#النعي_بديوان_بحر_الولاء_الجزء_٢١_.


نعي لعلي الأكبر عليه السلام


يبني يلاكبر يا ضوه العين
گلبي عليك انجسم نصين
ياولد وداك الدهر وين
❥━──➸➽❥💔❥━──➸➽❥💔
يشبه الرسول او ياعيوني
يلبيك عدواني فجعوني
شلهم عليه او مرمروني
❥━──➸➽❥💔❥━──➸➽❥💔
افراگك صعب واعليه مگدر
يا بعد دلالي يلاكبر
طايح ييمه بين عسكر
❥━──➸➽❥💔❥━──➸➽❥💔
اگعدلي يا شمامة الروح
گلبي عليك اليوم مجروح
احضرني ييمه ابطلعت الروح
طول العمر ما بطل النوح
❥━──➸➽❥💔❥━──➸➽❥💔
عليك اون يمه ابهيده
والگلب يوليدي اشيهيده
جبتني امندروب البعيده
❥━──➸➽❥💔❥━──➸➽❥💔
اريدك تردلي يلولي ابساع
يا علي الأكبر حلو الأطباع
معزت الابوجهك موش بطماع
اندهك ييمه من على الگاع
النومه ييمه مو للسباع
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الطميه_بديوان_بحر_الولاء_الجزء_٢١_.


لطميه لعلي الأكبر عليه السلام


اگعد يا علي بسك امنلنومه
هاي امك تون اليوم مهضومه
❥━──➸➽❥💔❥━──➸➽❥💔
اگعد يا علي هاي امك اتنادي
وحدهه اتركتهه ابهيمت الوادي
باچر وين بيهه ناوي الحادي
تروح او تبگه علتربان بلحومه
❥━──➸➽❥💔❥━──➸➽❥💔
اگعد يا علي صبري وصل حده
عفت اليوم ابوك امحير الوحده
غيرك يلولد تدري اشبگه عنده
عليه خطت الحزن هليوم مرسومه
❥━──➸➽❥💔❥━──➸➽❥💔
هاي امك تون يمه امخليهه
بلميدان نايم ليش واليهه
من عگبك ييمه وين تاليهه
يكتل حيل يفراگ الولد يومه
❥━──➸➽❥💔❥━──➸➽❥💔
عفت امك ييمه ابكربله انحيله
يلاكبر علي ودموعهه اتسيله
احا يا نارهه ما تنطفي الليله
على النايم ابكونه او شاعه ارسومه
❥━──➸➽❥💔❥━──➸➽❥💔
اگعد يا علي هاي امك اغريبه
وافراگك يلاكبر اعظم امصيبه
تصيح الولد راح او بعد شيجيبه
للميدان طرت تركض ابهومه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

https://hottg.com/noor33224411

بنات انضمو لقناة الملة أم يوسف بيها القصائد مكتوبه وملحنه بصوتها

#الطميه_بديوان_بحر_الولاء_الجزء_٢١_.


لطميه للرضيع عليه السلام


اهزن بلمهد والمهد خالي
عبدالله الربه عذب احوالي
يبني خل احاچيك
اتناغيلي واناغيك
عينك غمضت وانه اشبگالي
❥━──➸➽❥💔❥━──➸➽❥💔
خالي المهد من عندك ييمه
صيواني عگب عيناك ظلمه
اشوفن منحرك خليني اشمه
يلفرگتك صعبه
وانه ابدار غربه
عينك غمضت وانه اشبگالي
❥━──➸➽❥💔❥━──➸➽❥💔
عبدالله ييمه او ريع چبدي
تناغيلي چنت من چنت عندي
يا ريع الگلب يا بدر سعدي
شلون اتحمل افراگ
ليك الگلب مشتاگ
عينك غمضت وانه اشبگالي
❥━──➸➽❥💔❥━──➸➽❥💔
جف اللبن من صدري يمدلول
هاي امك تون عليك شتگول
ملتمه العده اعله الماي واتجول
عطشان او يذبحوك
بلنبله يفطموك
عينك غمضت وانه اشبگالي
❥━──➸➽❥💔❥━──➸➽❥💔
عبدالله اشيصبرني اعله فرگاك
يمه للمنيه اريد وياك
وعلى الماي ليش اتذبحك اعداك
مني رايد الماي
واهوه ابحكمت اعداي
عينك غمضت وانه اشبگالي
❥━──➸➽❥💔❥━──➸➽❥💔
در مني اللبن يوليدي عليك
تون عطشان يبني وين اوديك
لو تنفتح روحي ابنصهه اخليك
لاچن علمنيه
يوليدي اشبديه
عينك غمضت وانه اشبگالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الفزاعيه_بديوان_بحر_الولاء_الجزء_٢١_.


فزاعيه للرضيع عليه السلام


اشذنبه رضيعي علنهر
عطشان شابح عينه
❥━──➸➽❥💔❥━──➸➽❥💔
اشذنبه عبدالله الطفل
والعطش لا ما ينحمل
مايدري بيه ابو الفضل
علمشرعه والينه
❥━──➸➽❥💔❥━──➸➽❥💔
حسين شال اوليده
والماي ماصح بيده
ضنه انتخه بعضيده
الحگ يخويه علينه
❥━──➸➽❥💔❥━──➸➽❥💔
بلمهد عبدالله يون
ودموع عينه اتهاملن
وينك يحماي الضعن
الماي جيبه لينه
❥━──➸➽❥💔❥━──➸➽❥💔
عبدالله عذب حالي
جيب الماي يلوالي
ابعينه دمعه ايلالي
كلنه العطش حس بينه
❥━──➸➽❥💔❥━──➸➽❥💔
عبدالله صعبه قصته
والله گضتني امصيبته
عطشان يبست چبدته
يمه تون سكينه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الطميه_بديوان_بحر_الولاء_الجزء_٢١_.


لطميه للرضيع عليه السلام


عطشان الطفل وانه نشف صدري
اشوفه ايلوج بلسانه او نفذ صبري
❥━──➸➽❥💔❥━──➸➽❥💔
عبدالله يريد الماي هليله
او كلهه امجابلتني او تنحب العيله
للعدوان يحسين الطفل شيله
وانه اعله رضيعي منحني ظهري
❥━──➸➽❥💔❥━──➸➽❥💔
يلوج الطفل عطشان او شبح عينه
اخذه للعده ابحضنك يبو سكينه
يرحمون الطفل بلكت يوالينه
ابخدر زينب عليك الزاچيه او خدري
❥━──➸➽❥💔❥━──➸➽❥💔
عطشان الطفل وايريدله اميه
وانه نشف صدري او حيل مابيه
بلكت يشربون اوليدي اشويه
عينه سوربت يحسين ما تدري
❥━──➸➽❥💔❥━──➸➽❥💔
عطشان الطفل وين اليّ يسگونه
شربت ماي عبدالله يشربونه
اشوفه امنلعطش هل ذابله عيونه
انه اشسويت يوليدي گصه دهري
❥━──➸➽❥💔❥━──➸➽❥💔
اهزن بلمهد وهوه يناغيني
عطشان ادري بيك اتون بعد عيني
بمصابك ييمه زايد اونيني
على عمرك ييمه كون من عمري
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#النعي_بديوان_بحر_الولاء_الجزء_٢١_.


نعي للرضيع عليه السلام


عبدالله يايمه او ضوه العين
ياولد وداك الدهر وين
اون المصابك لو على حسين
❥━──➸➽❥💔❥━──➸➽❥💔
امصابك يلمدلل فجعني
نحل اعضامي وزاد حزني
عليك ابد ما بطل وني
❥━──➸➽❥💔❥━──➸➽❥💔
مهدك اشوفه اليوم خالي
يوليدي ياعزي او دلالي
يلتيهتني ابهظم حالي
❥━──➸➽❥💔❥━──➸➽❥💔
وياك اريد الموت وياك
اگعد تره درّن ثداياك
امك ييمه ونت احذاك
❥━──➸➽❥💔❥━──➸➽❥💔
رضيع يبني اشيطلبونك
من العطش غارن عيونك
ادري العده مايرحمونك
ابنبله ييمه يفطمونك
❥━──➸➽❥💔❥━──➸➽❥💔
مهدك ييمه عمه عيوني
شلهم عليه او يفجعوني
ابسهمك ييمه صوبوني
❥━──➸➽❥💔❥━──➸➽❥💔
شلهم علي دين او يچتلوك
عدوان يمه ما يرحموك
ابنبله اوليدي يفطموك
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الطميه_بديوان_بحر_الولاء_الجزء_٢_.


لطميه للرضيع عليه السلام


هذا الماي واوليدي انحرم منه
يابس يلرضيع السانه اشوفنه
❥━──➸➽❥💔❥━──➸➽❥💔
هذا الماي جاري والطفل عطشان
اوصل للنهر وهوه ابحكم عدوان
من عگبك يريته تيبس النهران
اولا يجري بعد عگبك واشربنه
❥━──➸➽❥💔❥━──➸➽❥💔
ياشط الفرات الماي بي يجري
اجيبه للرضيع اشلون ما ادري
عطشان الطفل يا جمرته تسري
مترحمني العده او تنطيني اشربنه
❥━──➸➽❥💔❥━──➸➽❥💔
اوليدي امنلعطش شو سلهم عيونه
ريت اعداه شربت ماي ينطونه
ما يحمل عطش خلهم يشوفونه
عطشان او تفرفر يجذب الونه
❥━──➸➽❥💔❥━──➸➽❥💔
هذا الماي يجري ريت لا شوفه
اوروحه امنلعطش عبدالله ملهوفه
يانهر الفرات انهجم بجروفه
ولا عطشان عبدالله وادفننه
❥━──➸➽❥💔❥━──➸➽❥💔
عطشان الرضيع ايلوج بلسانه
وانه امنين اجيبه او بيد عدوانه
ضلي ابلوعتچ بالله يحزنانه
وصارت علطفل بخيامنه حنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الفزاعيه_بديوان_بحر_الولاء_الجزء_٢_.


فزاعيه للرضيع عليه السلام


حته الطفل ما رحموه وابنبله يفطمونه
❥━──➸➽❥💔❥━──➸➽❥💔
ملزوم العذب
واعلينه الدرب
مگصدهم عطاشه انموت واهمه مايرحمونه
❥━──➸➽❥💔❥━──➸➽❥💔
اشسوه ابكربله
ابنبله حرمله
نيشن علطفل بسهام واهوه امسلهم عيونه
❥━──➸➽❥💔❥━──➸➽❥💔
مذبوح ابسهم
امنلماي انحرم
حتى الطفل ما رحموه عدوان او يذبحونه
❥━──➸➽❥💔❥━──➸➽❥💔
جابه الخيمته
النبله ابرگبته
عطشان اويريد الماي من ادماه يسگونه
❥━──➸➽❥💔❥━──➸➽❥💔
وامه ليه دنت
شافته او بچت
شنهوه الذنب عدوان بوليدي يفجعونه
❥━──➸➽❥💔❥━──➸➽❥💔
ما عدهم رحم
لا غيرة زلم
ما عنده ذنب واجنين واهمه زين يدرونه
❥━──➸➽❥💔❥━──➸➽❥💔
ونت عمته
او شمت رگبته
ما عدهم حميه اتصيح ليش الطفل يرمونه
❥━──➸➽❥💔❥━──➸➽❥💔
غرگان ابدمه
عيونه امسلهمه
جاري بلشريعه الماي واعدانه يرحمونه
❥━──➸➽❥💔❥━──➸➽❥💔
يا يومه صعب
ما جاني ذنب
منكم راد شربة ماي يا عدوان تسگونه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الطميه_بديوان_بحر_الولاء_الجزء_٢_.


لطميه للوداع


الليله حسين وحده يا علي احضرنه
لا ناصر ولا امعين اليذب عنه
❥━──➸➽❥💔❥━──➸➽❥💔
احضرنه يا علي يا حاضر الشده
هذا حسين وحده او لا نصر عنده
احضرنه يا علي شبلك بگه وحده
حاير ضل ابو اليمه او يجر ونه
❥━──➸➽❥💔❥━──➸➽❥💔
وحده ضل ابو السجاد بخيامه
نامو علتراب انصاره وازلامه
يدري لا محال الموت جدامه
مسدود الدرب ما يگدر ايردنه
❥━──➸➽❥💔❥━──➸➽❥💔
وحده بلخيم واينوح ابو اليمه
ابهلنسوان والأطفال كل همه
لا ضله نصير اولا ولد عمه
وينك يا علي نتصارخ اسمعنه
❥━──➸➽❥💔❥━──➸➽❥💔
يامن حاضر السلمان وادفنته
هذا حسين بلهيمه يعوف اخته
ما يگدر يرد عدوان حاطته
صار النوح والتوديع بخيمنه
❥━──➸➽❥💔❥━──➸➽❥💔
لا ناصر ولا امعين اليحامينه
احضر يا علي لحسين والينه
الليله بلوداع حسين هل عينه
مابين الغرب باچر يضيعنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الطميه_بديوان_بحر_الولاء_الجزء_٢_.


لطميه للوداع


هذا الوداع ويه اخوي الليله
سهرانه ويه حسين هاي العيله
❥━──➸➽❥💔❥━──➸➽❥💔
الليله وداع ابو علي بخيامه
يدري المنايه والچتل جدامه
الليله ملتمه عليه ازلامه
باچر تضيع الحره وكت الشيله
❥━──➸➽❥💔❥━──➸➽❥💔
هذا الوداع ويه اخوي ابو علي
باچر عگب عيناه نبگه ابلا ولي
او هاي الحراير بيد كفره تنولي
وابگه يسيره عگب اخوتي اذليله
❥━──➸➽❥💔❥━──➸➽❥💔
يمخدرات خلنودع الوالي
هليله بس او باچر اويه انذالي
يبگون نومه والغرب تبرالي
واباري الأطفال وآنه انحيله
❥━──➸➽❥💔❥━──➸➽❥💔
هذا الوداع ويه اخوتي بلخيم
الليله تتلاعه اعيالي والحرم
باچر تضل اخيامنه ابلايه زلم
او سكنه العزيزه الدمع منهه اتسيله
❥━──➸➽❥💔❥━──➸➽❥💔
محله الوداع الليله وي خواني
بلحرب باچر تنچتل ولياني
وامشي يسيره ابلوعتي واحزاني
ما يبگه والي او للهظم نشكيله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الفزاعيه_بديوان_بحر_الولاء_الجزء_٢_.


فزاعيه للوداع


زينب تنادي يلحرم
گومن نودع الوالي
❥━──➸➽❥💔❥━──➸➽❥💔
گومن نودع ابو علي
باچر نعوفه بلخلي
اونبگه حريم ابلا ولي
وانروح ويه انذالي
❥━──➸➽❥💔❥━──➸➽❥💔
يمخدرات المرتضى
تحچي او مدمعهه جره
باچر وليچن علثره
او حال الهظم يا حالي
❥━──➸➽❥💔❥━──➸➽❥💔
اتصيح وين العيله
ودعن الوالي الليله
شوفنه دمعه ايسيله
وايصيح آ يعيالي
❥━──➸➽❥💔❥━──➸➽❥💔
شوفنه هل منه الدمع
ودعن وليچن بلجمع
يحسين باچر تنفجع
لو ميّته اشوالي
❥━──➸➽❥💔❥━──➸➽❥💔
حاچته والمدمع يصب
وياك اخذنه للحرب
يحسين ملزوم الدرب
هبطت راسي العالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الفزاعيه_بديوان_بحر_الولاء_الجزء_٢١_.


فزاعيه للوداع


بس الليله انه وياك
باچر وين يلوالي
❥━──➸➽❥💔❥━──➸➽❥💔
بس الليله ابو السجاد
تضل مطروح بلاوهاد
ايمشونه الدروب ابعاد
اوكلهه امگيده اعيالي
❥━──➸➽❥💔❥━──➸➽❥💔
بس الليله يعيوني
والوليان ينسوني
بلغربه يضيعوني
وامشي اميسره اشحالي
❥━──➸➽❥💔❥━──➸➽❥💔
باصرني يخويه حسين
عگبك ياخذوني وين
ابگه حايره الصوبين
وكلهه امطرحه ارجالي
❥━──➸➽❥💔❥━──➸➽❥💔
طول ياسواد الليل
اتوداع اويه اهل الخيل
يبگه بس علي وعليل
وانه امهدهده احوالي
❥━──➸➽❥💔❥━──➸➽❥💔
الليله اويه عزيز الروح
اتوادع وي هلي بلنوح
يخلون الگلب مجروح
وهذا اوداعنه التالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الطميه_بديوان_بحر_الولاء_الجزء_٢١_.


لطميه للوداع


باچر تهجم العسكر     على حسين
اضل ابچي واصيح اهلي مشو وين
❥━──➸➽❥💔❥━──➸➽❥💔
باچر نبگه وحدنه
لا زلمه يضل عدنه
وبعيده بلد جدنه
تضل اهلي على الغبره مطاعين
❥━──➸➽❥💔❥━──➸➽❥💔
نضل نسوان لا والي
ابغربه والعرض غالي
هذا اوداعنه التالي
بس نسوان مابين الملاعين
❥━──➸➽❥💔❥━──➸➽❥💔
ابچي ابحرگه هليله
اشوفنه يشد خيله
الليله التمت العيله
عساني بلعمه اولا اتشوفك العين
❥━──➸➽❥💔❥━──➸➽❥💔
هل عدوان مرجونه
اشعدهم واشيطلبونه
الهم ثار يردونه
باچر يبگه جثه بلميادين
❥━──➸➽❥💔❥━──➸➽❥💔
باچر من يساعدنه
نضل انوح وحدنه
بس ادموعنه ابخدنه
والعدوان تحرگ هلصواوين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#النعي_بديوان_بحر_الولاء_الجزء_٢١_.


نعي للوداع


بلخيمه ملتمات كلچن
ابكربله اتودعن زلمچن
عگب المعزه منهو الچن
❥━──➸➽❥💔❥━──➸➽❥💔
التمن اوودعن بني هاشم
باچر تظلن بلهظايم
عگب الخدر تسبى الفواطم
❥━──➸➽❥💔❥━──➸➽❥💔
التمن الليله ابنوح واعويل
باچر اخوتنه ناويه اتشيل
واتضل سبايه هلمداليل
❥━──➸➽❥💔❥━──➸➽❥💔
ملتمه بلخيمه النسوان
مهضومه واتودع الوليان
ياليلت العاشر بلاحزان
❥━──➸➽❥💔❥━──➸➽❥💔
احا يوداع الغوالي
باچر تضل من غير والي
امصابي عظيم او شده بالي
ايبچي الصخر هليله حالي
❥━──➸➽❥💔❥━──➸➽❥💔
الليله علينه شلون ليله
اعاين لخيي باد حيله
مهظوم وايودع العيله
❥━──➸➽❥💔❥━──➸➽❥💔
يوداع اخوتي او كل اهلنه
باچر يضل مايل حملنه
او خوانه ايشيلون عنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

آعظم الله اجوركم واجورنا واحسن الله عزائكم بليلة استشهاد سيد شباب آهل الجنه سبط النبي المصطفى صلى الله عليه وآله الأمام أبا عبد الله الحسين عليه السلام سأل المولى تعالى أن يرزقنا زيارته في الدنيا والأخره وأن يرزقنا شفاعة بحق محمد وآل محمد

#الطميه_بديوان_بحر_الولاء_الجزء_٣_.


لطميه لحرق الخيام


حرگو خيمتي والوالي ماجاني
اوچتالك يخويه ابصوطه اذاني
❥━──➸➽❥💔❥━──➸➽❥💔
چتالك يخويه اليوم يضربني
طفي النار ماتگعد يخال ابني
ترانه حايره وانته امضيعني
اگعد للشمر بلسوط صاباني
❥━──➸➽❥💔❥━──➸➽❥💔
حرگو خيمتي يحسين طفيهه
هايه عيلتك دگعد اوحاميهه
مابين العده محد يباريهه
نوم الترب مو ليكم يولياني
❥━──➸➽❥💔❥━──➸➽❥💔
ماهي امناسبه الكم نومت التربان
اخيامي حرگوهه اوكبر الدخان
هاي اعيالكم عفتوهه ياوليان
اصيح ابصوت اگعدولي يخواني
❥━──➸➽❥💔❥━──➸➽❥💔
اگعدو للحرم ضلت تحشمكم
هاي النار حرگت يلولي اخيمكم
ابلايه روس ضلت ضايعه اجثثكم
چاوين الكفل ماگعد زتاني
❥━──➸➽❥💔❥━──➸➽❥💔
مايگعد يشوف اشصاير ابحالي
نايم علتراب اومادره الوالي
بس الروس خويه امعلگه اگبالي
دهري من عگبكم وين وداني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الطميه_بديوان_بحر_الولاء_الجزء_٢١_.


لطميه رجاليه لحرق الخيام


حرگو اخيمنه علينه اتصيح زينب ياولينه
ما گمت خويه الي ترضه اخيتك تنولي
بس وحدنه تدري بينه اتصيح زينب ياولينه
❥━──➸➽❥💔❥━──➸➽❥💔
جيت ادور بلجثث مامن ولي
اصيح حرگو خيمتي يابو علي
من صحت محد گعدلي من هلي
اركضت مهضومه وادوّر بلخلي
من يطفي خيمتي
وين خدري او هيبتي
لا ستر ضل يغطينه
اتصيح زينب ياولينه
❥━──➸➽❥💔❥━──➸➽❥💔
وحدي اركض بلمعاره للأحباب
الگيتهم نومه هلي فوگ التراب
ما دره بلّي جره داحي الباب
اليوم زينب لا خدر لا ضل حجاب
الگيت الأجساد ابترب
وانه وحدي بلغرب
والعده دارت علينه
اتصيح زينب ياولينه
❥━──➸➽❥💔❥━──➸➽❥💔
حرگو اخيمنه ولا واحد گعد
اركضت لبن امي لگيته بس جسد
وين خدري يا كفيلي والسند
فوضت للباري أمري من بعد
اليوم حرگوهه الخيام
او كافلي علنهر نام
كفره ميرحمون بينه
اتصيح زينب ياولينه
❥━──➸➽❥💔❥━──➸➽❥💔
وين خدري وين عزي او هيبتي
حرگو اخيامي او فرو بزرتي
تفجع الدلال خويه امصيبتي
وحدي وي عدوان اجر ابونتي
صحت يلكافل تعال
فرت امنيدي الاطفال
ما گعد عباس لينه
اتصيح زينب ياولينه
❥━──➸➽❥💔❥━──➸➽❥💔
حرگو اخيامي يمحزوز النحر
او صابني ابسوطه على امتوني الشمر
ايست واتوجهت صوب الگمر
يا كفيلي اشلون تغفه اعله النهر
گوم يا عباس گوم
عوف يلكافل النوم
امنلضرب نشگف بدينه
اتصيح زينب ياولينه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الفزاعيه_بديوان_بحر_الولاء_الجزء_٣_.


فزاعيه للحسين عليه السلام


طايح علتراب حسين
واعياله امسلبيهه
❥━──➸➽❥💔❥━──➸➽❥💔
طاح اومادره بيهم
ملتمه العده عليهم
من بعده اميسريهم
والزينب امخليهه
❥━──➸➽❥💔❥━──➸➽❥💔
سال اعله الترب دمه
اوعايف كل بنات امه
اليوم الگوم ملتمه
واتدوّر اعله واليهه
❥━──➸➽❥💔❥━──➸➽❥💔
زينب دورت هليوم
اتصيح ابصوت يامضلوم
علينه دايره هلگوم
واختك من يباريهه
❥━──➸➽❥💔❥━──➸➽❥💔
عيالك بين هلعدوان
اوضلت كل بني عدنان
نومه فوگ هلتربان
فوگ الثره امچتليهه
❥━──➸➽❥💔❥━──➸➽❥💔
مچتوله اخوتي كلهه
لحسين اولكافلهه
عيالك ماترد الهه
منهو الي يباريهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t

#الطميه_بديوان_بحر_الولاء_الجزء_٣_.


لطميه للحسين عليه السلام


شيل السيف عن راسه يملعون
شوف حسين گام ايدير الاعيون
❥━──➸➽❥💔❥━──➸➽❥💔
شيل السيف منه اولا تحز راسه
شوفه ايجر اخوي ابأخر انفاسه
ابرمل الحار نايم والعطش جاسه
اطفاله بلخيم گامو يلوجون
❥━──➸➽❥💔❥━──➸➽❥💔
شيل السيف عنه اولا تحز نحره
هذا حسين اخيي امدلل الزهره
مچفي اعله الرمال اومدمعه يجره
وايتامه عليه اليوم يبچون
❥━──➸➽❥💔❥━──➸➽❥💔
زم سيفك ياخايب وارتحل عنه
شوف حسين اخيي يجذب الونه
عطشان او يون امنلعطش چنه
من ابن امي گلولي اشتريدون
❥━──➸➽❥💔❥━──➸➽❥💔
من حسين اخيي گلي شتريد
ايون امنلعطش وابن امي ميهيد
عطشان اويون اويلوي الجيد
شلكم دين گلولي اشتطلبون
❥━──➸➽❥💔❥━──➸➽❥💔
اخوي حسين چنه السيف اذاه
سيفك ليش حطيته على اگفاه
زم عنه ولك وارحل امن اهناه
ضلام اوكفر لا ماترحمون
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://hottg.com/t198t