Баҳор келди дейсан, кўз ёш тўкасан,
Юз йилда бир марта келармиди у?
Ҳар йили келса-да, ҳар гал кутасан,
Сенинг кутганингни билармиди у?!

Баҳор келди дейсан, бунча хурсандсан,
Нега мени кўриб бўлмайсан шодон?
Ташрифим тинимсиз, лек беписандсан,
Шу сабаб баҳорни кўраман ёмон.

Баҳор келди дейсан, такрорлаб бот-бот,
Мен эса дилимни чок-чок этаман.
Қизғалдоқлар билан қучоқлашиб ёт,
Сени кўкламларга ташлаб кетаман.

Бекор кетди дейсан, кўз ёш тўкасан,
Минг йилга кетарман балки... билмайман.
Ҳар йили келади.
Ҳар кун кутасан ―
Мен баҳорга ўхшаб қайтиб келмайман!..

©Мансур Назаров
@wwwesdalikuz

***
Иш. Чой. Суҳбат. Овқат. Яна иш.
Ҳамма нарса ўйланган. Пухта.
Сўнг сен келдинг. Бошланди ёниш.
Мувозанат йўқолди. Нуқта.

Мен қуладим ям-яшил ёзга,
Майсаларда қолдим беармон.
Мен қуладим гулдаги нозга —
Ариларнинг куйига. Тамом.

Мен қуладим кўз ёшларингга,
Тушларингга, ундан ҳам нари...
Мен қуладим қарошларингга —
Борса келмас муҳаббат сари.

Мен қуладим юксак фалакка —
Тубсиз зулмат билан бетма-бет.
Тамом. Нуқта. Самоват чекар —
Лабларида бесон сигарет.

Ҳамма нарса ўйланган. Пухта.
Тонг отади. Қуёш кулади.
Мувозанат йўқолди. Нуқта.
Тамом. Соғинч қадар қуладим.

Усмон Азим
@wwwesdalikuz

Bu ishq edi...
girdob bagʻrida
pichirlardi bir oyat labi...
Poyoni yoʻq tugʻyon qa’rida
qoldim uryon dengizchi kabi...
Meni yondir...
sovuq soʻngaklar
qarsillasin chaqin urgandek...
va dahshatga tushsin yuraklar
Ishq qonini ichib koʻrgandek...
Men ichdim bu olovli xunni
Bu - ISHQ edi...
Bu - ISHQ eding sen!..
Agar gado boʻlsam bir kuni
Faqat seni tilanaman men...

Asqar Mahkam

@wwwesdalikuz

* * *

Суяк-суягимдан ўтди бу ситам,
Ҳар кун томоғимни куйдирар бир сўз.
Худо буюрмаган иш қилдикми, ёр?
Нечун сен ёлғизсан?
Нечун мен ёлғиз?

Қийналиб яшармиз умримиз сўроқ,
Нечун бизга насиб этмади висол?
Нечун сайёд бўлди бизга шум қисмат?
Нечун айро тушди йўлимиз, алҳол?

Дунёни кезяпман пою пиёда,
Мағлуб баҳодирнинг қисмати шудир.
Жоним, йиғламагин, бу - олий матлаб,
Англадим, ҳаммаси тақдирдир-тақдир!

Жаннатдан тушганда иккиси айро,
Ердан топган эди Одам жуфтини.
Агар топишмасак ушбу дунёда,
Билки, кўришамиз қиёмат куни.

Равшан Ҳақмурод
@wwwesdalikuz

• Baxtli bo’lishni xohlaysanmi :
- orqangdan gapirgan har kimsaga quloq solma;
- har va’daga ishonma;
- har taniganingni o’zingga o’xshatma;
- hech kimga o’z qadridan ortiq baho berma;
- axlatda o’sgan “gul”dan ehtiyot bo’l;
- seni ko’ra olmaganlarni kulib tark et;
- oliy maqsading yo’lidan chalg’ima;
- eng og’ir kunlaringda ham haqdan voz kechma!
• Shunda baxt eshik ochadi va:

“Baxtli bo’lish navbati senda!” deya seni o’z og’ushiga oladi.

Mahbubiy

@wwwesdalikuz

ТЎҚҚИЗИНЧИ БАЛЛАДА
Сен
Сен кетасан: йўлинг — хатарли,
Сен кетасан: манзилинг — йироқ,
Йўллар ютса хату хабарни,
Жонгинамни ўртаса фироқ,
Юрагим ҳам сезмаса ҳатто
Ўз умрингта султонлигингни,
Ёлғиз қолган мен бахти қаро
Қандай бйлай омонлигингни?

Мен
Мен кетаман: йўлларим — туман,
Мен кетаман: саратоним — қиш.
Бор йўғимни сўра дарёдан,
Юрагингни ўртаса ташвиш.
Тиниқ-тиниқ тўлқинлар оқса,
Ташвишингнинг хатолиги шу.
Тўлқинларни қизил қон ёқса,
Менинг умрим адолиги шу.


Сен
Менинг куним ўтди қирғоқда,
Йилим ўтди дарёга боқиб,
Жоним, умрим ўтди фироқда,
Умрим кетди дарёга оқиб,
Хотирангни жонга ўрайман,
Кўзларимда ёш тизим-тизим.
Бор-йўғингни, ахир, билмайман,
Дарё қуриб қолди, азизим...


Мен
Сенсиз кетдим — топмадим мурод,
Сенсиз кетдим — чалкашди йўлим.
Сенсиз кетдим — тугади ҳаёт,
Сенсиз кирди руҳимга ўлим.
Менга кўмак беролмас ҳеч ким,
Сенсиз қолган жонимда алам...
Қандай хабар берай, азизим,
Бор-йўғимни ўзим билмайман...

Усмон Азим

Kechir, xafa qildim, yoʻl edi ogʻir,
Qimorboz edim-u, qoʻl edi ogʻir.
Sendan oʻzga, mendan jabr koʻrmadi,
Jabrdiydam, menga shul edi ogʻir...

Bek ALI
@wwwesdalikuz

ЛАЙЛО

Балки ўчган эдим ёдингдан,
Ширин хаёлингни буздимми?
Лайло, Лайло, сенинг ёнингда
Япроқ каби кўрдим ўзимни,
Ширин хаёлингни буздимми?

Сени ўйлаб келмайдир уйқу -
Қора туннинг ўзга сеҳри бор.
Тушларимда топай деб гулрў,
Мен ухларман мангу эҳтимол.
Гўзал тушлар тилайман, Лайло...

Яна пайдо бўлдинг йўлимда,
Яна йўлларингда бўзладим.
Бечора қалб сенинг қўлингда,
Кўзларингда менинг кўзларим.
Нечун пайдо бўлдинг йўлимда?..

© Рауф Парфи
@wwwesdalikuz

Bugun 19-aprel 2024-yil, Juma (10 Shavvol, 1445)

👉 BAYRAMLAR:

🇺🇳 Xalqaro Yaproqlardagi mo‘jiza bayrami kuni.
🌎 Boychechaklar kuni.

🔹 MILLIY BAYRAMLAR:

🏴󠁧󠁢󠁥󠁮󠁧󠁿 Angliya - Primula kuni.
🇧🇷 Braziliya - Armiya kuni.
 🇷🇺 Rossiya - Ichki ishlar vazirligining yuridik xizmati kuni.
🇷🇺 Rossiya - Matbuot kuni.
🇸🇱 Syerra-Leone - Respublika kuni (1971).
🇺🇾 Urugvay - O'ttiz uchta Orientales kemadan tushgan kun.
🇻🇪 Venesuela – Mustaqillik kuni (1810).
@wwwesdalikuz

Мен саҳнада яшаб ўтаман…
Ишқ — «Ё ҳаёт,
ё мамот!» тамом.
Мен кўксимни ғамга тутаман,
Лек ортимдан отилар камон!
Ким у — ёзган тақдир китобин?
Дунё, менга ўргатмагин, бас!
Мен Ошиқман, тайёр жавобим,
Мен нотиқ ҳам, актёр ҳам эмас!
Буюк Саҳна!
О, буюк жанггоҳ!
Яратасан не ҳийлаларни?
Яголарни қўллаб-ардоқлаб,
Ўлдирасан Атиллаларни!
Қасду қасос,
Номусу Ор деб,
Жаранглайди қиличлар жанги.
Чарчаб кетар суфлёрлар четда,
Машшоқларнинг қочади ранги!
Йиқиламан сўнг бор юзтубан,
Юрагимни қўлимга олиб.
Сен чиқасан парда ортидан,
Сен чиқасан мағрур ва ғолиб!
Сенмидинг — У?
Номаълум хаттот?
Ўйлагансан аниқ ва пухта.
Сенинг шонли асаринг учун
Умрим билан қўяман нуқта.
Милён каптар учар ҳавога —
Кафтдан учар милён қарсаклар.
Буюк режиссёр,
О, буюк қотил! ,
Сенга олқиш, сенга шарафлар!
Дунё, дунё ақлдан озиб,
Пешвоз чиқар экан бир бахтга.
Қаҳрамонлар кўксидан босиб,
Ёсуманлар чиқади тахтга!..

Зебо МИРЗО
@wwwesdalikuz

ЧИРОЙЛИСИЗ…

Чиройлисиз. Гўзалсиз. Мағрур.
Ташлайсиз гоҳ кўз қирингизни.
Талпинади юрак қурмағур,
Билсам дейди дил сирингизни.

Аммо сира бузмайсиз пинак,
Хотиржамсиз. Сокинсиз. Сипо.
Гўё йўқ сиз етмаган тилак,
Гўё сизда дунё бахти жо.

Ҳолбуки ҳар лаҳза бетиним
Қалбингизда отилар вулқон.
Гарчи қушдай юрсангиз-да жим,
Қонингизда ухлайди тўфон.

Бепарвосиз. Вазмин. Осуда.
Оққуш каби қиласиз пардоз.
Гўё беўй, беғамсиз жуда,
Гўё иссиқ ҳисларингиз оз.

Адашдимми ё кўнгил бериб?
Ўйлайверсам – юрагим оғрир.
Пойингизга тўкилдим эриб…
Чиройлисиз. Гўзалсиз. Мағрур.

© Нодир Жонузоқ
@wwwesdalikuz

Қайларга бошлади бизни бу тақдир,
Қайси синовларнинг тошлари эзди?
Икки айри умр учрашди охир –
Юрагим сезди.

Учиб ўтди қанча турналар оғир,
Қанча гулбаҳордан кунларим безди…
Айрилиқдан чиқди иккита тақдир –
Юрагим сезди.

Ёлғизлик – суянчу сирдошдан жудо -
Беадад кузларда соғиниб кезди.
Аммо борлигингни ҳар лаҳза, ёр–о,
Юрагим сезди.

Музлатди!.. Музлатди ҳижроннинг рўзи,
Жонимда изғирин бетиним эсди…
Бизни учраштирган тангрининг ўзи –
Юрагим сезди!

Усмон Азим

@wwwesdalikuz

#sevimli

«Келаман деб ваъда бергандинг,
Туҳфа этиб сонсиз орзулар.
Кўп шамоллар эсди шундан сўнг,
Шундан бери оқди кўп сувлар.

Майсазорлар йўқ эди, мана,
Улар пайдо бўлди ҳар қайда.
Бутун борлиқ ям-яшил эди,
Бутун борлиқ энди сарғайди.

Инқирозга юз тутди борлиқ,
Наф бермади афсус, аттанг ҳам.
Таназзулдан четда қолмади
Келаман деб берган ваъданг ҳам».

Матназар АБДУЛҲАКИМ

@wwwesdalikuz

ҲAҚИҚAТ

Ўз-ўзидан ортмади дунё,
Ўз-ўзига тортмади дунё,
Ўз-ўзини ўртади дунё,
Мен сенга келдим!

Жаннатга чап бердим дамо-дам,
Оғзин очиб қолди жаҳаннам,
Мана тиззам,
мана пешонам –
Мен сенга келдим!

Йўлим тўсди иблиспешалар,
Зоти пастлар, беандишалар,
Товонимни кесди шишалар,
Мен сенга келдим!

Чақин тушди, таним титради,
Жисм-у руҳим тинди, мудради,
Итдек улиб, мордек судралиб,
Мен сенга келдим!

Омадим бор, тағин боварим,
Қара, сарвим, қара, лобарим,
Қара, лаълим, маҳи ҳоварим,
Мен сенга келдим!

Кўриб-кўриб ҳижронларингни,
Синовларинг – ғужғонларингни,
Териб-териб мужгонларингни,
Мен сенга келдим!

Тўрвамда нон, ушоғи кўпроқ,
Бўғзимда жон, у ёғи титроқ,
Бошимда тош, қорнимда тупроқ –
Мен сенга келдим!
Сен менга келгил!

Шаҳриёр Шавкат
@wwwesdalikuz

Meni eslamaydi dedim toqatsiz,
To‘g‘ri-da, sog‘inib meni netasan...
Tushda masofalar ahamiyatsiz,
Sog‘insang tushimga kirib o‘tasan...

✅ Xurshid Abdurashid
@wwwesdalikuz

#nazm

Дод десанг, товушинг чиқмаса,
Сукутинг сир ёйса оламга.
Телбадай қоғозга дил ёриб,
Дард айтиб ўтирсанг қаламга —
Ёлғизлигинг шу.

Тўрт девор илинжга осилсанг,
Қирқ бурда жонингда узилсанг,
Ҳар оқшом тарқасанг, тузилсанг —
Ёлғизлигинг шу.

Кўзингга кўчмаса кулганинг,
Кўнглингни кул қилса кўнганинг,
«Қадрингсиз қолганинг — ўлганинг!», —
деб турса қулоғинг остида —
Ёлғизлигинг шу.

Дилора Холиқова

@wwwesdalikuz

Қайларга бошлади бизни бу тақдир,
Қайси синовларнинг тошлари эзди?
Икки айри умр учрашди охир –
Юрагим сезди.

Учиб ўтди қанча турналар оғир,
Қанча гулбаҳордан кунларим безди…
Айрилиқдан чиқди иккита тақдир –
Юрагим сезди.

Ёлғизлик – суянчу сирдошдан жудо -
Беадад кузларда соғиниб кезди.
Аммо борлигингни ҳар лаҳза, ёр–о,
Юрагим сезди.

Музлатди!.. Музлатди ҳижроннинг рўзи,
Жонимда изғирин бетиним эсди…
Бизни учраштирган тангрининг ўзи –
Юрагим сезди!

Усмон Азим

@wwwesdalikuz

BIZ VA QIZ

Ikkimizga bo‘ling dilovar,
Yo kuydiring bizni barobar.
Bizdan tez-tez so‘rab turing hol,
Bizga kamdir bir dona iqbol.

Ikkimizni eting birdek rom,
Beravering teppa-teng ilhom.
... Ikkimizdan borsa ishqiy xat,
Qilaqoling oshnamga shafqat.
1979

Anvar Obidjon
@wwwesdalikuz

* * *
Кўз ёши ҳам кутмагин
севинмаган одамдан;
севги сўрма,
севгилим,
севилмаган одамдан.

Ишқ тиласанг ҳар маҳал,
ошиқ бўлиб сўрагин;
бармоқларингга маҳтал
эшик менинг юрагим.

Йўлинг тушган замони,
ёймай овозасини,
бир йўл чертиб ўт, жоним,
қалбим дарвозасини.

Фақат бир шарт:
чорласам,
кирсанг,
ҳасрат чекиш йўқ,
бу эшикдан, азизам,
кириш бордир,
чиқиш йўқ!

© Мансур Жумаев

@wwwesdalikuz