السیده فاطمه العلیله ع تسأل من عمتها ع ماجری علیها بعد واقعة الطف
—---------------
عمه شو جيتي وحيده وين ابو اليمه
جاوبتهه ايهيج حزني من احچي ياعمه
آه ياعمه آه ياعمه
—---------------------
عمه خبريني عله عودي الحسين اوحالته
والله مشتاقه ارد اشوفه ليش طالت غيبته
جاوبتهه الحره ابيچ ايسي من شوفته
الراس سار اويانه واعله الگاع ظلت جثته

بگت جثته بلطفوف
اموزعه ابحد السيوف
ماحصل بيدي يعمه اموادعه اوشمّه
آه ياعمه آه ياعمه
—---------------------
عمه اسئلچ عن كفيلچ واشعمل يوم الطفوف
جاوبت ناظل كفيلي وقابل الذيچ الالوف
راح جاب الماي النه وماخشه ارماح او سيوف
لچن غدروه ابعمود وگطّعو منه الچفوف

اچفیلی يم المشرعه
بگت جثته اموزعه
والسهم نابت ابعينه وسابح ابدمه
آه ياعمه آه ياعمه
—---------------------
عله الشبان ارد اسئلچ عمه رديلي الجواب
جاسم العريس والاكبر اخوي احله الشباب
گالت العريس من شد نزل اعليهم عذاب
بس غدر صابو ابراسه وطاح مرمي اعله التراب

امخضِب الدم وجنته
یحاچی امه بنظرته
اينادي عذريني تركتچ بلحزن يمّه
آه ياعمه آه ياعمه
—---------------------
وعن الاكبر خل اخبرچ ذاک شبه المصطفي
خلّه جو الكون لمّن حمل مغبر ماصفه
بس يحيف العبدي اجاه وصاب راسه ابمرهفه
وظل ينوح احسين وينادي عله الدنيه العفه

آه يولیدی علي
يابجية كل هلي
گعد يجري ادموع عينه وينتحب يمه
آه ياعمه آه ياعمه
____
عمه اسئلچ جاوبيني اشلون اهوال الاسر
جاوبت شفنه یعمه اشکثر لوعات وعسر
النوگ يحديهن يعمه بضرب وشتايم زجر
ولو بچت من عدنه وحده تسكت ابسوط الشمر

الّمّــــتــچ حالتي
من سمعتي قصّتي
ياكثر حزن البگلبي وياعظم همه
آه ياعمه آه ياعمه
—---------------------
(.سيد ناصر الموسوي)

####
قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://hottg.com/almosavimawalid

للطميات والرثاء 👇
https://hottg.com/nassermossavi

نعی
🏴🏴🏴
سکنه یعمه ساعدینی
واعلی البچی والنوح عینی
الچانو حمایه الصواوینی
طاحو ضحایه اگبال عینی
شما صیحهم محد یجینی
🏴🏴🏴
(سیدناصر الموسوی)

نعی لاطفال مسلم علیهم السلام
💔💔💔
یمسلم مابگا منکم بجیه
بس طفلین الک بالغاضریه
بهجوم الخیل فرو بالبریه
من سوط البغی وگوم الردیه
مایدرون بصروف الدنیه
نجو حسبالهم لاچن خطیه
چانت الهم امسبگه المنیه
ذبحوهم غصب سوده علیه
یمسلم مابگا منکم بجیه
💔💔💔
(سیدناصرالموسوی)

لسان حال الامام صاحب الزمان عجل الله فرجه
💔💔💔
لجروحی النوایب عـــیب
یهدن
یلچمنّی و مظن بیــــــوم
یهدن
منّ أسمع حرمنه اشلون
یهدن
للطاغی. تشب نیران بیه

(سیدناصر الموسوی)

لسان حال السیده زینب علیها السلام تخاطب اخوتها
💔💔
یمن گضّیت انه اویاکم
یَهَل لي
ترکتونی بدمــع عالخد
یِهِل لي
شمصیـحن ماتجیبونی
یهل لي
کفلتونی، تره اخذوني
سبیه
(سیدناصرالموسوی)

لسان حال السیده زینب علیها السلام
💔💔💔
النوایب چم الم بالطف
تحن لای
وچم چف ابدمه خوتی
تحن لای
اون وناگتی صـــــارت
تحن لای
الونیني، ادموعها ظلت
جریه
(سیدناصرالموسوی)

لسان حال السیده زینب علیها السلام
💔💔💔
عفه گلبی اشکثر هالطف
ترکبی
جـروح ، وعالهزل گالـــو
ترکبی
عفت اخـــیولهم صدره
ترکبی
اخیی، و راسه فــــوگ
السمهریه
(سیدناصرالموسوی)

YA ABAS -ABOHAZEM.mp3..2022.mp3

استنهاضا لابي الفضل عليه السلام عند وصول السیده زینب فی الاربعین
—-------------------------------
گوم واتلگه العقيله گوم يابن حيدره
اوديعتك جتك ذليله من الاسر متغيره
گوم يعضيد احسين
خل تقر بيك العين
(يا عباس- ياعباس)
—------------
گوم واتلگه العقيله يلجبتهه امدللـه
ابشيمتك عافت وطنهه وطلعتهه امجلـله
ليش مهظومه اتركتهه امحيره ابطف كربله
هذا مو رسم الكفاله يا وريث المرجله
یحرگ.المهجه وضعهه وينصدع ليها الصخر
الزمن واید فجعهه
عگب عينك يا گمر
گوم شيل الچفين
خل تقر بيك العين
(يا عباس- ياعباس)
—-------------
گوم نشف دمعة اختك يا ابو گلب الرئوف
اعليك ابد ما جف دمعهه من اتركتك بلطفوف
گوم يا ليث الشريعه اعله الزند ركب الچفوف
وشد جرح عينك تره اختك گلب ماعدهه تشوف
اشلون تنظرها جبهتک
والدمع منها یسیل
خویه ظم عنها جربتك
منها مجروح الدلیل
لاتشوف الزندین
خل تقر بيك العين
(يا عباس- ياعباس)
—------------
گوم ثني الركبه يمهه خلّي تتچه عليك
ومثل يوم الركبتهه گوم نزلهه ابأ ديك
تدري اشگد بگت زينب بالمخيم ترتجيك
شابحه صوب الشريعه تندعي واتحاتي بيك
بيوم اجه ليهه المحشم
طايح اعله المشرعه
المدامع غدت تسجم
وآلمتّهه الفاجعه
وابعدك عنهه البين
خل تقر بيك العين
(يا عباس- ياعباس)
—---------—
يبو فاضل تدري بختك تطلبك فرد اعتذار
ابيوم رادت ماي وانته ادللي گلتلهه صار
گلهه خويه رحت اجيبه لچن منعوني الاشرار
صابو الهامه وگطعو يمنتي ويه اليسار
گلهه ماهمني حشدهم
ردت اوصّل جربتي
لچن صابوهه ابسهمهم
وايست من رجعتي
وما وفيت ابها لدين
خل تقر بيك العين
(يا عباس- ياعباس)
..............
گوم گلهه يلوديعه من بعد عيني اشجره
الآخر انفاسي يخيتي اعيوني صوبچ ناظره
شفت اخوي احسين وحده والعساكر دايره
وشفت ظهره اعليه محني ومدمعه علخد جره
گمــت علگاع الوی جیدی
وعینی تربیله بأسف
شفته ضل وحده عضیدی
وجیش امیه اعلیه زحف
عگبي ما ضلّه امعين
خل تقر بيك العين
(يا عباس- ياعباس)
—---------—
وبعد گلهه يلعزيزه يختي يم گلب الحنين
لو وصلتي للمدينه خبّري ام البنين
ابنچ العباس گولي ضحّه اخوته للحسين
وهوه طاح اعله الشريعه لايسار ولا يمين
امی خلي ترفع الهامه
وبيك خلهه تفتخر
اولیدهه هیبة عمامه
الذخرته لم الخدر
وقـدمتك لـــلدين
خل تقر بيك العين
(يا عباس- ياعباس)
—----------------------------------------------------------------------
تمت بعون الله لخادم العقيله عليها السلام
سيد ناصر الموسوي

لسان حال السیده زینب ع عند زیارتها لاخوتها ع فی یوم الاربعین
🏴🏴🏴🏴
یحسین اجینه یحسین
یحسین اجینه
من الأسر مهظومات
یحسین اجینه
🏴🏴🏴
یحسین خویه امکدرات ارجعنه
بظیمه الدهر بخلافکم لوعنه
صبح ومسه اعلیکم یهل مدمعنه

واید بچینه بغربه
واید بچینه
لوگالو المسبیات
یحسین اجینه
🏴🏴🏴
اَتذکّرک دامی اوگعت من مهرک
وشفت الشمر یوم الاجه ایحز نحرک
خویه وشفتهه الخیل رکت صدرک

هجمو علینه بعدک
هجمو علینه
بسب وشتم وبطعنات
یحسین اجینه
🏴🏴🏴
انظر زلمنه انیام فوگ عالغبره
وانظر خیمنه بنارهم متوجره
وین انطی وجهی الیاکتر متحیره

حرگت عبینه النیران
حرگت عبینه
نتراکض اعلی الجمرات
یحسین اجینه
🏴🏴🏴
لمونه خویه وبالحبل چتفونه
وفوگ الهزل لجل السبی رکبونه
راسک یشاهد والعده ایضربونه

خویه ومشینه بهالحال
خویه ومشینه
اتباوع علینه الشمات
یحسین اجینه
🏴🏴🏴
طافونه مسبیات کل البلدان
وچم قصر دخلونه یخویه ودیوان
اخلاف الگمر تحدی بضعنه العدوان

محد یجینه یحسین
محد یجینه
ننخه ونجر الحسرات
یحسین اجینه
🏴🏴🏴
آخر محطه الخربه یالوعتهه
بیهه رقیه الماتت بقصتهه
اشتاقت تشوفک والمنیه اخذتهه

ماتت حزینه برجواک
ماتت حزینه
ولجلک تهل الدمعات
یحسین اجینه
🏴🏴🏴
یحسین خویه هالاجیناک انزور
واعلی الجری نبچی ودمعنه منثور
بیا گلب ارجع خویه وانظر للدور

لرض المدینه من انعود
لرض المدینه
لبیوت اصدهن ظلمات
یحسین اجینه
🏴🏴🏴
(سیدناصرالموسوي)

قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://hottg.com/almosavimawalid

للطميات والرثاء 👇
https://hottg.com/nassermossavi

لسان حال السیده زینب والفاطمیات ع عند زیارة قبور اخوتهن ع فی الاربعین
🏴🏴🏴🏴🏴
یاحادی الظعن للطف.. بالله اعلیک ودینه
ننصب فاتحه ونبچی.. یم اگبور اهالینه
🏴🏴🏴🏴
یاحادی الظعن ارجوک.. مرنه بمرقد الولیان
اضحایه موزعین اوصال.. عفناهم علی التربان
گمرنه امگطع الچفین.. واحسین البگه عریان

وعریس البگه موذر
وجسمه موزع الاکبر
ایفت الگلب کل منظر

هذا الرمح بفاده.. وذاک السهم شک عینه
🏴🏴🏴
انرید انخاطب الولیان.. ونحچی اهمومنه یمهم
یوم اللی مشو عنه.. وسال اعلی الترب دمهم
صرنه بولیة العدوان..
غیره ورحم ماعدهم

اخیمنه وجّروها بنار
مارحمو نسه واصغار
سبو حیدر الکرار

نشرد من لظیٰ النیران.. خیل العده اتلاگینه
🏴🏴🏴
آیا لیلة الحادی.. من چلچل ظلامه الیل
کلنه حرم مذعورات.. وشفنه من الاعادی الویل
محد چان من عدکم.. یفزع یرد های الخیل

حاطو بالحرم اجلاف
بس نسوه ویتامه اضعاف
من عین الغریبه انخاف

لا والی اللی یحرسنا .. ولاخیمه البگت لینه
🏴🏴🏴
صبح الشوم لمن طر.. وذیچ الهٍزٍل جابوها
العیله چتفوها احبال.. ولبن ازیاد سیروها
ویّانه جمیع الروس.. فوگ ارماح شالوها

من دیره لعد دیره
نمشی والنسه بحیره
ایسیره اتساعد ایسیره

ولو نوگع من الناگه.. بسوطه الشمر یولینه
🏴🏴🏴
شحچی والمآسی اهوای.. واهوال اللی شفناها
چم شامت شمت بالحال.. چم دیره الدخلناها
چم ایتیم طاح ومات.. چم طفله الدفناها

والشام وبلاویها
وخربتها ومآسیها
وطفلتنه الگضت بیها

حد مافارگتها الروح ..
اتنادی والدی وینه
🏴🏴🏴
چی ندری بعد منعود.. جینه انزور ولیانه
جینه امحملات اهموم. وجبنه الروس ویانه
هذا اخر وداع ایصیر..ویه الچانو احمانه

من نرجع الدیرتنه
وذیچ الخلگ سألتنه
انگلهم عفنه هیبتنه

برض الغاضریه اهناک.. وعنهم غصب رجعینه
🏴🏴🏴
(سیدناصرالموسوی)


قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://hottg.com/almosavimawalid

للطميات والرثاء 👇
https://hottg.com/nassermossavi

لسان حال السیده زینب علیها السلام فی زیارت قبور اخوتها فی الاربعین
💔💔💔
رجعیت یابوعلی یالغبت عن عینی
الگبرک ودمعی ایهلی
لفراگ ماذینی
لا شفت راحه ابد لاراح اشوفنهه
من یوم عنک رحت حسراتی اجرنهه
عندی وظیفه بگت هم راح اسویهه
ظعونک لراضی الوطن هم راح اودیهه
واهناک باجی العمر لگضیه بجروحی
واتضمنی حفنة ترب مارایده روحی
بعدک وبعد الگمر
الموت اهون الی
💔💔💔
(سیدناصرالموسوی)

لسان حال السیده زینب علیها السلام
💔💔💔
کلشی اللی جره بالطف حلم کون
وافزن والگه واگف یمی عباس
والگه احسین گاعد سدر لمضیف
وجاسم ویه الاکبر یمه حراس
وعبدالله یناغی ویلعب احذای
وامه اتمشطه ومالیها الاحساس
ورقیه تصیح بابا وبابا موجود
یجی یشبگها ابوها ویمسح الراس
هلاهلنه وفرحنه مالئ البیت
وعرس جاسم جریب ونعزم الناس
لچن یاحیف هذا موحلم چان
تهدم سورنا العالی من الساس
راحو کل زلمنه بوادی لطفوف
وبگینه احنه حرم وبولیة ارجاس
ورجعنه للمدینه بس نساوین
لا زود البگه عدنه ولا باس
شلی بعمری وانه ماشوف الحسین
ولا رید الحیاة بغیر عباس
(سیدناصرالموسوی)

ابوذیه فی فقد الأخت
💔💔💔
ابـــخ الگـــبر بس شتفید
بختی
وقطار الاجل مسرع راح
بختی
هیـــچ الله ویعیـن الحال
بختی
وترد أختی او تنور البیت
لیه
(سیدناصرالموسوی)

وصیة الامام الحسن ع لأخیه الامام الحسین ع
🏴🏴🏴
خویه..
الچبدی مرد سم الغدر
خویه
وهای آخر ایام العمر
خویه
خوفی علی اختی ام الخدر
خویه
🏴🏴🏴
خویه یابوعلی اتگرب ارد اوصّی
هالوصیه.. یاحبیبی
و اللی احچیه بحضورک چلمه چلمه
بهالمسیه.. یاحبیبی
تدری من طلگها ابونه اویانه ضدت
هالدنیه.. یاحبیبی

لتظن..
لمتنه بالفرحه ترد
لتظن
من عدنه واحد ینسعد
لتظن
دمعتنا تبقیٰ وماتدر
خویه..
🏴🏴🏴
خویه یومی گبل یومک
واللی الله
النه راده.. فخر النه
هوّه فضلنه بنبیه وبالأمامه
والقیاده.. فخر النه
کلنا نمشی بهالطریقه والشهاده
النه عاده.. فخر النه

چبدی..
من الأعادی ماسلم
چبدی
وچبدک یصیبوه بسهم
چبدی
زینب تشوف وتنقهر
خویه..
🏴🏴🏴
خویه اخبرک بعد عینی راح یجری
علی العتره.. بس مآسی
راح تترک وطن جدک یاحسافه
هجره مره.. بس مآسی
راح تاخذ کل حریمک یبو الغیره
برض غفره.. بس مآسی

بیهه..
تنتظرک اهوال الزمن
بیهه
یستل الک سیف الفتن
بیهه
وتحیطک اعلام الکفر
خویه..
🏴🏴🏴
لونزلت بکربلا اتشوف المآسی
من اهل کوفه. اشگد الیمه
احزام ظهرک عالنهر عباس یهوه
بلاچفوفه.. اشگد الیمه
وابنک الاکبر یطیح و یجری دمه
علی ازلوفه.. اشگد الیمه

جاسم..
شاب و یجود بهالنفس
جاسم
تصهر تظل جسمه الشمس
جاسم
اولیدی الک یفدی العمر
خویه..
🏴🏴🏴
مثل ماغدرت ببونا الناس هایه
هم تغدرک.. یاعضیدی
اتصیح مِن ینصرنی لاچن ماکوبیهه
من ینصرک.. یاعضیدی
راح تجری من ظلمهم عالوطیه
ادموم نحرک.. یاعضیدی

صدرک..
اترضه الخیول اعلی الثره
صدرک
اختک تصدله ناظره
صدرک
وتسمع اضلاعک تنکسر
خویه..
🏴🏴🏴
بعد ماتوگع یخویه های اختنه
اتظل غریبه. یاهَظُمها
اخیامها تنظرها من جور الاعادی
الکل لهیبه..یاهظمها
اطفالها عالجمر تسحگ والحرایر
والنهیبه.. یاهظمها

تندب..
حامي الظعن واتحشمه
تندب
لحگیلی یمّا فاطمه
تندب
حیدر ابوها الهه ایحظر
خویه..
🏴🏴🏴
(سیدناصر الموسوی)
:
قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://hottg.com/almosavimawalid

للطميات والرثاء 👇
https://hottg.com/nassermossavi

لسان حال السیده فاطمه العلیله تخاطب والدها الحسین علیه السلام
🏴🏴🏴
طبع الیسافر لازم ایعود
لیش انته ماردتیلی اردود
خَلصَت حیاتی وانه اتانی
انحیله ومن افراگک اعانی
لیش انته ماردتیلی اردود
🏴🏴🏴
یوم النویت اتفارگ اربوع المدینه
وآمرت حمای الظعن یحدی الظعینه
ماگلت تبگه فاطمه اتحن وحزینه
بنتی وگلبها اعلی الهجر الله الیعینه

خل تطمأن هاي العلیله
هالسفره بویه موطویله
راح بعجل ظعنک بلاوعود
لیش انته ماردتیلی اردود
🏴🏴🏴
رحتو وترکتو هالگلب یسعر لظیٰ وذاب
وحتی اثر حافر ظعنکم عالترب غاب
بالیل اعدن بالنجم وعیونی عالباب
واسال من اطیور التمر ماشفتو لحباب

وین انزلو شنهو الیسوون
یحچون بیه لو میحچون
عدهم علم دلالی ممرود
لیش انته ماردتیلی اردود
🏴🏴🏴
انشد من اظعون التجی والدمعه تنسال
لاطارش المنکم رجع لاجانی مرسال
وی روحی احچی الیابلد ظعن الاهل شال
ناسینی لو مدری اشجره وهسه اهمه یاحال

اعلیهم اجر آه الهظیمه
واتحسر بحسرات الیمه
والدمع جرّح منی لخدود
لیش انته ماردتیلی اردود
🏴🏴🏴
یابویه رحتو وماترکتولی علامه
بیهه علیکم اطمأن انتو بسلامه
فد حاله بس وهالجسم کثرت سقامه
من ابچی احس بدمعتی دمعة یتامه

مارید احس آنه امن الایتام
ریتک تعود وتنهی الاوهام
وترجع ضحکتی والهنا ایزود
لیش انته ماردتیلی اردود
🏴🏴🏴
بدارک یبویه من اطب وحشه وخلیه
لا انته لاعمتی ولاسکنه ورقیه
صفناتی تاخذنی الوکت بیکم زهیه
صحت باسمکم والصدی رَد صوتی لیه

من دار اطلع وادخل بدار
وگلبی علیکم مشتعل نار
چم واحد المِن عندی مفگود
لیش انته ماردتیلی اردود
🏴🏴🏴
یعگوب یدری ابنه عدل بس فقد صبره
عیونه انعمن من البچی وانحدب ظهره
چا آنه گلبی اعلی القهر یاهو الیعذره
اعلیکم یون وبحالکم محد یخبره

یابویه والله مگدر انساک
مدری انتظر ما ادری انعاک
صعبه علیه املابس السود
لیش انته ماردتیلی اردود
🏴🏴🏴
(سیدناصرالموسوي)


قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://hottg.com/almosavimawalid

للطميات والرثاء 👇
https://hottg.com/nassermossavi

لسان حال العقیله علیها السلام
💔💔💔
من اهمومي احشم
ونخیمکم
یخوتي، ولو تشوفو
ونخیمکم
الأبل جابوه السبیي
ونخیمکم
وینادون ارکبي یالخارجیه
(سیدناصرالموسوي)

لسان حال السیده زینب علیها السلام
🏴🏴🏴
حاربنی الزمان بظیم لمن ماتو ارجالی
اخلاف احسین والعباس صار الشمر یبرالی
🏴🏴🏴
آنه الجبت عمری اهموم ابچی واسچب العبره
من کسر الضلع بالباب للمحراب والطبره
من چبد الحسن مسموم لحسین وگطع نحره
کل شده الأمر بیها تچوی بنار دلالی
🏴🏴🏴
کل شده الأمر بیها تاخذ حیل من حیلی
تخلینی اظل اسنین ابچی وانحب بلیلی
من اذکر رزایا الطف اتهل آه باویلی
امصیبه الشیبت راسی وصار النوح موالی
🏴🏴🏴
آیا کربلا المایوم انسه اللی جره بیها
عالگاع اترکت سبعین جثه اتراب غاطیها
اعلیمن ابچی ما ادری ویاهی الأنعی اعلیها
کل اللی افگدتها اعزاز غالی من بعد غالی
🏴🏴🏴
العیله برگبتی وآنه نحیله وفاگده الخوان
شبان اللی چنها ابدور صارت وذر عالتربان
هذا البالعمد مصیوب وذاک اللی انذبح عطشان
ولیای المشو وابگیت بین العده بلاوالی
🏴🏴🏴
اشاوط والگلب مرتاب بین النحر والچفین
اروحن للکفل خدری لو اگصد النحر احسین
حرت ابلمة العیله الفرت مادری لاوین
الگوم تشوفنی وآنه المحد شایف اخیالی
🏴🏴🏴
اشما باوع الگوم اجلاف لاشیمه ولاعونه
موچن النبی جدنه بسب وشتم گیدونه
نهبو واحرگو لخیام وفوگ الهزل رکبونه
مشیت وروس خوانی اویای بروس العوالی
🏴🏴🏴
آنه بت علی الکرار ادخلت الکوفه مچتوفه
امیره الچنت انه اهناک هسه ایسیره بالکوفه
ابوی الچان حاکمها هسه انکرت معروفه
یاحیف الزمن خوان شوف اشسوه بحوالی
🏴🏴🏴
(سیدناصرالموسوی)

قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://hottg.com/almosavimawalid

للطميات والرثاء 👇
https://hottg.com/nassermossavi

السیده زینب ع تخاطب اخاها محمد ابن الحنفیه
💔💔💔
الدهر بمصایبه خویه
محنه
و ابد بالگوم ماشفنه
محنه
لون تسال علی ظهری
محنه
حناه اسري وشماتة آل امیه
(سیدناصرالموسوی)

لسان حال السیده رقیه تخاطب عمتها السیده زینب علیها السلام
🏴🏴🏴
یاعمه من گد البچی
تعبانه مگدر علحچی
یاعمه چاوین الابو
گلتی یجی یمته یجی
یعمه یازینب2
🏴🏴🏴 
مهظومه.. والنوم ماطب الجفن
مالومه..والسوط جرّح للمتن
ملچومه..لفراگ ماذینی و اون ملچومه

دلالی انعاااااب
من هذا لغیااااب
یاعمّتی لیییییش
احچیلی لسباب

یاعمّتی اعیونی عمن
من البواچی ورّمن
یاعمه چاوین الابو
گلتی یجی یمته یجی
یعمه یازینب2
🏴🏴🏴 
مغصوبه..منی التراچی امسلبه
مضروبه..چی ابچی صرت امعذبه
مصیوبه..شوفی وجنتی امتربه ومصیوبه

رجلیه لزغاااار.
چوتهن النااااار..
ارکض علی الشوک
.من خوف الاشرار

یاعمّتی بدرب الاسر
شگد چان یضربنی زجر
یاعمه چاوین الابو
گلتی یجی یمته یجی
یعمه یازینب2
🏴🏴🏴 
خلونه..چالیش اهلنه بهالمحن
عافونه..والدی وحمّای الضعن
ماجونه..للشام خدرهم مشن ماجونه

چاوینه جسااااام
واکبر الضرغاااام
من سوط الارجاس
یحمون الایتام

یاعمه موتنی القهر
یمته یخلّص هالسفر
یاعمه چاوین الابو
گلتی یجی یمته یجی
یعمه یازینب2
🏴🏴🏴 
بحسینی..یاعمه هالساعه احلمت
من عینی..لجله دموعی دم تکت
شوفینی..فراگه غده بگلبی یفت شوفینی

ذبحتنی لشواااق.
وموتنی لفراااق
عودی متی ایعوود
واشتمه بعنااااق

یاعمه شو طال الهجر
تدرینی ماعندی صبر
یاعمه چاوین الابو
گلتی یجی یمته یجی
یعمه یازینب2
🏴🏴🏴 
وچفوفه..لوجانی اشتم وجنته
ماعوفه.. بیدیه الزم یمنته
ملهوفه..البوسة جبینه وشبگته ملهوفه

من خربة الشاااام
ومن های الالاااام
اینومنی ویاااااه
بحضنه من اینام

یاعمه گلیله ابعجل
یلحگ عَلَی گبل الاجل
یاعمه چاوین الابو
گلتی یجی یمته یجی
یعمه یازینب2
🏴🏴🏴 
(سيدناصر الموسوي)


قنوات اشعار خادم اهل البيت عليهم السلام سيدناصرالموسوي

للمواليد والافراح👇
https://hottg.com/almosavimawalid

للطميات والرثاء 👇
https://hottg.com/nassermossavi