በአዲስ አበባ ከተማ የ2017በዓ.ም የ8ኛ ክፍል መልቀቂያ ፈተና ከወሰዱ ተማሪዎች መካከል 88.8 % ያህሉ 50% እና ከዛ በላይ በማምጣት ወደ ቀጣዩ የክፍል ደረጃ መሸጋገራቸውን የአዲስ አበባ ከተማ አስተዳደር ትምህርት ቢሮ ኃላፊ ዶክተር ዘላለም ሙላቱ አስታወቁ።

(ሰኔ 17/2017 ዓ.ም) ኃላፊው በዛሬው እለት የ2017 ዓ.ም የ8ኛ ክፍል መልቀቂያ ፈተና ውጤትን በማስመልከት ለተለያዩ የመንግስትና የግል የመገናኛ ብዙኃን ጋዜጣዊ መግለጫ ሰተዋል።

በከተማ አስተዳደሩ የ8ኛ ክፍል መልቀቂያ ፈተና ውጤት በየአመቱ መሻሻል በማሳየት ላይ መሆኑን ኃላፊው በሰጡት ጋዜጣዊ መግለጫው ጠቁመው በ2017 ዓ.ም ፈተናውን ከወሰዱ 70,525 ተማሪዎች መካከል 88.8 በመቶ የሚሆኑ ተማሪዎች 50% እና በላይ አስመዝግበው ወደ ቀጣዩ የክፍል ደረጃ መሸጋገራቸውን አስታውቀዋል።

ዶክተር ዘላለም አያይዘውም የ2017 ዓ.ም የ8ኛ ክፍል ፈተና ውጤታማ እንዲሆን ከተማ አስተዳደሩ ለትምህርት ሴክተሩ ትኩረት በመስጠት የትምህርት ቤት ምገባን

ቀደም ሲል በስትራቴጂክ እና ጠቅላላ ካውንስል ደረጃ የተገመገመውን የአዲስ አበባ ከተማ አስተዳደር ትምህርት ቢሮ የ2017 የመደበኛ እና የሪፎርም ስራዎች እቅድ አፈጻጸም እና የ2018 የትምህርት ዘመን መሪ እቅድ እንዲሁም የ90 ቀናት እቅድ ከቢሮ ሰራተኞች ጋር ተገመገመ ::

(ሰኔ 17/2017 ዓ.ም) የአዲስ አበባ ከተማ አስተዳደር ትምህርት ቢሮ ቀደም ሲል በስትራቴጂክ እና ጠቅላላ ካውንስል ደረጃ የተገመገመውን የ2017 የመደበኛ እና የሪፎርም ስራዎች እቅድ አፈጻጸም እና የ2018 የትምህርት ዘመን መሪ እቅድን ከቢሮ ሰራተኞች ጋር ገመገመ::

የአዲስ አበባ ከተማ አስተዳደር ትምህርት ቢሮ ኃላፊ አማካሪና የዘርፉ አስተባባሪ ወ /ሮ አበበች ነጋሽ በውይይቱ ላይ ባስተላለፉት መልእክት በትምህርት ዘመኑ ቁልፍና አበይት ተግባራት የታቀዱ ሥራዎች የላቀ ውጤት የታየባቸው መሆኑን አስታውሰዋል:: በተጨማሪም ቀደም ሲል በስትራቴጂክ እና ጠቅላላ ካውንስል ደረጃ የተገመገመውን የአዲስ አበባ ከተማ አስተዳደር ትምህርት ቢሮ የ2017 የመደበኛ እና የሪፎርም ስራዎች እቅድ አፈጻጸም እና የ2018 የትምህርት ዘመን መሪ እቅድን ከቢሮ ሰራተኞች ጋር መገምገም በማስፈለጉ መድረኩ መጠራቱን ገልጸዋል :: አያይዘውም የዉይይቱ ተሳታፊዎች የ2017 ትምህርት ዘመን አጠቃላይ ስራችንን በመገምገም ክፍተት የታየባቸውን በሙሉ አቅምና በበለጠ የስራ ተነሳሽነት ለመስራት የሚያስችሉ ገንቢና ግብዓት የሚሆኑ ሀሳቦች እንዲሰጡ ይጠበቃል ብለዋል::

በከተማ አስተዳደሩ በበይነ መረብ (online) ለሚሰጠው የ2017 ዓ.ም የ12ኛ ክፍል መልቀቂያ የቅድመ ዝግጅት አካል የሆነ የሙከራ ፈተና በዛሬው እለትም በሁሉም የመፈተኛ ጣቢያዎች ተሰጥቷል።

(ሰኔ 17/2017 ዓ.ም) በዛሬው እለት በተሰጠው የሙከራ ፈተና የአዲስ አበባ ከተማ አስተዳደር ትምህርት ቢሮ እና የኢኖቬሽን እና ቴክኖሎጂ ልማት ቢሮ አመራሮችን ጨምሮ በየደረጃው የሚገኙ የሁለቱ ሴክተር ባለሙያዎች በየፈተና ጣቢያው በመገኘት ሂደቱን የተከታተሉ ሲሆን በዛሬው እለት የተሰጠው የሙከራ ፈተና በስኬት መጠናቀቁን ከየፈተና ጣቢያው የተገኙ መረጃዎች ያሳያሉ።

የዛሬው የሙከራ ፈተና ከሰኔ 23/2017 ዓ.ም ጀምሮ ለሚሰጠው መደበኛ የ12ኛ ክፍል መልቀቂያ ፈተና በአግባቡ መዘጋጀት እንዲችሉ ምቹ ሁኔታ እንደፈጠረላቸው የሙከራ ፈተናውን የወሰዱ ተማሪዎች አረጋግጠዋል።

በአዲስ አበባ ከተማ አስተዳደር የ2017 ዓ.ም የ12ኛ ክፍል መልቀቂያ ፈተናን ሙሉ ለሙሉ በበይነ መረብ ለመስጠት የተለያዩ የቅድመ ዝግጅት ስራዎች እየተከናወኑ የሚገኝ ሲሆን የዛሬው የሙከራ ፈተና ፈተናውን በበይነ መረብ ለመስጠት የተዘጋጁ የመሰረተ ልማቶች ብቁ መሆናቸውን ለማረጋገጥ የሚያስችል መሆኑን የአዲስ አበባ ከተማ አስተዳደር ትምህርት ቢሮ ሀላፊ ዶ/ር ዘላለም ሙላቱ ገልጸዋል።


መረጃዎችን በፍጥነት ለማግኘት ማሰፈንጠሪያውን ይጫኑ!
https://linktr.ee/aacaebc