قصيده تجليبه @آهات الطفوف للشاعره ام اسعد

آهات الطفوف للشاعره ام اسعد | United States America (US)

Create: 2022-07-31 Update: 2025-07-22 08:20:22

قصيده تجليبه
امي يانبع الحنان
وين اشوفج يامكان

ظلمه صارت دنيتي
ضايكه من حسرتي
يمه يمه يمه يمه
₩₩₩₩₩₩₩
اشلون المفارك محب وابروحه ظمه
كل نفس ويه الهوى عطره ويشمه
منتظر طيفج يمر بيه واكلمه
يمه سمعي شكوتي
ساهره وي عبرتي
يمه ردي لهفتي
يمه يمه يمه يمه
₩₩₩₩₩₩₩
اشكد سوالف اشتكي لمن اشوفج
طمنينه ابكل دفه ابلمسة جفوفج

والله صعبه يالحنينه من اعوفج
يمه وسعيلي الكبر /
مالي حيله للصبر/
بعد ماريد العمر/ يمه يمه يمه يمه

₩₩₩₩₩₩₩

اشكثر نشتاك الحنان البي ربينه
يمه تونه اصغار ليش اتفاركينه

بعد نحتاج الامان امنه الحنينه

يمه ظمينه بديج/
حتى ننسى امفاركيج/
روحي لهفانه عليج/
يمه يمه يمه يمه
₩₩₩₩₩₩₩

يمه غبتي وغيبتج صارت طويله
كلبي مايحمل غيابج اه يويله
بعدج اهات اشكثر حملي اميله
كل مرار انه اشربت /
غيره انه ماشفت/
حتى بسمي اتغيرت/
يمه يمه يمه يمه
₩₩₩₩₩₩₩

خل اسولف يمه بلي صار بيه

عيني بمصلايتج كل مغربيه

يمه احس ابغرفتج اتحن عليه

يمه لتلوميني/
عطرج ايصحيني/
ابطيفج اتصبريني/
يمه يمه يمه يمه
₩₩₩₩₩₩₩

يمه اناديج ابحلم وابعالي صوتي

خايفه واكتم صرختي من اخوتي

ظلي وني ابحسرتج ياروحي موتي

خايفه يعلا الونين/
الحسن ويه الحسين/
ابونهم ايزيد الحنين
يمه يمه يمه يمه
₩₩₩₩₩₩₩

تمت بعون الله تعالى
✍ام اسعدالشمريhttps://hottg.com/um1966ahmed

آهات الطفوف للشاعره ام اسعد

Forwarded from آهات الطفوف للشاعره ام اسعد (ام احمد)

آهات الطفوف للشاعره ام اسعد

قناة تحتوي على جميع القصايد الحسينيه

قصايد رجاليه ◇ نسائيه ◇ على كافة الأوزان

موشحات ◇ تجليبات ◇ نعي ◇

يشرفنا انظمامكم الينه

الشاعره ام سعد الشمري

hottg.com/um1966ahmed/2910

1.02K viewsام احمد, Jul 31, 2022 at 21:50

>>Click here to continue<<

آهات الطفوف للشاعره ام اسعد

قصيده تجليبه

United States America Popular Telegram Group (US)