استشهاد الامام الصادق عليه السلام

ابو ذيّه 😭

يون گلبي ليمامه صادگ أنّه
واحزان شكبرهن صادگنّه
الليله مات بالسّم صادگ إنّه
وعله امصابه تنوح الجعفريّة

😭😭


ام محمد الحجاج

http://hottg.com/ommohamadalaebaadey

نعي ذكری شهادة الامام جعفر الصادق عليه السلام

😭😭

مجاريد

الليله تنوح حگها الجعفريه
عله جعفر الصادق هلمسيّه
بسم الغدر وافته المنيّه
حوزاته تون امست خليّه


😭😭

طلّاب العلوم الليله تنعاه
والمنبر حزين ايون بلياه
علی امأسس المذهب آه باثر آه
الف ياحيف ابو الكاظم فگدناه

😭😭


سجوه سم الغدر صادق العتره
الدوانيقي وزمرته شلون زمره
احفاد المارعوا جدته الزهره
ولسّه الضلع ماطاب كسره

😭😭

حسافه يبو الكاظم حسافه
اكثَرَت بينه الجروح المه اتّشافه
يراعي المعجزه بوكت الكلافه
چف الغدر يدناه وحافه

😭😭

لوله المگدّر مادنولك
وچف المكيده ماينولك
الليله السمه واهله بچولك
والشيعه بالونّه قرولك

😭😭

إنّا لله وإنّا اليه راجعون
عظم الله اجورنا واجوركم

ام محمد الحجاج

http://hottg.com/ommohamadalaebaadey

ذكری شهادة الامام الصادق عليه السلام

نعي مجاريد

😭😭


ويلي عله المچتول بالسّم
ذاب الحشا منّه وتخذّم
واعليه جمع عياله ملتم
والحزن وسط الدار خيّم

😭😭

بداره غدت حنّه لبناته
ولطمن علی الهامه خواته
لهاشم علت ضجه لمماته
مشيعين مَن حلوه صفاته

😭😭

لرض البقيع انشال نعشه
وابنه الگبر بالدمع رشّه
وينعاه وترابه يفرشه
يگله يبويه الك وحشه

😭😭


وسّد ابوه وتجري عينه
واراه ويعلّي بونينه
ظلمه غدت بويه المدينه
وامست عله فگدك حزينه

😭😭


لاحول ولاقوة الا بالله العلي العظيم


ام محمد الحجاج

http://hottg.com/ommohamadalaebaadey

قتلوا أصدق مَنْ فوق الثرى
بذعافِ السُّمّ في الأحشاءِ سارا

صَدَق الحزنُ بفقدِ الصَّادق
فقدُهُ أورى شِغافَ القلبِ نارا

السلامُ علىٰ من نُسِبنا إليه وسُمِّينا بالجَعفَريّة.
💔


عظم الله اجورنا واجوركم

مولاتي زينب عليها السلام بطريق السبي وعيونها ترنو لراس اخيها العباس عليه السلام كانها تخاطب الراس الشريف

الشاعر يصف تلك اللمحة

ابو ذيه


يعنبر وبصحاري زارعِينه
سهم . گدما معزب زار عَينه
غيور اعله خواته زار عَينه
فوگ الرمح راسه وعينه اليّه

😭


اخونه كون عنده هسه يِمنه
والبيرغ بچفّه هسه يمنه
مشي ليل البراري هسه يَمنه
ونرد لديارنه وتفرح رقيّه

😭


من نتعب يحط ظعنه وَيَنّي
حنين او ونّته تطلع وَيَنّي
ليالي الشام لا هلّن وَيِني
عساهن وآنه ماروحن سبيّه


😭😭


يا زينب
يازينب
يازينب

ام محمد الحجاج

http://hottg.com/ommohamadalaebaadey

مولاتي العليلة عليها السلام دارت سنة علی مقتل ابوها سيد الشهداء واخوتها وعمامها وانصارهم .

. گعدت گبال عمتها زينب  . عليها السلام وگابلتها ام الاكبر وام القاسم وام البنين وام الفضل وام الرضيع . وسكينة وبقيّة نساء بني هاشم وصارت للمجلس ضجة ولوعة . وكاني بها تنعی  عزازها  .. واويلاه



نعي قبل القصيدة


دگول  آه  آه 👇👇👇

عيوني اتّفكّر صوب ال ادروب
وبالي ايتنطّر فكّت البوب
چمدوب اصبر الروح چمدوب
الكم تحن ابوكت الغروب
شييب دليلي وحيل متعوب
يلمااندلكم صرتو ياصوب

آه عزاز گلبي
مشتهيه اشوف عزاز گلبي

😭😭

الليل لو چلچل وجاني
اصوركم تهيجلي احزاني
الضيم اگللكم علاني
وافراگكم يوجع گضاني
اعزاز وبُعدكم مرضاني 
سوالفكم الحلوه بلساني

عمت عينهه الدنيه الخذتكم



😭😭


القصيدة  👇👇👇👇👇


دارت سنه وننتظر ملگاهم
ماتنحمل يانار فرگاهم

يدرون بينه شسوه لغياب
صارت سنه ومادگو الباب

ماتنحمل يانار فرگاهم

😭😭

راحت ايام وعادت ايام
وعيوني ابد ماتقبل اتنام
الليله صارت للمشو عام
وفراگهم يوجع بلعظام

تسبب مرض يافرگه الاحباب
صارت سنه ومادگو الباب

ماتنحمل يانار فرگاهم

😭😭

تون ومريضه اعليهم الروح
وصارن بگلبي جروح وجروح
ماتبرد النيران بالنوح
الفارگ عزيز دگول مذبوح

ماطاب جرح احبابه ماطاب
صارت سنه ومادگو الباب

ماتنحمل يانار فرگاهم

😭😭

ماطاب جرح الفرگه لليوم
حارم اعيوني لذت النوم
كلما اگولن آه ملچوم
خله الحزن بعيوني مرسوم

آنه وصورهم اشبع اعتاب
صارت سنه وما دگّو الباب

ماتنحمل يانار فرگاهم

😭😭

بس الصور ظلتلي بالدار
واسوالف الحلوات تذكار
ماادري بينه الفلك يندار
وآنه بدليلي مسعره النار

وبنارهم گلبي انچوه وذاب
صارت سنه ومادگو الباب

ماتنحمل يانار فرگاهم

😭😭

حنيت والعباس حنيت
من چانو يگعدون بلبيت
ذيچ الليالي تعود ياريت
وحلمانه وامن الحلم فزيت

يطلعون بس بالحلم غيّاب
صارت سنه ومادگو الباب

ماتنحمل يانار فرگاهم

😭😭

ام محمد الحجاج






http://hottg.com/ommohamadalaebaadey

الاول من شهر ذي القعدة ولادة السيدة فاطمة المعصومة عليها السلام

هوسات

🌹🌹🌹
🌹🌹
🌹



اليوم مولد فاطمة اخت الرضه
بيهه مسترّه الاكوان ارض وفضه
يمن هنياله بزيارتهه حضه
ويقبّل باب المعصومة

صلوات

اللهم صل علی محمد وآل محمد

🌹🌹🌹
🌹🌹
🌹


بت معصوم . اخت معصوم . معصومه
الحوايج تنگضي بميلادها ويومه
الگلب منشرح كلهن خفّن همومه
والروح امعيده ومسروره

صلوات
اللهم صل علی محمد وال محمد

🌹🌹🌹
🌹🌹
🌹

ياباب الحوائج چفّي مدّيته
ورجاي اليوم الچ مولاتي ودّيته
الگلب چن طير من ضلوعي هدّيته
مرسال اتعناچ الليله

صلوات
اللهم صل علی محمد وآل محمد

🌹🌹🌹
🌹🌹
🌹


ابارك لكم احبتي

ام محمد الحجاج

اهلا وسهلا بمن انضم للقناة

كل الهلا 🌹🌹

كانت ولادتها في غرة ذي القعدة سنة ١٧٣ هـ
وهي السيدة فاطمة بنت الإمام الكاظم وشقيقة الإمام الرضا.

وألقابُها: المعصومة الطاهرة والحميدة والتقية والرضية والسيدة، وأخت الرضا.

ومما جاء في ثواب زياتها عن الإمام الرضا (ع) : "من زارها عارفاً بحقها فله الجنة" [مستدرك الوسائل ج١٠ ص٣٦٨]

ومن الأحاديث المروية عنها حديث الغدير، وحديث المنزلة وحديث في حبِّ آل محمد وفي فضل الإمام علي (ع) وشيعته.

فداها أبوها
عن كتاب "كشف اللآلئ" لابن العرندس الحلي روي رواية مفادها: (أنَّ جمعاً من الشيعة قَصَدُوا بيت الإمام موسى بن جعفر (عليهما أفضل الصَّلَاة والسَّلَام) للتَّشرّف بلقائه والسَّلَام عليه، فأُخبِروا أنّ الإمام (ع) خرج في سفر، وكانت لديهم عدة مسائل فكتبوها وأعطوها للسَّيِّدة فَاطِمَة المَعْصُومَة (ع) ثم انصرفوا.
وفي اليوم التالي - وكانوا قد عزموا على الرَّحيل إلى وطنهم - مرُّوا ببيت الإمام (ع)، ورأوا أنّ الإمام (ع) لم يعد من سفره بعد، ونظراً إلى أنه لا بد لهم أن يسافروا طلبوا مسائلهم على أن يقدموها للإمام (ع) في سفرٍ آخر لهم للمدينة، فسلمت السَّيِّدة فَاطِمَة المعصومة (ع) المسائل إليهم بعد أن كتبت أجوبتها، ولما رأوا ذلك فرحوا وخرجوا من المدينة قاصدين ديارهم.
وفي أثناء الطريق التقوا بالإمام الكاظم (عليه السَّلَام) وهو في طريقه إلى المدينة، فحكوا له ما جرى لهم، فطلب إليهم أن يروه تلك المسائل، فلما نظر في المسائل وأجوبتها، قال ثلاثا: (فداها أبوها).

اخت الرضا ام الكرم وام العطايه
اتفيض رحمه ومكرمات اعله البرايه
ماترد سايل لوگصد معروفه هايه
بت موسی ابن جعفر كفو ونعمين منها


مبارك لكم مولد اخت الرضا

🌹🌹

سلامٌ على مَحفوفةٍ بالأرائجِ
كريمةِ مِضيافٍ وبابِ الحوائجِ

لها رَوضةٌ في أرضِ (قُمٍّ) مَزارُها
يُشعشعُ نورًا صاعِدًا بالمعارِجِ
⚘️⚘️

السلامُ عَلىٰ الطُهرِ الطاهِرة مِن روحِ مُوسىٰ بنَ جَعْفَر..