قيبل الصباح امي كانت مشغوله وقالت لي أمسك تلفوني وخش الواتس اب بتلقى " أم انس " مرسله لي صور " صباح الخير " رسلها للناس كلهم إلا لي " أم انس " عشان م تقول بتجيب صوري راجعات ، وبرضو م ترسلهن لي " أم خليفه " عشان متشاكله معاها ، و شيل اي صوره " صباح الخير " من اي زول ورسلها لي " أم انس " عشان م تقول سافهاني.

عزيزتي أنثى الغياب ..
ها أنا أفشل للمرة المئة بعد المليون في محاولة التأقلم مع حقيقة أنكِ ما عدتِ هنا
هذه رسالة أخرى في بريد غيابك الذي لن ينته .. أعلم تمامًا أنكِ لن تقرأينها
لكنني رغم ذلك لا أستطيع التوقف عن الكتابة إليك؛ إنها لعنة أصبتُ بها مذ قررتِ.. أنتِ ليس أنا.. ممارسة لعبة الاختباء ..!
لكن إلى متى ..!
إلى متى يا أنثى الغياب سأظل أتارجح بين كل هذي الإحتمالات ؟
ومتى تنتهي رحلتك الطويلة في دهاليز المجهول وأحظى أنا بانتصار أخير ؟
آه
لو فقط ترين رمادية الحياة والأشياء واضطرار تحمّل كل هذه الفوضى التي تحولت إليها حياتي
في كل صباح أغسل وجهي ، لا لشيءٍ فقط لأني لا أريد للناس رؤية ملامحك في ّ، أحاول محوكِ مني..
أدرّب نفسي على نسيانك .. أنتِ التي تسكنين ذاكرتي !

أنشغل بالعمل ، بالقراءة ، بالكتابة وأنخرط بكل قوتي في الحياة .. أفرغ كل مخزون طاقتي في مساعدة الآخرين ، وما أن أضع رأسي على الوسادة أراك .. موشحة بالمواويل والعزاء ومكللة بورود لقاءنا الأول ..!
أفزع وأذهب لأغسل وجهي ثم أعود ، وتعود معي كل الذكريات الأليمة !

يحدث هذا كل صباح ، أبدًا لن تتوقف الدوامة طالما أن الاختباء في عُرفكِ يُعتبر حلًا لمعضلتنا هذه التي لن تنته ِ..
لكنني رغم كل ذلك سأنتظرك ِ..
ليس حبًا في الانتظار.. لأني أعرف أنكِ على أي حال لن تأتِي.. بل لأني عالق
إنه شعور غاية في الثقل أن تنتظر أحدًا مع إيمانك التام بأنه لن يأت !
آه
في حياتي ومن بين كل الأشياء التي تروح وتجئ إلا أن فكرة إنني لن أستطع رؤيتك مجددًا هي الأكثر ألمًا وثقلًا وبشاعة يا أنثى الغياب..
لو فقط تدرين !

- يارب أتزوج زوج صالح .. أتجوزت .. يارب ذرية صالحة .. الله أداها طفل ..

يارب طفل تاني .. بقى عندها اتنين .. و مع شوية ضغوطات تبدأ :
انا كنت قاعدة في بيت أهلي مُعززة مُكرمة ، ياحظها اللي ما إتزوجت !

- يارب شغل في أي مكان ، يارب أي شغل ، يجي الشغل بس ، و تشتغل ، و مع الوقت :
شغل متعب وما مرتاح والمواصلات و بهدلة شديدة !
ولو الشغل قريب من البيت :
شغل مُمل ، ما شايف نفسي فيه !

لو الشغل جوا السودان :
عايز اسافر بره زهجت من البلد دي

لو الشغل برا السودان :
تعبت من الغربة و حاسي إني آله بتجيب قروش.

طيب لو شغال في مكان تحت إدارة زول :
نفسي اشتغل براي ، أخير لي من الشغل تحت زول

طيب لو شغال براك :
كان نفسي اكون شغال في مكان وما أشيل كل المسؤليات دي براي.

" و تستمر دائرة البطر والجحود عند ابن آدم "

عارفين المشكلة وين ؟!!

بإختصار .. إننا عايزين نعمة بدون " مُنغصات " و أول ما تجي المًنغصات بنفشل في امتحان الشكر .. و تبقى الحاجة اللي كنت بتبكي ليل نهار علشان تجيك بقت هي الحاجة اللي بتتمنى زوالها لمجرد إنها جات بشوية مُنغصات و ده طبيعي جدًا .

ربنا بيستجيب لينا .. و بيكرمنا .. بس نحنا اللي مُتخيلين الدنيا ذي الأفلام والمسلسلات كل حاجة بتجي سهلة و على المزاج بالظبط ، خلي بالك تكون بتتبطر على نعمة في حياتك لمُجرد إن فيها مُنغصات
في مثل بتقول :
نسي شكرها ففقدها .

" والفقد ما ضروري فقد النعمة .. ولكن فقد لذتها "
عشان كدا أحمدو ربنا دايماً على كل حاجة بتملكوها وعاينو للنص المليان من الكُبايةه ❤️❤️

الواحد عايش في السودان و مفلس ومنفسن يجيك واحد يقول ليك نحن بنشجع برشلونه عضان المتعه م عشان الاهداف يجيب ليك الضغط 🙂

البنات حياتهم ساهله الواحده تتحكحك ف صحبتها وتقول ليها أسمى عبارات الحب عادي .. انا مهما بلغ حبي لصحبي م بعرف اقول ليهو " بحبك " بصريح العباره دي
بغيرها لمصطلحات تانيه ذي " زولي والله ، حبيبنا ظط " عشان عيب اقول غير كدا والواحد منظرو ببقي قوس قزح قوس قزح

ابوي بحكي لي قال لي مصطفى سيد احمد مشى حفله ف شندي.. شبك ليك الناس دي " البت الحديقه ، ونفسي ف داخلك اعاين وبتاع .."
وديل ناس عرضه ساي المهم طلع ليهو واحد منهم قال ليهو : على الطلاق مانا فاهمين شي من غناك دا لكن أبشر فوق شنبك الماكن دا.

10 ونقفل
https://hottg.com/abtqui69

بمناسبه نتيجه الشهاده السودانيه.. اول شي الف مبروك وحياه علميه موفقه.
تاني حاجه أتذكر انو نجاحك ف الحياه م عندو اي علاقه بنتيجه الشهاده السودانيه ، نسبتك العاليه م ضمان لنجاحك ف الحياه ، ونسبتك البسيطه م معناهو فشلك ف الحياه حتمي.
كل الكليات بعد التخرج ذي بعض ماف فرق كبير ، م تخلي زول يفهمك انو حياتك ومستقبلك متوقف على الكليه الح تدخلها دا كلام م عندو معنى..

القمه م كليات طب وهندسه وصيدله ...الخ ، القمه موجوده ف كل المجالات لو عندك ليها إصرار وعزيمه وماشي ليها ب خطه ..

معايير النجاح هي الذكاء والإجتهاد م مجموع الشهاده السودانيه ..

يجماعه م تزعلو من اي زول جاب نسبه ضعيفه ولا تضحكو عليهو يا ريت تدهو امل ف بكره عشان يعرف يكون إيجابي ويشوف حياتو ، م تقعدو تشبكو الناس " فلان داك كان كاري الدفعه 5 سنوات واسي سايق ركشه " وكلام ذي دا .

عندنا عريس كنا بنفتش ليهو عشان يجي يعقد ، ولقيناهو بلعب كشتينه ف صالون ف اخر الحله

_


تصنيف الجامعات وفق السنين الفاتته ..

عشان اصلاً هم ما قاعدين يقرو ، وماف اي تغيير يذكر غير التراديشنال دي
ح أديكم ملاحظات عن الجامعات
⬇️⬇️
تابعو هنا

-
العرس من موظفه ذاتو بقى م بغطى .. داير لي واحده اولادها شغالين !!

-
متين الواحد تجيهو مكالمه من زوجتو الساعه السادسه مساء مفادها ( مساء الخير ي حبنا ، طولت علينا ، بيتك إشتاقك ) وتقفل ، الواحد جاتو نفسيات من موضوع انو يتاخر ف الجامعه وماف زول يجيب خبرو ، وأول م يفتحو الباب يقولو ليهو " هو بالله انت لسه م جيت ؟"

عاجل | تم الغاء تطبيق الواتساب في #السودان
تزامنآ مع مليونيه #٢٥_اكتوبر

ف حياه الشاب السوداني تلاته نسوان ، واحده حباها شديد وم عبرتو ، وواحده حبتو شديد وم عبرها ، وواحده تالته م ليها اي دخل ف الموضوع دي بعرسها

- أيام الجامعة عندنا صاحبنا الله يطراهو بالخير ، كان بحب ليهو واحدة قادرة وناهرة كدا ، نوع ال لو حصلت مشكلة بيناتهم نحن بنقفل تلفوناتنا قبل صاحبنا دا يوم كامل ، لأنو لو الله قدرك واتصلت عليك ح تسمع وسخ اضنيك ويمرمطو بيك الأرض ، وانت بتكون ميتينك طالع بتجازف في حق العشاء وعايز تنخمد تنوم !
- بعدين هي كان من حقها ، لأنو بتقريهو وبتجيب معاها لقيمات مع الصباح بدري و دي الحاجة الوحيده الكنا مستفيدين منها في علاقتهم دي ..
ولي هسي بتذكر مقولة ادروب بتاع القهوة " قال لي والله لو م فلانة دي ، جلحاتك ديل يصلن ضهرك وانت لسه تكون في اولى !
-ف حبايبنا ديل ووفقاً لتقاليد الجامعة بتاعتنا " جامعة الجزيرة-مجمع النشيشيبة " كانت في تقاليد مُتوارثة للمُربطين ، اللي هي قبل " الليت " اللهو مواعيد دخول البنات للداخلية ، بساعة بتلقى البنشات دي اتنين اتنين وفرح يتكلم بي لُغتين ، الا نحن بكون همنا منو ال ح يصل البيت اول عشان يحجز السرير القصاد المروحة !
- المُهم ف يوم كدا عندنا واحد من زملائنا حصلت ليهو مناسبة وقررنا نحن والُشلة المعينة نأجر لينا عربية ونمشي ليهو ، وكان الوقت مع وقت " الخلطة " والليت بي ساعة ، ف قلنا لي حبيبنا هيما العاشق دا ونحن عارفين الإجابة مُسبقاً ، لكن قلنا لأنو دا واجب وبتاع نكلمو ، ف نحن أثناء م راكبين في العربية وبنتكلم مع صاحبنا دا قال لينا خلاص النكلم زولتي دي عشان م تنتظرني وتمشي الداخلية طوالي !
-واثناء م نحن منتظرين في العربية ، صاحبنا دا اتصل ع القاهره الناهره دي ف جو كلو ترقب وهدوء عشان ياخد ال بيرمشن وقال ليها نحن طالعين لي صاحبنا عندو ظرف ..

- يخوانا الزولة دي م عارف قالت ليهو شنو لكن في ظرف نص دقيقة صاحبنا دا عيونو بقوا مرقرقات ورد قال ليها ( يعني هسي م امشي معاهم ؟!) 🤣🤣
انا حرفياً نفسي كتم من الضحك والعربية بقت فاضية لأنو اي واحد جرا بي اتجاه وماسك بطنو
وحالياً صاحبنا ده بي ولدو م شاء الله وكل م نتلاقى بنذكرو بيها 🤣💔

- العبرة من القصة دي م تحب ليك قادرة وناهرة لو انت م قدر الموضوع دا .

تعديل :
للناس البسألوا عرس منو ؟
- ياهو عرس الناهرة دي زاتا ، والحمدلله لسه بي نفس المبادئ والقيم " بتهرشنا كلنا "

صباح الخير ..
‏البعض يجد في الشاي ما يجده الاخرون في القهوة ، لكن اهل الشاي ديل ما بتاعين دراما .

ـ سبحان الله !
ابشع انواع السحر .. السحر المائي ، ما بتقدر توصل للعملو ولا بتعرف توصل للطلسم ، أقرب للكفر ب كتير عن الأيمان .. واحد عامل عمل اسود لي واحد
.
و ربطو في قرموط ... لمتابعه القصه أضغط هنا