أنه محسود اختلافي وخايف هواي أختلف
من خفت مو عيب بيه هذا حس
جنت خايف ينقص بنعشي جتف

- عبداللّٰه حسن

من هسة لو رايد احب
بس اني ما ناوي
نوعيه أدور لو ردت
ما ادخل الحب خاوي
والي يحب مو من طرف
يحله العشگ متساوي
ويشبهني اريده بلا دغش
لا حاظن ولا حاوي
.
مشكلتي ذواق وصعب
ما اخذ الة الخامه
مادور الة المنستر
والي بأصوله ينحلف
من يمشي رافع هامه
مادور الشابع شبك
من كثر ماضل منحضن
مكسوره حته عظامه

-محمد مثنى

مو قسمتي وعاندت
حسبالي القسمه من ألح
مثل امي تنطيني

- محمد مثنى

ما چنت خايف قبل
بس هسة اخاف
عقلي ما منطي لكليبي مجال
مدري المن شفت أثر عالثنين
عقل وگلب يتوافقن هذا محال
اول مرة اخذ قرار بلا قرار
واول مرة أحب انسان
من وحي الخيال

-محمد مثنى

جملتي
وناري ماتحمل حطبهم
مرلي غيمة
ولو دثيث
حتى اذا نشدوني اگلهم
مرلي ماي

عبدالله حسن

ليش تعيش وحدك وانت هوسه عيد
انهض شــــــوف روحك ويـــن تاليها

عبدالله الحسيني

بس خلي عندك موقف
لتصير مدري شلونك
تكمل حياتك عادي
واني اكتئب من دونك
حظ بالعشك ماعندي
حظي اسود من عيونك


علي دلي

دخل لليسره يتبختر
يلعب ويگمز ويفتر
اخذ من گلبي اليريده
والباقي شاله وشمر
يصلح و يخرب بكيفه
داوه ولزگ وكسر
صاحب ملك من حقه
اني هنايه المأجر
شگد سوه بس ما أذه
هواي يحبني ما يگدر
فلاح و اني صايرله
گاع بكيفه من يحفر
يزرع بيه كل شوگه
واذا يحصد يحبني اكثر

- محمد مثنى

ما تصعدلي بس نازلّك هواي
المطر والكاع حب من طرف واحد

احمد ثجيل

واذا ماحبني واحد ؟
الله موجود ويعوضني الخراب الصار بيه
اليريد يروح عادي ، الينسى انساه
ماچلّب بعد گصيت اديه …

عزام الشمري

الماي شال تراب لو مر بالتراب
و لو جرة بين الصخر كلش يطيب
احنا مثل الماي صفانا العذاب
و لو شرب من ماينا معلعل يطيب

- صاحب الضويري