❤ وشآءت الأقدار ❤

بارت 75

وقت الظهر 🌞

في بيت حمزه 🏡..

أم حمزه : دخلت الديوان وعاده مندش 😱 ييوه عادهو هكذا والناس عيجوا بتداعي بنتها يييه مالش ماقد رفعتي...

أخت حمزه : جت لعندها .. مفعل اسكه قلوا لي تعبت كملت ارفع نازل ودخلت افعل الغداء 🍛🍲🍝و فعلت كيك والحلا 🧁🍧 للعصر باقي لي هانا بس اين أزيد أجي بروحي وبعدا المفروض قدنا عروسه ماعد افعلش عمل لو قد زوجتوا أخوتي إن انا الآن مفتهنه ومحجبه ..

أم حمزه : ضحكت 😂 وإحنا مانشتي نفعل لكن أخوش هرم مشو مبين مع إن انا متأكده إنه يشتيها كل تصرفاته بتقل هكذا..

أخت حمزه : لكن يا أمه ماتحاكاش ولا أصلا مبين إنه يعرفها هو لو نقوم نقل شي للبنت بس وهو يرجع يكسفنا ويحرجنا معاهم ..

أم حمزه : ماشي إطمني مش انا مجنونه أصلا اقلها شي هو بس سعم نتعرف ع أمها من كثر ماقد انتين صاحبات نتعارف ..

حمزه : وصل بيداعي .. يييه ياأمه جاووع عتغدوني إشتي أخرج سريع ..

أم حمزه : بتصيح له إطلع إطلع إحنا طالع ..

حمزه : طلع الدرج ... هيا مالهن متجمعات هانا مامعاكن وين الغداء ميت جوع أشتي تغدوني أخرج معي عمل ..

أخت حمزه : بإبتسامه خطيره مانفعل للحجه حقنا عينهم ع مزه عجبتهم وعزموها اليوم هي وأمها تجي يتعرفوا عليها 😜 ..

حمزه : بإستغراب 🤔 مززه مه وليش يتعرفوا عليها..

أخت حمزه : يشتوا يخطبوها لك 😉..

حمزه : تغيرت ملامح وجهه اكتبد 🙁 يخطبوا لي ماهو ولفت لأمه مشتيش أخطب احد أنا أصلا ...

أم حمزه : ضحكت هههه 😂 أنت أصلا ماهو حاطط عينك ع واحده قلي من هي وخلصني وأسير أخطبها لك والا والله مخطب لك الإ اللي في نفسي وأنت أخبر ..

حمزه : بضبح 😤 ماااهو اللي في نفسكم عتتزوجوا بها أنتوا أو كيف ..

اخت حمزه : ياحمزه هيا وافق عليها والله إن مريم حاليه وغمزت له 😉..

حمزه : إرتبك 😅 وبان ع وجهه الارتباك مرريم مه من مريم ..

أم حمزه : ضحكت 😂 مرريم اللي عزمتها من مريم اللي بتشتغل في الدار مع بنت خالتك قصدي اخت صاحبك صح انت قلت هكذا اوو مه لبنت خالتك ..

حمزه : 🤷🏻‍♂️ فعل بيده مدري مش وقت ذلحين هذا المجبر جاوع إشتي أكل شنزل أغرف لي وأتغدى وهرب للمطبخ🏃🏻‍♂️ ...

أم حمزه : ضحكت 😂 ولفتت لبنتها هيا صدقتي قلت لش قلبي حاسس إنه يشتيها ...

........ ....... ......

في سقطرى 🌊...

مايا : عادها قامت من النوم 🥱يوووسف إصحى نمنا كثير اوووف ضيعنا علينا خروجه حلوه من الصبح ..

يوسف : بيتقعم 🥱 ويمط يده ...صباح العسسسل ع أحلى عسل في الدنيا 🍯 ..

مايا : بتهزر البطانيه من فووقه .. يلله إصحى بدنا نطلع راحت علينا نومه ..

يوسف : اتصلي لعند سلاف والا أحمد إبسري أين هم قلي لهم هيا نسير نتغدى سمك قالوا السمك🐟 السقطري يجنن طعمه خيال لأن البحر صافي ونسير عند الدلافين 🐬 نتفرجهن ..

مايا : إبتسمت عن جد 🐬 دلافين يله هلا بكلم سلاف ونطلع .. مسكت تلفونها 📱 وبتتصلها ...

سلاف : في الغرفه جالسه ضابحه 😤 ماعاد كلمت أحمد من حين قفلت عليه الباب ..جاوبتها .. هاه مايا ماشي أنا في الغرفه أحمد مدري اين هو أصلا نزل أول ..

مايا : شووو وحياة الله إنتي مجنونه تتركيه لوحده الرجال عينه زايغه ماينترك لحاله أنا لو بموت ماراح أترك يوسف ينزل لحاله إذا ماعنده شغل مو مثلك أتركه لحاله وإحنا بشهر العسل ..

سلاف : بتحاكي نفسها 🤔 أي شهر عسل والله ما أنتي فاهمه شي .

يله خلاص قفلي وأنا شتصله 📱 واقله أمد ماتتجهزوا . غلقت وبتتصل لأحمد ...

أحمد : رد عليها 📱 يا حيا بالحانقه أخيرا قلبش حن ❤️... وعبرتيني قدنا خادم من كثر اللوى بين الشمس من الصبح 🌞..

سلاف : بتتحاكى وتحاول تبين إن مابش شي .. وليش أحنق أنت حر وقلت لك هذه حياتك تفعل اللي تشتي وأنا إتصلت أقلك مايا ويوسف يشتوا نخرج وأنا قلت أقلك علشان تتصرف معاهم لأن انا داريه إنك تشتي تخرج مع سهام ...

أحمد : ضحك 🤦🏻‍♂️ وخفع وجهه لاحول ولاقوة الإ بالله أين سهام هذه اللي أخرج معاها .. ياسلاف قووا أنا فدالش بطلي تتوهمي .. أقلش حاجه أنا شتصل ليوسف أقله أين أنا وجي معاهم أنا في مكان يجنن قووي 😍 وعنتفاهم لما تجي ..

....... ....... .......

في المعهد 🏢..

سلا : بتتحانب مع صاحبتها ماشي مع والله لما أحاكيهم اليوم بابا عيجوا لي يكفي وقت الإمتحانات قد تعبتكم ..

صاحبتها : إتصلي لهم هيا 📱 والله انه تعب يزيد يجوا لش وبطلي خباله أنتي أصلا ع طريقنا لاتتعبيهمش وبعدا هو بس اليوم تأخرنا جلسنا نراعي للطلبه علشان نختبر من بكره شاكن أمر لش الصبح والكل .

سلا : بعد كثر الإحراجات إتصلت📱 لأبوها وإستأذنت منه ..

غسان : جاء بيطرق بالسياره 🚗 إبسر سلا بتخطى مع أخته 👭 للسياره فرح 😁...

سلا : طلعت مع صاحبتها وجالسه ساكته ..

صاحبتها : بتجابرها من المعهد والبنات ..

غسان : عينه 👀 بتجي عليها من المرايه سرقه .. رجع شافها وركز ع ملامحها سواء لأول مره بدون مايحسسها ...

🌹meme_abdalgaleel



https://hottg.com/qesasanani/4825

❤ وشآءت الأقدار ❤

بارت 76

بعد العصر .

في بيت حمزه 🏡.

مريم : جالسه هي وأخت حمزه جنب بعض بيتفرجين فساتين 👗.

أم حمزه : لفتت لعند مريم وإبتسمت 😊 ذلحين يكفيكن عتمكنيها فساتين هانا وفي الدار ..

مريم : خزيت وحطت التلفون ☺️ حاضر ...

أم مريم : والله إنها هرمه هكذا حتى في البيت كودها هكذا فوق الفساتين والرسومات حقها جننتني في روحي حتى الأكل قدهي بتمكنها سندوتشات🌯🌭.

أم حمزه : يووه ما الاكل الله يعيننا عليهن حتى هذه الهرمه والكل كودي بينتصايح معاها تأكل سواء ..

أم مريم : أيووه صددق ماينفعش خاصه إن قد عرسها قريب ..

أم حمزه : لفتت لمريم 👀 وأنتي يامريم ماقد تشتيش تتزوجي ..

أم مريم : يوووه لو تبسري مابين افعل أنا وياها كودها بترفض أمانه عادهو جالها واحد لو تبسري ع رجال وبتحكي لها ..

أم حمزه : لفتت لعند مريم تقيس نبضها .. يوووه هذه ساع ابني حمزه جنني في روحي ولارضي يخليني أخطب له شكل عينه ع واحده بس لاهو اللي تحاكى ولا هو اللي خلاني اخطب له 😉 ...

مريم : تغيرت ملامحها وحمرت ☺️ غالطت ع طول مسكت تلفونها يووه نسيت ما اتصل لسلا ياماما بترسلي من أول شتصلها بسرعه ..

أم حمزه : ضحكت 😂 تأكدت ان بينهم شي ..

...... ...... ......

في سقطرى 🌊

سلاف : من حين وصلوا وهي بتحاول ماتكلمش أحمد أو تجلس جنبه سحبت لها كرسي 🪑 بعد ماكملوا يتغدوا وجالسه قدام البحر ..

مايا : بتتحانب هي ويوسف تشتي تدخل تتسبح 🌊..

يوسف : بطلي جنان أصلا لو ندخل مابش ملابس ماعملناش حسابنا مديناش شي من الفندق 🏢 ماشتحملش أجلس بملابسي وملوحه البحر في جسمي لما نروح ..

مايا : قلدت زاعله 😔 وخلست جزمتها 🥿 بتتمشى وسط البحر 🌊 ...

يوسف : جاء من وراها .. لك دخيلو الزعول يقبرني أنا 😜..

مايا : لفتت لعنده .. ودهفته للبحر 🌊 وبتضحك عليه 😂 قلي هلا شو راح يمنعك من السباحه صارت ملابسك كلها مبلله ...

يوسف : ضحك 😂 والله ماراحت لش والله لأوريش وقف وبيسحبها للبحر وينازفها ...

أحمد : قرب لعند سلاف وقف جنبها .. بتبسري العرسان كيفهم مبسوطين 😜 وإحنا كأن بيننا ثار ...

سلاف : لفتت له بربع عين 😏 وأنت ليش ماتنبسط قد قلت لك حاكي سهام وأخرج معاها ...

أحمد : رفع يده للسماء 🤲🏻 يارررب خارجني من هذه المجنوونه كيف أفهمها إن مابش بيني وبين سهام شي وإن انا بين احبها هي ..

سلاف : بتحاكي نفسها 🤔 يييه إشتحطي أنتي قلتي ماعاد عتحاكيه هو حر عيحسب إنش بتغيري ...

أحمد : إبتسم وبيتخيبل بعيونه🙄 هيا مالها مطننه أكيد بدأتي تفكري فيني وترحمي قلبي صح ❤️ ...

سلاف : ضحكت 😂 ترحمك سهام مش أنا اللي عتتزوج بها أنا بنت عمك بس ...

أحمد : مسك يدها وسحبها من الكرسي 🤝🏻 هيا ناهي يا بنت عمي جي نستبح وبيسحبها وحمل 🏃🏻‍♂️..

سلاف : بتصيح وهو بيسحبها مششتيش بس بطل ..

أحمد : ضحك 😂 ودخلها للبحر 🌊...

سلاف : شافت نفسها وسط البحر 🌊استسلمت ورجعت تتسبح وتعيش اللحظه ...

......... ....... ........

في الفندق 🏢..

سهام : نزلت للريسبشن وبتسألهم فين غرفه أحمد وإن غرفتها ماعجبتهاش إذا في غرفه جنب غرفه أحمد وسلاف تشتي جنبهم لأنها صاحبتها علشان يكونين قريبات يجلسين مع بعض ...

🌹meme_abdalgaleel



@qesasanani

❤ وشآءت الأقدار ❤

بارت 77

ثاني يوم ...

في بيت حمزه 🏡...

جالسين يتغدوا 🥘🍛🍲...

أبو حمزه : ذلحين يابنتي ماناقصش علشان تجهيزات العرس ...

اخت حمزه : لفتت له 👀 إشتي تخلوا العيال يشلوني أشوف القاعات وأحجز وباقي أحجز المغنيات والكوافير وأكمل الكسوه ...

اخو حمزه : الملعقه في يده بيأكل 🥄 أنتين البنات طلباتكن مابتكملش إحنا الرجال سيرنا اشترينا لنا أي شي وخطينا الطريق ..

حمزه : رفع يده 🙋🏻‍♂️ هيا ناهي لك قلك وخطينا الطريق ما أنا في عرسي والله إن انا شادلع نفسي وأتشرط وأفعل كل مافي نفسي .

أم حمزه : لفتت له وإبتسمت 😁 أنت غر أنوي بس وأعرف أحلى عرس وأحلى كسوه ..

أبو حمزه : ذلحين صدق يا ابني ماعاد به قدهو وقت نبسر لك مره قدك موظف وأختك قد عتتزوج نزوجك تجي واحده والكل بدل أختك تعاون أمك ..

أخت حمزه : ضحكت 😂 هيا بتسمع ياحمزه مايشتوا بابا بيهموا أمي بس مش علشان يزوجوك علشان يدوا أحد يساعد أمي مابش في حسهم إن انا شارحلي والا تتزوج تبني أسره أهم شي أمي ...

أبو حمزه : ضحك 😂 كان ماتشتي هي الأصل والا عتغيري من أمش ..

حمزه : الله يحفظكم الاثنين أنا إسهل ماقد إشتيش أتزوج لما قدنا إشتي أتزوج وبعدا شاقلكم ذلحين نكمل عرس أختي ..

أم حمزه : ماعليك من عرس أختك ولا تتعذر وأنا الصدق قد دخلت نفسي مريم قووي وأمها ماشاء الله عليها مره طيبه وأسره محترمه والصدق أنا أشتي أخطبها لك ماعتجلسش تمكنها مش وقت مش وقت ...

حمزه : إشترغ باللقمه 😅 وبيسعل اح اح اح ..

اخت حمزه : ضحكت 😂 وبتخفعه في ظهره ... هيا ماله إكتبد ..

أخو حمزه : قدوذا يشتوا يزوجوه ويودفوا به وبعدا ياجماعه افرضوا به احد في باله ماعتزوجوه هكذا ع ماتشتوا (طبعا هو عارف من هذك المره انه بيحب واحده ) ..

أبو حمزه : لو به أحد في نفسه يتحاكى والله مايجي الإسبوع الثاني الإ وقدهي خطيبته ..

حمزه : لفت لعند أبوه 😅 لاتصدقوش مابش أحد بس لو قد هذه البنت اللي إبسروا أمي عجبتهم وهم أسره كويسه يتوكلوا ع الله ويحاكوهم ...

أم حمزه : ضحكت هههه وغمزت له 😉 مانا ماعليا أهم شي لاقد عجبتك أنت ...

حمزه : إنحرج 😅 حط الأكل من يده يووه شتأخر معي موعد أنا شخطى لي وأنتوا أخبر ماتشتوا فعلتوا وقام خرج 🚶🏻‍♂️..

أخت حمزه : لفتت لأمها وضحكت 😂 خلاص يا أمه حاكوا أمها ...

أم حمزه : مع يابنتي عنراعي زيد شويه عيبه في حقهم يقلوا جوا عندنا أمس ونحاكيهم نشتي بنتهم ع طول عيقلوا ان احنا اديناهم علشان هذا الخبر شويه واحاكي أمها وقد عنعزمهم في عرسش والكل ومريم قدهي معش واصل علشان فساتينش 👗وكسوتش نقوي علاقتنا فيهم شويه ..

أبو حمزه : وأنا قلين لي بيت من هم وكيف ومه علشان أزيد أسال عليهم والكل ..

أخو حمزه : نزل يسأل حمزة طيب والبنت اللي بيحبها ❤️ قله إنها هي بس بيغالط ...

....... ....... .......

في سقطرى 🌊..

في الفندق 🏢..

سهام : غيرت غرفتها جنب أحمد وسلاف ..
كملت لبست وحطت مكياج💄 وتصلحت وتدلعت وتعطرت وفتحت باب الغرفه 🚪 حقها مراعيه تسمعهم لما يخرجوا ..

سلاف : في غرفتهم .. مشتيش أخرج اليوم إشتي أتصل لماما وسلا ومريم قدنا فاقده لهن ...

احمد : يله تمام براحتش أنا الصدق مقدرش أجلس في الغرفه عيجي لي ضيق باي فتح الباب وخرج 🚪...

سلاف : مسكت تلفونها تتصل 📱 وإن التغطيه ضعيفه قربت لجنب الطاقه نفس الشي .. يوووه أحمل ألحق أحمد بسرعه يراعي لي قبل ماينزل حملت للباب تفتحه 🚪 تدعيه قبل ماينزل ...

سهام : أول ماسمعت فتحة الباب حق غرفتهم 🚪 حملت تخرج تبسرهم وإنه احمد وحده فرحت 😄 خرجت ع طول بتداعيه ... أحمد يا احمد ...

أحمد : لفت لعندها 😨 يوووه مالش قدش هكذا رجعتي تتعرسي ..

سهام : ضحكت 😂 أصلا أنا تغيرت علشان شخص والشخص هذا فلتني خلاص أرجع لحياتي لمن أتغير..

أحمد : بضبح😤 علشان نفسش قبل مايكون علشان حد ..

سلاف : فتحت الباب 🚪 تشتي تدعيه شافتهم واقفين بتسمعهم 👂🏻..

سهام : بتقلد زاعله 😔 اصلا من بعدك ماعاد تهمنيش نفسي وخاصه بعد ماشفتك مع سلاف حسيت قلبي أنكسر يا أحمد أنت حقي قبلها ...

أحمد : ماحبش أحد إنه يطول في الكلام او أحد يمشي ويشوفه واقف معاها ...لفت لعندها 😤 بضبح يله ادخلي إمسحي الشخبطه اللي في وجهش والبسي ساع الناس أنتي وسط جزيره ..

سهام : بدلع🥰 .. طيب علشانك بس شادخل أغير لبسي كله الإ زعلك ...

سلاف : بتتفرجهم وسمعت الكلام حست بقهر وضبح عصبت 😠 ورزعت الباب 🚪 بقوه ..

أحمد: سمع👂🏻 الرزعه حق الباب 🚪 لفت بسرعه عرف إنها سمعتهم وحمل بسرعه يدقدق لها ✊🏻...

سهام : فرحت ورمشت بعيونها 😌 وضحكت هههه بداايه حلووه والله لأخربها عليك يا أحمد ...

أحمد : بيدق الباب ✊🏻 سلاف ..

سلاف : جالسه فوق السرير وبتهز رجلها معصبه 😠 والله ماافتح له يسير يخرج معاها بس ليش بيكذب لييش مش انا غاصبه له يحبني ولا أشتي يحبني بس لايكذبش قد قلت له يعيش حياته بمزاجه بس ليش بيقلي أنه يكرهها الصدق أنا شاقله لما نرجع يسير يتزوجها ويخرج بيت وحده وأنا أعيش في بيت عمي وبس ..

أحمد : جالس يدقدق الباب 🚪 بضبح 😤 ييه سلاف ببنت افتحي عيسمعونا الناس ...

سلاف : أنا ليش أصلا مغلقه طز المفروض افتح هو أصلا عادي يحب من يشتي قامت وفتحت له الباب وخطيت 🚶‍♀️.

أحمد : مسكها من يدها 🤝🏻 يييه إسمعيني ...

سلاف : لفتت له بإبتسامه 😊 مالك ماأسمع وبعدا ليش رجعت بسرعه ..

أحمد : 🤨 عقد حاجبه مشو وقت الظرافه والخباله ذلحين أنا داري إنش سمعتيني أنا وسهام ...

سلاف : بتقلد حركه إستغراب 😳 سهاام كيف سمعتك أنت وسهام ..

أحمد : ضبح 😤 خفع رجله بيددده👊🏻 أووووف سلاف مش وقت الإستغباء ذلحين أنا داري إنش كنتي واقفه عند الباب خليني أشرح لش ..

سلاف : بإبتسامه 😄 ماتشرح لي وبعدا مادخلني أنا قد قلت لك أنت حر هذه حياتك إفعل اللي تشتي إحنا تزوجنا بهذا الشرط ومابش لي دخل في حياتك بس لاتكنش تكذب وضحكت مسكت تلفونها 📱 اووه قد فيه تغطيه اتصل لماما فتحته وأتصلت لأمها وقربت جنب الطاقه ...

أحمد : ضبح من تصرفها خلس الجاكت حقه 🧥 ورجمه للأرض اووووف وفتح التلفزيون يتفرج ...

🌹meme_abdalgaleel



@qesasanani

❤ وشآءت الأقدار ❤

بارت 78

في بيت هاشم 🏡..

بعد ماأميره غلقت مع سلاف لفتت لعند سميره كان متغديه عندهم ..👀 مدري مالها صوتها مشو عاجب لي أعرف بنتي لما مش هي مرتاحه ...

سميره :حطت الكيكه 🥧 من يدها يوووه كيف مش هي مرتاحه ماشاء الله عليه أحمد إبسرتي كيف مابيسخى عليها وهي بنت عمه عاد عيسخى عليها وهي مرته ...

أميره : يووه مع ما أحمد أنا فداله بس لو قد الناس عيوقعوا مثله بس صوتها ماعجبنيش كأن هي زاعله يمكن عادها مش هي متقبله الوضع الجديد والله ماعد دري حالي أنتي داريه شاخلي سلا والا مريم يتصلين لها📱 يجابرنها لو عيفهمين منها شي ..

سميره : أقلش خليني لما أروح وأنا شتصل لأحمد 📱 وأجابره عادي وشبسر لو به شي ..

أميره : أيوه قوى أنا فدالش طمني قلبي ..

....... ....... ........

في غرفتها ...

سلا : جالسه هي ومريم بياكلين بطاطس وجعاله 🍫🍫 يامريم والله إنش مجنونه أصلا باين من تصرفاته كلها إنه بيحبش ❤️..

مريم : بضبح 😤 أووووف ياسلا كيف بيحبني كيف وهو بيفعل هكذا يوم أحسه بيحبني و١٠ أيام ماشي وبعدا لو بيحبني كيف يقلي وافقي وتزوجي ..

سلا : أنتي داريه هيا والله إنه بيحبش ❤️ بس مغرور وزناط ويشتيها تجي منش مايشتيش يصارحش لاتصرعيه ..

مريم : ضحكت 😂 ياسلاااااام تجي مني أنا خايف يصترع هو الرجال ومشو خايف أصترع أنا ...

سلا : أنتي داريه أنا حاسه إن عزومه أمه لش أنتي وخاله مش من فراغ وإن في رآسها حاجه خاصه حين كانت تلمح لش بالكلام أنتي حاولي تتقربي من أخته وتفهمي منها بطريقه غير مباشره ..

مريم : فررحت 😍 صدددق يعني أتفاءل ..

سلا : أيووه ع ضمانتي أتفاءلي وهذه الفتره دعمميه ولاعاد تكلميه من مره ...

....... ....... ........

الليل 🌚

في سقطرى 🌊..

احمد :جالس ممدد فوق الكنبه🛋️ بيحاكى التلفون 📱 لالا يايوسف اتعشوا أنتوا ماعنجيش شبسر سلاف ماتشتي وشاخليهم هانا في الفندق يطلعوا لها أنا شابع ..

سلاف: فوق السرير مرتزحه حاطه رجل ع رجل وفي يدها التلفون بتلعب 📱 سمعته ردت عليه شاابعه مشتيش عشاء لاتطلب شي ...

أحمد : بعد ماغلق من يوسف 📱 لفت لها بضبح 😤 أيووه لاغداء ولاعشاء صح ..

سلاف : بترد وهي بتلعب بالتلفون 📱 مش معبره له ..

أحمد : عصب وعقد حواجبه 🤨 وقام من الكنبه قرب لجنبها سحب التلفون من يدها 📱 أنا من بين احاكي ..

سلاف : ضبحت منه 😤 وبتهزر التلفون منه .. اوووف منك ماتمسك تلفوني ...

أحمد : ركز إن خلفيه التلفون صوره خالد لفت لعندها👀 . . الله يرحمه والله ان ربي رحمه منش ع هذا العناد كنتي عتقرحي قلبه .

سلاف : ذكرت خالد لما كان يقلها يووه كيف بتقرحي قلبي تشارغين عيونها 🥺 بالدموع لفتت بعصبيه لعند احمد ماعليك منه لاتذكره ...

أحمد : ضبح منها 😤 أنتي اليوم مجنونه قووي أنا شنزل أشم شويه هواء عند البحر 🌊 أخليش تهدأي ...

ع خرجته من الغرفه تلفونه رن 📱جاوب وإنها سميره ..

أحمد : بصوت باين إنه ضابح 😤 حيا ياعمه كيف أنتوا ...

سميره : حيا بروحي كيف أنت وكيف سلافي ..

أحمد : بيحاول يغالط الحمدلله كلنا بخير ..

سميره : متأكد إن انتوا بخير كان ماله صوتك هكذا وعمتك قالت إن سلاف والكل صوتها مشو عاجب لها مالكم في شي ..

أحمد : بيحاكيها وهو بينزل 📱 خرج من الفندق وهو قدام البحر 🌊 سار جلس قدام البحر وبيحكي لها كل شي من أول إتفاقهم إنهم يكونوا أخوه واللي حصل مع سهام وإنه صدق بيحبها وهي مش راضيه تصدقه وطلب منها ماتكلمش أحد...

سميره : حطت يدها ع وشها 😱يوووه ومنكم صدق بتكذبوا علينا وأنتوا متفقين هكذا ..

أحمد : ياعمه مفعل إسكه قلوا لي والله ماسخيت أزعل عمي ولا سخيت عليها وفوق هذا والله ان انا بين احبها ❤️..

سميره : أنت داري خطرت في بالي فكره 🤔 وبتحكي له الفكره ..

أحمد : ضحك 😂 والله إن عمتي ذكييه جبر الخطيره حقنا 😘...

سميره : ضحكت 😂 هيا من اللقانه يله إسمع علشان نتفق سواء...

الله الله إيش الفكره اللي في راسش ياسميره😉..

🌹meme_abdalgaleel


https://hottg.com/qesasanani/4825


@qesasanani

❤ وشآءت الأقدار ❤

بارت 79

بعد يومين ...

ماكان في شي أحداث مهمه ..

في بيت صاحبه سلا 🏡...

غسان : دخل وهو فارح 😃 طلعت نتيجته طلع سنه ثالثه بيداعي يا أمه باركوا لي نجحت ..

أمه : هيا ألف مبروك 😃 عقبال ماتتخرج وتشل شهادتك ياارب ..

غسان : رفع يده 🤲🏻 أمين ياررب .. ذلحين أين اختي أعزمها اليوم ماتشتي ...

صاحبه سلا : كانت في غرفتها سمعته 👂🏻 خرجت بين اسمع عزومه 😁 ماعتعزمني ..

غسان : أشلش أين ماتشتي أغديش ..

صاحبه سلا : للآسف اليوم ماعينفعش 😅 سلا عتجي عندي العصر ..

غسان : إبتسم 🙂 خلاص شعزمش أنتي وهي وأشتري لكن حلويات وجعاله واللي تشتي كله ..

صاحبه سلا : فررحت وباسته 😘 أنا فداله أخي هذا الحالي الله ينجحك يوميه هيا جي بعدي للغرفه أكتب لك في ورقه ما أشتي من حاجات تشتري لنا ...

...... ........ ........

في سقطرى 🌊...

فوق القارب 🛶...

مايا : يا الله ما أحلاهن وبتمد يدها تلاعب الدلافين 🐬...

يوسف : بيلاعبهن 🐬 ويطافش مايا بالماء حق البحر 🌊..

مايا : بتضحك 😂 .. يوسف يصير ناخذ معنا عالبيت يجنننوا كثير ...

يوسف : بيضحك 😂 أيووه نشله ونحطه في البانيو حق الحمام عاد شي معش عقل ههههه ...

سلاف : جالسه في طرف القارب وحدها منزله يدها بتعس الماء 🌊 وتتفرج الدلافين 🐬...

أحمد : قرب لجنبها جلس بيحاكيها بصوت واطي .. ممكن قدامهم تمثلي سواء مشو حالي اللي بتفعليه ..

سلاف : لفتت له وإبتسمت 😊 ليش ضروري نكون مثلهم ضحك ولعب ..

أحمد : ع الأقل يحسب الله وإحنا عرسان قدامهم وجايين شهر عسل ننبسط ..

سلاف : محد منعك تنبسط أول مانروح أخرج انت وسهام وغمزت له 😉 ...

أحمد : ضبح منها 😤 بعد التيشرت 👕 من فوقه وقفز للبحر يسبح مع الدلافين 🐬..

مايا : واااااو يجنن 😍 كثير حلو ..

يوسف : إبسره قفز تشجع وقفز جنبه 🌊 وبيلعب مع الدلافين ويتسيمخ قدام مايا .

مايا : مبسوطه 😊 وبتصوره 📷..

احمد : قرب لجنب القارب 🛶 لجنب سلاف مسكه وبيحاكيها ذلحين لو أموت نفسي علشان أثبت لش أن انا بين احبش ❤️ عتصدقي ...

سلاف : ضحكت هههه😂 ماشي ماشصدقش ..

أحمد : طيب حاضر وغطس تحت الماء 🌊...

سلاف : مطنشه له وقامت تجلس فالجهه الثانيه في القارب 🛶 حسبته بيمزح .

أحمد : بيقلد إنه بيغرق 🌊 ..

مايا : صاحت😨 يوووسف أحمد عم يغرق ...

يوسف : سبح لعنده 🌊 يطلعه ..

سواق القارب : قفز والكل يساعده ..

سلاف : افتجعت وبتبكي 😭 حست انها السبب قربت لطرف القارب وبتصيح ..

يوسف : طلع أحمد هو والسواق للقارب 🛶 وماسك له ..

سلاف : قربت لجنبه بتبكي 😭 كيف قدك ...

أحمد : بيقلد إنه تاعب وبيقشط برد ..

سلاف : بتبكي 😭 وكانت لابسه شال بعدته ودفته به ..

أحمد : بيضحك من داخله 😂 وبيحاكي نفسه يله عيس إبكي عادش وعاد لما تستلمي ..

سلاف : بتحاكي مايا تمكنها حقه التيشرت جنبها تلبسه 👕...

مايا : مكنتها التيشرت 👕 ..

سلاف : شلت التيشرت وبتتلبسه هي ويوسف بيسنده ...

سواق القارب : بيرجع بهم للشاطى 🛶...

🌹meme_abdalgaleel



@qesasanani

❤ وشآءت الأقدار ❤

بارت 80

بعد العصر ...

في السوق ...

اخت حمزه : ماشيه وفي يدها أكياس حطتهن في الأرض جي نجلس هانا شويه نشرب عصير 🍹 قدنا تاعبه ..

جلست ولفتت لعند مريم 👀 أنا آسفه قووي يامريم قد بين اشغلش معي قووي ..

مريم : إسهل ياروحي مابش شي وبعدا مافعلت حين قد خرجت معش اليوم ...

أخت حمزه : أصلا الصدق ذوقش بيعجبني قووي وماما ذوقهم مختلف عني يشتوا الا زنين وأشياء مطرزه وأنا مايعجبنيش لو به معي أخت إن انا ماشغلتش معي ..

مريم : إخص عليش وأنا إعتبريني أختش والا ماتشتيش ...

أخت حمزه : إبتسمت 😊 والله إن انا إشتي ونص ونفسي اليوم قبل بكره ..

مريم : بإستغراب ليش نفسش اليوم قبل بكره اعتبريني أختش من اليوم ...

اخت حمزه : تشتي تسألها تقيس نبضها تعرف رأيها.. يامريم ممكن أسالش سؤال ....

مريم : سحبت الكرسي لاوراء 🪑وهي جالسه إتفضلي ياروحي ..

أخت حمزه : ليش رفضتي العرسان اللي قالوا خاله أمانه قلي لي أنتي قلتي أنا أختش به أحد في بالش بترفضي علشانه ...

مريم : إرتبكت 😅 هاه ماشي ماشي أنا بس ماقد أشتيش أتزوج عادنا الا بدأت أشتهر ...

أخت حمزه : يعني لو أشتي أخطبش لأخي حمزه ماعتوافقيش 😔...

مريم : حست قلبها بيدق بسرعه ❤️ وارتبشت مادريت ماتقل .. يووه ماله هذا تاخر مازد إداش العصير أمانه قد شاموت عطش ..

....... ....... .......

في ببت صاحبه سلا 🏡..

سلا : بتضحك عليها 😂 ماهو هذا كله يامفجوعه كم قد عنأكل ...

صاحبتها : ضحكت 😂 ههه خليني حين قد تسلبطت اليوم غسان نجح قال عيعزمني غداء قلت له مع يشتري الحاجات أنتي عتجي عندي بدل العزومه سار يشترى هذولا كلهن من نفسه إحمدي الله دلعنا ...

سلا : إبتسمت لها ☺️ هنيت لش حين معش أخ كان نفسي ومعي أخ عيال عمي صدق بين اعتبرهم أخوتي بس حالي لما معش اخ فالبيت وتدلعي عليه زيد ماذلحين سلاف تزوجت وإن البيت فضي عليا كودي ضابحه ...

صاحبه سلا : قد قلت لش كون جي عندي لاتجلسيش وحدش ..

سلا: قدوذا جيت .. معش بطه والا أي شي نلعب ...

صاحبه سلا : أقلش جي ندخل غرفه غسان نلعب بحقه البلايستيشن ..

سلا: يله تمام وقامت معاها ...

صاحبه سلا : فتحت البلايستيشن .. هاه ابسري اي لعبه عتختاري وأنا أسير أدي لنا الجعاله هانا وخرجت تديهن 🚶‍♀️...

غسان : دخل وهو راكن إنهن فالديوان دخل ع طول طريق غرفته نسي تلفونه📱 رجع له شاف باب غرفته مفتوح يشتي يدخل شاف سلا داخل مقفيه خزي😊 ورجع ع طول قبل ماتبسره وخرج بسرعه من البيت ..

....... ...... ........

الليل 🌚

في سقطرى 🌊..

في غرفتهم ...

أحمد : ممدد فوق السرير 🛌🏻 بيقلد مريض وبيعطس🤧 ..

سلاف : ادت له ليمون دافي طلبته من الفندق 🏢 بارد أزيد أدفيك ..

أحمد : بيقلد صوت تاعب 🤧 ويعطس ماشي اصلا قد شنزل من السرير علشان ترقدي شنزل الكنبه ..

سلاف : بزعل 😔 ماشي مابش كنبه اليوم أنت مريض أنا شرقد أنا فوق الكنبه 🛋️..

أحمد : هز رآسه طيب وبيحاكي نفسه 😁 جربي نومه الكنبه اليوم ..

سلاف : شلت لها مخده وبطانيه وفرشتهن ورقدت فوق الكنبه 🛋️..

أحمد : خلاها شويه ودعاها .. سلااااف ...

سلاف : بعدت البطانيه من فوقها ..ولفتت له👀 هاااه مالك تاعب ..

أحمد : أحبش قوووي ❤️...

سلاف : ابسرته بربع عين 😏 الكذب مشو حالي ورجعت غطت وشها بالبطانيه ..

أحمد : إبتسم🙂 من حركتها وقلد ضابح 😤 خلاص تمام أنا كذاب وكنت شاموت نفسي كذب ومدام كذاب ليش بكيتي عليا لكن خلاص تمام صح أنا ما أحبش وشفعل اللي تشتي قفى وجهه ورقد 😴..

سلاف : حاولت ترقد فوق الكنبه 😴 ماقدرتش جلست تتقلب يمين وشمال ضبحت رجعت قامت سحبت وسادتها وبطانيتها ورقدت في طرف السرير 🛌🏻..

أحمد : حس عليها وقرر يفعل يزيد يفعل نفسه يومين مريض علشان تتعود ترقد في السرير 🛌🏻...

🌹meme_abdalgaleel



@qesasanani

❤ وشآءت الأقدار ❤

بارت 81

بعد ٣ أيام ...

في بيت هاشم 🏡.

أميره : دخلت المطبخ تفعل الغداء 🍛🍲.. بتشم المطبخ شووعه يوووه مال المطبخ شمه هكذا وبتغطي وجهها 😷 من الشم هذا شكله فار🐁 ميت والا ماهو ..

فتحت دولاب المنظفات وخرجتهن وبتغسل المطبخ وبتدور تحت الدواليب ...

سلا : فتحت الباب🚪 رجعت من المعهد بتشم البيت كله منظفات ااااف ماهو هذا .. ياماما أين أنتوا ...

أميره : بتداعيها من المطبخ أنا هانا فالمطبخ جي يابنتي قووى إتصلي📱 لأبوش قلي له يشترى غداء من السوق حين يروح ...

سلا : وقفت إبسرتها يوووه 😱 مالكم ماله المطبخ قدهو معفوس هكذا ..

أميره : مدري ماله شمه شوعه شكله به فأر ميت بس ولا لقيته قد قلبت المطبخ كله قلب وفعلت هذه المنظفات لالقيت الفأر 🐁 ولاسار الشم ...

سلا : أين شم فأر ياماما الله يهديكم قد شم البيت كله يطفح من حين فتحت باب البيت 🚪 هيا بس يكفيكم إخرجوا عتختنقوا وأنا شتصل لبابا يشتروا معاهم غداء 🍛🍲 وأبدل وأجي أكمل أنظفه ...

......... ......... .........

في بيت مريم 🏡...

أم مريم : بتصيح فوقها 😡 هيا ناهي لكن من الجنان قدش سوق واصل أنتي وياها ماعد بين ابسرش والله لو هي إختش ماتفعلي هكذا عادش وصلتي من المعمل وذلحين عتخرجي معاها ..

مريم : بتلبس الطرحه قبال المرايه مفعل ياماما إتصلت لي إحرجتني قوى 😊 قالت المره إتصلت لها البضاعه وصلت واذا ماجت ذلحين عتبيعيهن لأن الزباين مراعيات وهي اتصلت لها الاوله لأنها عروسه ..

أم مريم : كان زيد اتغدي كلي حتى لقمه ..

مريم : إسهل لما ارجع ماعنتأخرش قدهي فالطريق عتمر لي ماقد كملت كلامها الا وتلفونها بيرن 📱 يله باي باي قدهي خارج ..

خرجت وشافت سياره حمزه 🚗 إكتبدت 😅 في نفسها حسبش الله قلتي عيوصلنا أبوش .. فتحت باب السياره وطلعت سلام عليكم ...

اخت حمزه : جالسه قدام حيا حيا 😁 وعليكم السلام كيف انتي..

مريم : بصوت واطي الحمدلله وجلست ساكته ..

حمزه : بيضحك بينه وبين نفسه 😂 الله والأدب أين لسانش الطويل .. إبسر بنت بتسوق 🚗 لفت لعند أخته أنتي داريه مره كنت موقف في مول ومانزلت الا وبه واحده قد صدمت سيارتي لو تبسري كيف كانت هبلاء ماتقدرش تريوس وبيضحك هههه😂 المفروض البنات مايدوا لهن سيارات ..

أخت حمزه : بطل ياحمزه مالك ع البنات والله انهن أحرف منكم بس أنتوا أصلا سواقتكم همجيه (تشتي تشارك مريم معاهم فالحوار علشان تقربها من حمزه ) صح يامريم أن سواقه البنات أحسن سواقه ...

مريم : حاولت تمسك نفسها لاتضحك 😊 مدري وسكتت ..

حمزه : لفت لعند أخته 👀 ذلحين خرجتيني وماقد تغديت ويعلم الله هذه المخلوقه قد اكلت أو مع سحبتينا هكذا ..

أخت حمزه : ناهي وأنت كلنا بدون أكل وبعدا أنا عروسه المفروض تقول أول مانخرج من عند المره هذه شاغديش ..

حمزه : إبتسم وإبسر مريم من المرايه موافق نخرج وأعزمكن ع حسابي 😉..

مريم : لالا شكرا أنا قد أكلت ..

أخت حمزه : لفت رآسها لعندها هييا لكن من التعزاز قلك قد أكلت حين قد خرجت عزومه من هذا البخيل عنخليه يشتري لنا سندوتشات 🍔 برغر ..

حمزه : وهو بيفتح أغاني 🎼 هيا ناهي قلك برغر أحمدي الله لو قد ششتري لكن بطاط هههه 😜...

مريم : موطيه بتضحك سكته 😅 متحلفه له لما تروح وعتوريه اللقانه .

...... ....... ........

في سقطرى 🌊..

أحمد : عجبته فكره😇 إنه مريض علشان لايخرج من الغرفه وسلاف تجلس معاه وترقد فوق السرير .

سهام : سارت بتدقدق ✊🏻 عليهم الغرفه ..

سلاف : لبست و فتحت الباب حسبته موظف الفندق ادى الغداء 🍱 إبسرتها إستغربت مالش ...

سهام : دخلت ع طول 🚶‍♀️ يوووه يا أحمد مريض ولاتقلي قلقتني عليك ...

أحمد : كان ممدد فوق السرير 🛌🏻 شافها جلس ع طول 😨 مااهو اقلش ليش مالش من الجنان ماهو هذا ..

سلاف : لفتت له بربع عين وعوجت فمها 😏 يوووه ياسهام لو أنا داريه إنه ماقلش إن انا قلت لش أنا كله الإ قلقش..

سهام : حست انها قهرتها فرحت 😁 بتحاكي نفسها الله أحلى تصرف فعلته خليه ماذلحين يدور كيف يبرر لها وقدنا عنده بين اطمن عليه والله لاخليها تفلتك ...

أحمد : بعصبيه 😠 يييه ماهي هذه قلة الأدب كيف تدخلي هكذا وبعدا ليش تقلقي عليا لو سمحتي ممكن تخرجي ...

سهام : بدلع ☺️ إسهل إسهل سلاف هي داريه إنك بتحبني وكل شي عندها حتى صورنا مع بعض ...

أحمد : اقتلبت صورته 😡 ورفع صوته صوور ايش أنتي مابتقلي لوسمحتي أخرجي من هانا ولاعاد اشتي أشوفش ...

سلاف : لأول مره حست إحساس مش فاهمه له ❤‍🔥 بس نفسها تقوم تضربها وتخرجها من الغرفه وتبكي بس مسكت دموعها بالغصب 🥺 لالا ليش تخرج أنا اللي شخرج أول مانروح وأنتوا تزوجوا لاتنسى اتفاقنا أنا شاسير لعند مايا وخرجت 🚶‍♀️...

أحمد : وقف وبيصيح 😡 يله من هانا إخرجي قلت لش أنتي عديمة إحساس والا آيش مابتفهميش أنا إحترمتش وماسخيت أكسر قلبش وقلت أعاملش أخت بس ماتستاهليش مابتدوري تخربي بيتي يله برع من هانا ..

سهام : بتتفرجه وبتضحك 🤣 وخرجت وهي بتغني ...

سلاف : نزلت ع طول جلست تتمشى في الجزيره وتبكي 😭...

حسبي الله ونعم الوكيل فيش ياسهام ماصدقنا إن أحمد بدأ يتقرب من سلاف جيتي خربتيها علينا 😡

🌹meme_abdalgaleel



https://hottg.com/qesasanani/4825



@qesasanani

❤ وشآءت الأقدار ❤

بارت 82

ثاني يوم الصبح 🌞 ...

سلاف : قامت جهزت شنطتها 🧳 وجالسه فوق الكنبه🛋️ مراعيه لما يقوم أحمد ...

أحمد : نكز من النوم 🥱 بيتقعم شاف الشنطه 🧳 قدامه .. وهذه مالها ...

سلاف : بضبح 😤 إشتي أرجع .

أحمد : بعد البطانيه وقام من السرير لاحول ولاقوة الإ بالله وسار يجلس جنبها فالكنبه 🛋️ ياسلاف المفروض ماتصدقيش سهام أنتي داريه إنها مش تمام من أول ماحاكيتش عنها من قبل حتى ماتعرفيها ياسلاف أقسم بالله ما أنا داري ليش بتفعل هكذا ولا ماهو غرضها صح هي قالت لي إنها تحبني بس والله ماسايرتها ولا بيننا شي ...

سلاف : بضبح 😤 أيوه صح مابش بينكم شي وهذا ماهو فتحت تلفونها 📱 وبتوريه الصور ..

أحمد : بيبسرهن 😳 يوووه ع واحده هذا يوم عيد ميلادها خلت من يصورنا إسمعيني والله ماجلست ان انا مكنتها الهديه لانها فعلت لي فيلم هندي لو ما اجيش ..

سلاف : قامت من الكنبه 🛋️ أنت حر يا أحمد وقد قلت لك عيش حياتك كأن انا مش موجوده حتى لو تتزوج أنا اللي قهرني وزعلني الكذب ليش بتكذب بس والا عادي كنت عتقلي إنك بتحبها بس لاتمكنيش إنك بتحبني وأنت تزوجت بي علشان بابا وأنا داريه .

أحمد : خفع وجهه بيده 🤦🏻‍♂️ والله إن انا أحبش كيف أثبت لش لكن خلاص تمام بعدش شاعيش حياتي من اليوم وأوعدش شادور لي عروسه وأبسر واحده ثانيه علشان ترتاحي وأكون نفذت وعدي أنتي تعيشي ع ذكرى خالد وأنا أعيش حياتي واتزوج ..مشي لجنب السرير🛏️ شل تلفونه 📱وبيتصل أذا به رحله يسافروا ...

........ ........ ........

وقت الظهر 🌞

في بيت هاشم 🏠...

أميره : راقده في سابع نوم 😴 .

هاشم : رجع من خارج إبسرها راقده يووه🤔 مالها هذه بيقيمها أميرره يييه ..

أميره : نكزت من النوم عين مفتوحه 👁️ وعين مغلقه .. هاااه ..

هاشم : مااهو هااه مالش مريضه اومه راقده😴 لذلحين ..

أميره : مدري مالي مشتيش أقوم منعسه إشتي أرقد 🥱 وبتتقعم ..

هاشم : واقف جنب السرير 🛏️ ضحك هههه 🤣 ناهي أرقدي ارقدي ..

أميره : بضبح 😤 مالك بتضحك عليا مايوقع لو رقدت يحسب الله وأنا كل هذه السنين بين اقوم بدري ...

هاشم : ضحك ولاشي 🤣 أمس فأر ميت واليوم تشتي ترقدي .. خرج تلفونه 📱 بيتصل لعند سميره ..

سميره : ياحيا بأخي .. كيف أنت 🙂...

هاشم : لش الحياه الحمدلله بخير قلي لي كيف كانت عيافه أميره بحملها بسلا تذكري 😅...

اميره : لفتت له 😠 بعصبيه ماااهو مابتقل عيافه مه ...

سميره : ماذكرك قد نسينا بس كان كودها راقده واصل 😴 وبتشم الدنيا كلها جيفه ...

هاشم : ضحك 🤣 كان هيا إقطبي جي شلي مره اخوش وسيرين عند الدكتوره والله إن شكل مره أخوش حامل ...

سميره : فرحت 😁 صددق ع طول إبشر أغدي زوجي والجهال وعصر وأنا عندكم ..

أميره : بعصبيه 😠 مااهو من الخباله حقك حمل مه مش انا حامل ماهو التبداع تتصل لسميره ودكتوره مه أنا منعسه بس ...

سلا : ع وصلتها روحت من المعهد سمعتهم فرحت 😁 دخلت ع طول لعندهم صددق قلوا والله ...

هاشم : حط يده ع كتف سلا وابتسم 😃 شكله والله وع الله ....

اميره : نزلت من السرير 🛏️ وبضبح 😤 ماااشي والله مابه شي بطلوا خباله اخطى افعلكم غداء بسرعه ...

هاشم : مسكها من يدها 🤝🏻 وابتسم 😊 اجلسي اجلسي عنطلب لنا مافي نفس روحي ماخاوره أشتري لها وغمز لها 😉...

أميره : ضبحت منهم 😤اووووف منكم ورجعت ترقد وغطت وجهها بالبطانيه ..

هاشم : ضحك 🤣 ومسك سلا وخرجوا يتصلوا يطلبوا غداء ...

....... ....... .........

في بيت حمزه 🏠...

فوق الغداء 🍱...

ابو حمزه : بيحاكي التلفون 📱 حيا بكم ترحبوا الله يتمم ع خير خلاص منتظر لكم العصر إن شاء الله ...

أم حمزه : بتتفرجه بتسأله من 🤔..

أبو حمزه : غلق التلفون 📱 هيا جهزين الديوان ولفت لعند بنته عيجوا اليوم اهل خطيبش قالوا يشتوا يعقدوا اليوم والعشي يشتي يدخل يبسرش عيجين أمه وخواته والكل ...

أخت حمزه : إرتبشت 😅 مااهو يبسرني كييفه ماشي مش اليوم ماشلحقش إشتي أسير عند كوافير واتصلح ماهو يدخل ع هذه الشعفله والله لايفتجع ...

أخو حمزه : ضحك هههه 🤣 خليه يبسرش ع حقيقتش مش تغالطيه بنص كيلو المكياج اللي بتفعلنه لابعد العرس ويكتشفوا الحقيقه المره ...

حمزه : ضحك هههه 🤣 والله انه صدق لكن الحمدلله انا قد نجيت اللي يشتوها امي قد إبسرتها بغير مكياج ...

أخو حمزه : لفت لعنده وغمز له 😉 اللي يشتوها امي هاه ..

حمزه : دكمه بيده 👊🏻 وغالط ذلحين هيا أقطبي لو تشتي اوصلش عند الكوافير..

أم حمزه : ماشي ولا ماتشتيش كوافير ولا إتصلي لمريم تجي معش وخليها تسبرش ماشاء الله عليها بتسبر نفسها حالي ومكياج خفيف وبس لاتزيديش الجنان ..

اخت حمزه : يله الآن وخرجت تلفونها وخطيت تتصل لها 📱..

نقوول مبرررروك لأميره والا نراعي لكلام الدكتوره 😉 ...

إبتدأت العشر الأواخر عشر العتق من النار اذكروني في دعائكم وأكثروا من العبادات أيام فضيله وإذا تأخرت عليكم سامحوني أيام فضيله وأيام عيد قد أنتوا اخبر 😅 لاتنسوني من الدعاء ...

🌹meme_abdalgaleel



@qesasanani

❤ وشآءت الأقدار ❤

بارت 83

بعد آسبوع ...

في بيت هاشم 🏠..

سميره : جت تبسر أميره تاعبه معيفه مع الحمل 😍 سمعت صوت أحمد قامت لعنده بتحاكيه دلا ذلحين ماهو الجنان هذا ليش ماتروح مرتك من حين جيتوا وهي هانا ماينفعش ..

أحمد : ياعمه ماافعل مارضيتش قدوذا بتبسروا قالت ماعتفلتش عمتي تاعبين وسلا في المعهد أو با الأصح هو قدهو عذر علشان تجلس هانا ..

سميره : قلت لك تبدأ الخطه ماصدقتنيش ..

أحمد : أي حين إسكه قلوا لي قلت قدهي كانت سابره حين غرقت في البحر 🌊 وفرحت وإن سهام حسبي الله فيها جت خربت الدنيا كلها ومن حين وصلنا وهي هانا ..

سميره : خلاص من اليوم إبداها وأنا شدخل أحاكيها بشويه كلام يبدأ يبرقطها ..

أحمد : إبتسم 🙃 ع الله ولو انه مايقطع فيها قاطع ...

سميره : دخلت لعند سلاف للمطبخ ..

سلاف : رابطه شعرها بتفعل الأكل 🍲🍛..

سميره : دخلت لعندها 😁 هيا مه ياعروستنا عجبتش الجلسه هانا ...

سلاف : لفتت لعندها 👀 كانت مقفيه ابتسمت 😊 ماما مريضيين كيف أفلتهم ..

سميره : مع من قال لاتفلتيهاش ماسخانا عليها لكن كون روحي أرقدي عند زوجش المره ماتفلتش زوجها وبعدا عادش عروسه ابسري يوسف ومريم مااحلاهم عصافير 🐦 وأنتوا كل واحد في بيت مايسبرش يابنتي أنا داريه إن زواجش باأحمد جاء فجأة وكنتي تعتبريه أخوش بس خلاص قدهو زوجش ولازم تنتبهي له ..

سلاف : ابتسمت 😊 أمورنا تمام لاتقلقوش ..

سميره : أقلش حاجه الصدق ماعجبتنيش يمكن هو عادي بس مدري مالي قلبي اقتبض ❤️ دخلت لعنده وكان بيحاكي التلفون 📱 وبيضحك 🤣 ومنسجم وابسرني وغلق سألته من بتحاكي وبتضحك هكذا قلي هذه زميلته الجديده في العمل بدل اللي خرجت كان بتسأله ع حاجات ..

سلاف : استغربت 😳 ليش قد خرجت سهام وجت بدلها واحده ثانيه ..

سميره : ابسرت ملامحها تغيرت فرحت 😄 من سهام مادراني وأنا المهم أوقعي مره وقومي روحي عند زوجش ..

........ ........ ........

في بيت أبو أحمد 🏠..

أبو أحمد : بعد ماكملوا يتغدوا 🍲🍛 بيحاكي مرته الصدق اليووم تغدينا غدوه بطيبة نفس 😁...

يوسف :بيزنط 😌 إحم إحم .. تعرفوا إختياري بس إبسروا محلى الأكل السوري ...

أم أحمد : بتقلد عصبيه أيوه أيوه ماذلحين ماعاد بيعجبكمش أكلي أومه 😠..

مايا : دخلت لعندهم .. مره عمي أنا خلصت ..غسلت الغسلات وجليت الجليات ونظفت الغبرات في شي كمان بدك ساويه 😊...

أم أحمد : طننت لاوجهها 🤔 ماهو مابتقل هذه ..

يوسف : بيضحك 😂 فدديتها اللي جلت الجليات تسلمي ياروحي اليوم تعبتي إدخلي إرتاحي لش شويه وبعدا نخرج نتمشى إشتي أشلش مكان ضخم ...

مايا : فرحت 😍 يسسلمو إبن عمي ..

أبو أحمد : لفت لعند مرته بيحانكها إبسري محلى الدلع السوري ماشي نخليها تبسر لنا سوريه مارأيش 😜..

مايا : 🙆🏻‍♀️ حطت يدها ع رآسها ولي ع قامتي سووريه شو في حدا يكون معه هالقمر ويقول بده سوريه والله مره عمي تسوى الدنيا كلها ..

أم أحمد : فرحت بكلامها 😍 يووه أنا فدالها مره أبني هيا ادخلي افتهني لش شويه وإبردي لش من هذا المجنون ..

يوسف : فرح إن أمه سديه هي ومرته بقدر ماكان خايف لو مايتفقنش 😍..

....... ........ ......

في بيت هاشم 🏠..

سلاف : بعد ماتغدوا دعت أحمد لاغرفتها ..

أحمد : إنبسط 😄 الله أول يوم مرتي تدعيني والا يوميه مابتعبرنيش ..

سلاف : بضبح 😤 ناهي ياثقاله سهام خرجت من الشغل ..

أحمد : 😌 بزنط أيوه أيوه خرجتها ..

سلاف : ليش تخرجها يعني كنت بتتسلى بها ورجعت تخرجها 😠..

أحمد : إبردي لش منها قد جت بدلها مهندسه ثانيه محترمه وبنت ناس وقمريه 😉..

سلاف : ضبحت 😤 بس ماتشتيش تبين أو تصدق إحساسها هزت رجلها هاااه يله حلو كودك تتسلى معها ..

أحمد : ضحك هههه 🤣 لالا الله المستعان مش أنا حق تسليه أنا شسمع كلامش واعيش حياتي ..

سلاف : أيووه ولو عجبتك قلي والا أقلك قدنا شرجع دوامي وشاقلها إنك بتلعب ع البنات 😏 ..

أحمد : ضحك هههه😂 أين دوام يهي هي خلاص بح أنا قد قلت للمدير إنش ماعاد عتداومي من يوم ماشليتي الإجازه لوتشتي تشتغلي نفتح لش معمل في مجال عملش ما في الشركه 🏢 خلاص بح وبعدا صح ذكرتيني جهزي ملابسش تروحي وشاكون أديش الصبح معي لما أسير الشركه ...

🌹 meme_abdalgaleel



@qesasanani

❤ وشآءت الأقدار ❤

بارت 84

بعد يومين ...

في بيت مريم 🏠..

مريم : كملت ترفع وتجهز البيت أم حمزه إتصلت📱 لأمها تشتي تجي عندهم ..

أم مريم : جي إبسري المعجنات والحلويات اللي إشتريت🥐🧇🥯 هذه الأشياء تكفي والا أزيد إبسرتي كيف ميزونا حين سيرنا عندهم نشتي نبيض وجهنا ..

مريم : ياماما ليش هذا كله قد زيدتوا قووي قد سلا وسلاف قالين عيفعلين حاجات وعيدنهن معاهن أنا أرفع بس ..

أم مريم : يوووه جبرهن أنا فدالهن الصدق محلى صحبتش أنتي وسلاف خوات مش صاحبات 👭..

مريم : إبتسمت 😁 آمين ياررب خلاص أنا كملت أرفع شدخل أحط هذه الأشياء في الصحون وأدخل أتجهز ..

أم مريم : يله وأنا والكل أبخر البيت 🏠 وأدخل ألبس ...

....... ....... .......

في بيت أبو أحمد 🏠...

أحمد : كان راقد😴 بعد ماروح من الشغل ..

سلاف : كملت تلبس وتتصلح عتسير عند مريم لبست فستان 👗 كبدي غامق بربطه ع الرقبه مفتوح من الظهر ونفشه خفيفه قصير للركبه وحطت روج كبدي غامق ومسكره وشويه بلاشر بس .. رفعت شعرها ذيل حصان وفعلت النبعه ع جنب .. كملت تتجهز وبتصحي أحمد .. ييييه أحمد قوم وصلني عند مريم ...

أحمد : قام من النوم 🥱 شافها قدامه مصلحه إبتسم وعيونه وقعت قلوب 😍 الللله ماهو هذا الحلى ..

سلاف : شافت نظرته 😍 قفت ع طول وبتمشي تلبس العبايه ...

أحمد : ضحك 😂 فدديت ذيل الحصان أنا واللي بتخزى ...

سلاف : إبتسمت وهي مقفيه بدون مايشوفها 🥰 يله قوم وصلني مشتيش أتأخر ..

أحمد : قبل ماوصلش إسكه زيدي لفي لعندي أبسر الحلا 😉..

سلاف : قفلت العبايه ولفتت لعنده هييا شتأخر ...

أحمد : نزل من السرير خطى من جنبها شعفل شعرها وضحك 😂.. يله أبدل بسرعه وأوصلش وقلي لها تكون تعزمش يوميه عندها مدام عتتصلحي هكذا ويبان الحلى 😍..

سلاف : فرحت بكلامه 🥰 بس بتحاول تكون قويه ماتضعفش 💪🏻 شاسير أدى الحاجات من المطبخ البس بسرعه فلتت وخرجت ...

أحمد : ضحك هههه 😂 بعد ماخرجت أحبش ياعديمه الإحساس يابو قلب حجر ❤️ لكن تمام مسك تلفونه ورسل لسميره ...

....... ....... .......

في بيت حمزه 🏠...

حمزه : نازل في الدرج بيصيح هييا شرق عتتأخروا ع الناس ...

ام حمزه : طالع بتضحك 🤣 هذا اخوش ماله مستعجل عيطير قلي له شوويه ماقد كملناش نتجهز عنسير نغسل الصحون 🍽️ للناس من هذا الساع ...

أخت حمزه : ضحكت 🤣 مالكم عليه القلب بيدق ❤️ مستعجل ...

ام حمزه : ضحكت 🤣 والمشكله انه لليوم مشو معترف انه يشتيها وان احنا بس اللي اخترناها له ..

أخت حمزه : ههههه قدوذا أشترى ورد وشوكلاته 🌹🍫 قال مايسبرش ندخل ويدنا فاضيه ..

حمزه : بيصيح يييييه أنا شخرج أراعي لكن فوق السياره لاتتأخرنش فلت وخرج يراعي في السياره 🚗...

🌹meme_abdalgaleel



@qesasanani

❤ وشآءت الأقدار ❤

بارت 85

فوق السياره 🚗 في الطريق ..

سلاف: جالسه تنفخ 😤وتهوي وجهها من البرقع ..

أحمد : لفت لها😏 .. هيا مالها بتتأفف ..

سلاف : بضبح 😤 من هذا الجنان حقك ياسعم ماطلع لك اتبرقع قد كنت تخليني في المقبره وأقول يله إسهل علشان الناس ومقبره وكنت فارحه ماتكلمت من بعد العرس ماصنف لك اليوم ...

أحمد : ضحك هههه🤣 صنف لي الشخبطه اللي في وجهش والا كنتي تشتي تخرجي هكذا اوذك كنت أوصلكن أنتي وسلا عند عرسات من أول ماكنتيش تتشخبطي هكذا ..

سلاف : لأنه كنت افعل خفيف بس ذلحين قدنا مزوجه 😤..

أحمد : ضحك بسخريه 😆 إيش إيش ماسمعتش هههه مزووجه ...
ع من بتضحكي ع الناس هيا أمانه مره ثانيه لما تخرجي اتمكيجي خفيف بس الكذذب حرام ...

سلاف : طنشته وقفت وجهها للطاقه ..

أحمد : رن تلفونه 📱رد مبتسم 😄 ياحيا ...

سميره : بتضحك هههه 😂 ياحيا هاه عايش الدور ..

أحمد : بإبتسامه 😄 الله يسلمش بخير طول ما أنتي بخير طمنيني عنش كيف قدش أحسن بعد ماروحتي وجهش اليوم كان مرهق ..

سلاف : لفتت لعنده ع طول بتتفرجه 😳 مستغربه .. في نفسها هذا من بيحاكي ومن هي اللي وجهها مرهق ..

سميره : بتضحك 😂 الله يقلعك يا أحمد والله إنك حاذق هاه تقدر تقلد غيرت إسمي أهم شي ..

أحمد : أكييد طبعا معقووله أنسى اللي تقليه 😌 لاتقلقي ..

سميره : يله خلاص شاقفل ارجع قلي مافعلت ..

أحمد : أوكي تمام ولايهمش شنتبه لنفسي شكرا وتسلمي ع السؤال في أمان الله ... غلق التلفون 📱 وبيقلب بيدور أغاني ..

سلاف : قلبها بياكلها ❤‍🔥 من كان بيحاكي .. بتحاكي نفسها ذلحين مادخلني يحاكي من يشتي أصلا هو إبن عمي وبس .. لفتت لعنده .. أحمد بكره جمعه إشتي تشلني المقبره ماعد سيرت من أيام العرس ...

أحمد : بإبتسامه 🙂 ع طووول شاخلي يوسف يشلش أنا معي عزومه جت لي قبل شويه شنشغل .

سلاف : بتهز رجلها بضبح 😤... عزومه من الصبح يله تمام شاحاكي يوسف بس شوعه في حقك أنت يقلوا زوجها ويشلها أخوه ...

أحمد : أحسن مايقلوا مابتحترم مشاعر زوجها ويوصلها بنفسه 😏 .. لكن ماشكونش إنسان أناني وأقلش ماعدبش سيره لأن خالد الله يرحمه كان أخ وصاحب وربي وحده عالم وداري كم قهري عليه وأول ما يوقع لي جاهل شاسميه خالد ..

سلاف : فرحت 😁 قل والله إنك عتسميه خالد ...

أحمد : ضحك 😂 أيووه والله شاسميه خالد بس لما ألقى أمه إدعي لي بس ألقاها قرريب ...

سلاف : غالطت .. قد احنا قريبين أتصل 📱لسلا تخرج ...

....... ...... .......

بعد ساعه ...

في بيت مريم 🏠...

أم مريم : يوووه الله يهديكن للمه تكلفين ع نفسكن وورد 🌹 وشوكلاته 🍫 ..

أم حمزه : مابش مايكلف يا أختي ولفتت لمريم هذولاء هن إشتراهن حمزه إبني قال مايسبرش تدخلوا ويدكم فاضيه 😉.

سلاف : دكمت مريم وبتشاورها 👂🏻هذه شكلها بتلمح والله ...

مريم : بصوت واطي .. ناهي عنقلهم لما عتلمح أصلا ليش هو في حسه كل ما أقل شكله بيحبني عيعترف أكتبد يفعل تصرف ينسف كل شي أرجع أقل بين افهم تصرفاته غلط ..

اخت حمزه : قاطعتهن ماشاء الله يامريم صاحباتش حبوبات كم لكن صاحبات 🙂..

أم مريم : يهي هي قدلها هي وسلاف من حين وعادهن في المدرسه وكنا جيران قبل ماننقل وزيد دخلين الجامعه سواء ...

سلا : وأنا جيت صاحبتها ساع اللي شل حاجه وأحصل ع الثانيه مجان وضحكت 😂...

أم حمزه : ضحكت 😂 هههه جبرش صددق صف كم أنتي ..

سلا : كملت ثالث ثانوي هذه السنه وذلحين سجلت معهد ..

أخت حمزه : شعزمكن عرسي شدي لكن الدعوات مع مريم الشهر الجاي مش ماتجيين شاراعي لكن ...

سلاف : إن شاء الله ولايهمش 😊..

أم حمزه : لفتت لعند بنتها وغمزت لها 😉...

أخت حمزه : لفتت لعند مريم ...يامريم مارأيكن لو نقوم مكان وحدنا نجلس براحتنا ونخلي أمي وخاله وحدهن 😊...

مريم : أحرجت منها 😅 هاااه طيب حاضر هيا بنات نقوم وسنبت .

سلا : سنبت وراها ع طول وبصوت واطي جنب إذنها 👂🏻 شكل أمها عتخطبش وأنتي عتبسري أصلا الأم بتتحيلى لش من أول ...

مريم : بهررت فوقها 🤨 اووص من الخباله لو تسمعش ...

بعد ماخرجين ...

سلا: تعمدت تفلت تلفونها داخل 📱..علشان ترجع تسمع لو عتقلها شي رجعت ووقفت خارج ..

أم حمزه : حطت يدها فوق بعض مرتبكه 😅 والله مانا داريه يا أختي ما أقلش ولا من أين أبدأ الموضوع قد خرجت البنات علشان مريم لاتسمع وأحرجها ...

أم مريم : قلقت 😦 خير مالش مابه أو بنت أختش متضايقه من مريم في شي في العمل ..

أم حمزه : إبتسمت 😊 يووه يوووه مع مالش صل ع النبي والله إن مريم ساع البلسم قد بنت أختي بتحبها وتشكرها قووي وأنا قد بين اتحيلى لها من وسط قلبي والموضوع هو بسيط بس حين عادهي أول مره أجرب أتحاكى وإن انا خازيه ومربوشه 😅 إشتي أخطب مريم لحمزه إبني ومريم أكيد تعرف أين هو لأنه كوده في دار التصميم عند بنت خالته يعني قد إبسرت شكله وإبني هو حالي والله وسيم 🧔🏻 وطباعه حاليه والكل وإسألوا عليه وأنا داريه وقلبي❤️ بيقلي إن مريم عتوافق هذه المره

عيلين ربي قلبها مدام قد لين قلب حمزه وقلت له مريم دخلت نفسي إشتي أخطبها لك قال ع ماتشتوا عيلين ربي قلب مريم وتقلش ع ماتشتوا ...

سلا : فرحت 😁 لما سمعت الكلام .. فعلت نفسها انها عادها جت بتعلي صوتها وهي بتدخل .. شكلي نسيت تلفوني 📱 فوق الماسه دخلت شلته وخرجت حمله حمله دخلت للمطبخ بتداعي يامريم أين القلصات الزجاج حقكم إسكه جي إدي لي أشرب ...

مريم : في المكان جالسه هي وسلاف وأخت حمزه إستغربت ولفتت لسلاف 🤔 من أي حين أختش مش هي داريه أين القلصات ...

سلاف : ضحكت 😂 علمي علمش وأنتي سيري إدي لها قلص ..

مريم : سارت لعندها أول مادخلت للمطبخ حطت يدها ع خصرها .. بتتليقن عليها من أي حين مش أنتي داريه أين القلصات ...

سلا : سحبتها لداخل اوووص 🤫 يامفضووحه أنا دعيتش أقلش ماحصل أم حمزه جت تخطبش سمعتها بتحاكي خاله حين شليت تلفوني ...

مريم : حست جسمها كله دخان وقلبها بيدق ❤️ قد عيخرج من صدرها وعيونها زججت دموع فرحه 🥹 مسكت سلا كذاابه قلي والله ..

سلا : بتضحك 🤭 ليش شكذب والله إنه صدق قلت لش بيحبش بس بيكابر يشتيها تجي منش لكن عيس برقطتيه لما جاء يخطب ..

مريم : كانت تتقفز وتهز أيديها يوووه والخززا ☺️ كيف شقدر أبسرهم ذلحين حين أدخل ..

سلا : بطلي خباله ولا تبيني إنش داريه بشي بالعكس خليش طبيعيه جدا .. يله جي ندخل ونجلس عادي ولا تحسسيهم بشي ..

مريم : بتتحلف لحمزه 👌🏻 هو عيبسر والله لاوريه ولاحتى قلي أو لمح لي أنا حسبت عيجوا عادي حين قد أحنا صاحبات أصلا قدله مني ماعد بيراسلني خيرات ...

سلا: بتدهفها تخطى .. هيا ناهي ياعتوريه هذا اذا عاد قدرتي تبسري وجهه 😜...

........ ....... .......

في بيت هاشم 🏠

أميره : جلست بعيد وغطت نخرتها لبست ماسك 😷...

هاشم : إبسرها ضحك 😂هههه هيا ماقد لها أو قد بتشم فأر جديد ..

أميره : ماشي مشو فأر مابلا شمك شوعه سمك 🐟...

هاشم : خفع وجهه بيده 🤦🏻‍♂️ يالللليلاه قد شمي سمك هيا بشرش الله بالخير يعني قدهو من هنيه عتقلي لي كون دور أين ترقد ...

أميره : ضحكت بخزا 😅 أيوووه مفعلك قد قلت لك تخلي الدكتوره تدي لي حبوب أخرجه صيحت إحنا والخزا هذا شيبت وزوجت بنتها وقامت تعيف .

هاشم : قلت لش تبطلي خباله 😠 من هذا الكلام والله لو أرقد في الشارع وبعدا من هي هذه اللي شيبت محسسه لي إنش عجوزه أزيد أسمعش تقلي هكذا عادش عتولدي وأزيد أخليش تدي له أخ ثاني يلعب معه لايجلس وحده ...

أميره : ضحكت هههه أدي له ليش مسرع قد حكمت إنه ولد 😅..

هاشم : قلبي حاسس ❤️ إنه ولد وربي إستجاب لدعوتي لما دخلت العمليه كنت أدعيه وأقل ياررب أرزق بناتي بالأخ الصالح اللي يوبه لهن لو مت وأنا راكن ..

أميره : أول شي بعد الشر عليك وأنت اللي عتوبه لهن أنت وثانيا والله ماعيوبهن له الإ هن عترجع تربيه سلاف هي وإبنها والا بنتها ..

هاشم : إسهل يوبهين له والا يوبه لهن المهم ربي يرزقهن بأخ ويكون معاهن ..

........ ........ ......

سلاف : ذكرت إن أحمد ممكن يجي لهن بدري لأنها ماكلمته مسكت تلفونها تتصله 📱 تقله يتأخر وتلفونه إنتظار 🤔 بتحاكي نفسها من بيحاكي هذا معقوله إنها اللي إتصلت فوق السياره شكل كلام عمتي صح وإنه بيجابر هذه المهندسه الجديده ...

🌹meme_abdalgaleel



@qesasanani

❤ وشآءت الأقدار ❤

بارت 86

في بيت مريم 🏠

الليل 🌚

بعد ماروحين وجلست ام مريم وأبوها وحكت له ..

أبو مريم : دعاها .. يامرريم يييه جي يابنتي ..

مريم : دخلت وجلست جنبه ومرتبكه حاسه إنه دعاها علشان حمزه 😅 .. هاه بابا مالكم ..

أبو مريم : أمش حاكتني إنهم اليوم جوا يخطبوش 💍 والصدق بتشكرهم قووي باين إنهم أسره طيبه ..

مريم : حاولت ماتبين وتخبي مشاعرها 😟 ماااهو خطوبه مه .. يابابا أنتوا داريين برأيي..

أم مريم : قاطعتها .. بهنجمه 😠 رأيش ماهو رأيش عتجلسي تمكنيها هكذا ماشي ماشي لييش وبعدا قدوذا عرفتي الناس بنفسش ودخلتي بيتهم وحبيتهم أمه وأخته وناس مابش لش عليهم قول ليش الدلع والغنج ..

مريم : موطيه رآسها 😞 بتحاول تقلد إنه ماشي موافقه بس في داخل نفسها ياارب يصيحوا أوافق 😇 ..

ابو مريم : هيا مالها بنتي ساكته وموطيه رآسها 😞 .. إسمعيني يابنتي محد عيغصبش ع شي بس خليني أسال ع الولد وأبسر كيف ومه مدام عاجبين لأمش قوي والولد من كلام أمش قدش تعرفيه حين بيجي للدار حق التصميم وشكله إبن ناس مدام أنتي قباله وجاء من الباب ماحاكاش ولا جرب يلعب ...

أم مريم : أين يحاكيها يارجال هي أمه اللي اختارتها ماهو قد جنن أهله كل مايقلوا له يخطب يقل ماقدهوش وقت وهذه المره قالت سكت قال ع ماتشتوا ..

مريم : بتحاول تمسك ضحكتها 😅 أييوه الصدق ماهو مأدب قوي أوذا كوده بيجي للدار لأنه بيساعد بنت خالته في أي شي تحتاجه ماقد مره رفع عينه أو حاكاني ..

أبو مريم : هيا إبسرتي يابنتي ونعم به من أين عاد عتلقى واحد هكذا قد شباب هذه الأيام كلهم الإ حق تلفونات ومجابره 📱 ويجي يقل لأهله إشتي فلانه زوجوني بها بين احبها هذا عادهو مثل جيلنا بيخزا ..

مريم : لكن يابابا ..

أبو مريم : لالكن ولا لكن أنا الصدق قلبي أطرح ❤️ خليني أسال عليه وع أهله وماقد عنردهم خبر الإ لو وافقتي محد عيغصبش ع شي أنا شسأل وأنتي صلي إستخاره ولو هو نصيبش عيخطى ..

مريم : يله أستاذنكم أخطى ارقد شتأخر معي عمل خيرات الصبح تصبحوا ع خير فلتتهم وخرجت 🚶‍♀️..

أم مريم : قامت جلست جنب زوجها .. إبرد لك منها كلنا كنا هكذا نخزا نقل أيوه أنت إسأل بس ولو هو ولد كويس أنا شقنعها الصدق والله إن أمه وأخته ساع العسل ومسكينات وباين إنهم ناس كويسه ..

مريم : دخلت غرفتها ورسلت لحمزه بوكسات 👊🏻👊🏻 أنت عتبسر ..

حمزه : كان ممدد في سريره 🛌🏻 ماسك تلفونه 📱 متردد يرسلها او لا وماعتقله وصلته الرساله قريها وضحك 😅 رد عليها عمرش طويل عادنا بين اقل شارسل لش أقلش اليوم إبسرت بنت عجبتني قوي ع مافي نفسي قلت أخليش تتعرفي عليها تصاحبيها تبسري كيف هي لو كويسه أخلي أهلي يخطبوها لي ..

مريم : شافت رده إنصدمت 😨 بتحاكي نفسها كيف يخطبها كان وأمه ماجت تفعل شكلها تحاكت من نفسها وهو مايشتيش ..

حمزه : شافها ماردت إتصل 📱..

مريم : كنسلت في وجهه ورسلت له 📲 والله معك أخت مادخلني أنا خليها هي تتعرف عليها ولو عجبتها تخطبها لك ...

حمزه : قري رسالتها وضحك 😂 رد عليها فدديت اللي بيغار عليا أحبش ياهبلاء❤️ ومحد عيخطبش غيري حسش عينش بس تتخيبلي وتردي وتقولي مش موافقه والله لأجي أفعل خيمه باب بيتكم ⛺ وأعتصم لما توافقي ردي ع إتصالي أجابرش لاتفضحينا محد داري إن احنا بنتواصل ..

مريم : شافت رسالته وفرحت عيونها سرجين 😍 ردت عليه ..سير أخطب اللي عجبتك ماعليك مني 😤..

حمزه : رسل لها جااوبي الإتصال 📱 قبل ما أتصل لعمي وأقلهم فتشوا تلفون بنتكم أنا حبيبها وأخليهم يزوجوش بي غصب 😜..

مريم : ردت عليه وجلسوا يتكلموا وأول يوم تحسه بيحبها صددق بدون مايعاندها ❤️

....... ....... ........

ثاني يوم الصبح 🌞..

في بيت هاشم 🏠..

أحمد : قام من النوم بدري غير أيام الجمعه متعود يرقد إجازه .. قام وبيفعل حركه متعمد تسمعه سلاف جلس يختار ملابسه ويغير 👕👖 محتار إيش يلبس ..

سلاف : نكزت مغطيه وجهها بالبطانيه ع جنب وبتتفرجه سكته 👀..

أحمد : حس إنها نكزت 😌 بيحاكي نفسه إحم إحم ع الله يقطع فيش وتغيري شويه .. كمل يبدل قرب جنب المرآيه بيمشط شعره ويتصلح شل العطر وجالس يتعطر ويرش نفسه خيرات ..

سلاف : سعلت .. اح اح وفعلت نفسها نكزت 🥱 ماهو هذا الشم طفحني ..

أحمد : لفت لها بإبتسامه 😊 وبيوضع شعره هاه قصدش شم العطر .. يله قد شخرج وعيسير الشم وأنتي إرجعي أرقدي...

سلاف : قلت ليوسف يشلني المقبره ...

أحمد : اووووه والله نسيت 🤦🏻‍♂️ خلاص لما يقوم حاكيه أنتي يله باي شتأخر فلتها وخرج ..

سلاف : بعدت البطانيه من فوقها بضبح 😤 نسسيت هاه من عيشلني ذلحين كيف أفعل وبعدا مشوار مه هذا اللي يوم جمعه من الصبح قد ترشرش له بالعطر هكذا كله وساعه وهو بيدور مايلبس .. ضبحت مسكت تلفونها تتصل لمريم 📱 تشكي لها بتتصل لها مابترد ضبحت 😤 رجعت ترقد .

أحمد : جلس يلوي بالسياره🚗 مشو داري أين يسير رجع سار يصتبح 🍱 وشاف محل هدايا صغير في ركن فاتح دخل شل منه عطر رجالي وخلاه يغلفه 🎁 ورجع يلوي لاوقت الصلاه دخل الجامع يصلي وبعدين روح حط الهديه فوق التسريحه علشان تشوفها في الكيس ...

ياسلام يا أحمد شكلك ناوي تشغل نار الغيره ❤‍🔥 وتلاعبها ع أصوله ..

دلعتكم اليوم لأنه لقيت فرصه .. لاتنسوني في دعواتكم 🥰

🌹meme_abdalgaleel



@qesasanani

❤️ وشآءت الأقدار ❤️

بارت 87

بعد العصر .

في بيت هاشم 🏠..

كلهن مجتمعات هاناك .

في الديوان ..

أم أحمد : جالسه متكيه لفتت لعند أميره 👀 ذلحين قلي لي نفسش يجي ولد أومه ..

أميره : إبتسمت 😊 أيووه قدهو بحق التعب هذا وزيد خزا زوجت بنتها وقامت توحم بدل ماتدي بنتي الجاهل إديته أنا ...

سميره : لفتت لعند سلاف بنيزغه ( طبعا لأنها عارفه كل شي من أحمد ) وأنتي ياسلاف هيا أقطبي نشتي جاهل علشان يجوا في سن بعض يكون يلعبوا جمعه 😉..

سلاف : إبتسمت إبتسامه صفراء 😁 عاد هو بدري ياعمه أصلا ماقد نشتيش جهال ..

سميره : قربت لجنبها تشاورها 👂🏻 ياخبلاء إدي له جاهل يربطه يشغله في روحه مانا مدري مالي قلبي مشو مطمن لهذك اللي قلت لش بتجابره فالتلفون 📱 أوبهي لزوجش ..

سلاف : ذكرت إنه خرج الصبح وروح بهديه ضبحت 😤 وحاولت تكابر بتقل لنفسها بطلي خباله مالش ..

سميره: بتهنجم فوقها 😠 يييه أنا بين اقلش توبهي له مش تطنني ...

سلاف : بتحاكي نفسها 🤔 يله عيس ان عمتي بيقلوا هكذا علشان لما يتزوج لايقلوش ان احنا كنا اخوه سعم انه حبها .. لفتت لعند عمتها هاااه طيب حاضر ..

أم أحمد : إبسرتهن هيا مابتتشاورين قلين لنا والا سر 😏..

سميره : بتحانكها سر 😜 وبعدا أين هي الشو وبدي وابن عمي مالها ماتجي معش ..

سلاف : هي خرجت مع يوسف ياعمه يتمشوا ..

سميره : هيا تعلمي ياخبلاء وأنت كودش عند أمش ماتفعلي ساع سليفتش وتقلين ليش بيدلعوهن ...

أم أحمد : بتحرك يدها بتأشر لعند سلاف 👆🏻 يووه ما هذه مسكينه خبلاء مابش فيها الدرك حق النسوان والأبلسه ماهذك صلاتي ع النبي كودها الإ بتتميلح وتتدلع 🥰 قد عتشدفه ولا..

سلاف : ردت ع طول مكبوده 😥 ياعمه أصلا هذك قدهو طبعها قدهو كلامهم ناعم من أصلهو تزوجته عن حب بس أنا أحمد طول عمري بين ابسره أخي وماتعودت أدلع هكذا قدامه فجأه وقدنا هكذا صعبه يمكن لو شخص ثاني كان الوضع تغير لأنه ماكنت أعامله آخ ...

أميره : تنهدت 😔 حست إن بنتها مش مرتاحه مثل مايا وياريت هاشم مافعل هكذا ..

سميره : ردت عليها ع طول باإبتسامه 😄 ولا صعبه ولا هو زوجش وبعدا قومي معي نفعل لنا شاهي ونتجابر معي لش مجابره خيرات ..مسكت سلاف وخرجتها معاها للمطبخ علشان تشعل نار الغيره ❤‍🔥 ...

أميره : مسكت يد أم أحمد 🤝 بعد ماخرجين.. أمانه يا أختي سألتش بالله أنتي اللي عندهم كيف بتبسريهم بين احسها مشي مرتاحه ..

أم أحمد : يووه ياعيبتش 😨 تسأليني بالله هي بنتي لو بين ابسرها مشي مرتاحه وادرى إن إبني بيزعلها لاقلب عليه أنا هي بنتي قبل ماهو إبني ..

أميره : مع ياختي مقصدش أحمد ما أحمد أنا فداله بس قصدي كيف هي متأقلمه معه يعني قدش داريه كيف العرسان قدوذا بتقلي مايا ويوسف .

أم أحمد : الصدق والله ماقد تلوهت سلاف مثل ماكنا حين تزوجنا عادي تبسره توبه له مايشتي ابسرهم بيتجابروا بيضحكوا عادي بس مش هي مثل هذك أنا قلت يمكن حين هي سوريه ..

أميره : مدري ليش بين اهم لو عاد خالد الله يرحمه في قلبها وماقد قدرت تحب خالد حين قالت أنا كنت أعتبره أخي ...

أم أحمد : الله يهدي سرهم لاتهمي ولا كم عيال عم كانوا وسط بيت واحد وأخوه وفجأه يدخلوها له عروسه وبيعيشين ويحبنهم وكل شي ياسلام وهذا لاتهمي ولا وأنا شجلس بعدهم من اليوم ...

........ ......... ........

في بيت مريم 🏠..

أبو مريم : بيداعيها ياامريم جي كذا ماقلش ..

مريم : دخلت لعنده .. هاه بابا ..

أبو مريم : ذلحين أتصلي أبو حمزه وإتفقنا الخطوبه الإسبوع الجاي والعرس بعد عرس بنته بشهر ..

مريم : فتحت عيونها يوووه 😱 كيف بعد عرس بنتهم بشهر ماعد باقي لعرسها الا شهرين يعني ٣ شهور بس ماعيكفينيش الوقت أتجهز ليش هكذا ماشي مابلا أخروا ..

أبو مريم : ماعيقدروش أصلا أخوه عيسافر عيرجع امريكا هو غر عيخرج علشان عرس البنت وقدهو عيزيد يجلس علشان عرس أحمد قال ماعيعرس الإ بأخوه.. أنتي أقطبي وتجهزي وكل شي عيسبر كان زمان يسبر عرس في إسبوع وأنتين هذه الأيام تشتين تتجهزين سنين ..

مريم : سكتت شويه مطننه 🤔 خلاص ع ماتشتوا وأنا شتواصل مع سلاف تجي معي نبدأ نتجهز وبكره نسير نبسر الصاله اللي عتعجبني .

أبو مريم : خلاص تمام واللي تشتيه قلي لي..

مريم : خرجت من عند أبوها دخلت غرفتها بتتصل لحمزه 📱..
ماهو يامجنون مسرع العرس كيف شتجهز ..

حمزه : ضحك 😂 قد صبرت خيرات يكفيش دلع قد جننتيني وعذبتني وفقدتش وأنتي بتعاندي ذلحين خلاص دوري أفعل اللي إشتي .

مريم : بدلع 🥰 حمزززه بسسس لكن مااهو والله ماعيكفيني الوقت ..

حمزه : يووه محلى بسسس 😍 لو أنا داري إن الدلع هذا عيخرج إن انا خطبتش من أول ..

مريم : ضحكت ☺️ ناهي لاتغالطش ذلحين كيف شلقى قاعات أنا الصدق نفسي في قاعه ال.... الجديده بس مدري شلقى حجز أو ماشي..

حمزه : ولو محجوزه نلغي الحجز علشانش مالش والله لو أدي لهم ضعف المبلغ كم مرريومه معي فالدنيا 😍...

مريم : فدديتك تسلم لي 🥰 شاحاكي سلاف وأسير أنا وهي بكره نبسرهم وأقلك ..

حمزه : يووه يوووه 😍 تسسلم لي الصدق ياجماعه هكذا أنا شكلي شتعرس مع أختي ماعد شاراعي شهر هههه ...

مرريم : خزيت ☺️ حمزه يله باي باي أتصل لسلاف علشان تحاكي زوجها ..

حمزه : ضحك عليها 😂 طيب ياهرابه إتصلي لها هانت كلها شهور وقدش عندي وبعدا دوري كيف تهربي ...

مريم : 😅 طييب يله باي باي ...



🌹meme_abdalgaleel



@qesasanani

❤️ وشآءت الأقدار ❤️

بارت 88

ثاني يوم ..

الصبح 🌞..

في بيت أبو هاشم 🏠.

أحمد : قام من النوم 🥱 ممدد فوق السرير شافها صاحيه فتح تلفونه 📱ع طول إبتسم ولفت لعندها مسرع قمتي .

سلاف : بتكوي حقها الطرحه قلت لك العشي مريم عتمر لي علشان نبسر القاعات .. قد شاكمل الان اكويها وأدي لك صبوح 🍱 قبل ماتخرج العمل ..

أحمد : إبتسم 🙂 لا لا شكرا قد معي صبوح شصتبح في الشركه ..

سلاف : لفتت له وقفت وجهها 😏 وفرت اللي عيصبحك اليوم خليه يكون يصبحك كل يوم ...

أحمد : ضحك ههههه 😂 حاااضر شاقلهم .. نزل من السرير 🛏️ وهو بيغني فتح الدولاب وبيخرج له ملابس 👖👕 وبيدور العطر مالقيش لفت لعندها أين العطر اللي اديته معي أمس ..

سلاف : بمطه في صووووتها 😏 وحطت الكاويه من يدها قصدك اللي وقع لك هديه🎁 ..

أحمد : غلق باب الدولاب ولفت بإبتسامه 😊 أيووه إبسرتي محلى شمه الصدق ذواقه وخفع وجهه بيده🤦🏻‍♂️ اووه قصدي ذواق ..

سلاف : حست بقهر ليش بيخبي 😖 قرحت فوقه قلت لك أنت حر هي حياتك عيشها كيف ماتشتي ليش الكذب رفعت يدها لاوراها 🙋🏻‍♀️ ونفخت اوووف منك وفلتت وخرجت من الغرفه 🚶‍♀️..

أحمد : ضحك من قلبه 🤣 بعد ماخرجت ههههه ياخبلاء والله إن انا أحبش بس عيس خليش هكذا لما أجننش تحسي بالغيره يووه لو تدري إن انا أشتريت العطر لنفسي وذلحين شخرج أصتبح لي ٢ سندوتشات من أقرب كافتيريا ههههه ...

........ ........ .....

بعد ٣ ساعات ...

بعد ماتعبين لف في القاعات 🛕 اللي ماتعجبهنش واللي تطلع محجوزه ..

مريم : باب القاعه 🛕.. يله هذه آخر قاعه إحنا وحظنا نبسر كيف هي عتطلع مثل الشرح أو ماشي حين هي جديده ...

سلاف : يله إحنا وحظنا قدوذا تعبنا دوار نبسر هذه اللي قالت صاحبتش وع الله ..

مريم : يااارب تطلع حاليه ع مافي نفسي ويجعلها من نصيبي وماتطلعش محجوزه ...

سلاف : آمين يارب 🤲🏻 هيا ندخل وادخلي برجلش اليمين وضحكت 😂.

....... ....... ......

في المعهد 🏢...

سلا واقفه هي وصاحبتها👭 مراعيات لغسان يروحين ..

٢ شباب واقفين👬 قدامهن في الجهه الثانيه ..

الأول : يا أخي مدام وهي عاجبه لك توكل ع الله وسير حاكيها ..

الثاني : بس بين اهم والله لاتصرعني 😅...

الأول : يا أخي مدام وأنت غرضك شريف إخطى بس 🚶🏻‍♂️..

الشاب : مشي لعندهن 🚶🏻‍♂️ وصل لجنبهن . سلام عليكم كيف حالش ياسلا ..

سلا :لفتت لعند صاحبتها مستغربه 😳 مادراه بإسمي ...

صاحبه سلا : بضبح 😤 ماهو ماتشتي خير مابتدور ..

الشاب : إبتسم 🙂 صلين ع النبي مالكن إسمعني أول ليش المقارحه ...

سلا : بضبح 😤 أنا جيت أدرس مش أسمع أحد ...

الشاب : 😅 طيب وهذا هو اللي عاجبني فيش وخلاني اتشجع وأجي أكلمش شوفي أنا ماشفتش في يدش دبله 💍 يعني مش مخطوبه وأنا غرضي شريف وإشتي أجي من الباب مش طالب منش شي الإ رقم الوالد بعد ماتروحي وتستأذنيه قلي له ان انا جيت اليوم أكلمش بهذا الكلام وأشتي أتعرف عليه وأتقدم لش ...

سلا : فتحت عيونها 😳 بتتفرجه ماقالت ولا كلمه ...

غسان : وصل بالسياره 🚗 شافهن واقفات مع الشباب عصب 😡 نزل بسرعه بيصيح يلله ..

سلا وصاحبتها إبسرنه خطين ع طول للسياره 🚗 وقد بيهمين ماعيقل ..

الشاب : خفع وجهه بالسياره 🤦🏻‍♂️ اوووه شكلي شفعلها مشكله ..

صاحبه سلا : أول ماطلعت السياره 🚗 ياغسان إسمعني قبل ماتصيح أصلا ...

غسان : بضبح 😡 قاطعها عنتفاهم في البيت ..

سلا : زعلت 😔 حست إنه عتسبب لها مشكله تكلمت لوسمحت إسمعني هي مالهاش دخل الموضوع هو يخصني أنا ..

غسان : مسك السكان بيده 🤛🏻 بغضب بيحاكي نفسه يخصش هاه ياسلا ..

سلا : أسمع إحنا كنا واقفين مراعيات لك وهو جاء وحده وإحنا مانعرفش .. وبتحكي له اللي حصل بالضبط ..

غسان : هدأ نسبيا لما عرف إنها ماتعرفه ولا بتحاكيه هز رآسه آها اوكي .. يله حصل خير ..

سلا : جلست ضابحه وزاعله 😔 انه عيفكر انها بنت حق شباب ونزلت وهي مقهوره ..

🌹meme_abdalgaleel


@qesasanani