زهيري (موال) بحق الامام علي عليه السلام
مهيمن يوسف الموسوي ١٤٤٥هـ ٢٠٢٤م


الما يوالي علي خسران دينه          وظَل
بالآخره و دنيته كلها سنينه           وظل
حقد و كره بالگلب عنده اليضدّه    وظل
بهذا الأمر مستمر رغم الامر          عالمه
نصّب محمد علي بعده خليفه       عالمه
بأمر الجلاله جعل حيدر وصيّه       علّمه
ولشيعته امن الخطر حيدر حِماها   وظل



مهيمن يوسف الموسوي
١٢ رجب الأصب ١٤٤٥هـ
٢٠٢٤/١/٢٤م يوم الاربعاء ١١:٠٢ص

تجليبة | لوفاة السيدة زينب "عليها السلام"
مهيمن يوسف الموسوي ١٤٤٣هـ ٢٠٢٢م

عني تزيل اهموم ردتك يخويه اليوم
تحظرني اريدك تدفني بيدك
يا عباس يا عباس
............
يا حامي خِدر زينب يبو فاضل
بالشام و صعب حالي ودمع هامل
تدري من اجاني الموت يالكافل
بالغربه منيتي هذا الذي حاصل

يمي ردت موجود ترجع إليه اردود
تحظرني اريدك تدفني بيدك
يا عباس يا عباس
............
يخويه يا كفيلي يا راعب العدوان
يبو فاضل دليلي بس قهر واحزان
تدري يالگمر موتي اجاني و حان
تمنيتك عدل و انته الي دفان
كلها وحشتي اتروح بشوفك تسر الروح
تحظرني اريدك تدفني بيدك
يا عباس يا عباس
............
يا وسفه الزمان اشگد غدر بيّه
بالغربه وكت موتي اجه اعليّه
مو برض المدينة الطاهره هيّه
بديرة للنبي و آله عدائيّه
گبري يكون اهناه بين الغرب وسفاه
تحظرني اريدك تدفني بيدك
يا عباس يا عباس
............
معروفه الذي موته گرب مِنّه
كل غالي يجليه هو يتعنّه
يَمّه كل هله اتودعه ابجي او ونّه
تبقه ابحظرته وما تبتعد عنّه
لاچن أنه وياي قهر و حزن بس جاي
تحظرني اريدك تدفني بيدك
‏ ‏يا عباس يا عباس
‏ ‏............
يبو فاضل تعرفه كل زماني زين
بعّد بينك و بيني وخويه حسين
بالطف يا كفيلي و صرتوا مذبوحين
على الغبره جثث يا بالفضل ميتين
هذا بسبب لأشرار ولمّن مماتي صار
تحظرني اريدك تدفني بيدك
‏يا عباس يا عباس
‏ ‏ ‏............
‏رضيت ابهالامر يصبح يبو النوماس
‏اموتن بالغرب يمّ العده الارجاس
‏ولا يمّي الهواشم لا جميع الناس
‏ولا سبط النبي و انته الگمر عباس
‏هذا الأمر مشهود ‏راح الامل ميعود
تحظرني اريدك تدفني بيدك
‏يا عباس يا عباس
‏ ‏ ‏ ‏............
أرضه مرقدي يصبح وسط غربه
فلا برض الرسول المصطفى و گربه
قله امن البشر لجله يجي بدربه
يزوروني بحزن وبلوعه من كلبه
حالي صعب تدريه گلبي القهر ماذيه
تحظرني اريدك تدفني بيدك
‏يا عباس يا عباس
‏ ‏ ‏ ‏ ‏............




تمت و الحمد لله تعالى
مهيمن يوسف الموسوي
٩ رجب الاصب ١٤٤٣هـ
٢٠٢٢/٢/١١م يوم الجمعة ٤:٢٦م

بحق السيدة زينب "عليها السلام"
مهيمن يوسف الموسوي


يا علي حالي صعب راح اموتن بالغرب
روحي حزينه مو بالمدينه
راح اموتن بالغرب
........
يا وصي المصطفى يا بويه حيدر
من اجاني الموت كل حالي تغيّر
عالاهل يا بالحسن گلبي تحسّر
ابمماتي شگد ردت وياي تحضر
حتى اودعهم أنه روحي متظل محزنه
روحي حزينه مو بالمدينه
راح اموتن بالغرب
........
بت علي وسط العده والله عجيبه
لا أهل يمها وصفت هي غريبه
و الصبر كلي يبويه منين اجيبه
والغربتي هالكلب باقي ابنحيبه
عالاهل ابجي او اون بس قهر عندي وحزن
روحي حزينه مو بالمدينه
راح اموتن بالغرب
........
هالارض بيها جنت آنه سبيه
يا علي وشكد شفت منها أذيه
كيدوني بالحبل كلها اديه
سلطوا كل العده حقده عليه
يا عجب بيها الأجل وبرغم كل الحصل
روحي حزينه مو بالمدينه
راح اموتن بالغرب
........
عن دياري كل عدوي بعّدوني
وبظلمهم يا وسف من هجّروني
حيدره تدري شكثر من روّعوني
بنتك آنه و كلها تدري يعرفوني
عالاذه عندي صبر من الهي هالقدر
روحي حزينه مو بالمدينه
راح اموتن بالغرب
........
يا علي بنتك صبح ضدها دهرها
و المصايب و الحزن كلش قهرها
وبرغم كل الجره عالي صبرها
للصمد رب السمه سلمت أمرها
بس دليلي يستعر عالجرالي ينقهر
روحي حزينه مو بالمدينه
راح اموتن بالغرب
........
الأشد حين القرب مني مماتي
يا علي اصعب حدث مر بحياتي
البشر بس الاذه منهم جزاتي
لا أهل يمي اجو ساعة وفاتي
ما حضر عندي هلي ‏و لا حسين و كافلي
روحي حزينه مو بالمدينه
‏راح اموتن بالغرب
‏........
‏يا علي رغم الاذيه و الرزايه
‏وچم مصيبه لوّعتني بالسبايه
‏صابره آنه على كل البلايه
‏وكّلت أمري إلى رب البرايه
وبمنيتي من اجت تدري هم تلوّعت
روحي حزينه مو بالمدينه
‏راح اموتن بالغرب
‏ ‏........

مهيمن يوسف الموسوي

لوفاة السيدة زينب عليها السلام
لحن نجبر كسرها او كبرك جمعنه / باسم الكربلائي



بهاي الرزيّه البنت الزجيّه كل المجالس هاي
نذكرها كلنه بشدة حزنّه الشيعي يظل وفاي
بحسره و نحيبه بهاي المصيبه
........
حياة الطاهره زينب قهر و احزان
مثلها بالارض ماكو ولا الاكوان
من اول عمرها باجيه باشجان
معروفه بحزن وإلها صُبح عنوان
حگها چم مصيبه من عدوها الخان
خان المصطفى بآله و إله عدوان

شافت مصايب بنت الاطايب من العِده الاشرار
خلّص عمرها بلوعه و قهرها بس الأذه و اخطار
جداً عجيبه بهاي المصيبه
........
شافت بت علي بكل العمر لوعات
طفله و شاهدت جدها النبي من مات
من اول عمرها سالت الدمعات
بهاللحظه بدت تبجي بحزن و آهات
وبلش حزنها بكل حسره ونها لجل الرسول تنوح
موته هظمها و سبّب ألمها عدها الگلب مجروح
يسعر لهيبه بهاي المصيبه
.........
مصيبة فاطمه امها اشد و اصعب
شافت من إجه ضدها العده و يگرب
دفع باب الوصي و ضلع الطهر صوّب
ضلعها منكسر من شافته زينب
ومن ماتت شهيده بس تظل تنحب
گلبها بهالمصيبه من صبر اعجب
اتكسّر ضلعها وصعبه وضعها بنت النبي المختار
شافتها زينب واعليها تنحب تبجي مسه و نهار
آه الغريبه بهاي المصيبه
........
نذكر زينب الحره بدمع سچاب
وشلون اصبرت واعله فگد لأحباب
ابوها المرتضى قتله اشد لمصاب
من راسه انطبر هو على المحراب
وجبهته بالدمه شافت لَمَن منصاب
ومن مات بظلم صعبه تره من غاب

صبح و مسيّه صارت بأذيّه تبچي و دمعها ايسيل
صعبه تفگده حيل و تودّه بحاجة ابوها حيل
منين وتجيبه بهاي المصيبه
.........
وشلون أصبرت زينب على المسموم
اخوها المجتبى مات بغدر مظلوم
چبده منملي بالسم كثر مالوم
تأذه شافته و گلبه قهر و هموم
عجب هالگد گلبها صابر و للدوم
جبل هيه بصبرها و هالأمر معلوم

وبكل مصيبه يعله نحيبه بيه الگلب احزان
لجل الغوالي كل الليالي صارت تون باشجان
صعبه مغيبه بهاي المصيبه
.........
اشد و اصعب على زينب اخوها حسين
بقه وبكربله وحده ينصره الدين
واهل بيته ضحايه عالثرى ميتين
و الكافل تشوفه مگطع الجفين
شبه ميته اظن زينب تهل العين
من شافت اخوها منذبح خذاه البين

راسه تشوفه وصعبه ضروفه من الشمر مگطوع
برمح الأعادي بكل البوادي راس السبط مرفوع
يَمّه قريبه بهاي المصيبه
........
زينب هالجليله الطاهره بيا حال
من راحت سبيه اوي العده الأنذال
على انياگ الهزل تصعد تشوف اشكال
يالجانت فلا احد نظرها اخيال
متجتفه العقيله يا وسف بحبال
وعلى كل الأهل منها الدمع همّال

عالي صبرها بهذا أمرها بين الاعادي شلون
اهل الخيانه وبلا أمانه صعبه عليها تكون
حاله رهيبه بهاي المصيبه



مهيمن يوسف الموسوي

نصاري للسيدة زينب عليها السلام
مهيمن يوسف الموسوي ١٤٤٥هـ ٢٠٢٤م


إجاها الموت زينب و الدمع سال
تذكر كل اهلها باصعب الحال
..........
سنه ونص من بعد موت الأحبّه
إجه ليها الأجل و زداد قربه
فلا عباس حاضر وشلون صعبه
دمعها اعلى الاهل هاليوم همّال
..........
صعب هاليوم و شحال العقيله
جسدها امن القهر مهدوم حيله
تذكر طف كربله ابدمع اتسيله
وضعها نوصّفه صعبه ينگال
..........
زينب يا حزنها و القهر حيل
منها والدمع وهواي ويسيل
غريبه بالغرب وسفه والف ويل
قهرها بالگلب من هاي الأهوال
..........
بارض بيها السبي چان وقهر و آلام
آه امن الغرب يا ديرة الشام
على الحره العقيله اصعب الايام
عدوها وبحقد من زينب و نال
..........
اخوها حسين ماكو بهالأمر و الصار
تمنّت لو گصدها إبن لأطهار
لاچن ونچتل من أخسه لأشرار
عدها وانتهت من راح لآمال
..........
زينب بالمنيّه بيا وضعها
حسره بكل گلبها عالفجعها
لحد آخر نفس تهمل دمعها
مصايبها شكثر منها الفرح شال
..........
مصيبة زينب الحره شكبرها
من جاها الأجل يقهر أمرها
لأهل ماكو إجو بآخر عمرها
صبرها اعلى الحزن والكربله طال
..........
تموت الطاهره بنت الزجيّه
بارض جانت إجت ليها سبيّه
وشلون الأمر صعبه القضيّه
عدوها بالشماته بهالأمر گال
..........
اصعب كل حدث مر اعله زينب
مقهوره و ألم و بحسره تنحب
اهلها بالدفن و بهاي ترغب
لا واحد بقه منهم فلا ضال
..........
تموت الطاهره ومنها تهل عين
على الكافل اخوها والولي حسين
وبطف كربله هالأخوه ميتين
وصبرها عالقدر عدها فلا مال


مهيمن يوسف الموسوي
١٤ رجب الأصب ١٤٤٥هـ
٢٠٢٤/١/٢٦م يوم الجمعة ٦:١٢م

بحق السيدة زينب عليها السلام
مهيمن يوسف الموسوي ١٤٤٥هـ ٢٠٢٤م


للطاهره الحوراء اكصد كبرها
مرّت عليها هموم وبكل عمرها
الزينب انحب شافت مصايب والقهر والهَم
............
هاي الّذي معروف هَمها و حِزنها
قهر و دمع همّال وبحسره ونها
دنيا و عليها هواي ضدها و فتنها
مرّت كثر لوعات والها صبرها
الزينب انحب شافت مصايب والقهر والهَم
............
يامن تودها هواي هاي الجليله
لزينب دمع عيناك لازم تسيله
للكافل و لحسين زينب عقيله
مرّت عليها سنين زيّد قهرها
الزينب انحب شافت مصايب والقهر والهَم
............
لو گاصد ارض الشام تزور بلهفتك
سلّم عليها هواي وتسچب دمعتك
حزنك على الحوراء والها حسرتك
وتذكر شنهو الي صار شنهو أمرها
الزينب انحب شافت مصايب والقهر والهَم
............
زينب فضلها هواي عِزّ و كرامه
بنهج الابو الكرار راعي الامامه
وثورة اخوها حسين داعي السلامه
بالذله لا ما تصير لو حَل خطرها
الزينب انحب شافت مصايب والقهر والهَم
............
بحزن و فكر و اصرار وكت الزياره
لو مرقد تعنيت تشوف المناره
گلبك يظل موجود بيه افتخاره
منها الصبر و تشوف من كل فكرها
الزينب انحب شافت مصايب والقهر والهَم
............
هم عالمه و معروف علم النبوّه
وهم للقهر و احزان لجل الأخوّه
عدها صبر و اصرار وبعالي نخوه
عالحگ تظل كل يوم تقبل قدرها
الزينب انحب شافت مصايب والقهر والهَم
............
يَمّ الگبر ودموع يالزاير اتهل
لام الحزن و تنوح حسره وقهر ظِل
گلبك حزن و جروح بيها فلا تِمل
فوگ الصدر لطمات عالي أجرها
الزينب انحب شافت مصايب والقهر والهَم
............
اصعب واشد من جاي ليها أجلها
من الأهل واحباب محّد وصلها
قهر و ألم حسرات لوعه جعلها
بأرض الغرب و تموت آه شكبرها
الزينب انحب شافت مصايب والقهر والهَم
............
يمها العقيله و كون مجلس تنصبه
زينب ذكرها هواي منكم ترغبه
والها المحب حزنان وبحسره گلبه
بيها الأجر موجود كلمن ذِكرها
الزينب انحب شافت مصايب والقهر والهَم
............
مصاب العقيله مصاب مثله فلا صار
بنت النبي المرسول والدها كرار
لاچن تصير شلون ضدتها لاشرار
ماتت اهل وخوان محّد حضرها
الزينب انحب شافت مصايب والقهر والهَم
............


مهيمن يوسف الموسوي
١٦ رجب الأصب ١٤٤٥هـ
٢٠٢٤/١/٢٨م يوم الأحد ١٠:٤٥ص

بحق السيدة زينب عليها السلام
مهيمن يوسف الموسوي ١٤٤٥هـ ٢٠٢٤م


يبويه بحالتي تدري برض غربه انتهى عمري
يالتحضر الطيبين زينب عفتها الحين
صعب يا حيدره أمري برض غربه انتهى عمري
...............
يا بويه زينب من إجه و گرّب أجلها
من الأهل لا ما حضر محد وصلها
بحسره و قهر من هالأمر واللي جعلها
حزنانه حيل و بالگلب دمعي أهلها

فلا عباس لا والي يحيدر هالأمر حالي
يَمّي فلا لحسين كلهم تره ميتين
حزينه و عالي كل صبري برض غربه انتهى عمري
...............
زينب تموت و مو برض جدها محمّد
آه العده شسوه و فعل واعليها بعّد
واعلى العقيله و شكثر كل گلبه يحقد
منهم شفت وشكد أذه لا ما تحدّد

اموت بديرة اهل الشر ولا يَمي الأهل تحضر
منهم قهر و آلام اصعب واشد لأيّام
يبويه و للأهل فكري برض غربه انتهى عمري
...............
بويه ولو موتي إجه بيوم المنيّه
من بحتظاري لو تجي حامي الحميّه
بقهري وداعك يا علي دموعي سريّه
ويَمّي الحُسين و كافلي بالغاضريه

لَچَن كلهم فلا يَمّي بدليلي وشكثر همّي
بأخر وقت لهموم حزني بقه للدوم
لجل كل الاهل قهري برض غربه انتهى عمري
...............
تدري يبويه و شكثر شنهو الاذه بيه
شام الّذي بيها الاذه من العده ليه
بيها سبيّه تلوعت يا بويه تدريه
ضد الولي حسين و گمر كثره معاديه

غدر بيه الدهر غدره عَجَب گلبي إله صبره
دنيا مكرها هواي بالشام إجاني بهاي
بقه لاهلي شكثر ذكري برض غربه انتهى عمري
...............
زينب تريدك يا علي وشبيدي حيله
ميّت قبل من شكثر قبل العقيله
والحالي بويه أصبحت دمعي اسيله
وعليكم الدمعه تهل بيها الوسيله

وسيله للصبر عندي اموتن بالغرب وحدي
لا مو سهل هالصار بين العده الأشرار
يدفنوني بغرب گبري برض غربه انتهى عمري
...............
شحال الأجل لمّن يصل والاخوه طيبين
ويمي يبويه يا علي يا ناصر الدين
حتى بمماتي لا ألم لا تهمل العين
لو عيني تنظر هالأمر لاچن فلا وين

اجاكم موت من قبلي قبل يا بويه يوصلي
ولهذا الأمر حسرات دمعه تهل عبرات
غدر يا بويه كل دهري برض غربه انتهى عمري
...............
بين العده اهل الحقد واللي سبوني
گبري فلا بأرض النبي من ادفنوني
بين آل اميه الغادره بكره و إجوني
تالي يصير و مرقدي بين الولوني

رغم كل الحزن و الهَم ودليلي هواي متألّم
لجل الجلاله اللّٰه اصبر على كل آه
ولو مني الدمع يجري برض غربه انتهى عمري
...............


مهيمن يوسف الموسوي
١٦ رجب الأصب ١٤٤٥هـ
٢٠٢٤/١/٢٨م يوم الأحد ١٢:١٥م

موشح بحق السيدة زينب عليها السلام
مهيمن يوسف الموسوي ١٤٤٥هـ ٢٠٢٤م

زينب الحُرّه بفخر ذِكروها
مو مَذلّه بالسَّبي يسروها
......
هاي زينب بت علي رمز الإباء
و الصبر عدها و عفاف بكل بلاء
لو صعوبه و الاذه و شكد عناء
كالجبل تبقه ولو قهروها
......
زينب و عدها الصبر بصعب وضع
بالبلاء امن الجلاله تقتنع
للمصيبه تنقهر تسچب دمع
شيعه و بهذا الأمر قَدروها
......
شامخه بعز و إبه ضد الظلم
ما تهابه لو صِدر منهم حكم
گالت الحگ ضد عدوها و ما تهم
شاهده الكوفه و فلا ينكروها
......
زينب و ضد العده تگول الخطاب
ضد عدوها اتجاوبه باحسن جواب
كوفه و الشام اخطبت بيه الصواب
والعده بيها فلا يكدروها
......
طبت الشام بيسر بنت البتول
وبرغم منها العده بحقده ينول
لاچن و چنها علي و چنها الرسول
بالخطابه و هالعده ينظروها
......
زينب و منها مواقف خالده
ضدّت الاشرار كل الحاقده
مو مذلّه و تنكسر من السده
شامخه بعلو الجبل كثروها
......
وبكثر نذكر بنت خير النسه
عن حقيقه و كل أمر مو خانسه
بهالقضيه بت علي متقدّسه
عالبريه بهالصفه نشروها
......
زينب و منها المبادئ و القيم
عالاذه لو يعتنيها ما تهم
لو حچت عدها البلاغه و الحِكم
بهالقضيّه باقيه تفكروها
......
حتى زينب باليسر قوه و ثبات
كل عباده ما تعوف و كل صلاة
صوت يدوي مستمر ضِدّ الطغاة
هالصفات اعداها ما غيروها
......
تنذكر هاي العقيله بلايه ذل
عالبلايه صابره زينب مَثل
حتى من ماتو ذبح كل الأهل
صابره زينب فلا ايكسروها
......




مهيمن يوسف الموسوي
١٧ رجب ١٤٤٥هـ
٢٠٢٤/١/٢٩م يوم الاثنين ١٠:٣٠م

ميمر للكاظم عليه السلام
مهيمن يوسف الموسوي ١٤٤٥هـ ٢٠٢٤م


موسى الإمام المسجون صَابَر تِحدّه الظالم
عنده العِلم مهما يكون كِلّ القضايا عالم
.............
سابع إمام امن الائمّه الاطهار
منّه المبادئ و القِيَم و الافكار
وكلما يگوله و يفعله بي انوار
بعلم و معارف موسى يضَدّ الأشرار
منه ايتنوّر كل روح من الموالي الكاظم
عنده العلم مهما يكون كِلّ القضايا عالم
.............
مو بس سجن موسى نِذَكْره للدوم
نعرف حياته و حكمته شبيها اعلوم
علم النبي و حيدر حِمَل كل معلوم
حَل كل شُبه عند السأل ما مفهوم
بفضل الصمد ربّ الكون ربنه الجليل الحاكم
عنده العلم مهما يكون كِلّ القضايا عالم
.............
من جعفر الصادق ورث علم الدين
فقه و عقائد واللّغه وبكل حين
علم الفلك عنده و علوم الدارين
و المعرفه وعلم النبي وعلم حسين
عند الامام المظلوم وبكل قضيّه فاهم
عنده العلم مهما يكون كِلّ القضايا عالم
.............
موسى ابن جعفر وَلَي مفتخرين
سابع حُجَج كل الائمه الطيبين
نهجه نتبعه نستمر طول اسنين
مو بس لطم لا بس بچي تهل العين
قِدوه بكلامه و افعال وشما يضدنه اللائم
عنده العلم مهما يكون كِلّ القضايا عالم
.............
صوت الحقيقه و انتشر منّه هواي
رغم الظلم من العده باقي بهاي
ضد كل بني العباس ثابت مولاي
الدين النبي و شرعه إمامي وفّاي
منه انتعلّم يا صاح دين و فكر متلائم
عنده العلم مهما يكون كِلّ القضايا عالم
.............
بارض المدينه الطاهره صوت ايعم
للباطل ويرفض منو الي يظلم
الكاظم لجل دينه و شرع بيه ايهم
لحال البشر موسى الولي متألّم
بوكته تفرّق موجود حال البشر مو سالم
عنده العلم مهما يكون كِلّ القضايا عالم
.............
مَثّل إمامي للمَلا دينه بزود
كلما إله احتاجو جواب و موجود
علمه إلىٰ طــٰه الرسول و مسنود
وحل كل العُقد بعقل الموالي معگود
حجّه على كل الناس فكره امامي قائم
عنده العلم مهما يكون كِلّ القضايا عالم
.............
رغم العده لموسى يضطهده بكيده
لاچن علومه باقيه ميقيده
وفكره و تعاليمه امامي عنده
بين البرايه امتثل چن جدّه
وعصره بصعوبه معروف بحقده العده ما نادم
عنده العلم مهما يكون كِلّ القضايا عالم
.............
موسى نسجن ظلم و حقد من اعداه
وگيد السلاسل و الألم حيل اذاه
حيف الاعادي بالقهر بس خلاه
منه الاذيّه و المكائد سواه
ويعرف ابن خير الگوم جده الرسول الخاتم
عنده العلم مهما يكون كِلّ القضايا عالم
.............
من الإمام المنسجن ظلم و جور
وبحالته بنص السجن فكره نور
بنص الگلب نور و هدايه بيه ايدور
بفضله امامي كل فكرنه معمور
منه المبادئ و ايثار وشما اذه لو قادم
عنده العلم مهما يكون كِلّ القضايا عالم
.............




مهيمن يوسف الموسوي
٢٠ رجب ١٤٤٥هـ
٢٠٢٤/٢/١م يوم الخميس ١٢:٢٥م

شوط كربلائي بحق الامام الكاظم عليه السلام


اجينه الموسى بن جعفر مشّايه بفخر نگصد
بمصابه انزوره نتعنّه بمدامع نوصل المرقد
............
من كل صوب اجت كلها تعنت گاصده الكاظم
هذا ابن النبي الهادي جده للرسل خاتم
و عليّ المرتضى جده وامّه الطاهره فاطم
واجب لو نجيله ازحوف
الگبره نعتني و نشوف
الموالي بهالأمر ميعوف
يظل واعلى الدرب ثابت ولائه هواي ما ينعد
............
لارض الكاظميه الها للكاظم إجت زوار
گصدو للسجين ابَهم متردها ابد لأخطار
كلها ماشيه بهمّه رجال او نسه او اعمار
لحليف السجده مشايه
بعهدهم حيل وفايه
الموالي ثابت ابرايه
بولائه باقي كل عمره سره بيه بعزم و الجد
............
لإمام الشيعه مولانه گصدنه بهالأمر لجله
بحياته و نظلم كثره واصله افضل الملّه
نريد نزور للمرقد الموالي سلّم او صلّه
سلام اعلى الولي المظلوم
يامن بالسجن كل يوم
امامي الكاظم و مهموم
سنين هواي من عمره بسلاسل حيل متقيّد
............
مشينه الكاظم بلهفه إمامي سابع الاطهار
نذكره بمرقده امصابه ومن يمنه الدمع مدرار
ملايين اعتنو لجله تظل طول الدرب باصرار
للمرقد يگصدونه
نهجهم ما يتركونه
طريق الصح يعرفونه
موسى الكاظم و تذكر مصابه لا ميتحدّد
............
حليف السجده و الصابر على جور و ظلم هارون
مصابه الكاظم و حزنه بگلبنه للأبد ميهون
نگصد لو يأذّونه وبكل اي وسيله كون
نمشي و نفتخر كلنه
الرزيته نبچي و بونه
فلا نبعد أبد عنه
على هذا الدرب و نظل ربنه الخالق اليشهد
............
علينه و عالمشي اعترضو المن هالمشي تمشون
بدعه گالو ومو صح رغم بالحگ تره يدرون
نجاوبهم على الشبهه ميظلون يعترضون
لجل موسى بن جعفر
إمامي و نظلم نذكر
يضدّونه بأذه و الشر
وهو ابن النبي الهادي ذكره باقي ما يفند
............
لارض الكاظميه ابَهم لو إلها وصلناها
الغريب الي گضه عمره حياته و بس ذكرناها
رزيّه للسجين بون وبحسره نعيناها
بسلاسل موسى من قيدوه
طاموره وسف خلوه
سنين هواي من أذّوه
لاكن حكمة الباري يظل مولاي يتخلّد
............
دربنه لو يطول اكثر نمشيله المرقد نگصده
الموالي الموسى بن جعفر ثباته بالگلب عنده
ولو وبهالدرب ميّت هي الموته شو وحده
عمرنه يرخص و نفخر
لابن طه النبي و حيدر
المحب وبهالعهد قرّر
بمسيره و المشي باقي ولائه دوم يتجدّد
............
علينه مرّت الكلفه وبكل الزمن وسنين
عادونه و يأذّونه لو شافونه من ماشين
لاكنه ما يمعنونه بدربنه للأبد باقين
و شاهد هالتزور اليوم
ملايين التجي معلوم
گصدت للولي المسموم
فضله اعلى الخلق تذكر مقامه هواي وتمجّد
............
خلها الناس لو تحجي علينه تعترض اشكال
لاكن كل موالي يظل عزمه بالگلب ما مال
ثابت بالنهج باقي لو صعبه يصير الحال
للكاظم إمامه يزور
هذا ابن الرسول النور
بفضله الدين ظل معمور
حبه نور و بگلبه الموالي بهاي متأكّد



مهيمن يوسف الموسوي
٢٦ جمادى الآخرة ١٤٤٥هـ
٢٠٢٤/١/١٠م يوم الاربعاء ١٢:٥٠ص

دارمي بحق الامام الكاظم عليه السلام
مهيمن يوسف الموسوي ١٤٤٥هـ ٢٠٢٤م


يالمهدي يا مولاي إلمن تهل عين
للكاظم المسموم لو للولي احسين
......
يا حُجّة المعبود آخر لأئمّه
گلبك يمهدي شلون وبعالي هَمّه
مِنّ العِده الغدار وبلايه رحمه
لموسى الولي وحسين وهواي ماذين
......
گلب و قهر موجود وليا مصيبه
للي انذبح مغدور من كل كتيبه
لو لنسجن مظلوم وچثته غريبه
فوگ الجسر خلوه كل المعادين
......
إبن النبي المختار وإبن الزچيّه
جيش و عطش و اخطار من آل اميّه
وقدّم دِمَه مذبوح بالغاضريه
لجل النصر و انصاف كل غايته الدين
......
موسى الإمام هواي گلبه تفطّر
من كل بني العباس بسّ الأذه و شر
بظلم و حقد مسجون وبحاله يصبر
رغم الاعادي حيف وبكثره ماذين
......
حزنك إمامي شلون و الحاله صعبه
سابع ولي و حسين بالموته غربه
مو بالمدينه يموت وكل اهله قُربه
بنص الغرب يا حيف وبحسره ميتين
......
سبط النبي و عطشان حالة وفاته
وموسى الولي مسموم هيجي جزاته
كل واحد و معروف كل تضحياته
وكلهم نسل لاطهار وبهايه طيبين
......
حزنك على الأجداد خله الگلب نار
نار الحزن متهيد من العده الجار
جور و ظلم موجود ويضد لاطهار
نوحه فلا كل نوح واثنين نوحين
......
نوح بألم و اشجان موجوده حسره
بگلبك امامي شبيه مقهور كثره
بلوعه تهلّ العين وتسيل عبره
ويّه المحب وتنوح ويّه المُعزّين
......
آه شكثر مولاي حزن و مناحه
لابن الوصي المذبوح تنزف جراحه
لو تذكر المسجون عالي السماحه
لو بالعزه موجود عند الموالين
......
شصبرك امامي شلون نص الگلب هَم
حزن و مناحه بيك قهر والم عَم
وضعك يمهدي شبيه وبفكرك الغم
والشيعه هذا اليوم لجلك منادين


مهيمن يوسف الموسوي
٢٠ رجب ١٤٤٥هـ
٢٠٢٤/٢/١م يوم الخميس ١١:٤٦م