ماكو أي شي بالدّنيا ممكن يشدني لأتصنع، مهما كُنت استلطفك ماراح اغير من نفسي  1% علمودك، ركز بكلامي بشكلي بتصرفاتي، رح تعرَف وقتها إني شَخص ماشي بفطرتي، اتعامل ويه الكل بطبيعتي سواء عجبتهم شخصيتي أو لأ.

المُهم من داخلي اكون مِرتاح لأن كلشي امشي بطريقتي، ما اسوي أشياء ما احبها، مااحب أمور  اكرههها حتى الفت انتباهك، الي يحبني يتقبلني مثل ما أني لأنو بالنهاية مارح أكون شَخص أني ما اعرفه 🤍

الانسان يعتاد
ما يتجاوز
يتحول كل شي الى جزء منه بمرور الايام
حتى النقص اللي يصير ، يتحول الى جزء من ماهيته
يعتاد على الألم ، يتجرع المرارة
يعتاد على ما بُتِر
يعتاد حتى على العِلل والمرض المؤذي اللي اول ما صار بي اذاه وخوفه وأثر على حياته وسيرها ، وهسه رجع يعيشها طبيعي بمرافقة العِلة .

لن يتركَ اللهُ تعالى كلَّ هذا يمضي دون عقاب! ‏فويلٌ للقاتل ‏وويلٌ لمن أعانه ‏وويلٌ لمن رضي بفعله ‏وويلٌ للشامت ‏وويل للساكت! حسبي الله ونعم الوكيل ، يارب اشدد من عزمهم وثبت أقددامهم وإنصرهم ؏ـلـىٰ عدوك وعدوهم إمين يارب العالمين

الناس الي تراقب انواع :-
الي يراقب حتى يشوفكم بحاله انكسار تبرد كلبه
الي يراقب حتى يضمن انو انتو بعدكم تنتضرون
الي يراقب حتى يخطط شلون ينتقم
الي يراقب حتى يشوف حياتكم شلون صارت من بعده.

مو كل متدين معقد ..

ولا كل الي سهر حتى يقرأ كتب ميحب النوم

ولا الي ترك الاغاني ميحب الونسه

ولا كل الي صانت نفسها لحد ميجي الحلال متعرف تحب

ولا الي ملتزمه بحجاب الزهراء من تطلع وماتخلي ميكاج ما تعرف تتمكيج وتترتب

بس كُلهم عرفوا الطريق الصح ومشوا بي وهدفهم رضاه الله والفوز بالجنه وصاحب الهدف لاتهمه المغريات

اني ماوكف بمكاني انتظر احد ممنطيني اهميه ولا انتظر منو يفهم منو يحس منو يستوعب مانتظر الغلطان يصحه على نفسه ويعتذر اذا غلط بحقي
مانتظر احد يعاملني مثل ما اعامله
او منو يمدح ومنو يذمه
اني المتحكمه الاولى والاخيرة لنفسي
والي يريد يمشي وياي خطوه اهلا وسهلا
والي يريد ينسحب الف سلامه
والي يريد يشوفني مثل ماني ع طبيعتي
والي يريد يعيش باوهام هوه صنعها بنفسه اله كامل
اول تعرفون اني انسانه احب مساحتي الخاصه واحب حدودي الي اصنعها مادخل باحد واحب خصوصيتي مع نفسي
مهما ظن الشخص انه وصل لشخصيتي مارح يفهمني ابدا + (طاقتي ماضيعها بالانتظار على اشياء مو مهمه )
اني المسؤله عن حياتي جنت زينه مو زينه هاي لنفسي مولاحد
كل الي تسوي يمثلك كل الي تحجيه يشبهك
كل الي تسوي رح يرجعلك اني معليه بالناس والناس معليهم بيه🤏🏻✨

تمر آيام ، متعرف تسميها ومتعرف تحسها ومتعرف تتجاوب وتتفاعل وياها ، وتفكر انك على ما تعدي هالفترة ممكن تكون خسرت كل شي ، تريد تأدي واجباتك اتجاه كل شي ومتكدر ، تحس اكو حاجز بينك وبين الدنيا
مثل من تصير هواي مشاكل بينك وبين شخص وتنبني حواجز تمنعك تتعامل وياه بعد متكدر

متكدر حتى تتذوق الكلام اللي ممكن يحفزك وولا يحفزك .
يمر بيك كأنك منخل ما راح يستقر بي .

هالاوقات تحسها بلا طعم وتحاول تواكب الرحلة روحيًا وماديًا بس ماليك شعور ميتسمى ، ميتشبه ، اي حتى المي ماله طعم بس يروي .
اي بيهن احداث ، حلوة ومرة ومؤذية وسعيده بس تفاعلك وتماهِيَّك وياهن غريب .
يمرن ويتخلخلنا ويعبرنا منعرف نخوضهن ولا نتذوقهن ولا نعرف اذا هذا جان مجرد أستكانة وأحنه المتعودين على اللا هدوء .

تسميه فراغ؟ ماادري
بس متريد تسميه وعندك ضجر من كل الابجابية السامة الدتنشر ، من كل شي يكلك كمل حتى وانت مالك خلك ، كمل وصير البطل الخارق لنفسك ..

الانجاز الي لازم تحققة انتَ !
هو انُ تتجاوز الي صارلك ، تتجاوز القصة كلها
تتجاوز الاشخاص الاماكن الحچي وكلشي
والاهم توگف انُ تبقى تلوم روحك
الانجاز انُ تگدر تكمل حياتك ب عقل واعي وانسان ميقبل يكون ضحية .