فعاليات ❤️

https://hottg.com/abtqui69

يوم الجمعه الفاتته جيرانا كان عندهم عرس وجابوا تور كبير وسمين يكفي البلد دي كلها ونحنا منتظرين يضبحوهوا ونضرب الشيه والضلع وانا شخصيا صايم ليهو عديل كدا مافطرت ولا اتغديت قلت اتعشي معاهم واطق طقه نضيفه وشغال معاهم بنفس دقينا الصيوانات ورصينا الكراسي وملينا الحفاظات وانا صاحبت الطباخ قال لي بعد يضبحوا بنظبط ام فتفت بالشطه والدكوه ونعمل لينا حلة مقلوبه سريعه كدا كباب وكبده نقزقز بيها مسافة العشاء يجهز ف والله لمن قال لي كدا لمن العبره خنقتني وحبيتو شديد قربت ابوسو في قدومو دا ومن شدة مافرحت قررت ابقي طباخ لمن اكبر فجأه الناس كوركوا قالوا التور شرد جينا جارين بره وانا منهار تمااااما كيف يعني التور الباني كل امالي عليهو يشرد؟ ف مشيت وراء الصيوان ختيت يدي الاتنين في راسي وبكيت لمن قربت اغمر وجيت راجع لقيتهم قسموا الناس مجموعات يمشوا يسكوا التور اها مشيت معاهم نفتش للساعه 4صباحا مالقيناهو ياخ التور كأنو الارض انشقت وبلعتو وانا من الجوع خلاص جاني هبوط راسي لفه وبطني طمت وكرعي ماتن ف قرروا يرجعوا ويتصرفوا يجيبوا بديل لانو الزمن ضايق وتاني يفتشوا التور ع راحتهم اها جينا راجعين لقينا النار مولعه في مكان الطباخ النار مسكت من الكانون في الراكوبه القاعد فيها وحرقت الاخضر واليابس ماخلت شي قاموا مسكوا الطباخ دقوهوا لمن بال في هدومو وطردوهو وتاني غيروا رايهم قالوا لا نسلموا البوليس لازم يغرم الحاجات دي ويدفع حقهم لانو دا اهمال منو شافني تف لي في وشي قال لي كلو منك انت من اتصابحت بوشك المفتول دا ماكسبت خير اها تاني الناس كوركوا قالوا العريس قرصتو عقرب خموهو بسرعه ودوهوا الحوادث وهو شبه ميت اكلينيكيا يكورك ياتغريد ياتغريد رغم انو عروسو اسمها اميره ماعارف تغريد دي منو كمان المهم خموهو وهو محنن حنه حدها ركبتو اخواتو متخلفات مابعرفن يحنن حننوهو حنه فوق ل عضم الشيطان كأنو كان بعجن في الحنه بكرعيهو وبعد دا فصيحات ولئيمات وماقاعدات في الواطه اها رجعت بيتنا قافله معاي جوه وبره وجعان ارجف زي القصبه فتشت البيت دا كلو مالقيت لي حاجه اتسمم بيها حتي لو عيشه اقرضا مشيت شربت لي مويه من التلاجه نزلت في قلبي زي الكهربا قطعت مصاريني لمن بقيت اتلوي زي الدابي والساعه 5صباحا مشيت صحيت بتاع الدكان لقيتو راقد مشتح وغامت يديهو والكرعين مشتحن بره السرير شكلو حلمان بحننو فيهو ياخ العرس دا جنن الناس كلهم صحيتو قام مخلوع وشبكني ليك ابشر ابشر وهو غامت يدو ع اساس انو محنن قلت ليهو دا شنو يازول؟ مالك انت مشتح كدا؟ مالقي ليهو رد يرد لي بيهو المهم شلت لي من 5صناديق بسكويت ولبن بدره ورجعت البيت لخيتن وعجنتهن كلهن مع بعض وطفحتهن وناس العرس لحدي الضهر لاحس لاخبر ما عارفهم لغوا العرس ولا التور لقوهو ولا العريس مات هو لو ما مات بقرصة العقرب ح يموت بالمغسه لانو شقا عمرو كلو راح في رمشة عين تور بنص مليار راح ومواد تموينيه ب نص مليار حرقتا النار مافضل فيها الا الكاتشب مجدع بالحوش والشفع يتخاتفوا فيهو والله اخير ليهو يموت ولا يواجه الحقيقه المره دي ياخ انا من الله خلقني مالقيت لي عروس نحس وكج زي عروسو دي خشت عليهم بالساحق والماحق والبلاء المتلاحق ولو اصر يعرسا بعد الحصل دا يكون حيوان والله ويستاهل .

قال رسول الله ﷺ :

((إن من أفضل أيامكم يوم الجمعة فأكثروا عليّ من الصلاة فيه فإن صلاتكم معروضة عليّ))

اللهم صلِ وسلم وبارك على نبينا محمد 🤍

قال رسول الله ﷺ :

((إن من أفضل أيامكم يوم الجمعة فأكثروا عليّ من الصلاة فيه فإن صلاتكم معروضة عليّ))

اللهم صلِ وسلم وبارك على نبينا محمد 🤍

قال رسول الله ﷺ :

((إن من أفضل أيامكم يوم الجمعة فأكثروا عليّ من الصلاة فيه فإن صلاتكم معروضة عليّ))

اللهم صلِ وسلم وبارك على نبينا محمد 🤍

تابعو روايه احبك كحب الرسول لعائشه ❤️‍🩹✨

قال رسول الله ﷺ :

((إن من أفضل أيامكم يوم الجمعة فأكثروا عليّ من الصلاة فيه فإن صلاتكم معروضة عليّ))

اللهم صلِ وسلم وبارك على نبينا محمد 🤍

انا يا بعرف أسامي من غير أشكال او أشكال من غير أسامي بس الاتنين مع بعض صعبة🙂💔

موسم طلاب اسنان البشحدوك يقلعو ليك ضرسك مجان ده متين الواحد راجيهم زي العرس الجماعي.

حتى الکلام الحلو ما حلو من أي زول.

_ دعيت ليك أمس ؟

= دعيتي لي بي شنو ؟

_ انسى ، حبيبتك أخبارها شنو؟

= خلينا بعض

_ الله أكبر

-

عزيزي الطالب الجامعي ..
الجامعه دي عاصره عاصره بي كلو واللهم ما بتتجازف ليك لا بي صبر لا صندده لا سنعبر لا ننتصر لا بطيخ قوم على حيلك اخد ليك بكيه ظابطه ( ذكراً كنت او انثى البكاء هنا فرض عين وجب قضاؤه ) واتمخت بالستارة او اقرب قميص وانجدع ف اقرب سرير واخد نفس عميييق واصحى الصباح امسك شيتك كدا وقول بسم الله الرحمن الرحيم اقرا ليك صفحه صفحه ونص كدا واخد ليك جوعيرة ماااااانعة.

_ وقشقش دميعاتك بكم القميص اللابسو و امشي اتوضا صلي الضهر واستغفر ربك ( على اي قطيعة قطعتها في زول) وادعي الله يمررك بالسلامة السمستر دا واخد لفه في البيت واكل ليك حاجة وتعال راجع لشيتك ادي الصفحتين القبيل مراجعة على خفيف وشوف الصفحة البعديهم ..

_ انفضها سريع سريع وقوم اخد ليك جبجبه كدة وهزه وسط ظريفه على نغمه ( الليلة الليلة وبرايا الليلة حرق بي نار الكماين ديلا ) بعد تفتر خلاص اقع في سريرك وعاين للسقف اتخيل انك خريج والزغاريت ولمة الاهل وعيش اللحظة ومع الهاشمية ديك جازف باقي الشيت سريع سريع قبل الحلم يفك منك ..

_ بعد تخلص الشيت امشي صلي العصر واكل ليك حاجة وتعال راجع للشيت البعدو واتربع في سريرك طربيزتك مصلايتك اني وير اي مصيبة زمان بتقرا فيها وقول وااااااااااااااااااااي وافتح الشيت كدا بسم الله الصفحة الاولى الصفحة التانية الصفحة التالتة خلااااص مخك كبس قوم على حيلك اخد ليك انطرابة كدا بنغمه ( الوليه ) وما تنسى تلولي الشيت معاك وقول دستوووووووووووررررر.
ولف راسك 360 درجة مع رفع السبابتين واخذ وضعية الولولة ولطم الخد وارجع بعديها للصفحة الرابعة والخامسة والسادسة دي اعصر نفسك شدييد تمها بالبركة كدا وكرر ( احييي يا لطيف تجيبو خفيف ) بعد تخلص الشيت امشي اخد ليك حمام وتعال راجع لمحل وضعيه قرايتك وامسك الشيت البعدو و اخد ليك بكيه قويه قويه شدييد وطلعها من جووووا وياريت بصوت ( اااه ياااااااني ).

_ يمه شيت تااااني ؟ هو انا جرحي طااااب من الاولاني ) وامسك الصفحة الاولى والتانية والتالتة دي بتقيف ليك تب تقوم طوالي تجدع الشيت وتمسك تلفونك وعلى فيسبوكك وواطسابك وتليجرامكك والله ما امر بالهلاك ، ولا يكلف الله نفساً الا وسعها ..
انعل ابو الجامعه وسنين الجامعة ، القرو عملو شنو

قال رسول الله ﷺ :

((إن من أفضل أيامكم يوم الجمعة فأكثروا عليّ من الصلاة فيه فإن صلاتكم معروضة عليّ))

اللهم صلِ وسلم وبارك على نبينا محمد 🤍

أ ن ت م ، ت ق ر أ و ن ، ا ل ح ر و ف ، ب ك ل ب ط ى ء ، ل ك ن ، ع ن د ، م ا ، أكتب هكذا تقرأون بسرعه كأنكم سياره خرجت من الزحمه و ر ج ع ت ، ا ل ى ، ا ل ز ح م ة ، م ر ة ، ث ا ن ي ة

القرايه دي ساهلة والله ي جماعه بس دايره ليها زول م عندو اهل م عندو أصحاب ولابطلع كتير ولابياكل ولابشرب ولابنوم ولا بتنفس زاتو

الشفع البتكلمو لغة عربية فُصحى ديل ظريفين شديد والله
شافع ضاع في الشارع وقف ليو عمك كبير
قال ليهو: إن ارشدتني إلى منزلي لاكون لك من الشاكرين
عمك قال ليهو: صدق الله العظيم

يحليل زمن الزول بلقى قروش واقعة في الشارع..

واحده صاحبتها سفهتها دقيقتين الاستوري بتاعها
= يمه البحر مالح والناس مصالح

وااي لاا يا رونالدو
يا جماعة اقنعوني انو الكلام ده ما ح يحصل
افضل لاعب في التاريخ ماشي النصر
يعني ح يلعب في دوري الفلاحين
يعني ماف نادي دايرك يا محطم الأرقام القياسية
يعني تاني لا دوري أبطال ولا غيرو
يعني الكرات الذهبية وقفت عند خمسة

كل ده عشان ااايييههه ؟!!
اهاا عرفت ماشي تطور الكورة في اسيا يا سلام عليك يا رونالدو يا معشوق الجميع
يلاا كلنا البريمير ليغ السعودي

قال رسول الله ﷺ :

((إن من أفضل أيامكم يوم الجمعة فأكثروا عليّ من الصلاة فيه فإن صلاتكم معروضة عليّ))

اللهم صلِ وسلم وبارك على نبينا محمد 🤍