ماني على درب المقفين مجبور
‏لا حبهم سنه ولا وصلهم فرض .

‏حتى أقرب العالم لو يوقف معك وقفة وفا
‏أصبر وتعرف وش دوافع وقفته وأهدافها

ياصاحبي إن لقيتني وخاطري ماش لا تشره
علي ما معي صبر الصحابه ولا هدي النبي

رعيْتُ وِدَادهُمْ ونَسيتُ نفسي
‏وحينَ غلا هوَاهُمْ أرخَصُونِي !

‏ما أمّحي الود ولا أنكر العشره
‏لكني أقطع الوصل إذا نقص قدري .

بيوت القصيّد دياري لا ضاقت علي داري .

‏انا رفيق السكوت اللي قهرني سنين .

‏لا هبت الذكريات و هزت انقاضي
‏يجتاح صدري حزن جبار ما اطيقه

‏يا ليت به باب يدخلني إلى الماضي
‏و اروح له كل ما حسيت بـ الضيقه .

‏شلون تهجرني وانا مالي على الهجر احتمال
‏وشلون تهملني وانا مانيب اطيق اهمالها

‏وشلون تقطعني بـ سيف البعد قطّاع الوصال
‏وانا لو اقطع عرق قلبي ما قطعت وصالها

تحسبنا نركض ورا ظلك خاب ظنك ودربك والله مانشوفه .

الظروف الي كوتني على الضلع القصير
‏علمتني كيف اعدل الحمول المايله

‏كان ظني في الليالي وفي حظي كبير
‏لين ورتني الليالي نجوم القايله

‏من يظن الخير في واحدٍ مافيه خير
‏مثل من يرجي دوام الحياة الزايله .

التحفظ يمدحونه مع ظروف الحياه
‏لاتخلي باب الاسرار للعالم رخو

‏الشجيع تجيه الاوجاع من كل اتجاه
‏مستحيل انه يعلم بها حتى الاخو ):

‏إذا عجزت ان تكون " قرّة عين " فلا تكن دبلة كبد .

‏كسر الخواطر بمثابة خطأ طبّي
‏ الأعتذار فيه لا يردّ عافيتك .

مايخفف ضغط الأيام وظروف الحياة
غير قرب اللي تحبّه .. وتستانس معه .

عندي يقين إن الليالي المقبله ماهيب سود
‏أنقى من قنوف السحاب اللي تلوح بروقها .

جنّبو دربي لو انّي في طريقٍ فاضي
‏خلّو الضايق يروح ودمعته في خدّه

‏وازهلوه الى لفاكم حال وجهه قاضي
‏لا احدٍ ينشد علام الوقت صايرٍ ضدّه

‏اتركوني في زماني لاهي ومتغاضي
‏واعفو الخاطر من اللي يوجعه ويحدّه

‏" البلا ماهوب في حزني ولا فـ امراضي
‏غير والله في ضميرٍ ماعرف وش ودّه "

وأنا من الناس يا سهلي ويا صعبي
‏ بحرٍ تشوفه ولا تقدر على غرفه

‏إليا تذكرت اللي كنت أعدّه لي رفيق وخشير
‏تشكّلت في ملامح وجهي من الخيبه قهر
‏ㅤㅤ
‏يا كيف يجفى وينسى وهالعمر كله قصير
‏ويا كيف أعدّي هقوتي وأعتبرها مجرد ممرّ
‏ㅤㅤ
‏وأنا لجل رفقته كنت أبدّل أحزانه بخير
‏ولو يطلب الحاجه تجيه ومسيّده فوق البشر .

أنا أكثر السكّات وأكثر من يسولف بالعيون
‏سعيد لأن أكثر خساراتي ما كانت من يدي

‏لولا الهقاوي .. ما عرفنا الصالحون السيئون
‏عيب الليالي ما تشين الا على "صدر أجودي"

‏صحيح من قال البشر ماهي على حسب الظنون
‏كنت أحسبك طيّب وتحسبني على ظنّك ردي