نعي لام البنین عن حالها مع ایتام العباس ع
►◄❁►◄❁►◄❁►◄
یعباس ویلادك یلوعون

عنك یبعد امك ینشدون

ولمن اسمعنهم ینوحون

علیك وعلیهم تعمه العیون

یمه الیتم ذل ومهانه😭

✍🏻ام ضیغم المحنا
►◄❁►◄❁►◄❁►◄

یعباس یبني باید الحیل

عنك ینشدوني المدالیل

اسکت وبس ادموعي اتسیل

حمل الیتم لش ثجیل

چا لیش بزرك ضیعیته😭

✍🏻ام ضیغم المحنا
►◄❁►◄❁►◄❁►◄
گلبي خلص یمه اعله فرگاك

عیني عمت من ون یتاماك

یمته تردلي اوین اگلك

واخبرك علی ذلت ضناك

یعباس گلي ابنك شاگله😭

✍🏻ام ضیغم المحنا
►◄❁►◄❁►◄❁►◄
شاگل للـولد لـو یابه
گلبي تره ینشلع بابه
یعباس گلي بهالطلابه
لا انتي یمـي ولا لبابه

یاریتني میته اویاکم😭
►◄❁►◄❁►◄❁►◄
گلبي تداعه وصار طشار
من اسمعت ونات الازغار

یتامه وبگو یبچون بالدار
►◄❁►◄❁►◄❁►◄
شفت الابنیه لاویه الجدید
دمعها یهل والنوح تردید
تبچي اعله والدها الصندید
►◄❁►◄❁►◄❁►◄
حسره تجر بارداف حسره

ترید الابو تگعد ابکتره

کون الابو میعوف بزره
►◄❁►◄❁►◄❁►◄
بنت ابو فاضل شابحه العین

وتصیح ابونه وین ما وین

خلانه من بعده ذلیلین
►◄❁►◄❁►◄❁►◄
یمه الولد یاماي عیني
تعال عاوني ابونیني
حط الولد بینك وبیني
►◄❁►◄❁►◄❁►◄
یعباس یا حلو السجیه

انه بضیج ما تلحگ علیه

کتلني الولد واخته الابنیه

یطلبو شي ماهو بدیه

یریدون شخصك یاشفیه

وامنین اجیب الماخده البین😭

✍🏻ام ضیغم المحنا
►◄❁►◄❁►◄❁►◄
►✺┅●✥🧿✥●┅✺◄
تمـــ بعون الله ـــت
بقلـ✍️ـم شاعرة اهل البیت ع
العلويه ام ضيغم المحنا
✋لانجيز حذف إسم الشاعره او التلاعب بالکلمات
☘️نسالکم الدعاء☘️
https://hottg.com/omdegim

هذا

لطميه لام البنین ع
((الوزن بحر طویل))
✍بقلم العلویه ام ضیغم المحنا
ـــــــــــــــــــــــــــ
بفراش المنیه اصیج.. لیش اولادي عافوني

لیش حسین والعباس.. وگت الموت ماجوني
➖➖➖✦➖➖➖
بفراش المنیه اصیح.. یاعباس یجنیني

ردتك للکبر یبني..من اوگع تباریني

اريدك یالولد بیدك.. علی اوسادي تتاچیني

برباك انهدم حيلي یبني.. او وگعت امتوني

➖➖➖✦➖➖➖
یسباح الگلب یبني.. علی امتوني ربیت اسنین

یل رابي بوسط عیني..وعلیك امظلله الجفنین

كل نظرك لعد طولك..تساوي مو عمر عمرین

لعد تالي العمر ردتك..یبني وخابت اظنوني
➖➖➖✦➖➖➖
یویلادي گرب یومي..احسن بالاجل جاني

چاوین التعب وارباي..منکم.. یاهو جازاني

الغرب صعبه تباریني..یل غذاك شریاني

ساعات المنیه هاي..لو بس عاد ودعوني

➖➖➖✦➖➖➖
لو بس عاد الي تعودون..ییمه باخر انفاسي

واگول اولادي اجو لیه..واموتن رافعه راسي

یولیدي الولد عزوه..وبابني تهابني ناسي


یضخرونه الولد لضیج..وگت الضیج احضروني
➖➖➖✦➖➖➖

ولدي وگرت اعیوني..وادري ابد متقصرون

من انخیتکم لحسین..فزعتوله سوه للکون

ولو عدلین یعیوني..چا کلکم علي تهوون

تباروني سوه وبدموع.. عیناکم تغسلوني
➖➖➖✦➖➖➖
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره ام ضیغم ولا التلاعب بالکلمات✋
🙏نسالکم الدعاء🙏

موشح لام البنین ع
بقلم العلویه ام ضیغم المحنا
ـــــــــــــــــــــــــــــــــــــ
شابحه عیـوني واتاني عالدرب
بلکي یرجـعلي الولد ريع الگلب
►✺┅●✥💠✥●┅✺◄

ویــن ویـلادی انـــاطر مـايـجــون

عالدرب من عندي مشبوحه العیون

اشعطل العباس ابــو گلب الحنون

مــن دمــه اعیوني مدامعها تصب

►✺┅●✥💠✥●┅✺◄

امناطره اولیدي وانه بآخر انفاس

ما تــرد لامــــك یبو الغیره عباس

ما تردلي یالـولـد عـندي احساس

ونار وسط الروح کل ساعه تشب

►✺┅●✥💠✥●┅✺◄

نار وسط الگلب وبسـاعت وداع

ویــنه عـبـاس الــذي حـلو الطباع

خلص صبري والعمر یولیدي ضاع

رگـد حیلي امن المصایب و التعب

►✺┅●✥💠✥●┅✺◄

یمـه آنـه امکم یـمـن بیکم ازوم

الحـال تالـف بعـد ما بیــه اگوم

الیوم ارید ارباي یمـعدل دگوم

ظاله اوحیدي ودمع عیني یصب

►✺┅●✥💠✥●┅✺◄

عني شنهو العطلك شو ما اجیت

انه باخــــــــر نفـس بیه ما دریت

گربت آجالي وعلی شوفك بچیت

حگي یبني اعلیك ازیدنه العتب

►✺┅●✥💠✥●┅✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره ام ضیغم ولا التلاعب بالکلمات✋
🙏نسالکم الدعاء🙏

https://hottg.com/omdegim

متی ترانا ونراک🌱
.........................
صباح الخیر  وانته الخیر مولاي
یحاضر ما تغیب بوسط  عیــني

کل جمعه اصوغ انفاسي چکلیت
ارید انثرها  الك  یوم التـجــینـي

واتحــظر  وادگ  للـملگه  ثایـات
وانشــرلك  بیارغ مــن ونـــیـنـي

اسمــع صـوت بالـــوجدان  آذان
یصـیح الـیــوم  یتــــروه حنیني

حــي عاللقاء خل نگصد ازحـوف
واشد احزام واشواگي اتحدیـني

اوگف عالطریق ادمــوعي تنخاك
کتلني الانتظار الحگ  احـیـیـنـي

اصوغ اسنیني الك شمعة مواعید
واعلـگها اعـله  دربك  بین ایدیني

کل جُـــمعه اَنـثرت  بدروبك ازهـور
وصارت جـمـعـه کل عمـري وسنیني

حـقیـقـه مو حـلـم  شفت  ابتسامات
بـعـیـنـك عـن وجـودك تـحـاچــیـني

عـلـی دربـك لگـیـك شایل اشواگ
وحــنـان بگـــد سـنینك یــنادینـي

مدري انـه انـتظر مـدري انـتـه مولاي
شــاگـلك وانـتـه  ســرك  یــغـــطـنــي
♡☆°ll°🔰🔵🔰°ll°♡☆
تمــــــ بعون الله ــــــــت
✍🏻بقم شـاعرة اهـل البـيـت ع
العلویه ام ﺿــيـغم المحنا الموسوي
نسالکم الدعاء
https://hottg.com/omdegim

لطمیه لسیده زینب سلام علیها
المستهل 
(موشح التام))

والمقاصیر((شبگها))

والنص ((شیعتي))
ـــــــــــــــــــــــــــ
یاحزن روحي وهضمها یاقهرها
بالمصایب روحي گضت کل عمرها

دنیتي صدعه اعله صدعه
معـنی عـمـري کله دمـعه

آنه زینب.... آنه زینب

✧►◄❖🔹❁🔹◐❖►◄✧

دنیتي سوده وحزینه..دهري عیشني بنحیبه

امحاوطه اذیاب المصایب..بیه وادموعي سچیبه

قسمتي امن الله اعیشن ..بالحزن وابقی غریبه

اعزاز روحي تروح مني.. والافگده امنین اجیبه

فگدي ابو الیمه عزیزي وهو روحي

اشلون بعد اگدر اطیبن من جروحي

بالألــم باطواري انعه
معنی عمري کله دمعه

انه زینب..انه زینب

✍🏻العلویه ام ضیغم المحنا
✧►◄❖🔹❁🔹◐❖►◄✧

ليلي بالونات اخلصه ،،وبعذاب ابديه صباحه

عاشرت همي او ونيني،، وسلوة اعيوني المناحه

شلون اتهنه بحياتي،، والدهر ماعنده راحه

ونت الضامي گضتني،،بنص دليلي مستراحه

محد يشبهه واگول يسد مچانه
شنهي عمره الفاگد حسين وحنانه

كسرگلبي الكسر ضلعه
معنى عمري كله دمعه
انه زينب،، انه زينب

ام مرتضى الخفاجيه
✧►◄❖🔹❁🔹◐❖►◄✧

روحي دولبها دهرها یفر بیها بحيله كله

مرادف اعليه المصايب بدت من عمري آنه طفله

حدبت من زغري ويلي والقهر دلالي  سله

فرحه لسنيني التمرني دهري ابد مالحظه خله

جرح صرت آنه اعله طولى عيب يبره

دمعتي حفرت بخدي
چنها طبره

احـترگ ظلـيت شمعه
معنى عمري كله دمعه

انه زينب...انه زينب

✍🏻ام عباس السكيني
✧►◄❖🔹❁🔹◐❖►◄✧

من فگدت اعزاز گلبی ..اظلـمت الـدنیه علیه

شـفت انواع المـصایب ..شـفت انواع الاذیه

کلها شـالت فـرد شـیله..اتوسـدو بالغاضـریه

ریته هسه ایشوف حالی ..علی حمای الحمیه

روس اخوتی اعله الرماح امعلکیها

بته مجتوفا ابحبل مشدوده ادیها

حتــی مــا خـلونی اودعـه
مـعـنی عـمـری کله دمـعــه

آنه زینب..آنه زینب

✍🏻 ...یسرا الموسوی
✧►◄❖🔹❁🔹◐❖►◄✧

بصغری عاشرت النوایب والگلب بهمومه یطحن

من جفونی احباب گلبی مااظن اجروحی یبرن

اهموم وآلام ومصایب  اسنینی مثل الطیف مرن

ساعه ابچی وساعه اضحك ساعه انوح وساعه اصفن

تالی من بعدالخدر اسمی الاسیره

علهزل امشی وانه چنت الامیره

الصبرمراشلون اجرعه

معنی عمری کله دمعه

انه زينب.. آنه زینب

✍🏻المیرزه ام ليلي الخاقانی
✧►◄❖🔹❁🔹◐❖►◄✧
تـــمـ بعون الله تعالى ـــت
بقلـ✍️ـم شاعرات اهل البیت ع
في رابطة دموع العقیله ع 
لانجيز حذف الاسماء✋
☘️نسالكم الدعاء☘️
https://hottg.com/omdegim

‏🏴 |
قم وانعى من هو بالسجون قتيل وانثر دموعك فالمصاب جليل وأعلن حدادك وأرتدي ثوب الأسى فالحزن في ليل الإمام طويل😢💔

لذت بـ بابك سيدي متمسك بأذيال عطفك
هارباً من طوارق الزمان فأويني

إلهي بـ موسى بـن جعفر الكَاظِم شافـي مرضانا وجبـر قلوبنا 💔

‏فيديو من العلويه ام ضيغم المحنا

قصیده لامیر المومنین علیه السلام
لسان حال مولاتي زينب عليها السلام

علی طور مله باسم
♡یلیلي اسمع ونیني♡
ـــــــــــــــــــــــــــــــــــــــــ

دَمِع عيني نِزفته...لبو حسين بفَرگته
يوَدِعنه....وييَتِمنَه

دَمِع عيني نِزفته

✧►◄❖❁♦️◐❖►◄✧

احس گلبي وجــعني والدمع مدرار

ومصباحي لچــمني بفرگه الكــرار

بچيت أعلى الوصي ويلي بدمع نثّار

كُلنه ايتامه صِرنه بعد حامي الـجار

يصُب دمع النواظر
الگلب لوداعه شاجر

تألمنَه... و توجَّعنَه

دَمِع عيني نِزَفته

رؤى السلامي ✍️
✧►◄❖❁♦️◐❖►◄✧

جـمر گلـبي بوداعك والدمـع نهران

حدر اضلوعي تلهب صارت النیران

یطـبرونك یوسفه یا عظـیم الشان

یلمـجـندل زلمـها وقـــــالــع البیبان


یرایح ما تجــیـني
علیك اعميها عیني

شلت عنا...وتفارگنه

دمع عیني نزفته

✍🏻العلویه ام ضیغم المحنا
✧►◄❖❁♦️◐❖►◄✧

يحيدر من توادعنه اجاني احساس
كل عمري ابغيابك راح يا نوماس
اختنگ صدري واحسن ضاگت الأنفاس
كسر ظهري الحزن والالم ماينقاس

تفرفح زينب اليـوم
الچبد بفراگه مصدوم

تعذَبنه ...وتعاتَبنة
دَمِع عيني نزفتة

رؤى السلامي ✍️
✧►◄❖❁♦️◐❖►◄✧
لو یرهم بدل واتبادل انه اویاك

الیه الموت ادیره خل اموت افداك

شلي بعمري بعد ما ینحمل فرگاك

بویه اسحن دلیلي لو یصیر ادواك

ونینك یهدم الحیل
اشوفك عازم اشیل

تضیعنه...وتطشرنه

دمع عیني نزفته

✍🏻العلویه ام ضیغم المحنا
✧►◄❖❁♦️◐❖►◄✧
البنت تريد ابوها وترتبـط بإسـمـه
ويمر طاري مثل مَيمُر هوه النسمه
وجود الأب في هاي الحياة نـعمـة
و مايقبل على بنته أقــل هـَضمـه

السند والهيبه الها
الزمن لا ما يذلها

الأبو إلنـه...هَوهَ إلجَنّة

دَمِع عيني نِزَفتَة

رؤى السلامي ✍️
✧►◄❖❁♦️◐❖►◄✧
►✺┅●✥🧿✥●┅✺◄
تمـــ بعون الله ـــت
بقلـ✍️ـم شاعرات اهل البیت ع
العلويه ام ضيغم المحنا
والشاعره رؤی السلامي
✋لانجيز حذف إسماء الشاعرات او التلاعب بالکلمات
☘️نسالکم الدعاء☘️
https://hottg.com/omdegim

لطمیه محاوره بین ام الرضیع وام علي الاکبر علیهم وعلیهن السلام
((الوزن بحر طویل))

✍🏻بقلم العلویه ام ضیغم المحنا🌸
ــــــــــــــــــــــــــ

الرباب اصیح یالیله.. دلّال الصبر وینه

بلکن لصبر بیّـاع..والوادم تدلینه

✧►◄❖❁♦️◐❖►◄✧

یلیله یام علي الاکبر..شنهو البصر گلیلي

عبدالله اخذ گلبي..وروحي وعگلي وادلیلي

لا تم شوف بعیوني.. ولا مهجه ونزل حیلي

نـــاره بگلبــي لهــابه
اولیـدي یکتل اغیابه
اعله گلبي حاضنه اثیابه

اشمن ریحته واصرخ..یگلب امه وشرایینه

✧►◄❖❁♦️◐❖►◄✧

لیله ونت اشــونه؟..چن بآخر نفس هیه

تگلها یا دوه ینفع..یختي آنه اشبگه بیه


علي الاکبر هدم حیلي..وعینی اصبحت معمیه

لونّي اویاه امگطعیني
واموت وهو بحضیني
آنـــه الـمــن امخـلـیني

الموت اویه الولد جنه..ولا فرگاه اتضوگینه

✧►◄❖❁♦️◐❖►◄✧

تگلها صدگ یالیله..الموت اویه الولد راحه

ولا یصبح صبح فرگاه..وما تلگین مصباحه

روحچ والگلب تصرخ..خاف ابني خطر لاحه

افز من نومي مرعوبه
انشـد صـورته وثـوبه
نـار بگلـبي منــشــوبه


یتراوالي وارکض لیه..بجـماله وضحکته وعینه

✧►◄❖❁♦️◐❖►◄✧

تگلها ام عبد شتگولین..لو نمشي ونسچ ودیان

بلچي اولادنه عدلین..ما ذبحتهم العدوان

انتي دوري بالرضــع..وانه انشد علی الشبان

بلكي اویاهم الاکبر
وذاك الشفته اموذر
اگولن حـلم مو اکثر

طول اولیدي ما یخرب..ولا شفناه اموذرینه

✧►◄❖❁♦️◐❖►◄✧

تگلها انچانهم عدلین..یلیله خل انشدنچ

ذاك ال عالرمح راسه..مو ینطي شبه لابنچ

واشوفن راس چنه العید..یستاهل علیه ونچ

هذاك ابنچ یمحزونه
علـینه شابـح اعیونه
وهــذا ابني الیهزونه

راسه عالرمح شوفیه.. یعاتبنه  وینخینه

✧►◄❖❁♦️◐❖►
تمـــ بعون الله ـــت
بقلـ✍️ـم شاعرة اهل البیت ع
العلويه ام ضيغم المحنا
✋لانجيز حذف إسم الشاعره او التلاعب بالکلمات
☘️نسالکم الدعاء☘️
https://hottg.com/omdegim

نخوه للامام الحسین والعباس علیهم السلام
((فزاعیه))
ـــــــــــــــــــــــــــ
هايحسین یالعباس ظني ما تخیبونه
┈┉━━•🍃🌸🍃•━━┉┈
روحي الکربله راحت
وین اهل الکرم صاحت
یمکم حاجتي طاحت
امراد لا تعطلونه
┈┉━━•🍃🌸🍃•━━┉┈
ارید امراد هالساعه
روحي الیوم مرتاعه
وین العالي اشـراعه
عبــــاس الیعـرفـونه
┈┉━━•🍃🌸🍃•━━┉┈
وین حسین ابوالسجاد
من عندك ارید امراد
علیه الهم تهاوی وزاد
وارید المرض تشفونه
┈┉━━•🍃🌸🍃•━━┉┈
شوف اشم مرض بیه
والهـــــم زاید اعلیه
بجاه اختك المسبیه
خــــادمکم تکرمـونه
┈┉━━•🍃🌸🍃•━━┉┈
وین حسین والعباس
یل بیـهم نشد الباس
همي ما تشیل الناس
بس انتــــم تشیلونه
┈┉━━•🍃🌸🍃•━━┉┈
اجیت ادموعي هماله
عـنـدي اهمـوم چتاله
ویمکم اشکي الحـاله
هـــمي انتـم تزیلونه

✍🏻العلویه ام ضیغم المحنا
┈┉━━•🍃🌸🍃•━━┉┈
تمـــ بعون الله ـــت
بقلـ✍️ـم شاعرة اهل البیت ع
العلويه ام ضيغم المحنا
✋لانجيز حذف إسم الشاعره او التلاعب بالکلمات
☘️نسالکم الدعاء☘️
https://hottg.com/omdegim

لطمیه لامیر المؤمنین ع
ــــــــــــــ🖤ـــــــــــــــــ
آ یکـرار یـبــــــویه آ یکـرار
مشتعل نار دلیلي مشتعل نار

ابونتك گلبي انچوه
امنـین اجیبلك دوه

آ. یکرار .... آ. یکرار
••<<{{🖤{🟢}🖤}}>>••

ونتك فطرت دلیلي ومنها ونیت

بس ردت الگه دواك وابد ملگیت

الطبر هامك یاعلي طابرني یاریت

ریتني میته گبل یومك تمنیت
..
خــذني ویاك یبویه خـذني ویاك
صعب فرگاك کتلني صعب فرکاك

انته اعز من الهوه
امنین اجیبلك دوه

آ. یکرار. آ. یکرار

✍️العلویه ام ضيغم المحنا
••<<{{🖤{🟢}🖤}}>>••
بویه فك عینك علیه لا تون حیل
وَنتك یا بویه صَعبه تِهدم الحیل
اشلون تِقبلها یَحیدر دمعی ایسیل
تدری ما احمل غیابک عنی لَتشیل

اسمع ابچای یبویه اسمع ابچای
ذابن اچلای یبویه ذابن اچلای

انته بعيوني الضوه
امنـین اجیبلك دوه

آ.. یکرار آ.. یکرار

✍️ یسرا الموسوی
••<<{{🖤{🟢}🖤}}>>••

من اشوفك هذا حالك فکري یندار

صرح غوث انته بخیالي بوصفك احتار

یاملاذ المستغیث وحامي الجار

اشطیحك یاسور عالي ودمك انهار

اعمي العین اریدن. اعمي العین
عگب ابو حسین اموت عگب ابو حسین

خلي مــوتتنه سوه
امنین اجیبلك دوه

آ.. یکرار...... آ.. یکرار

✍️العلویه ام ضيغم المحنا
••<<{{🖤{🟢}🖤}}>>••

لآ تِطول اِلنومه یا حامی الحمیه

اِنته کل دنیای بَعد اِمی الزچیه

لو نویت اِتشیل عنی مِنهو الیه

تدری اَعیش العمرکله بل اذیه
...
تشمت اعدای یحیدر تشمت اعدای
لا تخلینی وحیده تشمت اعدای

ابطیحتك گلبی انچوه
امنـــین اجــیبلك دوه

آ...یکرار آ..یکرار

✍️ یسرا الموسوي
••<<{{🖤{🟢}🖤}}>>••

انه زينب والزمن هدملي حيلي

من زغر كسر الضلع صوب دلليلي

منشفت راس الوصي مانمت ليلي

من بعد عين الابو يا دمعه سيلي
...
لو فكدناك يحيدر لو فكدناك
. وين نلكاك

چـنه عالفـــرگه نوه
امنین اجیبلك دوه

آ يكرار آ يكرار

الشاعرة *ام عــــــ✍️ـــراق الشمرية(( بغداد* ))
••<<{{🖤{🟢}🖤}}>>••
تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع 
لانجيز حذف الاسماء✋
☘️نسالكم الدعاء☘️

الرادود علاء الدفاعي

https://hottg.com/alalladafaeei

الشاعره ام ظيغم المحنه

https://hottg.com/Kfeilzainp