☘لهدم قبور البقيع☘

كون حفاي ونطب كاع البقيع
نلطم اعل الروس وبقلب وجيع
==============
نلطم عله الروس  نعلنها حداد
ياگبور الهدوموها عله الوهاد
نصرخ وصرخاتنه تهز  البلاد
ماكفاهم موتهم وبسم نقيع
✍ام حسين المحمداويه
============
مجلس قرايه ونون حد الفجر
نلطم عله الراس وندگ الصدر
يا بقيع  الهدموهــا  ابـلا عــذر

حاوطوها گبوركم سد منــيع
✍ام سجاد الشهيد
=============
والشواهد سور مانعنه نزور
هاي وحده من علامات الظهور
يظهر القائم ويبنيها القبور

موغريبه وموجديده عل جميع

✍️☘️ام فراس الساعدي ☘️
=============
تنبني تصير المناير والصحن
والضيافه بحضرة ايمامي الحسن
بيومها تعم السلامه والامن
جنود للقائم ولأمره نطيع

✍️☘️ام فراس الساعدي ☘️
============
ماكفاهم بالتجاسر من زمان
رافضيه اعلينه كالو مو امان
فرق شاسع نبتدي من الأذان

نشتكي هذا الأمر لله  سميع
✍طالبه الزهراء
============
تمت باقلام نائبة الحسين عليه السلام

https://hottg.com/omFeras2
https://hottg.com/JBlAlSBR313

الرادود المبدع حيدر الخفاجي

☘لأستشهادالحمزه عم الرسول ص☘

وزن /المجذوب
فاعلاتن فاعلاتن فاعلن
المفتاح ياطبيب صواب دلالي كلف

على امصيبة حمزه گلبي منفجع
خل نذكره اليوم ونهل الدمع

عَلَم مابين الرجال
بينهم صاير مثال
مايلحكونه محال
هم خلق واخلاق هم حلو الطبع....
على امصيبة حمزه گلبي منفجع


بكل حروب الله فِتَح
وجهه چن وجه الصُبح
ویّه صحبانه مَرِح
للرسول السيف صاير وال درع....
على امصيبة حمزه گلبي منفجع


صال بيهم صوله
لعب بيهم جوله
والرّبع حيّوله
اسد غالب لا ابد ماينخدع....
على امصيبة حمزه گلبي منفجع


هند گالت وشتريد
انطت لوحشي وعيد
الك يجرالك وازيد
جيبلي كبده امضغه وابتلع....
على امصيبة حمزه گلبي منفجع


انصيح ياعم الرسول
على امصابك وشنگول
دموعنه تجري سيول
بسهم وحشي وغدر ينصاب السبع
على امصيبة حمزه گلبي منفجع


طاح وبسهم الغَدر
وهند تتولى الامر
مثّلت بل يحتضر
كَبده ضاگت مُضغته و ماينجرع.....
على امصيبة حمزه گلبي منفجع



١١/شوال/١٤٤٣
✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

#_منتدى_القلم_الفاطمي

https://hottg.com/omFeras2

‌https://hottg.com/alkalm313

لاستشهاد الحمزة ع عم الرسول ص

وزن الاصلم او المنقوص السريع
مستفعلن..مستفعلن فعلن
// طور خطار اجاني//
"" "" "" "" "" "" "" "" "" "" "" "" "" "" ""

يا عمي حمزه هدمت حيلي
ونيني عليك انهاري وبليلي

كبدك يغالي لاچته هنده
ومصابك عليه صعب شده
عمي عمي

🖤🖤🖤🖤🖤🖤🖤🖤

نوايح.... صوايح... ما نعت فكدك وانه بحزني
عمي...بهمي... بينت الخلِه اليوم تتركني
ردتك.... ندبتك.. جم موقف إلمنك يألمني
مناصر... وحاضر... وياي وفراكك يعذبني
يصعب رحيلك يا حنين انته
بعده رحيلك مو محل وكته
يا ماي عيني وهسه اتبده
كبدك يغالي لاچته هنده
عمي.. عمي

نبضي حسين

🖤🖤🖤🖤🖤🖤🖤🖤

سهمك... وجرحك... زيّد عليّه ونّي ونوحي
عيونك ... ولونك ...شنهي الجرالك يابعد روحي
فكدك... وبعدك ... صفنتي طالت بيك وسروحي
مصابك ... ترابك... كلما ازوره زادت جروحي
للگبر جيتك انحب بلهفه
يلعشت عمرك شرف وبعفه
ذكراك راسخ بالفكر بعده
كبدك يغالي لاچته هنده
عمي .. عمي

✍️☘️ام فراس الساعدي ☘️

🖤🖤🖤🖤🖤🖤🖤🖤

جروحه٠٠روحه٠٠ يااسد الله وقدرة الباري
عمي٠٠ همي٠شيخ الضياغم ساند اكتاري
منظر٠٠ يقهر٠٠ ايعز عليه لو إجه الطاري
موذر٠٠ معفر٠٠ مگطع عليه يسفي الذاري
يصعب عليه منظرك شفته
غالي يعمي شگد عليه انت
وحشي عليك برمحه اتعده
كبدك يغالي لاچته هنده
عمي٠٠٠ عمي

✍🏻ام محمد باقر ال عبيد🍃

🖤🖤🖤🖤🖤🖤🖤🖤

ركنه،،، متنه،،، هديت حيل الشاهگ بعزمه
فجعه ،،،دمعه ،، يبچيك ليل نهار ياعمه
ندمه،، سهمه،،، صوب دليلي صاح يا سهمه
جمره،، حمره،، لهبت بروحي اووجّت جمره
من فرگتك ماضل نفس بيه
راح الحنين اليزهي، بفيـــــه
ظهري حنيته ومنهو ليسنده
چبدك يغالي لاچته هنده

✍ام حسين المحمداويه

🖤🖤🖤🖤🖤🖤🖤🖤

دهري،، ظهري،، حنية القوس من انحنه عگبك
شلّت،،، سلّت،،،  روحي  عليله فارگت حبك
وينك،، عينك،،، عنّت عليه يلسمح گلبك
تسكن،،،  وتعن،،، كل ساعه وتفر تنظر الدربك
عمي ياحمزه يومك ابعشره
شيجرعها گلي فرگتـك مره
ليموت راح ومااله رده
چبدك يغالي لاچته هنده

✍ام حسين المحمداويه

🖤🖤🖤🖤🖤🖤🖤🖤

*تـــمت بــــعون
اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن*عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ*🙏ــــرررها

https://hottg.com/omFeras2

https://hottg.com/+AAAAAFDeD-8dIUKfF2UaBA

☘ رثاء للحمزه عم النبي ع☘

لسان حال الرسول ص يرثي عمّه الحمزه ع
شيگول:-

بطل ضاري...محّد يلاوي ذراعه
بطل ضاري... ينوصف بيها الشجاعه
بطل ضاري... بلحرب عنده براعه


اسد غالب....بلحرب ماله مثيل
اسد غالب....وين مامالت يميل
اسد غالب....عليه دمعي ضل يسيل


هذا عمي... نبض گلبي وسره بدمي
هذا عمي ...بكل مصيبه جان يمي
هذا عمي ... مثل ابوي وشال همي


راح مني ... ياحسافه اعله الاسد
راح مني ... استشهد بغزوة أُحد
راح مني... اتحملت گوه البعد


عمي حمزه...عسى لاطر هل صباح
عمي حمزه... صاحب السيف اللياح
عمي حمزه... لجله مايسكت نياح


الف لعنه ... عليج ياهند اللعينه
الف لعنه ... ليش كبده تاكلينه
الف لعنه... عمي ليش تحاربينه



عهد مني.... عليك عمي انصب حداد
عهد مني.... طول عمري البس سواد
عهد مني.... تبقى دومك بالفؤاد


شوال/
✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

☘قصيده للحمزه عم النبي ع☘


نبي الرحمه    ذكر عمه
   يبجي وربه يسمعه
🏴🏴🏴🏴🏴

سجل ملحمه التاريخ ابد مايوم ينساها
بطلها جان اسد مغوار والعدوان بجاها
صال وطشر الجيمان وي اتراب خلاها
رفع سيفه ...
اخذ حيفه...
ظلو عل ارض صرعه...
نبي الرحمه    ذكر عمه
   يبجي وربه يسمعه
🏴🏴🏴🏴🏴

عم جان لرسول الله كفو ونعمين من هالعم
بطل بالمعركه وضرغام عن النبي شال الهم
طشرهم بصولاته ومن عدهم يسيح الدم
الجبل هزّه ...
بأحد حمزه... 
هِزمهم مابعد رجعه...
نبي الرحمه    ذكر عمه
   يبجي وربه يسمعه
🏴🏴🏴🏴🏴

الحمزه ويه ابو الحسنين فرد حزام متحزمين
ما هابو شهاده وموت رادوا ينصرون الدين
هذا شانهم للدوم على هذا الدرب ماشين
رفعت راس ...
اهل نوماس ...
كلمن سيفه ودرعه ...
نبي الرحمه    ذكر عمه
   يبجي وربه يسمعه
🏴🏴🏴🏴🏴

لجل دين الله والتوحيد يصول وبيده الرايه
ردّو  غارو الكفار واجو للحمزه عنايه
برمح كتلوه ماهابوه عدهم كتله بي غايه
هنده اتلوب ...
تريد حروب ...
وتاخذ ثارهه بسرعه...
نبي الرحمه    ذكر عمه
   يبجي وربه يسمعه
🏴🏴🏴🏴🏴

اجت هنده تدور اعليه ابنص المعركه وتمشي
تدوس اعله الجثث وتفوت ماهمه ابد كلشي
لگتّه امدد ومذبوح على ايد النذل وحشي
اجت حدّه ...
اطلعت جبده...
مُر ماكدرت اتجرعه...
نبي الرحمه    ذكر عمه
   يبجي وربه يسمعه
🏴🏴🏴🏴🏴

على ال النبي المختار ليش الناس تتخاصم
نبينا جينه انعازيه نبجي وكلنه نتلاطم
على عمّه الغدر غدروه وبكل بيت اله ماتم
بطل جيدوم...
اذكروه دوم...
يقضي الحاجه بلدمعه...
نبي الرحمه    ذكر عمه
   يبجي وربه يسمعه
🏴🏴🏴🏴🏴

✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://hottg.com/omFeras2

هوسات الى الحمزه عم النبي
((رضوان الله عليه))

****
اسد عم النبي لا مايهاب الموت
اسف غدروه غدر وتفرعن الطاغوت
لا جناز لا تشييع لا تابوت

( وبرمحه اتصوب دلاله)

✍️☘️ام فراس الساعدي☘️
🏴🏴🏴🏴🏴

حسافه الوحشي صابه وثخن صوابه
نعازي المصطفى نواسيه بمصابه
محزنه عليه هاي الليله اصحابه

(ياحيف الحمزه مصوبينه)

✍🏻ام سجاد الشهيد
🏴🏴🏴🏴🏴

المدينه مكدره ومغبر الليله الكون
املاك السمه نزلت عليه يبجون
تواسي المصطفى وبعمه يعزون

(يعازونه بمصاب الحمزه)

✍🏻ام سجاد الشهيد
🏴🏴🏴🏴🏴

اجت هند بشماته وكصدت مچانه
شافت جثّته تضحك وفرحانه
گالت حمزه هذا چني حلمانه

(ماصدگ حلمانه عيوني)

✍🏻ام سجاد الشهيد
🏴🏴🏴🏴🏴

بحلم گالت وچن اخذ بثاراتي
لَطلّع جبده واغرزهن انياباتي
واخذ حيفي ويفوخن جراحاتي

(بس ماگدرتله الملعونه)

✍️☘️ام فراس الساعدي ☘️
🏴🏴🏴🏴🏴

حجر صارت جبدته وگامت اتلفظه
مر حنظل صبح بلسانها اترفظه
كامت والدما من ثيابها اتنفظه

(فرحت وتهوس شمتانه)

✍️☘️ام فراس الساعدي ☘️
🏴🏴🏴🏴🏴

تمت باقلام شاعرات اهل البيت عليهم السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://hottg.com/omFeras2

☘قصيده للسيده نرجس ع☘


اليله امگدر المهدي اليله
محزون ودمع عينه يسيله
الحنينه شايله اليوم
عله امه الحجه مهضوم
عليها امگدر ومنهدم  حيله...
الليله   امكدر   المهدي  الليله

••••••••••••••••••••

ينعه  اليوم مهدينه بالحزان
ينادي الوالده والگلب لهفان 
ويتمنه يصير الأمه  دفان
لاچن هل أمر من رب الكوان
يضل مبتعد عنها
تموت امه ابحزنها
ويضل ذايب لجل امه دليله...
اليله مكدر المهدي اليله

✍ام زين العابدين لمحمداويه
•••••••••••••••••••••

مانشفت دمعته من العيون
يون وينوح منه الحيل مرهون
على الي  ربته  ذبلها  الجفون
عليه فركه الحنينه موش بالهون
مايلام لوناح
ودمعه لو دمه ساح
فركه الوالده كلفه وثجيله...
الليله امكدر المهدي  الليله
✍ام عباس السكيني
•••••••••••••••••

میته امه ولا يكدر يجيها
يجفّنها  ويسبللها   اديها
يسمع شیعته ناحت عليها
قصايدهم رثاء دوم ابّجيها 
ينصب جادر النوح 
ينعى بكلب مجروح
يشيل اترابها وبيده يهيله...
اليله مكدر المهدي اليله

✍️☘️ام فراس الساعدي ☘️
•••••••••••••••••

ذكر طول السنين وطول الفراگ..
شكثر گلبه  لهف وشكثر مشتاگ
عنها منگطع بيه الوصل ضاگ..
تمنه يشوفها ويشابگ اشباگ.
  من زغره تيتم
عاش بحيره وبهم
گلبه نار متوجر دليله...
الليله  امكدر  المهدي الليله

✍ام منتظر الركابي
•••••••••••••••••

مو هينه الحنينه فاركته
خلت بالظهر ميله وجزته
جادر  للحزن  عالرضعته
يون ونه عليها بحزن سكته
ماصح وسداها
امه وجبلاها
على ام الطيب هالروحه عليله...
الليله   امكدر   المهدي  الليله

✍العلويه ام رقيه
•••••••••••••••••

الله يعظم اجرك يا ابو صالح
مصاب الوالده بلگلب جـارح
ملجوم  ويون  والفكر سارح
والعذيبي صبح بشفافه مالح
اه يافكد الاحباب
لب الكلب من صاب
منو يعوض حنان امه الجليله..
الليله   امكدر   المهدي  الليله

✍ام سجاد الشهيد
•••••••••••••••••

تمت بعون الله بقلام شاعرات رابطة سيد الشهداء عليه السلام
https://hottg.com/omFeras2
https://hottg.com/saghiatashaalkarbala

السلام عليكم ✋
الى كل المشتركين في قناتي
خادمة البتول
☘ام فراس الساعدي ☘
سيتم اعادة نشر👆👆استشهاد الإمام الصادق عليه السلام🙆‍♀
كل ماهو قديم وجديد حتى يتسنى لكم المشاهده
بدون كلل اوملل في البحث
متمنين لكم التوفيق في خدمة الرسول وال بيته الطيبين عليهم الصلاة والسلام
وسيصلكم كل ماهو جديد ان شاءالله 🤲
☘ولكم الاجر والثواب☘
https://hottg.com/omFeras2

☘قصيده للامام الصادق ع☘

نعي عاشوري//

على الصادق يشيعه
نوووحوو هليييوم آه آه
سموه الكفر والچب---د
مسمووووووم آه آه
على الحركوووها داره
وماااات مظلووووم آه آه
صبح ركن الديانه اليوم مهدوم....


ظل محرابه خالي ونووور
مابييييييه آه آه
وبنيته بچت وولاااااده
ترثيييييييه آه آه
وظلت شيعته للدوووووم
تنعيييييييه آه آه
تصب دموعهه من دمع ودموم....


كتبه مطشره ياحيييف
بلگاااااع آه آه
والعدوااان نكروا فضله
ابسااااااع آه آه
بچت اهل المدينه
والخببببببر شاااااع آه آه
راح مفسر الايه والعلوم....


٢٦/ شوال/ ١٤٤١
✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://hottg.com/omFeras2

☘قصيده للامام الصادق ع☘

لسان حال// الامام الصادق عليه السلام


عظم الله مصابكم ياشيعتي
واسوو كل احبابي وكل عيلتي

انه مظلوم بمصابي الي جره
واسي امي الزهره بيه وحيدره
سمموني بعنب ذوله الكفره
ويتمو اولادي ويّه بنيتي....
عظم الله مصابكم ياشيعتي
واسوو كل احبابي وكل عيلتي


حرگو الدار وسبوهه عيالي
وطشروا كل الكتب عذالي
بلحشا جمره احرگت دلالي
نار تسعر بالگلب وبمهجتي....
عظم الله مصابكم ياشيعتي
واسوو كل احبابي وكل عيلتي


اجمعت كل شيعتي واحبابي
خلو سبع سنين هذا مصابي
والنواعي تنعه ابمحرابي
وابغضو كلمن يضدني بشدتي....
عظم الله مصابكم ياشيعتي
واسوو كل احبابي وكل عيلتي


الله يرحم كل محب يرثالي
وگف علمنبر يسولف حالي
يسوي مجلس بي گعد ينعالي
اسال الله يوفقه كون بدعوتي....
عظم الله مصابكم ياشيعتي
واسوو كل احبابي وكل عيلتي


الماگدر يوصلني تم زيارته
خل يواسي الكاظم ابني وعترته
يسچب الدمعه وينوح بحضرته
المهم يذكرني ينعى مصيبتي....
عظم الله مصابكم ياشيعتي
واسوو كل احبابي وكل عيلتي


٢٥/ شوال/ ١٤٤١
✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

خادمة البتول:
☘ هوسات للامام الصادق ع☘

على الصادق ننوح ونجذب الونه
اليلطم على عيونه لاتلومنه...

هذا ابن الرسول وامه الزهره
محروك الكلب والروح منقهره
صادق بالكلام وسادس العتره
هاااا
((مرجونه الحوزه بدونه))

عالم بالفقه وبكل امور الدين
خذو كل العلوم وخالفو بالحين
حركو حوزته وعدوانه معيدين
هااااا
((من حيدر ماخذها علومه))

يجاوب بالفقه وشما يسالونه
امام وبالعلم كلهم يعرفونه
سموه يااسف ذوله اليكرهونه
هاااا
((يشيعونه والشيعه اليوم))

تبجي الشيعه هذا اليوم لمصابه
تون اعله الامام بوسط محرابه
تنوح اعليه كلها اليوم طلابه
هاااا
((يردونه بالحوزه احبابه))

نعزي اليوم ابنه سيدي الكاظم
نروح ونعتنيله بكل دمع ساجم
ولزينب نواسي و كل بني هاشم
هاااا
((من علومه ناخذ منهاج))


✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

☘لاستشهاد الامام الصادق ع☘

شال اليوم ابو الكاظم
واهل العلم حزنانه
""""""""""
داره موحشه وظلمه
تنوح لصادق اليمه
عليه اعيونه تعمه
الزهره تريد عوانه

*✍🏻ام احمد الساعدي*
ــــــــــــــــــــــــ❀•▣🌸▣•❀ـــــــــــــــــــــ
تبجي شيعته وتنعه
شايل طيب السمعه
نعزي فاطمه البضعه
براعي العلم وديانه
*✍🏻أم عبـــــد اللــــه العابـــــدي*
ــــــــــــــــــــــــ❀•▣🌸▣•❀ـــــــــــــــــــــ
ماعدهم رحم كفار
حرگوا دارهم بالنار
تتباجه ازغار اكبار
وكل كتبه وقرأنه...
*✍️☘️ام فـــراس الساعدي☘️*
ــــــــــــــــــــــــ❀•▣🌸▣•❀ـــــــــــــــــــــ
تنوح وتون طلابه
وعلية ادموع سجابه
الصادق يصعب غيابه
عليه الروح لهفانه
*✍️ الشاعرة ام منير*
ــــــــــــــــــــــــ❀•▣🌸▣•❀ـــــــــــــــــــــ
نتباجه ونون بالدار
تذكرنه لهيب النار
دار الزهره والكرار
ونار حسين واخوانه
*✍🏻أم عبـــــد اللــــه العابـــــدي* ــــــــــــــــــــــــ❀•▣🌸▣•❀ـــــــــــــــــــــ
نار حسين ومصابه
ذبيح مسلبه ثيابه
ونار الحرگت طنابه
واخته بقت دوهانه
*✍🏻ام محمد الساري*


٢٥/شوال/١٤٤٢
ــــــــــــــــــــــــ❀•▣🌸▣•❀ـــــــــــــــــــــ
تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها

https://hottg.com/omFeras2

☘ لاستشهاد الامام الصادق ع☘


نوحو للصادق واسو كل هله
شال راعي الزود راعي المرجله


كلهه درست عده آلاف البشر
من جميع الملل وبذاك الدهر
حيف ياايمامي عايش بالقهر
لهسه نتفاخر بكل افضايله....


گبل ليسموه حركو داره
بلگلب والبيت شبت ناره
وشاعت بكل البلاد اخباره
روّعوا أطفاله ويه العايله....


الحوزه سدوهه وحرگوهه الكتب
ومنبره خالي استولوه. الغرب
والمضيف جدورته بس الحطب
واگف ابابه اليتيم وسايله....


سادس العتره سموه الكفر
حاطين السم اله فوك التمر
ظل يلوج امامي ياويلي شكثر
عمت عيني الالم مايتحمله....


اليوم جينا نواسي الزهره البتول
ونبچي بحضرت علي فحل الفحول
ساعد الله گليبه حجتنه شيگول
الشيعه تتلاطم وكلهه معوله....


٢٥/شوال/١٤٤٢
✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

☘قصيده للصادق ع☘


عل مسموم عل مسموم
خل انوح هليله
علصادق وابو الكاظم
صعب يايومه شيشيله

الشيعه بالحزن والنوح تبجيله...
تغطت بالسواد اليوم تنعيله...
والكاظم بجه والمدمع يسيله...
هوسه:-
(مسموم الامام وشاعت اخباره)
(مسموم الامام وشاعت اخباره)



مسدوده المساجد على راعيها..
كتبه مطشره وتراب غاطيها...
جايمته يجي القائم ويمحيها ..
يايابه ويابويه
هوسه:-
(انعازيه اعله جدها اليوم معصومه)
(انعازيها اعله جدها اليوم معصومه)



نعازيها وننوح وياها عل سموه
ياوسفه الاعادي بالرطب خلوه
فادتهم علومه وتالي هلغدروه
ياحيدر و يابويه
هوسه:-
(وحركوها يادار الصادق)
(حركوها يادار الصادق)


حركوها الكتب والدار ملتهبه
ايا فركت الصادق شكد صعبه
غدروه الامام اوضيعو تعبه
يايابه ويابويه
هوسه:-
(مرجونه الحوزه خلافك )
(مرجونه الحوزه خلافك )


غايب ياامامي من المدينه اليوم
مسموم ابو الكاظم والخبر ميشوم
وعلومك صفت بيد الاعادي ارسوم
يايابه ويابويه
هوسه:-
(ويحييها ياموسى الكاظم يحييها)
(ويحييها ياموسى الكاظم )


✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

☘ لاستشهاد الامام الصادق ع☘


نوحو للصادق اذكرو مصيبته
شال راعي الزود عايف شيعته


صادق اهل البيت بلدين وعِلِم
سادس العتره واقواله حِكَم
بس الف ياحيف منهم ماسِلَم
أشرار ملعونين ابد ماعافته....
نوحو للصادق اذكرو مصيبته
شال راعي الزود عايف شيعته


الدار حرگوهه عليه و عياله
روّوعوا بيت الرسول واله
بگت بس ادموعهم. هماله
تصيح واويلاه امامي نادته....
نوحو للصادق اذكرو مصيبته
شال راعي الزود عايف شيعته


سوو السم بالأكل حطوله
والجبد طاح بطشت جابوله
شگد ملاعين بجهنم ذوله
تآمروا ناس الحقوده و كتلته...
نوحو للصادق اذكرو مصيبته
شال راعي الزود عايف شيعته


راح مسموم الامام وينتحب
لطموا اعياله والمدمع يصب
احضر لمجلس عزاءه يلمحب
كفر مو اسلام كوم السمته....
نوحو للصادق اذكرو مصيبته
شال راعي الزود عايف شيعته


نواسي الحجه امامي المنتضر
بكل سنه بهليوم وبهذا الشهر
نذكر مصابه على طول دهر
نروح للكاظم وننعى بحضرته....
نوحو للصادق اذكرو مصيبته
شال راعي الزود عايف شيعته


٢٣/شوال/١٤٤٢
✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

☘قصيده للامام الصادق☘

نزله ثكيله رجالي حيدريه /عكيلي
على طور /يحسين خيامك حركوها

للصادق نلطم هليله
ونواسي الكاظم والعيله

مسموم وظل يجري دموعه
وينزف جبده وضاك اللوعه
ماكمل بالفرض ركوعه٢
ويلي منلسم ذاب دليله...
للصادق نلطم هليله
ونواسي الكاظم والعيله
حيدر ياعلي حيدر ياعلي

راد يكوم وراحت روحه
يلملم بلحسرات جروحه
من كثر السم زايد نوحه٢
ووليده كام يتجيله...
للصادق نلطم هليله
ونواسي الكاظم والعيله
حيدر ياعلي حيدر ياعلي

جابه الكاظم راد يغسله
ازرك جسمه وناح الاجله
تتباجه الرضعان واهله٢
ذايب كلبه روحه نحيله...
للصادق نلطم هليله
ونواسي الكاظم والعيله

مسموم وبالغرقد دفنه
ويلي الكاظم يكظم حزنه
بس مانكتم ابدا حبنه٢
بكل العام نون وننعيله...
للصادق نلطم هليله
ونواسي الكاظم والعيله
حيدر ياعلي حيدر ياعلي

نجدد بيعتنه لاخرها
ومحبته ابدا مانكتمها
رغما عل عاداه اعلنها٢
ننصب ماتم ونسويله....
للصادق نلطم هليله
ونواسي الكاظم والعيله
حيدر ياعلي حيدر ياعلي


/ شوال/ ١٤٤١
✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://hottg.com/omFeras2