التجاهل رسالة لا تتجاهلها.
شخصيًا ما أعرف اواجه في حالة كانت مواجهتي جارحة للطرف الثاني، و فيه مسائل مهما حاولت تكون لطيف فيها بتوصل وجهة نظرك بطريقة قاسية، فأتجاهل أسلم للجميع، مع الأخذ بعين الاعتبار ان التجاهل مو اسلوب لطيف بعد لكن على الاقل قسوته غير مباشرة وفيه وضوح غامض لكنه كافي عشان يبين ان الموضوع ما راح يكمل.
نجي عاد للي يفهم وللي ما يفهم
يعني لو التجاهل غير مقصود ممكن مرة مرتين لكن أكثر هذا متعمد وخلاص واااضح مقصده فبليز أفهم وسهلها على نفسك!
هذا الفرق المفصلي اساسًا
بين اللي يبيك وبين اللي ما يبيك
واحد يهتم و واحد يتجاهل
مافيه احد يتجاهل ومهتم بذات الوقت!
و اختار أنت عاد بصف مين تبي تبقى.

تجينا الحنية بِلا لمحة طلب ولا شحاذة،
تتنزل كذا علينا لما نعرف نحب نفسنا أول قبل اي أحد يحبنا.
ابخل بمحبتك على واحد كريم على نفسه وشف لو بيعتبرك شيء اساسًا!
هو غالي على عمره يعرف أن الناس *العادية* عابرة بحياته بس هو الباقي فيها، لذلك يعرف يحبها.

من يوم صحيت و أنا بأحساس:
"إني أحلم.. بس أحلم"

"حب الحياة بطريقتك أنت ،الطريقة اللي تلمسك تفاصيلها، حبها عن طريق ضحكة، منظر غيمة ، او حتى كوب قهوة، و عيشها"

معك أحس ما ودي افقد لحظة
او أهدر وقت، ودي ببركة ألهية تحصل للساعات وتمددها دامها اوقات سعيدة وحلوة.

مهم ما يكون بين توجهاتك الفكرية ومظهرك فرق واضح يبين ان اللي تفكر فيه بعييييد عن المظهر اللي تظهر فيه!
كلنا عندنا نسبة ازدواجية لكن إن زادت بيبين انك متناقض وشخصيتك مهزوزة، صراحةً هالنوعية من الاشخاص غير مريحين في التعامل، ما تعرف ايش تتوقع منهم ويعني معليش احنا نحتاج شوية توقعات نقدر نستند عليها في سبيل اننا نكمل…
لكن بتصير صعبة تلقى اساس مع ناس ما تدري هم مع مين؟ لا معهم ولا عليهم!
( مُّذَبْذَبِينَ بَيْنَ ذَٰلِكَ لَا إِلَىٰ هَٰؤُلَاءِ وَلَا إِلَىٰ هَٰؤُلَاءِ )

كلناااا نشوف نفس الشيء الفرق بس لإي جانب انت مقرر تشوف و بإي عين تشوفه، بعين النقص؟ ولا بعين الرضا و الزود؟
اليوم انا حقيقي أدركت كيف اني اشوف الامور بمقاييس ثانية ما تميل إلا للهين اللين، تسوي خير بشوفه خير وبفرح فيه ما راح ادور وراء نقصه ولا بجامل قدامك و اطلع من وراك عيوب ، وما يحتاج اغض النظر عن هالعيوب لإن اصلًا نظري ما راح يجي عليها.
بإختصار: الزين ما تجي عينه إلا على الزين

( حسبي الله لا إله إلا هو عليه توكلت وهو رب العرش العظيم )

على كثر غلطاتي ما جاء يوم وندمت، كل غلطاتي كانت غلطات صح بشكل او بآخر!
غلطات تسوى تغلطها و ما تندم عليها.
اعترف اني أملك شجاعة فيها تهور تخص هالنوع من معرفة الغلط و المشي له بعيون مفتوحة عااادي

اسولف مع صاحبتي على نفس الموضوع، فقالت اللي يهاب الاخطاء الصغيرة هذا "رخمة" ، وصراحةً ايييه هذي الكلمة الصح في الموضع الصح.

كل مسار اليوم يتغير إذا بديت صباحي برواااق، مناعتي ضد المزاجات السيئة تزيد.

"بحس معاكي إني عظيم و إن العالم كله ولا حاجة، و انتي؟
‏- أنا حاسه إني جميلة
‏- انتي جميلة.. أجمل من إني أستاهل تحبيني "

- اسكندريه ليه ، ١٩٧٨

ياللي معاك العمر عدّا بلحظتين
لحظة سعادة باللقاء ولحظة حنين

اكل البيت من يدين تحبها، شيء بسيط بس الشخص يشتاق له..

اعرفني في الايام المحمومة بعاطفة كثيفة ومُهدرة لأهون سبب، عيوني تغرق بدموع زائدة و أبالغ بكل ردة فعل، اقول لا و انا اقصد ايه اضيع اللي معي و اضيعني، اقضيها بمزاج متقلب و بشهية مفتوحة للسكر و طواري الاحزان..

"إلهي ما أوحش طريقًا لا يكون رفيقي فيه أملي فيك"

ما اعرف إي حلم شفت اللي وداني لآخر طرف السرير وبغى يطيحني! حسيت بخلل التوازن و أن نصفي مو على السرير ، فتحت على اللحظة الاخيرة و سميت على عمري ولا ابي اذكر وش شفت بس ابي ارجع أعرف اغمض بدون ما يديني تمتد كل دقيقة تتأكد اني لسه مو على الارض

- رواية "قصر الدموع"

الحمـدلله يارب من زود و إلى زود.