أزهـــــــــــار خلي النفس عليج طيبه لا اشوهلج خلفتج

ـ تمام فهمنا منين جبتهم

ـ من السوك منين يعني

ـ سوده عليه رحت اشتريتلي

ـ اي من وراج غير خو لسانج ما يعرف يكول كلام حلو

ـ رفعت نفسي وبسته من خده مشكوره من سيادتك

ـ العفوا يله تصبحين عـلى كعدي من وكت

ـ ان شاء الله راح وفتحت الجيس دشايش طول وردان بس شُــــــنو يخبلن وحده أحلى من الثانيه عـــاد هو ذوقه يفوز ملابس أسيا كله هو يجيبلها لبستهن على قياسي نفس قياس أسيا جانن ثلاثه والوانهن تخبل خليتهن بالجنطه ورجعت كملت نومتي .

" باجر أروح لخوالي ونغير أجواء ونرفه عن نفسنا من زمان ما رايحتلهم  .

" وبين التفكير وبالگوه نمت لن بالعاده من عندي طلعه النوم ينشال من عيوني أضل الليل كله سهرانه بعد وقت هواي يله غفيت وما حسيت غير الباب يندك بقوه !

يَتبـــع .....

الحلقه الثانيه
___

أزهار ـ أي كعدت كسرتوا الباب كمت والنوم بعيوني فتحت الباب امي كاشخه وجاهزه شو محد كعدني

وصال ـ عزا العزاج لحد الان واخوج عصام خبص الدنيا بعجالته امشي لبسي لا يصعدلج ياخذج لخوالج بملابس البيت خو تعرفين اخوج شخبل

أزهار ـ وأني أخبل منه والله خوش عفتها ودخلت وراي طلعتلي ملابس ونزلت الجنطه واني دخلت سبحت وعصام يرعد طلعت ولكيت امي تهلهل عـــلىٰ الواهس تجاهلت الوضع وكعدت اخلي مكياج خفيف ما احس الا انفشت من شعري يمه شكووو سالمين

وصال ـ وين تخلين مكياج شُــــــنو نسيتي عصام هو يأخذنا عوفي هالصخام خو بشرتج تلج انظف من حياتي واني أكول راتبج وفلوس ابوج وين يرحن

ـ هم رجعت عـــلىٰ بابا يمه بس عوفيني براحتي حتى بغرفتي ماكو حريه شطلعت هاي

ـ رايحه لعد استعجلي

عصام ـ وين صرتن رايحيين حفله

وصال ـ اجييينا

أزهار ـ راحت واني كملت ولبست شالي وطلعت وهو يفتر ابو خابصها وصلت لعنده ما اعرف اسيا شلون متحملتك

عصام ـ غصباً عليها لعد المره شُــــــنو شغلها

وصال ـ تتحمل خبال رجلها

عصام ـ يمممممه

وصال ـ سكتت يمممه سكتت يله امشيناا وأنتِ تحركي تذبين عـــلىٰ الحطب بانزين

أزهار ـ طلعنا للبيت خوالي وبطلعتنا دخل مروان سلم ومشه البيت حتى ما سأل وين رايحيين هذا شبي فاصل

وصال ـ عوفي وتحركي ديله صعدي وفضيني يمه مجد ذب هالصخمان من أذانك

مجد ـ شكووو يمه ترى طريق طويل شلون يخلص

عصام ـ عوفي يمه بس خل نوصل اذا بقيتهن الا اشلع اذانك واخليهن سماعات عود علكهن بركبتك

إزهار ـ شغل السياره وطلعنا وأتصل عـــلىٰ مروان

عصام ـ ابواب قفلها ورانا مو تضل نايم

أزهار ـ ردت اطلع هيتفون أسمع اغنيه موسيقى بس حظر والمكان مخطر دام عصام موجود حكومه عمي هي كوه

وصال ـ يمه جان كلت لـ مروان يوصلنا

عصام ـ ليش حجيه وأني شبيه لازم ما عاجبج .!

ـ لا يمه فدوه لطولك شلون ما تعجبني بس سياقتك سريعه وبسلامتك دمك حار واخاف تبتلي بواحد

ـ لاتخافين جنتج هدتلي أعصابي متشوفيني شلون مرتاح

ـ الله يهديكم ويصلح حالكم وأنت هم عينك عليها مريتك هاي

ـ والله يمه أشيل الها عيني بس أخخ خليها بالگلب احسن

ـ شوكت ناوي ترجعها طالت يمه والزعل من يطول موخوش

ـ والله المره تخلف كلمتي وشوري ما تصيرلي مره بعد وجنتج جذبت عليه راحت زياره وبعدين زاعتهن كدام أخوانها وخلتني بوجه المدفع بس سهله يصير خير

أزهار ـ يحجي بحقد ومقهور الى درجه رغم هو الغلطان بس مع ذلك يشوفها هي الغلطت طبعاً ما يطلعون نفسهم المذنبين هم هو وهم بابا نفس الطبع نسخ ولصق ..
____

أسيا

ـ كاعده أوكل كرم وذبجني بس يبجي يريد ابوه وجده
أكل يا ابني ترى تعبتني فوك تعبي اوووف كافييي بس تبجي راسي فرغ دنيا ما تجين تاخذينا طلعي بالشارع خل يلعب وهاج فلوس اشتريله بلكي يسكت ويفضني

دنيا ـ تعال حبيبي نروح نلعب ونشتري اني هم اشتري لو ارجعلج الباقي

ـ اشتري بالباقي لاترجعين سمعتنا امي وعاطت بيها

فوزيه ـ شسوين بالمشترى رجعي الباقي لأختج وأنتِ أمي ضبي إيدج متريدين مصرف لابنج وهذا ابن الدلال كل ساعه والثانيه يشتري واذا خلصن منين تجيبله يكسر ظهرج يمه واحنه حالنه عـــلىٰ كدنا يا أمي

ـ يا يمه هي ترجع خمسميه خل تشتري بيهن خطيه روحي دنيا واشتري بالباقي وما عليج راحت وأمي كعدت مقهوره عليه ، شنو مليتي مني

ـ منو كال مليت منج يا امي بس يمه أبنج أبن دلال لو سامعه مني وما شاكيه لأخوانج وخليتي دمهم حار وحادين سنونهم عـــلىٰ رجلج

ـ يعني عاجبج نسيبج يذل بنتج بعيشتها عـــلىٰ طالعه والنازله وأنتِ بنت الملك سليمان واﺧر شيء يكملها بنت الفگر

ـ يمه الرجال من يعصب يطلع حشو مصارينه ما يخلي حجايه ما يگولها واذا كال خل يكول لا عيب ولاحرام والفقر من الله والحمدلله ما ميتين من جوع ولا داگيين باب وشاحذين اللكمه منه ومن اهله مستوره من يومها هاي نسوان اخوانج ثلاثتهن بهل البيت المهرهر شو ما تذمرن من عيشتهن وراضيات وساكتات وبس يردن رضى زلمهن لن شبعانات بيوت أهلهن بس عيالج ما شافوا وشافوا .

ـ هي علواه لو على عيالي ما سمعت منهم كلمه تغث بالاخص عمتي والله ما ترضّى عـــلىٰ سوالفه بس شسوي حظي وكع بهل الرجال ساعه سوده صارت بينا راده

ـ سگتيي لا يسمع واحد من إخوانج

ـ وعلى اساس ما يدرون يمه خليني بهمي

ـ مخليتج يمه

ـ هذول وين صاروا انوب يصير شي يمه والله عصام يعزينيي كمت طلعت يم الباب نسوان جوارينه كل اثنين يم باب طلعت امي سلمت عليهن وتحجي وياهن واني عيني ادوره اجه من بعيد هو وخالته دنيا يتمشون فدوه لطولك

ـ أكول دادا ام أبراهيم صدك سمعنا أسيا رجلها الضابط يريد يطلك

ـ لا منو كال منين تجيبين العلوم

ـ والله سمعنا صدك ولج اسيا راح تطلكين

أسيا ـ ضليت ساكته اجه كرم جريته دتعال طب جوه كل شوي مشترى اضل اركض وراك يروح يصير شي عليك شيخلصني من لسان ابوك عمامك حكومه ما شاءلله
باوع عليه وبرطم حضنته وبجيت لا حبيبي مو عليك تعال شوفني شنو أشتريت وأنتِ دنيا اشتريتي

دنيا ـ اي خيتي أشتريت وهاج هذا ربع رجع

أسيا ـ خلي الج حبيبتي شلته ودخلت داخل ونزلت زوجه اخوي ابراهيم اسمها دره وعلى اسمها وشايله بنتها وبيدها نساتل خلتهن كدام كرم

دره ـ هاا شلونكم شبي ابنج يبجي الظهر خطيه كسر كلبي والله ردت انزل بس ابراهيم. تعبان ونايم واسوي صوت بالباب ويضل يعيط عـــلىٰ راسي شيخلصني بعد

أسيا ـ هو طبعه نحس شالع كلبي والله ليل نهار يبجي حتى إهناك اذا موو يجي ابوه ويطلعه ما يسكت خو من يلتحق البيت ما ينسكن من عياطه.

ـ خطيه متعلق بابوه دام هيج كسري الشر ورجعي

ـ بعد كل اللي صار

ـ تصير أسيا تصير كل الزلم هيج يحجون وبعدين بيهم يتندمون بيهم لا والله عادي عدهم السالفه بس شطالع بيدج ابنج معلم عـــلىٰ الدلال وبيته وغرفته وفراشه

ـ والله ما آدري يا أختي الله كريم

ـ لاتنقهرين يمعوده ولا يهمج اليوم بالليل يجن نسوان أخوانج أسيل وبراء ونسهر سهره مرتبه اكيد يجن محملات من يم اهلهن ونكعد نسولف كعدة نسوان ولاتخلين بالج يمه

ـ إن شاءلله إبتسمتلي وراحت تشوف إمي شُــــــنو تسوي عـــلىٰ العشه هما عازلين فوك هي وبراء بس اسيل باقيه جوه بس من براء وأسيل يحن لـ أهلهن لن أخوات متزوجات الأخوان عـــلىٰ طيب براء اخذنا اسيل لاخويه محمد الصغير، تنزل دره تاكل يمهم

" أهلي ناس فقره وعلى كد حالهم اخواني يشتغلون عماله بس ابراهيم اسطه احنه ثلاث اخوان ابراهيم ومنذر ومحمد وديانه واسيا ودنيا ابوي متوفي وامي عدها راتب ابوي التقاعدي بس يا دوب تلحك كلها تريد وعيال جبيره

" وفعلاً اجن وخطيه اشكال الدنيا جايبات اهلهن متمكنين بس زينين عليهن وابدا ما يوم شفنه شيء محلو من عدهم مقدرينه ومحترمينه احسن ما يكون الا حظي

" اباوع عليهن مخبوصات ويسون كيك ومجهزات الاستقبال والكزرات والعصائر وشلغن التلفزيون كعدنا ونسولف ونضحك وأمي راحت نامت تعبانه من شغل البيت وهوسة الجهال يحجن واني صافنه يالي مو يمهن

أسيل ـ قفلي تلفونج قفلي حركي حرك الحكران يكطع المصران تجاهلي شوفي شلون يمشي وياج مثل ميل الساعه

براء ـ شنو نسيتهن هذا عصام زقنبوت مو رجال عمي الله يساعدج عليه ما ينجرع يمه الف الحمدلله على زلمنا صحيح مرات يصيرون سم بس اهون من زلمتج

دره ـ وانتن لاتكعدن تشيشنها عـــلىٰ زلمتها يطبهم الرحمٰن الله كريم تفرج خوما تضل سالفتها معلگه وإن شاء الله ترد ييت عيالها معززه مكرمه

براء ـ اشوفج واكفه وياه وتردينها ترجع شُنو نسيتي رجلها شُــــــنو حجه

دره ـ لا ما نسيت وادري كلامه كله يغث بس شتسسوي تحمله وراها ولد وبطنها مليانه وهي من خذته هذه اطباعه وخبالاته شتغيير بي كل مره يتعاركون ويردون

براء ـ والله جان أستحى عـــلىٰ شواربه شايف نفسه شوفه بس هما عدهم ماليه درينا عائله عسكريه وعدهم معارض سيارات شكوو هالنفس وشايلين خشومكم عـــلىٰ عباد الله، يمه گلبي الله يساعدج لو منج اطلك وانعل والديه منين ما طلعلج قسمت الگشره اي والله

أسيل ـ براء يمعوده يضل زلمتها شبيج نزلتي عـــلىٰ الترابي عيب ضبي لسانج

براء ـ من حرگة گلبي منهم

أسيا ـ يحجن وأني ساكته سمعت تلفوني يرن فتحته هو باوعت الهن براء غمتني ودره غمضت عيونها وهزت رأسها جاوبي شلت التلفون وطلعت برا ورجع اتصل لمره الثالثه جاوبته نعم

عصام ـ نعم الله عظامج عظمه عظمه وينج متجاوبين

ـ ويني قابل وبعدين شتريد متصل

ـ ميت عـــلىٰ صوتج ومتصل

ـ هاا لحظه صدكته بس رجع كال

ـ وجعاا انطيني كرم احجي ورجعي حشي بزلمتج يم أخوانج ونسوانهم ما اوصيج شكوو سالفه بالغرفه خليها بحلوك الاوادم .

ـ تمام وشتفهم من كرم

ـ أفهم افهم شعليچ أنتِ يله انطيني أبني وولي

ـ ما جاوبته رحت أدور عـــلىٰ كرم يلعب ويه جهال خواله تعال ماما حبيبي كرم بابا عـلى التلفون يحجي وياك

ـ كرم باباتي حبيبي زلمتي السبع لك البيت خالي الك وحشه والله، هيج فراكك كاسر ظهري.

كرم ـ بابا ادو تعال

اسيا ـ ضل يسولف وياه ومطول خلگه عـــلىٰ الرغم كرم ما يفهم شيء بس يسولف لما سمعته يكوله

عصام ـ كرم حبيبي انطي التلفون لـ لامك وينج

ـ هياتني

ـ شوكت ناويه ترجعين شو طابتلج الكعده بيت أهلج لازم دلال اخوانج يغزر بس تعب عصام بالقندره ما يغزر بيج

ـ من تحسسن ألفاظك ومعاملتك وتضب لسانك عن خلك الله ارجع بس تبقى هيج المحاكم تندل دربها هذا العندي

ـ هذا العندج !! عبالك تهدديني

ـ ما اهدد ليش أهدد خليت التهديد ألك أنت الحكومه

ـ انجبي لا اجفص عـــلىٰ حلكج احجي عدل خوش

ـ رجعنا لمربع الأول شفت نفسك الصوج بيك مو بيه اني وحده على كد حالي كرامتي ما سمحتلي ابقى وياك وأنت تهين بيه وبإهلي

ـ أهلج شوكت هنتهم شو كمتي تلوصييين

ـ وكلمتك بنت الفگر

ـ لا اله الأ الله عمي اني ابن الفگر وابن سطعش الگلب ساعة الكلتها ليش اخذتيها حجايه وزن ورحتي خليتها بلحك اخوانج طلعتيني نمله ما اسوه كدامهم هاي تاليتها أســـــيا .

ـ البشر اله طاقة تحمل وأني طفح الكيل منك ومن لسانك المتبري منك

ـ ليش جديد عليج لساني مو تعرفيني روحي بخشمي وما اتحمل غلط شبيج ما تعرفين اطباعي صارلنا شكد من متزوجين ولا عبالك معاشرتني أنتِ أنتِ

ـ ولا اريد اعاشرك بعد خلص جهالك يمي والطريق ما تبعده سياره

ـ ماشــــــي أسيــــــــــا .

ـ الله وياك نهيت الاتصال شعوطني بأتصاله مليان سم شلون جنت مرتاحه من دونه ولا يبطل من سوالفه الله يصبرني عليك بعدني ما داخله الأستقبال دزلي رساله

عصام ـ شوفي ولج طلاك ما أطلك لو توذنين نجوم السما أقربلج من الطلاك وكرم اجي أخذه يمي وتولدين البطنج هم اخذه وأتزوج ومرت ابوهم تربيهم وأنتِ أبقي خل إخوانج يفيدونج ام الكرامه تعرفينها بس ما فاهمتها

أسيا ـ شطتت وأخذت نفس بقلة صبر وتزوج منو لازمك اوووف كتبتها ورجعت مسحتها ونسوان اخواني يباعن

دره ـ شبيج ولج شصاير تعالي احجيلنا

براء ـ شيصير اكيد غلط عليها وجفص عليها بلسانه الوسخ عوذه شلون متحملته

أسيا ـ صفنت عليها لحظه تندمت شكيت من عنده وخليت كدامهن كل سوالفه تالي نفضت الافكار خيولي يستاهل انشره عـــلىٰ الحبل

أسيل ـ شبيج حبيبتي أسيا

أسيا ـ شوفتهن الرساله وأحتركت حرك وهنا تشعوطن وياي ودره تباوعلي وتكولي سحبي تلفونج منهن شكوو قابل يمعوده

دره ـ الله يهديج رايحه انوم جهالي تأخر الوكت تصبحن عـــلىٰ خير

براء ـ يا خير يجينا من ورا هذا الحقير الله ياخذك عـــلىٰ اللسان يا عار الزلم وأنتِ اذا براسج عقل طلكي وشمري عليه جهاله

اسيل ـ براء لاتدعيين يضل زلمتها شبيج حميتي زايد

براء ـ شو وخرن عن دربي ترى طفح الكيل منه ومن سوالفه اخليهن كدام منذر وخل هو يتصرف وياه شايف نفسه شوفه والله خوش هذا شافنه ساكتيين وهيج يسوي بيج

أسيا ـ أخذت التلفون وكمزت عـــلىٰ أخوي منذر وركضت وراها لا دخليج لااشوفين الرسائل تكبر السالفه وما تصغر خليني اني وياه نحل سالفتنا ومنذر بدون شيء حامي عليه وهسه يتعارك وتصير مشكله ألها اول ما الها تالي لا دخليج لا دخليج براء

وعـــلىٰ صوتنا نزل منذر وراه إبراهيم وبراء طفرت عليهم خلت تلفوني بيدهم ويقرون الرساله وهي تحجي بعصبيه هيج أحسسن كملت عليج أسيا راح يتسود وجهي من جعب الجدر

براء ـ هذا صدك ما يستحي شُنـو ما وراها أهل ويهدد بيها ولج لو برأسج خير ما تضلين عـــلىٰ ذمته

إبراهيم ـ كولي خير براء خل نفهم السالفه من أسياا وياريت ما تتدخلين رجال وحرمته واحنه اخوانها نتدخل وبس

منذر ـ يا خير تحجي عنه إبراهيم شُنو خايف منه واحد بايع ومخلص ووصلت بي المواصيل يهدد بإختنا ونبقى ساكتيين لا والله فلا اسكتله والله هذا الزواج ما يضل لو عـــلىٰ جثتي .

" وأنتِ شوفي ولج طلاك تطلكين وابنج تشمرينه عـــلىٰ ابوه وتولدين هم حاله حال أخوه وانعل والديه لابو
الـ يربيله خلفته

أسيا ـ بس ابني مستحيل اعوفه وما انطي اله تأخذون روحي من صدري لاتلوعني عـــلىٰ إبني فدوه لعمرك

منذر ـ لعد شتردييييين ما فهمناج شو يركعج بالقندره ويسبج ويسب اهلج ويعيرج بفقرج ويهدد بيج ومجلبه بخلفته تندفنين عمرج تربيله جهاله وهو عايش حياته لا والله هذا الحجي ما يوكل عندي هو بصوب واحنه بصوب وخل يتزوج وياخذ من مقامه العالي وراه سبع حجرات كواويد ناس ما تستحييي

إبراهيم ـ أني احجي وياه وخل نفض السالفه بالطيب دخل بالحسنى يطلع بالحسنى ماله داعي العنتره والسب والغلط هو موخوش ادامي ميخالف بس مو نصير مثله ومن هذاك يومنه لهذا يومنه الطفل يتربى عن إمه لا هو ولا غيره يكدرون يأخذون أبنج من حضنج

منذر ـ شُــــــنو تريدنا نربيله خلفته لا عاااال والله نحلت السالفه بابا شبيك اخوي أنتَ ترى سبنااا عيرنا بفقرنا تعرف شُنو ثمن كلمته بنت الفگر هذا جافصنه بسطاله وما سأل عن واحد بينا وأنتَ هذا كلامك وردك

أبراهيم ـ ولاتنسى رجال ومرته

منذر ـ لا ما ناسي بس خليها عليه اني اتصرف

أسيا ـ ركع التلفون بالكاع واخذ الشريحه وابراهيم عاط بي

أبراهيم ـ هاي أنت إشسويت هي هيج تنحل المشكله التلفون شعليه

منذر ـ علمود الافنديه ماتتواصل وياه سمعي ولج اذا سمعت لو دريت حاجيه وياه لو جاي وطالعتله ما تلومين نفسج وطلاك أطلكج واخلص منه ومن كل عشيرته وساعه السوده وافقنا عليه كلنا خوش ناس وسمعتهم زينه طلعو أنذال

أبراهيم ـ منذر لاتصير انكس منه خلاص كلمن يولي لغرفته يله

أسيا ـ طول المشكله أمي جانت ساكته أخر شيء جرتني الغرفه وقفلت الباب وكامت تحجي عليه

ـ شسويلج هسه اضربج بهذا العمر وكل الـ يجرالج من أيدج مو من أيد احد من يوم حبيتي وعشگتي وخطبج هو هذا للسانه هو ابوه يسب ويلعن بي عاد وكفت علينا هاي طينته وخبالاته شتسويله تبدلين رأسه وعقله شيتبدل منه

ـ جاي تلوميني كافي عليه كلام ولدج

ـ اي الومج لعد الومن كوليلي الومن ماكو أم ترضّى بخراب بيت بنتها وادري عيالج زينين عليج ورجلج مدللج بس عيبه للسانه يهلل عـــلىٰ الرايح والجاي خير شر ولو مشكلتج ويه عيالج جان حجيت وصخمت بس شحجي ما أنتِ ما قصرتي كدتيتهن كلهن بحلك أخوانج ونسوانهم والمره اللي تطلع سر غرفتها تنزل من عين زلمتها ونزلتي ما تكوملج كايمه بعد من إمداج من بين النسوان

ـ يعني ترضينها يگولي بنت الفگر

ـ ولج يكوووووول اللي يگوله قابل الزلمه جاذب خليييي يرطن منا لباجر شوفي شلون يحسس بذنبه ويجي يتعذرلج بس أنتِ إشسويتي اجيتي ركض حجيتي الأول والتالي ما خليتي خط رجعه اذا رجعتي ما تردين عين تباعين بيها بوجه زلمتج

ـ ما ارجع اله لو يمووووت وهذا كلامج ما هز شعره بيه ويريد ياخذ جهاله خل يأخذهم

ـ أي وضلي دكي ونوحي عـــلىٰ رأسي كتلتي نفسج كطعتتي روحج علما تأخذينه وأخوانج يوافقون هسه صار كخاا مو هذا أختيارتج ما جان تتحملينه الرجال من يحمله غير مرته

ـ ميهمني بعد

ـ وميهمني لا يبوو شيهمج هم غم ما واكعه بس برأسي

ـ هو أنتِ مليتي مني

ـ سكتي لا اكوملج أنعع عظامج وكومي جيبي أبنج ونومي لما اشوف أخوانج شيسون بسالفتج يا خوفي من تاليها يا خوفي أخ منج أسيا شلعتي گلبي بزواجج

أسيا ـ عفتها مقهوره عليه وطلعت لكيت ابراهيم يحجي هو ومنذر عبرتهم وجبت كرم لكيت أسيل تعزل وتنظف هوسة الاستقبال طلعها من عيني جبته وغسلتله واخذته نومته بالكوه نام شلع كلبي وتذكرت إبوه وكلامه وتذكرت روحي أشسويت اني اوووف يحظي .
______

أزهـــــــــــار .

ـ بعد مرور وقت وأمي ختمت القرأن علما وصلنا من خوفها عـــلىٰ عصام ادري بيها تحبه أكثر واحد بينا واله معزه خاصه من دون أخواني وشاغل بالها بزواجه وجهاله دوم مشاكل والسبب من أسيا اي شيء يصير هي وياه تركض تخليهن بحلك أخوانها وتالي تصفى الگلوب وترجعله وهو يعدي الموضوع لن يحبها الله يصلح حالهم

"وصلنا ودخلنه القريه بيوتهم كلها من طين وغنم وابقار ودجاج وطيور وأنواع الحيوانات ضليت صافنه ومبتسمه وأباوع عـــلىٰ الزرع والخضار طبيعه تفتح النفس هواء وأوكسجين نقي ومجد طالع رأسه من الجام ويصور الاجواء وحركات وكذا وعصام كفخه عـــلىٰ رأسه وعاط بي

عصام ـ نزل رأسك لسياره لا انزل اجفصك شيكولون علينا الأوادم يصورون نسواينه ما تشوف الكاعيين مليانه نسواين من طاح صبغ من بين الزلم يمتى تجني عقل لك ارعن .

مجد ـ كافي تغلط عليه ترى مو ابنك ولا جاهل أني طالب أعداديه ما عدت طفل صغير

عصام ـ أغلط عليك وأكسر رأسك هم والما يجني عقل لو عمره بالستينات العقل مو بالعمر يالفهيم

ازهار ـ مجد ضاج من قساوة كلام عصام وصلنا وطبك السياره باب الحوش ودك هورن وطلع خالوا سلمان وخالي سلام وراهم شاهين نزل عصام مباوس هو وياهم وسلام حار وامي كذلك واني تقدمت سلمت عليهم ودخلنا لداخل جانت اكو غرفه معزوله عن البيت وعليها طرمه كلش جبيره كالوا هاي المضيف طبعاً البناء كله من طين دخلنا وجدي جان كاعد وخالي مازن هم موجود سلمنا عليهم وجدي خطيه هواي فرح بينا وضل يباوعلي ما شال عينه عني واجه شاهين جاب ماي وقدم النا وصل لعندي رفضت وعصام كبالي خزرني اخذت ما عطشانه هي كوه

الجد أسماعيل ـ يا هلا من زارنا يبه سلام سلمان ذبحوا وحضروا الزاد جية الغوالي جثير عزيزه يا هلأ

عصام ـ بالمهلي جدي طال عمرك والله ما تقصر ليش تكلفون عـــلىٰ نفسهم من هالموجود قابل احنه غربه

سلمان ـ لا يبعد خالك ما يصير وجيتكم مناك لهناك الها ذبيحه ابني شاهين كوم نذبح بجية بيت عمتك يله يبوي

شاهين ـ عـــلىٰ امرك يبوي .

أزهار ـ جان الترحيب والتقدير من أحسن ما يكون إمي طايره من الفرح انقهرت عليها شوي ودخلت جديتي وضحى وكمنا سلمنا كلنا جرتني وتبوس بيها كل قوتها وتمسح عـــلىٰ ظهري بحنيه

الجده وضحى ـ ولج وصال بنيتج صايره مره وكبرانه وحليانه عين النبي تحرسها

وصال ـ اي يمه البنيه بساع تكبر ركض ركض درست معهد سنتين وتعينت

ـ وين تعينت

عصام ـ موظفه جده موظفه بالدائره الحكوميه

الجده وضحى ـ وأنتوا كاتلكم الجوع توظفون هالطيره بنص الزلوم وين غيرتكم عليها ولك عصام شلون تراضاها خيتك وحيدكم هاي مو عيب شتكول الاوادم

عصام ـ والله جده گوه علينا هذا شغل سيد الوالد هو وظفها والله السالفه لو توكف عليه كعدت البيت كافي عليها

الجده وضحى ـ يلة يجي نصيبها ورجلها يحكمها وهذا تظويف ماله داعي بعد والخبزه الزلمه يجيبها موش الحرمه .

أزهار ـ يحجون وأني ساكته بس على أعصابي مبين جديتي وين راسمه جنيتها عرفتها مو خاليه لاهي ولا جدي نظراتهم اليه وكلامهم بالزواج الله يعدي على خير اني وأحلامي وين وهما وين كل عقلهم اتزوج وأعيش بيت من طين وازرعي وداري حيوانات يمه لا انتحر احسن شي .

مجد ـ ترى يردون يزوجونج لـ شاهين

أزهار ـ أكرمنا بسكوتك أنتَ، أمي لحكت جديتي وكمت وراهن تمشينا بالحديقه وبعدها دخلنا للبيت مضيف النسوان اجن أخوات شاهين الـ ٦ وسلمن علينا وحده وحده

سندس أرمله
سناء متزوجه أبن عمها
وداد
سهاد
سميره
أميره

كعدنا بالغرفه جبيره كلش بيها صور الأمام الحسين
(عليه السلام) وتلفزيون هذا القديم عـــلىٰ ميز خشب ضخم مثل الكنتور بي خانات وتقسيمات وعليه ورود من كل مكان بس مع ذلك المكان نظيف وريحته تجنن والبرده لونها فستقي واني صافنه بتفاصيل الغرفه جديتي ضربتني بالعوجيه مالتها .

الجده وضحى ـ ولج حبوبه وين شردتي شنهي اخذ عكلج

أزهار ـ منو جده

الجده وضحى ـ لا هيج يلة يمه كومن جهزن الزاد واخذن وياجن زهيره خل تعاونجج بالطبخ مبين وصال ما معلمتها تكون ام بيت مو هيج وصال

وصال ـ اي يمه إبوها مدللها ما يخليها تجيس شيء شتريد أمر ولبيك تعرفين وحيدته وعزيزه گلبه هي بكفه واخوانها كلهم بكفه

الجده وضحى ـ الله يحفظها ويفرحكم بيها يله زهيره كومي شمالج صافنه بوجهي كومي جده كومي

أزهار ـ جده أسمي أزهار مو زهيره ودلعي زهره

الجده وضحى ـ محلو أسمج خو لو مسميج زهراء شحلاته

أزهار ـ لا كلش حلو بابا هو سماني وكلش حابته ضحكت وضربتني بالشقه بالعوجيه ومشيت وياهن للمطبخ لاحظت امهم ما موجوده صدك خاله جنان وين ما شفتها

سهاد ـ زعلانه يم خوالي

سندس ـ سهاد لسانج

أزهار ـ ما حجيت بس وحده تباوع الثانيه ما اعرف ليش
وداد راحت تغسل التمن على الحوض وسناء اخذت الضيافه لإمي وجديتي اساعدكم بشيء

سندس ـ لا يمعوده بشنو تساعدينا وبعدين يمكن ما تعرفين تطبخين

أزهار ـ لا اساعدكم بشيء مو شرط الطبخ كامن يضحكن شكوو كلت شيء يضحك

سميره ـ لا عادي إكول عوفينا من الطبخ احنه نطبخ سولفلينا شسوين صدك تشتغلين ويه والزلم .!

ـ أشتغل ويه الزلم

ـ اي سمعنا توظفتي بدائره بيها موظفين وياج

ـ اي صحيح بابا وظفني

سهاد ـ هم إبالج تزوجين

أزهار ـ لا مو طموحي الزواج ولا أبالي

سميره ـ شعجب ما شاءلله عليج دارسه ومتعينه وحلوه وكامله والكمال لله

سندس ـ شنو هالاسئله مو عيب يله كلمن تلفتت لشغلها شعليجن تزوج والما تزوج ما عليج منهن حبيبه تعالي امشيج وأشوفج كاعنا والخضار والزرع

سميره ـ أي عيني مشيها مشيها خل تشوف العيشه شلونها بالقريه عليش تجي تعيش بيها وبعدين تنصدم

أزهار ـ أعيش بيها شتحجين أنتِ

سندس ـ سميره مو وگته الحجي

سميره ـ وشگلت قابل مصيرها تعرف خيه سمعي احسن ما تسمعين من غيري خيي شاهين رايدج بالحلال تكون حرمته وابوي عزمكم علمود يفاتحون عميمه بالسالفه كلها

أزهار ـ لا تششاقين مو معقوله

سهاد ـ ليش مو معقوله ليكون مو عاجبج اخوي والله يصحلج زلمه مثله فديت طوله اخته تعشگه

أزهار ـ ضحكتيني والله وبعدين اللي اعرفه الرجال يمشي لبيت العروس ويخطبها مو ينتظر المره تجي بيته ويخطبها صدك خطبه اخر وكت نفضن ايديهن وعصبن

سهاد ـ والله كالتها أمي بنت العز والدلال ما تعيش عدنا

سندس ـ سميره سهاد كافي سكتن شعليجن أنتن بهل السوالف امشي أزهار وما عليج من الحجي

أزهار ـ كلامهن كله بحقد تجاهلتهن وأخذتهن على كد عقولهن بس السالفه كالنها ضلت برأسي معقوله يطلع كلامهن صدك لا مستحيل اوافق ولا أهلي ينطوني بالأخص بابا ما يجبرني عـــلىٰ الزواج اخ منج يمه اكيد عدها علم بالسالفه وضمت عليه من ارجع احجي وياها ويصير خير .
ومشيت ويه سندس جانت حبابه ولطيفه واحنه نمشي اجه شاهين صارت گبالنا وايده كلها دم أنرعبت من المنظر ضحك وگال

شاهين ـ شبيج تتراجفين ترى ما ذابح احد دم الطلي هذا

أزهار ـ لا ليش ارجف عادي يله سندس نمشي

شاهين ـ وين

أزهار ـ كالت نتمشى

ـ سندس روحي هسه تلحكج

سندس ـ ماشي خويه

أزهار ـ راحت وعيني وراها الصراحه خفت من تواجدنا سوه وخاصه هو نظراته ما اعرف شلونها بس يباوع بتركيز ويصغر عيونه ويرجع يعيد نظراته شبيك مضيع شيء بوجهي .

شاهين ـ أزهار

أزهار ـ أتفضل

شاهين ـ أحد گايلچ أحبج !

يَتبع
__

#الحلقه_الثالثه
__

أزهار ـ لأ ولا أريد أسمعها مشيت وكف بطريقي شتريد اريد أروح

شاهين ـ وإذا سمعتيها مني

ـ تكون ناقص غيره عـــلىٰ بنت عمتك بنص بيتك وتتغازل بيها ضغطت عـــلىٰ ايدي بكل قساوة يمتلكها وعيونه بنص عيوني بقيت اباوعلها بكل تركيز وصگيت عـــلىٰ سنوني وجاوبته عوف أيدي راح تخلعها ابتعد عني ترى ميصيرلك خير

ـ شتسوين !

ـ شُــــــنو شسوي أكلب عليك الدنيا شو ما تعرف تحجي

ـ أحجي عدل لا أكسرلج سنونج بلحكج شو ما تحترمين

ـ والله لن وكفتك وياي غلط وحركاتك كلها ماله داعي

ـ أريد احاجيج وما لكيت الا أمنعج لن أنتِ ما تنلزمين الكاع گوه شايلتج متكوليلي شُــــــنو من صنف النسوان هيج شرسه وقويه

ـ كتلك بعد عن طريقي خليني أرجع يم أمي هسه تسأل عليه واذا طلع اخوي الضابط عصام وشافنه ما يصيرلك خير احسن ألك ابتعد ، تقرب وجرني احس عظام جسمي تكسرت بقساوة جسمه صرت نتفه بيده
كال بغضب

ـ أنتِ نسخه من أبوج الشايف نفسه شوفه على الاوادم
شايفج نفسج أنتِ

ـ شايفه روحي بنت عائله عسكريه

ـ تخوفيني مثلاً ! شوفي لج زلمه وخليتج برأسي وجدي وعمامي راح يحاجون أخوج الضابط عصام وعميمه بالسالفه كلها وكتها نحجي خوش حجي وحجي اليعجبج ويسر خاطرج وخاطري !

ـ قصدك سالفة الزواج بابا لاتحلم بابا هذا الشي ميصير نجوم السما اقربلك مني

ـ وليش أني أبن خالج وأكسر رأسج وما أخليج تروحين للغريب ولد عم ما عندج غصباً عليج أنتِ الي وما تصيرين لغيري

ـ مستحيل أوافق على رجال همجي ومو مستواي ولا طموحي الزواج مو مرجله على المره رادت يضربني بس قبض إيده بكل قوته وأني دفعته ومشيت بس حسيته صار بركان يلهب لحظه يلتهم المكان مشيت وركضت وصلت وأخواته واكفات يم الباب بالكوه أخذ النفس وحده تباوع الثانيه ويضحكن .

سهاد ـ انحصرتي

أزهار ـ أنجبي وحده جاهله عفتها ودخلت يم أمي وجديتي خافت ضلت مركزه على وجهي وتلمس وتفحص شكلي

الجده وضحى ـ ولج حبوبه شبيج وجهج مخطوف لونه وجسمج كله يختض شمالج منو حاجاج

وصال ـ يمه أزهار شبيج أمي جديتج تحاجيج أيديج يرجفون خوما تعاركتي أنتِ وبنات خالج ولج عيب ماما

أزهار ـ بصياح شُــــــنو شايفتني علمود أتعارك شعندي وياهن قابل ضربتني بقوه على راسي وصاحت بيه وحبوبه كامت تحجي عليها

وصال ـ لعد شبيج تزاكطيين وانكلبت خلقتج شجاج

أزهار ـ هسه هسه خل عصام يرجعني للبيت هسه

ـ لا والله مو عصام يشتغل عندج وجايزه منه ادزه لوحده شجاج توج جنتي كلشي ما بيج

ـ مسويه روحج ما تدرين جايبتني مناك لهناك علمود تزوجيني لـ ابن اخوج شاهين خليها ابالج مستحيل هذا الزواج مستحيل يصير لن مو من مستواي واحد همجي ومتخلف لا شغله لا عمله حبوبه ضربتني لميت رجليه ما اريده هي كوه ليش تزعلين وتضربيني

الجده وضحى ـ ولج خوما كسرتي گلبه بهذا لسانج

أزهار ـ والله هذا الموجود وخل ياخذ من ثوبه اني وياه ما نتوالم وما اريده ما اريده امي كامت تضرب بيه عوفينيي ما الج حق تضربيني لن رفضت ابن اخوج الزواج مو غصب مو غصب تقربت سدت حلكي بقوه

وصال ـ ولج صوتج فضحتيني شيكولون عليه وصال ما عرفت تربي بنتها وهذا لسانج راح يعم عليج ويه أخوانج ما خلصانه انوب ويه خوالج تردين تنكسر ركبتج سكتي لا بارك بيج

أزهار ـ عافتني من اجانا الصوت من برى

شاهين ـ عمه عوفيها لاحد يضغط عليها حبوبه تعالي ابوي دز عليج

أزهار ـ كامت حبوبه مقهوره مني وأمي صارت عصبيه وتعض اصابعها رجعت دفرتني بخاصرتي وكالت

وصال ـ راجعتلج يا أدبسزز اني الج عـــلىٰ اللسان عبالج أبوج يرضى بهذه تصرفاتج والله يملص ركبتج وينسيج الدلال العيشج بي

أزهار ـ يمه لاتصييرين ضدي الزواج مو غصب شنو ما تردين سعاده بنتج واني وحيدتج شلون ينطيج كلبج تشمريني لـ شاهين بهيج مكان وهيج عيشه وبيوت طين وزرع وحلال واني ما تربيت هيج ابن بنت دلال ابوي

ـ لو ساكته وضابه لسانج جان عرفت شلون احاجيج مو تشمرين بالحجي وجديتج كاعده ما أحترمتي احد هو هيج ربيتج،شوفي ولج اني طالعه يا ويلج اذا لحكتيني اكعدي وانجبي بمكانج

ـ طلعت وضليت كاعده لوحدي وشوي واجت سندس صديت وجهي

سندس ـ دامج ما تردين أخوي ليش غثيتي بحجايتج جان تكدرين تكولين ما موافقه وكان الله يحب المحسنين بس كالتها امي بنت كمال ما تعيش عدنا واذا عاشت تضل تتبجج وتتتفيك علينا بشهادتها ودلالها وصدگت

أزهار ـ أني ما مستنقصه من إخوج بس السالفه وما بيها أني وياه ما نتوالم مو من ثوبه حتى أفكارنا ما متطابقه وراح نتعب بحياتنا والحياة الزوجيه عمر مو يوم ويومين ومن حجيت من نار گلبي خفت يوافقون ينطون اله رغم متيقينه بابا ما راح يوافق

سندس ـ إن شاء الله ما يوافق وهذا الزواج ما يتم وأولها احسن من تاليها الشفناه والسمعناه منج كافي وزايده ما توقعج هلكثر مغروره وتستنكفين من عيشتنا وزرعنا وحلالنا مع الأسف عليج أنتِ بنت عمتنا والله يا حيف روحي أخذيلج واحد من ثوبج بلكي يترس عينج .

أزهار ـ طلعت وحيل أنقهرت من كلامها حسيت وإدركت بروحي هوايه جفصت بالكلام وقسيت أني شبيه أنهديت عليهم اي شمعرفني كله من ورا أمي من يومها تحلم وتتمنى اخذ شاهين والله يا امي ما اعرف شگول عليج

" مر وقت ومحد بين وسهاد فرشت السفره لونها ماروني وخلن الخضروات وللبن وسلطه وگلشي من احسنه وجابن الأكل ما يباعن بوجهي أبداً حقهن قسيت عـــلىٰ أخوهن وهو حيدتن كبر لفني شبيه

" أجت امي مغسله فرشت سجادتها وصلت وأندارت عليه وكالت

وصال ـ أرتاحي

أزهار ـ شصار

ـ صار اللي تردينه بس السالفه لازم توصل إبوج إحتمال يوافق كلشي يصير بلغوا عصام يگوله

ـ ما يوافق متأكده

ـ أنجبي وصوتج ما اريد أسمعه خزيتيني بين خوالج وجهي أسود منهم بس اروح واخلي أبوج يتفاهم وياج أدبسرز

ـ ما جاوبتها اجت حبوبه وصاحت للبنات

الجده وضحى ـ تعالن يبعد جبدي تعالن تغدن ما عليجن من حجيها الماصخ بنت عمتجن ارعنه ما اداري مصلحتها وكلمن يمدد عـــلىٰ كد غطاه هي متعافيه ما الجن شغل منها عبالي أدامي طلعت مامش منها فايده

أزهار ـ اجن كلهن وكعدن وأمي تسولف وياهن ويضحكن واني ولا كأنما الي وجود كمت وجان حبوبه تضربني عـــلىٰ رجلي بالعوجيه منعتني اطلع

الجده وضحى ـ وين موليه جنج ضابط شرطه وريحتج تعجل ما ترحمين الاوادم شنهي من گلب گلبج يا ملعونه

أزهار ـ سويني شيطانه

ـ رجعي كملي الزاد ما تعبن عليه وطبخنه علمود ينذب أحترمي الزاد ورجعي المكانج النعمه ما ينزعل عليها وسوالفج الماصخه أمج تحاسبج عليهن يله حركييي

ـ رجعت بس بالگوه أكلت كم لكمه من كثر ما انقهرت خلصنه وشالن المواعين وحبوبه حكمت عليه أغسل وياهن واني رفضت والله ما اكوم جايه خطار اشوفج لو أغسلج مواعين مو انتوا دزيتوا عليه والله خوش

"امي هم ضربتني يمه شبيج إيدج اخذت عـــلىٰ الضرب ترى رأسي ما جايزه منه سويتي مخي عصير كوكتيل

وصال ـ شو أستجلبتي فد مره

أزهار ـ والله سألي روحج والله لو أدري هيج تاليها فلا أقنع بابا وتوبة اذا اجي وياج بعد

ـ ميخالف أزهـــــــــــار أني الج بس نرجع بس خل يعدي هاليوم عـــلىٰ خير والله اخليهن بحلك اخوانج كل حجايه حجيتها اذا ما خليت عصام ومروان يكسرونج عـــلىٰ قلة التربيه هذه اني مو أمج .

ـ سگتت وخفت صدك تسويها والله افلت عـــلىٰ أبويه انقهرت هواي وجريت جنطتي ودزيت رساله لـ بابا كتبت اله بابا حبيبي أحبك وأشتاقيت الك تغديت لو بعدك بقيت انتظر واتصل امي خزرتني رفعت شاشه بابا حبيبي غمتني أخذت التلفون وطلعت باباتي حبيبي يروحي

كمال ـ هاا بابا هاا بنية أبوها شلونكم

أزهار ـ زينين الحمدلله

ـ هاا شو صوتج ما يعجبني

ـ أختنكت وجاوبته لا بابا بس أشتاقيت الك

ـ يا روح أبوج واني هم أشتاقيت الكم هسه أخابر عصام باجر الصبح تجون لما امج جان العصر اخلي يرجعكم بس امج أطنكر علينا شيخلصنا من الحكومه

ـ تمام مثل ما تريد

ـ يله بنيتي اخذي راحتج

ـ الله وياك نهيت الأتصال جنت بالطرمه أحجي واجه من بعيد يتمشى بهدوء عبر من يمي بدون ما يباو؏ تجاهلته ولكيت أسيا كومه دازه رسائل خير أن شاء الله

أسيا ـ أزهار وينكم مختفين خاله تلفونها مغلق وعصام حاظرني ضل بالي خوما صاير شيء

أزهار ـ جاوبتها يم خوالي سالفه طويله من أرجع أسولفلج

ـ تمام أنتظرج اني هم عندي كومة سوالف

ـ تمام كلبي دزيتها ورجعت كعدت يم أمي كتلها بابا كال الصبح تعالوا ما إهتمت لكلامي ورجعت تحجي ويه حبوبه لابستني ولا عبالك بنتها عشتوا
________

أسيل

ـ أختي وجهالها يمنا يعني البيت مگلوب والألعاب مطشره والكراج صاير مزبله والاندومي كل شوي على الطباخ وتعالي أسيل نظفي وراهم ادري مخلفتهم وناسيتهم من تجين تذبينهم وتكعدين ولا عبالك امهم تشيل ايدها منهم وتكعد برأسي لما يرحون صوتي يطبك .

خلصت غسل المواعين ونزعت الجفوف وسمعت صوت ركضت لكيته كاسر مزهره ولك حمزززززززه من غضب عـــلىٰ يومك وعلى صوتي اجت أمي وأختي من الغرفه عدهن إجتماع سري على العيال والجناين

جنان ـ ولطما شكووو صوتج يلعع يااا يا جده ليش سكرتها

هديل ـ حمزه وتالي وياك ما خلصانه من بيت جدك نوب بيت اهلي شو ولي اطلع برا انجلبتوا ما تخلون الواحد يكعد يرتاح يفتهم من طلعته شيء

أسيل ـ ما سوتله شيء طردته برا شو بس من تجين يمنا تصيرين حنينه على جهالج من اخابرج كلشي ما افتهم منج بس عياط والصونده تركع

هديل ـ أسيل جوزي مني رأسي يوجعني من وراهم جايه أرتاح لو اركض وراهم يمه رايحه اتمدد حمزه حرك دمي

ـ مشت وأمي عاطت بيه

جنان ـ يله لمي الكسره وغسلي البيت ودربالج لا كزيره تفوت برجل واحد منهم شيخلصنه من اهلهم

أسيل ـ هو هذا شغل أسيل بس لو اعرف جنتج ليش من تسمع بـ هديل تجي تمشي لأهلها خل تتنظر تروح وتروح وياها الا كلشي يوكع برأسي والله تعبت

جنان ـ أشتغلي ولا تضلين تلغين ومرت اخوج هم بشر تروح تشوف أهلها اخواتها وتكول بناتها بالبيت وتمشي ما الج شغل بيها ولا تسويلنا مشاكل لا انفشلج عطوبج

ـ شمسويه قابل راحت ولميت الكزاز وغسلت ونشفت وكملت واجه حمزه كمز كمزه امشي ولي برا لما ينشف الحوش لا تضل بس تلوف متكولي شلون الكاع شايلتك من وكاحتك

حمزه ـ مثل ما شايتلج أنتِ هم وكحه

أسيل ـ ركضت وراه وفلت لشارع نزلت ثوبي ودخلت عليهن لكيت امي بيدها فلوس وهديل هم انطتها مصرف وضمت ٢٥ بصدرها وين وين جيبيها أني هم اريد خلصت مصرف

جنان ـ دولي شسوين بالمصرف أعرفج انطيهن الج بس تخلصيهن على الأندومي والحلويات عبالج ما اعرف سوالفج وشبسرعه خلصتي هذاك الأسبوع أبوج انطاج ٢٥

ـ هسه شعليج بيه وين أودين مهم أنطيني حقوقي الواجبه عليكم وفضيها نفضت ايدها وهديل تحسب وتضم شكوو عليج كل رأس شهر الوالده تخزن الج الاكو والماكو ما راحت بس عليه المسكينه اجدي منها جدواه

جنان ـ مخليه عينج عليها منين الها رجلها على كده بدال ما أنتِ تنطينها واكفه مثل الشرطي تحاسبينها

ـ شنطي هو اني منو منطيني شو يله طلعي الـ ٢٥

ـ ما انطيج عود على رأس الشهر هاي أريدها لـ رباب بنت فاضل جابت وعيب ما رحنا الهم ابوج كال جايه يم اهلها بلكي أخوج حسن يجي ويودينه عليهم

هديل ـ منو يروح وياج

جنان ـ أنتِ غير منو قابل مرت اخوج مشت لأهلها اخذج أنتِ

هديل ـ أني ما اروح روحي أنتِ وابويه

جنان ـ وليش ما تروحين

هديل ـ كتلج ما اروح وخلص

أسيل ـ يمه لاتلحين ما تريد تروح فهمي عاد

جنان ـ السالفه صارلها سنين على شُــــــنو ما تروحين تزوجتوا وخلفتوا بعد شکوو

أسيل ـ أخاف تروح وتلكاه موجود ترى صعبه عليها

هديل ـ سدن الموضوع كايمه اشوف جهالي

جنان ـ اختج فلا تجني عقل وبعدين هو بيت اهله شيجيبه بيت عمه وسمعت من إبوج هو ومرته أسيا مو على صلح ويا ظنتي يطلكها

هديل ـ شعلينا بيهم رجال ومرته

جنان ـ لعد أمشي وياي دام هذا حجيج شعلينا بيهم

أسيل ـ خلص اني اروح وياج حبابه اخذيني وياج

جنان ـ هو اخذج بس جهال وين نعوفهم ضلي يمهم ساعتين ونرجع على كد الواجب عيب تأخرنا صارلها شكثر من ولدت

أسيل ـ ما مفتحه حضانه تبقين الجهال يمي أخذيهم وياج والله ما اضل يمهن افطسهم كلهم لو اشربهم الرمين وانومهم واخلص من هوستهم

جنان ـ اخبل من أختج ولج هديل جهالج شلون امي وكاح وين نأخذهم يفضحونا والله بنتج روان جنها مكوك حمزه مصراع

هديل ـ خلف الله عليج

أسيل ـ ليش تزعلين ترى صدك وكحين مال نأخذهم عيب ناس أتكيت

هديل ـ أجفص على الأتكيت مالهم دولي أنتِ وسوالفج نأخذهم ويانا وين اوديهم جهالي قابل اذبهم هاي هيه اهل البيت يتحمل الخطار

جنان ـ اي هاي هيه يمه عود وصيهم لايسون وكاحه

أسيل ـ لا ربحنه ضحكت وخزرتني خلص يله صاعده اجهز نفسي دام العشه حسن يجيبه

هديل ـ خوما تحفين يمه أسيل تحف وجهه

جنان ـ بس وجهه حواجبها لا ما حافتهن

هديل ـ شو بدوري لا وجه ولا حواجب الا تزوجت يله حفيتهن هسه كله على حل شعرها

جنان ـ شسويلها خلت مشقر وجه تحسس وكامت تحف

هديل ـ والله اذا حفيتي حواجبج اخلي حسن يشلعهن بالبلايس

أسيل ـ العقد النفسيه عشتيها لا اطلعينها برأسي خليني عايشه حياتي عفتها وصعدت غرفتي فوك جانت هديل وياي من تزوجت بقيت لوحدي ومن تجي زيارات تصعد هي وجهالها ينامون يمي مرات بالاستقبال حسب مزاجها واخويه ومرته جوه

احنه عائلة تتكون من أب إسمه علوان عسكري متقاعد وأمي جنان ربة بيت واخوان اثنين الجبير حارث متزوج وعازل محامي وزوجته أسراء مدرسه بس وكحه نار اكرهه اموت منها عدها ولد وبنات اثنين ريم رهف ورامي

واخويه حسن الحنين معلم متزوج زوجته اسمها نسرين هم معلمه حبوا بعض وتزوجوا وعندهم ولدين مصطفى ومرتضى
وأختي هديل متزوجه وزوجها حالتهم الماديه على كدهم عدها حمزه وروان

هديل جانت خطيبة عصام سابقاً طبعاً بيت عمو كمال يصيرون ولد عم هو وابويه يعني عصام ابن عم ابويه
أنخطبوا وجانت علاقتهم حلوه وعلى ابواب الزواج بس انفصلوا طلب من هديل بسبب عصبيته وللسانه وتحكمه الزايد بيها كالت واحد نرجسي ومتملك ما اكدر أكمل وياه يموتني ناقصة عمر
" هو ما قبل عـــلىٰ الأنفصال وتعارك عرگه شكبرها بس بعدين فضوها بينهم والأهل أتفقوا واتخذوا القرار الأنفصال وإنفصلوا وكلمن بطريقه
" وبابا من نوع ما يحب يجبر عـــلىٰ الزواج وهديل من انفصلت منه هو ما طول فتره وخطب وكالوا يحبها وعلاقه حب كلنا ضلينا مصدومين شلون علاقه حب وهو جان خاطب هديل كالت همزين ما ورطت عمري وياه الله يحبني وخلصني منه وماكو نصيب والله سهل اله بس سالفة علاقة الحب كذبه إخترعها عصام علمود يقهر أختي هديل لن أقل من سنه خطب شبسرعه لحك يحب

" إهنا هديل إول قسمه أجتها كبل وافقت وتزوجت وما سألت عن حالته ماديه ولا عقلت تزوجت سيف بس كلش يحبها ما يرفضلها طلب وهي كذلك صابره ومتحمله لعيونه ولحبه الها

ومن هذاك هديل اليوم ما تروح الهم رغم بابا ما قطع العلاقات بس اكو حاجز انكسر يعني فقط بالمناسبات والواجبات .

" فتحت كنتوري شلبس والله حايره ماكو شي حلو على الرغم الكنتور مليان ملابس هسه شختار خلي انسقلي لبسه محترمه بلكي الحلو يجي لبيت عمه كبر شبيه اني اختي واخوه ما تراهموا عود يعني اني وياه نتراهم لا عمي بعيده يله عاد بس هما حلوين قحط زلم اكيد هسه صاير مو حلو واجبات والشمس حاركته والشكل يتغيير

" جنت معجبه بمروان كـ شكل حب عابر ما اسمي حب مجرد اعجاب وبس يله خل نعوف السوالف ونفرغ هالكنتور كلبتهن عـــلىٰ الجربايه وكعدت انسق بنطلون كابوي وقميص عريض لون برتقالي احب الوان الصارخه لاحد يعيب حضرتهن ونزلت

" لكيت حسن جايب المشويات وهديل ثارمه سلطه بس كعدت اصب السلطه وهي تاخذ لـ الاستقبال باوعتلي وكالت

هديل ـ إكولج خوما حرام

أسيل ـ عـــلىٰ شُــــــنو حرام

ـ اذا رحت وياكم وصخيم موجود أهناك شلون

ـ شنو شلون شمسويه قابل تنامين وياه ضربتني عـــلىٰ رأسي

ـ كبر عـــلىٰ هذه الحجايه شنو هالكلام المنحرف وأنتِ بنية بيت صايره فلا تنجرعين حيوانه

ـ شبيج شگلت قابل يا حجايه ارجعي لمكانج اي هسه تروحين لا لن احسج دايخه

ـ والله ما ادري ما اريد اخون ثقة سيف حتى لو بنظره بس غير أمي لحت عليه والا اني هالروحه كلها مو بعيني بالي يم سيف شنو تعشّى .

ـ يا عيني فدوه لحنينه عادي يمعوده روحي واذا موجود طنشي خيولي أصلاً أنتِ كسرتي خشمه هاليابس متحجر

ـ يله صبي صبي هسه ارجع اخذهن

ـ راحت وكملنا وكعدنا نتعشى وبابا كالعاده عايف روحه وملتهي بأحفاده ويخلي كدام هديل حتى حسن من حصته يوزع عليها وعلى جهالها كلما تجي يدلونها دلال ومن تروح حسن يتسوك الها سياره اشكال والوان ما عدا الفلوس امي تنطيها والملابس تشتريلها .

" خلصنه هديل اخذت جهالها وصعدت والمواعين وكعت براسي كمت غسلتهن ونظفت البيت علمود من نرجع كبل انام ولو حمزه وروان يخلون بيت نظيف .

" صعدت لكيتها مخبوصه وجهالها متعاركين وهي تنبش بالكنتور عرفتها ادور شيء تلبسه

هديل ـ ما عندج شي مستور البس من مالاتي

أسيل ـ لبست وكعدت ترتب روحها وحجابها واني ادور على القميص والحذاء وين شمروهن يعني وتالي راح اشمركم من السطح شو اكعدوا هديل جهالج يمعوده

هديل ـ فدواتج غيرلهم ملابس بين ما اخلص ملابسهم يمج عـــلىٰ الجربايه

أسيل ـ تخصرت وجاوبتها عيني واني شوكت

ـ ملابسج وحاضرات شعندج قابل وبنية بيت هسه تجهزين يله يله تأخرنا

ـ هلاو هلاو، اووووف مو وضعيه هاي نفضت ملابس ولكيتهن طلعتهم والله يدك باب الا اعلگه بالبنگه وبدلت وهي لبستهم ونزلوا خلصت كعدت اخلي مكياج شنو هاي عزا كرهت الجهال والخلفه من ورا جهالنا

" كملت ونزلت لكيت امي شايله علب هدايا ما اعرف شبيها وبابا انطاها ورقه باوعتلها انطاج ورقه انطيني ٢٥

جنان ـ شو ولي وامشي يله تأخرنا

أسيل ـ اني أعلمج جنانوا من نرجع اصبريلي اذا غسلتلج المواعين بعد من عيني، بطلعتنا دخلوا بيت حارث وأسماء لابسه كعب ادري وين جايه حظي الكواد

حارث ـ شُــــــنو طالعين

أسيل ـ حسن ضل يحجي وياه وأسماء نبصت الا تروح عاد حارث عاط بيها

حارث ـ وين تروحين والجهال وين تعوفيهم لاتكوليلي تاخذيهم تردن تفضحنا ويه العالم

إسماء ـ اي شگوو بيها خل أروح

حارث ـ عمي طبي داخل يله هما ساعة زمان ويرجعون يمه لاتطولون نتتظركم

جنان ـ اي يمه دخلوا أبوكم بالاستقبال كاعد

أسيل ـ دخلوا واحنه توكلنا وصلنا بيتهم دك هورن وانفتح الباب مروان فتحلنا وكف السياره وتسلاموا هو وحسن عزا ولا عرفته هذا شلون صاير كرصت هديل شوفي حماج

هديل ـ تسكتين لا اشمرج من السياره

ـ شاورتها علواه علمود اوكع بحضنه

ـ عـــلىٰ هذا انحرافج الا أخلي امي تكعدلج گلب متسجلبه

ـ عمي سگتنا يله ننزل شمنتظرين خزرتني نزلت وراها جان يسلم عـــلىٰ أمي ويرحب بينا وأني من صلافتي ما كدرت اشيل عيني عنه مو بيدي هو يخلي الواحد يباوعله

" انكرصت قوي ومشينا لداخل وراهم طبعاً راح هو وحسن ما شفته بعد دخلنا يم الحجيه سلمنا عليها وعـلى زينب وزوجة فاضل وبدأ الكلام والمباركات هديل جانت كلش مستحيه بالكوه كاعده من شافت مروان تخربط وضعها يعني اذا مروان اهنا اكيد عصام هم حجت بهمس

هديل ـ ما باوعتي بالكراج شفتي سيارته

أسيل ـ شمدريني شايفتني قناص ناظور اضل أستكشف وأباوعلج اكعدي وسكتي وتبسسمي ترى يباعن ويحسسن

ـ كتلجن ما اجي لا الأ تجين من ورا عناد إمي ساعة السوده طاوعتجن واجيت

أسيل ـ الحجيه تباوعلنا وتبتسم

الجده نعيمه ـ يا هلا من زارنا يا هلأ شلونجن يالحلوات شلونج هديل ولج اسيل ما عرفتج كبرانه

زينب ـ العمر يركض ركض هذاك اليوم جانوا يلعبون سوا

فريال زوجة فاضل ـ يا هلأ بجيتكم جيتكم عزيزه وغاليه والله دائماً اسأل فاضل عليكم كل فتره جيبي البنات وتعالي هو من اكو بس اني وفاضل وعمتي وزينب

جنان ـ والله اشغال وملتهين وتعرفين عيال وكلمن وهمه واعذرينا ان شاء الله على المجال

أسيل ـ امي تعذرت وأني باوعت يمين يسار اكو شي داخلي تجدد من ساعة شفته لابس تراكسود أسود شاك گلبه وطالع يموت شوي وسمعنا صوته من كال

مروان ـ عمه زينب چاي چاي

أسيل ـ شفته يمه گلبي تصركع رجعت درت وجهي خفت أحد يلاحظ عليه عيب شيكولون عليه ما شايفه حلوين وانوب ضابط
" يحجن بينهن وناس تعاتب ناس بسبب الكطع ورباب اجت وجابت بنتها تخبل يباعن وأمي انطت الفضل واني عقلي طفر من رأسي راح لـ الأستقبال كاعد يشرب جاي وياهم صار نفر يباوعله .

" قدموا الضيافه وسمعنا هورن سياره والصوت شال البيت شيل ومروان طلع من الأستقبال سريع ويصيحح

مروان ـ جايك يمعووووود جايك

الحجيه نعيمه ـ هذا أكيد عصام أدري بي متخبل وكاعد

أسيل ـ هديل شركت بالعصير وكع عـــلىٰ ملابسها بس أنذكر اسمه كلها باوعت الها خرب بيومج تجيبين الشبهه لنفسج كوه شجاج طلعت كلنكس امسح

زينب ـ يله ما صار شيء .

أسيل ـ انخبصت خطيه حسيتها فشلت وتلفونها وكع وأتصل يمكن سيف رادت تجاوبه وسمعنا الصوت

عصام ـ الله يساعدكم .

يتبع
____

#الحلقه_الرابعه
___



ملاحظه / صار تغير أسماء بسيط فالخربطه الصارت عدكم انحلت اتمنى تفهمتوا لن أسم مناسب أكثر وف عائله أسيل ما تربطهم علاقه بعائله أسيا نهائي مجرد اخذت أسم أسيل واقتضى التنويه .









أزهار

ـ مرت هالليله بسلام وأمي أبداً ما تحاجيني وتتوعدلي واجوا خالاتي عليها وسوالف وضحكه وسألوني كم سؤال وعرفوا شاهين يريدني عاد خالتي منى كالت

منى ـ وصال من كل عقلج موافقه عـــلىٰ هذا الزواج

وصال ـ أي ليش ما أوافق شاهين زلمه بي حظ لاتخربين عقلها بحاجيتج فدوه رحتلج هي بدون شيء متخبله وكاعده
ـ شخرب منها هي خربانه بس كوليلي شلون قنعتي تنطين بنتج وحيدتج وتعبانه عـــلىٰ روحها ومدرستها تزوجينها بالقريه وشاهين ما كلنا بي عيب بس يا اختي خل ياخذ من ثوبه شعجب بنات عماته الباقيات صارن كخا بس بنت عمته وصال خيل عليها

الجده وضحى ـ أنتِ مقهوره لن ما اخذ من بناتج وجاي تخبلين عگل البت

منى ـ لا عشتوا بناتي ما نايمات عـــلىٰ کلبي أشمرهن عـــلىٰ شاهين الحمدلله اثنين تزوجن بالمدينه والباقيات الله يكتب الهن البي خير ما وكفت قسمتهن عـــلىٰ شاهين شنهي خلصت النسوان لو قلة الزلم .

إمنه ـ والله كلام منى صدك خطيه بنتج جنها جماره تجيبيها وتخليها بوسط كومة نسوان وكلهن وكحات وسهيله ما تريديها تريد من بنت اخوها اكيد هسه تشد وياها واذا ما تردين تهضمين أخويه سلمان طلعي نفسج لاتحجين شيء خلي ابوها واخوانه هم يقررون

الجده وضحى ـ خايبات شو ما تعرفن تحجن كاتلجن القهر تردنا بس الجن ولحلالجن بس اله ازوجنه زهيره واسويله عرس كل عرب تسولف بي مو زهيره

أزهار ـ هزيت رأسي اذا اسمي من إولها انگلب الله يستر من تاليها يله خليها تبني أحلام وتفرح لن متيقينه هذا الشي ما يصير .

" خطيه خالاتي حاسات بيه وبوسني ويحجن على إمي ما راضيات عليها ودعتهن وراحن الله وياهن وسندس جابت النا فراش كمت ساعدتها ونمت وعفتهن كاعدات ويه أمي .

" الثاني اليوم العصر قررنا نتوكل الصبح أمي ما رضت سكتت وتحملت هالكم ساعه ، لبست وشلت جنطتي وطلعت برا انتظر إمي أشتاقيت لبيتنا ولبابا هواي أهنا أختنكت خاصه بعد هالسالفه طلعوا الونسه من عيني

" أجت مزعوجه وحاده سنونها عليه تجاهلت الوضع ومشيت واجت تحجي بعصبيه

وصال ـ تستنكفين حضرة جنابج قبل لاتمشين تفوتين تسلمين على جديتج والبنات طبعاً بنت أبوج شيطلع منج

ـ ترى سلمت على جديتي وبنات أخوج هنا كلبن وجوهن بوجهي شسويلهن يعني

ـ خو أنتِ ما قصرتي بس خل نوصل البيت يصير خير يا أزهار

ـ ما جاوبتها صعدت ليورا صرت ورا عصام ضل يباوعلي بالجامه ومركز نظراته عليه صديت وجهي مزعوجه واجت امي وشغل وخوالي ودعونا يم الباب وسلام .

" تمشي السياره وعصام عيونه عليه وصاح بيه

عصام ـ شبيچ

أزهار ـ ما بيه شي

عصام ـ يمه أزهار شبيها

وصال ـ شبيها يعني عرچ ما يطگها رأس سليمه

عصام ـ لعد شبيها خلقتها مكلوبه

أزهار ـ كتلك ما بيه شي

عصام ـ لا تتنريين كم مره منبه عليج لا أنزلج أجفصج جوه تاير السياره .

أزهار ـ كتلك ما بيه شيء انت لحيت

عصام ـ لعد شعندج مبوزه وخلقتج أنكلبت ليكون عندج علم بالسالفه

وصال ـ يا سالفه

عصام ـ مسويه روحج ما تدرين سالفة أبن اخوج شاهين وخوالي حاجوني عـــلىٰ أزهار

وصال ـ أي وأنت شگلت الهم

عصام ـ شگول يعني كتلهم الله كريم بس والله يا يمه تغشمين نفسج

ـ أحجي عدل ولك

ـ يمه يعني من كل عقلج نوافق على هذا الزواج أنتِ مو تعرفين عيشتهم والوضع كله كدامج بعد عـــلىٰ شنو مغشمه نفسج

ـ ليكون ما عاجبك ابن خالك ولك

ـ منو گال ما عاجبني زلمه خوش زلمه ما بي عيب بس ماله نصيب عدنا خل يأخذ من ثوبه وحده توالمه واني اختي مو رخيصه عندي أشمرها هالشمره ولا عندي عشر أخوات وبزعان من همهن وعيشتهن شو بس هل الأخت بعد شكو مستعجلين عـــلىٰ زواجها عود لو اجتها قسمه زينه وكتها يصير خير

وصال ـ ما هذا عشمي بيك يا جبيري

عصام ـ هذا مو بس كلامي كلام اخواني وكلام سيد الوالد خو تعرفينه شكثر يحبها وما يرفضلها طلب ف لاتكعدين تبنيين احلام العصر ولاتزعلين البنت ما موافقه مو أزهار لو الج رأي ثاني

أزهار ـ أي ما موافقه ومستحيل أوافق

وصال ـ ولا توافقين بالجهنم الحمره عساج لاتزوجتي عبالي يصير برأسج خير تضلي ورا قرارت ابوج وأخوانج

عصام ـ لا أله الأ الله هسه شحجينا وزعلتي ترى ما بيها شيء نحجي ونتناقش هذا زواج مو لعب جهال جايه وتريدين تزوجيها الواحد شهاده ثالث ما عنده لا راتب لا شغله لا عمله وما فاتح بيت وما عنده مصدر عيشه يعيشها ادري العميان مأكله وجهي ازوجها اله

وصال ـ خلص سدوا الموضوع جرمت فكرت بمصلحة بنتي كلكم تردون مستويات ومن طبقتكم عبالك ما اعرفكم دومكم تستصغرون خوالكم

ـ منو جاب المستويات والطبقات بالنص ليش تصغرين بأهلج كوه كوه ترى هذا الاحساس أنتِ زارعته بدماغخ مشكلتج مو مشكلتنا كل كلمه وكالت مستويات

ـ لاتضل تصيح عليه

ـ شمصيح لخاطر محمد يمه أنتِ حجايتج يجفصن بالبطن

أزهار ـ صار عصبي وإمي سگتت ما جاوبته بعد لن نعرفه من يعصب ينزل عـــلىٰ الترابي ويكوم يركع بالاوادم رفع تلفونه وكام يخابر وسمعته گال

عصام ـ أتعشى وأجي أخذج مشگلتج والله أنتِ مو مال عين وأغاتي مال ركع بالقندره ضلي ضلي طبج ستين مرض

أزهار ـ شمر التلفون بعصبيه وأمي تهز بيدها رجع عاط بيها

عصام ـ شگوو تهزين بإيدج شايفتني خبل

وصال ـ حشا الخبل منك

عصام ـ يمممممممه كسري الشر وسكتي يرحم جدج السابع لا اطلعه وانبش صفاح أهله

أزهار ـ دزيت رساله لـ أسيا شگوو شبيكم گبل جاوبت

أسيا ـ ما أعرف سألي أخوج راح يخبلني وياه نوب يدزلي اخذ ابني وأتزوج وهسه يكولي اجي أخذج ما فهمت عليه شنو يريد أخوج

ـ وما عرفتي تطيبين خاطره وتكوليله اي تعال هلا بيك طبعج هذا شوكت تبدلينه وشوكت تتعلمين عـــلىٰ أطباعه دام كالج اجي اخذج يعني كلبه صفى ومشتاقلكم وكلامه هيج راد يخوفج وبس

ـ عصام ما يكول كلام اذا ما متيقين منه ويسوي

ـ عمرج ما راح تعرفين عصام وضلي زعلانه أنتِ الخسرانه وهو هسه عصبي نار اذا تتصلين عليه كبل يطلكچ ههه عوفي احسن خل تبرد أعصابه

ـ تمام عود راسيلني من تشوفينه هادئ

ـ تمام نهيت المراسله رجعت التلفون ومر وقت هواي باوعت أمي نايمه والدنيا ليل وغير الأتجاه الشارع عصام وين رايحيين .

عصام ـ بيت جدي هسه البيت يصفر ماكو لكمة أكل

أزهار ـ تمام ادري بي ميحب الجاهز وأمي زعلانه ما راح تطبخ وصلنا وشال البيت شيل بالهورن مال السياره وامي كامت تصيح عليه

وصال ـ عـــلىٰ كيفك تخبلت يارب ثبت علينا العقل والدين يارب عقل هالرجال

عصام ـ يمممممه

وصال ـ وجعة أبو أمي تنام بگلب امك خبالك لا راح لا اجه تعارك ذبان وجهك

أزهار ـ أجه مروان فتح الباب ويصيح وعصام بعيطه وحده سكته

عصام ـ أنتَ أسگتتت

أزهار ـ نزلنا تعبانين ومروان مشه وما حجه شيء وعصام وكف ما اعرف شُنو كتب برساله رفعت نفسي اشوف وخزرني

عصام ـ عينج لا اطلعها حركاتج الطفوليه والتافهه بطليها

أزهار ـ ما جاوبته دخل كدامي وأني وراه وبدخولنا لكينا بيت عمي علوان موجودين هديل وأسيل امي سلمت ومباوس هي وياهن وهو سلم وتفاجئ بيها بس تصرف طبيعي دنگ بوس رأس جديتي وكال

عصام ـ شلونج

الحجيه نعيمه ـ زينه

عصام ـ أشو تحاجيني من ورا خشمج خيرر

الحجيه نعيمه ـ مرتك وأبنك شوكت ناوي ترجعهم ترى طولت خلگي وياك هواي

عصام ـ بالبيت موجودين

الحجيه نعيمه ـ عليمن تجذب ولك

عصام ـ حجيه مو وكته الحجي شكد تحبين تبحرين بالسالفه كتلج بالبيت وخلص وباجر اجيبهم يتغدون يمج خوش حجي

الحجيه نعيمه ـ خوش حجي انتظرهم

عصام ـ عمه ام حارث شلونج عمي علوان شلونه والولد

جنان ـ الحمدلله بخير الله يسلمك ويعزك كلهم زينين

عصام ـ الله يجعلكم بالخير أسيل شلونج شلونها الدراسه

أسيل ـ الحمدلله ماشيه

عصام ـ بالتوفيق

أسيل ـ تسلم

عصام ـ يله عن أذنكم عميمه ما تصغرين جهزيلنا العشه بلا أمر عليج

زينب ـ من عيوني تدلل دام رجعت أسيا اسويلك قوزي

أزهار ـ عصام راح الاستقبال ومن بعد ما سلمت عليهن ومباوس كعدت بصف جديتي مقابلهن وأباوع لـ هديل ركبتها انكسرت من كثر ما مندكتها رفعت رأسها وتنفست براحه ربع ساعه وكامن عرفت ما تريد تتواجد لن عصام اجه

فريال ـ بعد وكت بعد الليل باوله ضلوا خل نتعلل

جنان ـ لا حبيبه ما نكدر والله جهالها وكحين وأبني حارث ومرته يمنا وأسيل عدها دوام باجر وطبتنا خير عليكم تصبحون على الف خير مع السلامه حجيه

الحجيه نعيمه ـ الله وياكم عيني الف بيجن .

أزهار ـ طلعت وياهن وامي وعمتي فريال واخوها حسن طلع ومروان وعصام تسلاموا وياه يم الباب وعصام رجع الاستقبال ومروان اجه وياه لسياره صعدوا وطلعوا وأني رجعت وكفت يم باب الأستقبال وحاجيته صدك أسيا بالبيت

عصام ـ خو أنتِ ما تفوتج فايته ولا أكله بايته أمشي شوفي العشه وين صار أريد ارجع البيت

أزهار ـ ما كلتلي عاط بيه

عصام ـ كتلج أمشششششي

مروان ـ شكد صايره تلحين .

أزهار ـ هلا بسيادتك شلونك

مروان ـ زين خلصان منكم

أزهار ـ عوذه

مروان ـ يله دكافي تلغين شوفي العشه وبطريقج كهوه لأخوج

أزهار ـ تدلل أنت، رحت المطبخ وعبرت من يمهن امي تباوعلي بحقد هاي شبيها كاتله أهلها وما ادري شذبحتي عـــلىٰ شاهين لخاطر الله

" لكيت رباب تساعد عمتي زينب رباب شلونج

رباب ـ شلوني سهر وتعب وجهال وهوسه شلعان گلب الله وكيلج بس شنسوي مسؤوليات وواجبه علينا ، أنتِ شلونج بالوظيفه زين سويتي توظفتي والله من سمعت فرحتلج تستاهلين

أزهار ـ بعد روحي تسلميلي نسولف ونشتغل كملت الگهوه وهنأ كملن العشه اخذت صينية لـ الأستقبال ولكيت عمو فاضل موجود شلونك عمو

فاضل ـ يا هلأ بزهرتنا بخير يبعد عمج أنتِ شلونج

أزهار ـ زينه بشوفتك خليت الأكل كدام عصام ومروان اخذ الكهوه وكعدت بصفه يراسل ومبتسم ويكتب بكل حب

مروان ـ مشتاقلج أشرب الكهوه واروح البيت ونتخابر

أزهار ـ ضربته عـــلىٰ كتفه منو هاي !

مروان ـ عمي كاعد كومي كعدي يم النسوان شعندج كاعده يمنا

أزهار ـ اكوم بس تحجيلي حباب

مروان ـ خصوصيات ليش تحبين تنهانين امشي ولي.

ـ أشكرك زعلت وهو ضحك زعلت والله

ـ ميخالف عود بعدين

ـ ماشي أنتظر شگو عندي

عصام ـ أزهار كومي طلعي عندي حجايه ويه عمي فاضل

أزهار ـ حجايتيش ؟

ـ شعليج أنتِ امشي طلعي وبلا لغوه

أزهار ـ تمام طالعه كمت ومروان ذب التلفون واني وكفت يم الباب أسمعهم وعصام بلش يحجي

عصام ـ عمي أزهار اجوا خطابه

فاضل ـ خير أن شاءالله ومنين الأهل

عصام ـ شاهين ابن خالي سلمان

مروان ـ كوله ما اله عدنا مره لزواج

فاضل ـ هو الولد ما بي عيب بس عيشتهم صعبه وأختكم متعيش هناك لو ساكن اهنا بيها باب وجواب بس رأي من رأي مروان ارفض بالحسنى

عصام ـ ما كلت شيء خل أبلغ سيد الوالد وأردلهم الجواب ونوب أمي زعلت مني

مروان ـ تزعل يومين وترضى شنو گوه قابل

أزهار ـ تنفست براحه وكعدت گبال امي مبتسمه وأرفع بحواجبي الها وشوي وصاحت الهم

وصال ـ عصاااااااااام مروااااااااان

أزهار ـ كمزت بخوف طفرت عـــلىٰ جديتي

الحجية نعيمه ـ يمه أسم الله الرحمٰن شبيج

أزهار ـ لا جده ما بيه شي شوي واجوا رادت تحجي وعمي فاضل وراهم وسگتت

وصال ـ يله يمه نكوم نروح وأخوكم مجد من ساعة اجينا نايم وراه مدرسه أزهار كومي كعدي.

أزهار ـ كعدته بطلعان الروح يله كعد مشه يتطوحح بمشيته ومروان ضربه عـــلىٰ رأسه

مروان ـ امشي عدل ولك صير رجال ليش رخي طايح الحظ

عصام ـ عال گلبي بمشيته خل يخلص الا اكظبه التدريب

وصال ـ يمعودين عوفوا الولد نعسان ما يدري بروحه امشي امي انت

مجد ـ يمه سگتي ولدج

وصال ـ شسكت منهم درچه ما تسد حلوكم ليش أكدرلهم

ازهار ـ صعدنا بسياره عصام وصاح علينا

عصام ـ وين وين صعدوا ويه مروان اني عندي شغل

وصال ـ شغليش بهل الليل وين مولي

ـ وين اولي قابل شغل وخلص الا تعرفين

ـ والله رجال مرته مو يمه وين يولي

ـ لكواويد يلعب شناوا

ـ ليا ساقط ولك أختك واكفه استحي شويه

ـ والله سألي روحج يله صعدوا ويه مروان ولو الافندي مطفي ساحلته بنت خوش أوادم

ازهار ـ مشوا وأمي ما مرتضيه صعد ومن جام حاجيته رايح تجيب أسيا

عصام ـ ميخصج

أزهار ـ أبتسمت وعفته وصعدت ويه مروان وطلعنا للبيت
______

أسيــــا

ـ من بعد رسالته واللي صار أخر مره اخواني هادئين ونهائي ما فتحوا الموضوع وياي بعد ، بس اني ضليت أتحرمص ما متعوده عـــلىٰ هالهدوء علمني عـــلىٰ الصياح والخبال صار الوضع زلاطه عندي

جاي اسوي حليب لأبني واجت براء تباوعلي محتاجه شي

براء ـ شصار عـــلىٰ سالفتج شو زلمتج ما عاد بين

أسيا ـ هو بين وين يروح ابنه يمي

ـ لحد الان ضامنه يرجعلج ولج خلي كرامه لنفسج هذا واحد ما يستحي الله يدري وراج شعمل جم وحده كلب حضنها

ـ هو وربه

ـ يمه شلون الج نفس تتقبلين الوضع لو منج أكلف اخواني وخل يطلكوني منه وأنعل والديه

ـ سمعتيهم شگالوا حالي من حالج

ـ سمعت بس بعد ما حجوا وأبراهيم ما ظنتي يوافق لن ما مقتنع وسمعته يحجي هو ودره وتكوله لاتطلكها وتشيل خطيتها وراها طفل وبطنها مليانه منو يعيشهم تضل خدامه لنسواين شفتي والله شبعت قهر من كلامها شقصدها

ـ ما تقصد شيء واشوف كلامها صدك دره عمرها ما رادتلي الشر سگتت واجت رسل أخت براء

رسل ـ براء لادخلين نفسج رجال ومرته احنه شکو

براء ـ لا يبوي أحنه شگو بس مقهوره منه لن مستصغرنا وكلمته أدك بگلبي شنو بس هو متمكن محد عنده فلوس

أسيا ـ ما جاوبتها مشيت لغرفة امي شفت الخط مالتي اخويه مخلي عـــلىٰ الميز يمكن توصلوا لحل الطلاك مو حل لهذا رجعوا الشريحه اخذتها وخليتها بتلفون أمي ولكيته حاظرني هذا ليش حظرني عفته وعمتي مغلق تالي راسلت أزهار وفهمت منها

" للمغرب كاعده أصلي بغرفه أمي ودخل منذر خله تلفون جديد بحضن كرم وطلع كملت صلاتي وشفته جديد ومن الراقيات يبووه خله العنده وجابلي لن هو كسر تلفوني واكيد ميقبل ياخذ فلوس اجت امي وشافته ضلت ساكته
فتحت جنطتي وخليت بيدها قيمة التلفون الفلوس هذن لو رحت انطيهن اله هو شكو عنده

فوزيه ـ أخوانج نفسهم عزيزه ما يأخذون رجعيهن لجنطتج

أسيا ـ رجعتهن بيدي وكلش انقهرت زعلتي لأهلي قهر فوك قهرهم انزعجت وتعصبت وعصام لو يمي أشرب من دمه طلعت امي وضليت اني وكرم وأيدي على بطني كسرتوا ظهري فوك قهر ابوكم

" بقيت بغرفتي حتى ما تعشيت ولا امي دزت عليه وكرم يلعب يمي صافنه وشابعه قهر ورن تلفوني هو ما ردت اجاوبه وتالي جاوبته نعم

ـ أتعشى وأجي أخذج

ـ لاتجي احسن

ـ مشگلتج والله أنتِ مو مال عين وأغاتي مال ركع بالقندره ضلي ضلي طبج ستين مرض

ـ قطعت الخط بوجهه وشوي ودزلي رساله

ـ أخليج تدفعين ثمنها غالي تسدين الخط بوجهي سهله أسيا سهله يصير خير

ـ تجاهلته شيريد يسوي بعد طلعت بالوجه الاسود كدام أخواني بسببه واحد ما يحسب حساب لحجايته شگد مقهوره وشبعت قهر لن حجيت لأخواني حجايته بنت الفگر گالها وبعد كل قساوة بالكلام ارجعله وترجع نفس الطاسه ونفس الحمام ونفس عصام لا راح لا اجه

" نومت أبني وتمددت بس كاعده والقاهرني أكثر زعل أمي مني حتى ما تباوعلي اني شبيه اجيت وحملتها بحملي وقهري كافي عليها شايله هم ولدها وشلون يعيشون عيالهم وشلون يستقلون اجييت وكحلتها، كله منك يا عصام انت وازيتني على هالشيء .

" مر وقت هواي وصافنه وأسمع صوت بالصاله صوت زلم أخواني يمكن نزلوا وأمي كعدت على صوتهم لبست حجاب صلاتها وكامت وتأخرت رفعت الغطا وكمت وراها قبل لا اطلع اجت

فوزيه ـ زلمتج اجه يرجعج وكاعد ويه اخوانج شگول عليج أسيا الرجال منزل رأسه بالكاع ويحاجيهم ما رفع رأسه ركبته أنكسرت جن حاس بذنبه يا يمه المره تستر على الرجال وعيوبه وبيهن يعدلن زلمن ليش أنتِ تمشين عكسهن .

أسيا ـ يستاهل والله حيل وابو زايد علمود يتوب يحجي عامي شامي شُنو ما وراي اهل وأخوان

فوزيه ـ أمشي مو وكت لسانج يلعع ، أخوج أبراهيم يريد يسألج

ـ شيسأل أذا على الرجعه ما ارجع وياه خيولي خل يتأدب

ـ أنت تأدبينه

ـ أي

ـ وامي بهاي الطريقه تأدبين الرجال

ـ أي

ـ يأدبج ويأدب عشره من أمثالج ومو سأل عنج زين منه جاي يرجعج وأنتِ نشرتي على الحبل كدام نسوان اخوانج ما خليتي لصلح مطرح ضلي ضلي بهذا يابس رأسج لما يجيبلج ضره عكبها بيش خير ويبسي رأسج

ـ راحت ورديت الباب وقبل لا أرجع اجاني صوت أخويه أبراهيم

أبراهيم ـ أسيا خويه تعالي

أسيا ـ والله فشلانه منهم لبست شالي وطلعت هاا خويه

أبراهيم ـ خويه رجلج جاي وتعذر من عدنا ويريد يرجعج شتكولين تردين ترجعين وياه لو تردين تضلين البيت بيتج العتبه النا والبيت الج هذا بيت ابوج واخوانج كولي ويجرالج بس اكولها الج مو لن متعاجز منج لا والله انتي خيتي بس يا اسيا المره مردها بيت زلمتها مو على كل حجايه نوصلها الطلاك ورجال ومرته تصير بينهم والمشاكل ما تخلص ماكو حياة تضل حلوه طول العمر لازم حلو ومر

أسيا ـ والله خويه فشلانه منكم وحقكم عليه

أبراهيم ـ لا يمعوده تصير فدوه الج المهم عندي اشوف مرتاحه
هاا شقررتي اذا توافقين علمود تسويلنا جاي

أسيا ـ هزيت رأسي وطبطب على أكتافي وگال

أبراهيم ـ بيها الخير يله سويلنا چاي واذا كرم كاعد جيبي ابوه يريد يشوفه خطيه

ـ ماشي لا والله نام من زمان هز رأسه وراح ورحت المطبخ وسويت الچاي وصبيته ومشيت دگيت الباب وأجاني صوت أبراهيم

أبراهيم ـ تعالي أسيا

أسيا ـ يبووه فتحت الباب وصاير گبالي رفع عيونه وصار بوجهي خايفه ومستحيه منه ما ادري شصارلي جسمي كله لزمته الرجفه ادري قباض أرواح، قدمت لاخوي أبراهيم وأشرلي اضيفه بالاول عاد ابراهيم كال

أبراهيم ـ لا والله أبو كرم بالأول

أسيا ـ عصام غمض عيونه ويفرك بيده بتوتر وصلت لعنده اخذه مني وساكت وما باوع نهائي ضيفتهم ومنذر مبتسم وهز رأسه يقهر وهمس

ـ لو ضابه لسانج مو أحسن فشلتي الرجال كعدي خيتي كعدي .

ـ كعدت بصف أمي ومتوتره من وجوده شرب الجاي شربه وحده يمه يصمط والله هذا شبي

عصام ـ مشكورين والله حقكم عليه وساعة شيطان وو

منذر ـ لاتكمل ابو كرم تصير وكل رجال من يتعصب يخرط الاول والتالي عمي النسوان ما ينجرعن يبطن الگلب هذا هو جن ما صاير شي والرجال ومرته تصير بينهم والله يصلح الحال احسن شيء

أسيا ـ منذر رغم شگد جان مقهور وعصبي وتوعد وحجه وعصب جان اكثر واحد متفهم وكاعد يطيب الجو بقيت ساكته وهما يحجون بس اللي وكف بعيني عصام ما جاب طاريي ولا حجه شيء يخصني حزت بکلبي وسگتت وباوعلي ابراهيم وكال

أبراهيم ـ أسيا بويه كومي جهزي نفسج أنتِ وأبنج تتوكلين ويه زلمتج وسمعي الكلمه ولا تعاندين ديري بالج على زلمتج تررى ازعل منج وزعلي ثكيل خو تعرفين أخوج

عصام ـ لا عاد ام كرم معدله والنعم من تربيتكم وعلى رأسي كلكم وأن شاءلله الصار ما ينعاد وأعتذر مره ثانيه عن اللي صار وعلى كل كلمة بدرت مني بدون قصد الله شاهد .

اسيا ـ يحجون واني ما كدرت اتحمل كبل طلعت للغرفه ولحكتني أمي

فوزيه ـ شفتي زلمتج شلون ما كسر بيج بكد الذره كدامي وكدام أخوانج وكل شوي معتذر يله بلكي تصيرلج عبره وتحفظين سر غرفتج ، ديله كعدي أبنج وتحضري والله يهديج .

أسيا ـ ما جاوبتها طلعت جنطتي وجمعت ملابسي ولبست وشلت كرم وشافني أبراهيم اخذه مني وداه لابوه جان كاعد وشاف ابوه وركض لحضن ابوه شاله ويبوس بي ، طلعت واعصر بالجنطه واخواني طبطبوا على كتفي ومشيت لبرا ودعنا اهلي وتوكلنا للبيت بس امي ضلت على موقفها .

" يسوق وكرم بحضنه حاضنه من ركبته تعال كرم خلي ابوك يسوق

عصام ـ عووووفي

أسيا ـ سحبت أيدي وخليتها على بطني حامل ٦ أشهر بقينا ساكتيين او بالاحرى ما ضل كلام نحجي هو غلطان بحقي وحق أهلي ويستاهل

" وصلنا جان الوقت متأخر ما دك هورن هو نزل فتح الباب ودخلنا نزلت وهو طبك السياره بالكراج وبيده كرم اجه عبرني سحب الجنطه من ايدي لن ثكيله بيها ملابسنا ومشه لغرفتنا فتح الباب جانت مقفوله هو من النوع ما يحب احد يدخل غرفتنا كلش يحب الخصوصيه بفتره الخطوبه وبداخل البيت سوه سويت كامل يعني صاله صغيره بيها تخم وبلازما وبالبنص غرفتنا وغرفة كرم وحمامات داخليه .

" دخل وقفل الباب وراح الغرفه بقيت بالصاله ذبيت جنطتي وكعدت اخذ نفس اسمعه يحجي هو ابنه انتظرته ينام يله ادخل هسه يضل يحاسب وتعالي شيخلصني من لسانه مالي خلگه .

" مرت نص ساعه وخف الصوت ولا هو سأل عليه ليكون مرجعني علمود ابنه شمرت الجنطه وتعصبت شلتها ودخلت الغرفه لكيتهم نايمين حاضن كرم ونايم عفت ملابسنا وغيرت ملابسي بقيت واكفه ردت اعزل فراشي انام بالكاع بس تذكرت حجاية امي

فوزيه ـ المره تزعل على الرجلها ما تزعل على فراشها ديري بالج تعزلين فراشج هو يسوي اللي يسوي مرده الج بس اذا ركبتي راسج برأسه ما يجرالج خير لن أنتِ مره وهو رجال زرعي هذا الشي براڛج

أسيا ـ شلت الفكره من رأسي وتمددت بصفهم بينا كرم جنت صاده عليهم وهو مغمض كال

عصام ـ لايدفرج على بطنج نومه وسخ

أسيا ـ خايف على البطني ما خايف عليه ما جاوبني رجعت حجيت وأنت الزعلان ضل بزعلك ما ارضي احد اني عود انت ارضى لوحدك
ما جاوبني شعوطني متت قهر انطيتهم ظهري واجتني دفره قويه كمزت الدفره هذا مو كرم لن كرم نايم باوعت اله هو هم منطيني ظهره معقوله يتهألي بس حسيت بيها ليكون يتحارش هذا شوي وشفت كرم دفر ابوه وخله رجله عليه اجتني الضحكه على نومته

عصام ـ كرم بابا ليش تخليني اوديك لغرفتك

أسيا ـ عدل نومته بدون ما يباوع لوجهي جنت مرتجيه على تاج الجربايه وأباوعلهم ورجع نام ومخلي ايده عـــلىٰ رأسه ظنيت بي السؤء عبالي هو دفرني طلع ابنه بقيت صافنه شوي رجع كلب نومته وصاح ابوه

عصام ـ لا اله الا الله على هالليله الكشره متكولي شجاك مرغلت روحك شو امشي انومك بغرفتك انت مو مال عيني واغاتي .

أسيا ـ شاله ويبوس بي واخذه الغرفته وكرم يحجي

كرم ـ ماما

عصام ـ وين تطير أمك موجوده بابا موجوده نونو بطنها ما يصير باباتي اخاف تدفرها وتسويلي سالفه يله تنام بفراشك انت زلمه خوش زلمه سبع

كرم ـ ما اريد ماما

عصام ـ شلون اكوم اعدلك انت وامك بنص الليل شو نام وعوفلي امك هسه نام وليدي نام أبنييييي نام زلمتي

أسيا ـ متلاغين هو وياه بس صوتهم يوصلني وسمعته كام يبجي هو جان يحب غرفته العابه وفراشه بس من بقيت يم اهلي تعود علىٰ حضني وراح يشلع كلبنه وياه تخربط نظامه

كرم ـ مامااااا مامااااا

عصام ـ والله من أنعل أبوك لابو امك تكفرون الواحد قسم بالله، شو تعاااااالي عـــلىٰ أبنج .

أسيا ـ مشيت ويه طلعتي إنضربت بصدره وهو أنلطخ ضربني بهوا ايده وعلى رأسي

عصام ـ وثول وثول عمه الدبب كاع الله شگدها شكپرها

أسيا ـ أنت متشوف ما جاوبني عبرته ورحت عليه لكيته يبجي هاا حبيبي هاا كلبي ليش ماماتي عادي ولا يهمك هسه انام يمك شعندي غيرك أحبل اجيب

عصام ـ لا يبوووي

أسيا ـ ضحكت هذا منو وياه ، نومته بحضني وسكت وكبل نام هدأ الوضع وغطيته وطفيت الأضويه ورجعت لكيته نايم وشگله غافي بعدت الغطا ونمت بصفه بس بعد مسافه نايم مستقيم عـــلىٰ ظهره جسمه وطوله مسطره وقالب

" ضليت أتكلب بفراشي وطار النوم من عيوني عكسه هو غرق بالنوم من صوت انفاسه انطيته ظهري ونمت

" كعدت الصبح اسمع صوت الدوش بالحمام يسبح
رفعت الغطا وشلت شعري بقيت كاعده على حافة الجربايه وطلع هو بس لاف منشفه عـــلىٰ خصره وشعره ينكط ماي وفتح الكنتور وطلع ملابسه غير ولبس كدامي بقيت اباوعله بكل صلافه ما نزلت عيني عنه وهو يباوعلي بحقد بالمرايا مال الكنتور ما شال عينه عني كمل لبس وصل ليمي شال ساعته وخله عينه بنص عيني ومشه بدون اي كلام سمعت الباب انفتح وراح

" تجاهلت الوضع ورجعت كملت نومتي وتوسطت الجربايه ومر وقت هواي وأني نايمه كعدت عـــلىٰ صوت بالغرفه كعدت لكيته هم يبدل لبس ملابس بيت بجامه وفانيلا نص ردن لونها اسود كمت عبرته للحمام سبحت وطلعت لابسه برنص حمام ولا اهتميت لوجوده جان واكف يخلي عطورات ويرتب بروحه سويت نفس حركته لبست ملابسي كدامه وهو عكسي ما باوعلي ولا أهتز يا كاع أنشكي وبلعيني عادي غرفتي وين اغيرهن يعني كملت لبس وكفت بصفه لطشت يم الميز وأباوع عـــلىٰ شكلي ورشيت من عطوراتي كدامه وهو ثابت وكلش عاقل مو عادته هو وكح .

" اࢪفع خصلات شعري واخلي عطر وسويت حركه مغريه كلش رفعت ثوبي اسمه ثوب رشيت عطر عـــلىٰ افخاذي وهو صافن وعاكد الحواجب ومصغر العيون ومخليه أيده بجيوبه ويباو؏ جاوبته شبيك ما جاوبني بس على نظرته وموقفه كملت ومشيت وهو واكف يباوعلي بالمرايا

" كملت ترتيب ومشه كدامي شغل التلفزيون وكعد بالصاله يباوع أفلام وشفت جايب كومه أكياس متسوك ما مخلي ما جايب عصائر وكيك وبقلاوه وفواكهه من كل الانواع وحلويات منوعه النفس وماتشتهي .
" كعدت ارتب المسواك واني كاعده احس ثوبي طاير من ورا بطني مرفوع فوك تجاهلت الوضع كملت كلشي وصلت جيس فتحته ملابس لكرم صحت كرم ماما يله اكعد الدنيا ظهر

عصام ـ كاعد يم أمي بالمطبخ .

أسيا ـ ما جاوبته شلت الملابس الجايبهن لأبنه وحسيته يريدني أني أعتذر لا والله شايف نفسه ليكون عباله اني غلطت بحقه لن الاخ دأكها نظرات وبرود وتجاهل عود أني زعلان تعالي راضيني عشتوا منو يراضي الثاني

" دخلت فتحت شبابيك ونظفت الغرفه ورتبت الجربايه وغيرت الجراجف لن مليانه ريحة دخان جگاير وعطرتها وغسلت ملابسنه نشرتهن ، مديت ࢪأسي أشوفه بعده موجود لو رايح باوعت نظره خطف لكيته يراسل بتلفونه
مُباشرةً صديت وجهي تجاهلته شيريد يسوي مثلاً خيولي مو مال اكعد اقهر بروحي علموده وهو شالع گلبي من ورا لسانه تالي رجعني اله واني فشلانه من إخواني وأمي زعلانه وجهه ثكيل من عندي شحصلت غير القهر ما وكعت بس برࢪأسي .
____.

أزهار

ـ كعدت الصبح عـــلىٰ صوت المنبه طفيته ورجع دك فتحت عيوني ما ضل وكت عليه ركض طفرت الحمام غسلت ولبست وكفت خليت مكياج خفيف ورشيت عطر

" نزلت بيدي جنطتي وكعبي وأغراضي شمرتهن باب المطبخ فتحت الثلاجه اخذت بطل ماي شربته كله وقرص نعناع وعلج واجت امي وعثرت بيهن وكامت تصيح عليه ودفرتهن برجلها

وصال ـ شكو وين ما تجين تشمرين بأغراضج شويه ترتبي يالمخربطه الله بلاني بيج ابرد من الثلج .

أزهار ـ ما جاوبتها اخذت أغراضي وطلعت مهضمومه منها عاد راح تعاديني لن رفضت أبن اخوها هي گوه ما أريده

" باوعت بالكراج سيارة عصام موجوده يعني بالبيت صعدت بسيارتي اشغل بيها ما تشتغل شلون قهر أتصلت عـــلىٰ عصام ورفضني هذا نايم شيكعده يضل يغرد عليه أتصلت عـــلىٰ مروان وجاوب بسرعه سيادتك وين أنت

مروان ـ هاا خير بالمعرض

ـ ليش ما عندك دوام

ـ لا كولي شتردين يله عندي شغل

ـ سيارتي يمكن عطلت ما تشتغل وما اعرف شبيها واريد أروح لدوام وتأخرت شلون .

ـ عوفيها هسه أجي اوصلج .

ـ مشكور سيادتك

ـ العفوا

أزهار ـ بقيت انتظره وطلعت أمي تباوعلي وصاحت وراي

وصال ـ شعندج تفترين ليش ما موليه لدوامج

ـ سيارتي عطلت ومروان راح يجي يوصلني أنتظره

ـ عسا لا أشتغلت ومروان عاف المعرض علمودج والله عمي دلال خلي يطلعون عينج خلي

ـ تجاهلتها اعرف بيها تريد تقهرني بس ميخالف أمي اتحملها أسبو؏ أسبوعين وترجع طبيعيه ودك هورن وصل طلعت وهي واكفه لكيته ينتظرني صعدت وطلع كل سرعته يربي تأخرت

مروان ـ ليش متأخره بالكعده شوكت تتعلمين عـــلىٰ النظام هذا دوام مو لعبه منا ورايح ضبطي وگتج

أزهار ـ أن شاء الله وصلني وراح دخلت الدائره مزعوجه اليوم من اوله عاكس وياي الله يستر من تاليه

" بلش شغلي ودوخه رأس شكد احب وظيفتي بس من بعد تعامل امي طلعت الدنيا من عيني كله من ورا شاهين اشتغل وعصبيه وأجت رشا فوك رأسي خير شعندج واكفه روحي شوفي شغلج

رشا ـ لو تدرين منو جان أهنـا

أزهار ـ جاوبتها وأني أشتغل منو ؟

ـ تذكرين الشخص اللي كلب الدائره علينا

ـ يا شخص

ـ ياا شبيج صايره تنسسين هذا اللي علمود معامله مالته كام يحجي ويعيط ويغلط بوكتها خبصنا

ـ أي تذكرت شبي مات

ـ يا بيش طالبه الرجال

ـ اي شمدريني اذا كل واحد يجي الدائره احفظ شكله وشسوه تطلع طويله روحي رشا عندي شغل مو فاضيه لتفاهتج.

ـ يالعوبه انطي مجال احجي بعدين احكمي

ـ ما جاوبتها

ـ أجه لدائره وسأل عنج

ـ وأني أشتغل جاوبتها شسأل

ـ كال الموظفه جانت اهنا نقلت لو شنو

ـ وهو شعليه

ـ ما اعرف والله بس كلتلج يعني اكو من يسأل عنج

ـ كثر الله خيرج يله توكلي عـــلىٰ شغلج باوعت عـــلىٰ الساعه قبل لا يخلص الدوام خل اشوف مروان اتصلت مروان

مروان ـ هاا عيني

أزهار ـ تسلم عيونك خيي أنتَ تجي تأخذني مو علمود أعرف أخاف عندك شغل

ـ ميخالف اخلص شغلي وأجي اخذج

ـ قطع الخط خلصت من سالفه الرجعه كملت شغلي والموظفين طلعوا أتصلت عـــلىٰ مروان رفض وطلعت لكيته ينتطرني صعدت وتوكلنا للبيت .

" وصلني يم الباب شُنو ما تنزل

مروان ـ عندي شغل نزلي

أزهار ـ عـــلىٰ راحتك نزلت ولكيت البيت يلمع وشفت أسيا لابسه ثوب احمر صارخ وشعرها لونه نحاسي نازل عـــلى خصرها شادته بگدر وتفتر وتنظف وصلت لعندها عزا بعينج عـــلىٰ هاالون اليموت اني مره انغرمت بي تسرسح گلبي شُنو هالأغراءت عمي

أسيا ـ تعالي ولج مشتاقتلج

أزهار ـ بوستها شلونج الاوضاع الامور سولفيلي

ـ ماشيه ينراد النا كعده ومزه معدله عـــلىٰ کولة عصام ونسولف ونحش بي شتكولين

ـ غمزتلي وضحكت وهو عبرنا لا سلام لا كلام

أسيا ـ والله لو تدرين شكثر اشتاقتلج أصلاً البيت حلو بوجودج هسه عصام يروح وتعالي بغرفتي

عصام ـ راحت روحج وين رايح بس تردين تخلصين مني

أزهار ـ عبرنا وراح الغرفه خرب بيومج طكيتها بوجه هسه عـــلىٰ عنادنا ما يطلع من الغرفه

ـ ولا يروح مو فد مشكله اجي بغرفتج

ـ تراضيتوا أخاف انكتلتي

ـ أني أنكتل

ـ ما عرفتج ولج

ـ منا وهيج أني اعلمه كافي وصلت خشمي خل اكعدله گلب

ـ اخاف ينكلب عليج غوريلا بعدين

ـ وينگلب عليه شنو الجديد يله صعدي غيري ملابسج ما متغدين لحد الان

ـ تمام كلبي صعدت لكيت امي تنظف بطابق الثاني بغرفة مروان وغرفه عمار تنظف بيهن وفاتحه شبيابكهن ودخلت غرفتي ولا منظفتها ميخالف اني انظفها مهم تفك عني لاتسسمني بعيشتي .

نزلت لكيت أسيا صابه الغده عـــلىٰ الميز وعصام كاعد عيونه بالتلفون شكله يراسل، بس يباوعلها من جوه ليجوه وهي تباوعله يغير نظراته لواحد مزعوج وحاقد والله شعدكم سوالف هم اتزوج واصير مثلهم كون يشبه شخصيه عصام واذا ضابط اكون ممنونه هيج نفس عصام الخالق الناطق حتّى لو عصبي ميخالف راضيه مهم يكون عسكري ويشبه أخواني بكل أطباعهم الحلوه عـــلىٰ گلبي مثل العسل .

" اجت أمي ومجد هم وكعدنا وأسيا كعدت بصفي جان عصام مترأس الميز لن بابا ما موجود هو ومروان باوعلها بنظره ما عاجبه الوضع ذب الخاشوكه وكام

وصال ـ شبي رجلج

أسيا ـ شبي قابل أبنج ما تعرفينه

ـ لا أعرفه بس أنتن مستجلبات شكوو كعدتي بصف حماتج ! وزلمتج شنو موضوعه راكنته شنو متزوجه حماتج لو متزوجته اله رجال شكده شكبره ما مهمتله شتردين أنتِ

ـ ما اريد شيء بس يفك عني ياخه ويضب لسانه

ـ هو علينا احنه أهله ما ضاب لسانه ويانا تردين يضب لسانه وياج وين صايره هاي امي داري زلمتج لايطير وكتها عود يبسي رأسج

ـ رايحه اشوف كرم

ـ لاتروحين هسه تتعاركون وتصير مشكله هو أنزعج من تصرفج عوفي بعدين من تبرد أعصابه روحيله

ـ والله عمه أبنج شالع گلبي

ـ الله يساعدني لعد أني شگول الكل شالع گلبي

أزهار ـ في متصف الجبهه تقصف ولا تبالي كملت الغده وكمت لغرفتي وضليت عـــلىٰ هذا الحال أيام مرت وأمي مشوفتني نجوم الظهر بس من يجي أبويه تسكت من يروح تلزمني حجي وبطريقه مبطنه وأسيا نفس حالها وحسيتها متغيره وعصام اليوم ينزل ومن رجعت من الدوام هي تنظف بغرفتها ومعطرتها وهي كاشخه عـــلىٰ الاخير عروس مو مثلها لك شُنو هالجمال درينا حلوه

أسيا ـ أخوج اليوم ينزل مشتاقتله أبن الاوادم .

أزهار ـ يروحي الله يدومكم لبعض يله صاعده أغير ملابسي أخذي راحتج اخاف عصام يجي

أسيا ـ تمام حبيبتي

أزهار ـ صعدت غيرت ملابسي ونزلت لكيت عصام موجود يلعب بكرم ويضحكون هاا الله يساعدك

عصام ـ ويساعدج شلونج ويه أمي

ـ زوينه

ـ شو زوينه لازم الأمور بعدها مو تمام

ـ أي والله وكلش هم صدك أنتَ كلت لـ بابا

ـ أي كلتلته ولا تدخلين بهذا الموضوع هذا شغلنا دام أنتِ ما موافقه خلص

ـ هزيت رأسي صدك شصار عـــلىٰ سيارتي ما صلحوتها بدلتوها

ـ ما عندي مجال ومو تدرين جنت بالدوم وين نبدلها مو بعدها لوز شنو هالتبذير

ـ لعد شلون هذا مروان راح تخلص إجازته هو بدون شيء ما يتفاهم وبس يعيط منو يوديني ويرجعني

ـ سواق الج شمدريني خل يصيرلي مجال واوديها لتصليح

ـ ماشي انتظرك تصلحها ما رد ومشه لغرفته وباوع عـــلىٰ أسسيا ما كدرت أفسر نظراته مرته وهي اعرف وافهم بي واجت اسيا هاا شعندج

أسيا ـ شتكولين اروحله احس طوختها وياه

ـ والله صاركم أيام من رجعتي وحالكم نفسه والى متى روحيله ولاتخلين مكانج فارغ لاتجي وحده وتترسه

ـ تمام اروح أشوف الأوضا؏ وأنتِ صبي غده اذا جينا نتغدا سوا تأخرنا تغدي لاتتنظرين

ـ تمام روحي على رجلج عوفي الأكل هسه تلحكين عليه ضحكت وراحت الله يصلح حالكم
___

أسيا

ـ لحكته الغرفه كرم يكمز ويلعب أبوه جابله سياره جديده دخلت الغرفه ملابسه عـــلىٰ الجربايه والدوش مشتغل جاي يسبح ، جمعت ملاببسه وفرغت الجنطه وفتحت الكنتور أطلع اله ملابس نظيفه يلبسهم

واني واكفه رافعه رجلي اجيب تيشرت بالرف الفوك أجه هو صار بظهري وجسمه رطب التصق بجسمي رفع ايده ويه أيدي مُباشرةً وأثنينا لزمنا التيشرت بقيت ساكنه وهادئه بس أنفاسه برگبتي تعبر عن حاله
ورجفة جسمي الملاصق بحرارة جسمه تعبر عن حالي اخاف أندار وما اكدر افلت منه متاكده گبل يأخذ شفايفي حتّى حجايه ما يخليني أحجي خايفه منه ومستحيه كلبي نبضاته سريعه ، طول هالمده احنه ساكتين والتيشرت يكول تهدوني لو اهدكم .

" نزلت أيدي وأنداريت ردت امشي خله أيده كدام بطني ومنعني أعبر من كدامه وصار حاجز بس ارفع رأسي يعرف شغله وشيسوي ويتفنن باللوحه مالته رفعت خصلات شعري ورأسي ولكيته مبتسم ..... 🙂

يتبع ...
_