انتعاش😔💕

هلاو هلاو حبيبيني اسفه كلش ع الانقطاع وشكرا كل شخص سال عني بالبوت ممنونه الكم بس وياكم نفر كلش مريض وان شاء الله عمليتي بعد اسبوع فلتنسوني من دعواتكم احتضنوني بدعوه 😔🥹💙

الايام المريت بيه كلش متعبه وطاقي خلصت بسبب المرض وحتى مباشره مباشرت بالدوام داحاول اقاوم لحد مااصير زينه🥺🥺💕

هوايه احداث حلوه صارت جان ودي اشاركه وياكم بس مكدرت رحنا اني وزوز لعرس صديقتنا وشفنا هناك بنات الثانويه وعدنا كل الذكريات جان يوم كلش مميز وكلش تونسنا ينضاف للايام الحلوه🥹🥹💕

وبعد ايام حيصير عرس نفر بالعائله والكل متحمسه وداجهز وحتى اني رغم المرض دااحاول اتااقلم واشارك بالاجواء😂🥲💙

لحَد الأن أحَسك عايش بُروحي
لحَد الأن واحچي بصِيغه المَوجود مو بالچان
ولحَد الأن ما ناسيك على گد المَحبه يطول النسيان شلون أنسى ؟
يَ ناسيني المَواقف وگفت بَگلبي قَبل لا توگف بَعيني .

مادري ليش هسه اجت ع بالي هلقناة صار هواية مشايفتها عبالي نحذفت من يمي
بيهاا كوومة ذكريات حلوة .. كضينة بيها عمر بالحلو والمر والاوقات الصعبة الي متنسي ✨.

احم احم وياك نفر كلش مقصر وساحب ع القناه عذروني بس الفتره الفاتت حرفيا جنت تعبانه وماكدر اتواجد هوايه شغلات صارت حابه اوثقه بالقناه واسولفلكم بس مو هسه لان هسه نمت شوي وفزيت وباجر وراي دوام وطن محاضرات شلون اقنع روحي ارجع انام 😂🥲💔

تدرون مشتاقتلكم 😔🥹💙

تعالو احجيلكم شي واحد بس
بلشت اداوم مرحله ثانيه بس الوضع ميبشر بخير هالمرحله بدايته صعبه والدكاتره متشددين وفوكاه تشدد ع الزي الله وكيلكم ناقصنا بس رفعه علم وعبالك مدرسه 😂🥲فالمهم ادعولنا نكمل هالمرحله ع خير💙

المصبرني ع الدوام الشله ماتي وسوالفهم لو ماكو همه جان بطلت من زمان وكابلتكم🥲😂💔

يلا حبيبيني ارجع احاول اناملي ساعتين
تصبحون ع شي حلو مثلكم🫂💙✨

اللهم بفلسطين واهلها😔💔

عفويتي الحِلوة مو الكُل يستحقها.

مُطرت والعِشگته مبَلل بغَيري
اضُم عيوني لِعيونك وانت عيونَك لغيري !

اخوان باجر رسميا راح انسحل 💔💔