* * *
Menga qiziq emas, ko’zlaring rangi,
Kim bilan baxtiyor, kimga zorliging.
Muhimi huzurli so’zing jarangi,
Muhimi, dunyoda sening borliging…

She’r | @Taqdir_bitiklari

* * *
Ketayotgan bo’lsa, to’sma yo’llarin,
Shunchaki omonlik tilab qo’ygin, bas.
Qo’yib yubordimi, sening qo’llaring?
Unda u shunchaki seniki emas…

She’r | @Taqdir_bitiklari

“-cha” qo’shimchasi zo’r-da!

Eng qo’pol so’zlargayam uni qo’shib, egalik qo’shimchasi bilan aytilsa, erkalashdek eshitilaveradi.

Ishonmasangiz, sinab ko’ring. Marhamat )

Rosti gap | @Taqdir_bitiklari

— Sahroda, harqalay, oʻzingni yolgʻiz his qilar ekansan..
— Odamlar orasida ham yolgʻiz his qilaverasan. – dedi ilon...

©A.S.Ekzyuperi "Kichkina shahzoda"

@Taqdir_bitiklari ☕️ 

Hecham “hayot menga adolatsizlik qilyapti”, deya ko’rma.

Nima ekkan bo’lsang, shuni o’ryapsan.
Baxtiyor bo’lsang, kimnidir ko’nglini ko’targaning uchundir. Xafa qilishayotgan bo’lsa, sening ham ibtidoda shunga monand qilganlaring bordir.

Hayot shunday-ki jo’ra, bermasang ham olavermaysan. Baxtni ham, sitamni ham.

Qars ikki qo’ldan chiqishini hamon inkor etsang, hali xudbinsan, qalb ko’zing ochilmabdi.

@Taqdir_bitiklari

Turk qo’shiqlari, voh, ayniqsa Tarkan, Yalin qo’shiqlari!..

Playlistimdan ilindim )
Kuningiz xayrli o’tsin.

Qo’shiq | @Taqdir_bitiklari

…
Vur, vur bu akılsız başlari duvarlara taşlara vur.

“Qo’shiqdan”

Rosa “kimdirbop” ekan. #)

@Taqdir_bitiklari

She’rning “qichig’i” )
Eshitib yuzimga tabassum yugurdi. Maza qildim ochig’i.

Ayniqsa anu joyi “laminatsiya qilsam” 😂


* * *
“Xayolim xayolingga integratsiya qilsam…” — zamonaviy terminlardan tuzilgan adabiy she’r namunasi.

©Rustam Mirvohid

She’r | @Taqdir_bitiklari

Inson bir gugurt cho’piga o’xshaydi.

Kimningdir hayotini yoritish uchun yonasan, ammo oxirida qo’llari kuymasligi uchun tashlab yuborishadi.

Ana shunday qismatga duchor bo’lmaslik uchun, hech kimga borini bermaslik kerakligini anglashimga uzoq yillar ketdi. Lekin muhimi – anglaganim.

Endi hammasini imkon qadar o’ziga qo’yib berishni o’rgandim. Zotan, qancha tirishganing bilan, izni senda bo’lmasa – benaf.

Hayot kundan-kun yangi narsalar o’rgataveradi. Goho psixolog yordamiga muhtoj bo’ladi kishi. (Bu ruhiy kasallik belgisi emas, shunchaki teranroq ruhiyatni anglash uchun). Aytgancha, iltimos shu yerdayam qilayotgan ibodatlaringizni ko’z-ko’z qilib, dinni aralashtirib izoh yozmang. Qilaman ularniyam, faqat aytishim shartmas. Men hozir dunyoviy tomoniga izoh beryapman.

Xullas, psixolog ham qiynayotgan savollarimga yechim ko’rsatdi. Barchasi to’g’ri. Men o’zimni sevmay qo’yibman, hurmat qilmay qo’yibman. Meni kechir, men!

Olovimizni istamasalar, bizni yoqmasinlar.

Xulosalar | @Taqdir_bitiklari

Isbotlashga urinish – yuksak xatolardan bittasi.

Men buni kech anglagan bo’lsam-da, aytaman. Kimgadir oqning “oqligini” isbotlashga jon jahdi bilan urinish nodonlikdir. U “qora” ko’rayotgan bo’sa nima bo’pti? Balki, ko’zlarida nuqsoni bordir? Yoki, oqni u boshqa nom bilan atar? Nima bo’lganda ham, uning fikri o’zgarishi uchun o’zingizni gugurt donasidek yoqib, kul qilmang.

Haqiqat siz qurbon bo’lsangiz ham, nomini har turli shakllarga almashtirsangiz ham o’zgarmaydi, haqiqat bo’lib qolaveradi.

Xulosalar | @Taqdir_bitiklari

Ichi to’la bo’m-bo’sh lift

Talabalik damlarimiz matematika darsida ustozimiz fanga doir bir tushuncha bergandi. O’ylab qaralsa, bu hayotiy vaziyatlarga ham aynan mos keladi.

U shunday degandi: “Lift “bo’m-bo’sh”, degani uning ichida hech kim yo’qligini bildirmaydi. Hammasi unga berilgan ta’rifga bog’liq. Bordi-yu, aytaylik ichkarida uchdan ortiq inson bo’lsa, lift “bo’m-bo’sh”, deb atalishi belgilangan bo’lsa, siz qaragan vaqtda lift ichida o’n kishining borligi uning “bo’m-bo’sh” emasligini anglatmaydi.

Shunday ekan, ta’riflovchining izohi va sizning qadriyatlaringiz zid kelgani bilan, kalavaning uchi bir yerga borib taqaladi.

Bor yo’g’i bu vaziyatni siz “to’la”, u esa “bo’m-bo’sh”, deb ataydi. Bu shunchaki qadriyatlar bilan bog’liq masala.

Xulosalar | @Taqdir_bitiklari

“Sen haqsan”, deb ayting.

Devorlar qarshilik ko’rsatmasang, senga bosib bermaydilar. Bu eng oqilona yechim. Qachonki, fikridan qaytarib bo’lmas “devor”ga duch kelsangiz-u, unga qarshi harakat qilsangiz, u yiqilish o’rniga xuddi sizning kuchingizdan kam bo’lmagan kuch bilan sizga nisbatan harakat qilaveradi. Jarayon siz kurashdan to’xtaguningizcha davom etadi. Tek qo’ying, devor devorligicha qolsin.

Shunda sizning qo’llaringiz tirnalmaydi, kiyimingiz yirtilmaydi.

Xulosalar | @Taqdir_bitiklari

Kamchiliklaringizdan to’g’ri foydalaning.

Nuqson faqatgina nuqson bo’libgina qolmay, bir vaqtning o’zida yutuq hamdir. Faqat uni ko’ra bilish lozim. Ular tog’rilanishga emas, tog’ri boshqarilishga muhtoj.

Bir oyog’i yo’q inson har gal yangi oyoq kiyim sotib olganida bir poyini guldon o’rnida foydalanganini o’qigandim. U bo’sh poyabzallarga har kun termilib, noshukurlik bilan vaqt o’tkazmadi. Aksincha, unda ochilgan gullar bilan quvona oldi.

Xulosalar | @Taqdir_bitiklari

Nimaga ish 5 (6) kun, dam olish atigi 2 (1) kun ekana?

@Taqdir_bitiklari

“In sha Alloh” shunday so’z-ki, hammasini Allohga topshirasan-da, o’zing yengil bo’lib qolasan.

@Taqdir_bitiklari

Ishonish muhimmi, ishonilishmi?

@Taqdir_bitiklari