لاطافت الفرصه اللي جعلها خيره
‏أقفيت من غير لا أوضح ولا أنوه

‏المبغض أعرف وجهه من تعابيره
‏لو كان يلبس — ثياب الود و يموه

ــــ👨‍🦯

ما دام أحـلامك على بـاب الله وقوف
‏لا يضيق صدرك .. لو يطول وقوفها

ــــ👨‍🦯

لا تعاتب .. ولا تحزن ولا تعترض !
‏اجتهد لـ الفرح والا بـتبقى حزين

‏لا حضورك علاج ولا غيابك مرض
‏عيش عمرك لـ نفسك وأترك الآخرين

‏لا تحبّ الحياه أكثر من المفترض
‏ولا تخاف الفراق وكلّنا راحلين

ــــ👨‍🦯

تتابعت خلف الشهور !.. الأسابيع
‏والشوق واقف .. و الحنين متركّي

‏خل السكوت يسود كل المواضيع
‏أنا أكبر من اللوم .. ومن ، التشكّي

‏من أبسط حقوق الكلام إنّه يْضيع
‏الواقع أصدق !.. من يقيني وشكّي

‏لا تنتظر منّي !.. ( عبارات ) توديع
‏ما عندي ألّا الضحكة .. اللي تبكّي

ــــ👨‍🦯

تباهي وغني واضحكي ولايهمك شيء
‏لامالت ظروفك فيه لك من يعدلها

‏بتلقين لك في جوف قلبي براد وفي
‏هنا منزلك والناس تعرف منازلها

ــــ👨‍🦯

وشلون أدور من وراهم على أرباح
‏والحمد لله حالتي .. مستقره

‏إن جيت أجي مزاح وأروح مزاح
‏ودرب يجيب الضيق ماني بمره

‏ماعاد باقي من العمر كثر ماراح
‏واللي قنع مافيه شي .... يغره

‏خلك بعيد تعيش راضي ومرتاح
‏بعض العرب قربه لنفسك مضره

ــــ👨‍🦯

ماعاد تغريني الفرص خلها تفوت
‏عندي رجاي و دعـوتي في يـديني

‏يالله رضاك ورحمتك لحظة الموت
‏وأول ما اشوف بـجنتك .. والديني

ــــ👨‍🦯

خذني من افكاري و من كثر ظني
‏الظن يرهقني بالايجاب و السلْب

‏و قلي كلام يطمن القلب لاني
‏محتاج لـ ادنى كلمة تطمن القلب

ــــ👨‍🦯

خبرتك رحوم ولا خبرتك عديم أحساس
‏و أثاري ما كل حاجة .. بتبقى على خبري

‏زرعت الأمل في قلبك الممتلي .. بالياس
‏و يجزعني إنك زرعت الشوك من حدري
‏
‏ماهي مشكلة الجفا وعن ما حصل لا باس
‏لكن ليه حطيت السكاكين .. في صدري

ــــ👨‍🦯

لو ان النوايا في وجيه البشر تنشاف
‏عما نور وجهي كل من شااااف نياتي

‏ولو مهل الله ماهمل قلبي الشفاف
‏يجي يوم والدنيا .. تعدّ إنتصاراتي !

‏تخافون دورات الليالي وانا ماخاف
‏تبي ترد لي معروفي و بيض وقفاتي .

ــــ👨‍🦯