-
العرس من موظفه ذاتو بقى م بغطى .. داير لي واحده اولادها شغالين !!

-
متين الواحد تجيهو مكالمه من زوجتو الساعه السادسه مساء مفادها ( مساء الخير ي حبنا ، طولت علينا ، بيتك إشتاقك ) وتقفل ، الواحد جاتو نفسيات من موضوع انو يتاخر ف الجامعه وماف زول يجيب خبرو ، وأول م يفتحو الباب يقولو ليهو " هو بالله انت لسه م جيت ؟"

ف حياه الشاب السوداني تلاته نسوان ، واحده حباها شديد وم عبرتو ، وواحده حبتو شديد وم عبرها ، وواحده تالته م ليها اي دخل ف الموضوع دي بعرسها

- أيام الجامعة عندنا صاحبنا الله يطراهو بالخير ، كان بحب ليهو واحدة قادرة وناهرة كدا ، نوع ال لو حصلت مشكلة بيناتهم نحن بنقفل تلفوناتنا قبل صاحبنا دا يوم كامل ، لأنو لو الله قدرك واتصلت عليك ح تسمع وسخ اضنيك ويمرمطو بيك الأرض ، وانت بتكون ميتينك طالع بتجازف في حق العشاء وعايز تنخمد تنوم !
- بعدين هي كان من حقها ، لأنو بتقريهو وبتجيب معاها لقيمات مع الصباح بدري و دي الحاجة الوحيده الكنا مستفيدين منها في علاقتهم دي ..
ولي هسي بتذكر مقولة ادروب بتاع القهوة " قال لي والله لو م فلانة دي ، جلحاتك ديل يصلن ضهرك وانت لسه تكون في اولى !
-ف حبايبنا ديل ووفقاً لتقاليد الجامعة بتاعتنا " جامعة الجزيرة-مجمع النشيشيبة " كانت في تقاليد مُتوارثة للمُربطين ، اللي هي قبل " الليت " اللهو مواعيد دخول البنات للداخلية ، بساعة بتلقى البنشات دي اتنين اتنين وفرح يتكلم بي لُغتين ، الا نحن بكون همنا منو ال ح يصل البيت اول عشان يحجز السرير القصاد المروحة !
- المُهم ف يوم كدا عندنا واحد من زملائنا حصلت ليهو مناسبة وقررنا نحن والُشلة المعينة نأجر لينا عربية ونمشي ليهو ، وكان الوقت مع وقت " الخلطة " والليت بي ساعة ، ف قلنا لي حبيبنا هيما العاشق دا ونحن عارفين الإجابة مُسبقاً ، لكن قلنا لأنو دا واجب وبتاع نكلمو ، ف نحن أثناء م راكبين في العربية وبنتكلم مع صاحبنا دا قال لينا خلاص النكلم زولتي دي عشان م تنتظرني وتمشي الداخلية طوالي !
-واثناء م نحن منتظرين في العربية ، صاحبنا دا اتصل ع القاهره الناهره دي ف جو كلو ترقب وهدوء عشان ياخد ال بيرمشن وقال ليها نحن طالعين لي صاحبنا عندو ظرف ..

- يخوانا الزولة دي م عارف قالت ليهو شنو لكن في ظرف نص دقيقة صاحبنا دا عيونو بقوا مرقرقات ورد قال ليها ( يعني هسي م امشي معاهم ؟!) 🤣🤣
انا حرفياً نفسي كتم من الضحك والعربية بقت فاضية لأنو اي واحد جرا بي اتجاه وماسك بطنو
وحالياً صاحبنا ده بي ولدو م شاء الله وكل م نتلاقى بنذكرو بيها 🤣💔

- العبرة من القصة دي م تحب ليك قادرة وناهرة لو انت م قدر الموضوع دا .

تعديل :
للناس البسألوا عرس منو ؟
- ياهو عرس الناهرة دي زاتا ، والحمدلله لسه بي نفس المبادئ والقيم " بتهرشنا كلنا "

صباح الخير ..
‏البعض يجد في الشاي ما يجده الاخرون في القهوة ، لكن اهل الشاي ديل ما بتاعين دراما .

ـ سبحان الله !
ابشع انواع السحر .. السحر المائي ، ما بتقدر توصل للعملو ولا بتعرف توصل للطلسم ، أقرب للكفر ب كتير عن الأيمان .. واحد عامل عمل اسود لي واحد
.
و ربطو في قرموط ... لمتابعه القصه أضغط هنا

-

ان المصطلحات مثل ( كراشي ، بستي ، الاكس ، فريندزون ) لم نسمع بها الا قريبا من كلاب السره ف تويتر .. نحنا نعرف فقط ( اللقو ) وهو متاح للجميع ، ونعرف ( الجكس ) الحنين .. ف الحي نسميها ( بالسمنجاحه ) وهي ابلغ ف المعنى .. وف برلمان حليمه ندعوها ( الداهيه ) تكريمآ لأثرها ف القلب ..

انظر للخزي والعار ف عينيه وهو ينطق بكل آسف ( دي بستي بتاعتي ) .. وتراه ف الجامعه قد تقوقع ف مكانه وتكور الدمع اسفل عينيه وأشتد نبض قلبه وهو يري ( الكراش ) تتغنج بالمشى امامه .. ألا يتوقف الرجل منكم وينظر ف امر نفسه ويبصر ذاته .. ألا يتخيل نفسه وهو ينطق بهذه الترهات كأنه عضو من اعضاء فرقه ( بتس ) المتحولين.

كتب في حالته ف الفيس بوك انه متحرك من ( KL ) الي ( KSA ) ف ظل الكل يدعو له برحلة سعيدة .. فاذا بصديقه يقابله وهو على متن تكتك بالقرب من حديقة الكلاكله الكبرى .. ف قال له مندهشا : متين الجيه؟
- من وين ؟
- من كوالالمبور .. والمملكه العربيه السعوديه ؟
- فاجاب : ياخي ( KL ) تعني كلاكله لفه ..
- اها ( KSA ) دي شنو ؟
- دي يعني كلاكله شرق اخر محطه!
- آيوا يعني بقت كدا ..
- وإنت جاي من وين؟
- من ال ( US )
- و دي وين دي ؟
- دي (امبده سبيل )

قاعدة رقم : 35

- الإشعار الأبيض بخليني أثق فيك.

لستة ودعم قنوات 🛑

لكل القنوات
زيادة مضمونة ✅

- Posted 6:00 pm - delete 10:00 pm.

أفضل قناة بالتلجرام 😍.

https://hottg.com/+5UjoN0VQxysyNjI0

عزيـزتي وسيّده رُوحي البَعيده ..
هـذا الصباح !.

أكتبَ إليكَ الآن رُغمًا عني من فرطِ ما اعتدّت ذلِكَ
ف مُنذ زمن لمْ تحتضِنك حُروفي
وها انا ذا أكتُب عنكَ علّني أعثُـر عليكَ بينهـا ..

أكتُب وأنا أعلـمُ أنه لـمْ تعُـد هُنالِك بدايةٌ تجمعنـا ، ولا نِهاية أجـدُكَ تنتظِرني على أعتابِهـا
لتُكون أحبَّ النِهاياتِ إليَّ

لقد كان في إعتِقادي البريء أنَّ كُلَّ شيءٍ أبـدي
أو على الأقل مِثلمـا رسمتـهُ في مُخيّلتي الطُفوليـة فقط ، كُنت أُريد أن يكون اعتقادي يُناسِب
قُدسيّة ما بيننـا مِن حُـبّ

- ي عزيزتي حتى النِّهايـة لمْ تكُن تليـقُ بكِلانـا ..
إلتقينـا حِينهـا لآخِـر مـرّة
دُون لهفـة ، أو قلبًّا يئنّ من شِدّةِ الشوق
إلتقينا على حُطـام كُل تِلكَ الوعودِ إلى قطعنـاها
ولمْ يُسعِفني الوقت لأقول إليكَ " وداعًـا حبيبتي "
رُغـم معرِفتي بأنك تكرهي الوداع

حِينها كان الفِـراق يقِف على رصيـفِ علاقِتنـا
ويضحكَ ملئ ثُغـرِه
تأكّدتُ أنَّ كل شيء قد انتهى فعلاً
أصبحت تفاصيلنا المُميّزة محض ذِكريـات مُرّة
وطغى غُبار الحنين على مُحادثاتِنـا وقلبيَّ

يؤسفُني أن أقول مرةً أُخرىٰ ..
أنه يُراوِدني شعور الغُربـة
ودائمًـا ما أجِدُ أنكَ تزدادُ في البعـدِ قُربًـا."!

4 نوفمبر 2022 .

ـ

افتحوا الشغل حتى لا يقولو " أحدهم مات اعذباً في بلاد العرش فيها مفكوك ".

عندما أحببت قمراً ، لم أكن أعلم أنه يغيب ، فاختفى ، بدأت ابحث عنه في الحقيقة والخيال ، والسؤال والجواب ، وفي الظل والحر ، وفي الغبار وذرات الرمال المتناثرة ..

كل من نظر إليّ وانا واضع يدي على قلبي وأُخرى على شعري الكثيف ؛ أقسم بالذي خلقه بأني مجنون ، لكن المجانين لا يبكون، وانا دمعي كاد يغرقني ، وكيف لي أن أتحمل كل هذا الغياب ؟

ما كنت اعلم أن الإختفاء هو قطعة من عذاب ؛ بل العذاب كله ، ماذا فعلت لأتعاقب بجريمة عقوبتها "الألم حتى الموت" وقبلها أفقد عقلي وسمعي وبصري وأتحول من نسرٍ يعيش في قمم الجبال إلى عاشق يُقبّل الثرى!

عاد القمر لكن لا جدوى من عودته.. خُذ باقة من الورد واذهب حيث كنت ؛ لأن الشمس قد طلعت وحرارتها دواء لقلبي الممزق ..


#أحببت_قمراً

فعاليات ❤️

https://hottg.com/abtqui69

يوم الجمعه الفاتته جيرانا كان عندهم عرس وجابوا تور كبير وسمين يكفي البلد دي كلها ونحنا منتظرين يضبحوهوا ونضرب الشيه والضلع وانا شخصيا صايم ليهو عديل كدا مافطرت ولا اتغديت قلت اتعشي معاهم واطق طقه نضيفه وشغال معاهم بنفس دقينا الصيوانات ورصينا الكراسي وملينا الحفاظات وانا صاحبت الطباخ قال لي بعد يضبحوا بنظبط ام فتفت بالشطه والدكوه ونعمل لينا حلة مقلوبه سريعه كدا كباب وكبده نقزقز بيها مسافة العشاء يجهز ف والله لمن قال لي كدا لمن العبره خنقتني وحبيتو شديد قربت ابوسو في قدومو دا ومن شدة مافرحت قررت ابقي طباخ لمن اكبر فجأه الناس كوركوا قالوا التور شرد جينا جارين بره وانا منهار تمااااما كيف يعني التور الباني كل امالي عليهو يشرد؟ ف مشيت وراء الصيوان ختيت يدي الاتنين في راسي وبكيت لمن قربت اغمر وجيت راجع لقيتهم قسموا الناس مجموعات يمشوا يسكوا التور اها مشيت معاهم نفتش للساعه 4صباحا مالقيناهو ياخ التور كأنو الارض انشقت وبلعتو وانا من الجوع خلاص جاني هبوط راسي لفه وبطني طمت وكرعي ماتن ف قرروا يرجعوا ويتصرفوا يجيبوا بديل لانو الزمن ضايق وتاني يفتشوا التور ع راحتهم اها جينا راجعين لقينا النار مولعه في مكان الطباخ النار مسكت من الكانون في الراكوبه القاعد فيها وحرقت الاخضر واليابس ماخلت شي قاموا مسكوا الطباخ دقوهوا لمن بال في هدومو وطردوهو وتاني غيروا رايهم قالوا لا نسلموا البوليس لازم يغرم الحاجات دي ويدفع حقهم لانو دا اهمال منو شافني تف لي في وشي قال لي كلو منك انت من اتصابحت بوشك المفتول دا ماكسبت خير اها تاني الناس كوركوا قالوا العريس قرصتو عقرب خموهو بسرعه ودوهوا الحوادث وهو شبه ميت اكلينيكيا يكورك ياتغريد ياتغريد رغم انو عروسو اسمها اميره ماعارف تغريد دي منو كمان المهم خموهو وهو محنن حنه حدها ركبتو اخواتو متخلفات مابعرفن يحنن حننوهو حنه فوق ل عضم الشيطان كأنو كان بعجن في الحنه بكرعيهو وبعد دا فصيحات ولئيمات وماقاعدات في الواطه اها رجعت بيتنا قافله معاي جوه وبره وجعان ارجف زي القصبه فتشت البيت دا كلو مالقيت لي حاجه اتسمم بيها حتي لو عيشه اقرضا مشيت شربت لي مويه من التلاجه نزلت في قلبي زي الكهربا قطعت مصاريني لمن بقيت اتلوي زي الدابي والساعه 5صباحا مشيت صحيت بتاع الدكان لقيتو راقد مشتح وغامت يديهو والكرعين مشتحن بره السرير شكلو حلمان بحننو فيهو ياخ العرس دا جنن الناس كلهم صحيتو قام مخلوع وشبكني ليك ابشر ابشر وهو غامت يدو ع اساس انو محنن قلت ليهو دا شنو يازول؟ مالك انت مشتح كدا؟ مالقي ليهو رد يرد لي بيهو المهم شلت لي من 5صناديق بسكويت ولبن بدره ورجعت البيت لخيتن وعجنتهن كلهن مع بعض وطفحتهن وناس العرس لحدي الضهر لاحس لاخبر ما عارفهم لغوا العرس ولا التور لقوهو ولا العريس مات هو لو ما مات بقرصة العقرب ح يموت بالمغسه لانو شقا عمرو كلو راح في رمشة عين تور بنص مليار راح ومواد تموينيه ب نص مليار حرقتا النار مافضل فيها الا الكاتشب مجدع بالحوش والشفع يتخاتفوا فيهو والله اخير ليهو يموت ولا يواجه الحقيقه المره دي ياخ انا من الله خلقني مالقيت لي عروس نحس وكج زي عروسو دي خشت عليهم بالساحق والماحق والبلاء المتلاحق ولو اصر يعرسا بعد الحصل دا يكون حيوان والله ويستاهل .

-

الجائزه المقدمه من فيفا قطر 2022 🔥

تابعو روايه احبك كحب الرسول لعائشه ❤️‍🩹✨

-

تابعو روايه احبك كحب الرسول لعائشه ❤️‍🩹✨

-

عزيزي الطالب الجامعي ..
الجامعه دي عاصره عاصره بي كلو واللهم ما بتتجازف ليك لا بي صبر لا صندده لا سنعبر لا ننتصر لا بطيخ قوم على حيلك اخد ليك بكيه ظابطه ( ذكراً كنت او انثى البكاء هنا فرض عين وجب قضاؤه ) واتمخت بالستارة او اقرب قميص وانجدع ف اقرب سرير واخد نفس عميييق واصحى الصباح امسك شيتك كدا وقول بسم الله الرحمن الرحيم اقرا ليك صفحه صفحه ونص كدا واخد ليك جوعيرة ماااااانعة.

_ وقشقش دميعاتك بكم القميص اللابسو و امشي اتوضا صلي الضهر واستغفر ربك ( على اي قطيعة قطعتها في زول) وادعي الله يمررك بالسلامة السمستر دا واخد لفه في البيت واكل ليك حاجة وتعال راجع لشيتك ادي الصفحتين القبيل مراجعة على خفيف وشوف الصفحة البعديهم ..

_ انفضها سريع سريع وقوم اخد ليك جبجبه كدة وهزه وسط ظريفه على نغمه ( الليلة الليلة وبرايا الليلة حرق بي نار الكماين ديلا ) بعد تفتر خلاص اقع في سريرك وعاين للسقف اتخيل انك خريج والزغاريت ولمة الاهل وعيش اللحظة ومع الهاشمية ديك جازف باقي الشيت سريع سريع قبل الحلم يفك منك ..

_ بعد تخلص الشيت امشي صلي العصر واكل ليك حاجة وتعال راجع للشيت البعدو واتربع في سريرك طربيزتك مصلايتك اني وير اي مصيبة زمان بتقرا فيها وقول وااااااااااااااااااااي وافتح الشيت كدا بسم الله الصفحة الاولى الصفحة التانية الصفحة التالتة خلااااص مخك كبس قوم على حيلك اخد ليك انطرابة كدا بنغمه ( الوليه ) وما تنسى تلولي الشيت معاك وقول دستوووووووووووررررر.
ولف راسك 360 درجة مع رفع السبابتين واخذ وضعية الولولة ولطم الخد وارجع بعديها للصفحة الرابعة والخامسة والسادسة دي اعصر نفسك شدييد تمها بالبركة كدا وكرر ( احييي يا لطيف تجيبو خفيف ) بعد تخلص الشيت امشي اخد ليك حمام وتعال راجع لمحل وضعيه قرايتك وامسك الشيت البعدو و اخد ليك بكيه قويه قويه شدييد وطلعها من جووووا وياريت بصوت ( اااه ياااااااني ).

_ يمه شيت تااااني ؟ هو انا جرحي طااااب من الاولاني ) وامسك الصفحة الاولى والتانية والتالتة دي بتقيف ليك تب تقوم طوالي تجدع الشيت وتمسك تلفونك وعلى فيسبوكك وواطسابك وتليجرامكك والله ما امر بالهلاك ، ولا يكلف الله نفساً الا وسعها ..
انعل ابو الجامعه وسنين الجامعة ، القرو عملو شنو

بسم الله الرحمن الرحيم ..
السلام عليكم ..

" من أفضل ما يثاب عليه المرء ، أن يقي إنسانًا من برد الشتاء بكساء يعطيه إياه ، برداء أو غطاء ، بكل ما يعينه على تحقيق الدفء.💛"

الموضوع مبادرة كسوة شتاء قائمة علي مجموعة من الطلاب من مختلف الجامعات
الفكرة بتستهدف المحتاجين على الشوارع او الاسر مستضعفة بنجمع مجموعة من المساعدات ممكن تكون عينية او مالية بهدف توزيعها على كل محتاج وممكن الدائرة تتوسع يعني ممكن الناس تشاركنا وتساعد معانا ف المبادره دي
وشكراً "

مكان التجمع :
جامعه النيلين - إستراحه كليه قانون - المظله علي الجهة الشماليه

الزمن :
غداً - الساعه 12 ظهراً

رابط المجموعه :
https://chat.whatsapp.com/JFc06fAvRLY6cqQl88JzMz