🌏🌏🌏🌏🌏🌏🌏🌏

🇺🇿🇸🇦 III Toshkent xalqaro investitsiya forumi arafasida O'zbekiston—Saudiya Arabistoni Ishbilarmonlar kengashining navbatdagi yigʻilishi boʻlib oʻtdi

Yigʻilishni Oʻzbekiston Savdo-sanoat palatasi raisi D.Vaxabov ochib berar ekan, yurtimizga tashrif buyurgan Saudia Arabistoni delegatsiyasini samimiy qutlab, ikki davlat diplomatik aloqalari oʻrnatilganligiga 31 yil boʻlganligi va bu davrda erishilgan yutuqlar sanab o'tildi.

Oʻz navbatida Saudiya Arabistoni delegatsiyasi va ushbu yigʻilishga arab tomonidan rahbarlik qilgan “Acwa Power” kompaniyasi ta’sischisi Muhammad Abunayyan, 3 yil mobaynida oʻzaro tashriflar soni oshganligi, ya’ni 2021-yilda aviaqatnovlar haftasiga 2 marta bo’lganligi va bu qatnovlar soni haftasiga 32 taga yetganligini ta’kidladi.

🔴 Yig'ilish davomida, joriy yil iyun oyida mahalliy tadbirkorlarimizning Saudia Arabistonining 3 ta yirik shaharlariga biznes tashrifi va ularning doirasida milliy mahsulotlar koʻrgazmasi tashkil etilishi rejalashtirilayotganligi qayd etildi.

Tadbir davomida ikki mamlakat ishbilarmon vakillari tomonidan turli tarmoqlarda investitsiyaviy hamkorlik masalalari, transport, avtomobil yo'llari qurish va rekonstruktsiya qilish borasidagi infratuzilmaviy loyihalar, turizm, tibbiyot sohasida hamkorlik masalalari atroflicha ko'rib chiqildi.

Mutasaddi tashkilotlar vakillari tomonidan mamlakatlarning investitsion salohiyati va sohalar kesimida hamkorlik qilish bo'yicha mavjud imkoniyatlar taqdimoti o'tkazildi.

🕊Telegram 📱Instagram 📱Facebook 📺Youtube

🇺🇿🇹🇷Rais Davron Vaxabov Bursa Savdo-sanoat palatasi boshqaruv kengashi raisi Ibrohim Burkay va Turkiy davlatlar tashkilotining Savdo-sanoati palatalari kengashi bosh kotibi Adem Kula bilan uchrashdi.

Mehmonlar o'z nutqida Toshkent xalqaro investitsiya forumini yuqori saviyada o'tkazilayotgani va soʻnggi yillarda Oʻzbekistonning investitsion jozibadorligi oshib borayotganligini ta'kidlab o'tdi.

Uchrashuv davomida uchinchi davlatlar bozoriga chiqish istiqboli bilan yuqori texnologiyali qo‘shma loyihalarni amalga oshirishga mo‘ljallangan investitsiyaviy hamkorlik sohasiga katta urg‘u berildi.

Jumladan, standartlashtirish sohasidagi samaradorlikni oshirish maqsadida O'zbekiston delegatsiyasining Turkiyaga rejalashtirilgan tashrifini tashkil etish masalalari bo'yicha muhokamalar olib borildi.

Muloqot yakunida tomonlar munosabatlarni yanada rivojlantirishdan manfaatdor ekanliklarini bildirib, Savdo-sanoat palatasi boshchiligida o'zbekistonlik ishbilarmon doira vakillari Bursa shahriga taklif qilindi hamda B2B formatidagi uchrashuvlar tashkil etishga kelishib olindi.

🕊Telegram 📱Instagram 📱Facebook 📺Youtube