‼️Развітанне з Аляксандрам Царуком

17 красавіка ў Вільні пройдзе цырымонія развітання з добраахвотнікам Палка Каліноўскага Аляксандрам Царуком.

У 2020 ён выехаў у Літву з-за палітычнага пераследу на радзіме, а пасля пачатку вайны далучыўся да Палка Каліноўскага. Па вяртанні ў яго выявілі пухліну мозгу. Аляксандр Царук перанёс аперацыю, але перамагчы хваробу не здолеў.

Тых, хто захоча аддаць даніну павагі памерламу беларусу
Аляксандру Царуку запрашаем з 10 па 15 гадзіну па адрасе Вільня, вуліца Dzuku, 101A, рытуальная зала «Аmžinybė».

🫶🏻 Падорым дзецям палітвязняў летнія вакацыі!

Міжнародны дзень аховы дзяцей адзначаецца штогод 1 чэрвеня. Ён закліканы нагадаць аб неабходнасці стварэння ўмоў для шчаслівага і бяспечнага дзяцінства для кожнага дзіцяці.

Цягам вось ужо чатырох гадоў напярэдадні гэтага дня стартуе акцыя для дзяцей беларускіх палітвязняў. Штораз мы нагадваем грамадскасці, з якімі выклікамі і цяжкасцямі сутыкаюцца такія семʼі з дзецьмі. У многіх з іх хапае сродкаў толькі на тое, каб закрыць базавыя патрэбнасці.

Традыцыйная дзіцячая акцыя арганізавана сёлета праектам «Хуткая гуманітарная дапамога». У яго ўваходзяць Фонды BYSOL і «Краіна для Жыцця», грамадская кампанія ByHelp, ініцыятыва Dissidentby, а таксама Association of Belarusian Business Abroad.

Акцыя ўяўляе сабой грашовы збор, закліканы дапамагчы дзецям беларускіх палітвязняў. Разам мы можам аказаць матэрыяльную, але, галоўнае, маральную падтрымку гэтым семʼям. Даць дзецям адчуць, што яны не засталіся сам-насам са сваімі праблемамі і нягодамі.

Хто можа стаць удзельнікам акцыі:

✔️ семʼі палітвязняў, у якіх адзін або абодва бацькі знаходзяцца ў зняволенні (у тым ліку на «хіміі» з накіраваннем або без)
✔️ былыя палітвязні, пад апекай якіх ёсць непаўналетнія дзеці

Сабраныя сродкі пойдуць на:

🔺 экскурсіі, паездкі, падарожжы, летнія дзіцячыя лагеры;
🔺 адукацыйныя гурткі па шахматах, маляванні і інш.;
🔺 спартовыя секцыі:
басейн, тэніс, футбол;
🔺 рыштунак для гульняў:
мячы, красоўкі, самакаты, веласіпеды, ролікі, пэндзлі, ватманы.

На кожнае дзіця да 16 гадоў уключна будзе выплачана дапамога ў памеры 100 еўра. Заяўкі прымаюцца да 19 траўня.

❗️Каб атрымаць дапамогу трэба запоўніць форму.

Калі вы хвалюецеся за вашую бяспеку, то можаце звярнуцца ў любую з арганізацый «Службы хуткай гуманітарнай дапамогі» праз Telegram.

Мы абавязкова звяжамся з вамі і ўдакладнім неабходную інфармацыю ў ліставанні.

⁉️ Вы ў Вільні і маеце дзяцей?
Хочаце каб яны навучаліся па-беларуску?

Ёсць магчымасць з верасня адчыніць яшчэ па адным беларускім класе пачатковай школы ў дадатак да тых, што ёсць у гімназіі імя Ф.Скарыны.

Тэрытарыяльна  - у адным з дзіцячых садкоў у раёне гімназіі. Размова ідзе пра 1, 2 і 3 класы з навучаннем па-беларуску і інтэнсіўнай літоўскай мовай.

❗️ Каб гэта здарылася, трэба да канца траўня, а лепей - як мага хутчэй зрабіць наступнае:

1️⃣ Падаць заяўку праз сайт http://svietimas.vilnius.lt/ у гімназію Ф.Скарыны. Калі вы пазначаеце толькі яе адну, то сістэма прымае заяўку аўтаматычна.

2️⃣ Калі вы хочаце дадаць яшчэ дзве школы (як прадугледжвае форма), то давядзецца падаваць заяўку праз электронную пошту адзела адукацыі [email protected].
Справа ў тым, што сістэма не дазваляе падаць заяўку ў школы з рознымі мовамі навучання, а беларускамоўная школа ў Вільні толькі адна.

3️⃣ Як толькі вы падалі заяўку, запоўніце, калі ласка, вось гэтую ФОРМУ
(такім чынам ініцыятыўная група бацькоў, якая апекуецца адкрыццём класаў, зможа даведацца, колькі заявак ужо пададзена ў адзел адукацыі).

Беларуская гімназія імя Францыска Скарыны таксама пачыналася з асобных класаў. Цяпер самы важны і самы складаны этап! Калі назбіраюцца дзеці ў гэтыя першыя класы, далей будзе прасцей пашырыць ініцыятыву і на сярэднія класы.

Але калі сёлета не атрымаецца, то пераканаць кіраўніцтва Вільні, што беларусам сапраўды патрэбныя дадатковыя беларускія класы, будзе значна складаней.

Далучайцеся і Жыве Беларусь✊🏻

❗️УВАГА! Засталося 10 дзён!
Калі вы не вырашыце самі куды направіць 1,2% сваіх падаткаў - дзяржава гэта вырашыць за вас.

Сябры, калі вы жывяце ў краінах Еўразвязу, то напэўна ведаеце, што можаце скіраваць частку сваіх падаткаў на падтрымку той ініцыятывы, арганізацыі, або асобаў, якіх абярэце самі.

Гэта значыць, што ў адрозненні ад беларусаў унутры Беларусі, вы маеце абсалютна бяспечную для сябе магчымасць падтрымаць палітвязняў.

Беларусы і беларускі Літвы, да 1 траўня вы можаце выбраць куды менавіта накіраваць 1,2% сваіх падаткаў. Заклікаем ахвяраваць іх на падтрымку сем'яў беларускіх палітвязняў з дзецьмі.

Зрабіць гэта надзвычай проста, карыстайцеся нашай інструкцыяй па спасылцы:

👉🏻 https://by.stranafund.org/blog/news/esli-dusha-bolit-za-belarus-otdaite-belaruskim-politzakluchennim-chast-svoih-litovskih-nalogov