Сайёр қабул: кўплаб мурожаатлар ўз ечимини топмоқда

✅ Фуқаролар билан мулоқотда бўлиш уларнинг дарду ташвишлари, орзу-ниятлари, ҳаётий эҳтиёжларини ўрганиш, муаммоларига ижобий ечим топишда муҳим ўрин тутади. Шу боис вилоят ҳокими бошчилигида жойларда юзма-юз мулоқотлар ташкил этилиб, мавжуд муаммоларни аниқлаш ҳамда уларни жойида бартараф этиш юзасидан тизимли ишлар олиб борилмоқда.

✅ Бугун Боғот туманида вилоят ҳокими Жўрабек Рахимовнинг навбатдаги сайёр қабули бўлиб ўтди. Қабул давомида ҳар бир мурожаат тегишли соҳа мутахассислари иштирокида пухта ўрганилиб, ҳуқуқий маслаҳат ва амалий ёрдам кўрсатилди, фуқаролар томонидан кўтарилган масалалар ижобий ечимини топди.

Хоразм вилояти ҳокимлиги матбуот хизмати
Xorazm.uz | Facebook | Telegram | Instagram

✅ Бугун Буюк Британия пойтахти Лондонда ўзбек маданияти ва миллий таомлари фестивали бошланди. Уч йилдан буён анъанавий тарзда ўтказиб келинаётган мазкур фестивал Ўзбекистон ва Буюк Британия ўртасида ўзига хос маданий кўприк вазифасини бажармоқда.

✅ Фестивалда Хоразм вилояти томонидан ташкил қилинган кўргазма ташриф буюрувчиларнинг алоҳида эътирофига сазовор бўлди. Айниқса, Хоразмнинг тухум барак, шивит оши, қопширма гўмма каби тансиқ таомлари қадим воҳанинг гастрономик туризми тарғиботида асосий ўрин эгаллади. Фестивалда шунингдек, миллий санъатимиз, халқ ҳунармандчилиги намуналари ҳам кенг намойиш этилмоқда. Фестиваль эртага давом этади.

Xorazm.uz | Facebook | Telegram | Instagram

✅Хоразм вилояти ҳокимлиги, Республика Маънавият ва маърифат маркази ҳамда Ўзбекистоннинг Мисрдаги элчихонаси ҳамкорлигида бир гуруҳ тарихчи олимлар, журналистлар иштирокида Миср Араб Республикасига “Сайфиддин Қутуз изидан…” номли илмий-амалий экспедиция ташкил қилинди.

✅Маълумки, Сайфиддин Қутуз Жалолиддин Мангубердининг жияни, хоразмшоҳлар сулоласи вакили бўлиб, Миср султони тахтига кўтарилган ва буюк саркарда сифатида бу юртни мўғул босқинидан сақлаб қолган.

✅Сафар давомида Қоҳирадаги халқ кутубхонасида "Сайфиддин Қутуз: сўнгги зарба" китобининг тақдимоти ҳамда "Сайфиддин Қутуз тарихининг янги саҳифалари" мавзусида илмий- амалий анжуман бўлиб ўтди. Эътиборга молик яна бир жиҳат, Миср ва бошқа араб давлатларида ёзилган Турон тарихига алоқадор 50 та илмий тадқиқот ишлари қўлга киритилди. Улар ичида академик доираларда ҳалигача илмий муомалага киритилмаган муҳим манбалар бор.

Xorazm.uz | Facebook | Telegram | Instagram

✅ Самарқанд шаҳрида Бирлашган Миллатлар Ташкилоти, Ўзбекистон Республикаси Рақамли технологиялар вазирлиги, Давлат хизматини ривожлантириш агентлиги ва Стратегик ислоҳотлар агентлиги ҳамкорлигида ташкил қилинган “2030 йилгача беш йил: Барқарор келажак учун давлат хизматларини кўрсатишни жадаллаштириш” мавзусидаги халқаро форум давом этмоқда.

✅ Ушбу нуфузли тадбирда Хоразм вилояти “Рақамли ривожланиш бўлинмаси” ДМ жамоаси ўзлари яратган, давлат хизматлари кўрсатишда рақамли трансформация ва инновацион ечимларни қўллашга қаратилган янги лойиҳалари билан иштирок этмоқда.

Xorazm.uz | Facebook | Telegram | Instagram