــــــــ ❃ ❃ ❃ ـــــــــــــــــــــ
سار بضعونه أو توجهه لارض العراگ
خله ببيوت المدينه لهفـه واشـواگ
يدري ما يدري العليله ماتت أفراگ
مات كلشي بيهه غفله بضعنه من ساگ

طيور المدينه هاجرت من سافر الحبيب
المن يضل بهل بلد طير ويحس غريب
طير وهجـر أنيـــن من سافر الحسين
ـــــــــــــــــــــــــــ
حسين هاجر والمدينه وحشه صارت
وفـاطـمه بعـده العليله بهمها حــارت
أرجع أتـگـله المصايب صوبي دارت
تجمعت وابـالي جنها اخيول غــارت

يابويه فدوه اروح الك ارجعلي لا تروح
بس حركت ضعنك تره تعنت ألي الجروح
ومسرع أجه الونيـن من سافر الحسين
ــــــــــــــــــــــــ
راح ابــوج اومايــردلـج لا تـنــوحـين
هودي ياروحي اعله هونج بالله الونين
حسين راح وما ياعاود سالـم حسـين
مبينه هالروحه اعله وجهه بدمعة العين

من ودعاني أتأكدت هل روحه للأبد
منهه وأجه ابابي الحزن هل خيم وكعد
ماغمضتلي عين من سافر الحسين
ــــــــــــــــــــــــ
موقف او يحسين صاير بالضعينه
يمشي اوترد بيه عينه اعله المدينه
حسره حسره بيها يكتم دمع عينه
وزينب اتكله اشعلامك يا ولـيــنه

يازينب ابكلبي حجي منه الطفل يشيب
عايفلي بت امعلعه بالفركه ما تطيب
زاد أكثر الحنين من سافر الحسين
ـــــــــــــــــــــــــــ
كعـدو بنص البراري مــوش راحـــه
جانت الكعده بواجي وبس مناحـــه
حسين ضل يسولف الهم بالصراحـه
باجـر الطف ما يخلف بس جراحـه

باجر سيوف اهل الغدر تتعنه لذبح
باجر يرضون الصدر وتعله عله الرمح
رايد يثبت الدين من سافر الحسين
ـــــــــــــــــــــــــــ
من وصل ليها وعرفها أرض الطفوف
كال جن ابالي أسمع صوت السيـوف
باجر يذبحوني باجر زينب اتشوف
وباجـر العبـاس يهدي عين وأجفـوف

خويه المخـيم يحـترك عينـج عله العبي
يصير اغله من عدي الستر باجر تره سبي
جان الامر مبين من سافر الحسين
ــــــــــــــــــــــــــــــــــــــــــــــــــــــ
الخادم
محمد رحيم المشعلاوي

مولاتي العليله

مشتاكه لطولك _ يابويه حسين
اليشبه حنيتك _وين الكاه وين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خيالي _ ماتفارك خيالي
الليالي _ يانسيم الليالي
يانضر عيني وضواها يلحو كلك حلو
بارد العالم أشوفه بعيني بس انته دفو
مو بعد عيني كبلهه كلشي الك بيه يحن
يا أبوي المايشبهك با الحنان ولا أبومشتاكه هواي _ للسهر وياك _ كلي وين ألكاك _ مشتاكه هواي
راحة دنياي _ روحي حنتلك _ ماكو أبو مثلك _ راحة دنياي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خذاني _ بالي يمك خذاني
كضاني _ شوكي ليكم كضاني
طولك بروحي حقيقه والبشر كلهه سراب
الدهر فاركني عنك مايصح وياه عتاب
من كثر مابيه لهفه كمت أسوي المايصير
حته أسوي لروحي واهس انه أدك وأفتح الباب
مومال فراك _ كلب البنيه _ كله حنيه _ مومال فراك
كل لحضه أشتاك _ وافرش الغرفه _ وأغفه بس وكفه _ كل لحضه أشتاك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
جبيره _ بيه حسره جبيره
عشيره _ فراكتلي عشيره
المغربيه أتنطر اترد تخلص وللبيت ارد
الباب أسده أكدر اكدر كلي للعين شيسد
لا انته ولاعمتي زينب بيش اسدن وحشتي
ع ألاقل لو باقي يمي وحشتي يسدهه عبد
فوك الحيطان _ أرسم وأشرح _ والدمع يمسح _ فوك الحيطان
ماعدي اخوان _ لهمي يبجي الهم _ لا أبو ولا عم _ ماعدي أخوان
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دمعتي _ ياهو يمسح دمعتي
غربتي _ الغربه تبجي لغربتي
بويه تدري الليل وحشه الليل كتال اليحب
والنجم كله حسبته دمعي ألك ماينحسب
طولك عله الكاع أرسمه بثوب كاشخ يلحنين
أصفن شويه وأباوع ثوبك ألكا منسلب
عريان حسين _ بلرسم تطلع _ وأذرف المدمع _ عريان حسين
وتكلي العين _ تنسحك باجر _ بويه باالحافر _ وتكلي العين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

شالوا وانه ضليت.
عليلة بوحدي بالبيت
اعزاز الگلب يمشون
عني وما يردون
ـــــــــــــــــــــــــــــــــــــــــــ١

حسيني ودعني وداع الماله رده
من شبگني وشمني دمعاته اعلخده
وأسمعت دگات گلبه تگلي عنده
عنده عبره وعنده حسره وعنده شده

ودعت الهوه وراح.
وداري بلايه مصباح.
راحوا نور العيون.
عني وما يردون
ــــــــــــــــــــــــــــــــــــــــــــــــ٢

هذا حالي بغير أهلي وناري تشتد
أيدي لو علنار احطهه النار أبرد
من جمر گلبي ودموعي اتجرح الخد
تندگ الباب انه احسهه والگه محد

وارد وعيني علباب
بلكت يرجع الغاب
تغير حالي واللون
عني ومايردون
ـــــــــــــــــــــــــــــــــــــــــــــــــ٣

طفلة وعليه انكتب أبقه وحيده.
والمريض بغير أهله من يفيده
ما أريد الدنيه بس حسيني أريده.
گلبي مشتاگ الرقية وي حميده.

بسكنة تحلم العين
وزينب راحت الوين
ساروا وين الضعون
عني ومايردون
ـــــــــــــــــــــــــــــــــــــــــــــ٤
والنعاس اعليه مايفرض عناده
سهر ليلي وفارگت خدي الوساده
مثل زينب ليلي اخلصه بالعباده
وادعي ربي انطي لكل سائل مراده

شيحمل نار الفراگ
النوم عيوني ينباگ.
كلام الشوگ يحچون
عني ومايردون
ـــــــــــــــــــــــــــــــــــــــــــ٥

صار ناعور الدمع من عيني يبدي
صرت بدموعي اعلبوي أترس وابدي
زحف ودي الكربله ياناس أحدي
فدوه للعباس فدوه الچفه زندي

امشي البيت الأحزان
واخلي الزهره عنوان
واحبابي اليرحلون
عني ومايردون

ـــــــــــــــــــــــــــــــــــــــــــــــــــــ
حيدر موسى الرميثي

يتم نشر قصائد ولاده السلطان انيس النفوس المدفون بارض طوس ابو الحسن علي ابن موسى الرضا ع على هذا الرابط

https://hottg.com/yaaliimdd2023

خدمتكم شرفا لنا